ஜும்ஆ பயான் 30/04/2021

தலைப்பு :

ஜகாத் எனும் கடமை 2021                                     

قال الله في القران العظيم: يَمْحَقُ اللّٰهُ الرِّبٰوا وَيُرْبِى الصَّدَقٰتِ‌ وَاللّٰهُ لَا يُحِبُّ كُلَّ كَفَّارٍ اَثِيْم

அல்லாஹ் வட்டியை (அதில் எந்த பரக்கத்தும் இல்லாமல்) அழித்து விடுவான்; இன்னும் தான தர்மங்களை (பரக்கத்துகளைக் கொண்டு) பெருகச் செய்வான்; (தன் கட்டளையை) நிராகரித்துக் கொண்டிருக்கும் பாவிகள் எவரையும் அல்லாஹ் நேசிப்பதில்லை.(அல்குர்ஆன் : 2:276)

உலக மதங்களும்,சமயங்களும் தர்மம் செய்வதை சிறப்பு மற்றும் நற்குணம் என்ற ரீதியில் கூறியிருக்க,இஸ்லாமிய மார்க்கம் மட்டுமே தர்மம் செய்வதை (ஜகாதை)கடமை என்று கூறுகிறது.

இஸ்லாத்தில் தொழுகைக்கு அடுத்து மிக முக்கியமான கடமை ஜகாத் ஆகும்.தொழுகை எனும் கடமை ஹிஜ்ரத்திற்கு முன் மிஃராஜிலும்,ஜகாத் எனும் கடமை ஹிஜ்ரி 2ஆம் ஆண்டும் கடமையாக்கப்பட்டன.

குர்ஆனில் தொழுகையோடு சேர்த்து ஜகாதை குறித்து 82 இடங்களில் சொல்லப்பட்டுள்ளது.

எனவே தான் தொழுகையைப் போன்றே ஜகாதையும் அதன் சட்டத்திட்டங்களையும் அறிந்து நிறைவேற்றுவது அவசியம் என முஃபஸ்ஸிரீன்கள் கூறுகிறார்கள்.

தொழுகைக்கு பின்பு மிக முக்கிய கடமை ஜகாத் என்பதை கூறும் நபிமொழி...

أنَّ النبيَّ صَلَّى اللهُ عليه وسلَّمَ بَعَثَ مُعَاذًا رَضِيَ اللَّهُ عنْه إلى اليَمَنِ، فَقالَ: ادْعُهُمْ إلى شَهَادَةِ أنْ لا إلَهَ إلَّا اللَّهُ، وأَنِّي رَسولُ اللَّهِ، فإنْ هُمْ أطَاعُوا لذلكَ، فأعْلِمْهُمْ أنَّ اللَّهَ قَدِ افْتَرَضَ عليهم خَمْسَ صَلَوَاتٍ في كُلِّ يَومٍ ولَيْلَةٍ، فإنْ هُمْ أطَاعُوا لذلكَ، فأعْلِمْهُمْ أنَّ اللَّهَ افْتَرَضَ عليهم صَدَقَةً في أمْوَالِهِمْ تُؤْخَذُ مِن أغْنِيَائِهِمْ وتُرَدُّ علَى فُقَرَائِهِمْ  (الراوي : عبدالله بن عباس| المحدث : البخاري | المصدر:صحيح البخاري                                                

இப்னு அப்பாஸ்(ரலி) அறிவித்தார்கள்:நபி(ஸல்) அவர்கள் முஆத் இப்னு ஜபல் ரலி அவர்களை யமனுக்கு (ஆளுநராக) அனுப்பினார்கள். அப்போது அவரிடம், வணக்கத்திற்குரியவன் அல்லாஹ்வைத் தவிர யாருமில்லை; நான் இறைத்தூதர் என்ற உறுதிமொழியின் பால் அவர்களை அழைப்பீராக! இதற்கு அவர்கள் கட்டுப்பட்டால் தினமும் ஐவேளைத் தொழுகையை இறைவன் கடமையாக்கியிருக்கிறான் என்பதை அவர்களுக்கு அறிவிப்பீராக! இதற்கும் அவர்கள் கட்டுப்பட்டால் அவர்களில் செல்வந்தர்களிடம் பெற்று, ஏழைகளுக்கு வழங்குவதாக அவர்களின் செல்வத்தில் இறைவன் ஸகாத்தைக் கடமையாக்கியிருக்கிறான் என்பதை அறிவிப்பீராக!" என்று கூறினார்கள்.

ஜகாத்தின் நோக்கங்கள் இரண்டு

1)ஜகாத் கொடுப்பவரின் உள்ளத்தையும்,அவரின் பொருளாதாரத்தையும் தூய்மையாக்குகிறது மற்றும் பாவமன்னிப்பு வழங்குகிறது.

خُذْ مِنْ اَمْوَالِهِمْ صَدَقَةً تُطَهِّرُهُمْ وَتُزَكِّيْهِمْ بِهَا وَصَلِّ عَلَيْهِمْ‌ اِنَّ صَلٰوتَكَ سَكَنٌ لَّهُمْ‌ وَاللّٰهُ سَمِيْعٌ عَلِيْمٌ‏

(நபியே!) அவர்களுடைய செல்வத்திலிருந்து தர்மத்திற்கானதை எடுத்துக் கொண்டு, அதனால் அவர்களை உள்ளும் புறமும் தூய்மையாக்குவீராக, இன்னும் அவர்களுக்காகப் பிரார்த்தனை செய்வீராக; நிச்சயமாக உம்முடைய பிரார்த்தனை அவர்களுக்கு (சாந்தியும்), ஆறுதலும் அளிக்கும்; அல்லாஹ் (யாவற்றையும்) செவியுறுவோனாகவும், அறிபவனாகவும் இருக்கின்றான்.(அல்குர்ஆன் : 9:103)

2)வறுமை ஒழிப்பு:பணம் படைத்தவரிடம் மாத்திரம் பொருளாதாரம் சுருங்கிவிடாமல் சமூகத்தில் அனைவரும் பயன்பெறும் விதத்தில் பொருளாதாரம் பரவலாக்கப்பட வேண்டும். (இரத்தம் உடலில் அனைத்து உறுப்புகளுக்கும் பாய்ச்சப்படுவதை போல)

ஏதேனுமொரு உறுப்புக்கு இரத்தம் செல்வது தடைப்பட்டால் அவ்வுறுப்பு எவ்வாறு செயலிழந்து விடுமோ அது போல,ஜகாத் கொடுப்பது தடைப்பட்டால் இந்த சமுதாயம் செயலிழந்துவிடும். இதனை பின்வரும் இறை வசனம் அழகாக தெளிவுப்படுத்துகிறது.

كَىْ لَا يَكُوْنَ دُوْلَةً بَيْنَ الْاَغْنِيَآءِ مِنْكُمْ‌  

மேலும், உங்களிலுள்ள செல்வந்தர்களுக்குள்ளேயே (செல்வம்) சுற்றிக் கொண்டிருக்காமல் இருப்பதற்காக (இவ்வாறு பங்கிட்டுக் கொடுக்கக் கட்டளையிடப் பட்டுள்ளது)

உலகிலேயே ஆகச் சிறந்த வறுமை ஒழிப்புத் திட்டம் "ஜகாத்"ஆகும்.

உலகளவில் உள்ள இஸ்லாமியர்கள் தங்களின் ஜகாதை  முறையாகவும்,அமைப்பாகவும் சரிவர நிறைவவேற்றுவார்களேயானால்  இஸ்லாமியர்களிடம் வறுமையை ஒழித்து,அனைவருக்குமான தன்னிறைவான பொருளாதாரத்தையும்,சிறந்த கல்வியையும்,உயர்ந்த மருத்துவத்தையும் வழங்க முடியும்.

யதார்த்தம் என்ன?

ஜகாத் கடமையானவர்களில் பலர் ஜகாதை நிறைவேற்றுவதில்லை,அல்லது ஜகாதை நிறைவேற்றுவபரும் அதன் சட்டங்களை அறிந்து உரிய முறையில் நிறைவேற்றுவதில்லை.அதனால் உலகளவில் இஸ்லாமியர்களின் அவல நிலை குறித்து சொல்லித் தெரிய வேண்டியதில்லை.

பொருளாதார தடையினால் சோமாலியா போன்ற நாடுகளிலும்.போரினால் பாதிக்கப்பட்ட சிரியா,பலஸ்தீன்,காஸா போன்ற பல நாடுகளிலும்.உள்நாட்டு கலவரங்களால்  அகதிகளாகப்பட்ட ரோஹங்கிய முஸ்லிம்கள் வாழும் பர்மா போன்ற நாடுகளிலும்.

வாழ வழியற்றவர்களாக...

ஒரு வேலை உணவுக்கும் சிரமமான நிலையில்...

மார்பகங்கள் வற்றிய தாய்மார்கள் தங்களின் குழந்தைகளுக்கு பாலூட்ட முடியாத வேதனையில்...

வயிறுகள் ஒட்டிய நிலையில் பசியில் ஏங்கும் பிஞ்சி குழந்தைகள்...

அந்த காட்சிகள் எவரின் மனதையும் கலங்கச்செய்து விடும். 

ஏன் நம் மஹல்லாக்களில் இறைவனிடம் மட்டுமே கையேந்தப்படக்கூடிய மஸ்ஜித்களில் "குமர் காரியம்"என்றும் "மருத்துவ உதவி"என்றும் பிச்சையெடுக்கும் அவலக்குரல்களை நாம் கேட்டும் கேட்காதது மாதிரி கடந்து தானே செல்கிறோம்.

ஜகாத் நிறைவேற்றாமல் இருப்பது ஓர் சமூக பாதிப்பு என்பதால் அது குறித்த கடுமையான எச்சரிக்கைகள் குர்ஆனிலும்,ஹதீஸிலும் வந்துள்ளன.

وَالَّذِيْنَ يَكْنِزُوْنَ الذَّهَبَ وَالْفِضَّةَ وَلَا يُنْفِقُوْنَهَا فِىْ سَبِيْلِ اللّٰهِۙ فَبَشِّرْهُمْ بِعَذَابٍ اَلِيْمٍۙ‏

இன்னும் எவர்கள் பொன்னையும், வெள்ளியையும் சேமித்து வைத்துக் கொண்டு அவற்றை அல்லாஹ்வின் பாதையில் செலவிடாதிருக்கின்றார்களோ; (நபியே!) அவர்களுக்கு நோவினை செய்யும் வேதனை உண்டு என்று நன்மாராயம் கூறுவீராக!.(அல்குர்ஆன் : 9:34)

يَّوْمَ يُحْمٰى عَلَيْهَا فِىْ نَارِ جَهَـنَّمَ فَتُكْوٰى بِهَا جِبَاهُهُمْ وَجُنُوْبُهُمْ وَظُهُوْرُهُمْ‌ هٰذَا مَا كَنَزْتُمْ لِاَنْفُسِكُمْ فَذُوْقُوْا مَا كُنْتُمْ تَكْنِزُوْنَ‏

(நபியே! அவர்களுக்கு நீர் அந்த நாளை நினைவூட்டுவீராக!) அந்த நாளில் (அவர்கள் சேமித்து வைத்த செல்வத்தை) நரக நெருப்பிலிட்டுக் காய்ச்சி, அதைக் கொண்டு அவர்களுடைய நெற்றிகளிலும் விலாப்புறங்களிலும், முதுகுகளிலும் சூடு போடப்படும் - (இன்னும்) “இது தான் நீங்கள் உங்களுக்காகச் சேமித்து வைத்தது - ஆகவே நீங்கள் சேமித்து வைத்ததைச் சுவைத்துப் பாருங்கள்” (என்று கூறப்படும்).(அல்குர்ஆன் : 9:35)

விளக்கம்:யாசிப்போரை கண்டதும் முதலில் நெற்றி சுருங்கும்,அடுத்து அவர்களை புறக்கணிக்கும் விதமாக தோள்புஜங்களை திருப்பி,முதுகை காட்டிச் சென்றுவிடுவர் அதனாலே அல்லாஹ் குறிப்பாக இந்த உறுப்புகளை வேதனைச் செய்யப்படும் என்கிறான்.(معارف القرآن: ۴/۳۶۳ தஃப்ஸீர் மஆரிஃபுல் குர்ஆன் 4:363)

وَلَا يَحْسَبَنَّ الَّذِيْنَ يَبْخَلُوْنَ بِمَاۤ اٰتٰٮهُمُ اللّٰهُ مِنْ فَضْلِهٖ هُوَ خَيْـرًا لَّهُمْ‌ بَلْ هُوَ شَرٌّ لَّهُمْ‌ سَيُطَوَّقُوْنَ مَا بَخِلُوْا بِهٖ يَوْمَ الْقِيٰمَةِ ‌ وَ لِلّٰهِ مِيْرَاثُ السَّمٰوٰتِ وَالْاَرْضِ‌ وَاللّٰهُ بِمَا تَعْمَلُوْنَ خَبِيْرٌ‏

அல்லாஹ் தன் அருளினால் தங்களுக்குக் கொடுத்திருக்கும் பொருட்களில் யார் உலோபத்தனம் செய்கிறார்களோ அது தமக்கு நல்லது என்று (அவர்கள்) நிச்சயமாக எண்ண வேண்டாம் - அவ்வாறன்று அது அவர்களுக்குத் தீங்குதான்; அவர்கள் உலோபத்தனத்தால் சேர்த்து வைத்த (பொருட்கள்) எல்லாம் மறுமையில் அவர்கள் கழுத்தில் அரிகண்டமாக போடப்படும்; வானங்கள், பூமி ஆகியவற்றில் (இருக்கும் அனைத்துக்கும்) அனந்தர பாத்தியதை அல்லாஹ்வுக்கே உரியதாகும். அல்லாஹ் நீங்கள் செய்பவற்றையெல்லாம் அறிகிறான்.(அல்குர்ஆன் : 3:180)

இந்த வசனத்திற்கு விளக்கமாக ஒரு ஹதிஸில் வருகிறது.

مَن آتَاهُ اللَّهُ مَالًا، فَلَمْ يُؤَدِّ زَكَاتَهُ مُثِّلَ له مَالُهُ يَومَ القِيَامَةِ شُجَاعًا أقْرَعَ له زَبِيبَتَانِ يُطَوَّقُهُ يَومَ القِيَامَةِ، ثُمَّ يَأْخُذُ بلِهْزِمَتَيْهِ - يَعْنِي بشِدْقَيْهِ - ثُمَّ يقولُ أنَا مَالُكَ أنَا كَنْزُكَ، ثُمَّ تَلَا: (لَا يَحْسِبَنَّ الَّذِينَ يَبْخَلُونَ) الآيَةَ.   الراوي : أبو هريرة | المحدث : البخاري | المصدر : صحيح البخاري 

இறைத்தூதர்(ஸல்) அவர்கள் கூறினார்கள்: அல்லாஹ் யாருக்கேனும் செல்வதைக் கொடுத்து அவன் அதற்கான ஜகாத்தை நிறைவேற்றவில்லையாயின் கியாமத் நாளில் அச்செல்வம் கடுமையான நஞ்சுடைய பாம்பாக மாறும். அது அவனுடைய கழுத்தில் சுற்றிக் கொண்டு தன்னுடைய இரண்டு விஷப் பற்களால் அவனுடைய தாடையைக் கொத்திக் கொண்டே, `நானே உன்னுடைய செல்வம்" `நானே உன்னுடைய புதையல்" என்று கூறும்." இதைக்கூறிவிட்டு,

وَلَا يَحْسَبَنَّ الَّذِيْنَ يَبْخَلُوْنَ بِمَاۤ اٰتٰٮهُمُ اللّٰهُ مِنْ فَضْلِهٖ" என்ற (திருக்குர்ஆன் 03:180) வசனத்தை ஓதினார்கள். (அறிவிப்பவர்:அபூ ஹுரைரா(ரலி) அவர்கள்.)

முன் வாழ்ந்த சமூகங்களிலும் ஜகாத்

ஜகாத் நமக்கு மட்டுமல்ல முன் வாழ்ந்த சமூகத்தவர்களுக்கும் கடமையாக இருந்ததாக குர்ஆன் கூறுகிறது.

நபி இப்ராஹீம்,இஸ்ஹாக்,யஃகூப் (அலைஹிமுஸ்ஸலாது வஸ்ஸலாம்)ஆகிய நபிமார்கள் ஜகாத் கொடுப்பாவர்களாக இருந்தார்கள்.

وَجَعَلْنٰهُمْ اَٮِٕمَّةً يَّهْدُوْنَ بِاَمْرِنَا وَاَوْحَيْنَاۤ اِلَيْهِمْ فِعْلَ الْخَيْرٰتِ وَاِقَامَ الصَّلٰوةِ وَاِيْتَآءَ الزَّكٰوةِ‌ وَكَانُوْا لَـنَا عٰبِدِيْنَ ۙ‌‏

இன்னும் நம் கட்டளையைக் கொண்டு (மக்களுக்கு) நேர்வழி காட்டும் இமாம்களாக - தலைவர்களாக - நாம் அவர்களை ஆக்கினோம்; மேலும், நன்மையுடைய செயல்களை புரியுமாறும், தொழுகையைக் கடைப்பிடிக்குமாறும், ஜகாத்தை கொடுத்து வருமாறும், நாம் அவர்களுக்கு வஹீ மூலம் அறிவித்தோம் - அவர்கள் நம்மையே வணங்குபவர்களாக இருந்தனர்.(அல்குர்ஆன் : 21:73)

நபி இஸ்மாயீல் (அலை)அவர்கள்...

وَ كَانَ يَاْمُرُ اَهْلَهٗ بِالصَّلٰوةِ وَالزَّكٰوةِ وَكَانَ عِنْدَ رَبِّهٖ مَرْضِيًّا‏

அவர் தம் குடும்பத்தினரைத் தொழுகையைக் கடைப்பிடிக்கவும், ஜகாத்து கொடுத்து வரும்படியும் ஏவுபவராக இருந்தார்; தம் இறைவனிடத்தில் மிகவும் விரும்பப்பட்டவராகவும் அவர் இருந்தார்.(அல்குர்ஆன் : 19:55)

நபி ஈஸா(அலை)அவர்கள்...

وَّجَعَلَنِىْ مُبٰـرَكًا اَيْنَ مَا كُنْتُ وَاَوْصٰنِىْ بِالصَّلٰوةِ وَالزَّكٰوةِ مَا دُمْتُ حَيًّا ‌ ‏

“இன்னும், நான் எங்கிருந்தாலும், அவன் என்னை முபாரக்கானவனாக (நற்பாக்கியமுடையவனாக) ஆக்கியிருக்கின்றான்; மேலும், நான் உயிருடன் இருக்கும் காலமெல்லாம் தொழுகையையும், ஜகாத்தையும் (நிறை வேற்ற) எனக்கு வஸீய்யத் செய்து (கட்டளையிட்டு) இருக்கின்றான்.(அல்குர்ஆன் : 19:31)

ஜகாத்தை கொடுக்க மறுப்பது...

زکات کا فرض ہونا قرآن سے ثابت ہے ،اس کا اِنکار کرنے والا کافر ہے ۔

குர்ஆன், ஜகாதை  கடமை என வலியுறுத்தி கூறுவதால் ஜகாதை மறுப்பவன் காஃபிராகி விடுவான்.

الفتاویٰ الھندیۃ،کتاب الزکات ،الباب الاول،ج۱،ص۷۰ ۱)

அதனால் தான் ஹழ்ரத் அபூ பக்ர்(ரலி)அவர்கள்  ஜகாத் கொடுக்க மறுப்போருடன் போர் பிரகடனம் செய்தார்கள்.

அபூ ஹுரைரா(ரலி) அறிவித்தார்கள்:

நபி(ஸல்) அவர்கள் மரணித்து அபூபக்ர்(ரலி) (ஆட்சிக்கு) வந்ததும் அரபிகளில் சிலர் (ஸகாத்தை மறுத்தன் மூலம்) இறை மறுப்பாளர்களாகிவிட்டனர். (அவர்களுடன் போர் தொடுக்க அபூ பக்ர்(ரலி) தயாரானார்கள்.            

அப்போது (உமர்(ரலி), அவர்கள் "லா இலாஹ இல்லல்லாஹ்" கூறியவர் தம் உயிரையும் உடைமையையும் என்னிடமிருந்து காத்துக் கொண்டார்" "எனினும் தண்டனைக்குரிய குற்றம் புரிந்தவரைத் தவிர, அவரின் விசாரணை அல்லாஹ்விடமே உள்ளது" என்று நபி(ஸல்) அவர்கள் கூறியிருக்கும்போது, நீங்கள் எவ்வாறு இந்த மக்களுடன் போரிட முடியும்?` என்று கேட்டார்.  அந்நேரத்தில் அபூபக்ர்(ரலி), உமர் (ரலி) அவர்களை நோக்கி, `அல்லாஹ்வின் மீது ஆணையாக, தொழுகையையும் ஸகாத்தையும் பிரித்துப் பார்ப்போருடன் நிச்சயமாக நான் போரிடுவேன். ஸகாத் செல்வத்திற்குரிய கடமையாகும்; அல்லாஹ்வின் மீது ஆணையாக! நபி(ஸல்) அவர்களிடம் வழங்கி வந்த ஓர் ஒட்டகக் குட்டியை இவர்கள் வழங்க மறுத்தால் கூட அதை மறுத்தற்காக நான் இவர்களுடன் போரிடுவேன்" என்றார். இது பற்றி உமர்(ரலி), `அல்லாஹ்வின் மீது ஆணையாக! அபூபக்ரின் இதயத்தை (தீர்க்கமான தெளிவைப் பெரும் விதத்தில்) அல்லாஹ் விசாலாமாக்கியிருந்தாலேயே இவ்வாறு கூறினார். அவர் கூறியதே சரியானது என நான் விளங்கிக் கொண்டேன்" என்றார்.(நூல்:புகாரி,1399)

ஜகாத்தின் சிறப்புகள்

1)ஜகாத் என்ற சொல்லுக்கு  النماء والزيادة والبركة வளருதல்,பெருகுதல்,அபிவிருத்தி ஆகிய  பொருள்கள் கூறப்படும்.

