ஜூம்ஆ பயான் 19-03-2021

 தலைப்பு:

நன்றி மறவாதீர்.

இறை படைப்புகள் அனைத்தும் மாறுபட்ட இரு கோணங்கள் கொண்டவை. ஒரு நாணயத்தின் இரு பக்கங்களைப் போல,இரவு பகல், சூரியன் சந்திரன், நீர் நெருப்பு போன்ற படைப்புகள் போல...

அவ்வாறே இறைவனால் படைக்கப்பட்ட மனிதர்களிடமும் மாறுப்பட்ட இரு கோணங்கள் உண்டு.படைப்பில் ஆண் பெண் என்றும்,செயல்களில்  நல்லவை தீயவை என்றும்,எண்ணங்களில் நேர்மறை எதிர்மறை  என்றும் உள்ளன.

ஆனாலும் அல்லாஹ் மனிதனுக்கு மட்டும் தான் செயல்களை பகுப்பாய்வுச் செய்யக்கூடிய பகுத்தறிவை வழங்கி, படைப்பினங்களில் சிறந்த படைப்பாக ஆக்கி வைத்துள்ளான்.

சோதனைக் களம்

அல்லாஹ் வழங்கிய பகுத்தறிவைக் கொண்டு மனிதன் நல்லவை தீயவை களை பகுத்தறிந்து நல்லவனாக வாழ்கிறானா?அல்லது தீயவனாக வாழ்கிறானா?

நன்றியுள்ள அடியானாக வாழ்கிறானா? நன்றி மறந்த நன்றிகெட்ட அடியானாக வாழ்கிறானா? என்பதை சோதிப்பதற்காகவே  இவ்வுலக வாழ்க்கையை வழங்கியிருக்கிறான்.நன்றி செலுத்தும் வாழ்வை தேர்ந்தெடுத்தவர்களுக்கு அல்லாஹ் நல்வாழ்வையும்,நன்றி மறுப்போருக்கு இழிவையும் தீய முடிவையும் தந்து விடுகிறான்.

இதனை அல்லாஹுத்தஆலா குர்ஆனில்

  ....... انا هديناه السبيل اما شاكرا وأما كفورا

 "நிச்சயமாக நாம் அவனுக்கு நேரான வழியையும் அறிவித்தோம் (அதைப் பின்பற்றி நமக்கு) நன்றி செலுத்துபவர்களும் இருக்கின்றனர்.(அதை) நிராகரித்து விடுபவர்களும் இருக்கின்றனர்.

நிராகரிப்பவர்களுக்கு நாம் சங்கிலிகளையும் (கை கால்)விலங்குகளையும் நரகத்தையும் நிச்சயமாக தயார்படுத்தி வைத்திருக்கிறோம்.

நல்லவர்கள்,கிண்ணங்களிலுள்ள கற்பூரம் கலந்த பானத்தை அருந்துவார்கள்.   

(சூரா தஹ்ர் :வசனம் 3,4,5)

இருவேறு பாதைகள்

நன்றியுணர்வு,நல்லோர்கள் மற்றும் நபிமார்களின்  பாதையாகும்.

நன்றி மறுப்பது, வரம்பு மீறுவோர், பெருமையடிப்போர் மற்றும் ஷைத்தானின் பாதையாகும்.

பொதுவாக நன்றி மறுக்கும் குணம்  பெருமையினால் ஏற்படும்.

அல்லாஹ் தனக்கு வழங்கிய கல்வி, செல்வம், ஆட்சியதிகாரம், இந்த அருட்கொடைகளுக்கு நன்றி பாராட்டுவதற்கு மாறாக பெருமை கொள்ளும்போது அழிவைத் தேடிக் கொள்கிறான். 

படைப்பில் சிறந்த படைப்பு என பெருமை கொண்டவன் ஷைத்தான்.

واذ قلنا للملائكة اسجدو لادم فسجدوا الا ابليس....

நாம் வானவர்களை (நோக்கி) "ஆதமுக்கு நீங்கள் ஸுஜூது செய்யுங்கள்"எனக் கூறியபோது  இப்லீஸைத் தவிர (அனைவரும்)ஸுஜூது செய்தார்கள். அவனோ பெருமை கொண்டு விலகி (நம் கட்டளையை)நிராகரிப்பவர்களில் ஆகி விட்டான். (சூரா:அல் பகரா ,வசனம் 34)

அல்லாஹ்வின் கட்டளையை மறந்து நான் நெருப்பால் படைக்கப்பட்டவன், ஆதம் மண்ணால் படைக்கப்பட்டவர், எனவே என்னை விட தாழ்ந்த மூலக்கூரில் படைக்கப்பட்ட  ஆதமுக்கு ஸஜ்தா செய்ய முடியாது என சொல்லி கியாமத் நாள் வரை சபிக்கப்பட்டவனாகிவிட்டான்.

ஆட்சி அதிகாரத்தை கொண்டு பெருமையடித்தவன்  ஃபிர்அவ்ன்

انا ربكم الاعلي

"நானே கடவுளர்களுக்கு கெல்லாம் கடவுள் "என ஃபிர்அவ்ன் கூறினான்

கடைசியில் அல்லாஹ் அவனை செங்கடலில் மூழ்கடித்து ஆட்சி அதிகாரத்தை கொண்டு பெருமை அடிப்பவர்களுக்கு பாடமாக ஆக்கினான்

பொருளாதாரம் மற்றும் கல்வியை கொண்டு பெருமையடித்தவன் காரூன்

மூஸா (அலை) அவர்கள் காரூனிடம் சென்று"அல்லாஹ் உனக்கு வழங்கிய செல்வ வளத்திலிருந்து கொஞ்சத்தை ஏழை எளிய மக்களுக்கு தா" என்று கேட்டபோது

"என்னிடமுள்ள செல்வம் எனது அறிவினாலும் திறமையினாலும் நான் சம்பாதித்தது.அதை நான் எதற்கு ஏழைகளுக்கு தரவேண்டும்" என காரூன் மமதையில் கூறினான்.

فخسفنا به وبداره الارض....

அவனையும் அவனுடைய மாளிகையையும் பூமியில் அழுந்த செய்தோம்.அல்லாஹ்வையன்றி அவனுக்கு உதவி செய்யக்கூடிய கூட்டத்தார் ஒருவரும் இருக்க வில்லை. அல்லது அவன் தன்னைத் தானே (அல்லாஹ்வின் பிடியிலிருந்து)காப்பாற்றிக் கொள்ளவும் முடியவில்லை

 (சூரா :அல் கஸஸ், வசனம் :81)

நன்றி மறந்து மமதையால் அழிந்த முன் வாழ்ந்த சமூகங்கள்

ஸமூது கூட்டத்தினர்

ஸமூது கூட்டத்தினர் தங்களுக்கு அல்லாஹ் வழங்கி ஆற்றலுக்கு நன்றிசெலுத்தாமல் "தங்களை விட பலசாலி யாராவது இருக்கிறார்களா"எனக் கூறி பெருமை அடித்தனர்.

فاما ثمود فاهلكوا بالطاغية

ஆகவே 'ஸமூது' மக்கள் பெரும் சப்தத்தை கொண்டு அழிக்கப்பட்டனர்.

(சூரா :அல் ஹாக்கா வசனம்;5)

ஆது கூட்டத்தினர் பற்றி

واما عاد فاهلكوا بريح صر صر.....

ஆது எனும் மக்களோ அதிவேகமாக விரைந்து (இரைந்து) செல்லும் (புயல்) காற்றைக் கொண்டு அழிக்கப்பட்டனர் (சூரா: அல் ஹாக்கா ,வசனம் 6)

ஸபா கூட்டத்தினர் பற்றி

எல்லா வளமும் பெற்ற ஸபா வாசிகள் நன்றி பாராட்டாமல் மமதையால்  அழிந்த வரலாறு .

فقالوا ربنا باعد بيننا وبين اسفارنا.....

அவர்கள் (இந்த நன்றியைப் புறக்கணித்து "தொடர்ச்சியாக ஊர்கள் இருப்பது எங்கள் பயணத்திற்கு இன்பம் அளிக்கவில்லை) எங்கள் இறைவனே! எங்கள் பயணங்கள் நெடுந்தூரமாகும்படிச் செய்(வதற்காக மத்தியில் தொடர்ச்சியாக உள்ள இக்கிராமங்களை அழித்து விடு)வாயாக!"என்று பிரார்த்தித்துத் தமக்குத் தாமே தீங்கிழைத்துக் கொண்டனர். ஆகவே (அவர்களையும்  அவர்களுடைய நகரங்களையும் அழித்து) அவர்களையும் பல இடங்களுக்குச் சிதறடித்துப் பலரும் (இழிவாகப்)பேசப்படக்கூடிய கதைகளாக்கிவிட்டோம்.பொறுமையுடையவர்கள் ,நன்றி செலுத்துபவர்கள் ஒவ்வொருவருக்கும் நிச்சயம் இதில் பல படிப்பினைகள் இருக்கின்றன. 

(சூரா ஸபா, வசனம்: 19)

நபிமார்களின் நன்றியுணர்வு

நூஹ்(அலை)

ذُرِّيَّةَ مَنْ حَمَلْنَا مَعَ نُوْحٍ‌ اِنَّهٗ كَانَ عَبْدًا شَكُوْرًا‏ 

நாம் நூஹுடன் கப்பலில் ஏற்றி(க் காப்பாற்றி)யவர்களின் சந்ததியினரே! நிச்சயமாக அவர் நன்றி செலுத்தும் அடியாராக இருந்தார்.

