Wednesday, 24 November 2021

ஜும்ஆ பயான் 26/11/2021

தலைப்பு:

தற்கால பிரச்சனைகளும்,இஸ்லாமிய சட்டங்களும்.

----------------------------

நவம்பர் - 26 தேசிய சட்ட தினம்

(National Law Day)

----------------------------

பாபர் மஸ்ஜிதின் விஷயத்தில் வரலாற்று பிழை செய்த அலகாபாத் நீதிமன்றம், மீண்டும் 24/11/2021 அன்று குழந்தையின் வாயில் ஆண் உறுப்பை வைத்து புணர்வது கடுமையான குற்றமல்ல என்ற ஒர் அருவருக்கத்தக்க  தீர்ப்பை வழங்கியுள்ளது.

----------------------------

وَمَا كَانَ لِمُؤْمِنٍ وَّلَا مُؤْمِنَةٍ اِذَا قَضَى اللّٰهُ وَرَسُوْلُهٗۤ اَمْرًا اَنْ يَّكُوْنَ لَهُمُ الْخِيَرَةُ مِنْ اَمْرِهِمْ  وَمَنْ يَّعْصِ اللّٰهَ وَرَسُوْلَهٗ فَقَدْ ضَلَّ ضَلٰلًا مُّبِيْنًا‏                                                          (அல்குர்ஆன் 33-36)

1949-ஆம் ஆண்டு நவம்பர் 26-ஆம் தேதி அரசியல் நிர்ணய சபையால் நமது அரசியல் அமைப்பு ஏற்றுக்கொள்ளப்பட்டு 1950-ஆம் ஆண்டு ஜனவரி 26-ஆம் தேதி அரசியல் அமைப்பு சட்டம் நடைமுறைக்குக் கொண்டுவரப்பட்டது. அதனால்தான் ஒவ்வொரு ஆண்டும் நவம்பர் 26-ஆம் தேதி தேசிய சட்ட தினம் கொண்டாடப்படுகிறது. சுதந்திர இந்தியாவின் அரசியலமைப்பு உலகிலேயே மிகப் பெரிய அரசியலமைப்பாகும். இதில் மொத்தம் 22 பிரிவுகள், 12 அட்டவணைகள், 94 திருத்தங்கள், 450 உட்பிரிவுகள் மற்றும் 1,17,369 சொற்கள் உள்ளன. இது ஆங்கிலப் பதிப்பை தவிர ஒரு அதிகாரப்பூர்வ இந்திமொழி பெயர்ப்பையும் கொண்டுள்ளது. அரசியல் அமைப்புச் சட்டத்தின் முக்கிய நோக்கமே சமூகம், பொருளாதாரம் மற்றும் அரசியல்ரீதியாக அனைவருக்கும் நீதி கிடைக்க வேண்டும். அனைத்து மக்களுக்கும் அடிப்படை உரிமைகள் கிடைக்க வேண்டும், சுதந்திரமாக இருக்க வேண்டும். அத்தகைய சுதந்திரம் அடுத்தவரின் சுதந்திரத்தையும், உரிமையையும் பாதிக்கக்கூடியதாக இருக்கக்கூடாது.

ஆனால் இன்று பெயருக்குத்தான் சுதந்திர நாடே தவிர எல்லா சட்டங்களும் கானல் நீரகிவிட்டது.

குற்றம் செய்தவனெல்லாம் வெளியே சுற்றிக்கொண்டும் பாதிக்கப்பட்டவர்கள் அநீதி இழைக்கப்பட்டவர்கள் எல்லாம் சிறையில் இருக்கிறார்கள்.

ஆரம்பகாலங்களில்‌ ஐரோப்பியர்களை ஆண்ட மன்னர்களிடம்‌ இறைத்தன்மையை வழங்கியே மக்கள்‌ வாழ்ந்தனர்‌, மன்னனுக்கே முழுமையான அதிகாரம்‌ வழங்கப்பட்டது, அவன்‌ எதை சட்டமாகப்‌ பிறப்பித்தானோ அது சட்டமாக ஏற்றுக்‌ கொள்ளப்பட்டது. மக்கள்‌ எந்த அதிகாரமும்‌ அற்ற நடைபிணங்களாக இருந்தனர்‌. இதன்‌ மூலம்‌ மக்கள்‌ பல அவஸ்தைக்குள்ளானார்கள்‌, கலகங்கள்‌ தோன்றின, கலவரங்கள்‌ வெடித்தன, அந்த சர்வதிகார மன்னர்களை அகற்றிட மக்கள்‌ ஆர்ப்பாட்டங்கள்‌ செய்தார்கள்‌ இதனால்‌ பல கோட்பாடுகள்‌ தோற்றம்‌ பெற்றன, அவற்றில்‌: “தலைமை அதிகாரம்‌ மக்களுக்குரியது. மக்கள்தாம்‌ அதிகாரங்களின்‌ மூலாதாரமாகும்‌' அதாவது சட்டங்களை மக்களே இயற்றுவர்‌ என்ற கோட்பாடு மிக முக்கியமானதாகக்‌ கொள்ளப்பட்டது. பிறகு தான் தெரிந்தது மனிதனால் உருவாக்கப்பட்ட எந்த சட்டமும் எல்லா காலத்திற்கும் பொருந்துவதில்லை என்று.

53 முறை சிறை சென்றவர் மீண்டும் கைது!

15 முறை சைக்கிள் திருடியவன் மீண்டும் கைது!

என்றெல்லாம் அன்றாடம் செய்தித் தாள்களில் செய்திகள் வருகின்றன.

ஒரு நாட்டின் சமூகஅமைப்பும்,நிர்வாக கட்டமைப்பும் சீர்குழையமல் சீராக இயங்க சட்டமும்,நீதித்துறையும் அவசியமாகும்.

ஆனால் கேள்வி, நாட்டின் சட்டமும்,நீதித்துறையும், தனிமனித பாதுகாப்பையும்,சமூக அமைதியையும்,தன்னை ஆளும் அரசின் மீது நம்பிக்கையையும் ஊட்டியிருக்கின்றனவா?

நாட்டில் நாளுக்கு நாள் பெருகிவரும் கொலை,கொள்ளை,கற்பழிப்பு, பாலியல்  வல்லூறு, சொத்துக்களை சூறை யாடுவது போன்ற குற்றச்செயல்கள்,

சட்டம்,நீதித்துறைகளின் மீது அச்சமின்மையையும்,நம்பிக்கையின்மையும் காட்டுக்கின்றன.                        

ஏப்ரல் 1, 2014 நிலவரப்படி நாட்டில் உச்ச நீதிமன்றத்தில் அனுமதி கோரி 34,144 வழக்குகள், விசாரணையிலுள்ள வழக்குகள் 30,186 இணைந்து 64,330 வழக்குகள் உள்ளன. தமிழகத்தில் அனைத்து நீதிமன்றங்களில் சேர்த்து 16.5 லட்சம் வழக்குகளும், சென்னை உயர்நீதிமன்றத்தில் மட்டும் 3.65 லட்சம் வழக்குகளும், மதுரை கிளையில் 1.09 லட்சம் வழக்குகளும், இந்தியா முழுவதும் 3 கோடிக்கு மேலவழக்குகளும் நிலுவையில் உள்ளன. இவைகளை நடத்தி முடிக்க 100 ஆண்டுகள் போதாது என நிபுணர்கள் கூறுகின்றனர்.

நீதிமன்றங்கள், குறைவான நாட்களே வேலை செய்வது பற்றி, முன்னாள் உச்ச நீதிமன்ற நீதிபதி வி.ஆர்.கிருஷ்ணய்யர் கூறுகையில், ''நாடுமுன்னேற வேண்டும். அதற்காக கடினமாக உழைக்க வேண்டும், உற்பத்தியை பெருக்க வேண்டும் என எல்லோரும் நினைக்கும் போது, நீதிமன்றங்களும் ஏன் அதே போல் நினைத்து செயல் படக்கூடாது,'' என கேள்வி எழுப்பினார்.

ஆண்டில் 365 நாட்களில் 210 நாட்கள் மட்டுமே வழக்குகள் நடக்கின்றன. வாய்தா, நீதிமன்ற புறக்கணிப்பு போன்ற காரணங்களால் நீதி பரிபாலன நாட்கள் குறைந்து விடுகின்றன.

காசோலை வழக்கு மூன்று ஆண்டுகள், அடிதடி வழக்குகள் ஏழு ஆண்டுகள், விபத்து ஊர்தி வழக்குகள் 10 ஆண்டுகள், விவாகரத்து வழக்குகள் 15 ஆண்டுகள், பாகப்பிரிவினை வழக்குகள் 22 ஆண்டுகள் என வழக்குகள் தாமதமாகி கட்டுகள் நிறம் மாறுவதைப் பார்த்துப் பார்த்து வழக்கு நடத்துபவர்களின் மனமும் மாறிவிடுகிறது. பழமை வாய்ந்த சட்டங்களை முற்றிலும் ஒழித்து நவீன காலத்திற்கு ஏற்ப வரையறைகளுடன் கூடிய, தொழில் நுட்பம் சார்ந்த எளிய, விரைவான நீதியே மக்கள் கேட்கின்றனர்.(நன்றி:தினமலர் நாளிதழ்)

தாமதிக்கப்படும் நீதி,மறுக்கப்படும் நீதி என்று கூறப்பட்டாலும் விசாரணை என்றப் பெயரில் வழக்கு நீட்டிக்கப்படுவது குற்றவாளி மீண்டும் மீண்டும் குற்றம் செய்வதற்கும்,பாதிக்கப்பட்டவர் வழக்காட இயலாத கையறுநிலையால் சமரசம் செய்துக்கொள்வதற்கும் வழிவகுக்கிறது. 

வலியோர்க்குத் தான் நீதி; எளியோர்க்கு அல்ல என்ற நிலை எப்போது தான் மாறுமோ. வானம் வீழினும் நீதி வாழ வேண்டுமே என்கிற மனக்குமுறல்களை கேட்கமுடிகிறது.

சில்லரைகளில் திருடுபவன் அடித்து நொறுக்கப்படுகிறான்.பெரும் குற்றம் புரிபவன் V.I.P சிறையில் சொகுசாக மரியாதையோடு நடத்தப்படுகிறான்.

சிறைச்சாலையிலிருந்து வெளிவரும் குற்றவாளி திருந்திவரவேண்டும் ஆனால்  வெளிவருபன் இன்னும் அதிக குற்றச் செயல்களில் ஈடுபடுகிறான்.

சிறுவர் சீர்திருத்த பள்ளிகள்,சிறார்களை நன்நெறிப்படுத்தாமல் பெரும் குற்றச்செயல்களை புரிபவர்களாக மாற்றி அனுப்புகின்றன.

கடந்த வார செய்தி:

திருச்சி அருகில் ஆட்டை திருடிய 8பேர் கொண்ட கும்பலை துரத்திப்பிடித்த காவலர் பூமிநாதன் என்பரை அந்த கும்பலில் 18 வயது மதிக்க தக்க ஒருவன் பின்னாலிருந்து வெட்டிக்கொள்கிறான்.அதில் இரண்டு சிறுவர்கள், ஒருவனுக்கு வயது 10,இன்னொருவனுக்கு வயது 14,கூடுதல் தகவல் இவர்கள் போதைக்கு அடிமையனவர்கள்.போதைப் பொருள்,மது வாங்குவதற்காக திருடியதாக அவர்களே வாக்குமூலம் கொடுத்திருக்கிறார்கள்.

எனவே சட்ட அமைப்புக்களை சரியாக்காத வரை குற்றங்களை கட்டுக்குள் கொண்டுவரமுடியாது.                 

இன்றும் பத்திரிக்கைகளில்....

ஒரு நாள் கூட பாலியல் அத்துமீறல் குற்றங்கள் இல்லாத நாளில்லை என்று சொல்லும் அளவு நிலைமை மிக மோசமாகி இருக்கிறது, இன்னமும் பெண்களுக்கு போதிய பாதுகாப்பு கிடைக்கவில்லை என்று தான் கூற வேண்டும். உலகிலேயே மிகவும் மோசமான ஒரு குற்றம் என்றால் அது பாலியல் வன்புணர்வு என்னும் கற்பழிப்பு குற்றமாகத் தான் இருக்க முடியும். இந்தியாவில் பெண்களின் மீதான பாலியல் வன்கொடுமை நாளுக்கு நாள் அதிகரித்துக் கொண்டு தான் இருக்கின்றன. இன்றைய சமூகத்தில் பெண்களால் சுதந்திரமாக நடமாட முடியவில்லை.

பெண்களில் கிழவிகளையும்,ஏன் சிறிய குழந்தைகளையும் விட்டு வைக்காமல் சில காம கொடூரர்கள் மோசமாக நடந்து கொள்வதோடு, சமூகத்தில் எவ்வித அச்சமும் இல்லாமல் சுதந்திரமாக சுற்றிக் கொண்டு இருக்கின்றனர். இம்மாதிரியான குற்றவாளிகள் இந்தியாவில் மட்டுமே சுதந்திரமாக எந்தவொரு பயமும் இல்லாமல் சுற்றிக் கொண்டிருக்கின்றனர்.

நிர்பயா..

தலைநகர் புதுதில்லியில் நிர்பயா என்ற பெண்ணை கூட்டு பாலியல் பலாத்காரம் செய்து கொன்ற சம்பவம் நாடெங்கிலும் அதிர்வலைகளை ஏற்படுத்தின.சட்டம் கடுமையாக்கப்படும் என்றனர்.நடைமுறையில் இல்லை.கடுயான சட்டம் வந்தும் குற்றங்கள் குறைந்த பாடில்லை.

ஆசிபா...

காஷ்மீரில் 8 வயது சிறுமி ஆசிஃபா 8 பேர்  கொண்ட கும்பலால்  பாலியல் வன்கொடுமை செய்து கொலை செய்யப்பட்ட சம்பவம் .