ஜகாத் கொடுப்பதால் பொருளாதாரம் வளரும்,இன்னும் (பரகத்)அபிவிருத்தியாகும்.

يَمْحَقُ اللّٰهُ الرِّبٰوا وَيُرْبِى الصَّدَقٰتِ‌ وَاللّٰهُ لَا يُحِبُّ كُلَّ كَفَّارٍ اَثِيْمٍ‏

அல்லாஹ் வட்டியை (அதில் எந்த பரக்கத்தும் இல்லாமல்) அழித்து விடுவான்; இன்னும் தான தர்மங்களை (பரக்கத்துகளைக் கொண்டு) பெருகச் செய்வான்; (தன் கட்டளையை) நிராகரித்துக் கொண்டிருக்கும் பாவிகள் எவரையும் அல்லாஹ் நேசிப்பதில்லை.(அல்குர்ஆன் : 2:276)

2)ஒன்றுக்கு பகரமாக 700 மடங்கு நன்மை கிடைக்கிறது. இஃதன்றி அவரின் மனத்தூய்மையை கவனித்து இதனையும் காண அதிகம் கிடைக்கும்.

مَثَلُ الَّذِيْنَ يُنْفِقُوْنَ اَمْوَالَهُمْ فِىْ سَبِيْلِ اللّٰهِ كَمَثَلِ حَبَّةٍ اَنْبَتَتْ سَبْعَ سَنَابِلَ فِىْ كُلِّ سُنْبُلَةٍ مِّائَةُ حَبَّةٍ‌ وَاللّٰهُ يُضٰعِفُ لِمَنْ يَّشَآءُ‌  وَاللّٰهُ وَاسِعٌ عَلِيْمٌ‏

அல்லாஹ்வின் பாதையில் தங்கள் செல்வத்தைச் செலவிடுபவர்களுக்கு உவமையாவது: ஒவ்வொரு கதிரிலும் நூறு தானிய மணிகளைக் கொண்ட ஏழு கதிர்களை முளைப்பிக்கும் ஒரு வித்தைப் போன்றது; அல்லாஹ் தான் நாடியவர்களுக்கு (இதை மேலும்) இரட்டிப்பாக்குகின்றான்; இன்னும் அல்லாஹ் விசாலமான (கொடையுடைய)வன்; யாவற்றையும் நன்கறிபவன்.(அல்குர்ஆன் : 2:261)

3)ஜகாத் வழங்குபவருக்கு நம் நாயகம் (ஸல்)அன்னவர்களின் மேலான துஆ கிடைக்கிறது.

குர்ஆனில் ஜகாத் கொடுப்பவருக்காக அல்லாஹ்வே நபி(ஸல்)அவர்களை  துஆ செய்யுமாறு சொல்கிறான்.

اِنَّ صَلٰوتَكَ سَكَنٌ لَّهُمْ‌ وَاللّٰهُ سَمِيْعٌ عَلِيْمٌ‏ 

இன்னும் அவர்களுக்காகப் பிரார்த்தனை செய்வீராக; நிச்சயமாக உம்முடைய பிரார்த்தனை அவர்களுக்கு (சாந்தியும்), ஆறுதலும் அளிக்கும்; அல்லாஹ் (யாவற்றையும்) செவியுறுவோனாகவும், அறிபவனாகவும் இருக்கின்றான்.(அல்குர்ஆன் : 9:103)

4)ஜகாத் தீங்குகள்,ஆபத்துக்களை விட்டும் காக்கிறது

مَنْ أَدَّی زَکَاةَ مَالِهِ فَقَدْ ذَهَبَ عَنْهُ شَرُّهُ.

(اخرجه ابن خزيمة فی الصحيح، 4 /13، الرقم: 2258)

நபிஸல் அவர்கள் சொன்னார்கள்: "எவர் தன் பொருளின் ஜகாதை நிறைவேற்றினாரோ அவரை விட்டும் அதன் தீங்கு கழிந்துவிடுகிறது."

ஆக ஜகாதை நிறைவேற்ற வில்லையெனில் அது தீங்காகவும்,ஆபத்தாகவும்.நோயாகவும் வந்துவிடியும்.

5)ஜகாத் பொருளாதாரத்தின் பாதுகாப்பு அரணாக அமைகிறது.

عن حسن البصري رضي الله عنه قال قال النبي صلی اللہ علیہ والہ وسلم :حَصِّنُوْا أَمْوَالَکُمْ بِالزَّکَاةِ، وَدَاوُوْا أَمْرَاضَکُمْ بِالصَّدَقَةِ، وَاسْتَقْبِلُوْا أَمْوَاجَ الْبَـلَاءِ بِالدُّعَاءِ وَالتَّضَرُّعِ.(اخرجه ابوداود فی السنن، کتاب: المراسيل: 133)

"ஜகாதைக் கொண்டு உங்களின் பொருளாதாரத்தை பாதுகாத்துக் கொள்ளுங்கள்.ஸதகாவைக் கொண்டு உங்களின் நோயாளிகளுக்கு மருந்து கொடுங்கள்.சோதனை அலைகளை துஆவையும்,பனிவையும் கொண்டு எதிர்க்கொள்ளுங்கள்."என நபி (ஸல்)அவர்கள் சொன்னார்கள் (அறிவிப்பவர்:ஹஸன் பஸிரி (ரலி)அவர்கள்.)

ஜகாதின் சட்டங்களில் சில...

ஜகாத் யார் மீது கடமை

ஜகாத் கடமையாகும் நபரிடம் இருக்க வேண்டிய தன்மைகள்.

1) الاسلام :முஸ்லிமாக இருக்க வேண்டும்

2) الحرية  :சுதந்திரமானவராக இருக்க வேண்டும்(தற்காலத்தில் எல்லோரும் சுதந்திரமானவர்களே) 

3) العاقل   :அறிவுள்ளவராக இருத்தல் எனவே பைத்தியம், புத்தி சுவாதீனம் இல்லாதவர்கள் மீது ஜகாத் கடமையில்லை.

4)البالغ     :பருவமடைந்தவராக இருத்தல்.

5)ملك النصاب  :கடமையாகும் அளவுக்கு செல்வமும் வைத்திருக்க வேண்டும் அச்செல்வம் சுய தேவைகள்,கடன் போக மீதமுள்ளதாக இருப்பதோடு அதன் மீது வருடமும் பூர்த்தியாகி இருக்க வேண்டும்.(நூல்;துர்ருல் முக்தார் மஅரத்-2/263)

ஜகாத் கடமையாகும் பொருட்கள்

மூன்று விதமான பொருட்களின் மீது ஜகாத் கடமையாகும்.

1)தங்கம்,வெள்ளி அல்லது பணம்.

2)வியாபாரப் பொருட்கள்.

3)வளர்ப்புப் பிராணிகளான ஆடு,மாடு,ஒட்டகம்.

இப்பொருட்கள் எவ்வளவு இருந்தால் கடமையாகும்?

தங்கம்:87 கிராம் 480 மில்லி கிராம்(சுமார் 11 சவரனுக்குச் சமம்.)

வெள்ளி:612 கிராம் 360 மில்லி கிராம்

பணம்: வங்கியில் சேமித்து வைத்துள்ள பணம் 612 கிராம் 360 மி.கிராம் வெள்ளியின் விலைக்கு சமமாகவோ அல்லது அதிகமாகவோ இருந்தால் அதன் மீது ஜகாத் கடமையாகும்.

கம்பெனியில்,கடையில் உள்ள வியாபாரப் பொருட்கள் 612 கிராம் 360 மி.கிராம் வெள்ளியின் விலை அளவுக்கு இருந்தால் அதன் மீது ஜகாத் கடமையாகும்.

இந்த வியாபாரப் பொருட்கள் நிஸாபின் அளவை விட குறைவாக இருந்தால் ஜகாத் கடமையாகாது.

ஜகாத் நிஸாபில் எவ்வளவு தரவேண்டும்......

                தங்கம்  GOLD

தங்கத்திலிருந்து வழங்க வேண்டிய ஜகாத்து 2.5 சதவீதம் ஆகும். எனவே ஜகாத்து கடமையான குறைந்தபட்ச அளவாகிய 87 கிராம் தங்கத்தை வைத்திருப்பவர்கள், அதிலிருந்து 2 கிராம் 125 மி. கிராம் தங்கத்தை ஜக்காத்தாக வழங்க வேண்டும்.

இந்தியாவில் சென்னை 27.04.2021 நிலவரப்படி (தங்கம் விலை பட்டியல்: 24 கேரட்1 கிராம் 4,463  - - 8 கிராம் 35,704 

ஜகாத் கடமை 87 கிராம்

87※4463=388281

87 கிராம் விலை 388281ரூபாய் வைத்திருப்போர் 2.5% ஜகாத் கொடுக்க வேண்டும்.

388281※2.5÷100=7766/- ஜகாத் வழங்கவேண்டும்.

            வெள்ளி   SILVER

வெள்ளியிலிருந்து வழங்கவேண்டிய ஜகாத்தும் 2.5 சதவீதம் ஆகும். எனவே, ஜகாத்து கடமையான குறைந்த பட்ச அளவாகிய 612 கிராம் வெள்ளியை வைத்திருப்பவர்கள்  15 கிராம் வெள்ளியை ஜக்காத்தாக கொடுக்க வேண்டும்

வெள்ளி சுமார் 612 கிராம்கள் ஆகும். இதில் 2.5 சதவீதம் – 15 கிராம் வெள்ளியை ஜகாத்தாகக் கொடுக்க வேண்டும். அல்லது அன்றைய சந்தை நிலவரப்படி வெள்ளியின் விலையை மதிப்பிட்டு 15 கிராம் எடையின் வெள்ளிக்கான ரூபாயை ஜகாத்தாகக் கொடுக்கலாம்.

இந்தியாவில் சென்னை  27.04.2021 நிலவரப்படி வெள்ளி விலை பட்டியல்:

1 கிராம் 74.00

1 கிலோ 74,000வெள்ளியில் ஜகாத் கடமை=612 கிராம் வைத்து இருந்தால்

2.5% ஜகாத் வழங்கவேண்டும்1 கிராம் வெள்ளி விலை 74ரூ

612 கிராம் வெள்ளி விலை

74※612=45288

45288※2.5÷100=1133/-ரூபாய்

ஜகாத் வெள்ளியில் கொடுக்க வேண்டும்.

ஜகாத் கடமையாகாத பொருட்கள்.

அதிக விலை உள்ளதாக இருந்தாலும் ஜகாத் கடமையாகாத பொருட்கள்.

1)குடியிருக்கும் வீடு 

2)வாடகைக்கு விட்டிருக்கும் வீடு எத்தனையிருந்தாலும் ஜகாத் கடமை இல்லை(ஆனால் வாடகை பெறும் தொகை நிஸாப் அளவு இருந்தால் அந்த பொருளுக்கு ஜகாத் உண்டு)

3)தேவைக்காக வாங்கப்பட்ட காலி நிலங்கள்(ஆனால் ரியல் எஸ்டேட் போன்ற வியாபார நோக்கங்களுக்கு வாங்கிய நிலங்களுக்கு ஒவ்வொரு வருடமும் அதன் மார்கெட் விலைக்கேற்ப ஜகாத் கடமையாகும்)

4)உபயோகப்படுத்தும் துணிமணி போன்றவைகள்.

5)வீட்டு உபயோக பொருட்கள் ஃபிரிஜ்,வாஷிங்மிஷின்,கம்ப்யூட்டர்,மொபைல்ஃபோன் போன்றவை.

6)வாகனங்கள்,மோட்டர் சைக்கிள் போன்றவை.

7)வீட்டில் வைத்திருக்கும் உணவுக்கு தேவையான பொருட்கள்.

8)தொழிற்சாலைகளில் உபயோகமாகும் இயந்திரங்கள் எவ்வளவு விலையுயர்ந்ததாக இருந்தாலும் ஜகாத் கடமையில்லை.

9)தங்கம்,வெள்ளி இரண்டின் மீது தான் ஜகாத் கடமை எனவே முத்து,பவளம்,வைடூரியம்,வைரம் போன்றவைகள் வியாபார நோக்கமின்றி உபயோகத்திற்காக வாங்கியிருந்தால் அதிக விலைமதிப்புள்ளதாக இருந்தாலும் ஜகாத் கடமையாகாது.

ஜகாத் பெற தகுதியானவர்கள்

எட்டு பிரிவினரை குர்ஆன் வகைப்படுத்துகிறது.

اِنَّمَا الصَّدَقٰتُ لِلْفُقَرَآءِ وَالْمَسٰكِيْنِ وَالْعٰمِلِيْنَ عَلَيْهَا وَالْمُؤَلَّـفَةِ قُلُوْبُهُمْ وَفِى الرِّقَابِ وَالْغٰرِمِيْنَ وَفِىْ سَبِيْلِ اللّٰهِ وَابْنِ السَّبِيْلِ‌ فَرِيْضَةً مِّنَ اللّٰهِ‌ وَاللّٰهُ عَلِيْمٌ حَكِيْمٌ‏

ஜகாத் எனும் தானம்....

1)தரித்திரர்களுக்கும், (பரம ஏழை)

2)ஏழைகளுக்கும்,(ஜகாத் நிஸாப் அளவு பொருளாதாரம் இல்லாதவர்கள்) 

3)தானத்தை வசூல் செய்யும் ஊழியர்களுக்கும்,(இஸ்லாமிய ஆட்சியில் ஜகாத்,சதகா போன்றவற்றை மக்களிடம் ரூபாய் வசூல் செய்து பைதுல்மாலில் சேர்ப்பவர்கள்.

(தற்காலத்தில் மதரஸா,மஸ்ஜிதுகளுக்கு சந்தா வசூலிப்பவர்கள் இதில் கட்டுப்படமாட்டார்கள்.எனவே அவர்களுக்கு தனியாக சம்பளம் கொடுக்க வேண்டும்)

4)இஸ்லாத்தின் பால் அவர்கள் உள்ளங்கள் ஈர்க்கப்படுவதற்காகவும், (மாற்று மத சகோதரர்களுக்கு ஜகாத் கொடுப்பது. ஆரம்ப காலத்தில் இதற்கு அனுமதி இருந்தது.பிற்காலத்தில் இது தடைசெய்யப்பட்டு விட்டது.இப்போது எந்த முஸ்லிம் அல்லாதவருக்கும் ஜகாத் கொடுக்க அனுமதி இல்லை.)

5)அடிமைகளை விடுதலை செய்வதற்காகவும்,(தற்காலத்தில் அடிமைகள் இல்லாததால் இது செயல்பாட்டில் இல்லை)

 6)கடன் பட்டிருப்பவர்களுக்கும், (ஏழ்மையின் காரணமாக கடனை அடைக்க முடியாமல் சிரமப்படும் கடனாளிகளுக்கு உதவி செய்வது)

7)அல்லாஹ்வின் பாதையில் (போர் புரிவோருக்கும்), (ஆயுதங்களை வாங்க வசதியில்லாத போராளிகளுக்கு ஜகாத் கொடுப்பது அல்லது குர்ஆன்,ஹதீஸை கற்பதில் மூழ்கியிருக்கும் மாணவர்களுக்கு கொடுப்பது)

8)வழிப்போக்கர்களுக்கும் .      (பயணத்தில் தேவையான பணமின்றி தவிப்பவர்.தனது ஊரில் பெரிய செல்வந்தராக இருந்தாலும் பயணத்தில் இவர் ஜகாத் பெற தகுதியானவராகி விடுகிறார்)(அல்குர்ஆன் : 9:60 -தஃப்ஸீர் மஆரிஃபுல் குர்ஆன் 4:392)

உறவினர்களில் யாருக்கு ஜகாத் கொடுக்கலாம்?யாருக்கு  கொடுக்கக் கூடாது?

இரண்டுவகையான உறவினர்களுக்கு ஜகாத் கொடுக்க அனுமதி இல்லை.

1)பிறப்போடு தொடர்புடையவர்கள்.

 اصول தந்தை,தாய்,தாதா,தாதி,நண்ணா நண்ணிமா, மேலே வரை........   

 فروعமகன்,மகள்,பேரன்,பேத்தி,கடைசி வரை.....

2)தாம்பத்ய தொடர்புடையவர்கள்:அதாவது கணவன் மனைவி.

இதை தவிர்த்து மற்ற எல்லா உறவினர்களுக்கும் தேவையுடையவர்களாக இருந்தால் ஜகாத் கொடுக்க அனுமதி உள்ளது.

சகோதரன்,சகோதரி,தந்தையின் சகோதரர்,சகோதரி,தாயின் சகோதர,சகோதரிகள்,சகோதரரின் பிள்ளைகள் என்று எல்லா உறவினர்களுக்கும் ஜகாத் கொடுக்கலாம்(ஃபதாவா ஆலம்கீர் 1:190)

இன்னும் சொன்னால் ஜகாதை நிறைவேற்றிய நன்மை,உறவினர்களை ஆதரித்த நன்மை என இரட்டிப்பான நன்மைகள் கிடைப்பதால் உறவினர்களுக்கு ஜகாத் கொடுப்பதே சிறந்தது.(திர்மிதி 1:142)

மாற்றாந்தாய், மருமகள்,        மருமகனுக்கும் ஜகாத் கொடுக்கலாம்.(ஷாமி 3:293)

அல்லாஹ் நமது கரங்களை மேலான கொடுக்கும் கரங்களாக்கி வைப்பானாக!ஆமீன்...

வெளியீடு: செங்கல்பட்டு & காஞ்சிபுரம் மாவட்ட ஜமாஅத்துல் உலமா சபை.

         

ஜும்ஆ பயான் 23/04/2021

தலைப்பு:

        பாவத்தை கரிக்கும் ரமலான்

ரமலானின் மூலச்சொல் رمض என்பதாகும். ரமல் رمض என்றால் கரிக்குதல் என்று பொருள்.நெருப்பு விறகை எரித்து சாம்பலாக்கி விடுவதுப்போல், ரமலானும் பாவத்தை எரித்து சாம்பலாக்கி விடுகிறது.இதன் காரணமாகவே ரமலான் மாதத்தின் நடுப்பகுதி நாட்களில், அல்லாஹ் தன் அடியார்களுக்கு பிரத்தியேகமாக பாவமன்னிப்பை அதிகமாக வழங்குகிறான்.

ரமலான் அது பாவமன்னிப்பின் மாதம்;

عَنْ أَبِي هُرَيْرَةَ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: مَنْ صَامَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ رواه البخاري (38)، ومسلم (760).

நபி( ஸல்) அவர்கள் சொன்னார்கள்:எவர் ரமலான் மாதத்தில் நம்பிக்கையோடும்,நன்மையை நாடியும், நோன்பு நோற்றாரோ,அவர் முன்செய்த பாவங்கள் (அனைத்தும்) மன்னிக்கப்படும். (நூல் :புகாரி, முஸ்லிம்)

பாவமன்னிப்பு வழங்கப்படுகிற மாதத்தில் கூட பாவமன்னிப்பு கேட்காதவரும்,பாவமன்னிப்பு பெறாதவரும் யார் தெரியுமா?

 1,அவர் நபியின் சாபத்திற்குரியவர்

أن النبي صلى الله عليه وسلم قال : «رَغِمَ أَنْفُ رَجُلٍ دَخَلَ عَلَيْهِ رَمَضَانُ ثُمَّ انْسَلَخَ قَبْلَ أَنْ يُغْفَرَ لَهُ»رواه الترمذي (3545)

ரமலான் மாதத்தை பெற்ற ஒருவன், அவன் பாவங்கள் மன்னிக்கப்படுவதற்கு முன்பே,அம்மாதம் அவனை விட்டும் கழிந்துவிட்டால், அம் மனிதனுக்கு நாசம் உண்டாகட்டும்".என நபி (ஸல் )அவர்கள் கூறினார்கள்.(நூல் :திர்மிதீ).

2,அவர் நஷ்டவாளி

قال صلى الله عليه وسلم"رغم انف امرئ ثم رغم انف امرئ ثم رغم انف امرى قال الصحابة"خاب وخسر يا رسول الله,من هو؟" قال "من ادرك رمضان ولم يغفر له"

ஒரு மனிதன் நாசம் அடைந்தான் என்று நபி(ஸல்)அவர்கள் மூன்றுமுறை கூறியபோது நஷ்டமடைந்த அந்த மனிதன் யார்? என ஸஹாபாக்கள் வினவினர்.அதற்கு நபி(ஸல்) அவர்கள்,எந்த மனிதர் ரமழான் மாதத்தை அடைந்தும்  தன் பாவங்களுக்கு மன்னிப்பு பெறவில்லையோ அவன் தான் நஷ்டமைந்தவன் என்றார்கள்.

பாவமன்னிப்பு என்றால் என்ன?