(அல்குர்ஆன் : 17:3)

ஸுலைமான்(அலை)

فَتَبَسَّمَ ضَاحِكًا مِّنْ قَوْلِهَا وَقَالَ رَبِّ اَوْزِعْنِىْۤ اَنْ اَشْكُرَ نِعْمَتَكَ الَّتِىْۤ اَنْعَمْتَ عَلَىَّ وَعَلٰى وَالِدَىَّ وَاَنْ اَعْمَلَ صَالِحًـا تَرْضٰٮهُ وَاَدْخِلْنِىْ بِرَحْمَتِكَ فِىْ عِبَادِكَ الصّٰلِحِيْنَ‏ 

அப்போது அதன் சொல்லைக் கேட்டு, அவர் புன்னகை கொண்டு சிரித்தார். இன்னும், “என் இறைவா! நீ என் மீதும், என் பெற்றோர் மீதும் புரிந்துள்ள உன் அருட்கொடைகளுக்காக, நான் நன்றி செலுத்தவும், நீ பொருந்திக் கொள்ளும் விதத்தில் நான் நன்மைகள் செய்யவும், எனக்கு அருள் செய்வாயாக! இன்னும் உம் கிருபையைக் கொண்டு என்னை உன்னுடைய நல்லடியார்களில் சேர்த்தருள்வாயாக!” என்று பிரார்த்தித்தார்.

(அல்குர்ஆன் : 27:19)

நம் நபி முஹம்மத் (ஸல்) அவர்கள்  பண்பு

நபி {ஸல்} அவர்களிடம் பத்ரில் கைதிகளாக பிடிக்கப் பட்ட குஃப்ஃபார்களின் விடுதலை சம்பந்தமாக, குரைஷ் தலைவர்கள் பேச வந்த போது,நபியர்கள் சொன்னார்கள்....."இப்போது மட்டும் முத்இம் இப்னு அதீ அவர்கள் உயிரோடிருந்தால் அனைவரையும் விடுதலை செய்திருப்பேன்" ஏனெனில், ஷுஃபே அபூ தாலிபில் அண்ணலாரை சமூக பகிஷ்கரிப்பு செய்து வைத்திருந்த போது நபியை அவரின் குதிரை மீதேற்றி ஊர் முழுக்க சுற்றிவந்தார்கள். மக்காவில் தொங்கவிடப்பட்டிருந்த தீர்மானத்தை    (நபிக்கும் அவரோடு இருப்பவர்களுக்கும் உதவ கூடாது என்ற தீர்மானம்)கிழித்தெறிந்தவர்களில் அவரும் ஒருவர்.   (நூல்: ரஹீக்)

அல்லாஹ் கேட்கின்றான்: “ நபியே! உம் இறைவன் உம்மை ஒரு போதும் கைவிடவில்லை; கோபம் கொள்ளவும் இல்லை. மேலும், திண்ணமாக, பிந்திய காலகட்டம் முந்திய காலகட்டத்தை விட சிறந்ததாய் இருக்கும்; மேலும், உம் இறைவன் விரைவில்  நீர் திருப்தி அடைந்திடும் அளவிற்கு உமக்கு வழங்குவான். அவன் உம்மை அநாதையாய்க் காணவில்லையா? பிறகு, புகலிடமும் தந்தான் இல்லையா?” (அல்குர்ஆன்:93:3-6)

இங்கே அல்லாஹ் நபிகளாரை தங்களின் பழைய வாழ்க்கையை திரும்பிப் பார்க்கச் சொல்கின்றான். அங்கே புகலிடம் தந்தவர்கள், அரவணைத்தவர்கள், ஆதரவளித்தவர்கள் என அத்துணையையும் எண்ணிப் பார்க்குமாறு தூண்டுகின்றான். 

நிஃமத்தை நினைத்து பார்

வெயிலின் அருமை நிழலில் தெரியும் என்பார்கள். அது போல நமக்கு அல்லாஹ் வழங்கிய எண்ணிலடங்கா அருட்கொடைகள் அது நம்மிடமிருந்து நீங்கும் போது தான் அதன் அருமை நமக்கு புரிய வரும்.

قدرالنعمة بعدالزوال

ஒவ்வொரு மனிதனுக்கும் ஒவ்வொரு விதமான சோதனைகள் ஏற்படுகின்றன, நாம் நினைத்து கொண்டிருக்கிறோம், நமக்கு மட்டும்தான் இவ்வளவு சோதனைகள் என்று, கொஞ்சம் திரும்பிப்பார்த்தால் மற்ற மனிதர்களும் நம்மை போன்றோ, நம்மை விடவோ அதிகமாக சோதனைகுள்ளக்கப்படுகிறார்கள் என்று புரிய வரும்.

வயது முதிர்ந்த மனிதர் ஒருவர்,

சரியாக சிறுநீர் வெளியேறாமல், மருத்துவமனையில் அனுமதிக்கப்படுகிறார், அங்கு அவருக்கு சிறுநீர் வெளியேற்றுவதற்கான கருவிகளைப் பயன்படுத்தி சிறுநீர் வெளியேற்றப்படுகிறது. சில நாட்களுக்குப்பின்பு அவர் டிஸ்சார்ஜ் செய்யப்படுகிறார், அவருக்கு செய்யப்பட மருத்துவத்திற்காக பில் கொடுக்கப்படுகிறது. அதனை பார்த்துவிட்டு பெரியவரின் கண்களில் கண்ணீர்த்துளிகள் வழிந்தோடியது, இதைப்பார்த்த மருத்துவர்கள், ஏன் பெரியவரே அழுகின்றீகள், என்று கேட்டதற்கு பதிலேதும் பேசாமல் மறுபடியும் அழத்தொடங்கினார். அருகில் உள்ள மற்ற உறவினர்கள் அனைவரும் மறுபடியும் கேட்க, கண்களைத்துடைத்தவாறு பெரியவர் சொன்னார், "நான் என்னிடம் கொடுக்கப்பட்ட மருத்துவ செலவைப்பார்த்து அழுகின்றேன் என்று யாரும் நினைத்து விடவேண்டாம், இரண்டு நாட்கள் சிறுநீர் வெளியேற்றியதற்காக என்னிடம் இவ்வளவு பணம் கேட்கின்றீர்களே, அருளும் அன்பும் உடைய எனது இறைவன், கடந்த 60 வருடங்களாக சிறுதும் தடங்கலின்றி சிறுநீர் வெளியாக்கியதற்காக இதுவரை என்னிடம் ஒரு பைசா கூட கேட்டு பில் அனுப்பவில்லையே! என்று எனது இறைவனின் அருளை நினைத்து அழுகின்றேன் என்றார். 

ஆக ஒருவருக்கு இறைவனால் கொடுக்கப்பட்ட அருட்கொடைகள், திரும்பப்பெறப்படும்போதுதான் அதன் அருமை தெரிய வரும். உலக விஷயங்களைப் பொறுத்துவரை நமக்கு கீழ்நிலையில் உள்ளவர்களைப் பார்த்து அல்லாஹ்வுக்கு நன்றி செலுத்தும் குணம் நம்மிடையே இருந்தால் நம்முடைய குறைகள் சற்றே நிமிடத்தில் மறைந்து விடும். 

அல்லாஹ் தன் திருமறையில்

فَكُلُوْا مِمَّا رَزَقَكُمُ اللّٰهُ حَلٰلًا طَيِّبًا وَّاشْكُرُوْا نِعْمَتَ اللّٰهِ اِنْ كُنْـتُمْ اِيَّاهُ تَعْبُدُوْنَ‏

(நம்பிக்கையாளர்களே!) அல்லாஹ் உங்களுக்கு அளித்தவைகளில் ஆகுமான நல்லவைகளையே புசியுங்கள்.   நீங்கள் அல்லாஹ்வை வணங்குபவர்களாக இருந்தால், அவனுடைய அருட்கொடைகளுக்கு நீங்கள் நன்றி செலுத்துங்கள்.

(அல்குர்ஆன் : 16:114) என்று கூறியிருக்கிறான்.

நன்றி செலுத்துதல் என்றால் என்ன?

ஒருவன் செய்த உபகாரத்திற்காக அவனை சொல்லாலும், செயலாலும் புகழ்வதற்கு நன்றி கூறுதல் என்று சொல்லப்படும்.

1, சொல்லால் ஷுகூர் செய்வது

2307 - وعن عبد الله بن عمرو - رضي الله عنه - قال : قال رسول الله - صلى الله عليه وسلم - : " الحمد رأس الشكر ، ما شكر الله عبد لا يحمده " .

நபி(ஸல்)அவர்கள் கூறினார்கள்.

புகழ்வது நன்றிசெலுத்துவதின் தலையாகும்.அல்லாஹ்வை புகழாத அடியான் அல்லாஹ்விற்கு நன்றி செலுத்தவில்லை என்றார்கள்.

உபகாரத்தை அடைந்த ஒருவன் அதற்காக அல்லாஹ்வை புகழ்ந்தான் என்றால் அல்லாஹ் திருப்தியடைகிறான்.

 عَنْ أَنَسِ بْنِ مَالِكٍ، أَنَّ النَّبِيَّ صلى الله عليه وسلم قَالَ ‏ "‏ إِنَّ اللَّهَ لَيَرْضَى عَنِ الْعَبْدِ أَنْ يَأْكُلَ الأَكْلَةَ أَوْ يَشْرَبَ الشَّرْبَةَ فَيَحْمَدَهُ عَلَيْهَا ‏"‏ ‏.‏

அனஸ் பின் மாலிக் அறிவிக்கிறார்கள் நபி (ﷺ) கூறியதாவது: "ஓர் அடியான்   உணவைச் சாப்பிட்டு,அதற்காக அல்லாஹ்வின் புகழ்கிறான், மேலும் தண்ணீர்  குடித்துவிட்டு அதற்காக அல்லாஹ்வைப் புகழ்கிறான் என்றால் இந்த  அடியானை கண்டு அல்லாஹ் திருப்தியடைகிறான்."என்று கூறினார்கள்.

2, செயலால் ஷுகுர் செய்வது

இறைவனின் அருட்கொடைகளுக்கு தொழுகை என்ற செயலால் ஷுகூர் செய்யுங்கள்.

عَنْ أَبِي بَكْرَةَ، عَنِ النَّبِيِّ صلى الله عليه وسلم أَنَّهُ كَانَ إِذَا جَاءَهُ أَمْرُ سُرُورٍ أَوْ بُشِّرَ بِهِ خَرَّ سَاجِدًا شَاكِرًا لِلَّهِ ‏.‏

அபுபக்ரா(ரலி) அறிவிக்கிறார்கள்"நபி (ﷺ) அவர்கள் தனக்கு  மகிழ்ச்சியான செய்தி வந்தால் அல்லது அதன் மூலம் நபி(ஸல்) மகிழ்ச்சியடைந்தார்கள் என்றால் அல்லாஹ்வுக்கு நன்றி செலுத்தும் முகமாக அல்லாஹ்வுக்கு சிரம் பணிவார்கள்"என்கிறார்கள்.