பெண் குழந்தையை பெற்ற  பெற்றோர்களை மட்டும் இல்லை,  ஒட்டுமொத்த மக்களையும் கண்ணீர் சிந்த வைத்துள்ள காஷ்மீரில்  ஆசிஃபாவிற்கு நடந்த துயரம். குதிரை மேய்த்துக் கொண்டிருந்த சிறுமியை  கடத்தி  சென்று,  கோயில் கருவறையில் மூன்று நாட்கள் கட்டி வைத்துள்ளன. அதன் பின்பு ஆசிஃபாவின் வாயில் தொடர்ந்து தூக்க மாத்திரைகளை  திணித்து  3 நாட்கள்  கூட்டு பாலியல் வன்கொடுமை செய்துள்ளனர்.

வலி தாங்காமல் கத்திய சிறுமியின் வாயை துணியால் அடைத்து  மரண வேதனையை அளித்துள்ளனர். கடைசியில் சிறுமி இறந்த பின்பு அவளை தூக்கி வந்து காட்டு பகுதியில் போட்டு விட்டு சென்றுள்ளனர்.  இதை படிப்பவர்கள் மனதில் எழும் ஒரே கேள்வி என்ன நடக்கிறது இந்த நாட்டில்???  என்பது தான்.

ஜனவரி 10 ஆம் தேதி காணமால் போன ஆசிஃபா,  5 நாட்கள் கழித்து பிணமாக கிடைத்துள்ளார். முதலில் இந்த வழக்கை விசாரிக்க நியமிக்கப்பட்ட  காவல் அதிகாரி, தீபக் கஜூரியா பின்பு  இதே வழக்கில் கைது செய்யப்பட்டுள்ளது மீண்டும் ஒரு அதிர்ச்சி.

பின்பு, கைதான அதிகாரியை விடுவிக்கக்கோரி இந்து ஏக்தா மஞ்ச் அமைப்பினர் பிப்ரவரி 16ஆம் தேதி ஜம்மு நகரில் தேசியக்கொடியுடன் ஊர்வலம் நடத்தினர்.  அதில் சில பாஜக அமைச்சர்களும் கலந்து கொண்டனர்.கைதான குற்றவாளிக்காக தேசியக் கொடியுடன் ஊர்வலம் சென்றது  அரசியல் தலைவர்களை அதிர்ச்சி அடைய வைத்தது.

இந்த சம்பவம் தொடர்பாக சஞ்சி ராம்,சஞ்சி ராம் மகன் விஷால் ஜங்கோதரா, சஞ்சி ராமின் 17 வயது உறவினர், போலீஸ் அதிகாரி தீபக் காஜுரியா சுரேந்தர் வர்மா, பர்வத குமார் ஆகிய 6 பேரும், அவர்கள் செய்த கொலையை மறைத்த 2 காவலர்களும் கைது செய்யப்பட்டுள்ளனர்.

இவர்களிடம் நடத்தப்பட்ட விசாரணையில் அவர்கள் அளித்துள்ள பதில்கள்,  காஷ்மீரில் வாழும்  நாடோடி சமூகத்தினரின்  பரிதாப நிலையை நம் கண்முன் நிறுத்துகிறது. ஆசிஃபாவை கற்பழித்ததற்கான நோக்கம்  நாடோடி சமூகத்தின் மீது அவர்களுக்கு  இருந்த வெறுப்புணர்வே ஆகும். குஜ்ஜர் சமூகத்தை அச்சுறுத்தி ஜம்முவை விட்டு அவர்களை  வெளியேற வைக்கவேண்டும் என்றே இப்படி செய்துள்ளனர். இந்த கொலையை மறைக்க போலீஸாருக்கு ரூ1.50 லட்சம் லஞ்சமாக வழங்கப்பட்டுள்ளது.

பல போராட்டங்களை கடந்து தற்போது இந்த விவகாரம் வெளியே தெரிந்தது,குற்றவாளிகள் இன்று வரை தண்டிக்கப்படவில்லை.          (நன்றி:onetamil news)         

பள்ளிக்கூடங்களில் தொடரும் பாலியல் அத்துமீறல்கள்.

1) கோவை உக்கடம் பகுதியிலுள்ள சின்மயா வித்யாலயா பள்ளியில் படித்த 17 வயது மாணவி ஒருவர், கடந்த நவம்பர் 2021. 11-ம் தேதி தூக்கிட்டுத் தற்கொலை செய்துகொண்டார். மாணவி இறப்பதற்கு முன்பு `யாரையும் சும்மா விடக் கூடாது' என்று ஒருசில பெயர்களைக் கடிதத்தில் குறிப்பிட்டிருந்தார். அந்தப் பள்ளியின் இயற்பியல் ஆசிரியரான மிதுன் சக்கரவர்த்தியின் பாலியல் துன்புறுத்தல் காரணமாகவே மாணவி தற்கொலை செய்துகொண்டதாக அந்த மாணவியின் பெற்றோர்கள் காவல் நிலையத்தில் புகார் தெரிவித்திருந்தனர்.  இந்தப் புகாரை அடுத்து, ஆசிரியர் மிதுன் சக்கரவர்த்திமீது போக்சோ உள்ளிட்ட மூன்று பிரிவுகளில் வழக்கு பதிவு செய்து காவல்துறையினர் கைதுசெய்தனர். பாதிக்கப்பட்ட மாணவி, தனக்கு ஏற்பட்ட பாலியல் துன்புறுத்தல் தொடர்பாகப் பள்ளி நிர்வாகத்திடம் புகார் வழங்கியும், அந்தப் பள்ளி நிர்வாகம் எந்த நடவடிக்கையும் எடுக்கவில்லை என்று கூறப்படுகிறது. இந்தச் சம்பவம் தமிழகம் முழுவதும் பேரதிர்வை ஏற்படுத்தியது. பல்வேறு இடங்களில் போராட்டங்கள் நடத்தப்பட்டன. இந்த நிலையில், சம்பந்தப்பட்ட பள்ளியின் முதல்வரையும் காவல்துறையினர் கைதுசெய்தனர்.

2)சிவசங்கர் பாபா, சென்னை அருகிலுள்ள கேளம்பாக்கத்தில் ஸ்ரீ சுஷில் ஹரி இன்டர்நேஷனல் என்ற பள்ளியை நடத்திவருகிறார். இந்தப் பள்ளியில் படித்த முன்னாள் மாணவிகள் சிலர் சிவசங்கர் பாபாமீது பாலியல் குற்றச்சாட்டை முன்வைத்தனர். இந்தப் புகாரின் அடிப்படையில் சிவசங்கர் பாபா கைதுசெய்யப்பட்டார். மேலும், இவருக்கு உதவியதாக அந்தப் பள்ளியின் நடன ஆசிரியர் உட்பட ஐந்து ஆசிரியர்களின் மீது வழக்கு பதிவு செய்யப்பட்டது. இந்தக் குற்றம் தொடர்பாக காவல்துறையினர் விசாரணை நடத்தி, சிவசங்கர் பாபாமீது குற்றப்பத்திரிகை தாக்கல் செய்தனர்.

3)சென்னை கே.கே.நகரிலுள்ள பத்மா சோஷத்ரி பால பவன் (பி.எஸ்.பி.பி) பள்ளியில் கடந்த 20 ஆண்டுகளாக ஆசிரியராகப் பணியாற்றுபவர் ராஜகோபாலன். இவர் அந்தப் பள்ளியில் பயிலும் மாணவிகளிடம் அநாகரிகமாகவும், இரட்டை அர்த்தத்திலும், பாலியல் துன்புறுத்தலில் ஈடுபடுவதாகக் குற்றச்சாட்டு எழுந்தது. மாணவிகள் பள்ளி நிர்வாகத்திடம் புகார் வழங்கியும் எந்த நடவடிக்கையும் எடுக்கவில்லை. பாலியல் குற்றச்சாட்டை அடுத்து, ராஜகோபாலன்மீது போக்சோ உள்ளிட்ட ஆறு பிரிவுகளில் வழக்கு பதிவுசெய்யப்பட்டு, அவர் கைதுசெய்யப்பட்டார். மேலும், அவர்மீது குண்டர் சட்டமும் பாய்ந்தது. இந்தப் புகார் தொடர்பாக விசாரணை நடத்து்ம் காவல்துறையினர் குற்றப்பத்திரிகையைத் தாக்கல் செய்துள்ளனர்.

சமீபகாலங்களாக, சில பள்ளி ஆசிரியர்களால் மாணவிகளுக்குப் பாலியல் துன்புறுத்தல் ஏற்படுவது அதிகரித்துள்ளது. இப்படி மாணவிகளுக்கு ஏற்படும் பாலியல் அத்துமீறல்களுக்கு ஒட்டுமொத்த ஆசிரியர்களும் காரணம் என்ற விமர்சனம் சமூக வலைதளங்களில் எழுந்திருக்கிறது.

நம் நாட்டில் கற்பழிப்பு குற்றத்திற்கு தண்டனை என்ன?

இந்திய அரசியல் அமைப்பில் கற்பழிப்புக்கு தண்டனை எல்லாம் கிடையாது..அது நம் நாட்டின் முதன்மை சட்டம். மக்கள் மட்டும் அரசு ஆகியவை எவ்வாறு இருக்க வேண்டும் அவர்களின் உரிமை என்ன கடமை என்ன எவ்வாறு தேர்வு செய்வது என்பதுதான் அரசியல் அமைப்பு.

இந்திய தண்டனை சட்டம் பிரிவு 375 தான் கற்பழிப்பு என்பதை குற்றம் என்று கூறி அதற்கு தண்டனையும் அளிக்கிறது.இதன் அடிப்படையில் குற்றவாளிக்கு 10 ஆண்டுகள் வரை கொடிய காவல் தண்டனையை கொடுக்கலாம்.. ஆனால் சில முக்கிய அல்லது மிக கொடுமையான சம்பவத்துக்கு மரண தண்டனை' கிடைக்கும்.

சிறு குழந்தைகளை கற்பழிப்பு செய்த குற்றவாளிக்கு POCSO Act படி மரண தண்டனை கொடுக்க வாய்ப்பு உள்ளது.

போக்சோ, பாலியல் புகார்கள் மீது இதுவரை எடுக்கப்பட்ட நடவடிக்கைகள் என்ன?

பள்ளிகளில் பாலியல் வன்கொடுமைகள் நடக்காமல் இருக்க என்ன செய்ய வேண்டும், நடந்த பிறகு எந்த மாதிரியான நடவடிக்கைகள் எடுக்க வேண்டும் என இரண்டு வகையில் இதை அணுக வேண்டிய கட்டாயத்தில் இருக்கிறோம். 2019 – 20 வரை பள்ளிகளில் நடந்த பாலியல் வன்கொடுமைகள் குறித்து 36 வழக்குகள் பதிவாகியிருப்பதாகக் கூறப்படுகிறது. அவற்றின் மீது எந்த நடவடிக்கையும் இதுவரை எடுக்கவில்லை. தமிழ்நாட்டைப் பொறுத்தவரையில் போக்சோ சட்டத்தின் கீழ் எத்தனை வழக்குகள் பதிவு செய்யப்படுகின்றன, எத்தனை வழக்குகளில் தீர்ப்புகள் வழங்கப்படுகின்றன என்று பார்த்தால் 14 சதவிகிதம் கூட இல்லை எனத் தகவல்கள் தெரிவிக்கின்றன. போக்சோ சட்டத்தின்படி வழக்கு பதிவு செய்து ஆறு மாதத்திற்குள் தீர்ப்பு வழங்கப்பட வேண்டும். ஆனால், தமிழகத்தில் நான்கு முதல் ஐந்து ஆண்டுகள் வரை போக்சோ வழக்குகள் விசாரணையில் இருக்கின்றன. இதன் மூலம் போக்சோ சட்டம் பாய்ந்தது என்று சொல்வது எல்லாம் பொய். அது பாயவும் இல்லை பதுங்கவும் இல்லை. பொம்மை போல ஒரே இடத்தில்தான் கிடக்கிறது.(நன்றி:விகடன்)

நம் நாட்டின் அவல நிலை:

இந்தியாவில் விபச்சாரம் சட்டப்படி குற்றமான செயலாக கருதப்படாது.அரசுஅனுமதியோடு விபச்சாரம் புரியலாம்.

இந்தியாவில் 28இலட்சம் தொழில் முறை விபச்சாரிகள் என்றும்,52 சதவிகிதம் சிறார்கள் பாலியல் ரீதியில் தாக்குதலுக்குள்ளாக்கப்படுகிறார்கள் என்றும் பாரளுமன்றத்தில் அறிக்கை தாக்கல் செய்யும் அளவுக்கு நிலைமை மேசமாகியிருக்கிறது.

தனிமனித ஒழுக்கம்,பண்பாடு ரீதியில் சமூகம் முன்னேற வேண்டும்.குடும்ப சூழல் மற்றும் ஆரம்ப பாடசாலைகளிலிருந்து ஒழுக்கமும்,நன்நெறியும் போதிக்கப்படவேண்டும். ஆனால் ஒழுக்க வாழ்வின் ஆரம்ப பாட சாலைகளில் இருந்தே வீழ்ச்சிகள் துவங்குகின்றன. பெற்றோரும், குடும்பமும், கல்வி கலாச்சாலைளும் ஒழுக்க வீழ்ச்சியின் துவக்க மையமாக விளங்கும் சமூக சூழலில் இத்தகைய பாலியல் அக்கிரமங்கள் தீவிரமடைவதில் ஆச்சரியப்பட ஒன்றுமில்லை.

அரசியல், மத, சமூக மையங்கள் ஒழுக்க வாழ்விற்கு முன்மாதிரியாக திகழ வேண்டும். ஆனால், அங்கெல்லாம் வெட்கித் தலைகுனியவைக்கும் சம்பவங்கள் தாம் நடக்கின்றன.

கலை, இலக்கிய, விளையாட்டு, கலாச்சார துறைகளில் எல்லாம் பெண்களின் உடல் அமைப்பு துஷ்பிரயோகம் செய்யப்படுகிறது.

விளம்பரங்ளில் பெண்களை காட்சிப்பொருளாகவும் போகப்பொருளாகவும் சித்தரித்துக்காட்டபடுகிறது.

வளர்ந்துவிட்ட கண்டுப்பிடிப்புகளும்,தகவல் தொழில் நுட்பங்களும் ஆபாசம் நிறைந்ததாகவும்,இளைய சமூகத்தை வக்கிரபுத்தியுள்ளவர்களாக மாற்றியிக்கின்றன.