التوبة لغة: من تاب يتوب ، إذا رَجع   وشرعًا : الرجوع من معصية الله تعالى إلى طاعته

قال النووي – رحمه الله - تعالى قَالَ العلماءُ: التَّوْبَةُ وَاجبَةٌ مِنْ كُلِّ ذَنْب، فإنْ كَانتِ المَعْصِيَةُ بَيْنَ العَبْدِ وبَيْنَ اللهِ تَعَالَى لاَ تَتَعلَّقُ بحقّ آدَمِيٍّ، فَلَهَا ثَلاثَةُ شُرُوط:

أحَدُها: أنْ يُقلِعَ عَنِ المَعصِيَةِ   .والثَّانِي: أَنْ يَنْدَمَ عَلَى فِعْلِهَا .والثَّالثُ: أنْ يَعْزِمَ أَنْ لا يعُودَ إِلَيْهَا أَبَدًا.فَإِنْ فُقِدَ أَحَدُ الثَّلاثَةِ لَمْ تَصِحَّ تَوبَتُهُ.

அரபி அகராதியின் படி தவ்பா என்றால் "மீள்வது"என்ற பொருள் கொண்ட வார்த்தையாகும்.

ஷரீஅத்தின் படி தவ்பா என்றால் "பாவங்களிலிருந்து அல்லாஹ்வுடைய வணக்கங்களின் பக்கம் மீள்வது"என்பதாகும்.

இமாம் நவவீ(ரஹ்) அறிஞப் பெருமக்கள் கூறுவதாக"

பாவமன்னிப்பு  என்பது,"தான் செய்த பாவங்களில் மனித உரிமை சம்பந்தப்படாத வகையில் எந்த பாவங்கள் இருக்கின்றனவோ,அவை அனைத்திற்கும் அல்லாஹ்விடம் பாவமன்னிப்பு கேட்பது"ஓர் அடியானின் கடமையாகும்.அதற்கு மூன்று நிபந்தனைகள் உண்டு.

1,பாவத்தை விட்டும் முற்றிலும் நீங்குவது.

2,அவற்றைச் செய்தது குறித்து கவலைப்படுவது.

3,எக்காலமும் இனி பாவம் செய்யாமல் இருப்பது என உறுதி கொள்வது.

இந்த மூன்று நிபந்தனைகளில் ஒன்று இல்லாமல் போனாலும் பாவமன்னிப்பு முழுமையடையாது.

இந்த நிபந்தனைகளை பாவமன்னிப்பை கேட்பவர் பின்பற்றியே ஆக வேண்டும்.அப்பொழுது தான் அவரின் தவ்பா செம்மையாகும்.

நபிமார்களின் பாவமன்னிப்புகள்

ஆதம்(அலை)

قَالَا رَبَّنَا ظَلَمْنَاۤ اَنْفُسَنَا ٚ وَاِنْ لَّمْ تَغْفِرْ لَـنَا وَتَرْحَمْنَا لَـنَكُوْنَنَّ مِنَ الْخٰسِرِيْنَ‏

அதற்கு அவர்கள்: “எங்கள் இறைவனே! எங்களுக்கு நாங்களே தீங்கிழைத்துக் கொண்டோம் - நீ எங்களை மன்னித்துக் கிருபை செய்யாவிட்டால், நிச்சயமாக நாங்கள் நஷ்டமடைந்தவர்களாகி விடுவோம்” என்று கூறினார்கள்.(அல்குர்ஆன் : 7:23)

இப்ராஹிம்(அலை)

وَتُبْ عَلَيْنَا اِنَّكَ اَنْتَ التَّوَّابُ الرَّحِيْمُ‏

(நாங்கள் தவறிழைத்து விட்டாலும்) எங்களை நீ மன்னிப்பாயாக! நிச்சயமாக நீதான் மிக மன்னிப்பவனும், நிகரற்ற அன்புடையவனுமாக இருக்கின்றாய்.(அல்குர்ஆன் : 2:128)

மூஸா(அலை)

قَالَ رَبِّ اغْفِرْ لِىْ وَلِاَخِىْ وَ اَدْخِلْنَا فِىْ رَحْمَتِكَ ‌ وَاَنْتَ اَرْحَمُ الرّٰحِمِيْنَ‏

(பிறகு மூஸா இறைவனை நோக்கி) "என் இறைவனே! எனக்கும் என் சகோதரருக்கும் நீ பிழை பொருத்தருள்வாயாக! உன்னுடைய அன்பிலும் எங்களை சேர்த்துக் கொள்வாயாக! நீ கிருபை செய்பவர்களிலெல்லாம் மிக்க கிருபையாளன்" என்று (பிரார்த்தனை செய்து) கூறினார்.(அல்குர்ஆன் : 7:151)

சுலைமான்(அலை)

قَالَ رَبِّ اغْفِرْ لِىْ وَهَبْ لِىْ مُلْكًا لَّا يَنْبَغِىْ لِاَحَدٍ مِّنْ بَعْدِىْ‌ اِنَّكَ اَنْتَ الْوَهَّابُ‏

ஆகவே, அவர்(சுலைமான்) "என் இறைவனே! என்னுடைய குற்றங்களை   மன்னித்து விடு! எனக்குப் பின்னர் எவருமே அடைய முடியாத ஓர் ஆட்சியை எனக்கு நீ அளித்தருள் புரிவாயாக! நிச்சயமாக நீ பெரும் கொடையாளி" என்று பிரார்த்தனை செய்தார்.(அல்குர்ஆன் : 38:35)

இவர்களை தவிர்த்து நூஹ்(அலை), யூனுஸ்(அலை),தாவூத்(அலை) என எல்லா நபிமார்களும் அல்லாஹ்விடம் பாவமன்னிப்பை கேட்டார்கள்.

ஏன்  முன்பின் பாவங்கள் மன்னிக்கப்பட்ட நம் உயிரிலும் மேலான நபி(ஸல்) அவர்கள்

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: ((يَا أَيُّهَا النَّاسُ تُوبُوا إِلَى اللَّهِ فَإِنِّي أَتُوبُ فِي الْيَوْمِ إِلَيْهِ مِائَةَ مَرَّةٍ)).

அல்லாஹ்வின் தூதர் (ஸல்) அவர்கள் கூறினார்கள்:

மக்களே! அல்லாஹ்விடம் பாவமன்னிப்புக் கோருங்கள்.  ஏனெனில், "நான் ஒவ்வொரு நாளும் அவனிடம் நூறுமுறை பாவமன்னிப்புக் கோருகிறேன்"என்றார்கள்.(ஸஹீஹ் முஸ்லிம் : 5235)

மேற்கூறிய ஹதிஸ் நம் அனைவருக்கும் பாவமன்னிப்பின் முக்கியத்துவத்தை மிக அழுத்தமாக வலியுறுத்துகிறது.

பாவமன்னிப்பு கேட்பதினால் ஏற்படும் பலன்கள்

1,அல்லாஹ்வின் ரஹ்மத் கிடைக்கும்

அல்லாஹ் தன் திருமறையில்

وَ مَنْ يَّعْمَلْ سُوْٓءًا اَوْ يَظْلِمْ نَفْسَهٗ ثُمَّ يَسْتَغْفِرِ اللّٰهَ يَجِدِ اللّٰهَ غَفُوْرًا رَّحِيْمًا‏

எவரேனும் ஒரு தீமையைச் செய்துவிட்டு, அல்லது தமக்குத் தாமே அநியாயம் செய்து பின்னர் அவர் (மனப்பூர்வமாக) அல்லாஹ்விடம் மன்னிப்புக் கேட்பாரானால் அவர் - அல்லாஹ்வை மன்னிப்பவனாகவும் மிக்க கருணை உடையவனாகவும் காண்பார்.(அல்குர்ஆன் : 4:110) என்று அல்லாஹ் கூறுகிறான்.

2,மழையை பெற்றுக்கொள்ளலாம்.

فَقُلْتُ اسْتَغْفِرُوْا رَبَّكُمْ اِنَّهٗ كَانَ غَفَّارًا ۙ‏

மேலும், “நீங்கள் உங்களுடைய இறைவனிடம் மன்னிப்புத் தேடுங்கள்; நிச்சயமாக அவன் மிகவும் மன்னிப்பவன்” என்று கூறினேன்.(அல்குர்ஆன் : 71:10)

يُّرْسِلِ السَّمَآءَ عَلَيْكُمْ مِّدْرَارًا ۙ‏

“(அப்படிச் தவ்பா செய்வீர்களாயின்) அவன் உங்கள் மீது தொடர்ந்து மழையை அனுப்புவான்.(அல்குர்ஆன் : 71:11)

3,பொருள்செல்வத்தையும்,குழந்தைசெல்வத்தையும்பெற்று,தோட்டங்களையும்,நீர்நிலைகளையும் சொந்தமாக்கிகொள்ளலாம்.

وَّيُمْدِدْكُمْ بِاَمْوَالٍ وَّبَنِيْنَ وَيَجْعَلْ لَّـكُمْ جَنّٰتٍ وَّيَجْعَلْ لَّـكُمْ اَنْهٰرًا ‏

“அன்றியும் அவன் உங்களுக்குப் பொருள்களையும், புதல்வர்களையும் கொண்டு உதவி செய்வான்; இன்னும், உங்களுக்காகத் தோட்டங்களை உண்டாக்குவான்; உங்களுக்காக ஆறுகளையும் (பெருக்கெடுத்து ஓடுமாறு) உண்டாக்குவான்.(அல்குர்ஆன் : 71:12)

4,கவலை மற்றும் நெருக்கடியிலிருந்து மீண்டு,வளமான வாழ்வாதாரத்தை பெற்றுக்கொள்ளலாம்.

நபி(ஸல்)அவர்கள்

عن عبد الله بن عباس  , قال: قال رسول الله صلى الله عليه  وسلم:" من لزم الاستغفار , جعل الله له من كل هم فرجا , ومن كل ضيق مخرجا , ورزقه من حيث لا يحتسب".

 எவர்"பாவமன்னிப்புத் தேடுவதை  வழமையாக்கிக் கொண்டாரோ,அவருக்கு அல்லாஹ் அனைத்து கவலைகளையும் நீக்கி,அனைத்து நெருக்கடிகளிலிருந்தும் அவனை வெளியாக்கி,கணக்கின்றி அவருக்கு வாழ்வாதாரம் அளிக்கிறான்"என்று சொன்னார்கள்.(நூல்:இப்னு மாஜா ).

அதே நேரத்தில் பாவமன்னிப்பை கேட்கவில்லையென்றால்"அல்லாஹ்வின் ரஹ்மத் கிடைக்காது,மழை பெய்யாது,பொருளும்,புத்திரபாக்கியமும்உண்டாகாது,விவசாயம் நாசமாகி,நீர்நிலைகள் வற்றிப்போகும். கவலைக்கும்,நெருக்கடிக்கும் உள்ளாகி வாழ்வாதாரம் இழந்து நிர்க்கதியாக நிற்போம்"எனவே பாவமன்னிப்பைக் கேட்டு,பரிசுத்தமானவர்களாகுவோம்.

வாழ்க்கையின் அனைத்துப்பிரச்சினைகளுக்கும்,ஏன் இயற்கைப்பேரிடருக்கும் நாம் ஏந்த வேண்டிய ஒரே ஆயுதம் பாவமன்னிப்பு

 عَنْ أَبِي مُوسَى قَالَ خَسَفَتِ الشَّمْسُ، فَقَامَ النَّبِيُّ صَلَّى اللَّهُ عَلَيْهِ وَسَلَّمَ فَزِعًا، يَخْشَى أَنْ تَكُونَ السَّاعَةُ، فَأَتَى الْمَسْجِدَ، فَصَلَّى بِأَطْوَلِ قِيَامٍ وَرُكُوعٍ وَسُجُودٍ رَأَيْتُهُ قَطُّ يَفْعَلُهُ وَقَالَ: ((هَذِهِ الآيَاتُ الَّتِي يُرْسِلُ اللَّهُ لاَ تَكُونُ لِمَوْتِ أَحَدٍ وَلاَ لِحَيَاتِهِ، وَلَكِنْ يُخَوِّفُ اللَّهُ بِهِ عِبَادَهُ، فَإِذَا رَأَيْتُمْ شَيْئًا مِنْ ذَلِكَ فَافْزَعُوا إِلَى ذِكْرِهِ وَدُعَائِهِ وَاسْتِغْفَارِهِ)). 

அபூ மூஸா(ரலி) அறிவித்தார். 

சூரிய கிரகணம் ஏற்பட்டபோது நபி(ஸல்) அவர்கள் கியாமத் நாள் வந்துவிட்டதோ என்று அஞ்சித் திடுக்குற்று எழுந்தார்கள். உடனே பள்ளிக்கு வந்து தொழுதார்கள். நிற்பது, ருகூவுச் செய்வது, ஸஜ்தாச் செய்வது ஆகியவற்றை நான் அதுவரை பார்த்திராத அளவுக்கு நீட்டினார்கள். (பின்னர் மக்களை நோக்கி) 'இந்த அத்தாட்சிகள் எவருடைய மரணத்திற்காகவோ வாழ்விற்காகவோ ஏற்படுவதில்லை. எனினும் தன்னுடைய அடியார்களை எச்சரிப்பதற்காக அல்லாஹ் அனுப்புகிறான். இவற்றில் எதையேனும் நீங்கள் கண்டால் இறைவனை நினைவு கூரவும், பிரார்த்திக்கவும்,பாவமன்னிப்புத் தேடவும் விரையுங்கள்'  என்று கூறினார்கள்.

ஆக எல்லாப்பிரச்சனைக்கும் தீர்வு பாவமன்னிப்பில் உண்டு என்பதை நமக்கு நம் நபி(ஸல்) அவர்கள் தெளிவுப்படுத்துகிறார்கள்.

அல்லாஹ்வின் தண்டனையை தடுக்கிற சக்தியும் பாவமன்னிப்புக்கு உண்டு .

நபி யூனுஸ் (அலை) அவர்களின்  சமுதாயம் அல்லாஹ்வை நிராகரித்த போது அல்லாஹ்வின் தண்டனையை எதிர்பாருங்கள் என்று சொல்லி விட்டு சென்று விட்டார்கள். பிறகு வானத்தில் ஒருவிதமான மாற்றத்தை பார்த்த போது. மக்கள் யூனுஸ் நபி சொன்னது உண்மை என்று நம்பி அனைவர்களும் பாவமன்னிப்பு கேட்டார்கள். இதன் மூலமாக தனக்கு வர இருந்த வேதனையில் இருந்து தப்பித்து கொண்டார்கள்.  அதை வல்ல ரஹ்மான் தன் திருமறையிலேயே

فَلَوْلَا كَانَتْ قَرْيَةٌ اٰمَنَتْ فَنَفَعَهَاۤ اِيْمَانُهَاۤ اِلَّا قَوْمَ يُوْنُسَ  لَمَّاۤ اٰمَنُوْا كَشَفْنَا عَنْهُمْ عَذَابَ الْخِزْىِ فِى الْحَيٰوةِ الدُّنْيَا وَمَتَّعْنٰهُمْ اِلٰى حِيْنٍ‏ 

தங்களுடைய ஈமான் பலனளிக்குமாறு (நம்பிக்கை கொண்டு வேதனையிலிருந்து தப்பித்துக் கொண்ட) யூனுஸுடைய சமூகத்தாரைப்போல், மற்றோர் ஊரார் ஏன் ஈமான் கொள்ளாமல் இருக்கவில்லை? அவர்கள் (யூனுஸுடைய சமூகத்தார்) ஈமான் கொண்டதும் இம்மையில் இழிவுபடுத்தும் வேதனையை அவர்களை விட்டும் நாம் அகற்றினோம்; அன்றி, சிறிது காலம் சுகம் அனுபவிக்கும் படியும் வைத்தோம்.(அல்குர்ஆன் : 10:98)என்று கூறுகிறான்.

பிறகு நபி யூனுஸ் (அலை) அவர்கள் மக்கள் அழிக்கப்பட்டு இருப்பார்கள் என்று நினைத்து வந்து பார்த்தால் மக்கள் சந்தோஷமாக இருந்தார்கள். ஒரு நபியின் துஆவை விட அடியார்கள் கேட்கும் பாவமன்னிப்பை அல்லாஹ் உடனே அங்கிகரித்து கொள்கிறான்.

பாவமன்னிப்பை பெற்றவரே உலகில் மிக சிறந்தவர்

عَنْ عِمْرَانَ بْنِ حُصَيْنٍ أَنَّ امْرَأَةً مِنْ جُهَيْنَةَ أَتَتْ نَبِيَّ اللَّهِ صَلَّى اللَّهُ عَلَيْهِ وَسَلَّمَ وَهِيَ حُبْلَى مِنَ الزِّنَى فَقَالَتْ يَا نَبِيَّ اللَّهِ أَصَبْتُ حَدًّا فَأَقِمْهُ عَلَيَّ فَدَعَا نَبِيُّ اللَّهِ صَلَّى اللَّهُ عَلَيْهِ وَسَلَّمَ وَلِيَّهَا فَقَالَ: ((أَحْسِنْ إِلَيْهَا فَإِذَا وَضَعَتْ فَائْتِنِي بِهَا)). فَفَعَلَ فَأَمَرَ بِهَا نَبِيُّ اللَّهِ صَلَّى اللَّهُ عَلَيْهِ وَسَلَّمَ فَشُكَّتْ عَلَيْهَا ثِيَابُهَا ثُمَّ أَمَرَ بِهَا فَرُجِمَتْ ثُمَّ صَلَّى عَلَيْهَا فَقَالَ لَهُ عُمَرُ تُصَلِّي عَلَيْهَا يَا نَبِيَّ اللَّهِ وَقَدْ زَنَتْ فَقَالَ: ((لَقَدْ تَابَتْ تَوْبَةً لَوْ قُسِمَتْ بَيْنَ سَبْعِينَ مِنْ أَهْلِ الْمَدِينَةِ لَوَسِعَتْهُمْ وَهَلْ وَجَدْتَ تَوْبَةً أَفْضَلَ مِنْ أَنْ جَادَتْ بِنَفْسِهَا لِلَّهِ تَعَالَى)). 

இம்ரான் பின் ஹுஸைன் (ரலி) அவர்கள் கூறியதாவது:

விபச்சாரத்தால் கர்ப்பமுற்றிருந்த ஜுஹைனா குலத்தைச் சேர்ந்த ஒரு பெண் அல்லாஹ்வின் தூதர் (ஸல்) அவர்களிடம் வந்து, "அல்லாஹ்வின் தூதரே! தண்டனைக்குரிய ஒரு குற்றத்தை நான் செய்துவிட்டேன். என்மீது தண்டனையை நிலைநாட்டுங்கள்" என்று கூறினார். அல்லாஹ்வின் தூதர் (ஸல்) அவர்கள் அப்பெண்ணின் காப்பாளரை அழைத்துவரச் செய்து, "இவளை நல்ல முறையில் கவனித்துவாருங்கள். குழந்தை பிறந்ததும் இவளை என்னிடம் அழைத்து வாருங்கள்" என்று கூறினார்கள். காப்பாளர் அவ்வாறே செய்தார்.

பின்னர் அல்லாஹ்வின் தூதர் (ஸல்) அவர்கள் உத்தரவிட அவள்மீது அவளுடைய துணிகள் சுற்றப்பட்டன. பிறகு அல்லாஹ்வின் தூதர் (ஸல்) அவர்கள் உத்தரவிட அவளுக்குக் கல்லெறி தண்டனை நிறைவேற்றப்பட்டது. பிறகு அல்லாஹ்வின் தூதர் (ஸல்) அவர்கள் அவளுக்காக இறுதித் தொழுகை நடத்தினார்கள். அப்போது உமர் (ரலி) அவர்கள், "அல்லாஹ்வின் தூதரே! இவளுக்காகத் தாங்கள் தொழவைக்கிறீர்களா? இவள் விபச்சாரம் புரிந்தவள் ஆயிற்றே?" என்று கேட்டார்கள். அதற்கு அல்லாஹ்வின் தூதர் (ஸல்) அவர்கள், "அவள் அழகிய முறையில் மன்னிப்புத் தேடிவிட்டாள். மதீனாவாசிகளில் எழுபது பேரிடையே அது பங்கிடப்பட்டாலும் அவர்கள் அனைவருக்கும் போதுமானதாக அமையும். உயர்ந்தோன் அல்லாஹ்வுக்காகத் தன் உயிரையே அர்ப்பணித்த இப்பெண்ணின் பாவமன்னிப்பைவிடச் சிறந்ததை நீர் கண்டுள்ளீரா?" என்று கேட்டார்கள். (ஸஹீஹ் முஸ்லிம் : 3501.)

மேற்கண்ட சம்பவம்"அப்பெண்ணின் பாவமன்னிப்பை விட சிறந்த ஒன்று இவ்வுலகில் இல்லை"என்பதை உணர்த்துகிறது. 

இறுதியாக .........

நபி ஆதம் (அலை) அவர்களும் தவறு செய்தார்கள். ஷைத்தானும் தவறு செய்தான்.ஆதம் (அலை) தான் செய்த பாவத்திற்கு பாவமன்னிப்பு கேட்டார்கள்.அதனால் அல்லாஹ் ஆதமை(அலை) மன்னித்தான். ஷைத்தான் பாவமன்னிப்பு கேட்கவில்லை,அதனால் அவனை அல்லாஹ் மன்னிக்கவில்லை.

ஒருவேளை ஷைத்தான் பாவமன்னிப்பை கேட்டிருந்தால் நிச்சயமாக அல்லாஹ் அவனை மன்னித்திருப்பான்.