4836» أَنَّهُ سَمِعَ الْمُغِيرَةَ يَقُولُ قَامَ النَّبِيُّ صَلَّى اللَّهُ عَلَيْهِ وَسَلَّمَ حَتَّى تَوَرَّمَتْ قَدَمَاهُ فَقِيلَ لَهُ غَفَرَ اللَّهُ لَكَ مَا تَقَدَّمَ مِنْ ذَنْبِكَ وَمَا تَأَخَّرَ قَالَ: ((أَفَلاَ أَكُونُ عَبْدًا شَكُورًا)). 

முஃகீரா இப்னு ஷுஅபா(ரலி) அறிவித்தார்கள்

நபி(ஸல்) அவர்கள் தம் பாதங்கள் வீங்கும் அளவிற்கு நின்று (அல்லாஹ்வைத்) தொழுதார்கள். அப்போது அவர்களிடம் 'தங்களின் முந்தைய பிந்தைய தவறுகளை அல்லாஹ் மன்னித்துவிட்டானே! பிறகு ஏன் நீங்கள் இவ்வளவு சிரமம் எடுத்துக்கொள்கிறீர்கள்? என்று கேட்கப்பட்டதுபோது.  'நான் நன்றியுள்ள அடியானாக இருக்க வேண்டாமா?' என்று நபி(ஸல்)கேட்டார்கள். 

ஸஹீஹ் புகாரி : 4836. 

தாஹா நபி தன் சமூகத்துக்கு தொழுகைகள் ஷூகூர் செய்வதற்கான ஆயுதங்கள் என்று உணர்த்துகிறார்கள்.

நன்றியுணர்வு  எல்லோரிடமும் இருக்க வேண்டும்

நன்றியுனர்வை அல்லாஹ்விடம் எப்படி வெளிப்படுத்த வேண்டுமோ, அதுப்போல் அடியார்களிடமும் நன்றியுணர்வோடு நடந்துக் கொள்ள குர்ஆனும் ஹதீஸும் நமக்கு வழிகாட்டுறது.

قال النبي صل الله عليه وسلم "من لا يشكر الناس لا يشكر الله (رواه الترمذي)

நபி (ஸல்)அவர்கள் சொன்னார்கள் மனிதர்களுக்கு நன்றி செலுத்தாதவன் அல்லாஹுக்கு நன்றி செலுத்தியவனாக ஆகமாட்டான்"(நூல்:திர்மிதீ)

எவரிடமும் எந்த சிறிய உபகாரத்தை பெற்றாலும் அவருக்கு நாம் நன்றி செலுத்தக் கடமைப்பட்டிருக்கிறோம்.

மனைவியின் உபகாரத்திற்கு கணவனோ, கணவனின் உபகாரத்திற்கு மனைவியோ நன்றி செலுத்துவதில்லை, குழந்தைகளின் நல்ல செயல்களை  பாராட்டுவதில்லை, பெற்றோர்களை மதிப்பதில்லை, நண்பனின் உதவிகளை நினைத்துப்பார்ப்பதில்லை.

திருக்குறளில் ஒரு குறள் :நன்றி மறப்பது நன்றன்று  நன்றல்லது அன்றே மறப்பது நன்று.

விளக்கம் :ஒருவன் செய்த நல்லதை ஒருபோதும் மறக்கலாகாது. தீமை செய்தால் உடனே மறந்துவிட வேண்டும்.

ஆனால் நாம் இதற்கு மாற்றமாக செயல்படுகிறோம். ஒருவர் எவ்வளவோ உபகாரங்கள் செய்திருந்தாலும், மாற்றமாக ஏதாவது ஒரு செயல் செய்துவிட்டால் போதும் அவர் செய்த எல்லா உபகாரங்களையும் மறந்துவிடுகிறோம். 

நமது கண்மணி நாயகம் நபி (ஸல்) அவர்கள் சக மனிதர்களோடு நன்றியுணர்வோடு  வாழ்ந்தார்கள்.யாராவது ஏதாவது உபகாரம் செய்தால் காலமெல்லாம் அதை மறக்க மாட்டார்கள் 

1)அன்னை கதீஜா (ரலி) அவர்களுக்கு நல்ல கணவராகவும் நன்றியுள்ளவர்களாகவும் இருந்தார்கள், அவர்களின் ஜீவித காலமெல்லாம் வேறு திருமணம் செய்து கொள்ளவில்லை, காலமெல்லாம் அவர்களின் உபகாரங்களை மற்ற மனனவிகளிடமும் நினைவுப்படுத்திக் கொண்டிருந்தார்கள்.கதீஜா அம்மாவின் தோழிகளையும் கண்ணியப்படுத்தினார்கள்.

2)அலி (ரலி) அவர்களின் மீது அளவுகடந்த பிரியம் வைத்திருந்தார்கள் காரணம் அவரின் தந்தை அபூதாலிப் அவர்கள் நபி (ஸல் ) அவர்களுக்கு எதிரிகளிடமிருந்து பாதுகாக்கும் ஆயுதமாக காலாமல்லாம் இருந்தார்கள்.

3)மதீனாவாசிகள் தனக்கு அடைக்கலம் கொடுத்த, இன்ன பிற உதவிகள் செய்த உபகாரத்திற்காக காலமெல்லாம் அவர்களை பிரியம் கொள்ளுமாறு இந்த உம்மத்திற்கு கட்டளையிட்டார்கள்.

قال النبي صلي الله عليه وسلم حب الانصار من الايمان

"அன்சாரிகளை பிரியம் கொள்வது ஈமானில் ஒரு பகுதி "என நபி (ஸல்)அவர்கள் சொன்னார்கள்.

 4)அபூபக்கர் (ரலி)அவர்கள் செய்த உபகாரங்களை நன்றியோடு நினைவு கூறுவார்கள்.

"எல்லோருக்கும் நான் பிரதி உபகாரம் செய்து விட்டேன் ஆனால் அபூபக்ருக்கு மட்டும் என்னால் பிரதி உபகாரம் செய்ய முடியவில்லை அல்லாஹ்தான் அவருக்கு பிரதி உபகாரம் செய்யவேண்டும்"என்று நபியவர்கள் கூறினார்கள்.

சிரமங்களின் போது மட்டும் இறைவனை நினைப்பது கூடாது

சிரமங்களின் போது மட்டும் இறைவனை நினைப்பது தீய குணம் என்று குர்ஆன் வருணிக்கிறது.

وَاِذَاۤ اَنْعَمْنَا عَلَى الْاِنْسَانِ اَعْرَضَ وَنَاٰ بِجَانِبِهٖ‌ وَاِذَا مَسَّهُ الشَّرُّ فَذُوْ دُعَآءٍ عَرِيْضٍ‏

மனிதனுக்கு நாம் (யாதொரு) அருள் புரிந்தால், அவன் (நமக்கு நன்றி செலுத்துவதற்குப் பதிலாக) நம்மை(யும் நம்முடைய கட்டளைகளையும்) புறக்கணித்து நம்மிலிருந்தும் விலகி விடுகின்றான். அவனை யாதொரு தீங்கு தொடர்ந்தாலோ, வெகு அகல நீளமான பிரார்த்தனை செய்(து அதனை நீக்குமாறு நம்மிடம் கோரு)கின்றான்.

(அல்குர்ஆன் : 41:51)

நம்மில் பலர் தனக்கோ, தன்னைச் சார்ந்தவர்களுகோ ஏதாவது சிரமம் கஷ்டம் வரும்போது மஸ்ஜிதுக்கு வந்து உருக்கமாக துஆ செய்வதும், பார்ப்பவர்களை எல்லாம் துஆ செய்யச் சொல்வதும், அந்த சிரமம் நீங்கிவிட்டாலோ எல்லாவற்றையும் மறந்து விடுவதையும் வாடிக்கையாக்கிகொள்கிறார்கள். அப்படியில்லாமல் அல்லாஹ் நமக்கு செய்த நிஃமத்களை நினைவு கூர்ந்து பார்த்து நன்றி செலுத்தினால் அல்லாஹ் நமக்கு அதிகப்படுத்தி தருவான். இதையே குர்ஆனில் அல்லாஹ்..

وَ إِذْ تَأَذَّنَ رَبُّكُمْ لَئِنْ شَكَرْتُمْ لَأَزِيدَنَّكُمْ وَ لَئِنْ كَفَرْتُمْ إِنَّ عَذابِي لَشَدِيدٌ «7»

 எனக்கு நீங்கள் நன்றி செலுத்தினால் உங்களுக்கு அதிகப்படுத்தி தருவேன், நன்றி மறந்தால் என் வேதனை எனும் பிடி கடுமையானது என்கிறான்.

وَإِنْ تَعُدُّوا نِعْمَةَ اللَّهِ لاَ تُحْصُوهَا

 என்னிலடங்கா நிஃமத்களை நம் மீது செய்துள்ள இறைவனுக்கு நன்றி செலுத்தும் நல் அடியார்களாக மாறுவோம்.

வெளியீடு:

செங்கல்பட்டு&காஞ்சிபுரம் மாவட்ட ஜமாஅத்துல் உலமா சபை

ஜும்ஆ பயான் 12/03/2021

தலைப்பு:

மிஃராஜின் பரிசு தொழுகை

அல்லாஹுத்தஆலா தனது நேசத்திற்குரிய நபி  முஹம்மத் (ஸல்) அவர்களை கௌரவப்படுத்த அழைத்த விண்ணுலகப் பயணமே மிஃராஜ் என்பதாகும்.

 

இரண்டு பயணங்கள்

மிஃராஜ் என்று பொதுவாகச் சொல்லப்பட்டாலும்  இருவேறு பயணங்களாக இஸ்லாம் இதை வகைப்படுத்துகிறது.