இவ்வாறு சமூக சூழல் பாலியல் வக்கிரமங்களால் மலிந்து காணப்படும்பொழுது பெண்களைக் குறித்த மனோபாவம் ஆண்களிடம் மாறுபடுகிறது. பெண்கள் எப்பொழுதுமே ஒரு அனுபவிக்க கூடிய போகப்பொருளே என்ற சிந்தனையே ஆண்களிடம் மேலிடுகிறது. விளைவு பாலியல் வன்கொடுமைகள், பலாத்காரங்கள்.

ஆபாசங்கள் மலிந்துப் போன சமூகத்தில் பள்ளிக்கூடத்தில் 4வயது குழந்தைக்கு "Good touch"எது "bad touch"எது என்று சொல்லிக்கொடுக்கப்பட வேண்டுமென்றால் மனித குலம் எவ்வளவு கேவலமான நிலைக்கு சென்றுக்கொண்டிருக்கிறது.

ஒழுக்கம்,பண்பாடு ரீதியில் மேம்படாத சமூகம் நவீன வளர்ச்சியில் எவ்வளவு முன்னேறினாலும் உருப்படாது.

இஸ்லாம்,மதுவை குற்றங்களின் தலைவாசல் என்கிறது.ஒருவன் குடித்தால் எதையும் செய்வான்.குடிகாரர்கள் நிறம்புயுள்ள தேசத்தில் விபச்சாரம் நடக்காமல் வேறென்ன நடக்கும்.இந்த நாட்டில் குடிகாரர்களின் சராசரி வயது 13,புத்தகம் இருக்க வேண்டிய கையில்  மது பாட்டில்கள்...

எல்லா ஆபாச படங்களும் 8ஆம் வகுப்பு படிக்கும் மாணவனின் மொபைலில் உள்ளது.

இந்தியாவில் ஒரு வினாடிக்கு 28,250பேர் ஆபாச படங்களை பார்கிறார்கள்.

இறை சட்டமே நிறை சட்டம்.

உலகளவில் பின்பற்றபடும் சட்டங்கள் பெரும்பாலும் மனிதனால் இயற்றப்பட்டவைகளே.அவற்றால் பிரச்சனைகளுக்கான முழுமையான தீர்வை காணமுடிவதில்லை.
ஆனால் இஸ்லாம் முழுமைப் பெற்ற சட்டத்திட்டங்களுடைய சன்மார்க்கமாகும்.
இஸ்லாத்தில் கொள்கை,கோட்ப்பாடு,சட்ட திட்டங்கள்,வாழ்வியல் வழிமுறை எல்லம் நேர்த்தியானவையும்.சட்டமாற்றம்,மறுபரிசீலணைக்கும் அப்பாற்பட்டதும் ஆகும்.

அதனால் தான் அல்லாஹுவும்,அவன் தூதரும் ஒன்றை சட்டமாக்கிவிட்டால் அதனை மறுக்கும் உரிமை எவருக்கும் இல்லை என்கிறது திருக்குர்ஆன்...
وَمَا كَانَ لِمُؤْمِنٍ وَّلَا مُؤْمِنَةٍ اِذَا قَضَى اللّٰهُ وَرَسُوْلُهٗۤ اَمْرًا اَنْ يَّكُوْنَ لَهُمُ الْخِيَرَةُ مِنْ اَمْرِهِمْ  وَمَنْ يَّعْصِ اللّٰهَ وَرَسُوْلَهٗ فَقَدْ ضَلَّ ضَلٰلًا مُّبِيْنًا‏
மேலும், அல்லாஹ்வும் அவனுடைய தூதரும் ஒரு காரியத்தைப்பற்றிக் கட்டளையிட்டு விட்டால், அவர்களுடைய அக்காரியத்தில் வேறு அபிப்பிராயம் கொள்வதற்கு ஈமான் கொண்டுள்ள எந்த ஆணுக்கோ பெண்ணுக்கோ உரிமையில்லை; ஆகவே, அல்லாஹ்வுக்கும் அவனுடைய ரஸூலுக்கும் எவரேனும் மாறு செய்தால் நிச்சயமாக அவர்கள் பகிரங்கமான வழிகேட்டிலேயே இருக்கிறார்கள்.

(அல்குர்ஆன் : 33:36)   

وَّلَا يُشْرِكُ فِىْ حُكْمِهٖۤ اَحَدًا‏ 

அவன் தன்னுடைய தீர்ப்பில் வேறு எவரையும் கூட்டாக்கிக் கொள்ள மாட்டான்.( 18:26)

اِنِ الْحُكْمُ اِلَّا لِلّٰهِ‌ 

சட்டம் இயற்றும் அதிகாரம் அவனுக்கே உண்டு.

(அல்குர்ஆன் : 6:57. )

பாதிக்கப்பட்டவர்களின் குரலாக குர்ஆன் பேசும்.

وَكَتَبْنَا عَلَيْهِمْ فِيْهَاۤ اَنَّ النَّفْسَ بِالنَّفْسِۙ وَالْعَيْنَ بِالْعَيْنِ وَالْاَنْفَ بِالْاَنْفِ وَالْاُذُنَ بِالْاُذُنِ وَالسِّنَّ بِالسِّنِّۙ وَالْجُرُوْحَ قِصَاصٌ‌ فَمَنْ تَصَدَّقَ بِهٖ فَهُوَ كَفَّارَةٌ لَّهٗ ‌ وَمَنْ لَّمْ يَحْكُمْ بِمَاۤ اَنْزَلَ اللّٰهُ فَاُولٰٓٮِٕكَ هُمُ الظّٰلِمُوْنَ‏ 
அவர்களுக்கு நாம் அதில், “உயிருக்கு உயிர், கண்ணுக்கு கண், மூக்குக்கு மூக்கு, காதுக்கு காது, பல்லுக்குப் பல் ஆகவும்; காயங்களுக்கு(ச் சமமான காயங்களாகவும்) நிச்சயமாக பழி வாங்கப்படும் என்று விதித்திருந்தோம்;” எனினும் ஒருவர் (பழி வாங்குவதை) தர்மமாக விட்டுவிட்டால், அது அவருடைய பாவங்களுக்குப் பரிகாரமாகும்; எவர்கள் அல்லாஹ் இறக்கி வைத்த (வேதக் கடடளைப்)படி தீர்ப்பு வழங்கவில்லையோ நிச்சயமாக அவர்கள் அநியாயக் காரர்களே!.
(அல்குர்ஆன் : 5:45)

அவதூறு கூறினால்...

وَالَّذِيْنَ يَرْمُوْنَ الْمُحْصَنٰتِ ثُمَّ لَمْ يَاْتُوْا بِاَرْبَعَةِ شُهَدَآءَ فَاجْلِدُوْهُمْ ثَمٰنِيْنَ جَلْدَةً وَّلَا تَقْبَلُوْا لَهُمْ شَهَادَةً اَبَدًا‌  وَاُولٰٓٮِٕكَ هُمُ الْفٰسِقُوْنَ ۙ‏ 

எவர்கள் கற்புள்ள பெண்கள் மீது அவதூறு கூறி (அதை நிரூபிக்க) நான்கு சாட்சிகளைக் கொண்டு வரவில்லையோ, அவர்களை நீங்கள் எண்பது கசையடி அடியுங்கள்; பின்னர் அவர்களது சாட்சியத்தை எக்காலத்திலும் ஏற்றுக் கொள்ளாதீர்கள் - நிச்சயமாக அவர்கள்தான் தீயவர்கள்.
(அல்குர்ஆன் : 24:4)

விபச்சாரம் செய்தால்....

اَلزَّانِيَةُ وَالزَّانِىْ فَاجْلِدُوْا كُلَّ وَاحِدٍ مِّنْهُمَا مِائَةَ جَلْدَةٍ‌وَّلَا تَاْخُذْكُمْ بِهِمَا رَاْفَةٌ فِىْ دِيْنِ اللّٰهِ اِنْ كُنْتُمْ تُؤْمِنُوْنَ بِاللّٰهِ وَالْيَوْمِ الْاٰخِرِ‌ وَلْيَشْهَدْ عَذَابَهُمَا طَآٮِٕفَةٌ مِّنَ الْمُؤْمِنِيْنَ‏ 

விபசாரியும், விபசாரனும் - இவ்விருவரில் ஒவ்வொருவரையும் நூறு கசையடி அடியுங்கள்; மெய்யாகவே, நீங்கள் அல்லாஹ்வின் மீதும், இறுதி நாள் மீதும் ஈமான் கொண்டவர்களாக இருந்தால். அல்லாஹ்வின் சடடத்(தை நிறைவேற்றுவ)தில், அவ்விருவர் மீதும் உங்களுக்கு இரக்கம் ஏற்பட வேண்டாம்; இன்னும் அவ்விருவரின் வேதனையையும் முஃமின்களில் ஒரு கூட்டத்தார் (நேரில்) பார்க்கட்டும்.
(அல்குர்ஆன் : 24:2)

ஜூஹைனா குலத்தை சார்ந்த ஒரு பெண்மணி 

 'அல்லாஹ்வின் தூதரே! அல்லாஹ்வின் மீதாணையாக நான் (தகாத உறவினால்) கர்ப்பமுற்றுள்ளேன்' என்று கூறினார்.

''இல்லை நீ சென்று குழந்தை பெற்றெடு' (பிறகு திரும்பி வா) என்று இறைத்தூதர் (ஸல்) அவர்கள் கூறினார்கள்.

குழந்தை பெற்றெடுத்த பின் அந்தப் பெண் ஒரு துணியில் குழந்தை எடுத்துக்கொண்டு இறைத்தூதர் (ஸல்) அவர்களிடம் வந்து, 'இது நான் பெற்றெடுத்த குழந்தை' என்று கூறினார்.

''நீ சென்று குழந்தைக்குப் பாலூட்டு! பால்குடி மறந்தபின் திரும்பி வா'' என்றார்கள்.
பால்குடி மறக்கடித்த பின் அப்பெண் அச்சிறுவனுடன் வந்தார். அவனது கையில் ரொட்டித் துண்டு ஒன்று இருந்தது. அப்பெண் 'அல்லாஹ்வின் தூதரே இவனுக்குப் பால்குடி மறக்கடித்து விட்டேன். இப்போது உணவு உட்கொள்கிறான்' என்று கூறினார்.

இறைத்தூதர் (ஸல்) அவர்கள் அச்சிறுவனை முஸ்லிம்களில் ஒருவரிடம் ஒப்படைத்தார்கள். பிறகு அந்தப் பெண்ணுக்குக் கல்லெறி தண்டனை நிறைவேற்றுமாறு உத்தரவிட்டார்கள். (நூல்:முஸ்லிம்)

அபூசயீத் அல்குத்ரீ (ரலி) அவர்கள் கூறியதாவது:

மாஇஸ் பின் மாலிக் எனப்படும் அஸ்லம் குலத்தைச் சேர்ந்த ஒரு மனிதர் அல்லாஹ்வின் தூதர் (ஸல்) அவர்களிடம் வந்து, "நான் மானக்கேடான ஒரு செயலைச் செய்துவிட்டேன். ஆகவே, எனக்குத் தண்டனையை நிலைநாட்டுங்கள்"என்று கூறினார். அவரை அல்லாஹ்வின் தூதர் (ஸல்) அவர்கள் பலமுறை திருப்பி அனுப்பினார்கள்.
பிறகு அவருடைய குலத்தாரிடம் விசாரித்தார்கள். அதற்கு அம்மக்கள், "அவரைப் பற்றித் தவறாக எதையும் நாங்கள் அறியவில்லை. ஆயினும், அவர் ஒரு செயலைச் செய்துவிட்டு, "தம்மீது தண்டனை நிறைவேற்றப்பட்டால் தவிர அக்குற்றத்திலிருந்து தம்மால் வெளியேற முடியாது" என்று கருதுகிறார்" என்று கூறினர்.
பிறகு மாஇஸ் (ரலி) அவர்கள் மீண்டும் அல்லாஹ்வின் தூதர் (ஸல்) அவர்களிடம் வந்தார். அப்போது அவருக்குக் கல்லெறி தண்டனையை நிறைவேற்றுமாறு அல்லாஹ்வின் தூதர் (ஸல்) அவர்கள் எங்களுக்கு உத்தரவிட்டார்கள். ஆகவே, நாங்கள் அவரை "பகீஉல் ஃகர்கத்" பொது மையவாடிக்கு அழைத்துச் சென்றோம். (கல்லெறியும்போது தப்பி ஓடாமலிருப்பதற்காக) அவரை நாங்கள் கட்டி வைக்கவுமில்லை. (அவரை நிறுத்துவதற்காக) நாங்கள் குழியும் தோண்டவில்லை.
அவரை எலும்பு, மண் கட்டி, சுட்ட செங்கல் ஆகியவற்றால் அடித்தோம். அடி தாங்க முடியாமல் அவர் ஓடினார். அவருக்குப் பின்னால் நாங்களும் ஓடினோம். இறுதியில் அவர் (பாறைகள் நிறைந்த) "அல்ஹர்ரா"ப் பகுதியின் முனைக்குச் சென்று எங்களுக்காக நிமிர்ந்து நின்றார். நாங்கள் அவர்மீது "ஹர்ரா"வின் பெருங்கற்களை எறிந்தோம். அவர் அமைதியாகிவிட்டார்.
பின்னர் அன்று மாலை அல்லாஹ்வின் தூதர் (ஸல்) அவர்கள் (எங்களிடையே) நின்று உரையாற்றினார்கள். அப்போது, "அல்லாஹ்வின் பாதையில் அறப்போருக்காக நாம் புறப்படும்போதெல்லாம் சிலர் (போருக்குச் செல்லாமல்) நம்முடைய குடும்பத்தாரிடையே தங்கிவிடுகின்றனர். அவர்கள் மலை ஆடு (புணரும்போது) சப்தமிடுவதைப் போன்று சப்தமிட்டுக்கொண்டு இருந்துவிடுகிறார்கள். இத்தகைய (இழி)செயலை செய்யும் மனிதர் எவரேனும் என்னிடம் கொண்டுவரப்பட்டால் அவருக்குத் தக்க தண்டனை வழங்குவது என்மீது கடமையாகும்" என்று கூறினார்கள்.
(அன்றைய நாளில்) அல்லாஹ்வின் தூதர் (ஸல்) அவர்கள் மாஇஸ் (ரலி) அவர்களுக்காகப் பாவமன்னிப்புக் கோரவுமில்லை; (தண்டனையை நிறைவேற்றிய பின் அவரை) இழித்துப் பேசவுமில்லை.