இந்த தன்னுடைய மன்னிக்கும் மனப்பான்மையைப்பற்றி அல்லாஹ் கூறுவதாக நபி(ஸல்)அவர்கள்

 حَدَّثَنَا أَنَسُ بْنُ مَالِكٍ، قَالَ سَمِعْتُ رَسُولَ اللَّهِ صلى الله عليه وسلم يَقُولُ ‏ "‏ قَالَ اللَّهُ يَا ابْنَ آدَمَ إِنَّكَ مَا دَعَوْتَنِي وَرَجَوْتَنِي غَفَرْتُ لَكَ عَلَى مَا كَانَ فِيكَ وَلاَ أُبَالِي يَا ابْنَ آدَمَ لَوْ بَلَغَتْ ذُنُوبُكَ عَنَانَ السَّمَاءِ ثُمَّ اسْتَغْفَرْتَنِي غَفَرْتُ لَكَ وَلاَ أُبَالِي يَا ابْنَ آدَمَ إِنَّكَ لَوْ أَتَيْتَنِي بِقُرَابِ الأَرْضِ خَطَايَا ثُمَّ لَقِيتَنِي لاَ تُشْرِكُ بِي شَيْئًا لأَتَيْتُكَ بِقُرَابِهَا مَغْفِرَةً ‏"‏ ‏.‏ قَالَ أَبُو عِيسَى هَذَا حَدِيثٌ غَرِيبٌ لاَ نَعْرِفُهُ إِلاَّ مِنْ هَذَا الْوَجْهِ ‏

“ஆதமின் மகனே!  நிச்சயமாக நீ என்னிடம் துஆ செய்யும் காலமெல்லாம் என்னை நீ நம்பும் காலமெல்லாம் உன்னில்; ஏற்படும் குற்றத்தை நான் மன்னிப்பேன். நான் பொருட்படுத்த மாட்டேன். ஆதமின் மகனே! வானத்தின் முகட்டை உன் பாவங்கள் அடைந்து, பின்பு, என்னிடம் நீ பாவமன்னிப்புக் கோரினால் உன்னை மன்னிப்பேன். நான் பொருட்படுத்தமாட்டேன். ஆதமின் மகனே! நீ பூமி நிரம்ப என்னிடம் பாவத்தைக் கொண்டு வந்து, பின்பு எனக்கு எதையும் நீ இணை வைக்காதவனாக என்னை நீ சந்தித்தால், அது நிரம்ப உனக்கு நான் மன்னிப்பைத் தருவேன்'' என்று அல்லாஹ் கூறினான் என நபி(ஸல்) கூற நான் கேட்டேன்.என்று  அனஸ் (ரலி) அவர்கள் அறிவிக்கிறார்கள்.(திர்மிதீ) (ரியாளுஸ்ஸாலிஹீன்:1878 )

எனவே பாவமன்னிப்பின் மாதமான ரமழானில் பாவமன்னிப்பை கேட்டு,பாவமன்னிப்பு பெற்ற நல்மக்களாக நம்மை வல்லரஹ்மான் ஆக்குவானாக!ஆமின்.

வெளியீடு : செங்கல்பட்டு & காஞ்சிபுரம் மாவட்ட ஜமாஅத்துல் உலமா சபை.

ஜும்ஆ பயான் 16/04/2021

தலைப்பு :

ரஹ்மத்தான ரமலான்

 اِنَّ رَحْمَتَ اللّٰهِ قَرِيْبٌ مِّنَ الْمُحْسِنِيْنَ‏           நிச்சயமாக அல்லாஹ்வின் அருள் நன்மை செய்வோருக்கு மிக சமீபத்தில் இருக்கிறது.(அல்குர்ஆன் : 7:56)

ரமலான் மாத முந்தைய பத்து, அல்லாஹ்வின் அருள்மழை பொழியும் ரஹ்மத்தான தினங்களாகும்.

அல்லாஹ்வின் ரஹ்மத்தினால்தான் அகிலம் இயங்குகிறது. அவனருள் இல்லை என்றால் உலகம் ஸ்தம்பித்துப் போய்விடும். 

மனிதன் தன் பாவங்களால் பதற்றமடைந்து வாழ்வில் நிம்மதியிழந்து தவிக்கிறான்.

அல்லாஹ்வின் அருளை பெறுவதன் மூலம் அமைதி மற்றும் மகிழ்ச்சி நிறைந்த வாழ்வை அடையலாம்.

அல்லாஹ்வின் அருளை பெறுவது மிகவும் கடினமான விஷயம் என்பது எந்த அளவுக்கு உண்மையோ அந்த அளவுக்கு அது மிகவும் சுலபமானது என்றும் ஆன்மிக சான்றோர்கள் குறிப்பிட்டுள்ளார்கள். அவர்களது கூற்று முரண்பாடாக இருந்தாலும் அதில் உள்ள உண்மை நிலையை உணரவும் வழிகள் இருக்கின்றன.தீயோர் மற்றும் பாவிகள் அல்லாஹ்வின் அருளை விட்டும் தூரமானவர்கள்.பாவமீட்சி பெறாத வரை அவர்கள் அல்லாஹ்வின் அருளை பெறுவது கடினம்.ஆனால் நல்லோர்கள்,இறைவிசுவாசிகள் மிகச் சுலபமாக அல்லாஹ்வின் அருளைப் பெறமுடியும்.

ஒரு ஹதிஸில்....

وفي رواية ([2]): " «إن الله خلقَ الرحمةَ يومَ خلقَها مائةَ رحمةٍ، فأمسَك عنده تسعًا وتسعين رحمةً، وأرسلَ في خلقِه كلِّهم رحمةً واحدةً، فلو يعلَمُ الكافرُ بكلِّ الذي عند الله من الرحمةِ لم ييئسْ من الجنةِ، ولو يعلَمُ المؤمنُ بكلِّ الذي عند الله من العذابِ لم يأمَنْ من النارِ»

எனவே காஃபிர் அல்லாஹ்விடமுள்ள ரஹ்மத்கள் அனைத்தையும் அறிந்தால்,அவன் சுவனம் கிடைப்பதை விட்டும் நிராசையடைய மாட்டான்.

முஃமின் அல்லாஹ்விடமுள்ள வேதனைகள் அனைத்தையும் அறிந்தால்,நரக விடுதலையை விட்டும் நிம்மதியாக இருக்கமாட்டான்.

ரஹ்மத்தை கேட்போம்

وَاعْفُ عَنَّا وَاغْفِرْ لَنَا وَارْحَمْنَا اَنْتَ مَوْلٰٮنَا فَانْصُرْنَا عَلَى الْقَوْمِ الْكٰفِرِيْنَ‏

எங்கள் (குற்றங்களை) அழிப்பாயாக! எங்களை மன்னிப்பாயாக! எங்கள் மீது கருணை புரிவாயாக! நீதான் எங்கள் பாதுகாவலன்! ஆகவே (உன்னை) நிராகரிக்கும் கூட்டங்கள் மீது (வெற்றி பெற) நீ எங்களுக்கு உதவி புரிவாயாக!(அல்குர்ஆன் : 2:286)

மேற்கண்ட வசனத்தில் அல்லாஹ் என்னிடம்  ரஹ்மத்தை கேளுங்கள் என்று முஃமின்களுக்கு சொல்கிறான்.

குகைவாசிகள்  என்று அழைக்கப்படுகிற நல்லோர்கள் என்னிடம்,

اِذْ اَوَى الْفِتْيَةُ اِلَى الْـكَهْفِ فَقَالُوْا رَبَّنَاۤ اٰتِنَا مِنْ لَّدُنْكَ رَحْمَةً وَّهَيِّئْ لَـنَا مِنْ اَمْرِنَا رَشَدًا‏

(அவர்கள்) ஒரு சில வாலிபர்கள் அவர்கள் குகையினுள் சென்றபொழுது "எங்கள் இறைவனே! உன் அருளை எங்களுக்கு அளிப்பாயாக! நீ எங்களுக்கு நேரான வழியையும் சுலபமாக்கி விடுவாயாக!" என்று பிரார்த்தனை செய்தார்கள்.(அல்குர்ஆன் : 18:10) என்று அல்லாஹ் கூறுகிறான்.

ஆக அல்லாஹ்விடம் ரஹ்மத்தை கேட்பதும்,அதை அடைய முயற்சி செய்வதும் ஒவ்வொரு முஃமினுக்கும் இறைகட்டளையாகும்.

அல்லாஹ்வின் ரஹ்மத்தை அடைய மனிதர்களுக்கு பல வழிகளையும்,வாய்ப்புகளையும் வழங்கிகொண்டேயிருக்கிறான்.அதில் மிக முக்கியமான வாய்ப்பு என்றால் அது ரமழானிய நாட்களாகும்.

2548» وَحَدَّثَنِي حَرْمَلَةُ بْنُ يَحْيَى أَخْبَرَنَا ابْنُ وَهْبٍ أَخْبَرَنِي يُونُسُ عَنِ ابْنِ شِهَابٍ عَنِ ابْنِ أَبِي أَنَسٍ أَنَّ أَبَاهُ حَدَّثَهُ أَنَّهُ سَمِعَ أَبَا هُرَيْرَةَ رَضِيَ اللَّهُ عَنْهُ يَقُولُ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: ((إِذَا كَانَ رَمَضَانُ فُتِّحَتْ أَبْوَابُ الرَّحْمَةِ وَغُلِّقَتْ أَبْوَابُ جَهَنَّمَ وَسُلْسِلَتِ الشَّيَاطِينُ)).

அல்லாஹ்வின் தூதர் (ஸல்) அவர்கள் கூறினார்கள்:ரமளான் மாதம் ஆகிவிட்டால் ரஹ்மத்தின் வாயில்கள்  திறக்கப்படுகின்றன; நரகத்தின் வாயில்கள் அடைக்கப்படுகின்றன; ஷைத்தான்கள் சங்கிலியால் விலங்கிடப்படுகின்றனர்.இதை அபூஹுரைரா (ரலி) அவர்கள் அறிவிக்கிறார்கள்.ஸஹீஹ் முஸ்லிம் : 1957. 

ஆனால் மக்களில் அநேக நபர்கள் ரஹ்மத்தான ரமலானின் மகத்துவம் புரியாமல் அவைகளை பாழாக்குகிறார்கள.

ரஹ்மத்திற்காக நிராசையடைய வேண்டாம்

இப்னு அப்பாஸ்(ரலி) கூறினார். இணைவைப்பவர்களில் சிலர், நிறையக் கொலைகளைப் புரிந்தனர்; விபச்சாரம் அதிகமாகச் செய்திருந்தனர். (ஒருநாள்) அவர்கள் முஹம்மத்(ஸல்) அவர்களிடம் வந்து, நீங்கள் கூறிவருகிற (போதனை முதலிய)வையும் நீங்கள் அழைப்புவிடுகிற (இஸ்லாமிய) மார்க்கமும் உறுதியாக நல்லவையே! நாங்கள் புரிந்துவிட்ட பாவங்களுக்குப் பரிகாரம் ஏதேனும் உண்டா என நீங்கள் எங்களுக்குத் தெரிவித்தால் (நன்றாயிருக்குமே)' என்று கூறினர்.

 அப்போது அல்லாஹ்தஆலா.....

قُلْ يٰعِبَادِىَ الَّذِيْنَ اَسْرَفُوْا عَلٰٓى اَنْفُسِهِمْ لَا تَقْنَطُوْا مِنْ رَّحْمَةِ اللّٰهِ‌  اِنَّ اللّٰهَ يَغْفِرُ الذُّنُوْبَ جَمِيْعًا‌  اِنَّهٗ هُوَ الْغَفُوْرُ الرَّحِيْمُ‏

(நபியே!) நீங்கள் கூறுங்கள்: "எனது அடியார்களே! (உங்களில்) எவரும் வரம்பு மீறி தமக்குத்தாமே தீங்கிழைத்துக் கொண்டபோதிலும், அல்லாஹ்வின் அருளைப் (ரஹ்மத்)பற்றி நீங்கள் நம்பிக்கை இழந்துவிட வேண்டாம். (நீங்கள் பாவத்திலிருந்து விலகி, மனம் வருந்தி மன்னிப்பைக் கோரினால்) நிச்சயமாக அல்லாஹ் (உங்களுடைய) பாவங்கள் அனைத்தையும் மன்னித்துவிடுவான். ஏனென்றால், நிச்சயமாக அவன் மிக்க மன்னிப்பவனும், கிருபை உடையவனாகவும் இருக்கின்றான்.(அல்குர்ஆன் : 39:53)என்ற வசனத்தை இறக்கியருளினான்.

அல்லாஹ் தனக்கு ரஹ்மதே செய்ய மாட்டான் என கருதுவது ஆகப் பெரிய அவநம்பிக்கையும், கெட்ட எண்ணமும், ஆகும்.

அல்லாஹ் (ஹாகிம்)தன் அடியார்களின் மீது கட்டளையை பிறப்பிப்பவன்.அடியார்கள் அக்கட்டளையின் படி வழிநடப்பவர்கள்.ஆனால் அல்லாஹ் படைப்பினங்களுக்கு ரஹ்மத் செய்வதை தனக்கு தானே கடமையாக்கிக்கொண்டதாக தனது திருமறையில் கூறுகிறான்.

كَتَبَ رَبُّكُمْ عَلٰى نَفْسِهِ الرَّحْمَةَ‌ ۙ اَنَّهٗ مَنْ عَمِلَ مِنْكُمْ سُوْٓءًا بِجَهَالَةٍ ثُمَّ تَابَ مِنْ بَعْدِهٖ وَاَصْلَحَۙ فَاَنَّهٗ غَفُوْرٌ رَّحِيْمٌ‏

உங்கள் இறைவன் கிருபை செய்வதைத் தன் மீது கடமையாக்கிக் கொண்டான்; உங்களில் எவரேனும் அறியாமையினால் ஒரு தீமையைச் செய்து விட்டு அதற்குப் பின், பாவத்தை விட்டும் திரும்பி, திருத்திக் கொண்டால், நிச்சயமாக அவன் (அல்லாஹ்) மன்னிப்பவனாகவும், மிக்க கருணையுடையவனாகவும் இருக்கின்றான்.(அல்குர்ஆன் : 6:54)

அல்லாஹ்வின் ரஹ்மத்

ஓர் இறை நம்பிக்கையாளனை பொறுத்த வரையில் அவனுடைய வாழ்வில் அல்லாஹ்வின் ரஹ்மத் என்பது மிகவும் ஆளுமைக்குரிய ஒன்றாகும்.

فَلَوْلَا فَضْلُ اللّٰهِ عَلَيْكُمْ وَرَحْمَتُهٗ لَـكُنْتُمْ مِّنَ الْخٰسِرِيْنَ‏ 

உங்கள் மீது அல்லாஹ்வின் கருணையும் அவன் அருளும் இல்லாவிட்டால் நீங்கள் (முற்றிலும்) நஷ்டவாளிகளாக ஆகியிருப்பீர்கள். ( அல்குர்ஆன்: 2: 64)

وَلَوْ يُؤَاخِذُ اللّٰهُ النَّاسَ بِظُلْمِهِمْ مَّا تَرَكَ عَلَيْهَا مِنْ دَآبَّةٍ وَّلٰـكِنْ يُّؤَخِّرُهُمْ اِلٰٓى اَجَلٍ مُّسَمًّى‌‌ فَاِذَا جَآءَ اَجَلُهُمْ لَا يَسْتَـاْخِرُوْنَ سَاعَةً‌ وَّلَا يَسْتَقْدِمُوْنَ‏ 

மனிதர்கள் செய்யும் அக்கிரமங்களுக்காக அல்லாஹ் அவர்களை உடனுக்குடன் பிடி(த்துத் தண்டி)ப்பதாக இருந்தால் உயிர்ப்பிராணிகளில் ஒன்றையுமே பூமியில் விட்டு வைக்க மாட்டான்; ஆனால், ஒரு குறிப்பிட்ட தவணை வரை அவர்களை(ப் பிடிக்காது) பிற்படுத்துகிறான் - அவர்களுடைய தவணை வந்து விட்டாலோ ஒரு கணமேனும் (தண்டனை பெறுவதில்) அவர்கள் பிந்தவும் மாட்டார்கள்; முந்தவும் மாட்டார்கள்.(அல்குர்ஆன் : 16:61)

அல்லாஹ்வின் ரஹ்மத்தான பார்வை கிடைக்காவிட்டால் நம் பாவத்திற்கு எப்போதே அழிந்திருப்போம்.

عَنْ أَبِي هُرَيْرَةَ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: ((قَالَ رَجُلٌ لَمْ يَعْمَلْ خَيْرًا قَطُّ، فَإِذَا مَاتَ فَحَرِّقُوهُ وَاذْرُوا نِصْفَهُ فِي الْبَرِّ وَنِصْفَهُ فِي الْبَحْرِ فَوَاللَّهِ لَئِنْ قَدَرَ اللَّهُ عَلَيْهِ لَيُعَذِّبَنَّهُ عَذَابًا لاَ يُعَذِّبُهُ أَحَدًا مِنَ الْعَالَمِينَ، فَأَمَرَ اللَّهُ الْبَحْرَ فَجَمَعَ مَا فِيهِ، وَأَمَرَ الْبَرَّ فَجَمَعَ مَا فِيهِ ثُمَّ قَالَ لِمَ فَعَلْتَ قَالَ مِنْ خَشْيَتِكَ، وَأَنْتَ أَعْلَمُ، فَغَفَرَ لَهُ)

இறைத்தூதர்(ஸல்) அவர்கள் கூறினார்கள்' 

(முந்தைய காலத்தில்) நன்மை எதையும் அறவே செய்யாத ஒருவர் 'நான் இறந்துவிட்டால் என்னை எரித்து, அந்தச் சாம்பலில் பாதியைக் கரையிலும் பாதியைக் கடலிலும் தூவிவிடுங்கள். ஏனெனில், இறைவன் மீதாணையாக! என் மீது இறைவனுக்கு சக்தி ஏற்பட்டால், உலக மக்களில் யாவரும் அளிக்காத வேதனையை அவன் எனக்கு அளித்துவிடுவான்' என்று சொல்லி(விட்டு இறந்து)விட்டார். (அவ்வாறே அவர் உடல் எரிக்கப்பட்டு சாம்பல் தூவப்பட்டது.) பிறகு, அல்லாஹ் கடலுக்கு ஆணையிட்டு அதிலிருந்த அவரின் உடலை ஒன்று திரட்டினான். தரைக்கு ஆணையிட்டு அதிலிருந்தும் அவரின் உடலை ஒன்று திரட்டினான். பிறகு, 'நீ எதற்காக இப்படிச் செய்தாய்?' என்று கேட்டான். அதற்கு அவர், 'உன் அச்சத்தினால் தான். நீ நன்கறிந்தவன்' என்று சொல்ல, அவரை அல்லாஹ் மன்னித்துவிட்டான். (புகாரி 7506)

நரகவாசிகளின் மீது ரஹ்மத்

(மறுமையில் விசாரணைகள் முடிந்த பின்) சொர்க்கவாசிகள் சொர்க்கத்திலும் நரகவாசிகள் நரகத்திலும் நுழைவார்கள். பின்னர் உள்ளத்தில் கடுகளவேனும் ஈமான் இருப்பவரை (நரகத்திலிருந்து) வெளியேற்றி விடுங்கள் என்று அல்லாஹ் கட்டளையிடுவான். உடனே அவர்கள் கறுத்தவர்களாகஅதிலிருந்து வெளியேற்றப்பட்டு ஹயாத் என்ற ஆற்றில் போடப்படுவார்கள்.இந்த ஹதீஸை அறிவிப்பவர்களில் ஒருவரான மாலிக், ஆற்றின் பெயர் ஹயா என்று சந்தேகப்படுகிறார்- அவ்வாறு அவர்கள் இந்த ஆற்றில்போடப்பட்டதும் பெறும் வெள்ளம் பாயும் ஓடைக் கரையில் விதைகள்முளைப்பது போலப் பொலிவடைவார்கள். அவை வளைந்து மஞ்சள் நிறமாகஇருப்பதை நீர் பார்த்ததில்லையா? என்று நபி (ஸல்) அவர்கள் கூறினார்கள்.அறிவிப்பாளர்: அபூ ஸயீதுல் குத்ரீ(ரலி)-(புகாரி-22 )

நாய்க்கு கருணை காட்டிய விபச்சாரிக்கு அல்லாஹ்வின் ரஹ்மத்

 عَنْ أَبِي هُرَيْرَةَ رَضِيَ اللَّهُ عَنْهُ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ: ((غُفِرَ لاِمْرَأَةٍ مُومِسَةٍ مَرَّتْ بِكَلْبٍ عَلَى رَأْسِ رَكِيٍّ يَلْهَثُ، قَالَ كَادَ يَقْتُلُهُ الْعَطَشُ، فَنَزَعَتْ خُفَّهَا، فَأَوْثَقَتْهُ بِخِمَارِهَا، فَنَزَعَتْ لَهُ مِنَ الْمَاءِ، فَغُفِرَ لَهَا بِذَلِكَ)). இறைத்தூதர்(ஸல்) அவர்கள் கூறினார்கள்: 

விபச்சாரியான ஒரு பெண், ஒரு கிணற்றின் விளிம்பில் தன்னுடைய நாக்கைத் தொங்கவிட்டுக் கொண்டிருந்த ஒரு நாயைக் கடந்து சென்றாள். அந்த நாயைத் தாகம் சாகடிக்கவிருந்தது. அதைக் கண்ட அப்பெண் உடனே தன் காலுறையைக் கழற்றி அதைத் தன் முந்தானையில் கட்டி (கிணற்று) நீரை இறைத்து அதற்குக் கொடுத்தாள். எனவே, அது பிழைத்தது. அவள் ஓர் உயிருக்குக் காட்டிய இந்தக் கருணையினால் அவளுக்கு (பாவ) மன்னிப்பு வழங்கப்பட்டது. என அபூ ஹுரைரா(ரலி) அறிவித்தார். (ஸஹீஹ் புகாரி 3321)

அல்லாஹ்வின் ரஹ்மத்தை எண்ணிப்பாருங்கள்.