1.இஸ்ரா:மஸ்ஜிதுல் ஹராமில் இருந்து பைத்துல் முகத்தஸ் வரை உள்ள பயணத்தை  குர்ஆன் இஸ்ரா என்கிறது.

سُبْحٰنَ الَّذِىْۤ اَسْرٰى بِعَبْدِهٖ لَيْلًا مِّنَ الْمَسْجِدِ الْحَـرَامِ اِلَى الْمَسْجِدِ الْاَقْصَا الَّذِىْ بٰرَكْنَا حَوْلَهٗ لِنُرِيَهٗ مِنْ اٰيٰتِنَا‌ اِنَّهٗ هُوَ السَّمِيْعُ الْبَصِيْرُ‏

2.மிஃராஜ்:பைத்துல் முகத்தஸிலிருந்து ஸித்ரதுல் முன்தஹா வரையுள்ள பயணமே மிஃராஜ் ஆகும். 

மிஃராஜ் ஏன்? எதற்கு?

மிஃராஜ் நபித்துவத்தின் பத்தாம் ஆண்டு ஹிஜ்ரத்திற்கு 17 மாதங்களுக்கு முன்பு நடைபெற்றதாக வரலாறு கூறுகிறது.

மிஃராஜ் நிகழ்வுக்கு சொல்லப்படும் காரணங்கள் இரண்டு. 

1)மிஃராஜ் நபி (ஸல்)அவர்களின் காலத்தில் வாழ்ந்த, இப்போது வாழ்ந்து கொண்டிருக்கிற,இனி வரப்போகிற அனைவருக்குமான அசைக்கமுடியாத அத்தாட்சிக்காக நிகழ்ந்தது.

2,மக்காவாசிகள் நபி(ஸல்)அவர்களின் 46 ஆவது வயதில் நபியையும், நபியின் குடும்பத்தையும்,இஸ்லாமியர்களையும்  ஊர் விலக்கு செய்தது நபியை கவலையடையச்செய்தது. 

மேலும் நபியின் பெரிய தந்தை அபூதாலிப் மற்றும் நபியின் மனைவி கதீஜா (ரலி)அவர்கள் இருவரின் தொடர் மரணங்களால் மாநபி மிகவும் கவலைக்குள்ளானார்கள்.

மேலும் தாயிஃப் பயணத்தில் பட்ட அவமானங்களால், ஒட்டு மொத்த சக்தியையும் இழந்துவிட்டதாக நபி  (ஸல்)அவர்கள் எண்ணினார்கள்.

இந்த இக்கட்டான சூழ்நிலையில் நபிக்கு யாருமே ஆறுதல் சொல்ல முடியாத நிலையில் அல்லாஹ்வே நேரடியாக ஆறுதல் சொல்ல அழைத்த விண்ணுலகப் பயணமே மிஃராஜ் என்பதாகும்.

மிஃராஜ்  பயணத்தின் சுருக்கம். 

நபி(ஸல்)அவர்கள் ஒரு நாள்  இரவு கஅபாவுக்கு அருகில் ஹதீம் என்ற பகுதியில் சகோதரி உம்மு ஹானி(ரலி) அவர்களின் வீட்டில் உறங்கிக் கொண்டிருந்தபோது ஜிப்ரயீல்(அலை)அவர்கள் (அசல் தோற்றத்தில்) நபியை அழைத்தார்கள். இரண்டு மலக்குகள் நபியின் நெஞ்சைப் பிளந்து அவர்களின் இதயத்தை ஜம்ஜம் நீரால் கழுவி ஈமான் என்ற நம்பிக்கையை கொண்டும்,ஹிக்மத் என்ற நுண்ணறிவை கொண்டும் நிரப்பி ஆன்மீக அறுவை சிகிச்சை செய்தார்கள்.பின்பு புராக்(குதிரை விட சிறிய கோவேரி கழுதை விட பெரிய)  என்ற வாகனத்தில் ஜிப்ரயீல் (அலை)அவர்களுடன் பைத்துல் முகத்தஸ் நோக்கி  பயணமானார்கள்.அங்கு நபி (ஸல்)அவர்கள், நபிமார்கள் அனைவருக்கும் இமாமாக நின்று தொழவைத்தார்கள்.பின்பு பைத்துல் முகத்தஸிலிருந்து ஏழு வானங்களை கடந்து பயணம் செய்தார்கள்.

முதல் வானத்தில் நபி ஆதம்(அலை)  அவர்களையும்,

இரண்டாவது வானத்தில்  நபி ஈசா(அலை)அவர்கள்,  நபி யஹ்யா (அலை)அவர்கள் ஆகிய  இருவரையும்,

மூன்றாவது வானத்தில் நபி யூஸூஃப் (அலை)அவர்களையும்,

நான்காவது வானத்தில் நபி  இத்ரீஸ்(அலை) அவர்களையும்,

ஐந்தாவது வானத்தில் நபி ஹாரூன் (அலை)அவர்களையும்,

ஆறாவது வானத்தில் நபி மூஸா(அலை) அவர்களையும்,

ஏழாவது வானத்தில் நபி இப்ராஹீம்(அலை)அவர்களையும் சந்தித்து  உரையாடினார்கள்.

பின்பு பைத்துல் மஃமூரும்,பின்பு ஸித்ரத்துல் முன்தஹாவை அடைந்தார்கள். அதன் பின்பு எல்லையே கிடையாது,இதனையே திருக்குர்ஆன்  காப கவ்ஸைன்قاب قوسين எல்லையே இல்லாத ஓர் எல்லை, என வர்ணிக்கிறது.அங்குதான் நபி முஹம்மத் (ஸல்)அவர்கள் தனது நாயன் அல்லாஹுவை சந்தித்து உரையாடுகிறார்கள். 

ஏழு வானங்களை கடந்து சென்றதும். சொர்க்கத்தையும் நரகத்தையும் பார்த்ததும். அல்லாஹ்விடம் பேசியதும் இதுவெல்லாம் மாபெரும் அத்தாட்சியாகும்.

மிஃராஜின் பரிசு 

அல்லாஹுத்தஆலா தனது நேசத்திற்குரிய நபிக்கும்,இந்த உம்மத்திற்கும் மாபெரும் பரிசாக ஐம்பது நேரத் தொழுகைகளை கடமை ஆக்குகிறான்.  

ففرض عليَّ خمسين صلاةً في كلِّ يومٍ وليلةٍ . فنزلتُ إلى موسى ، فقال : مافرض ربُّك على أُمَّتِك ؟ قلتُ : خمسين صلاةً ، قال : ارْجِعْ إلى ربِّك فسَلْه التَّخفيفَ ، فإنَّ أُمَّتَك لا تُطيقُ ذلك ، فإني قد بلَوْتُ بني إسرائيلَ وخبَرتُهم ، فرجعتُ إلى ربي ، فقلتُ : يا ربِّ خَفِّفْ عن أُمَّتي ، فحطَّ عني خمسًا . فرجعتُ إلى موسى ، فقلتُ : حطَّ عني خمسًا ، قال : إنَّ أُمَّتَك لا يُطيقون ذلك ، فارجِعْ إلى ربِّك فسَلْه التَّخفيفَ . فلم أزلْ أرجعُ بين ربي وبين موسى حتى قال : يا محمدُ إنهنَّ خمسُ صلواتٍ كلَّ يومٍ وليلةٍ لكلِّ صلاةٍ عشرٌ ، فذلك خمسون صلاةً ، ومن همَّ بحسنةٍ فلم يعملْها كُتِبَتْ له حسنةٌ ، فإن عملَها كُتِبَتْ له عشرًا من همَ بسيئةٍ فلم يعملْها لم تكتبْ شيئًا ، فإن عملها كُتِبَتْ سيئةً واحدةً . فنزلت حتى انتهيتُ إلى موسى ، فأخبرتُه ، فقال : ارجِعْ إلى ربِّك فسَلْه التَّخفيفَ ، فقلتُ : قد رجعتُ إلى ربي حتى استحْيَيْتُ منه

الراوي : أنس بن مالك | المحدث : الألباني | المصدر : صحيح الجامع

الصفحة أو الرقم: 127 | خلاصة حكم المحدث : صحيح

التخريج : أخرجه مسلم (162)، وأحمد (12527) باختلاف يسير.

 ففرض علي امتي خمسين صلاه في كل يوم.....

நபி(ஸல்)திரும்ப வரும் வழியில் மூஸா(அலை)அவர்கள் "அல்லாஹ் என்ன கடமையாக்கினான்"எனக் கேட்க,நபி(ஸல்)அவர்கள் "ஐம்பது நேரத் தொழுகைகள்"என பதிலளித்தார்கள்.

அதற்கு நபி மூஸா (அலை)அவர்கள் உமது உம்மத்தினர்  ஐம்பது நேரத் தொழுகைகளை தொழ மாட்டார்கள் குறைத்துவிட்டு வாருங்கள் "  என்றார்கள்.

நபி (ஸல்)அல்லாஹ்விடம் சென்று பத்து நேரத் தொழுகைகளை குறைத்துவிட்டு வந்தார்கள். 

மீண்டும் நபி மூஸா (அலை) அவர்கள் "குறைத்துவிட்டு வரும்படி" சொன்னார்கள்.

இப்படியாக நபி ஐந்து நேரத் தொழுகைகள் வரை குறைத்து வாங்கினார்கள் ......(நூல்:முஸ்லிம் 162)

அந்த ஐந்து நேரத் தொழுகைகள் தான் மிஃராஜின் மாபெரும் பரிசாகும்.தொ

தொழுகையின் முக்கியத்துவம் 

ஏனைய எல்லா வணக்கங்களை விடவும் தொழுகை மிகவும் முக்கியத்துவம் வாய்ந்தது. காரணம் மற்ற வணக்கங்களை அல்லாஹ் வஹியின் மூலம் கடமையாக்கினான், தொழுகையை மட்டும் தான் நேரடியாக நபியை அழைத்து எந்தத் திரையும் இல்லாமல் அல்லாஹ்வே வழங்கினான்.