திருடினால்.......

وَالسَّارِقُ وَالسَّارِقَةُ فَاقْطَعُوا أَيْدِيَهُمَا جَزَاءً بِمَا كَسَبَا نَكَالًا مِنَ اللَّهِ ۗ وَاللَّهُ عَزِيزٌ حَكِيمٌ
திருடனோ திருடியோ அவர்கள் சம்பாதித்த பாவத்திற்கு, அல்லாஹ்விடமிருந்துள்ள தண்டணையாக அவர்களின் கரங்களைத் தரித்து விடுங்கள். அல்லாஹ் மிகைத்தவனும், ஞானம் மிக்கோனுமாக இருக்கின்றான்.

இந்த முஹம்மதின் மகள் பாத்திமா திருடினாலும்....

ஆயிஷா (ரலி) கூறுகிறார்கள்.  மக்ஸுமிய்யா குலத்தை (குரைஷி குலம்) சார்ந்த ஒர் பெண்மணி திருடிவிட்டார். இது குரைஷி குலத்தினருக்கு கலக்கத்தை ஏற்படுத்தியது. இது குறித்து நபிகள் நாயகத்திடம் அவர்களின் அன்புக்கு பாத்திரமான உஸாமாவால் மட்டுமே என்று பேசிக் கொண்டனர்.இது குறித்து உஸாமா நபிகள் நாயகம் (ஸல்) அவர்களிடம் பேசினார். அதற்கு நபிகள் நாயகம் (ஸல்) அவர்கள் அல்லாஹ்வுடைய குற்றவியல் சட்டங்களில் நீர் பரிந்து பேசுகிறீரா? எனக் கடிந்து விட்டு மக்களிடையே எழுந்து நின்று உரை நிகழ்த்தினார்கள். அவ்வுரையில் மனிதர்களே உங்களுக்கு முன் வாழ்ந்த சமுதாயத்தவர் உயர்ந்தவன் திருடினால் விட்டு விடுவார்கள். பலவீனமானவன் திருடினால் தண்டனையை நிறைவேற்றுவார்கள் இதன் காரணமாகவே அவர்கள் அழிந்து போயினர். அல்லாஹ்வின் மேல் ஆணையாக இந்த முஹம்மதின் மகள் பாத்திமா திருடினாலும் அவரது கையை நானே வெட்டுவேன் எனக் கூறினார்கள்.

நூல்: புஹாரி 6787

திருடனின்‌ கரம்‌ மணிக்கட்டுவரை துண்டிக்கப்படுவது, கொலைக்குப்‌ பதிலாக கொலையாளி கொலை செய்யப்பட வேண்டும்‌ என்ற சட்டங்கள்‌ இரக்கமற்ற, காட்டுமிராண்டித்தனமான சட்டம்‌ என விமர்சனம்‌ செய்யும்‌ பலர்‌ தமது வீடுகளின்‌ திருடிய திருடனை முர்க்கத்தனமாக தாக்கி சிலவேளை அவனைக்‌ கொலையும்‌ செய்தும்‌ விடுகின்றனர்‌. கொலை காரனை இவர்கள்‌ என்ன செய்யவார்கள்‌ என்று நினைத்துப்பார்க்க வேண்டும்‌.

குற்றவாளிகளுக்கு ஒத்தடம் கொடுக்கும் தண்டனைகளை மாற்றி அவர்களுக்கெதிராகச் சாட்டையை உயர்த்தி, கடும் தண்டனைகளை நடைமுறைப்படுத்தினால், உலகம் அமைதிப் பூங்காவாகத் திகழும்.

திருடனைப் பிடித்தவுடன் அவன் கையை வெட்டி விட்டால் பிறகு அவன் நிரபராதி என்பது தெரிய வந்தால் போன கை திரும்பி வந்து விடுமா? என்றெல்லாம் சிலர் கேட்கின்றனர்.

இரண்டு மூன்று ஆண்டுகள் சிறைத் தண்டனை பெற்ற பின் எத்தனையோ பேர் நிரபராதிகள் என நிரூபிக்கப்பட்டுள்ளனர். இவர்கள் இழந்த மூன்றாண்டுகளைத் திருப்பிக் கொடுக்க இயலுமா என்று கேட்டால் அதற்கு என்ன பதில்? என்பதைச் சிந்தித்தால் இப்படிக் கேட்க மாட்டார்கள்.

நபியின் சட்டத்தினால் மண்டியிட்ட மன்னர்.

சீசர் மன்னன்‌ அபூ சுப்பயான்‌ (ரழி) அவர்களுடன்‌ உரையாடிக்‌ கொண்டிருந்த போதுஅவர்‌ உங்களுக்கு எதைக்‌ கட்டளையிடுகின்றார்‌ எனக்கோட்டார்‌. அதற்கு அபூ சுஃப்யான்‌, தொழுகை, தர்மம்‌, போதும்‌ என்ற பண்பாடு, உறவுகளுடன்‌ சேர்ந்து வாழ்தல்‌, மூதாதையர்‌ சொல்வதைப்‌ புறக்கணித்தல்‌ ஆகிய பண்புகளைக்‌ கொண்டு கட்டளையிடுகின்றார்‌ எனப்பதில்‌ அளித்தார்‌. அதற்கு மன்னன்‌, நீ சொல்வது உண்மையானால்‌ அவர்‌ எனது இந்த சிம்மாசனத்தையும்‌ தனது ஆளுகையின்‌ கீழ்‌ கொண்டுவருவார்‌, எனக்கு முடியுமானால்‌ அவரை நான்‌ சந்தித்து, அவரது பாதத்தையும்‌ கழுவிடவும்‌ தயார்‌ என்றார்‌. புகாரி (2941)

நபி (ஸல்) அவர்களின்...............

காலத்தில் நடந்த இன்னொரு சம்பவம் இங்கு சுட்டிக்காட்ட உகந்தது.சமூகத்தில் நிலவிய வறுமை, பாதுகாப்பற்ற சூழல், வழிப்பறிக் கொள்ளை குறித்து நபி (ஸல்) அவர்களிடம் பலரும் முறையிட்டபோது தனது தோழர் அதீய் இப்னு ஹாதிம் (ரலி) அவர்களிடம் இவ்வாறு கூறினார்கள். “நீ நீண்ட நாள் வாழ்ந்தால், நீ நிச்சயம் பார்ப்பாய். ஒட்டகச் சிவிகையில் அமர்ந்திருக்கும் ஒரு பெண் இறையில்லம் கஅபாவை (வலம் வருவதற்காகப்) பயணித்து ஹீராவிலிருந்து வருவாள். அவள் (வழியில்) அல்லாஹ்வைத் தவிர வேறொருவருக்கும் அஞ்ச மாட்டாள்”. மக்காவில் வைத்து கப்பாப் இப்னு அரத் (ரலி) அவர்களிடம் நபி (ஸல்) அவர்கள் கூறுகையில், “ஸன்ஆ முதல் ஹழரள் மவ்த் வரை ஒரு பெண் தனியாக நடந்து செல்லும் சூழல் உருவாகும்” என்றார்கள்.

எந்தவொரு பெண்ணும் பூரண பாதுகாப்புடனும் அச்சமின்றியும் எங்கேயும், எப்பொழுதும் பயணிக்கும் விதம் மக்கள் ஒழுக்கரீதியாகவும், கலாச்சார ரீதியாகவும் உயர்வான நிலையை அடையவேண்டும் என்பதையே இஸ்லாம் விரும்புகிறது.

மீண்டும் தவறு செய்யாமலிருக்க...

1. குற்றம்செய்தவனுக்கு வழங்கப்படும் தண்டனை, மீண்டும் மீண்டும் குற்றம் செய்வதி-லிருந்து அவனைத் தடுக்க வேண்டும்.

2. ஒரு குற்றவாளிக்கு வழங்கப்படும் தண்டனையைக் கண்டு மற்றவர்கள் குற்றம் செய்ய அஞ்ச வேண்டும்.

3. குற்றவாளியால் பாதிப்புக்கு உள்ளானவன் தனக்கு நீதி கிடைத்து விட்டதாக நம்ப வேண்டும். அவன் மன நிறைவு அடைய வேண்டும். அதை இஸ்லாம் தான் தருகிறது.

அல்லாஹ்  நம்மையும் நம் சந்ததியினரையும்  இஸ்லாமிய இறை சட்டத்தை பின்பற்றி வாழவும், இறைவனுக்கு அஞ்சி வாழவும் தவ்ஃபீக் செய்வானாக!ஆமீன்....

வெளியீடு: செங்கல்பட்டு மற்றும் காஞ்சிபுரம் மாவட்ட ஜமாஅத்துல் உலமா சபை.

         

Thursday, 18 November 2021

ஜும்ஆ பயான் 19/11/2021


தலைப்பு:

இறைநேசர்களின் கராமத் எனும் அற்புதங்கள்...

اَلَاۤ اِنَّ اَوْلِيَآءَ اللّٰهِ لَا خَوْفٌ عَلَيْهِمْ وَلَا هُمْ يَحْزَنُوْنَ  ‏

(முஃமின்களே!) அறிந்து கொள்ளுங்கள்; நிச்சயமாக அல்லாஹ்வின் நேசர்களுக்கு எந்த அச்சமும் இல்லை; அவர்கள் துக்கப்படவும் மாட்டார்கள்.

(அல்குர்ஆன் : 10:62)

அல்லாஹுத்தஆலா தனது வல்லமையையும்,நுபுவத்தையும் மெய்ப்பிப்பதற்காக வேண்டி தனது நபிமார்களின் வழியாக.

"خرقاً للعادة  يعني خلاف العادة" 

வழமைக்கு முரணான,மனித அறிவிற்கும் புலப்படாத சில அற்புதங்களை நிகழ்த்துவதுண்டு அதற்குப் பெயர் "ஒரு அதிசயம்" முஃஜிஸா எனப்படும்.

அதுவே நபிமார்கள் அல்லாத,அல்லாஹ்விற்கு நெருக்கமான இறைநேசர்களின் மூலமாகவும் அற்புதங்கள் வெளிப்படும்.அதற்குப் பெயர் "கண்ணியங்கள்"கரமத், கராமாத் என்றும் சொல்லப்படும்.

அஹ்லுஸ் ஸுன்னத் வல் ஜமாஅத்தினர்களாகிய உலக முஸ்லிம்களின் (அகீதா)கொள்கை:

كرامات الأولياء حق بإجماع أمة الإسلام من أهل السنة والجماعة الذين قالوا بجواز ظهور أمر خارق للعادة على يد مؤمن ظاهر الصلاح إكراما من الله له

இறைநேசர்களின் (கராமாத்)அற்புதங்கள் உண்மையாகும்.அல்லாஹ் சாலிஹான முஃமினான தன் நேசரை சங்கைப்படுத்த அவரின் கரங்களில் வழமைக்கு மாற்றமான சில கராமத்துகளை வெளிப்பத்தலாம் என்பது இஸ்லாமிய சமூகத்தின் ஏகோபித்தமுடிவாகும்.

சிலவழிக்கெட்ட    (அன்று முஃதஸிலாவினர் இன்று போலித் தவ்ஹீத்வாதிகள்) கூட்டத்தினர், அவ்லியாக்களின் கராமத்துகளை மறுக்கின்றனர்.

அவர்களின் வாதம்:நபிஅல்லாதவரிடமும் அற்புதம் வெளிப்பட்டால் நபிக்கும்,மற்றவர்களுக்கும் வித்தியாசம் இல்லாமல் போய்விடும்.எனவே நபிமார்களிடம் மட்டுமே அற்புதம் வெளிப்படும்.

மறுப்பு;நபியாக இருப்பதற்கு அற்புதங்கள் மட்டுமே ஷரது கிடையாது.நபிக்கு பல ஷரதுகள் உண்டு.எனவே அவ்லியாக்களிடம் (வழமைக்கு முரணான)கராமத் வெளிப்படலாம்.

அற்புங்களை காட்டி நுபுவத்தை தஃவா செய்தால் அவர் இறைநேசராக இருக்கமுடியாது.                    (எ.க;முஸைலம துப்னு கத்தாப்)

நபியாக இருப்பதற்கு அற்புதங்கள் மட்டுமே அளவுகோள் கிடையாது. சாதரண மனிதர்களும் (மெஜிஷியன்கள்,)பாவிகளும் கூட அற்புதங்களை காட்டலாம்.(எ.க:தஜ்ஜால்,சூனியக்காரர்கள்)

எனவே நபியாக இருப்பதற்கு அற்புதங்களை மட்டுமே அளவுகோளகக் கொள்வது ஏற்புடையதல்ல.

ஆனால் முஃஜிஸா,கராமத் இரண்டிற்கும் வித்தியாசம் உண்டு.

முஃஜிஸா என்பது இறைக்கட்டளை அதனை வெளிப்படுத்திக்காட்டுவது நபிக்கு கடமையாகும்.மேலும் ஒரு நபி தனது நுபுவத்தை மெய்ப்பிப்பதற்காகவும்,தன்னை          (معصوم )பெரும்பாவங்களை விட்டும் பரிசுத்தமானவர் என்பதனை நிரூபிப்பதற்காகவும் முஃஜிஸாவை  வெளிப்படுத்துவார்.(எ.க:நம் கண்மணி நாயகம்(ஸல்) சந்திரனை பிளந்தது,நபி மூஸா (அலை)அவர்கள் கடலை பிளந்தது.....)

கராமத் என்பது இறைநேசரை சங்கைப்படுத்த அல்லாஹ் வழங்கும் ஓர் அன்பளிப்பாகும்.அது அவருக்கு தெரிந்தும்,தெரியாமலும்,இஷ்டத்தோடும்,இஷ்டமில்லாமலும் வெளிப்படலாம். ஆனால் நுபுவத்திற்கு முஃஜிஸா கடமை.விலாயத்திற்கு கராமத் கடமையல்ல.கராமத் இல்லாமலும் இறைநேசர் இருக்கலாம்.