ஒன்றையுமே நீங்கள் அறியாதவர்களாக இருந்த நிலைமையில் உங்களது தாய்மார்களின் வயிற்றிலிருந்து அல்லாஹ்தான் உங்களை வெளிப்படுத்தினான். அன்றி உங்களுக்குச் செவிகளையும் கண்களையும் அறிவையும் கொடுத்தவனும் அவன்தான். இதற்கு நீங்கள் (அவனுக்கு) நன்றி செலுத்துவீர்களாக! (அல்குர்ஆன் 16 : 78)

இவ்வுலகத்தின்நியதியை இவ்வாறு இறைவன் ஆக்கியுள்ளான். 

நாம் வாழும் இந்த பூமியில் கோடிக்கணக்கான மக்கள் வாழ்ந்து வருகின்றனர். வாழ்ந்து மடிந்தவர்களின் எண்ணிக்கை கணக்கிலடங்காது. இவர்களிடையே நிறத்தால்,குணத்தால்,அறிவால்,மொழியால்,உடல் அமைப்பால்,இப்படி எத்தனையோ வித்தியாசங்கள் காணப்படுகின்றன. எவ்வளவுதான் வித்தியாசங்களையும் வேறுபாடுகளையும் மனிதர்கள் தமக்குள் ஏற்படுத்திக் கொண்டாலும் இவர்கள் எல்லோருடைய மூலப்பொருளும் ஒன்று தான். அந்த மூலப்பொருளான இந்திரியத்தில் எந்தவித வேறுபாட்டையும் காணமுடியாது. எல்லோருடைய இரத்தமும் ஒரே மாதிரிதான் இருக்கிறது. மனிதன் என்ற வட்டத்திற்குள் தான் எல்லோரும் இருக்கிறார்கள்,மேற்கண்ட சான்றுகள் அனைத்தும் அல்லாஹ்வின் ரஹ்மத்தை விளக்குகிறது.

அல்லாஹ்வின் அர்ஷின் மீது எழுதப்பட்டுள்ள வாசகம்

عَنْ أَبِي هُرَيْرَةَ رَضِيَ اللَّهُ عَنْهُ: أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ، قَالَ:  لَمَّا قَضَى اللَّهُ الخَلْقَ، كَتَبَ عِنْدَهُ فَوْقَ عَرْشِهِ: إِنَّ رَحْمَتِي سَبَقَتْ غَضَبِي  رواه البخاري (7453)، ومسلم (2751).

நபி ஸல் அவர்கள் சொன்னார்கள்:அல்லாஹ் படைப்பினங்களை படைத்து முடித்தபோது, தன்னிடமுள்ள அர்ஷுக்கு மேல் எழுதினான். "நிச்சயமாக என் ரஹ்மத் (எனும் கருணை) எனது கோபத்தை முந்திவிட்டது"அறிவிப்பவர் :அபூஹுரைரா (நூல் :புகாரி(7453)முஸ்லிம் (2751)                  இந்த நபிமொழிக்கு ஹதீஸ்கலை அறிஞர்கள் கூறும் விளக்கம்:அல்லாஹ் தன் அடியார்களின் மீது எந்த காரணமுமின்றியே ரஹ்மத் செய்கிறான்.

ரஹ்மத்-رحمة: என்ற அரபுச் சொல்லுக்கு அருள்,கருணை,இரக்கம், பரிவு,அன்பு,பாசம் ஆகிய பல மொழித்தல்கள் கூறப்பட்டாலும்.எப்படி அல்லாஹ்வின் ரஹ்மத்களை வரையறுக்க முடிவதில்லையோ அது போல் ரஹ்மத் என்ற சொல்லுக்கும் அர்த்தத்தையும் வரையறுக்க முடியாது.

ரஹ்மத் என்பதற்கு கருணை என சொல்வது ஓரளவுக்கு பொருத்தமாக இருக்கும்.காரணம் அன்பு என்பது நாம் யாரை பிரியம் கொள்கிறோமோ அவர்களின் மீது மட்டும் காட்டப்படுவதாகும்.யாரை வெறுக்கிறோமோ அவரின் மீது அன்பு ஏற்பாடாது.ஆனால் கருணை என்பது எந்த பிரதிபலனையும் பாராமல் ஏற்படுவது.நம் வெறுப்பை பெற்றவர் மீதும்,இன்னும் அனைத்து உயிரனங்களின் மீதும் கருணை ஏற்படலாம்.  

அல்லாஹ்வின் அன்பிற்குறிவர்கள் மூன்மின்கள் மட்டுமே,அவன் கருணை எல்லா ஜீவராசிகளுக்கும் உண்டு.

ஒரு ஹதீஸில்...

9/420- وعن ابي هريرة  قَالَ: سمِعْتُ رسُولَ اللَّهِ ﷺ يقول: جَعَلَ اللَّهُ الرَّحْمَةَ مئَةَ جُزْءٍ، فَأَمْسَكَ عِنْدَهُ تِسْعَةً وتِسْعِينَ، وَأَنْزَلَ في الأَرْضِ جُزْءًا واحِدًا، فَمِنْ ذَلِكَ الجُزْءِ يَتَراحمُ الخَلائِقُ، حَتَّى تَرْفَعَ الدَّابَّةُ حَافِرَهَا عَنْ ولَدِهَا خَشْيَةَ أَنْ تُصِيبَهُ.

وفي روايةٍ: إِنَّ للَّهِ تَعَالى مئَةَ رَحْمَةٍ، أَنْزَلَ مِنْهَا رَحْمَةً وَاحِدَةً بَيْنَ الجِنِّ والإِنْسِ وَالبَهَائمِ وَالهَوامِّ، فَبِهَا يَتَعاطَفُونَ، وبِهَا يَتَراحَمُونَ، وَبها تَعْطِفُ الوَحْشُ عَلى وَلَدِهَا، وَأَخَّرَ اللَّهُ تَعالى تِسْعًا وتِسْعِينَ رَحْمَةً، يَرْحَمُ بِهَا عِبَادهُ يَوْمَ القِيَامَةِ متفقٌ عَلَيهِ.

நபி (ஸல்) அவர்கள் கூறினார்கள்: அன்பின் நூறு பாகங்களும் அல்லாஹ்விற்கே உரியவையாகும். அவற்றில் ஒன்றை ஜின், மனிதன், மிருகங்கள், ஊர்வன ஆகியவற்றுக்கிடையே இறக்கினான். இந்த ஒரு பங்கினால் தான் அவை ஒன்றன் மீது மற்றொன்று பாசம் கொள்கின்றன. பரிவு காட்டுகின்றன. அதன் மூலம் தான் விலங்கு கூட, தன் குட்டிமீது பாசம் காட்டுகிறது. (அவற்றில்) தொண்ணூற்று ஒன்பது பாகம் அன்பை அல்லாஹ் ஒதுக்கி வைத்துள்ளான். அவற்றின் மூலம் மறுமை நாளில் தன் அடியார்களுக்கு அன்பு காட்டுவான். அறிவிப்பவர்: அபூஹுரைரா (ர­லி) நூல்: முஸ்­லிம் (5312)

தாயை விடவும் இரக்கமுள்ளவன் 

உலகில் நிகர் கூறமுடியா அன்பு தாயினுடைது.தன் குழந்தைகாக தன்னையே அர்ப்பணித்துக்கொள்பவள் தாய்.அத்தாயின் அன்பை விடவும் அல்லாஹ் தன் அடியார்களின் மீது பொழியும் கிருபை(ரஹ்மத்)பெரியது.

7/418- وعن عمرَ بنِ الخطاب  قَالَ: قَدِمَ  رسُولُ اللَّهِ ﷺ بِسَبْيٍ، فَإِذَا امْرَأَةٌ مِنَ السَّبْي تَسْعَى، إِذْ وَجَدَتْ صَبِيًّا في السَّبْي أَخَذَتْهُ فَأَلْزَقَتْهُ بِبَطْنِها، فَأَرْضَعَتْهُ، فَقَالَ رسُولُ اللَّه ﷺ: أَتُرَوْنَ هَذِهِ المَرْأَةَ طارِحَةً وَلَدَهَا في النَّارِ؟ قُلْنَا: لا وَاللَّهِ، فَقَالَ: للَّهُ أَرْحَمُ بِعِبادِهِ مِنْ هَذِهِ بِوَلَدِهَا متفقٌ عليه.

(ஹவாஸின் குலத்தைச் சேர்ந்த) கைதிகள் சிலர் நபி (ஸல்) அவர்களிடம் வந்தார்கள். அவர்களிடையே இருந்த ஒரு பெண்ணின் மார்பில் பால் சுரந்தது. அவள் பாலூட்டுவதற்காக(த் தன் குழந்தையைத் தேடினாள். குழந்தை கிடைக்கவில்லை.) கைதிகளில் (தன்) குழந்தையை அவள் கண்ட போது அதை வாரி எடுத்து தன் வயிற்றோடு அணைத்துப் பாலூட்டலானாள். அப்போது நபி (ஸல்) அவர்கள் எங்களிடம், ''இந்தப் பெண், தன் குழந்தையை தீயில் எறிவாளா? சொல்லுங்கள்'' என்றார்கள். நாங்கள், ''இல்லை. எந்நிலையிலும் அவளால் எறிய முடியாது'' என்று சொன்னோம். அப்போது அல்லாஹ்வின் தூதர் (ஸல்) அவர்கள், ''இந்தக் குழந்தையின் மீது இவளுக்குள்ள அன்பை விட அல்லாஹ் தன் அடியார்கள் மீது மிகவும் அன்பு வைத்துள்ளான்'' என்று சொன்னார்கள். அறிவிப்பவர்: உமர் பின் கத்தாப் (ர­லி) நூல்: புகாரி (5999)

ரஹ்மத்தை பெறுவதற்கு வழி

நம்மிடம் கருணை குணம் இருக்கவேண்டும்.இறைவன் படைப்பினங்களின் மீது இரக்கம் காட்டுகிறான், அல்லாஹ்வின் அன்பற்ற இரக்கத்தை கற்பனை செய்வது முடியாத காரியம் . நாம் சக உயிரினங்களின் மீது காட்டும் கருணையே இறைவனை அடையும் எளிய வழி. ஹதீஸில்...

في الحَديثِ: أنَّهُ - علَيه الصَّلاةُ والسَّلامُ - قالَ: ((ارحَموا مَن في الأرضِ يَرحَمْكُم مَن في السَّماءِ))

وفي الصَّحيحِ أيضًا: ((مَن لا يَرحَمْ لا يُرحَمْ)).

நபி (ஸல்) அவர்கள் கூறினார்கள்: “பூமியில் உள்ளோர் மீது கருணை காட்டுங்கள், வானத்தில் உள்ளவன் உங்கள் மீது கருணை காட்டுவான்.” மேலும் கூறினார்கள்: “மனிதர்களுக்கு கருணை காட்டாதவர் மீது அல்லாஹ் கருணை காட்டமாட்டான்.” (முஃஜமுத் தப்ரானி)

وقالَ - صلَّى الله عليْه وسلَّم -: ((لا تُنزَعُ الرَّحمة إلا مِن شَقي))،      

மற்றோர் ஹதீஸில் வந்துள்ளது: “துர்பாக்கியவானிடமிருந்துதான் இரக்ககுணம் அகற்றப்படும்.” (அல் அதபுல் முஃப்ரத்)

முஃமினின்  இதயத்தில் கருணை விசாலமாக இருக்க வேண்டும். அதை தனது குடும்பம், மனைவி, மக்கள், உறவினர்கள் என்ற வட்டத்துக்குள் சுருக்கிக் கொள்ளாமல் சமூகத்தின் அனைத்து மனிதர்களுக்கும் கருணையை விசாலப்படுத்த வேண்டும். 

ஏனெனில், நபி (ஸல்) அவர்கள் அனைத்து மக்களிடமும் கருணையுடன் நடந்து கொள்வதை இறைநம்பிக்கையின் நிபந்தனைகளில் ஒன்றாகக் கூறினார்கள்:

- لَنْ تُؤْمِنُوا حتى تراحمُوا قالوا : يا رسولَ اللهِ  ! كلُّنا رَحِيمٌ . قال : إنَّهُ ليس بِرَحْمَةِ أَحَدِكُمْ صاحبَهُ ، ولَكِنَّها رَحْمَةُ العَامَّةِ الراوي : أبو موسى الأشعري | المحدث : الألباني التخريج : أخرجه الطبراني

அபூ மூஸப் அல் அஷ்அரி (ரழி) அவர்கள் நபி (ஸல்) அவர்கள் கூறியதாக அறிவிக்கிறார்கள்: “நீங்கள் ஒருவருக்கொருவர் கருணையுடன் நடந்து கொள்ளாதவரை ஈமான் கொண்டவர்களாக மாட்டீர்கள்” என நபி (ஸல்) அவர்கள் கூறியதும், தோழர்கள், “அல்லாஹ்வின் தூதரே! நாங்கள் அனைவரும் கருணையோடுதான் நடந்து கொள்கிறோம்” என்றார்கள். நபி (ஸல்) அவர்கள் “கருணை என்பது நீங்கள் உங்கள் தோழரிடம் மட்டும் கருணையுடன் நடந்து கொள்வதல்ல. எனினும் அது மக்களிடமும் கருணை காட்டுவதாகும். எல்லோருக்கும் பொதுவான கருணையாகும்” என்று கூறினார்கள். (முஃஜமுத் தப்ரானி)

நபி (ஸல்)அவர்களின் (இரக்ககுணம்)கருணை

நம் கண்மணி நாயகம் (ஸல்)அவர்கள் رحمة-இரக்ககுணம் மற்றும் கருணையின் மொத்த உருவமாக இருந்தார்கள்.

وَمَاۤ اَرْسَلْنٰكَ اِلَّا رَحْمَةً لِّـلْعٰلَمِيْنَ‏

(நபியே!) நாம் உம்மை அகிலத்தாருக்கு எல்லாம் ரஹ்மத்தாக - ஓர் அருட் கொடையாகவேயன்றி அனுப்பவில்லை.(அல்குர்ஆன் : 21:107)

நம் கண்மணி நாயகம்(ஸல்) அவர்கள் இரக்க சுபாவம் படைத்தவர்கள் மிருதுவான உள்ளம் கொண்டவர் என்பதற்கு சான்று...

மக்கா வெற்றியின் போது நபியவர்கள் காட்டிய முன்மாதிரியையும், அழகிய அணுகுமுறையையும்,அங்கே அவர்களின் கருணையின் உச்ச கட்டத்தையும் இன்றும் வரலாறு அதை ஓர் வியக்கத்தக்க நிகழ்வாகப் போற்றுகிறது.

 'இன்றையநாள் மன்னிப்பு வழங்கப்படும் நாள்' 'இன்றைய நாள் பழிவாங்கப்படும் நாளல்ல' என்று அறிவிப்புப் செய்து அனைவருக்கும் பொது மன்னிப்பு வழங்கினார்கள். அநியாயம், அட்டூழியம் புரிந்தவர்களை மன்னித்தார்கள்.

 நபி (ஸல்) அவர்களை மக்காவிலிருந்து வெளியேற்றி வைப்பதற்காக குறைஷிக் காபிர்கள் செய்த அநாகரீகமான செயல்கள் ஒன்றல்ல.

நம் கண்மணி நாயகம் சிரம் பணிந்திருக்கின்ற போது அழுகிய குடலை அவரது மேனியில் போட்டவர்கள், 

மகள் ஸைனப்(ரலி)அவர்கள் கர்ப்பிணியாக இருக்கும் நிலையில் அம்பெய்தார்கள். அதனால், அவர் கீழே விழுந்து கர்ப்பமும் கலைந்துபோனது. இப்படியாக கடுமையான செயல்களை செய்தவர்களையே நபியவர்கள் மன்னித்தார்கள். 

குழந்தைகளை கொஞ்சுவதும்,முத்தமிடுவதும் கருணையின் வெளிப்பாடே!

5998- حَدَّثَنَا مُحَمَّدُ بْنُ يُوسُفَ ، حَدَّثَنَا سُفْيَانُ ، عَنْ هِشَامٍ ، عَنْ عُرْوَةَ ، عَنْ عَائِشَةَ ، رَضِيَ اللَّهُ عَنْهَا ، قَالَتْ جَاءَ أَعْرَابِيٌّ إِلَى النَّبِيِّ صلى الله عليه وسلم فَقَالَ تُقَبِّلُونَ الصِّبْيَانَ فَمَا نُقَبِّلُهُمْ فَقَالَ النَّبِيُّ صلى الله عليه وسلم أَوَ أَمْلِكُ لَكَ أَنْ نَزَعَ اللَّهُ مِنْ قَلْبِكَ الرَّحْمَةَ.

ஒரு கிராமவாசி நபி (ஸல்) அவர்களிடம் வந்து, “நீங்கள் சிறு குழந்தைகளை முத்தமிடுகின்றீர்களா? நாங்களெல்லாம் அவர்களை முத்தமிடுவதில்லை” என்று கூறினார். அதற்கு நபி (ஸல்) அவர்கள், “அல்லாஹ் உமது இதயத்திலிருந்து அன்பைக் கழற்றி விட்ட பின்னர் உமக்காக நான் என்ன செய்ய முடியும்?” என்று கேட்டார்கள்.அறிவிப்பவர் : ஆயிஷா (ரலி),நூல் : புகாரி 5998

 5997- حَدَّثَنَا أَبُو الْيَمَانِ ، أَخْبَرَنَا شُعَيْبٌ ، عَنِ الزُّهْرِيِّ ، حَدَّثَنَا أَبُو سَلَمَةَ بْنُ عَبْدِ الرَّحْمَنِ أَنَّ أَبَا هُرَيْرَةَ ، رَضِيَ اللَّهُ عَنْهُ ، قَالَ قَبَّلَ رَسُولُ اللهِ صلى الله عليه وسلم الْحَسَنَ بْنَ عَلِيٍّ وَعِنْدَهُ الأَقْرَعُ بْنُ حَابِسٍ التَّمِيمِيُّ جَالِسًا فَقَالَ الأَقْرَعُ إِنَّ لِي عَشَرَةً مِنَ الْوَلَدِ مَا قَبَّلْتُ مِنْهُمْ أَحَدًا فَنَظَرَ إِلَيْهِ رَسُولُ اللهِ صلى الله عليه وسلم ثُمَّ قَالَ مَنْ لاَ يَرْحَمُ لاَ يُرْحَمُ

அல்லாஹ்வின் தூதர் (ஸல்) அவர்கள் ஹஸன் பின் அலீயை முத்தமிட்டார்கள். அப்போது அவர்களுக்கு அருகில் அமர்ந்து கொண்டிருந்த அக்ரஃ பின் ஹாபிஸ் அத்தமீமி (ரலி), “எனக்குப் பத்து குழந்தைகள் இருக்கின்றன. அவர்களில் ஒருவரைக் கூட நான் முத்தமிட்டதில்லை” என்றார். அவரை ஏறெடுத்துப் பார்த்த அல்லாஹ்வின் தூதர் (ஸல்) அவர்கள், “அன்பு காட்டாதவர் அன்பு காட்டப்பட மாட்டார்” என்று கூறினார்கள்.

அடுத்தவருக்கு துஆ செய்வதும் அல்லாஹ்வின் ரஹ்மத் கிடைக்க காரணமாக அமையும்

நமது பெற்றோர்களுக்கு...

 رَّبِّ ارْحَمْهُمَا كَمَا رَبَّيٰنِىْ صَغِيْرًا ‏

“என் இறைவனே! நான் சிறு பிள்ளையாக இருந்த போது, என்னை(ப்பரிவோடு) அவ்விருவரும் வளர்த்தது போல், நீயும் அவர்களிருவருக்கும் கிருபை செய்வாயாக!” என துஆ செய்தும்.

சக முஸ்லிமை சந்திக்கும் போது

السلام عليكم ورحمت الله....என ஸலாம் கூறுவதும்.

ஸலாம் கூறியவருக்கு..       وعليكم السلام ورحمت الله....என பதில் கூறுவதும்.

தும்மியவருக்கு...

يرحمك الله..     என துஆ செய்வதும். நமக்கு ரஹ்மத் கிடைக்க காரணமாக அமைகிறது.

பாவமன்னிப்புத் தேடுவது ரஹ்மதிற்கு காரணமாகும்

لَوْلَا تَسْتَغْفِرُوْنَ اللّٰهَ لَعَلَّكُمْ تُرْحَمُوْنَ‏

 நீங்கள் கிருபை செய்யப்படும் பொருட்டு அல்லாஹ்விடம் தவ்பா (செய்து மன்னிப்புக்) கேட்கமாட்டீர்களா?” எனக் கூறினார்.(அல்குர்ஆன் : 27:46)

நம் அமல்களால் மட்டும் சுவனம் செல்ல முடியுமா?

 لَنْ يُدْخِلَ أحَدًا عَمَلُهُ الجَنَّةَ. قالوا: ولا أنْتَ يا رَسولَ اللَّهِ؟ قالَ: لا، ولا أنا، إلَّا أنْ يَتَغَمَّدَنِي اللَّهُ بفَضْلٍ ورَحْمَةٍ، ...الراوي : أبو هريرة | المحدث : البخاري | المصدر : صحيح البخاري

"உங்களில் எவரும் தனது அமலால் சுவனம் நுழைய முடியாது".என நபி(ஸல்) அவர்கள் கூறிய போது.