ஒரு மனிதன்

لا اله الا الله محمد الرسول الله

என்ற கலிமாவை  மனதால் உறுதி கொண்டு நாவால் மொழிந்த பின் முஸ்லிமாகிறான். அம்முஸ்லிம் இஸ்லாத்திற்கு அடுத்து நம்பிக்கை கொள்பவைகளை ஈமான் கொண்டு முஃமினாகிறான்.

அம்முஃமின் வெற்றியடைய அல்லாஹ் தன் திருமறையில்,

 قَدْ اَفْلَحَ الْمُؤْمِنُوْنَۙ‏ 

நம்பிக்கையாளர்கள் நிச்சயமாக வெற்றி அடைந்துவிட்டனர்.

(அல்குர்ஆன் : 23:1)

الَّذِيْنَ هُمْ فِىْ صَلَاتِهِمْ خَاشِعُوْنَ ۙ‏ 

அவர்கள் எத்தகையவரென்றால் மிக்க உள்ளச்சத்தோடு தொழுவார்கள்.

(அல்குர்ஆன் : 23:2)என்று கூறுகிறான்.

மனிதன் குழந்தையிலிருந்து வளர ஆரம்பிக்கிற போது இஸ்லாம் தொழு ஏவுகிறது. மீறினால் கண்டிக்கவும் சொல்கிறது.

عَنْ عَمْرِو بْنِ شُعَيْبٍ ، عَنْ أَبِيهِ عَنْ جَدِّهِ ، قَالَ : قَالَ رَسُولُ اللَّهِ صَلَّى اللَّهُ عَلَيْهِوَسَلَّمَ : ” مُرُوا أَبْنَاءَكُمْ بِالصَّلَاةِ لِسَبْعِ سِنِينَ ،وَاضْرِبُوهُمْ عَلَيْهَا لِعَشْرِ سِنِينَ ، وَفَرِّقُوا بَيْنَهُمْ فِي الْمَضَاجِعِ” . هَذَا حَدِيثٌ حَسَنٌ ، أَخْرَجَهُ أَبُو دَاوُدَ ، .

உங்கள் குழந்தைகள் ஏழுவயதை    எய்திவிட்டால் அவர்களைத்  தொழும்படி ஏவுங்கள்! பத்து வயதை அடைந்த(தும்தொழாமலிருந்தால்) அதற்காக அவர்களைஅடியுங்கள். என நபி   (ஸல்) அவர்கள் கூறியுள்ளார்கள்.

தொழுகையின் முக்கியத்துவம் புரிய வேண்டுமென்றால்,"வாருங்கள் வள்ளல் நபியின் இறுதி நேரத்திற்கு"

قال علي بن أبي طالبٍ رضي الله تعَالى عنه: (كان آخر كلام رسول الله صلى الله عليه وسلم: الصلاة الصلاة، اتقوا الله فيما ملكت أيمانكم) (صححه أحمد شاكر في مسند الإمام أحمد 2/ 29).

அலீ (ரலி)அவர்கள்  "நபி (ஸல்)     (மரணசமயத்தில்) அவர்களின்இறுதி வாக்கியங்கள் தொழுகை! தொழுகை! என்றும் ,அடிமைகள் விஷயத்தில் அல்லாஹ்வை பயந்து கொள்ளுங்கள் என்று இருந்தன"என கூறுகிறார்கள்.

தொழாவிட்டால்....

தொழுகையின் மகத்துவத்தை விளங்காதவர்கள் பின்வரும் விஷயங்களை பாடமாக அமைத்துக்கொள்ளட்டும்.

عن بريدة رضي الله عنه أن النبي صلى الله عليه وسلم قال: "العهد الذي بيننا وبينهم الصلاة فمن تركها فقد كفر"

ஒரு முஸ்லிமுக்கும் காபிருக்கும் இடையே உள்ள வித்தியாசம் தொழுகை அதை விடுபவன் காபிர் என்றார்கள். (இப்னு மாஜா 1088)

இன்று இஸ்லாமிய சமூகம் இந்த ஹதிஸையும்,தொழுகையையும் மறந்து விட்டது.

நபி(ஸல்) அவர்கள்

من ترك الصلاةفقد كفر

தொழுகையை யார் விட்டாரோ அவர் காபிராகி விட்டார்கள் என்றார்கள்.

وقد قال عمر بن الخطاب رضي الله عنه:" لا حظّ في الإسلام لمن ترك الصّلاة "

உமர்(ரலி) அவர்கள் தொழுகையை விடுபவனுக்கு இஸ்லாத்தில் எந்த பங்கும் இல்லை என்றார்கள்.

ஆனால் இன்று நம் வாழ்க்கையின் அடிப்படை அங்கமாக  தொழுகை இல்லாததால் ஆயுளிலும் , பொருளாதாரத்திலும் பரக்கத் இழந்து, எதிரிகளால் கொடுமைக்குள்ளாக்கப்பட்டு, துஆ செய்யலாம் என்றால் அதுவும் ஏற்கப்படாமல் பரிதாபத்தில் நிற்கிறோம்.

தொழாத மக்களுக்கான எச்சரிக்கை இதோ.....

நபி(ஸல்)அவர்கள் மிஃராஜின் போது "ஒரு கூட்டத்தினரை கடந்து செல்கிறார்கள் அவர்களின் தலைகள் வெட்டப்பட்டு மீண்டும் பழைய நிலைக்கு திரும்புகின்றன.இவர்கள் யார்?" என ஜிப்ரயீல் (அலை)அவர்களிடம் கேட்க  "இவர்கள் கடமையான தொழுகைகளை நிறை வேற்றாதவர்கள்  "என பதில் கூறினார்கள் (நூல்: தப்ரானி) 

தொழுகையே முஃமின்களுக்கு மிஃராஜ்

மிஃராஜ் பயணத்தில் மாநபி (ஸல்) அல்லாஹ்வை சந்தித்து பேசினார்கள்.யான் பெற்ற இன்பம் என் சமுதாயமும் பெற வேண்டும் என்பதற்காகவே....

قال صلى الله عليه وسلم: (حُبِّبَ إليَّ من دُنْياكمُ النِّساءُ والطِّيبُ وجُعِلَت قُرَّةُ عَيني في الصَّلاةِ) (ابن الملقن في البدر المنير 1/ 501 وقال: إسناده صحيحٌ عن أنس بن مالك رضي الله تعالى عنه).

நபி (ஸல்) அவர்கள் , எனக்கு உங்களின் இந்த உலகத்தில் பெண்களும் நறுமணப் பொருட்களும் பிரியத்திற்குரியதாக ஆக்கப்பட்டுள்ளன. என் கண்குளிர்ச்சி தொழுகையிலே உள்ளது என்றார்கள். எனவே தான்"தொழுகை முஃமீன்களின் மிஃராஜ்"என பெரியார்கள் கூறினார்கள்.மேற்கூறிய ஹதிஸிலிருந்து தொழுகையில் நபி அனுபவித்த கண் குளிர்ச்சியை நாமும் அனுபவிக்கலாம் என்றே தெரிகிறது.அதனால் தான் தொழுகையில் நாம் الحمد لله رب العالمين என்று ஓதினால் அல்லாஹ் حمدني عبدي என் அடியான் என்னை புகழ்ந்து விட்டான் என்கிறான்.எனவே உள்ளச்சத்தோடு தொழுதோம் என்றால் அத்தொழுகை மிஃராஜாக மாறிப்போகும்.

தொழுகையின் மகத்துவம் புரிந்தவர்கள் தன்னுயிர் நீங்கினாலும்,தொழுகையிலிருந்து நீங்க மாட்டார்கள்.ஏனென்றால் அத்தொழுகை அவர்களுக்கு மிஃராஜ்.

உங்களுக்காக ஷோபனமிக்க ஒரு நிகழ்வு..............

«198» حدثنا أبو توبة الربيع بن نافع حدثنا ابن المبارك عن محمد بن إسحاق حدثني صدقة بن يسار عن عقيل بن جابر عن جابر قال خرجنا مع رسول الله صلى الله عليه وسلم- يعني في غزوة ذات الرقاع- فأصاب رجل امرأة رجل من المشركين فحلف أن لا أنتهي حتى أهريق دما في أصحاب محمد فخرج يتبع أثر النبي صلى الله عليه وسلم فنزل النبي صلى الله عليه وسلم منزلا فقال من رجل يكلؤنا فانتدب رجل من المهاجرين(عمار ابن يسر) ورجل من الأنصار(عباد ابن بشر) فقال: ((كونا بفم الشعب)). قال فلما خرج الرجلان إلى فم الشعب اضطجع المهاجري وقام الأنصاري يصلي وأتى الرجل فلما رأى شخصه عرف أنه ربيئة للقوم فرماه بسهم فوضعه فيه فنزعه حتى رماه بثلاثة أسهم ثم ركع وسجد ثم انتبه صاحبه فلما عرف أنهم قد نذروا به هرب ولما رأى المهاجري ما بالأنصاري من الدم قال سبحان الله ألا أنبهتني أول ما رمى قال كنت في سورة أقرأها فلم أحب أن أقطعها