அவ்லியாக்களின் கராமத்தை மறுக்கும் வழிகேடர்கள் கராமத்தை மட்டுமல்ல இறைநேசர்களையே மறுப்பவர்கள்.

அவ்லியாக்கள் என்றாலே ஒரு சாரார் உட்சபட்ச மரியாதை செலுத்துவதையும்,மற்றொரு சாரார் தரம் தாழ்த்தி பேசுவதையும் காணமுடிகிறது.

இறைநேசர் என்பவர் யார்,அவர் எப்படி வாழ்ந்தார்,அவரின் வாழ்வை படிப்பினையாக எடுத்துக்கொள்வதென்றால் எப்படி எடுத்துக்கொள்வது என்பனப் போன்ற எந்த புரிதலும் இல்லாமல்,வலிமார்கள் என்றாலே கராமத்துகள் நினைவுக்கு வருவதும்.

முஸ்லிம்கள், கராமத்துகளை நிகழ்த்தினால் தான் அவர் வலி என்ற பொதுபுத்தியை ஒதுக்கிவைத்து விட்டு குர்ஆன்,ஹதீஸ் வலிக்கு சொல்லும் இலக்கணங்களை ஒப்பிட்டு பார்க்கவேண்டும்.    

                   @@@@@@@

திருக்குர்ஆன் வலிமார்களை அறிமுகம் செய்யும் மிகப்பிரபல்யமான வசனம்.

اَلَاۤ اِنَّ اَوْلِيَآءَ اللّٰهِ لَا خَوْفٌ عَلَيْهِمْ وَلَا هُمْ يَحْزَنُوْنَ  ‏

(முஃமின்களே!) அறிந்து கொள்ளுங்கள்; நிச்சயமாக அல்லாஹ்வின் நேசர்களுக்கு எவ்வித அச்சமும் இல்லை; அவர்கள் துக்கப்படவும் மாட்டார்கள்.(அல்குர்ஆன் : 10:62)

الَّذِيْنَ اٰمَنُوْا وَكَانُوْا يَتَّقُوْنَ‏

அவர்கள் ஈமான் கொண்டு (அல்லாஹ்விடம்) பயபக்தியுடன் நடந்து கொள்வார்கள்.(அல்குர்ஆன் : 10:63)

لَهُمُ الْبُشْرٰى فِى الْحَيٰوةِ الدُّنْيَا وَفِى الْاٰخِرَةِ‌ لَا تَبْدِيْلَ لِـكَلِمٰتِ اللّٰهِ‌ ذٰلِكَ هُوَ الْفَوْزُ الْعَظِيْمُ‏

அவர்களுக்கு இவ்வுலக வாழ்க்கையிலும், மறுமையிலும் நன்மாராயமுண்டு; அல்லாஹ்வின் வாக்கு(றுதி)களில் எவ்வித மாற்றமுமில்லை - இதுவே மகத்தான பெரும் வெற்றி ஆகும்.(அல்குர்ஆன் : 10:64)

இவ்வசனம் இறைநேசர்களுக்கு 4 (நான்கு) இலக்கணங்களைக்கூறுகிறது

1)பயமற்றவர்கள் 2)அச்சமற்றவர்கள் 3)ஈமான்,இறையச்சமுள்ளவர்கள் 4)இம்மை,மறுமை ஈருலகிலும் சுபச்சோபனம் பெற்றவர்கள்.

குர்ஆன் கூறும் இறைநேசரின் அடையாளம்.

اِنَّمَا الْمُؤْمِنُوْنَ الَّذِيْنَ اِذَا ذُكِرَ اللّٰهُ وَجِلَتْ قُلُوْبُهُمْ وَاِذَا تُلِيَتْ عَلَيْهِمْ اٰيٰتُهٗ زَادَتْهُمْ اِيْمَانًا وَّعَلٰى رَبِّهِمْ يَتَوَكَّلُوْنَ ‌‌ۖ ‌ۚ‏

உண்மையான முஃமின்கள் wahid என்றால், அல்லாஹ்(வின் திருநாமம் அவர்கள் முன்) கூறப்பட்டால், அவர்களுடைய இருதயங்கள் பயந்து நடுங்கிவிடும்; அவனுடைய வசனங்கள் அவர்களுக்கு ஓதிக்காண்பிக்கப்பட்டால் அவர்களுடைய ஈமான் (பின்னும்) அதிகரிக்கும்; இன்னும் தன் இறைவன் மீது அவர்கள் முற்றிலும் நம்பிக்கை வைப்பார்கள். 8:2.

و لقوله تعالى : ۚ إِنْ أَوْلِيَاؤُهُ إِلَّا الْمُتَّقُونَ وَلَٰكِنَّ أَكْثَرَهُمْ لَا يَعْلَمُونَ

இறை தக்வாவுடையவர்களையே தவிர வேறு எவரும் அல்லாஹ்வின் அவ்லியாக்களாக இருக்கமுடியாது.  8:34

                   @@@@@@@       

ஹதீஸ்களில் வலிமார்களை குறித்து...

وفي تفسير ابن كثير : حديث مرفوع كما قال البزار عن سعيد بن جبي ، عن ابن عباس قال:قال رجل: يا رسول الله، مَنْ أولياء الله؟ قال: "الذين إذا رءُوا  ذُكر الله".ثم قال البزار: وقد روي عن سعيد مرسلا. 

யாரைப்பார்த்தால் இறைவனின் ஞாபகம் வருமோ அவர்கள் தான் இறை நேசச் செல்வர்கள்.

حديث إبن ماجه 4109 والإمام أحمد  27601 عَنْ أَسْمَاءَ بِنْتِ يَزِيدَ أَنَّهَا سَمِعَتْ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ أَلَا أُنَبِّئُكُمْ بِخِيَارِكُمْ قَالُوا بَلَى يَا رَسُولَ اللَّهِ قَالَ خِيَارُكُمْ الَّذِينَ إِذَا رُءُوا ذُكِرَ اللَّهُ عَزَّ وَجَلَّ

உங்களில் உன்னதமானவர்கள் யார் என சொல்லட்டுமா என நபி (ஸல்)கேட்டார்கள் .ஆம் சொல்லுங்களே என சஹாபாக்கள் சொன்னார்கள் . உங்களில் உன்னதமானவர் யாரெனில் எவர்களை பார்த்தால் மட்டுமே அல்லாஹ்(ஆகிரத்)நினைவு வருமோ அவர் தான் என நபி ஸல் சொன்னார்கள் என்பதாக அஸ்மா (ரலி)அறிவிக்கிறார்கள் .ஹதீஸ் அஹ்மத் இப்னு மாஜஹ் 4109

ஹதீஸ் கூறும் இறைநேசர்களின் அடையாளம்.

إنَّ مِن عبادِ الله مَن لو أقسَم على اللهِ لَأبَرَّه .

 صحيح ابن حبان ٦٤٩٠.  

அல்லாஹ்வின் அடியார்களில் சிலர் உள்ளனர். அவர்கள் அல்லாஹ்வின் மீது சத்தியமிட்டு (எதையேனும் கூறி) விடுவார்களாயின் அதை அல்லாஹ் நிறைவேற்றி விடுகிறான்’

١- [عن ثوبان مولى رسول الله صلى الله عليه وسلم:] إنَّ من أمَّتي مَن لو جاء أحدُكم يسأَلُه دينارًا لم يُعْطِه ولو سأَله درهمًا لم يُعْطِه ولو سأَله فِلْسًا لم يُعْطِه ولو سأَل اللهَ الجنَّةَ أعطاه إيّاها ذي طِمْرينِ لا يُؤْبَهُ له لو أقسَم على اللهِ لأبرَّه

الهيثمي (ت ٨٠٧)، مجمع الزوائد ١٠‏/٢٦٧  •  رجاله رجال الصحيح‏‏

என் உம்மத்தில் சிலர் இருக்கின்றனர், அவர்களிலிருந்து யாரேனும் ஒருவர் உங்களில் ஒருவரிடம் வந்து ஒரு தங்க நாணயம் யாசித்தால் அவருக்குக் கொடுக்கமாட்டார், ஒரு வெள்ளி நாணயம் கேட்டால் அதையும் கொடுக்கமாட்டார், ஒரு பைசா கேட்டால் ஒரு பைசாவும் கொடுக்கமாட்டார். (ஆயினும் அல்லாஹுதஆலாவிடம் அவரது தகுதியாவது) அவர் அல்லாஹுதஆலாவிடம் சொர்க்கத்தை வேண்டினால் அல்லாஹுதஆலா அவருக்கு சொர்க்கத்தைக் கொடுத்துவிடுவான். (அம்மனிதரின் மேனியில் வெறும்) இரு பழைய போர்வைகள் இருக்கும், அவரை யாரும் சிறிதும் பொருட்படுத்தமாட்டார்கள். (ஆயினும்) அவர் அல்லாஹுதஆலா(வின் மீது தன் காரியங்களை ஒப்படைக்கும் மனவலிமையுடன்) அல்லாஹ்வின் மீது சத்தியம் செய்தால் அல்லாஹுதஆலா நிச்சயமாக அவரது சத்தியத்தை நிறை வேற்றி வைப்பான்”

                       @@@@@@@

இறை நேசர்களின் அந்தஸ்து.........

[رواه البخاري] 6021   عَنْ أَبِي هُرَيْرَةَ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِنَّ اللَّهَ قَالَ مَنْ عَادَى لِي وَلِيًّا فَقَدْ آذَنْتُهُ بِالْحَرْبِ وَمَا تَقَرَّبَ إِلَيَّ عَبْدِي بِشَيْءٍ أَحَبَّ إِلَيَّ مِمَّا افْتَرَضْتُ عَلَيْهِ وَمَا يَزَالُ عَبْدِي يَتَقَرَّبُ إِلَيَّ بِالنَّوَافِلِ حَتَّى أُحِبَّهُ فَإِذَا أَحْبَبْتُهُ كُنْتُ سَمْعَهُ الَّذِي يَسْمَعُ بِهِ وَبَصَرَهُ الَّذِي يُبْصِرُ بِهِ وَيَدَهُ الَّتِي يَبْطِشُ بِهَا وَرِجْلَهُ الَّتِي يَمْشِي بِهَا وَإِنْ سَأَلَنِي لَأُعْطِيَنَّهُ وَلَئِنْ اسْتَعَاذَنِي لَأُعِيذَنَّهُ وَمَا تَرَدَّدْتُ عَنْ شَيْءٍ أَنَا فَاعِلُهُ تَرَدُّدِي عَنْ نَفْسِ الْمُؤْمِنِ يَكْرَهُ الْمَوْتَ وَأَنَا أَكْرَهُ مَسَاءَتَهُ

ஸஹீஹ் புகாரி:6502 .எவர் என் நேசரை பகைத்துக் கொண்டாரோ அவருடன் நான் போர் பிரகடனம் செய்கிறேன்.எனக்கு விருப்பமான செயல்களில் நான் கடமையாக்கிய ஒன்றை விட வேறு எதன் மூலமும் என் அடியான் என்னுடன் நெருக்கத்தை ஏற்ப்படுத்திக் கொள்வதில்லை.என் அடியான் நஃபிலான வழிபாடுகளால் என் பக்கம்  நெருங்கி வந்து கொண்டே இருப்பான்.இறுதியில் அவனை  நான் நேசிப்பேன்.அவ்வாறு அவனை  நான் நேசித்து விடும் போது , அவன் கேட்கின்ற செவியாக ,அவன் பார்க்கின்ற கண்ணாக,அவன் பற்றுகின்ற கையாக,அவன் நடக்கின்ற காலாக நான் ஆகி விடுவேன். அவன் என்னிடம் கேட்டால் நான் நிச்சயம் தருவேன்.என்னிடம் அவன் பாதுகாப்புக் கோரினால் நிச்சயம்  நான் அவனுக்கு  பாதுகாப்பு அளிப்பேன். ஓர் இறை நம்பிக்கையாளரின் உயிரைக் கைப்பற்றுவதில் நான் தயக்கம் காட்டுவதைப்போன்று நான் செய்யும் எந்தச் செயலிலும் தயக்கம் காட்டுவதில்லை.அவரோ மரணத்தை வெறுக்கிறார்.நானும் [மரணத்தின் மூலம்] அவருக்கு கஷ்டம் தருவதை வெறுக்கிறேன்.

மேற்சொன்ன இந்த ஹதீஸில் அல்லாஹுத்தஆலா தனது வலி கேட்பதையெல்லாம் தருவேன் என்றும்,அவரின் பார்வையாக,செவியாக,கரங்களாக,பாதங்களாக இப்படி எல்லாமுமாகவே மாறிவிவேன் என்றும் கூறுவதால் இறைநேசரின் வழியாக அல்லாஹ் கராமத்துகளை வெளியாக்குவதென்பது பாரதூரமான ஒன்றல்லவே. 

                      @@@@@@@

இறைநேசர்களின் கராமத்.

குர்ஆனிலும்,ஆதாரப்பூர்வாமான அறிவிப்புகளிலும் வலிமார்களின் கராமாத்கள் உண்மை என்பதற்கு ஆதரங்கள் உள்ளன.

அல்லாஹ் நேரடியாக ஒரு அற்புதத்தை நிகழ்த்தினால் அதற்கு பெயர் குத்ரத். அல்லாஹ் நபிமார்கள் மூலமாக ஒரு அற்புதத்தை நிகழ்த்தினால் அதற்கு பெயர் முஃஜிஸாத். அல்லாஹ் வலிமார்கள் மூலமாக ஒரு அற்புதத்தை நிகழ்த்தினால் அதற்கு பெயர் கராமத்.


ஒரு ஆபித் மார்க்க அறிஞரின் கராமத்.

قال علامہ تفتازانی علیہ الرحمۃ : ’’کأتیان صاحب سلیمان علیہ السلام وھو اٰصف بن برخیا علی الاشھر بعرش بلقیس قبل ارتداد الطرف مع بعد المساف

குர்ஆனில் ஸுலைமான் (அலை)அவர்களின் அவையில் இருந்த இல்மை கற்றறிந்த ஆசிஃப் என்ற  இறைநேசர்,பல மைல்களுக்கு அப்பால் இருந்த பல்கீஸ் அம்மையாரின் சிம்மாசனத்தை கண்ணிமைக்கும் நேரத்தில் கொண்டுவந்தது அவரின் கராமத்தாகும் என அல்லாமா தஃப்தாஸானி (ரஹ்)அவர்கள் இவ்வசனத்திற்கு விளக்கம் கூறுகிறார்கள்.