யா ரசூலல்லாஹ்! "நீங்களுமா "(உங்களின் அமலால் நீங்களும்  சுவனம் செல்ல முடியாதா?)என ஸஹாபாக்கள் கேட்டார்கள்,அதற்கு நபியவர்கள். "இல்லை,அல்லாஹ் ரஹ்மத்தையும் இன்னும் அருளையும் கொண்டு என்னை சூழ்ந்து கொள்ளாதவரை (நானும் சுவனத்தில் நுழைய) முடியாது. எனக் கூறினார்கள். (அறிவிப்பவர் :அபூஹுரைரா( ரலி) அவர்கள்.)நூல் :ஸஹீஹுல் புகாரி 

அல்லாஹ்வின் ரஹ்மத் நமது அமல்களைத் தாண்டி நம் கற்ப்பனைகளுக்கு  அப்பாற்பட்ட ஒன்று.அல்லாஹ்வின் ரஹ்மத் இன்றி ஓர் அணுவும் அசையாது.

ரமலானின் முந்தைய பத்து, அல்லாஹ்வின் ரஹ்மத்கள் அடைமழையாய் பொழியும் தினங்களாகும்.நாம் நம் அமல்களாலும்,நம் நாயகம்(ஸல்)அவர்கள் நமக்குக் கற்றுத்தந்த...

اللهم ارحمنا برحمتك يا ارحم الراحمين

"யா அல்லாஹ்! கிருபையாளர்களிலெல்லாம் கிருபையாளனே!உனது கிருபையைக் கொண்டு எங்களுக்கு ரஹ்மத் செய்வாயாக!"இதுபோன்ற துஆக்களாலும்,அல்லாஹ்வின் ரஹ்மத்தை பெற முயற்சிக்க வேண்டும்.

அல்லாஹ் நம் அனைவருக்கும் ரமலானில் ரஹ்மத்தையும்,பாவமன்னிப்பையும்,

எல்லா நன்மைகளையும் வழங்குவானாக! ஆமீன்...

ஜும்ஆ பயான் 09/04/2021

தலைப்பு:

       ரமலானே வருக!

شَهْرُ رَمَضَانَ الَّذِىْٓ اُنْزِلَ فِيْهِ الْقُرْاٰنُ هُدًى لِّلنَّاسِ وَ بَيِّنٰتٍ مِّنَ

 الْهُدٰى وَالْفُرْقَانِ 

ரமளான் மாதம் எத்தகையதென்றால் அதில் தான் மனிதர்களுக்கு (முழுமையான வழிகாட்டியாகவும், தெளிவான சான்றுகளைக் கொண்டதாகவும்; (நன்மை - தீமைகளைப்) பிரித்தறிவிப்பதுமான அல் குர்ஆன் இறக்கியருளப் பெற்றது;(அல்குர்ஆன் : 2:185)ச

சர்வதேசஅளவில் இஸ்லாமியர்கள், "மகத்துவமிக்க ரமலானை" வரவேற்க தயராகிக்கொண்டிருக்கிறார்கள். முன்னெப்போதுமில்லாத அளவுக்கு இவ்வருட ரமலான் முக்கியத்துவம் பெறுகிறது.

காரணம்: கடந்த 2020ஆம் ஆண்டு கொரொணா பெருந்தொற்றின் பாதிப்பால் சர்வ தேச அளவில் போடப்பட்ட தொடர் ஊரடங்கு காலத்தில், ரமலானில் மஸ்ஜிதுக்கு சென்று ஜமாஅத் தொழுகை,தராவீஹ் போன்ற எந்த அமல்களையும் நிறைவேற்ற முடியாத கையறு நிலை,அது மட்டுமா லைலதுல் கத்ர், இரண்டு ஈது பெருநாட்கள், மற்றும் புனித மக்கா சென்று ஹஜ் செய்ய ஹாஜிகளுக்கு தடைப் போன்ற பல சோதனைகளை கடந்து, இவ்வருட ரமலான் எவ்வித சோதனைகளும் அன்றி முழுமையாக நோன்புகளை நோற்று மஸ்ஜிதிற்கு சென்று எல்லா அமல்களையும் செய்யும் பாக்கியத்தை தா இறைவா! என்ற இறைஞ்சுதலோடும், நாயகம் (ஸல்) அவர்கள் கற்று தந்த.

اللهم بارك لنا فى رجب وشعبان وبلغنا رمضان

"இரட்சகனே! எங்களுக்கு ரஜபிலும் ஷஃபானிலும் பரகத் செய்வாயாக மேலும், ரமழானை எங்களுக்கு அடையச் செய்வாயாக’" என்ற பிரார்த்தனையோடும், வரவிருக்கிற "புனித ரமலானை" எதிர்நோக்கி காத்திருக்கிறது இஸ்லாமிய உலகம்.

ஆனால் நமது முன்னோர்கள் ஒவ்வொரு ரமலானையுமே அச்சத்தோடும் ஆதரவோடும்,மிகுந்த மகிழ்ச்சியோடும் எதிர்நோக்குபவர்களாக இருந்தார்கள்.

ரமலானும்,நம் கண்மணி  நாயகம்(ஸல்)அவர்களும்

நபி (ஸல்) அவர்கள் எந்த சந்தர்பத்திலும் தனது ஆயுளை நீளமாக்கி தரும்படி இறைவனிடம் இறைஞ்சியது கிடையாது.இறையழைப்பை ஏற்க எப்போதும் தயாராக இருப்பார்கள். ஆனால் அவர்கள் வாழ்ந்த காலங்களில்  ரமலானில் மட்டும் உயிரோடிருக்க வேண்டி துஆ செய்திருக்கிறார்கள். மட்டுமல்லாமல் இந்த உம்மத்தையும் அவ்விதம் துஆச் செய்ய ஆர்வமூட்டியிருக்கிறார்கள்.

நபி(ஸல்)அவர்கள் ரமலான் மாதம் வருவதற்கு முன்னால் அம்மாதத்தின் சிறப்புகளையும், மேன்மைகளையும் கூறி ஸஹாபாக்களை அமல்கள் செய்ய தூண்டுவார்கள் என ஹதீஸ்களில் வருகிறது.

فأعظِمْ بها من بشارة يزفها النبي - صلى الله عليه وسلم - لصحابته حين قال لهم:"أتاكم رمضان، شهر مبارك، فرض الله - عز وجل - عليكم صيامه، تُفتَح فيه أبواب السماء، وتُغلَق فيه أبواب الجحيم، وتُغَلُّ فيه مَرَدة الشياطين، لله فيه ليلة هي خير من ألف شهر، من حُرِمَ خيرها فقد حرم" صحيح سنن النسائي.

"உங்களிடம் பரகத் நிறைந்த ரமலான் மாதம் வந்திருக்கிறது.

அல்லாஹுத்தஆலா உங்களின் மீது அதன்( ரமலான் மாத)நோன்பை கடமையாக்கியிருக்கிறான்.அம்மாதம் வானங்களின் கதவுகள் திறக்கப்படும்.அ(ம்மாதத்)தில் நரகின் கதவுகள் தாழிடப்படும்.அ(ம்மாதத்)தில் முரண்டுப்பிடிக்கும் ஷைத்தான்கள் விலங்கிடப்படுவார்கள். அ(ம்மாதத்)தில் அல்லாஹ் இரவு ஒன்றை வைத்திருக்கிறான்.அது ஆயிரம் மாதங்களை விடவும் சிறந்தது.அதன் சிறப்புக்களை இழந்தவன் அனைத்தையும் இழந்துவிட்டான்"என நபி(ஸல்)அவர்கள் தம் தோழர்களிடம் கூறினார்கள்.(நூல்:ஸஹீஹு சுனனு நஸாஈ)

நோன்பாளிகளுக்கு மட்டுமே அனுமதி...

கண்மணி நாயகம் ஸல்லல்லாஹு அலைஹி வஸல்லம் அன்னவர்கள் கூறினார்கள்:

சொர்க்கத்தில் “ரய்யான்” என்று கூறப்படும் ஒரு வாசல் இருக்கிறது! மறுமை நாளில் அதன் வழியாக நோன்பாளிகள் நுழைவார்கள். அவர்களைத் தவிர வேறு எவரும் அதன் வழியாக நுழைய மாட்டார்கள்! நோன்பாளிகள் எங்கே, என்று கேட்கப்படும் உடனே அவர்கள் எழுவார்கள். அவர்களைத் தவிர வேறு எவரும் அதன் வழியாக நுழைய மாட்டார்கள்! அவர்கள் நுழைந்ததும் அவ்வாசல் அடைக்கப்பட்டுவிடும். அதன் வழியாக வேறு எவரும் நுழைய மாட்டார்கள்.சஹ்ல் (ரலியல்லாஹு அன்ஹு) (புகாரி 1896)

ஷஹீதுக்கு முன்பு சுவனம் செல்பவர்....

 عَنْ أَبِي هُرَيْرَةَ، قَالَ: كَانَ رَجُلَانِ مِنْ بَلِيٍّ حَيٌّ مِنْ قُضَاعَةَ أَسْلَمَا مَعَ النَّبِيِّ صَلَّى اللهُ عَلَيْهِ وَسَلَّمَ، وَاسْتُشْهِدَ أَحَدُهُمَا، وَأُخِّرَ الْآخَرُ سَنَةً، قَالَ طَلْحَةُ بْنُ عُبَيْدِ اللهِ: فَأُرِيتُ الْجَنَّةَ، فَرَأَيْتُ الْمُؤَخَّرَ مِنْهُمَا، أُدْخِلَ قَبْلَ الشَّهِيدِ، فَتَعَجَّبْتُ لِذَلِكَ، فَأَصْبَحْتُ، فَذَكَرْتُ ذَلِكَ لِلنَّبِيِّ صَلَّى اللهُ عَلَيْهِ وَسَلَّمَ، أَوْ ذُكِرَ ذَلِكَ لِرَسُولِ اللهِ صَلَّى اللهُ عَلَيْهِ وَسَلَّمَ، فَقَالَ رَسُولُ اللهِ صَلَّى اللهُ عَلَيْهِ وَسَلَّمَ:" أَلَيْسَ قَدْ صَامَ بَعْدَهُ رَمَضَانَ، وَصَلَّى سِتَّةَ آلَافِ رَكْعَةٍ، أَوْ كَذَا وَكَذَا رَكْعَةً صَلَاةَ السَّنَةِ؟" رواه أحمد، وإسناده حسن.

இரண்டு நபர்கள் நபி(ஸல்)அவர்களிடம் ஒன்றாக இஸ்லாத்தைத் தழுவினார்கள். அவர்களில் ஒருவர் ஷஹிதாகி விட்டார். மற்றொரு நபர் ஒரு வருடம் கழித்து மரணித்தார்.

தல்ஹதுப்னு உபைதில்லாஹ்(ரலி)அவர்கள் சொல்கிறார்கள் :நான் கனவிலே "ஷஹீதை விட (ஒரு வருடம் கழித்து மரணித்த) அந்த நபர் முந்தி சுவனத்தில் நுழையக் காண்டேன்" 

எனக்கு இது ஆச்சரியத்தையளித்தது காலையில் நபி (ஸல்) அவர்களிடம் சென்று அ(க் கனவில் நடந்த)தைக் கூறினேன்.உடனே நபி ஸல் அவர்கள் கேட்டார்கள் :"அவருக்குப் பின்பு (மரணித்த) அந்த நபர் ரமலான் நோன்பை நோற்றிருப்பார்,ஆயிரம் ரகஅத்கள் தொழுதிருப்பார்,இன்னும் ஒரு வருடம் முழுக்க தொழுதிருப்பாரா இல்லையா?" (அது தான் ஷஹிதை விட முந்தி சுவனம் செல்லக் காரணம்)

அறிவிப்பவர் :அபு ஹுரைரா (ரலி)அவர்கள்.(நூல் :அஹ்மத்)  

ரமலானும்,நல்லோர்களும்

وسئل الصحابي عبدالله بن مسعود: «كيف كنتم تسقبلون شهر رمضان؟ قال: ما كان أحدنا يجرؤ أن يستقبل الهلال وفي قلبه مثقال ذرة حقد على أخيه المسلم».

(சஹாபாக்களாகிய) நீங்கள் ரமலான் மாதத்தை எவ்விதம் வரவேற்பீர்கள்? என அப்துல்லாஹ் பின் மஸ்வூத் (ரலி) அவர்களிடம் கேட்கப்பட்ட போது  எங்களில் எவரும் (ரமலானுக்கு)பிறைப்பார்க்க செல்லும்போது முஸ்லிமான தன் சகோதரனை குறித்து கடுகளவும்  குரோதம் கொண்டவர்களாக இருக்கமாட்டோம்.

 قال مُعَلَّى بن الفضل: "كانوا يدعون الله ستة أشهر أن  يبلغهم رمضان، ثم يدعونه ستة أشهر أن يتقبله منهم".

முஅல்லா பின் ஃ பள்லு (ரஹ்)அவர்கள் கூறுகிறார்கள்:ஸஹாபாக்கள் ரமலானுக்காக ஆறுமாதங்களும்,ரமலானுக்கு பின் ஆறு மாதங்கள் கபூலிய்யதிற்காகவும் துஆ செய்வார்கள்.

ரமலான் முன் தயாரிப்பிற்காக ஷஃபான் மாதம் அதிகம் நோன்பு நோற்பார்கள்.

 وكان يحيى بن أبي كثير يقول:"اللهم سلمنا إلى  رمضان، وسلم لنا رمضان، وتسلمه منا متقبلا".

 யஹ்யா பின் அபி கஸிர்(ரஹ்)அவர்கள் இவ்வாறு துஆ செய்துக்கொண்டிருப்பார்கள்:"யா அல்லாஹ்! ரமலான் வரை எங்களை ஸலாமத்தாக்கி வை!ரமலானை எங்களுக்கு ஸலாமத்தாக ஆக்கு! எங்களுக்காக ரமலானை ஏற்றுக் கொள்ளப்பட்டதாக ஆக்கு!"

ரமலான் மாத அமல்களின் முக்கியத்துவம்

விவசாயிகளுக்கு அறுவடைக்கால சீசன் மகிழ்ச்சியைத்தருவது போன்று அனைத்து வியாபாரத்திற்கும் லாபங்களை வாரி வழங்கும் ஒரு சீசன் உண்டு. அந்தக் காலங்களில் இரவு, பகல் பாராமல் எப்படி நாம் உழைத்து உலக வருமானத்தைப் பெருக்கிக் கொள்ள முயற்சி செய்கிறோமோ அதைப் போலவே மறுமையில் நாம் நிம்மதியாக இருப்பதற்காக தான் படைத்த பன்னிரண்டு மாதங்களில் இரவு, பகல் 24 மணி நேரமும் நல்ல அமல்களில் ஈடுபடும் ஒரு சீசனாக ரமலானை அல்லாஹ் நமக்கு அருளியுள்ளான்.

يٰٓـاَيُّهَا الَّذِيْنَ اٰمَنُوْا كُتِبَ عَلَيْکُمُ الصِّيَامُ کَمَا كُتِبَ عَلَى الَّذِيْنَ مِنْ قَبْلِکُمْ لَعَلَّكُمْ تَتَّقُوْنَۙ‏ 

ஈமான் கொண்டோர்களே! உங்களுக்கு முன் இருந்தவர்கள் மீது நோன்பு விதிக்கப்பட்டிருந்தது போல் உங்கள் மீதும்(அது) விதிக்கப்பட்டுள்ளது; (அதன் மூலம்) நீங்கள் இறையச்சமுடையோர் ஆகலாம்(அல்குர்ஆன் : 2:183)

தங்கம் வெள்ளி பணத்தின் மீதுள்ள மரியாதை நோன்பிற்கும் தெரிந்தால் காலம் முழுவதும் நோன்பு நோற்றிடுவோம்.

மதரஸாக்கள் கோடைகாலங்களில் அல்லாமல் ரமலான் மாதம் விடுமுறை விடப்படுகிறது. மதரஸாக்களில் போதிக்கப்படுகிற குர்ஆன், ஹதீஸ், ஃபிக்ஹ் போன்றவைகள் சிறந்த அமல்களாக இருப்பினும் ரமலானில் நிறைவேற்றப்படகூடிய பிரத்தியேக அமல்களின் முக்கியத்துவம் கருதி மதரஸாக்கள் விடுமுறை விடப்படுகிறது.

 குர்ஆனில் ...فَاِذَا فَرَغْتَ فَانْصَبْۙ‏ எனவே, (வேலைகளிலிருந்து) நீர் ஓய்ந்ததும் (இறைவழியிலும், வணக்கத்திலும்) முயல்வீராக.(அல்குர்ஆன் : 94:7)

அல்லாஹுத்தஆலா நபி (ஸல்) அவர்களை நோக்கி அவர்களின் மற்ற அலுவல்கள் முடிந்ததும் வணக்க வழிபாடுகளுக்கு நேரம் ஒதுக்க பணிக்கிறான்.

நபி (ஸல்) அவர்களின் அலுவல்கள் என்ன?மக்களை நல்வழிப் படுத்துவது, ஜிஹாதில் பங்குகொள்வது,பிரசங்கம் செய்வது போன்ற உயர்ந்த அமல்களாக  இருந்தாலும் அல்லாஹ்வுக்கு ஆற்றவேண்டிய கடமைகளின் பால் கவனம் செலுத்த அல்லாஹ் கட்டளையிடுகிறான். அதனாலேயே நபி (ஸல்) அவர்கள் இரவு நேரங்களில் தம் திருப்பாதங்கள் வீங்கி விடும் அளவுக்கு இறைவனை வணங்குவார்கள் என தஃப்ஸீர் மாரிஃபுல் குர்ஆன் ஆசிரியர் அல்லாமா முஹம்மது ஷஃபி (ரஹ்)அவர்கள் விளக்கம் கூறுவார்கள்.

இமாமுனா மாலிக் (ரஹ்) அன்னவர்களிடம் ஆயிரக்கணக்கானவர்கள் ஹதீஸ் பாடங்களை கற்பார்கள். ஆனால் இமாமவர்கள் ரமலானில் பாடம் நடத்த மாட்டார்கள் அதற்கு அவர்கள் சொல்லும் காரணம் لا كلام فيہ الا مع القران    "ரமலான் மாதத்தில் குர்ஆனுடனே தவிர வேறு எவரிடமும் பேச்சு கிடையாது. "

எனவே பருவக் காலத்தில் விரைந்து விற்பனையாகும் பொருட்களை விற்க வியாபாரி சலிப்படைவதில்லை! வியாபாரத்தின் முதலீட்டை அதிகரிக்கத் தயங்குவது மில்லை! தன் தேவைகளைக்கூட சில நேரங்களில் சுருக்கிக் கொள்ளலாம். இது வியாபார நோக்கம். அதுபோல உண்மையான இறையடியான்,  தன் வாழ்வின் வழிகாட்டியாக வந்த இறைத்தூதரின் நன்மொழிகளைப் பற்றிப் பிடித்து ‘மறுமைக்கான’ வியாபாரத்தில் ‘லாபம்’ சம்பாதிக்கவே முனைப்புடனிருப்பான். ரமளானின் ஒரு மணித்துளியையும் வீணாக்க விரும்ப மாட்டான்.

ஆரோக்கியத்தை வழங்கும் வணக்கம் நோன்பு

இம்மாதத்தில் பட்டினியாக கிடப்பது இறைவணக்கமாக இருந்தாலும் அது ஒரு வகையில் மனித வாழ்க்கைக்கு மருந்தாக அமைகின்றது.                ஆம்..மருத்துவர்கள் கூறுகிறார்கள்.. உணவில்லாததால் இறந்து விட்டவர்களை விட வேண்டாத வேளையில் உணவுண்டு இறந்தவர்கள் எண்ணிக்கையே அதிகம்.

முப்பது நாட்கள் நோன்பிருப்பதால் உடல் பலவீனமாகும் என்பது தவறான கருத்தாகும்.

உலகறிந்த உயிரியல் விஞ்ஞானி பேராசிரியர்: ஹக்ஸ்ஸி சில மண் புழுக்களை வைத்து ஆராய்ச்சி செய்தார், அவற்றுக்கு விருப்பமான வழக்கமான உணவை கொடுத்து வந்தார் ஒரே ஒரு மண் புழுவை மட்டும் தனியாக எடுத்து ஒரு வேளை உணவையும் மறு வேளை பட்டினியாக வளர்த்து வந்தார்.

ஆச்சர்யம் என்னவென்றால்...தொடர்ந்து உணவை சாப்பிட்ட மண் புழுக்கள் அழிந்துவிட்டன. ஆனால் ஒரு வேளை பட்டினியாகவும் மறு வேளை உணவு சாப்பிட்டும் வந்த அந்த மண் புழு நீண்ட நாட்கள் வாழ்ந்தது, என்று தனது ஆய்வில் கூறுகிறார்கள்.

தனித்துவமான வணக்கம் நோன்பு 

பொதுவாகவே நோன்பைத் தவிர மற்ற இறைவழிபாடுகள் எல்லாம் ஏதேனும் ஒருவிதத்தில் வெளிப்படையாகவே நிறைவேற்றப்படுகின்றன.

தொழுகையை எல்லோரும் பார்க்க முடியும். ஜகாதிலும் கூட ஒருவர் கொடுப்பதையும், மற்றொருவர் பெறுவதையும்  பார்க்க முடியும்.ஹஜ் குறித்து சொல்லவேண்டியதே இல்லை.அது இலட்சக் காணக்கானவர்களோடு சேர்ந்து நிறைவேற்றபடும் ஓர் வணக்கம்.

ஆனால், நோன்பு இவற்றில் மாறுபட்ட மறைவான தொரு இறைவழிபாடு. நோன்பு நோற்பவரும் இறைவனும் அன்றி வேறு யாரும் அறிந்துகொள்ள முடியாத இறைவழிபாட்டு முறை.

அதனால் தான்  நோன்பிற்கு  அல்லாஹ்வே நேரடியாக கூலி வழங்குகிறான். ஒரு ஹதீஸில்...