நபி(ஸல்)அவர்கள் தாதுர் ரிகா என்ற போருக்குப் போய் விட்டுத் திரும்புகிற வேளையில் ஓரிடத்தில் தங்க நேரிட்டது. இன்றிரவு நம் படைக்கு காவலாளி யார்? என்று கேட்க அதற்கு முஹாஜிரின்களைச் சேர்ந்த அம்மார் இப்னு யாசிர்(ரலி) அவர்களும்,அன்ஸாரிகளைச் சேர்ந்த உப்பாதுப்னு பிஷ்ர் (ரலி) அவர்களும் நாங்கள் காவல் புரிகிறோம் என்றார்கள். அன்ஸாரி ஸஹாபியான உப்பாது இப்னு பஷிர்(ரலி) முஹாஜிரான அம்மார் இப்னு யாசிர்(ரலி)அவர்களிடம் "இரவு முழுவதும் இருவரும் விழித்துருந்தால் தூக்கம் மேலிட்டு இருவருமே கண்ணயர்ந்து விடக்கூடும். ஆகையால் இரவை இரு பாகங்களாக்கி முதற்பகுதியில் நீங்கள் தூங்குங்கள். நான் விழித்திருக்கிறேன் . இரண்டாம் பகுதியில் நீங்கள் விழித்திருங்கள். நான் தூங்குகிறேன். ஏதேனும் ஆபத்து ஏற்படுகிறதென்று விழித்திருப்பவருக்கு தெரிந்தால் தூங்கிக் கொண்டிருப்பவரை எழுப்பிக் கொள்ளலாம்"என்று கூறினார். அதன்படி முதற்பகுதியில் உப்பாது இப்னு பஷிர்(ரலி)விழித்திருப்பதென முடிவு செய்யப்பட்டது. அம்மார் இப்னு யாசிர்(ரலி)தூங்கி விட்டார். காவலுக்கு இருந்த அன்ஸாரி ஸஹாபி உப்பாது இப்னு பஷிர்(ரலி)தொழுவதற்கு தக்பீர் கட்டி நின்று கொண்டார். அந்த நேரத்தில் எதிரிகளிலிருந்து ஒரு மனிதர் ஸஹாபியைப் பார்த்து மூன்று அம்புகளை எறிந்தான். ஆனால் அவர் அனைத்தையும் தாங்கி கொண்டு இரத்தம் வழிந்தோடிய நிலையிலேயே தொழுகை முடித்தார். அம்மார் இப்னு யாசிர்(ரலி) திடிரென எழுந்து பார்க்க உப்பாதுப்னு பிஷ்ரோ (ரலி) இரத்த வெள்ளத்தில் கிடப்பதைப் பார்த்து سبحان الله என்னை முன்னதாகவே எழுப்பியிருக்கக் கூடாதா? என்று கேட்டார். அதற்கு உப்பாது இப்னு பிஷ்ர்(ரலி) நான் தொழுகையில் ஸூரத்துல் கஹ்பை ஆரம்பித்து ஓதிக் கொண்டிருந்தேன். அதனை முடிப்பதற்கு முன் தொழுகையை முடிக்க விரும்ப வில்லை. இறுதியில் அவர் ஷஹிதாஹியும் விட்டார். (அபுதாவுது:198)

இறுதியாக!அல்லாஹ்வின் நல்லடியார்களே!

"மறுமையில் அடியானிடம் கேட்கப்படும் கேள்விகளில் முதல் கேள்வி தொழுகை அப்போது அல்லாஹ் அடியானின் தொழுகையை பார்ப்பான் அவன் தொழுகை சரியாக இருந்தால் அனைத்து அமல்களும் சரியாகிவிடும் அது சீர்கெட்டு இருந்தால் அனைத்து அமல்களும் சீர்கெட்டு விடும்" என நபி (ஸல்) அவர்கள் கூறினார்கள்.

ஆனால்கடைசிவரை நம்மவர்கள் பலருக்கு தொழும் பாக்கியம் கிடைப்பதில்லை (நவூதுபில்லாஹ்)கடைசியில் அவரின் ஜனாஸா தான் பள்ளிக்கு வருகிறது. 

அல்லாஹ் நமக்கு எல்லா கடமைகளையும் ஜிப்ரயீல் (அலை) அவர்கள் மூலமாக தான் கொடுத்தான். ஆனால் தொழுகையை மட்டும் நபியை அழைத்து நேரடியாக கொடுத்தான்.

நமது வீட்டுக்கு தேவையான பொருட்கள் முட்டை, தக்காளி, கருவேப்பிலை வாங்க சிறுவர்களை அனுப்புவோம். அதுவே தங்கம் வாங்குவதாக இருந்தால் நாமே நேரடியாக செல்வோம். காரணம் விலையுயர்ந்த பொருள் என்பதால், அதுபோல மிஃராஜில் இந்த உம்மத்திற்கு கிடைத்த விலைமதிப்பற்ற பரிசு தொழுகையாகும்.

எனவே தொழுகையை நிலைநாட்டுவோம். வெற்றி பெறுவோம்.

வெளியீடு: செங்கல்பட்டு மற்றும் காஞ்சிபுரம் மாவட்ட ஜமாஅத்துல் உலமா சபை.

ஜூம்ஆ பயான் 05/03/2021

தலைப்பு:

நன்மையின் பக்கம் விரையுங்கள்

முன்னுரை :

قال النبي صلى الله عليه وسلم   "التاني من الله والعجلة "من الشيطان  

"மிதவேகம் மிகநன்று" என்கிற பலகையை சாலையோர பயணங்களில் பார்த்திருப்போம்.அப்பலகை சாலைப்பயணங்களில் "மிதவேகம் மிகநன்று" என்று அறிவிப்பதோடு வாழ்க்கைப்பயணத்திலும் "மிதவேகம் மிகநன்று" என்று அறிவிக்கிறது. நம் நபி(ஸல்) அவர்களும் "நிதானம் அல்லாஹ்வுடையது"."அவசரம் ஷைத்தானுடையது"என்கிறார்கள்.

இருப்பினும்..................

இஸ்லாம் சில காரியங்களில் வேகத்தை கடைப்பிடிக்க சொல்கிறது.குர்ஆனிய  வசனங்கள் பலதோ "ஸாரிஊ, ஸாபிகூ, ஃபஸ்தபிகூ, ஃபஃபிர்ரூ “ விரைந்து செயல் படுங்கள்! வேகமாக முன்னேறுங்கள்! விரண்டோடி வாருங்கள்!” என்று மனித சமூகத்தை நோக்கி அறை கூவல் விடுக்கிறது.

அல்லாஹ் தன் திருமறையில்................

وَسَارِعُوْۤا اِلٰى مَغْفِرَةٍ مِّنْ رَّبِّكُمْ وَجَنَّةٍ عَرْضُهَا السَّمٰوٰتُ وَالْاَرْضُۙ اُعِدَّتْ لِلْمُتَّقِيْنَۙ  

உங்கள் இறைவனின் மன்னிப்புக்கும், சுவர்க்கத்துக்கும் விரைந்து செல்லுங்கள். அதன் விசாலம் வானங்கள், பூமியின் விசாலத்தைப் போன்றது. (அது) இறை அச்சம் உடையவர் களுக்காக(வே) தயார்படுத்தப்பட்டுள்ளது.

(அல்குர்ஆன் : 3:133) என்று கூறுகிறான்.

மேற்கூறிய வசனம் ஒன்று நாம் செய்த பாவங்களுக்கான மன்னிப்பைத் தேடி விரைந்து செல்லுங்கள் என்றும் பாவங்கள் அகன்று பரிசுத்தமானவர்களாகிய நீங்கள் சொர்க்கத்தின் பக்கமும் விரைந்துசெல்லுங்கள் என்றும் அறிவிக்கிறது.

"சொர்க்கத்தின் பக்கம் விரைந்துசெல்லுங்கள்"என்ற வசனத்திற்கு விளக்கமாகத்தான் பின்வரும் வசனம் விளங்குகிறது.

 ‌  فَاسْتَبِقُوا الْخَيْرٰتِؔ اَيْنَ مَا تَكُوْنُوْا يَاْتِ بِكُمُ اللّٰهُ جَمِيْعًا  اِنَّ اللّٰهَ عَلٰى كُلِّ شَىْءٍ قَدِيْرٌ‏

(நம்பிக்கையாளர்களே!) நன்மையானவைகளை செய்வதில் நீங்கள் ஒருவரை ஒருவர் முந்திச் செல்லுங்கள். நீங்கள் எங்கிருந்தபோதிலும் உங்கள் அனைவரையும் அல்லாஹ் ஒன்று சேர்ப்பான். நிச்சயமாக அல்லாஹ் அனைத்தின் மீதும் பேராற்றலுடையவன்.

(அல்குர்ஆன் : 2:148)

நாம் சொர்க்கத்தை அடைய வேண்டுமென்றால் நன்மையின் பக்கம் விரைந்து செல்லுங்கள் என்று அல்லாஹ் கட்டளையிடுகிறான்.

நபி(ஸல்)அவர்களின் வேகம்

«5363» عَنِ الأَسْوَدِ بْنِ يَزِيدَ سَأَلْتُ عَائِشَةَ رَضِيَ اللَّهُ عَنْهَا مَا كَانَ النَّبِيُّ صَلَّى اللَّهُ عَلَيْهِ وَسَلَّمَ يَصْنَعُ فِي الْبَيْتِ قَالَتْ: كَانَ فِي مِهْنَةِ أَهْلِهِ، فَإِذَا سَمِعَ الأَذَانَ خَرَجَ

அஸ்வத் இப்னு யஸீத்(ரஹ்) அறிவித்தார் 

நான் ஆயிஷா(ரலி) அவர்களிடம் 'நபி(ஸல்) அவர்கள் வீட்டில் என்ன (வேலை) செய்து வந்தார்கள்?' என்று கேட்டேன். அதற்கு ஆயிஷா(ரலி), 'நபி(ஸல்) அவர்கள் தம் வீட்டாருக்காக (வீட்டு) வேலைகளைச் செய்துவந்தார்கள். தொழுகை அறிவிப்பை (பாங்கு சப்தத்தை)ச் செவிமடுத்தால் (தொழுகைக்காகப்) புறப்பட்டு விடுவார்கள்' என்று பதிலளித்தார்கள். 17 

ஸஹீஹ் புகாரி : 5363. 

நபி(ஸல்)அவர்கள் வேலைப்பளு எவ்வளவு இருப்பினும் இபாதத் நேரம்,நாட்கள் நெருங்கிவிட்டால்  தன்னை வேகப்படுத்தி கொள்வார்கள்.

இபாதத்கள் விஷயத்தில் தன் சமுதாயமும் ஆர்வத்துடனும்,வேகத்துடனும் இருக்கவேண்டும் என்பது நபிகளார்(ஸல்) அவா.அதன் காரணமாகவே....

இறைத்தூதர்(ஸல்) அவர்கள் கூறினார்கள். 