قَالَ يٰۤاَيُّهَا الْمَلَؤُا اَيُّكُمْ يَاْتِيْنِىْ بِعَرْشِهَا قَبْلَ اَنْ يَّاْتُوْنِىْ مُسْلِمِيْنَ‏ 

“பிரமுகர்களே! அவர்கள் என்னிடம் வழிபட்டவர்களாக வருமுன், உங்களில் யார் அவளுடைய அரியாசனத்தை என்னிடம் கொண்டுவருபவர்?” என்று (ஸுலைமான் அவர்களிடம்) கேட்டார்.(அல்குர்ஆன் : 27:38)

قَالَ عِفْرِيْتٌ مِّنَ الْجِنِّ اَنَا اٰتِيْكَ بِهٖ قَبْلَ اَنْ تَقُوْمَ مِنْ مَّقَامِكَ‌ وَاِنِّىْ عَلَيْهِ لَـقَوِىٌّ اَمِيْنٌ‏ 

ஜின்களில் (பலம் பொருந்திய ஓர்) இஃப்ரீத் கூறிற்று; நீங்கள் உங்கள் இடத்திலிருந்து எழுந்திருப்பதற்கு முன் அதை நான் உங்களிடம் கொண்டு வந்து விடுவேன்; நிச்சயமாக நான் அதற்கு சக்தியுள்ளவனாகவும், நம்பிக்கைக்கு உரியவனாகவும் இருக்கிறேன்.”(அல்குர்ஆன் : 27:39)

قَالَ الَّذِىْ عِنْدَهٗ عِلْمٌ مِّنَ الْـكِتٰبِ اَنَا اٰتِيْكَ بِهٖ قَبْلَ اَنْ يَّرْتَدَّ اِلَيْكَ طَرْفُكَ‌ فَلَمَّا رَاٰهُ مُسْتَقِرًّا عِنْدَهٗ قَالَ هٰذَا مِنْ فَضْلِ رَبِّىْ‌ لِيَبْلُوَنِىْٓ ءَاَشْكُرُ اَمْ اَكْفُرُ‌ وَمَنْ شَكَرَ فَاِنَّمَا يَشْكُرُ لِنَفْسِهٖ‌ وَمَنْ كَفَرَ فَاِنَّ رَبِّىْ غَنِىٌّ كَرِيْمٌ‏ 

இறைவேதத்தின் ஞானத்தைப் பெற்றிருந்த ஒருவர்: “உங்களுடைய கண்ணை மூடித்திறப்பதற்குள், அதை உங்களிடம் கொண்டு வந்து விடுகிறேன்” என்று கூறினார்; (அவர் சொன்னவாறே) அது தம்மிடம் வைக்கப்பட்டிருப்பதைக் கண்டதும்: “இது என்னுடைய இறைவனின் அருட் கொடையாகும் நான் நன்றியறிதலுடன் இருக்கின்றேனா, அல்லது மாறு செய்கிறேனா என்று (இறைவன்) என்னைச் சோதிப்பதற்காகவும்; எவன் ஒருவன் (இறைவனுக்கு) நன்றி செலுத்துகின்றானோ அவன் நன்றி செலுத்துவது அவனுக்கே (நன்மை)யாவும்; மேலும், எவன் (நன்றி மறந்து) மாறு செய்கிறானோ (அது அவனுக்கே இழப்பாகும்; ஏனெனில்) என் இறைவன், (எவரிடத்தும்) தேவைப் படாதவனாகவும், மிகவும் கண்ணியம் மிக்கவனாகவும் இருக்கின்றான்” என்று (ஸுலைமான்) கூறினார். (அல்குர்ஆன் : 27:40)

அன்னை மர்யம் அலை அவர்களுக்கு ஏற்பட்ட கராமத்.

ذكر البيضاوي حول تفسير قوله تعالى وكفلها زكريا كلما دخل عليها زكريا المحراب وجد عندها رزقا (الآية 37 من سورة آل عمران) بأن الآية دليل على جواز الكرامة للأولياء.

وعلق الشيخ زادة على تفسير البيضاوي بأن حصول الرزق عند مريم على الوجه المذكور لا شك أنه أمر خارق للعادة ظهر على يد من لا يدعي النبوة وليس معجزة للنبي الذي كان في ذلك الزمن زكريا عليه السلام، فتعين أنه كرامة لمريم عليها السلام

நபி ஜகரிய்யா (அலை)அவர்களின் பராமரிப்பில் வளர்ந்த மர்யம் (அலை)அவர்களுக்கு மஸ்ஜிதில் பூட்டப்பட்ட தனிஅறையில் பழங்களும்,உணவும் கிடைத்தது.மர்யம் (அலை)அவர்களின் கராமத் என பைளாவி (ரஹ்)அவர்களின் தஃப்ஸீர் விளக்கம் கூறுவார்கள்.

فَتَقَبَّلَهَا رَبُّهَا بِقَبُوْلٍ حَسَنٍ وَّاَنْبَتَهَا نَبَاتًا حَسَنًا ۙ وَّكَفَّلَهَا زَكَرِيَّا ‌ كُلَّمَا دَخَلَ عَلَيْهَا زَكَرِيَّا الْمِحْرَابَۙ وَجَدَ عِنْدَهَا رِزْقًا ‌‌ قَالَ يٰمَرْيَمُ اَنّٰى لَـكِ هٰذَا ‌ قَالَتْ هُوَ مِنْ عِنْدِ اللّٰهِ‌ اِنَّ اللّٰهَ يَرْزُقُ مَنْ يَّشَآءُ بِغَيْرِ حِسَابٍ‏

அவளுடைய இறைவன் அவள் பிரார்த்தனையை அழகிய முறையில் ஏற்றுக் கொண்டான்; அக்குழந்தையை அழகாக வளர்த்திடச் செய்தான்; அதனை வளர்க்கும் பொறுப்பை ஜகரிய்யா ஏற்றுக்கொள்ளும்படி செய்தான். ஜகரிய்யா அவள் இருந்த மிஹ்ராபுக்குள் (தொழும் அறைக்குப்) போகும் போதெல்லாம், அவளிடம் உணவு இருப்பதைக் கண்டார், “மர்யமே! இ(வ்வுணவான)து உனக்கு எங்கிருந்து வந்தது?” என்று அவர் கேட்டார்;  “இது அல்லாஹ்விடமிருந்து கிடைத்தது - நிச்சயமாக அல்லாஹ் தான் நாடியவர்களுக்குக் கணக்கின்றி உணவளிக்கின்றான்” என்று அவள்(பதில்) கூறினாள்.(அல்குர்ஆன் : 3:37)


குகைவாசிகளின் கராமத்.

குர்ஆனில் சூரா கஹ்ஃபில் குகைவாசிகள் 300 வருடங்கள் உறங்கியதும்,உயிர்த்தெழுந்ததும்.

கிளுர் (அலை)அவர்கள் சிறுவனை கொன்றுவிட்டு அதற்கான காரணமாக பின்நாட்களில் அவன் இப்படி இருப்பான் என்று கூறுவதும் கராமத்துகளாகும்...

நபிமொழி அறிவிப்புகளில் வரும்,முன்வாழ்ந்த சமூகத்தவர்களில் உள்ள வலிமார்களின் கராமத்துகள்....

இறைத்தூதர்(ஸல்) அவர்கள் கூறினார்கள். 

(முற்காலத்தில்) ஒரு பெண் வழிபாட்டு அறையிலிருந்த தம் மகனை 'ஜுரைஜ்' என்று அழைத்தார்! 'இறைவா! நான் தொழுது கொண்டிருக்க என் தாய் என்னை அழைக்கிறாரே!' என்று ஜுரைஜ் (மனத்திற்குள்) கூறினார். மீண்டும் 'ஜுரைஜ்' என்று அப்பெண் அழைத்தபோது. 'இறைவா! நான் தொழுது கொண்டிருக்க என் தாய் அன்னை அழைக்கிறாரே!' என்று ஜுரைஜ் (மனத்திற்குள்) கூறினார். மீண்டும் அப்பெண் 'ஜுரைஜ்' என்று அழைத்தபோது 'இறைவா! நான் தொழுது கொண்டிருக்க என் தாய் என்னை அழைக்கிறாரே' என்று (மனத்திற்குள்) கூறினார். அப்போது அப்பெண் 'இறைவா! விபச்சாரிகளின் முகத்தில் விழிக்காமல் ஜுரைஜ் மரணிக்கக் கூடாது' என்று பிரார்த்தித்தார். ஆடு மேய்க்கும் பெண்ணொருத்தி ஜுரைஜுடைய ஆசிரமத்திற்கு வந்து செல்பவளாக இருந்தாள். அவள் ஒரு குழந்தையைப் பெற்றாள். இந்தக் குழந்தை யாருக்குப் பிறந்தது என்று அவளிடம் கேட்கப்பட்டபோது 'ஜுரைஜுக்குதான்; அவர் தம் ஆசிரமத்திலிருந்து இறங்கி வந்து இவ்வாறு செய்துவிட்டார்' என்று அவள் கூறினாள். 'தன்னுடைய குழந்தையை எனக்குப் பிறந்தது எனக் கூறும் அப்பெண் எங்கே?' என்று ஜுரைஜ் கேட்டுவிட்டு அவள் பெற்ற குழந்தையை நோக்கி 'சிறுவனே! உன் தந்தை யார்?' எனக் கேட்டதற்கு அக்குழந்தை 'ஆடுமேய்க்கும் இன்னார்' என விடையளித்தது. என அபூ ஹுரைரா(ரலி) அறிவித்தார். (ஸஹீஹ் புகாரி (1206)

இறைத்தூதர்(ஸல்) அவர்கள் கூறினார்கள்: 

'இஸ்ரவேலர்களில் ஒருவர் மற்றொருவரிடம் தமக்கு ஆயிரம் தங்கக்காசுகள் கடனாகக் கேட்டார். கடன் கேட்கப்பட்டவர் 'சாட்சிகளை எனக்குக் கொண்டு வா! அவர்களைச் சாட்சியாக வைத்துத் தருகிறேன்' என்றார். கடன் கேட்டவர் 'சாட்சிக்கு அல்லாஹ்வே போதுமானவன்!' என்றார். 'அப்படியானால் ஒரு பிணையாளியை என்னிடம் கொண்டுவா!' என்று கடன் கேட்கப்பட்டவர் கூறினார். அதற்குக் கடன் கேட்டவர் 'பிணை நிற்க அல்லாஹ்வே போதுமானவன்' என்று கூறினார். கடன் கேட்கப்பட்டவர் 'நீர் கூறுவது உண்மையே!' என்று கூறி, குறிப்பிட்ட தவணைக்குள் திருப்பித் தர வேண்டும் என்று ஆயிரம் தங்கக் காசுகளை அவருக்குக் கொடுத்தார். கடன் வாங்கியவர் கடல் மார்க்கமாகப் புறப்பட்டு, தம் வேலைகளை முடித்துவிட்டு, குறிப்பிட்ட தவணையில் கடனைத் திருப்பிச் செலுத்த வேண்டும் என்பதற்காக வாகனத்தைத் தேடினார். எந்த வாகனமும அவருக்குக் கிடைக்கவில்லை. உடனே, ஒரு மரக்கட்டையை எடுத்து, அதைக் குடைந்து அதற்குள் ஆயிரம் தங்கக் காசுகளையும் கடன் கொடுத்தவருக்கு ஒரு கடிதத்தையும் உள்ளே வைத்து அடைத்தார். பிறகு கடலுக்கு வந்து, 'இறைவா! இன்னாரிடம் நான் ஆயிரம் தங்கக் காசுகளைக் கடனாகக் கேட்டேன்; அவர் பிணையாளி வேண்டுமென்றார்; நான் 'அல்லாஹ்வே பிணைநிற்கப் போதுமானவன்!' என்றேன்; அவர் உன்னைப் பிணையாளியாக ஏற்றார். என்னிடம் சாட்சியைக் கொண்டுவரும்படி கேட்டார்; 'சாட்சிக்கு அல்லாஹ்வே போதுமானவன்!' என்று கூறினேன். அவர் உன்னை சாட்சியாக ஏற்றார்; அவருக்குரிய (பணத்)தை அவரிடம் கொடுத்து அனுப்பி விடுவதற்காக ஒரு வாகனத்திற்கு நான் முயற்சி செய்தும் கிடைக்கவில்லை என்பதையெல்லாம் நீ அறிவாய்! எனவே, இதை உரியவரிடம் சேர்க்கும் பொறுப்பை உன்னிடத்தில் ஒப்படைக்கிறேன்!' என்று கூறி அதைக் கடலில் வீசினார். அது கடலுக்குள் சென்றதும் திரும்பிவிட்டார். அத்துடன் தம் ஊருக்குச் செல்வதற்காக வாகனத்தையும் அவர் தேடிக் கொண்டிருந்தார். அவருக்குக் கடன் கொடுத்த மனிதர், தம் செல்வத்துடன் ஏதேனும் வாகனம் வரக்கூடும் என்று நோட்டமிட்ட வண்ணம் புறப்பட்டார். அப்போது, பணம் அடங்கிய அந்த மரக்கட்டையைக் கண்டார். தம் குடும்பத்திற்கு விறகாகப் பயன்படட்டும் என்பதற்காக அதை எடுத்தார். அதைப் பிளந்து பார்த்தபோது பணத்தையும் கடிதத்தையும் கண்டார். பிறகு, கடன் வாங்கியவர் ஆயிரம் தங்கக் காசுகளை எடுத்துக்கொண்டு இவரிடம் வந்து சேர்ந்தார். 'அல்லாஹ்வின் மீது ஆணையாக! உம்முடைய பணத்தை உமக்குத் தருவதற்காக வாகனம் தேடும் முயற்சியில் நான் ஈடுபட்டிருந்தேன். இப்போதுதான் வாகனம் கிடைத்து வந்திருக்கிறேன்!' என்று கூறினார். அதற்கு கடன் கொடுத்தவர், 'எனக்கு எதையாவது அனுப்பி வைத்தீரா?' என்று கேட்டார். கடன் வாங்கியவர், 'வாகனம் கிடைக்காமல் இப்போதுதான் வந்திருக்கிறேன் என்று உமக்கு நான் தெரிவித்தேனே!' என்று கூறினார். கடன் கொடுத்தவர், 'நீர் மரத்தில் வைத்து அனுப்பியதை உம் சார்பாக அல்லாஹ் என்னிடம் சேர்ப்பித்துவிட்டான்; எனவே, ஆயிரம் தங்கக் காசுகளை எடுத்துக் கொண்டு (சரியான) வழியறிந்து செல்லும்!' என்று கூறினார். என அபூ ஹுரைரா(ரலி) அறிவித்தார். (ஸஹீஹ் புகாரி 2291)

அமீருல் முஃமினீன் உமர் (ரலி)அவர்களின் கராமத்...