روى البخاري (1761) ومسلم (1946) عن أَبي هُرَيْرَةَ رَضِيَ اللَّهُ عَنْهُ قال : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( قَالَ اللَّهُ : كُلُّ عَمَلِ ابْنِ آدَمَ لَهُ إِلا الصِّيَامَ فَإِنَّهُ لِي وَأَنَا أَجْزِي بِهِ . . . الحديث ) இறைத்தூதர்(ஸல்) அவர்கள் கூறினார்கள்:

'நோன்பைத் தவிர ஆதமுடைய மகனின் ஒவ்வொரு செயலும் அவனுக்குரியதாகும்! நிச்சயமாக, நோன்பு எனக்கு(மட்டுமே) உரியது; அதற்கு நானே கூலி கொடுப்பேன்!' என்று அல்லாஹ் கூறினான்,என அபூ ஹுரைரா(ரலி) அறிவித்தார்.(ஸஹீஹ் புகாரி 1761 &ஸஹீஹ் முஸ்லிம்1946)

இறைகட்டளையை செயற்படுத்தும் முனைப்புடன் ஒருவர் உண்ணாமலும், அருந்தாமலும், மனஇச்சைகளைக் கட்டுப்படுத்திக் கொண்டு குறிப்பிட்ட காலம்வரை இருப்பது அசாத்தியமான ஒன்றே எனலாம்.

இப்படி, ஒவ்வோர் ஆண்டும் உலகம் முழுவதும் உள்ள முஸ்லிம்களின் இறைநம்பிக்கைக்கு வைக்கப்படும் தேர்வுதான் நோன்பு.இந்தப் பயிற்சியில் எந்த அளவுக்கு மனிதன் வெற்றியடைந்துகொண்டே போகிறானோ, அந்தளவுக்கு அவனது இறைநம்பிக்கையும் வலுபெறுகிறது.

ரமலானை வரவேற்போம்

முதலில் ரமலானை அடைவதற்காக துஆ செய்வது.அடுத்து ரமலான் பிறை தேடுவது சுன்னத் ஆகும். நபி ஸல் அவர்களும், அவர்களின் தோழர்களும் ரமலானுக்கு மட்டுமல்ல எல்லா மாதங்களும் பிறை பார்ப்பார்கள். பிறை காணும் போது நபி (ஸல்)அவர்கள் கீழ்காணும் துஆவை ஓதுவார்கள். 

عن طلحة بن عبيد الله رضي الله عنه قال: كان النبي صلى الله عليه وسلم إِذا رأى الهِلالَ قال: «اللَّهُمَّ أَهْلِلْهُ عَلَيْنَا بِاليُمْنِ وَالإِيمَانِ وَالسَّلَامَةِ وَالإِسْلَامِ، رَبِّي وَرَبُّكَ اللَّهُ» رواه الترمذي وحسنه (سنن الترمذي؛ برقم: [3526])، 

ரமலானும், நேர மேலாண்மையும்

நாம் வருடம் முழுக்க உலக அலுவல்களுக்காக அதிக நேரங்களை செலவிடுகிறோம். சொற்ப நேரத்தையே அமல்கள் செய்ய ஒதுக்குகிறோம். ரமலான் மாதத்திலாவது நம்முடைய மற்ற அலுவல்களை குறைத்துக்கொண்டு கூடுதல் நேரங்களை ஒதுக்கி , நேர மேலாண்மையோடு அமல்கள் செய்ய முயற்சிக்க வேண்டும்.

முப்பது நோன்புகள் நோற்பதோடு ஐந்து நேரத் தொழுகைகளையும் இமாம் ஜமாத்தோடு தொழ வேண்டும்.

தராவீஹ் தொழுகை : 

ரமலானின் பிரத்தியேக அமல்களில் ஒன்று சுன்னத்தான தராவீஹ் தொழுகை ஆகும். தொழுகை முஃமின்களின் மிஃராஜ் எனப்படும்.குறிப்பாக தொழுகையின்  சுஜூதில் அல்லாஹ்வோடு அடியான் நெருக்கமாகி ஒன்றி விடக்கூடிய ஒர் நிலை ஏற்படுகிறது.

كَلَّا  لَا تُطِعْهُ وَاسْجُدْ وَاقْتَرِبْ‏.    (அவன் கூறுவது போலல்ல;) அவனுக்கு நீர் வழிபடாதீர்; (உம் இறைவனுக்கு) ஸுஜூது செய்து (வணங்கி அவனை) நெருங்குவீராக.(அல்குர்ஆன் : 96:19)

ரமலான் மாதத்தின் தராவீஹ் தொழுகையில் ஒவ்வொரு நாளும் நாற்பது  ஸுஜூதுகள் செய்யும் வாய்ப்பின் மூலம் இப்பெரும்பாக்கியம் நமக்கு கிடைக்கிறது.

குர்ஆன் ஓதுதல் :

குர்ஆன் இறக்கியருளப்பட்டதே இம்மாதம் சிறப்பு பெற காரணம் என 2:185 ஆம் வசனம் கூறுகிறது.

عَنْ ابْنِ عَبَّاسٍ قَالَ:(( كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ أَجْوَدَ النَّاسِ، وَكَانَ أَجْوَدُ مَا يَكُونُ فِي رَمَضَانَ حِينَ يَلْقَاهُ جِبْرِيلُ، وَكَانَ يَلْقَاهُ فِي كُلِّ لَيْلَةٍ مِنْ رَمَضَانَ فَيُدَارِسُهُ الْقُرْآنَ، فَلَرَسُولُ اللَّهِ صَلَّى اللَّهُ عَلَيْهِ وَسَلَّمَ أَجْوَدُ بِالْخَيْرِ مِنْ الرِّيحِ الْمُرْسَلَةِ ))[ متفق عليه ]

நபி (ஸல்) அவர்கள் மக்களில் அதிகம் கொடைக் கொடுப்பவராக இருந்தார்கள் ரமலான் மாதத்தில் ஜிப்ரயீல் (அலை) அவர்களை சந்திக்கும் சமயத்தில் கொடை வள்ளலாக மாறிவிடுவார்கள். அவர்(ஜிப்ரயீல்) ரமலான் மாதத்தில் ஒவ்வொரு இரவும் நபியை சந்தித்து குர்ஆன் ஓதிக்காட்டுவார்.  நபி அவர்களை ஜிப்ரீல் (அலை) அவர்கள் சந்திக்கின்றபோது தொடர்ந்து வீசும் புயல்காற்றைவிட (வேகமாக) நல்லதை வாரி வழங்குவார்கள்.அறிவிப்பவர் :இப்னு அப்பாஸ் (ரலி) அவர்கள் (நூல் :புகாரி, முஸ்லிம் )

நபி ஸல் அவர்கள்  மரணித்தை தழுவிய  அவ்வாண்டு ஜிப்ரயீல் (அலை )அவர்கள் ரமலானில் இரண்டு தடவைகள் குர்ஆன் ஓதிக் காட்டினார்கள் என பாத்திமா ரலியல்லாஹு அன்ஹா அவர்களின் ஒரு ரிவாயத் உள்ளது.இந்த மாதம் குர்ஆன் ஓதுவதும், குர்ஆன் ஓதுவதை கேட்பதும், இரண்டுமே சிறப்புக்குரிய அமல்கள் ஆகும். 

இமாமுனா அபூஹனிபா(ரஹ்) அன்னவர்கள் :ரமலானில் ஒவ்வொரு நாளும் பகலில் ஒரு குர்ஆனும்,இரவில் ஒரு குர்ஆனையும் இப்படி மொத்தம் அறுபது குர்ஆன்களை ரமலானில் ஓதிவிடுவார்கள்.

فقد كان سفيان الثوري إذا دخل رمضان ترك جميع  الأعمال، وأقبل على قراءة القرآن.

சுஃப்யான் சவ்ரி (ரஹ்)அவர்கள் :ரமலான் மாதத்தில் எல்லா காரியங்களையும் விட்டு விட்டு குர்ஆன் ஓதுவதில் ஈடுபடுவார்கள். 

  وكان محمد بن إسماعيل البخاري يختم في رمضان  في النهار كل يوم ختمة، ويقوم بعد التراويح كل ثلاث ليالٍ بختمة

இமாம் முஹம்மத் பின் இஸ்மாயில் அல் புகாரி  (ரஹ்)அவர்கள் ரமலானில் ஒவ்வொரு நாளும் பகலில் ஒரு குராஆனையும்,தராவீஹ் தொழுகைக்குப் பின்னால் (ஒரு நாளைக்கு பத்து ஜூஸ்வு என்று) மூன்று நாளில் முழு குர்ஆனை தொழுகையில் ஓதி முடிப்பார்கள்.

ஹுஜ்ஜதுல் இஸ்லாம் மௌலானா காஸிம் நானுத்தவி (ரஹ்) அவர்கள்: ஹிஜ்ரி1277ஆம் ஆண்டு ரமலான் மாத ஹிஜாஸ் பயணத்தில் ஒவ்வொரு ஜுஸ்வுகளாக குர்ஆன் முழுவதையும் மனனம் செய்து ஹாஃபிளாகி விட்டார்கள்.

ரமலான் மாத தராவீஹ் தொழுகையில் அதிகளவு குர்ஆன் ஓதி தொழவைப்பார்கள். என ஷைகுல் ஹதீஸ் ஜகரிய்யா (ரஹ்)அவர்கள் தனது நூலில் குறிப்பிடுகிறார்கள்.

 நஃபிலான வணக்கங்கள்:

ரமலானில் நஃபிலான தொழுகைகளில் அதிகம் கவனம் செலுத்தலாம்.குறிப்பாக தஹஜ்ஜுத் தொழுகை, ஸஹர் செய்ய எழுந்திருக்கும் போதே தஹஜ்ஜுத் தொழுது முடித்து ஸஹர் செய்வது பெரும் சிரமமான காரியம் ஒன்றுமில்லை.பகலில் இஷ்ராக்.ளுஹா போன்ற தொழுகைகளையும்.மக்ரிபுக்கு பின்னால் அவ்வாபீன் தொழுகைகளிலும் கவனம் செலுத்தலாம்.

ஃபகீஹுல் உம்மத் ஹழ்ரத் முஃப்தி மஹ்மூதுல் ஹஸன்(ரஹ்)அவர்கள்: தாருல் உலூம் தேவ்பந்த் மதரஸாவில் தலைமை முஃப்தியாக இருந்தவர்கள். ரமலான் மாதம் வந்துவிட்டால் ஹஜ்ரத் அவர்கள் மிகுந்த ஆர்வத்தோடு தஹஜ்ஜுத் இஷ்ராக்,அவ்வாபீன், ளுஹா ஆகிய நபிலான தொழுகைகளையும் சுன்னத்தான தொழுகைகளில்  மிக நீளமாக குர்ஆன் ஒதித் தொழுபவர்களாக இருந்தார்கள்.

ஜகாத் மற்றும் ஸதகாக்கள்:

இரட்டிப்பு நன்மை என்பதால் செல்வந்தர்கள் ரமலான் மாதம் கணக்குப் பார்த்து ஜகாத் கொடுக்கிறார்கள். அதேபோல இம்மாதத்தில் அதிக தானதர்மங்களை செய்யவும் நபி (ஸல்) அவர்கள் ஆர்வமூட்டி உள்ளார்கள். ஹதீஸில் வருகிறது,

(( كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ أَجْوَدَ النَّاسِ، وَكَانَ أَجْوَدُ مَا يَكُونُ فِي رَمَضَانَ حِينَ يَلْقَاهُ جِبْرِيلُ 

"நபி (ஸல்)அவர்கள் மிகுந்த தயாள குணம் உள்ளவர்களாக இருந்தார்கள், ரமலான் மாதத்தில் கொடை வள்ளலாக மாறிவிடுவார்கள். "

• قال الإمام الذهبي:"وبلغنا أن حماد بن أبي سليمان كان ذا دنيا متسعة، وأنه كان يُفطِّر في شهر رمضان خمس مائة إنسان، وأنه كان يعطيهم بعد العيد لكل واحد مائة درهم

இமாம் தஹ்பி (ரஹ்)அவர்கள் கூறுகிறார்கள்:ஹம்மாத் பின் அபி ஸுலைமான் என்ற செல்வந்தர் ஒருவர் இருந்தார்.

அவர் ரமலான் மாதத்தில் ஐநூறு நபர்கள் இஃப்தார் செய்வதற்கு ஏற்பாடு செய்வார்.அவர்கள் ஒவ்வொருவருக்கும் ஈதுக்கு பின்னால் நூறு திர்ஹம்கள் தானமாக கொடுப்பார்.

தான தர்மங்களில் மிகச் சிறந்தது, நோன்பாளிக்கு நோன்பு திறக்க ஏற்பாடு செய்வது.

رسول اللہ صلی اللہ علیہ وسلم قال:مَن فَطَّرَ صائِماً کانَ لہُ مَثلُ اجرِہِ غَیرَ انہُ لا یَنقُصُ مِن اَجرِ الصائِم شَیئًا                  இது பற்றி நபிகள் நாயகம் (ஸல்) அவர்கள் இவ்வாறு கூறியிருக்கிறார்கள்;"யாரேனும் ஒருவர், ஒரு நோன்பாளியை நோன்பு துறக்கச் செய்வாரேயானால், அந்த நோன்பாளி செய்த அனைத்து நன்மைகளின் அளவு இவருக்கும் கிடைக்கும். ஆனாலும், நோன்பு துறந்தவருடைய நன்மைகளில் சிறிதளவேனும் குறைக்கப்பட மாட்டாது" (அல் - ஹதீஸ்)

பாவங்களை விட்டும் பரிசுத்தமானவர்களாக:சொல்,செயல்,சிந்தனை ஆகிய அனைத்துப் பாவங்களை விட்டும் பரிசுத்தமாகி தூய எண்ணத்துடன் ரமலானில் நுழையவேண்டும்.

عن أبي هريرة رضي الله عنه أن النبيَّ صلى الله عليه وسلم قال: ((مَن لم يَدَعْ قول الزُّور والعملَ به والجهلَ، فليس للهِ حاجةٌ أن يَدَعَ طعامه وشرابه))؛ رواه البخاري[1].

நபி(ஸல்) அவர்கள் கூறினார்கள் ”பொய்யான பேச்சையும் பொய்யான நடவடிக்கைகளையும்விட்டு விடாதவர் தம் உணவையும் பானத்தையும்விட்டு விடுவதில் அல்லாஹ்வுக்கு எந்தத் தேவையுமில்லை!” என அபூ ஹுரைரா(ரலி) அவர்கள் கூறினார்கள். .(நூல்: புஹாரி)

துஆ எனும் பிரார்த்தனை:

ரஹ்மதை வாரி வழங்கும் மாதம்,துஆ ஒப்புக்கொள்ளப்படும் மாதம். எனவே அதிகமதிகம் துஆ செய்யலாம்,காலை, மாலை வேலைகளிலும்,சஹர் இஃப்தார் சமயங்களிலும், ஐவேலை தொழுகைகளுக்கு பின்னாலும் துஆக்கள் ஒப்புக்கொள்ளப்படும்.

திக்ர் செய்தல்:

ரமலானில் நிற்கும் போதும், நடக்கும் போதும், அமரும் போதும், உறங்கும் போதும், எல்லா நிலைகளிலும் திக்ரு செய்வதை வழமையாக்கிக் கொள்ளலாம்,

سبحان الله-لاحول ولا قوة الا بالله- لااله الا الله- الحمد لله- الله اكبر ஆகிய இலகுவான திக்ர்களையும்,ஸலவாத்துகளையும் ஓதலாம்.

லைலதுல் கத்ர்&இஃதிகாஃப்:

ரமலான் கடைசி பத்து தினங்கள்  இஃதிகாஃப் இருப்பது சிறப்பானது. காரணம் கடைசிப் பத்தின் ஒற்றைப்படை இரவுகளில் ஆயிரம் மாதங்களை விட சிறந்த லைலத்துல் கத்ர் இரவு மறைக்கப்பட்டுள்ளதால் இஃதிகாஃப் இருப்பவருக்கு அந்த இரவின் முழு நன்மையும் கிடைத்துவிடுகிறது. 

முஜத்திது அல்ஃப தானி (ரஹ் )அவர்கள் சொல்வார்கள்:மற்ற மாதங்கள் பரகத்தின் பனித்துளிகள் என்றால் ரமலான் மாதம் பரகத்தின் கடல் போன்றதாகும்.

இறையடியானுக்கு ஒவ்வொரு மாதமும் இறையருள் பொழியும் மாதம்தான். ஆனால், ரமளானில் இறையருள் அடைமழையாய் பொழியும்போது அதை அலட்சியப்படுத்தி விடக்கூடாது.

எனவே அல்லாஹ் நம் அனைவருக்கும் ரமலானின் பாக்கியங்களை அடையும் நற் கிருபையைச் செய்வானாக! லாக் டவுன் இல்லாத ரமலானை தருவாயாக ! யா அல்லாஹ் ..ஆமீன்...

ஜும்ஆ பயான் 01/04/2021

    வாக்களிப்பீர்...

مَنْ يَّشْفَعْ شَفَاعَةً حَسَنَةً يَّكُنْ لَّهٗ نَصِيْبٌ مِّنْهَا‌  وَمَنْ يَّشْفَعْ شَفَاعَةً سَيِّئَةً يَّكُنْ لَّهٗ كِفْلٌ مِّنْهَا‌  وَكَانَ اللّٰهُ عَلٰى كُلِّ شَىْءٍ مُّقِيْتًا ‏

எவரேனும் ஒரு நன்மையான காரியத்திற்கு சிபாரிசு செய்தால் அதில் ஒரு பாகம் அவருக்கு உண்டு. (அவ்வாறே) எவரேனும் ஒரு தீய காரியத்திற்கு சிபாரிசு செய்தால், அதிலிருந்தும் அவருக்கும் ஒரு பாகமுண்டு. அல்லாஹ் எல்லா பொருட்களையும் கண்காணிப்பவனாக இருக்கின்றான்.(அல்குர்ஆன் : 4:85)

அனல் பறக்கும் தேர்தல் பிரச்சாரம். அள்ளி வீசப்படும் தேர்தல் வாக்குறுதிகள்.  மீடியாக்களின் தேர்தல் கணிப்புகள்  என தமிழ் நாட்டில் 16 வது சட்ட மன்ற தேர்தல் வரும் ஏப்ரல் 6-ம் தேதி நடைபெற உள்ளது.இதில் மக்கள் வாக்களிக்க தயாராக உள்ளார்கள். வாக்களிப்பது நமது கடமை மட்டுமல்ல, நமது உரிமையும்கூட. இந்த நாடு நமக்கு அளித்த இந்த உரிமையைச் சரியாகப் பயன்படுத்துவது நமது தலையாய கடமையாகும். ஓர் அந்நியனுக்கு அடிமையாக இருப்பதைவிட, நாம் விரும்பும் ஒரு நபர் என் நாட்டை ஆள வேண்டும் என்பதற்காகப் பெற்றதே சுதந்திரம்.

இஸ்லாத்தின் பார்வையில்  வாக்களிப்பு

இஸ்லாமியப்பார்வையில் ஓட்டுப் போடுவது நீதிமன்றத்தில் சாட்சியமளிப்பதின் அந்தஸ்ததை வகிக்கிறது என பிரபல இஸ்லாமிய சட்ட அறிஞர் முப்தீ முஹம்மது ஷபீ அவருடைய திருக்குர் ஆன் விரிவுரையில் குறிப்பிடுகிறார். (மஆரிபுல் குர்ஆன் பாகம்3 பக்கம் 71 வசன எண் 5.8)

திருக்குர்ஆன் போதிக்கிற شهادة  (சாட்சியமளித்தல்) شفاعة (பரிந்துரைத்தல்) وكالة (ஒப்புவித்தல்) அகிய மூன்று தார்மீகக் கடமைகளின் படியுமும் ஓட்டளிப்பது முஸ்லிம்களின் கடமை என அவர் குறிப்பிடுகிறார்.

இஸ்லாமிய பார்வையில் ஒருவருக்கு ஓட்டுப்போடுவது “இவர் இந்த நாட்டின் நிர்வாகப் பொறுப்பிற்கு தகுதியானவர்” என்று சாட்சி (ஷஹாதத்) சொல்வதும். பரிந்துரைப்பதும் (ஷபாஅத்) ஆகும். அதுபோல் பொறுப்பை ஒப்படைப்பது (வகாலத்) துமாகும்.

எனவே தேசத்தை பாதுகாப்பது ஒவ்வொரு குடிமகனின் தலையாய கடமையாகும். நலன்களை முற்படுத்தி தீமைகளை தவிர்ப்பதற்கோ அல்லது அழிவுகளை, சேதங்களை குறைப்பதற்கோ தேர்தல் ஒரு சிறந்த ஆயுதம். 

وَاِذْ قَالَ رَبُّكَ لِلْمَلٰٓٮِٕكَةِ اِنِّىْ جَاعِلٌ فِى الْاَرْضِ خَلِيْفَةً  

(நபியே) இன்னும், உம் இறைவன் வானவர்களை நோக்கி “நிச்சயமாக நான் பூமியில் ஒரு பிரதிநிதியை அமைக்கப் போகிறேன்” என்று கூறினான்(அல்குர்ஆன் : 2:30)

மனிதர்கள் ஒரு பத்துப்பேர் சேர்ந்து வாழ ஆரம்பித்த நாளிலேயே அரசியலுக்கும் வாழ்வு வந்துவிட்டது என்பதுதான் எதார்த்தம்.

இஸ்லாம் வருவதற்கு முன்பு

உலகில்  "மன்னராட்சி" முறையே நடைமுறையில் இருந்து வந்தது.மன்னராட்சி முறை என்பது தனிமனிதனுக்கு (எதேச்சதிகாரம் )முழு அதிகாரத்தை வழங்கி, அவரின் ஆளுகைக்குட்பட்ட மக்கள் கிட்டத்தட்ட அவரின் அடிமைகளாக நடத்தப்படுவர்.