(ஜமாஅத் தொழுகைக்கு) முந்தி வருவதில் உள்ளதை (சிறப்பு) மக்கள் அறிந்தால் அதற்காகப் போட்டி போடுவார்கள். ஸுபுஹ், இஷாத் தொழுகைகளின் சிறப்பை மக்கள் அறிந்தால் தவழ்ந்தேனும் அதற்காக வந்து சேர்வார்கள். முதல் வரிசையின் சிறப்பை அவர்கள் அறிந்தால் (போட்டி ஏற்படும் போது) சீட்டுக் குலுக்கி (யார் முதல் வரிசையில் நிற்பது என்பதை)த் தீர்மானிப்பார்கள்.' என அபூ ஹுரைரா(ரலி) அறிவித்தார். 

ஸஹீஹ் புகாரி 721

ஆனால் இன்று மக்கள் ரேஷன் கடையிலும்.மது கடையிலும். சினிமா தியேட்டர்களிலும். அரசியல் வாதிகளின் கூட்டத்திற்கும் தான் போட்டி போட்டு கொண்டிருக்கிறார்கள்.

ஸஹாபாக்கள் காலத்தில் வசதிகள் குறைவு இரவுகளில் தெரு விளக்குகள் கிடையாது.  சிரமப்பட்டு பள்ளிக்கு செல்வார்கள். குர்ஆன் பிரதிகள் அதிகம் கிடையாது தெரிந்த ஸஹாபாக்களிடம் ஓதி காட்டுவார்கள். பள்ளியில் மின்விசிறி கிடையாது . அழகான வாகனங்கள் கிடையாது. ஆனால் இன்று எல்லா வசதிகளும் உண்டு அமல் செய்ய ஆள் இல்லை. அன்று வசதிகள் குறைவு நன்மைகள் அதிகம் செய்தார்கள். இன்று வசதிகள் அதிகம் நன்மைகள் குறைவு.

எதில் வேகம்

1.தானதர்மம் செய்வதில்....... 

وعندما أرادَ النبيُّ - صلى الله عليه وسلم - الخروجَ لقِتالِ الرُّوم في غزوةِ تبُوك، دعَا النبيُّ - صلى الله عليه وسلم - النَّاسَ إلى تجهيزِ الجَيشِ، وحضَّ على الإنفاقِ والبَذل، ولاسيَّما أهلُ الطَّول واليَسار، وقد كان لهذه الغَزة ظُروفُها مِن بُعد المسافَة، والحرِّ الشديد، والعدُوِّ الكثير، والمُنافِقِين والخالِفين والقاعِدِين.

فسارَعَ عُمرُ - رضي الله عنه - وقال في نفسِه: "اليوم أسبِقُ أبا بكرٍ إن سبَقتُه يومًا" فجاءَ بنَصفِ مالِه، فقال رسولُ الله - صلى الله عليه وسلم -: «ما أبقَيتَ لأهلِك؟»، فقال: "مِثلَه يا رسول الله"، وأتَى أبو بكرٍ بكلِّ ما عِندَه مِن مالٍ، فقال رسولُ الله - صلى الله عليه وسلم -: «ما أبقَيتَ لأهلِك؟»، فقال: "أبقَيتُ لهمُ اللهَ ورسولَه"، فقال عُمر: "لا أُسابِقُك إلى شيءٍ أبدًا"

ரோமுக்கு எதிரான தபூக் யூத்ததின் போது நீண்ட தூரபயணம் ,கடுமையான வெயில் காலம் ,எதிரியின் படைபலம், நயவஞ்சகர்கள் ,எதிர்ப்பாளர்கள் என அத்தனைநெருக்கடிகளையும் கருத்தில் கொண்டு நபி (ஸல்)அவர்கள் இஸ்லாமிய படைக்கு தாராளமாக உதவிட அறைகூவல்விடுத்தார்கள்.

வீட்டிற்கு சென்ற உமர் (ரலி)அவர்கள் தனது சொத்தில் பகுதியை கொண்டுவரும்போதே "இன்று நன்மையில் அபுபக்ர்(ரலி)அவர்களை முந்திவிடலாம்"என்று தனக்கு தானே சொல்லிக்கொண்டார்கள்.

நபி(ஸல்)அவர்கள்  உமரே!உமது வீட்டினருக்கு என்ன வைத்துவிட்டு வந்தீர் என்று கேட்டார்கள்.அதற்கு உமர்(ரலி)அவர்கள் எனது சொத்தில் பாதி என்றார்கள்.

அபுபக்ரே!உமது வீட்டினருக்கு என்ன வைத்து விட்டு வந்தீர் என நபி(ஸல்)அவர்கள் கேட்க அபுபக்ர் (ரலி)அவர்கள்"அல்லாஹ்வையும் அவனது துதரையும் தவிர அனைத்தையும் கொண்டுவந்துவிட்டேன்" எனக் கூறியதும்

உமர் (ரலி)அவர்கள் நல்லறங்களில் நான் அபுபக்ரை முந்தவே முடியாது என்றார்கள்.

மறுமைசெல்வத்தைத்தேடி சென்ற அவ்விருஸஹாபிகள்  வேகம் சிறந்ததா?உலகசெல்வத்தைத்தேடி செல்கிற நம் வேகம் சிறந்ததா?

حتى قال بعضُ السلَف: "لو كانت الدُّنيا من ذهبٍ يَفنَى، والآخرةُ مِن خَزَفٍ يَبقَى، لكان المُتعيِّنُ على العاقِل أن يُؤثِرَ الخَزَفَ الذي يَبقَى على الذَّهَب الذي يَفنَى، فكيف والآخرةُ هي الذَّهبُ الذي يَبقَى، وهي خيرٌ وأَبقَى".

நல்லோர்கள் "உலகம் தங்கத்திலானலும் அழியக்கூடியதே!

மறுமை பளிங்குகல்லிலானாலும் நிரந்தரமானது!

அறிவாளி அழியும் தங்கத்தை(உலகை) விட அழிவில்லா பளிங்குகல்லை (மறுமையை) தான் தேர்ந்தெடுப்பான்.

உண்மை என்னதெரியுமா? மறுமை அது "தங்கத்திலாலானது". அது "சிறந்தது". அது "அழிவில்லாதது"" என்று உபதேசம் செய்வார்கள்.

அல்லாஹ்வின் நல்லடியார்களே!

தர்மம் செய்வதில் விரைந்து செயல்படுங்கள்.விரைந்துசெயல்படவில்லையென்றால்.......

وَاَنْفِقُوْا مِنْ مَّا رَزَقْنٰكُمْ مِّنْ قَبْلِ اَنْ يَّاْتِىَ اَحَدَكُمُ الْمَوْتُ فَيَقُوْلَ رَبِّ لَوْلَاۤ اَخَّرْتَنِىْۤ اِلٰٓى اَجَلٍ قَرِيْبٍۙ فَاَصَّدَّقَ وَاَكُنْ مِّنَ الصّٰلِحِيْنَ‏

உங்களுக்கு மரணம் வருவதற்கு முன்பாகவே, நாம் உங்களுக்குக் கொடுத்தவைகளிலிருந்து தானம் செய்யுங்கள். (அவ்வாறு செய்யாதவன் மரணிக்கும் சமயத்தில்,) "என் இறைவனே! ஒரு சொற்ப காலத்திற்கு என்னை விட்டுவைக்க வேண்டாமா? (அவ்வாறு விட்டால்,) நான் தானமும் செய்வேன்; (நன்மைகளைச் செய்து) நல்லோர்களிலும் ஆகிவிடுவேன்" என்று கூறுவான்.

(அல்குர்ஆன் : 63:10)

என்று அல்லாஹ் கூறுகிறான்.

2.ஹராமை விட்டும் விலகுவதில்.....

 «851»  عَنْ عُقْبَةَ قَالَ صَلَّيْتُ وَرَاءَ النَّبِيِّ صَلَّى اللَّهُ عَلَيْهِ وَسَلَّمَ بِالْمَدِينَةِ الْعَصْرَ فَسَلَّمَ ثُمَّ قَامَ مُسْرِعًا، فَتَخَطَّى رِقَابَ النَّاسِ إِلَى بَعْضِ حُجَرِ نِسَائِهِ، فَفَزِعَ النَّاسُ مِنْ سُرْعَتِهِ فَخَرَجَ عَلَيْهِمْ، فَرَأَى أَنَّهُمْ عَجِبُوا مِنْ سُرْعَتِهِ فَقَالَ: ((ذَكَرْتُ شَيْئًا مِنْ تِبْرٍ عِنْدَنَا فَكَرِهْتُ أَنْ يَحْبِسَنِي، فَأَمَرْتُ بِقِسْمَتِهِ)).

உக்பா(ரலி) அறிவித்தார். 

நபி(ஸல்) அவர்களைப் பின்பற்றி மதீனாவில் நான் அஸர் தொழுதேன். அவர்கள் ஸலாம் கொடுத்ததும் மக்களைத் தாண்டி தம் மனைவியரில் ஒருவரின் இல்லத்துக்கு வேகமாகச் சென்றார்கள். அவர்களின் விரைவைக் கண்டு மக்கள் திடுக்குற்றனர். உடனே நபி(ஸல்) அவர்கள் திரும்ப வந்து, தாம் விரைவாகச் சென்றது பற்றி மக்கள் வியப்பில் ஆழ்ந்திருப்பதைக் கண்டார்கள். 'என்னிடம் இருந்த (ஜகாத் நிதியான) வெள்ளிக் கட்டி ஒன்று நினைவுக்கு வந்தது. அது என் கவனத்தைத் திருப்பி விடுவதை நான் விரும்பவில்லை. அதைப் பங்கீடு செய்யுமாறு கூறிவிட்டு வந்தேன்' என்று இறைத்தூதர்(ஸல்) அவர்கள் கூறினார்கள். 

ஸஹீஹ் புகாரி : 851. 

தொழுகையை முடித்ததும் ஏன் இவ்வளவு வேகம்?"தனக்கல்லாத ஒரு பொருள் தம்மிடம் இருக்கலாகாது"என்பதை இச்சமூகத்துக்கு உணர்த்துகிறார்கள் உன்னத நபி(ஸல்)அவர்கள்.ஆனால் இச்சமூகம் ஹராமைவிட்டும் தன்னை தடுத்துக்கொள்வதை முற்றிலும் மறந்து போய்விட்டது.

தாமதம் வேண்டாம்

1.நல்அமல்கள் செய்வதில் தாமதம் வேண்டாம்.ஏனென்றால்....