: كرامة عمر بن الخطاب - رضي الله عنه -: عن ابن عمر - رضي الله عنهما -: أن عمر بعث جيشًا، وأَمَّرَ عليهم رجلًا يدعى سارية، فبينما عمر يخطب، فجعل يصيح: يا ساريةُ الجبلَ! فقدِم رسول من الجيش، فقال: يا أمير المؤمنين لقينا عدونا فهزمونا، فإذا بصائح يصيح: يا ساريةُ الجبلَ، فأسندنا ظهورنا إلى الجبل، فهزمهم الله تعالى. (رواه البيهقي

உமர் (ரலி) அவர்கள் சாரியா என்பவரின் தலைமையில் ஒரு படையைப் போருக்கு அனுப்பினார்கள். உமர் (ரலி) அவர்கள் ஜும்ஆ தினத்தில் உரையாற்றிக் கொண்டிருக்கையில் தன் உரையின் இடையே‘‘يَا سَارِيَةُ! الْجَبَلَ’’ சாரியாவே அந்த மலைக்குள் செல். சாரியாவே அந்த மலைக்குள் செல் எனக் கூறினார்கள். போர் நடந்து கொண்டிருந்த இடத்துக்கும் உமர் (ரலி) அவர்கள் இருந்த இடத்துக்கும் இடையே ஒரு மாத காலம் பயணம் செய்யத் தக்க தொலைவு இருந்தது. உமர் (ரலி) அவர்கள் இங்கிருந்து எழுப்பிய சப்தத்தை படைத் தளபதி சாரியா அங்கே செவியுற்று மலைக்குள் சென்றார். இதன் பிறகு வெற்றி கிடைத்தது.

காலித் இப்னு வலீத் (ரலி)அவர்களின் கராமத்....

விஷம் அருந்தியும் அன்னவர்களுக்கு ஒன்றுமாகவில்லை

عَنْ قَيْسِ بْنِ أَبِي حَازِمٍ، قَالَ: " شَهِدْتُ خَالِدَ بْنَ الْوَلِيدِ رَضِيَ اللَّهُ عَنْهُ بِالْحِيرَةِ أُتِيَ بِسُمٍّ ، فَقَالَ : مَا هَذَا ؟ قَالُوا : سُمُّ سَاعَةٍ قَالَ : " بِسْمِ اللَّهِ " ثُمَّ ازْدَرَدَهُ – يعني ابتلعه ولم يصبه سوء – " .

"شرح أصول اعتقاد أهل السنة والجماعة" (6/498) ، "البداية والنهاية" (6 /382) .

ஸஃபீனா (ரலி-அன்ஹா)அவர்களின் கராமத்...

وسفينة مولى رسول الله صلى الله عليه وسلم أخبرَ الأسدَ ‏أنه رسولُ رسولِ الله صلى الله عليه وسلم فمشى معه الأسد حتى أوصله إلى مقصده.

ரோம் தேசத்தை நோக்கிய இஸ்லாமிய படையில் கிளம்பிச்சென்ற ஸஃபீனா (ரலி)அவர்கள் பயணக்கூட்டதைவிட்டும்  வழிதவறி காடுவழியே சென்ற போது,தீடீரென எதிரே ஒரு சிங்கம். அம்மையார் அந்த சிங்கத்திடம், நான் நபி முஹம்மது (ஸல்)அவர்களின் அடிமை,எனக்கு வழிவிடு என்ற சொன்னதும்,அந்த சிங்கம் அவர்களுக்கு வழிகாட்டி சென்று அவர்களின் படையில் கொண்டுப்போய் சேர்த்தது.

இரு ஸஹாபிகளின் இறைநேச வாழ்க்கையில் நிகழ்ந்த கராமத்......


3639» حَدَّثَنِي مُحَمَّدُ بْنُ الْمُثَنَّى حَدَّثَنَا مُعَاذٌ قَالَ: حَدَّثَنِي أَبِي عَنْ قَتَادَةَ حَدَّثَنَا أَنَسٌ رَضِيَ اللَّهُ عَنْهُ أَنَّ رَجُلَيْنِ مِنْ أَصْحَابِ النَّبِيِّ صَلَّى اللَّهُ عَلَيْهِ وَسَلَّمَ خَرَجَا مِنْ عِنْدِ النَّبِيِّ صَلَّى اللَّهُ عَلَيْهِ وَسَلَّمَ فِي لَيْلَةٍ مُظْلِمَةٍ وَمَعَهُمَا مِثْلُ الْمِصْبَاحَيْنِ، يُضِيآنِ بَيْنَ أَيْدِيهِمَا، فَلَمَّا افْتَرَقَا صَارَ مَعَ كُلِّ وَاحِدٍ مِنْهُمَا وَاحِدٌ حَتَّى أَتَى أَهْلَهُ. 

அனஸ்(ரலி) அறிவித்தார்.  நபி(ஸல்) அவர்களின் தோழர்களில் இருவர் நபி(ஸல்) அவர்களிடமிருந்து (விடைபெற்று) இருள் நிறைந்த ஓர் இரவில் (தம் இல்லங்களுக்கு) நடந்து சென்றனர். அவ்விருவருடனும் இரண்டு விளக்குகளைப் போன்றவை அவர்களுக்கு முன்னால் ஒளிவீசிக் சென்றன. அவர்கள் (வழியில்) பிரிந்து சென்றபோது, அவர்கள் தம் வீட்டாரிடம் சென்று சேரும் வரை ஒவ்வொருவருடனும் ஓர் ஒளி (மற்றொன்றைவிட்டுப் பிரிந்து அவர்களுடன்) சென்றது. அவ்விருவரும் அவரவர் வீடு போய் சேரும் வரை அந்த வெளிச்சம் இருந்தது. ( புஹாரி 3639)

இறைநேசர்களின் உடலை மண் தீண்டாது.

1351» حَدَّثَنَا مُسَدَّدٌ أَخْبَرَنَا بِشْرُ بْنُ الْمُفَضَّلِ حَدَّثَنَا حُسَيْنٌ الْمُعَلِّمُ عَنْ عَطَاءٍ عَنْ جَابِرٍ رَضِيَ اللَّهُ عَنْهُ قَالَ لَمَّا حَضَرَ أُحُدٌ دَعَانِي أَبِي مِنَ اللَّيْلِ فَقَالَ مَا أُرَانِي إِلاَّ مَقْتُولاً فِي أَوَّلِ مَنْ يُقْتَلُ مِنْ أَصْحَابِ النَّبِيِّ صَلَّى اللَّهُ عَلَيْهِ وَسَلَّمَ، وَإِنِّي لاَ أَتْرُكُ بَعْدِي أَعَزَّ عَلَيَّ مِنْكَ، غَيْرَ نَفْسِ رَسُولِ اللَّهِ صَلَّى اللَّهُ عَلَيْهِ وَسَلَّمَ، فَإِنَّ عَلَيَّ دَيْنًا فَاقْضِ، وَاسْتَوْصِ بِأَخَوَاتِكَ خَيْرًا. فَأَصْبَحْنَا فَكَانَ أَوَّلَ قَتِيلٍ، وَدُفِنَ مَعَهُ آخَرُ فِي قَبْرٍ، ثُمَّ لَمْ تَطِبْ نَفْسِي أَنْ أَتْرُكَهُ مَعَ الآخَرِ فَاسْتَخْرَجْتُهُ بَعْدَ سِتَّةِ أَشْهُرٍ، فَإِذَا هُوَ كَيَوْمِ وَضَعْتُهُ هُنَيَّةً غَيْرَ أُذُنِهِ. 

ஜாபிர்(ரலி) அறிவித்தார்.  உஹதுப்போர் நடக்கவிருந்தபோது என்னுடைய தந்தை அன்றிரவு என்னை அழைத்து, `நபி(ஸல்) அவர்களின் சகாக்களில் (நாளை போரில்) முதலில் நானே கொல்லப்படுவேன் எனக் கருதுகிறேன். மேலும் எனக்குப் பின் நான்விட்டுச் செல்பவர்களில் நபி(ஸல்) அவர்களைத் தவிர மற்றவர்களில் உன்னைத் தவிர வேறு யாரையும் நான் மதிப்பிற்குரியவராகக் கருதவில்லை. என் மீது கடன் உள்ளது. அதை நீ அடைப்பதுடன் உன்னுடைய சகோதரிகளிடம் நல்ல முறையில் நடந்து கொள்" என்றார். மறுநாள் (போரில்) அவர்தான் முதலில் கொல்லப்பட்டார். அவருடன் இன்னொருவரும் அடக்கம் செய்யப்பட்டார். இன்னொருவருடன் அவரை கப்ரில்விட்டுவைப்பதை என்னுடைய மனம் விரும்பவில்லை. எனவே, (அடக்கப்பட்ட) ஆறு மாதங்களுக்குப் பின்பு அவரின் உடலை நான் கப்ரிலிருந்து வெளியிலெடுத்தேன். அப்போது அன்றுதான் சற்று முன்னர் அடக்கம் செய்யப்பட்டவர் போன்று அவரின் காதைத் தவிர உடம்பு அப்படியே இருந்தது.உடனே புதிய கப்ரில் அவரை தனியாக அடக்கம் செய்தேன் ‌.(புஹாரி:1351)

வலிகள் கோமான் கௌதுல் அஃளம் (ரஹ்)அன்னவர்களின் கராமத்...

ஹழ்ரத் ஷைக் அப்துல் ஹக் திஹ்லவீ (ரஹ்)அவர்கள் கூறுகிறார்கள்:அல்லாஹுத்தஆலா கௌதுல் அஃளம் (ரஹ்)அவர்களுக்கு (பயானை) சொற்பொழிவை கராமத்தாக வழங்கியிருந்தான். 

ஒருநாள் மதியம் கைலூலாவுடைய நேரத்தில் மஜ்லிஸில் தூங்கிக் கொண்டிருந்தபோது, நாயகம் ஸல்லல்லாஹு அலைஹி வஸல்லம் அவர்கள் கௌது நாயகம் அவர்களின் கனவில் தோன்றி, 'மக்களைத் தீய வழியிலிருந்து திருத்த நீர் ஏன் அவர்களுக்கு உபதேசம் செய்யக் கூடாது? என்று கேட்க, அதற்கவர்கள் நானோ அரபியல்லாதவன். அரபிமொழி பண்டிதர்களின் மத்தியில் நான் எப்படி அரபி மொழியில் திறமையாக பேசுவேன்? என்று பதில் கூற, அதற்கு நபிகள் நாயகம் ஸல்லல்லாஹு அலைஹி வஸல்லம் அவர்கள் தமது உமிழ் நீரை அவர்கள் வாயில் ஏழுமுறை உமிழ்ந்தார்கள். அன்றுமுதல் நமது நாயகமவர்கள் திறமையாக பேசும் ஆற்றல் பெற்றார்கள். முதல் முறையாக பேச ஆரம்பித்தவுடன் இமாமுனா அலி நாயகம் ரலியல்லாஹு அன்ஹு அவர்கள் தோன்றி, தங்களுடைய உமிழ்நீரை ஆறுமுறை உமிழ்ந்து சென்றார்கள். இதன் பலனாக அவர்கள் சாதுரியமாக பேசும் வல்லமை பெற்றார்கள்.( நூல்: கலாயிதுல் ஜவாஹிர்.)

இதனால் இவர்களது சொற்பொழிவு கேட்போர் மனதை கவர்வதாகவும், கல்நெஞ்சையும் கரைப்பதாகவும் சொற்சுவை, பொருள் பொலிவு ஆகியவை நிறைந்ததாக இருந்தது. அன்னாரின் பேச்சைக் கேட்க வருவோரின் எண்ணிக்கை நாளுக்குநாள் பெருகிக் கொண்டே வந்தது. சுமார் அறுபதனாயிரம், எழுபதனாயிரம் பேர் கூடிவிடுவார்கள். அவர்களின் பிரசங்கத்தை ஏறக்குறைய 400 எழுத்தாளர்களுக்கு மேல் எழுதிக் கொண்டிருப்பார்கள்.

அன்னவர்களின் சொற்பொழிவு கடும் பாறை போன்ற உள்ளத்தையும் கரைத்துவிடும்.

அவர்களின் சொற்பொழிவால் பல ஆயிரக்காணக்கான இல்லங்களும்,இலட்சக்கணக்கான உள்ளங்களும் நேர்வழிப் பெற்றன.(நூல்:அக்பாருள் அக்யார்)

                      @@@@@@@


உலகில் கியாம நாள் வரை இறைநேசர்களின் வரவு இருந்து கொண்டே இருக்கும்.கியாமத் நாள் வரை அப்புனிதர்களின் கராமாத்துகளும் வெளிப்பட்டுக்கொண்டே இருக்கும்.

அல்லாஹுத்தஆலா இறைநேசர்களின் கராமத்துகளின் பொருட்டால் நம் பிழைகளைப் பொறுத்து,நமக்கு ஈடேற்றம் தந்தருள்புரிவானாக!ஆமீன்....


வெளியீடு :செங்கல்பட்டு & காஞ்சிபுரம் மாவட்ட ஜமாஅத்துல் உலமா சபை.                  


                                   

Wednesday, 3 November 2021

ஜும்ஆ பயான் 05/11/2021

 உறவுகள் மேம்பட...