உலகில் சில மன்னர்கள் தங்களையே கடவுள் என்றும் தங்களையே வணங்கச் சொல்லியும் மக்களை நிர்பந்தப்படுத்தினர் என  வரலாறு கூறுகிறது.

இஸ்லாம் அறிமுகமானபோது தனிமனித வழிபாட்டு முறையை கலைந்து, ஓரிறைக் கொள்கையின் பக்கம் அழைப்பு விடுத்தது, அனைவருக்குமான சுதந்திரத்தை உறுதி செய்தது.

இதனையே நபி (ஸல்) அவர்கள் 

நஜ்ரான் வாசிகளுக்கு எழுதிய கடிதத்தில் இப்படிக் குறிப்பிட்டார்கள். 

 فَانِّي أدْعُوْکُمْ الٰی عِبَادَةِ اللّٰہِ مِنْ عِبَادَةِ الْعِبَادِ وَأدْعُوْکُمْ الٰی وِلاَیَةِ اللّٰہِ مِنْ وِلاَیَةِ الْعِبَاد۔(البدایہ والنہایہ ۵/۶۴)

"அடியார்களை வழிபடுவதை விட்டும் அல்லாஹ்வை வணங்குவதை நோக்கியும், அடியானின் ஆட்சியை விட்டும் அல்லாஹ்வின் ஆட்சியை நோக்கியும் உங்களை நான் அழைக்கிறேன் "(பிதாயா வந்நிஹாயா)

இஸ்லாம், கிலாஃபத் ஆட்சி முறையை விரும்புகிறது.

இஸ்லாமிய கிலாஃபத் உண்மையான மக்களாட்சியாகவும் ,உலக ஆட்சியாளர்களில் கலீஃபாக்களே  நீதமான, நேர்மையான,நல்லாட்சியை வழங்கியவர்கள் என வரலாறு கூறுகிறது.

பல நூற்றாண்டுகள் இவ்வுலகில்  கிலாஃபத் எனும் இறையாட்சி மக்களுக்கு உணவு,மருத்துவம்,கல்வி, பொருளாதாரம்,மற்றும் பாதுகாப்பு போன்ற பல் துறைகளில் முன்மாதிரி ஆட்சியை வழங்கியது.நிகரில்லா ஆக சிறந்த ஆட்சி முறை கிலாஃபத், இன்று உலகில் உள்ள ஆட்சி முறைகள் அனைத்துமே ஏதோ ஒர் வகையில் கிலாஃபத் ஆட்சி முறையின் தழுவல்கள் தாம் என்று சொன்னால் அது மிகையாகாது குறிப்பாக ஜனநாயக ஆட்சி முறை.

சில தீய ஆட்சியாளர்கள் மற்றும் இஸ்லாமிய விரோதிகளின் சூழ்ச்சியினால் கிலாஃபத் முடிவுக்கு வந்தது.

இன்று உலகில் பெரும்பாலான நாடுகளில் மக்களாட்சி முறையே நடைமுறையில் உள்ளன. ஏன் சில இஸ்லாமிய நாடுகளும் கூட மக்களாட்சி முறையையே பின்பற்றுகின்றன.         

மக்களாட்சியில் பல குறைகள் இருப்பதும் மறுப்பதற்கில்லை.மக்களாட்சி முறையில் மக்கள் வாக்களித்து ஆட்சியரை தேர்ந்தெடுப்பர்.அதுவும் நமது இந்திய நாட்டின் ஜனநாயக அடிப்படையில் நமக்கு மிஞ்சி இருக்கும் ஒரே ஆயுதம் "ஓட்டுரிமை". அந்த வாக்குரிமையை மிகக் கச்சிதமாக பயன்படுத்தவது ஏனைய சமூகத்தைப் போல முஸ்லிம் சமூகத்திற்கு முன்னால் உள்ள சமனான பொறுப்பாகும்.

ஓட்டு போடாமல் இருப்பது

நாம் நமது ஓட்டை சரியாக பயன்படுத்தவில்லையானால் அது பாசிச சக்திகளுக்கு சாதகமாக்கி விடும். அதன் மூலம் மிக மோசமான ஆட்சியாளர் வர வாய்ப்புண்டு. வாக்களிப்பது -شهادة"சாட்சி யளித்தல்" ஆக  இருப்பதால் இஸ்லாத்தில் சாட்சியாளித்தலில் உண்மையாக இருப்பது மிக அவசியமாகும்.இதனை குர்ஆன் பல இடங்களில் வலியுறுத்துகிறது.

وَلَا تَكْتُمُوا الشَّهَادَةَ‌ وَمَنْ يَّكْتُمْهَا فَاِنَّهٗۤ اٰثِمٌ قَلْبُهٗ‌ وَ اللّٰهُ بِمَا تَعْمَلُوْنَ عَلِيْمٌ‏ 

நீங்கள் சாட்சியத்தை மறைக்க வேண்டாம் - எவன் ஒருவன் அதை மறைக்கின்றானோ நிச்சயமாக அவனுடைய இருதயம் பாவத்திற்குள்ளாகிறது - இன்னும் நீங்கள் செய்வதையெல்லாம் அல்லாஹ் நன்கறிவான்.(அல்குர்ஆன் : 2:283)

இந்த வசனத்திற்கு இமாம் குர்துபீ(ரஹ்)அவர்களின் விளக்கம்:சாட்சியத்தை மறைத்தல் தடை என்பதால் சாட்சியளித்தல் "வாஜிப்"கடமையாகும்.இதற்கு ஆதாரம் இப்னு அப்பாஸ் ரலியல்லாஹு அன்ஹு அன்னவர்களின் கூற்று :

حضرت عبد اللہ بن عباس قال : عَلٰی الشَّاہِدِ أنْ یَشْہَدَ حَیْثُمَا اسْتُشْہِدَ (الجامع لاحکام القرآن للقرطبی۳/۴۱۵)

"சாட்சியளித்தலை வேண்டப்படும் போது சாட்சி சொல்பவரின் மீது அது வாஜிபாகும் " (நூல்:ஜாமிவு லி அஹ்காமில் குர்ஆன் அல் குர்துபீ) 

எனவே வாக்களிப்பது - شهادةசாட்சியளித்தல் என்ற அடிப்படையில் நல்லாட்சியாளரைதேர்ந்தெடுப்பதற்காக ஓட்டுப் போடுவது (வாஜிப்)கடமையாகும்.வாக்களிப்பது - شفاعة சிபாரிசு செய்தல் என்ற ரீதியிலும் நல்லாட்சியரை சிபாரிசு செய்வதற்காக ஓட்டுப் போடுவது என்ற ரீதியிலும் கடமையாகிறது.  

مَنْ يَّشْفَعْ شَفَاعَةً حَسَنَةً يَّكُنْ لَّهٗ نَصِيْبٌ مِّنْهَا‌  وَمَنْ يَّشْفَعْ شَفَاعَةً سَيِّئَةً يَّكُنْ لَّهٗ كِفْلٌ مِّنْهَا‌  وَكَانَ اللّٰهُ عَلٰى كُلِّ شَىْءٍ مُّقِيْتًا‏

எவரேனும் ஒரு நன்மையான காரியத்திற்கு சிபாரிசு செய்தால் அதில் ஒரு பாகம் அவருக்கு உண்டு. (அவ்வாறே) எவரேனும் ஒரு தீய காரியத்திற்கு சிபாரிசு செய்தால், அதிலிருந்து அவருக்கும் ஒரு பாகமுண்டு. அல்லாஹ் எல்லா பொருட்களையும் கண்காணிப்பவனாக இருக்கின்றான்.(அல்குர்ஆன் : 4:85)

எவர் தகுதியற்றவராக, அநீதி, அக்கிரமம் புரிபவராக உள்ளாரோ அவருக்கு பரிந்துரை செய்து மக்களின் பிரதிநிதியாக ஆக்குவது தீய பரிந்துரையாகும்.

நம் ஜனநாயக நாட்டில் வாக்களிப்பது கடமை என்பதால் அது நமக்கு அமானிதமாகும். அமானிதம் பேணுதல் முஃமினின் தலையாய பண்பு. ஆக  வாக்களிப்பது அமானிதமாகும்.தகுதியற்றவர்களுக்கு வாக்களிப்பது அமானிதத்தை பாழ்படுத்துவதாகும், என பின் வரும் நபி மொழி, தற்போதைய களச்சூழலை படம்பிடித்துக் காட்டுகிறது.

وعنه قال‏:‏ بينما النبي صلى الله عليه وسلم في مجلس يحدث القوم، جاءه أعرابي فقال‏:‏ متى الساعة‏؟‏ فمضى رسول الله صلى الله عليه وسلم ، يحدث، فقال بعض القوم‏:‏ سمع ما قال‏:‏ فكره ما قال، وقال بعضهم‏:‏ بل لم يسمع، حتى إذا قضى حديثه قال‏:‏ ‏"‏أين السائل عن الساعة‏؟‏ ‏"‏قال‏:‏ ها أنا يا رسول الله ‏.‏ قال‏:‏ ‏"‏إذا ضيعت الأمانة ، فانتظر الساعة‏"‏ قال‏:‏ كيف إضاعتها‏؟‏ قالك ‏"‏إذا وسد الأمر إلى غير أهله فانتظر الساعة‏"‏  (رواه البخاري)

ஓர் அவையில் இறைத்தூதர்(ஸல்) அவர்கள் மக்களுக்கு அறிவுரை வழங்கிக் கொண்டிருந்தபோது அவர்களிடம் நாட்டுப் புறத்து அரபி ஒருவர் வந்தார். 'மறுமை நாள் எப்போது?' எனக் கேட்டார். நபி(ஸல்) அவர்கள் தங்களின் பேச்சைத் தொடர்ந்து கொண்டிருந்தார்கள். அப்போது (அங்கிருந்த) மக்களில் சிலர் 'நபி(ஸல்) அவர்கள் அம்மனிதர் கூறியதைச் செவியுற்றார்கள்; எனினும் அவரின் இந்தக் கேள்வியை அவர்கள் விரும்பவில்லை' என்றனர். வேறு சிலர், 'அவர்கள் அம்மனிதர் கூறியதைச் செவியுறவில்லை' என்றனர். முடிவாக நபி(ஸல்) அவர்கள் தங்களின் பேச்சை முடித்துக் கொண்டு, 'மறுமை நாளைப் பற்றி (என்னிடம்) கேட்டவர் எங்கே?' என்று கேட்டார்கள். உடனே (கேட்டவர்)' இறைத்தூதர் அவர்களே! இதோ நானே' என்றார். அப்போது கூறினார்கள்.' அமானிதம் பாழ்படுத்தப்பட்டால் நீர் மறுமை நாளை எதிர் பார்க்கலாம்.' அதற்கவர், 'அது எவ்வாறு பாழ் படுத்தப்படும்?' எனக் கேட்டதற்கு, 'எந்தக் காரியமாயினும் அது, தகுதியற்றவர்களிடம் ஒப்படைக்கப்பட்டால் நீர் மறுமை நாளை எதிர்பாரும்' என்று இறைத்தூதர்(ஸல்) அவர்கள் கூறினார்கள்: என அபூ ஹுரைரா(ரலி) அறிவித்தார்.(ஸஹீஹ் புகாரி  : 3) 

நாம் நமது ஓட்டை  சரியாக பயன்படுத்தவில்லையானால் அதை பிறர் பயன்படுத்தும் அபாயம் உள்ளது. அதன் மூலம் மிக மோசமான நபர் மக்கள் பிரதிநிதியாக ஆக வாய்ப்பு ஏற்பட்டுவிடும்.  எனவே நாம் நமது ஓட்டை பயன்படுத்த வேண்டும். இக்காலத்தில் அதிகமானோரிடத்தில் நம்பிக்கை நாணயம் பரிவு மற்றும் மக்களுக்கு உதவிச் செய்யும் ஆர்வம் சிறிதுமில்லை.எனவே இந்த வேட்பாளர்களில் நம்பிக்கை நாணயத்தில் மற்றவரை விட உயர்வானவருக்கு தீங்கை குறைத்தல் அநீதத்தை குறைத்தல் என்ற எண்ணத்துடன் ஓட்டு போடுவது விரும்பத்தக்கதும், ஆகுமானதும் ஆகும்.  (நூல் :ஜவாஹிருல் ஃபிக்ஹ்)

நான் சுயமாக உழைக்கிறேன், சுயமாகச் சம்பாதிக்கிறேன், சுயமாக என் வாழ்க்கைப் பாதையை அமைத்துக் கொண்டேன், அப்படி இருக்கையில், அரசின் உதவி எனக்கு எப்போதும் தேவையில்லை. அவ்வாறிருக்க நான் ஏன் வாக்களிக்க வேண்டும் என்று சிலரது மனமும், இன்னொரு சாராரோ குறிப்பாக இளம் தலைமுறையினர் மாற்றம் வேண்டும் என்று முறையிடும் அதே வேளையில்,  தங்களது மீம்ஸ்களின் மூலம் மட்டுமே திருப்தி அடைந்து கொள்வதும், ஒரு புதிய ஜனநாயகப் பாதையை அமைப்பதற்கும், அதைச் செப்பனிடுவதற்கும் தவறி விடுகிறோம் என்பதை நாம் உணர்வதில்லை. ஏனென்றால், நாம் உபயோகப்படுத்தும் சட்டையில் இருந்து, சாப்ட்வேர் பொருள்கள் வரை அனைத்திலும் அரசியல் மற்றும் அரசாங்கத்தின் பங்கு ஓர் இன்றியமையாததாக இருக்கிறது. ஆகவே, அவற்றைத் தீர்மானிக்கக் கூடிய இடத்தில் நாமும் இருக்க வேண்டும் என்பதே, வாக்களிப்பதற்கான அவசியமாகின்றன.

நாட்டு நலன் கருதி நாம் வாக்­க­ளித்து என்ன பயன்? அங்கு ழுழுக்க முழுக்க ஊழலும் மோச­டியும் தானே நடை­பெ­று­கி­றது. இப்­படி இருக்கும் போது ஓட்டுப் போட்டால் என்ன போடா விட்டால் என்ன என்று சலிப்­புடன் ஒதுங்­கு­ப­வர்­களும் இருக்­கத்தான் செய்­கி­றார்கள். ஒரு­வேளை அவர்கள் எண்­ணு­வது போல் தேர்தல் ஊழல், மோசடி நிறைந்த நிலையில் அமையும் என்­றி­ருந்­தாலும் வாக்­கு­ரி­மையை பயன்­ப­டுத்­து­வது கடமை என்றே இஸ்­லா­மிய சட்­டத்­துறை அறி­ஞர்கள் விளக்­கி­யுள்­ளார்கள். காரணம் அநி­யா­யங்­க­ளுக்கு முன்னால் எடுக்­க­வேண்­டிய நிலைப்­பாடு குறித்து ஸுன்­னாவின் வழி­காட்டல் கட­மையை நிறை­வேற்­று­மாறே பணிக்­கி­றது. ‘

كُنْتُمْ خَيْرَ اُمَّةٍ اُخْرِجَتْ لِلنَّاسِ تَاْمُرُوْنَ بِالْمَعْرُوْفِ وَتَنْهَوْنَ عَنِ الْمُنْكَرِ وَتُؤْمِنُوْنَ بِاللّٰهِ‌

மனிதர்களுக்காக தோற்றுவிக்கப்பட்ட (சமுதாயத்தில்) சிறந்த சமுதாயமாக நீங்கள் இருக்கிறீர்கள்; (ஏனெனில்) நீங்கள் நல்லதைச் செய்ய ஏவுகிறீர்கள்; தீயதை விட்டும் விலக்குகிறீர்கள்; (அல்குர்ஆன் : 3:110)

கவனக்குறைவு வேண்டாம்

எனக்கு எதற்கு அரசியல்? இதில் எனக்கு விருப்பமில்லை. ராமன் ஆண்டால் என்ன, ராவணன் ஆண்டால் என்ன, எனக்கு ஒன்றும் கவலையில்லை. அப்படியே ஒரு விருப்பம் இருந்தாலும், யாருக்கு வாக்களிக்க வேண்டும் எனப் பல சந்தர்ப்பங்களில் குழப்பமடைந்து விடுகிறோம்.வாக்குரிமையை விட்டுக் கொடுப்பது என்பது மோசடிக்கு நாம் உடந்தையாக இருக்கிறோம் என்பதே அர்த்தம். சாட்சி சொல்லாமல் மௌனிப்பது நடக்கின்ற அநீதிகளை அங்கீகரிப்பது என்று பொருள் அல்லது சரியோ பிழையோ நீ விரும்பியதை செய்வதற்கு நான் பூரண ஆதரவு என்று கூறுவதாக அர்த்தம்.

عَنِ ابْنِ عُمَرَ، عَنِ النَّبِيِّ صَلَّى اللهُ عَلَيْهِ وَسَلَّمَ أَنَّهُ قَالَ: «أَلَا كُلُّكُمْ رَاعٍ، وَكُلُّكُمْ مَسْئُولٌ عَنْ رَعِيَّتِهِ، فَالْأَمِيرُ الَّذِي عَلَى النَّاسِ رَاعٍ، وَهُوَ مَسْئُولٌ عَنْ رَعِيَّتِهِ، وَالرَّجُلُ رَاعٍ عَلَى أَهْلِ بَيْتِهِ، وَهُوَ مَسْئُولٌ عَنْهُمْ، وَالْمَرْأَةُ رَاعِيَةٌ عَلَى بَيْتِ بَعْلِهَا وَوَلَدِهِ، وَهِيَ مَسْئُولَةٌ عَنْهُمْ، وَالْعَبْدُ رَاعٍ عَلَى مَالِ سَيِّدِهِ وَهُوَ مَسْئُولٌ عَنْهُ، أَلَا فَكُلُّكُمْ رَاعٍ، وَكُلُّكُمْ مَسْئُولٌ عَنْ رَعِيَّتِهِ» ،(صحيح مسلم)

நபி (ஸல்) அவர்கள் கூறினார்கள்:நினைவில் கொள்க! நீங்கள் ஒவ்வொருவரும் பொறுப்பாளியே. உங்களில் ஒவ்வொருவரும் தத்தமது பொறுப்பிலுள்ளவை பற்றி (மறுமையில்) விசாரிக்கப்படுவீர்கள். ஆட்சித் தலைவர் மக்களின் பொறுப்பாளர் ஆவார். அவர் தம் குடிமக்கள் குறித்து விசாரிக்கப்படுவார். ஓர் ஆண், தன் குடும்பத்தாருக்குப் பொறுப்பாளன் ஆவான். அவன் தன் பொறுப்புக்குட்பட்டவர்கள் குறித்து விசாரிக்கப்படுவான்.ஒரு பெண், தன் கணவனின் இல்லத்துக்கும், அவனுடைய குழந்தைக்கும் பொறுப்பாளி ஆவாள். அவள் அவர்கள் குறித்து விசாரிக்கப்படுவாள். பணியாள் தன் உரிமையாளரின் செல்வத்திற்குப் பொறுப்பாளியாவான். அவன் அது குறித்து விசாரிக்கப்படுவான். நினைவில் கொள்க! உங்களில் ஒவ்வொருவரும் பொறுப்பாளியே. உங்களில் ஒவ்வொருவரும் தத்தமது பொறுப்புக்குட்பட்டவை குறித்து விசாரிக்கப்படுவீர்கள்.இதை இப்னு உமர் (ரலி) அவர்கள் அறிவிக்கிறார்கள். (ஸஹீஹ் முஸ்லிம் 3733. )

எனவே, எமது பொறுப்­பி­லுள்ள வாக்குப் பலத்தை பிர­யோ­கிப்­பது ஓர் அடிப்­படைக் கடமை. முதலில் அதனை நிறை­வேற்­றுவோம். பின்னர் அநி­யா­யத்­திற்கு எதி­ராக வல்ல அல்­லாஹ்­விடம் முறை­யி­டுவோம்..

ஓட்டு போடுவதற்கு பணம்

ஓட்டு போடுவது  பரிந்துரை மட்டுமே! அதற்குப் பணம் பெறுவது லஞ்சம் ஆகும். லஞ்சம் ஹராம் ஆகும். 

அபூ உமாமா ரலி அவர்கள் அறிவிக்கிறார்கள் :"ஒருவர் ஒருவருக்கு பரிந்துரை செய்து அதற்கவர் ஏதேனும் அன்பளிப்பு கொடுத்தால் அவர் வட்டியின் வாசல்களில் பெரும் வாசலிற்கு வந்துவிட்டார் "என (ஸல்) அவர்கள் கூறினார்கள் (நூல் :அபூதாவுத் )

நல்ல ஆட்சி வேண்டி துஆ

ربنا لا تسلط علينا من لا يخافك فينا ولا يرحمنا அல்லாஹ் நம் விசய்த்தில் இறைவனை பயந்து கொள்ளக்கூடிய நம் மீது அன்பு காட்டக் கூடிய ஆட்சியாளர்களை தந்தருளவானாக!

எனவே பாசிச,மதவாத சக்திகளிடமிருந்து தேசத்தை காக்கவும் நல்லாட்சி மலரவும் மதச்சார்பற்ற கூட்டணிக்கு வாக்களிப்பீர்!

அல்லாஹுத்தஆலா மக்களுக்கு நிம்மதியை தரும் ஆட்சியாளர்களை தருவானாக!.. ஆமின்....

வெளியீடு: செங்கல்பட்டு& காஞ்சிபுரம் மாவட்ட ஜமாஅத்துல் உலமா சபை.