حَتّٰٓى اِذَا جَآءَ اَحَدَهُمُ الْمَوْتُ قَالَ رَبِّ ارْجِعُوْنِۙ‏لَعَلِّىْۤ اَعْمَلُ صَالِحًـا فِيْمَا تَرَكْتُ‌ كَلَّا‌  اِنَّهَا كَلِمَةٌ هُوَ قَآٮِٕلُهَا‌ وَمِنْ وَّرَآٮِٕهِمْ بَرْزَخٌ اِلٰى يَوْمِ يُبْعَثُوْنَ‏

நிராகரித்துக் கொண்டிருக்கும்) அவர்களில் எவனுக்கும் மரணம் வந்தாலோ (அவன் தன் இறைவனை நோக்கி) "என் இறைவனே! என்னை (உலகத்திற்கு) திரும்ப அனுப்பிவிடு.

நான் விட்டு வந்த அ(ந்த உலகத்)தில் (இனி) நல்ல காரியங்களையே நான் செய்து கொண்டிருப்பேன்" என்று கூறுவான். (எனினும்,) அது ஆகக்கூடிய காரியமன்று. (இத்தகைய சந்தர்ப்பங்களில்) அவன் கூறக்கூடியது வெறும் வார்த்தையே  (யன்றி  வேறில்லை.) அவர்களுக்கு முன் ஓர் அரண் ஏற்பட்டு விடும். (உயிர் கொடுத்து) எழுப்பப்படும் நாள் வரையில் அதில் தங்கிவிடுவார்கள்.

(அல்குர்ஆன் : 23:99,100)

என்று அல்லாஹ்  கூறுகின்றான்.

2.தவ்பா செய்வதிலும் தாமதம் வேண்டாம்.ஏனென்றால்....

وَلَيْسَتِ التَّوْبَةُ لِلَّذِيْنَ يَعْمَلُوْنَ السَّيِّاٰتِ‌  حَتّٰۤى اِذَا حَضَرَ اَحَدَهُمُ الْمَوْتُ قَالَ اِنِّىْ تُبْتُ الْـــٰٔنَ وَلَا الَّذِيْنَ يَمُوْتُوْنَ وَهُمْ كُفَّارٌ ‌ اُولٰٓٮِٕكَ اَعْتَدْنَا لَهُمْ عَذَابًا اَ لِيْمًا‏

எவர்கள் பாவங்களைச் செய்துகொண்டேயிருந்து, அவர்களுக்கு மரணம் சமீபித்தபோது " நான் இப்போது (என்) பாவங்களுக்காக மன்னிப்புக் கோருகின்றேன்" என்று கூறுகின்றார்களோ அவர்களுக்கும், எவர்கள் (நம்பிக்கை கொள்ளாது நிராகரித்து  விட்டு) நிராகரித்த நிலையிலேயே இறந்தும் விடுகின்றார்களோ அவர்களுக்கும் பாவமன்னிப்புக் கிடையாது. இத்தகையவர்  களுக்குத் துன்புறுத்தும் வேதனையைத்தான் நாம் தயார்படுத்தி வைத்திருக்கின்றோம்.

(அல்குர்ஆன் : 4:18)என்று அல்லாஹ் கூறுகின்றான்.

ஒரு ஸஹாபியின் வாழ்வில்.............

أنَّ رسولَ اللهِ صلَّى اللهُ عليه وسلَّم بعَث زَيدَ بنَ حارِثَةَ وجعفَرَ وعبدَ اللهِ بنَ رَواحَةَ رضي اللهُ عنهم فتخَلَّف عبدُ اللهِ بنُ رَواحَةَ فقال له النبيُّ صلَّى اللهُ عليه وسلَّم: ما خَلَّفَك عن أصحابِك ؟ قال: أحبَبتُ أن أشهَدَ معَك الجمُعَةَ ثم أَلحَقُهم ، قال: لو أنفَقتَ ما في الأرضِ جميعًا ما أدرَكتَ غَدوتَهم ، وكانوا خرَجوا يومَ جمُعَةٍ

அல்லாஹ்வின் தூதர் {ஸல்} அவர்கள் மூத்தா யுத்தத்திற்கான படைப்பிரிவை அனுப்பும் போது, வழக்கத்திற்கு மாறாக தளபதிகளாக மூன்று நபித்தோழர்களின் பெயர்களை அறிவித்தார்கள்.

ஆரம்பமாக, ஜைத் இப்னு ஹாரிஸா (ரலி) அவர்கள் படையை வழி நடத்துவார்! அவர் காயமுற்றால் ஜஅஃபர் இப்னு அபூதாலிப் (ரலி) அவர்கள் படையை வழி நடத்துவார். அவரும் காயமுற்றால் அப்துல்லாஹ் இப்னு ரவாஹா (ரலி) அவர்கள் படையை வழி நடத்துவார். அவரும் காயமுற்றால் இஸ்லாமியப் படை வீரர்கள் அடுத்த தளபதியை தேர்ந்தெடுத்துக் கொள்ளட்டும்!” என்று நபி {ஸல்} அவர்கள் கூறி படையை வழியனுப்பி வைத்தார்கள்.

அப்துல்லாஹ் இப்னு ரவாஹா (ரலி) அவர்கள் அல்லாஹ்வின் தூதர் {ஸல்} அவர்கள் தளபதிகளை நியமிக்கும் அந்த விதத்தைப் பார்த்தே நிச்சயம் தாம் மூத்தா யுத்தத்தில் ஷஹீதாகி விடுவோம் என்று உறுதியாக நம்பினார்கள்.ஆகையால், ”எப்படியும் நாம் ஷஹீதாகி விடுவோம். அல்லாஹ்வின் தூதர் {ஸல்} அவர்களை இனி பார்க்க முடியாது. கடைசியாக அல்லாஹ்வின் தூதர் {ஸல்} அவர்களின் பின் நின்று ஜும்ஆ தொழுகையை முடித்து விட்டுச் செல்வோம்” என்று மதீனாவிலேயே இருந்து விட்டார்கள்.

ஜும்ஆ தொழுகைக்கான பாங்கு சொல்லப்படவே, நபி {ஸல்} அவர்கள் தம்மைப் பார்த்து விடாதவாறு ஒரு ஓரமான இடத்தில் அமர்ந்து கொண்டார்கள்.தொழுகை முடிந்து வெளியே செல்லும்போது, அல்லாஹ்வின் தூதர் {ஸல்} அவர்கள் அப்துல்லாஹ் இப்னு ரவாஹா (ரலி) அவர்களைப் பார்த்து விட்டார்கள்.

அல்லாஹ்வின் தூதர் {ஸல்} அவர்கள் அப்துல்லாஹ் இப்னு ரவாஹா(ரலி) அவர்களை அழைத்து யுத்தத்திற்கான படைப்பிரிவை அனுப்பி வைத்தேனே! ஏன் நீங்களும் அவர்களுடன் செல்லாமல் இருந்து விட்டீர்? உம்மை செல்ல விடாமல் செய்த காரியம் எது?” என்று வினவினார்கள்.

அப்போது, அப்துல்லாஹ் இப்னு ரவாஹா (ரலி) அவர்கள் “அல்லாஹ்வின் தூதரே! இறுதியாக உங்களுக்குப் பின்னால் நின்று ஜும்ஆ தொழுகையை தொழுதிடும் ஆவல் தான் என்னைத் தாமதப்படுத்தி விட்டது. இதோ அல்லாஹ்வின் தூதரே! யுத்த களத்தை நோக்கித் தான் புறப்பட்டுக் கொண்டிருக்கின்றேன். விரைவாகச் சென்று வழியில் படைப்பிரிவில் சேர்ந்து கொள்வேன்” என்று பதில் கூறினார்கள்.அதற்கு, அல்லாஹ்வின் தூதர் {ஸல்} அவர்கள் “அப்துல்லாஹ்வே! பூமி முழுவதையும் நீர் செலவழித்தாலும் கூட,  முன்னால் சென்று விட்ட படைப்பிரிவினர் அடைந்த நன்மைகளை உம்மால் அடைந்து கொள்ள முடியாதே!” என்று நபி {ஸல்} அவர்கள் கூறினார்கள்.(அஹ்மது,பைஹகி)

ஒரு சிறு தாமதம் பல நன்மைகளை இழப்பதற்கு காரணமாகிவிட்டது.

முடிவுரை

قال النبي صلى الله عليه وسلم : «بادِرُوا بالأعمالِ فِتنًا كقِطَع الليلِ المُظلِم، يُصبِحُ الرجُلُ مُؤمنًا ويُمسِي كافِرًا، ويُمسِي مُؤمنًا ويُصبِحُ كافِرًا، يَبِيعُ أحدُهم دينَه بعَرَضٍ مِن الدنيا» (أخرجه مسلم).

நபி(ஸல்)அவர்கள் சொன்னார்கள்:அமல்களை துரிதமாக செய்துக்கொள்ளுங்கள். இருள் சூழ்ந்த இரவு அடுத்தடுத்து வருவதை போல குழப்பங்கள் வரும்

காலையில் முஃமீனாக உள்ளவன் மாலையில் காஃபிராகிவிடுவான் மாலையில் முஃமீனாக உள்ளவன் காலையில் காஃபிராகி விடுவான் அவர்களில் ஒருவன் தனது தீனை உலகிற்கு பகரமாக விற்றுவிடுவான்(நூல்:முஸ்லிம்)

இந்த ஹதீஸில் வரும் الفتن குழப்பங்கள் என்பது "எவை நன்மை செய்வதை விட்டும் தடுக்குமோ ","எவை பாவங்கள் செய்யத்தூண்டுமோ அவையனைத்தும்"என்று ஹதிஸ் வல்லுநர்கள் விளக்கம்தருகிறார்கள்.

எனவே நன்மைகளின் பக்கம் விரைவோம்.அல்லாஹ்வின் அருளைப் பெறுவோம்‌.இன்ஷாஅல்லாஹ்.......

வெளியீடு: செங்கற்பட்டு & காஞ்சிபுரம் மாவட்ட ஜமாஅத்துல் உலமா சபை.