 وَاتَّقُوا اللّٰهَ الَّذِىْ تَسَآءَلُوْنَ بِهٖ وَالْاَرْحَامَ‌  اِنَّ اللّٰهَ كَانَ عَلَيْكُمْ رَقِيْبًا‏

 ஆகவே, அல்லாஹ்வுக்கே பயந்து கொள்ளுங்கள்; அவனைக்கொண்டே நீங்கள் ஒருவருக்கொருவர் (தமக்குரிய உரிமைகளைக்) கேட்டுக் கொள்கிறீர்கள்; மேலும் (உங்கள்) இரத்தக் கலப்புடைய உறவினர்களையும் (ஆதரியுங்கள்) - நிச்சயமாக அல்லாஹ் உங்கள் மீது கண்காணிப்பவனாகவே இருக்கின்றான்.(அல்குர்ஆன் : 4:01)

இஸ்லாம் ஓர் அழகிய வாழ்வியல் முறையாகும்.இறைவனுக்கு வழிப்பட்டு நடப்பது எந்தளவுக்கு அவசியமோ அதுபோல "ஹுகூகுல் இபாத்"எனப்படும் சக படைப்புகளுக்கு ஆற்றவேண்டிய கடமைகளும் அவசியமாகும்.

பெற்றோர்களின் பணிவிடை,மனைவி மக்களுக்கு ஆற்ற வேண்டிய கடமை,உற்றார் உறவினர்களோடு நல்லுறவுப்பேணுவது,அண்டை வீட்டாரிடம் நல்லறம் பேணுதல்,                 சக மனிதர்களோடு சகோதர வாஞ்சையோடு பழகுதல் போன்றவை மார்க்கக் கடமை என்கிறது இஸ்லாம்.

(உலகில் மற்ற மதங்கள்,சமயங்களில் உறவைப் பேணுவது சிறப்பு,நல்லது என்ற ரீதியில் தான் கூறப்பட்டுள்ளதே ஒழிய கட்டாயக்கடமையல்ல) ஆனால் இஸ்லாம் இவற்றை கடமை என்கிறது, அதனால் தான் உறவை பேணாதவனின்  ஈமான் பரிபூரணம் ஆகாது என நம் மார்க்கம் இயம்புகிறது.

இன்றைய விஞ்ஞானயுகத்தில் அறிவியல் வளர்ச்சியால் மனித வாழ்க்கையில் வசதிவாய்ப்புகள் பெருகிவிட்டன.ஆனால் வாழ்வின் அவசியமான மகிழ்ச்சியையும்,நிம்மதியையும் மனிதன் இழந்துத்தவிக்கிறான்.

அலைப்பேசி,சமூகவலைதளங்கள், ஊடகங்கள் இவற்றுக்கு தரும் முக்கியத்தில் கொஞ்சம் கூட உறவுகளுக்கு தருவதில்லை.

விளைவு: பெற்றோர்களைப் பேணாத பிள்ளைகளால் பெருகிவிட்ட முதியோர் இல்லங்களும்,கணவன் மனைவிக்கிடையில் பரஸ்ப்பரம் அன்பு,பாசம்,விட்டுக்கொடுக்குதல் இல்லாததால் பெருகிவரும் விவாகரத்துக்களும்,பெற்றோர்கள் குழந்தைகளுக்கிடையில் மனம்விட்டுப் பேசுதல்,அரவணைப்பு இல்லாததால் வளரும் இளம்தலைமுறையினரின் சீரழிவும், பெரும் பெரும் அடுக்குமாடிகளில் (அபார்ட்மெண்ட்)சொகுசாக குடியிப்பவர்களின் பக்கத்து ஃபிளாடில் குடியிருப்பவன் யார்,அவனுக்கு என்ன நடந்தால் என்ன என்று எந்த இலட்சியமும் இல்லாமல் 'கான்கிரீட் காடு'களில் வாழ்ந்துக்கொண்டிருப்பவர்களும்,....

இப்படி மனித சமூகம் நிம்மதியையும்,மகிழ்ச்சியையும் தொலைத்துவிட்டு வாழவழியின்றி தவிக்கின்றது.

இனிய வாழ்விற்கு சுமூக உறவு அவசியம்.

சில வேளைகளில் பெரும் சுமையாக மாறினாலும் உறவுகள்தான் மனிதனின் பலமே! ஆபத்துகளில் கை கொடுக்க, துயரங்களில் ஆறுதல் அளிக்க, இன்ப-துன்பங்களில் உரிமையோடு பங்கெடுக்க உறவுகள் வேண்டும்.

وَهُوَ الَّذِىْ خَلَقَ مِنَ الْمَآءِ بَشَرًا فَجَعَلَهٗ نَسَبًا وَّ صِهْرًا‌  وَكَانَ رَبُّكَ قَدِيْرًا‏

“அவனே மனிதனை நீரால் படைத்தான்; அவனுக்குச் சொந்தங்களையும் பந்தங்களையும் ஏற்படுத்தினான். உம்முடைய இறைவன் பேராற்றல் உடையவன்” (25:54) என்கிறது திருக்குர்ஆன்.

மனிதனுக்குப் பிறப்பால் தாய், தந்தை, சகோதரன், சகோதரி போன்ற 25க்கும் அதிகமான சொந்தங்களும் திருமணத்தால் மாமனார், மாமியார் போன்ற 12க்கும் அதிகமான பந்தங்களும் கிடைப்பது எவ்வளவு பெரிய பலம்!

உறவுகள் மேம்பட இஸ்லாம் கூறும் வழிமுறைகள்.

முதலில் 1)அல்லாஹ்வின் திருப்பொருத்தை மாத்திரம் நாடி உறவைப்பேணுவது.பிரதிஉபகாரம் செய்தாலும்,செய்யாவிட்டாலும்,நன்றி செலுத்தினாலும்,செலுத்தாவிடினும் இறைப்பொருத்ததை நாடி செய்பவர் உறவை முறிக்கமாட்டார்.

உறவுகளில் விரிசல் ஏற்ப்பட முதல்முக்கிய காரணமே எதிர்ப்பார்ப்பதால் தான்.

"நான் இன்ன உபகாரம் செய்தால் அவர் பிரதிஉபகாரம் செய்வார் அல்லது நன்றி சொல்வார்"என்ற எதிப்பார்ப்போடு உபகாரம் செய்து அது நடக்காத போது சண்டையும்,பிரச்சனையும் உறவில் விரிசலும் ஏற்படுகிறது. 

இரண்டாவது2)உறவை வெட்டிவாழ்பவரோடும் சேர்ந்து வாழ்வது.

حديث عبد الله بن عمرو بن العاص -رضي الله تعالى عنهما- أن النبي ﷺ قال: ليس الواصل بالمكافِئ، ولكن الواصل الذي إذا قُطعت رحمه وصلها[1]. رواه البخاري.

“அவர் பேசினால் நானும் பேசுவேன்” என்று பதிலுக்குப் பதில் உறவாடுவது, உறவை மதிப்பதாகாது. உறவை முறித்துக்கொள்பவருடனும் உறவாடுவதே உறவை மதிப்பதாகும். 

மூன்றாவது3)தீங்கிழைத்தாலும் நன்மையேச் செய்வது.விட்டுக்கொடுத்து வாழ்வது.

நபி(ஸல்)அவர்களின் மக்கா வாழ்க்கையில் நபியை எதிர்த்தவர்கள்,ஏன் அவர்களின் உயிருக்கே ஆபத்தைவிளைவிக்க முயற்சித்தவர்கள் அவர்களின் உறவினர்கள் தாம்,

"ஃபத்ஹே மக்கா"மக்கா வெற்றியின் போது நாயகம் (ஸல்)அவர்கள் நினைத்திருந்தால் அவர்களை பழிவாங்கி பழித்தீர்த்திருக்கலாம் ஆனால் அவர்கள் அனைவருக்கும் பொதுமன்னிப்புவழங்கி தீங்கிழைத்தோரிடமும் நல்லமுறையில் நடந்துகாட்டினார்கள்.

عن أبي هريرة -رضي الله عنه- أن رجلاً قال: يا رسول الله، إن لي قَرابَة أصِلهم ويقطعوني، وأحسن إليهم ويُسيئُون إليَّ، وأحْلَمُ عنهم ويجهلون عليَّ، فقال: «لئن كنت كما قلت، فكأنما تُسِفُّهُمْ الْمَلَّ، ولا يزال معك من الله ظهير عليهم ما دمت على ذلك».رواه المسلم

நபிகள் நாயகம் (ஸல்) அவர்களிடம் நண்பர் ஒருவர் வந்து, “நான் உறவை மதித்து வாழ்கிறேன். ஆனால், உறவுகள் என்னைப் புறக்கணிக்கிறார்கள். அவர்களுக்கு நான் நன்மை செய்கிறேன்; அவர்களோ எனக்குத் தீங்கு செய்கின்றனர். அவர்களுடன் சகிப்புத்தன்மையோடு நடந்துகொள்கிறேன். அவர்களோ என்னைக் கண்டுகொள்வதே இல்லை” என்று முறையிட்டார்.

அப்போது நபிகளார், “நீ சொல்வதைப் போன்று நடந்துகொள்வது உண்மையென்றால், அவர்களின் வாயை அடைத்தவர் போலாகிவிடுவீர்கள்.இதே நிலையில் நீங்கள் நீடித்திருக்கும்வரை இறைவனிடமிருந்து ஓர் உதவியாளர் அவர்களுக்கெதிராக உங்களுடன் இருந்துகொண்டேயிருப்பார்" என்றார்கள்.

இந்த ஹதீஸ் இரு அறிவிப்பாளர் தொடர்களில் வந்துள்ளது.ஸஹீஹ் முஸ்லிம் (5000)

நான்காவது4)அன்பளிப்புகளை பறிமாறிக்கொள்வது உறவுகளுக்கிடையில் பாசத்தையும்,பிணைப்பையும் உண்டாக்கிக்கொள்ள இஸ்லாம் காட்டித் தரும் அழகான வழிமுறை.

حدثنا عمرو بن خالد قال حدثنا ضمام بن إسماعيل قال سمعت  موسى بن وردان عن أبى هريرة عن النبي صلى الله وسلم يقول تهادوا تحابوا               

நீங்கள் ஒருவருக்கொருவர் அன்பளிப்பு செய்து நேசத்தை ஏற்படுத்திக் கொள்ளுங்கள்.அறிவிப்பாளர் : அபூஹுரைரா (ரலி),நூல் : அல்அதபுல்முஃப்ரத்(590)

இறந்து விட்ட மனைவியின் உறவினர்களோடு மாநபி (ஸல்).

ஆயிஷா(ரலி) அறிவித்தார்கள்.

ஹாலா பின்த்து குவைலித் - கதீஜா(ரலி) அவர்களின் சகோதரி - இறைத்தூதர்(ஸல்) அவர்களிடம் வருவதற்கு அனுமதி கேட்டார். உடனே நபி(ஸல்) அவர்கள் (கதீஜா - ரலி - அவர்களைப் போன்ற குரலில் ஹாலாவும் அனுமதி கேட்ட காரணத்தால்)  கதீஜா(ரலி) அனுமதி கேட்கும் விதத்தை நினைவு கூர்ந்து கவனம் மாறி, 'இறைவா! இவர் ஹாலாவாக இருக்கட்டும்' என்று கூறினார்கள். உடனே நான் ரோஷமடைந்து இறந்துவிட்ட, தாடைகள் சிவந்த ஒரு குறைஷிக் கிழவியை ஏன் (எப்போது பார்த்தாலும்) நினைத்துக் கொண்டிருக்கிறீர்கள்? அவருக்கு பதிலாக அவரைவிடச் சிறந்த மனைவியை உங்களுக்கு அல்லாஹ் கொடுத்துவிட்டானே (அப்படியிருக்க, இன்னும் ஏன் அவரையே நினைத்துக் கொண்டிருக்கிறீர்கள்.)' என்று கேட்டேன். ஸஹீஹ் புகாரி (3821)

ஸஹாபாக்களின் நட்புறவு.

அப்துல்லாஹ் பின் தீனார் (ரஹ்) அவர்கள் கூறியதாவது:

அப்துல்லாஹ் பின் உமர் (ரலி) அவர்கள் மக்காவுக்குப் பயணம் மேற்கொண்டால், அவர்களுடன் கழுதையொன்று இருக்கும். ஒட்டக வாகனத்தில் பயணம் செய்து களைத்து விட்டால், அக்கழுதைமீது ஓய்வெடுத்துக்கொள்வார்கள். மேலும், தலைப்பாகையொன்றும் அவர்களிடம் இருந்தது. அதை அவர்கள் தமது தலையில் கட்டிக்கொள்வார்கள். இந்நிலையில் ஒரு நாள் அவர்கள் அந்தக் கழுதையில் (பயணம் செய்துகொண்டு) இருந்தபோது, கிராமவாசி ஒருவர் அவர்களைக் கடந்துசென்றார்.

உடனே அவரிடம் அப்துல்லாஹ் பின் உமர் (ரலி) அவர்கள், "நீங்கள் இன்ன மனிதரின் புதல்வரான இன்ன மனிதரல்லவா?" என்று கேட்டார்கள். அதற்கு அவர் ‘ஆம்" என்றார். உடனே அப்துல்லாஹ் (ரலி) அவர்கள், தமது கழுதையை அக்கிராமவாசியிடம் கொடுத்து "இதில் ஏறிக்கொள்ளுங்கள்" என்றார்கள்; தலைப்பாகையைக் கொடுத்து, "இதைத் தலையில் கட்டிக்கொள்ளுங்கள்" என்று கூறினார்கள்.

அப்போது அவர்களிடம் அவர்களுடைய தோழர்களில் சிலர், "அல்லாஹ் உங்களை மன்னிப்பானாக! தாங்கள் ஓய்வெடுப்பதற்காக (மாற்று வாகனமாகப்) பயன்படுத்திவந்த கழுதையை இந்தக் கிராமவாசிக்குக் கொடுத்துவிட்டீர்களே? (பயணத்தின்போது) தாங்கள் தலையில் கட்டிக்கொண்டிருந்த தலைப்பாகையையும் கொடுத்துவிட்டீர்களே?" என்று கேட்டார்கள்.

அதற்கு அப்துல்லாஹ் பின் உமர் (ரலி) அவர்கள், "அல்லாஹ்வின் தூதர் (ஸல்) அவர்கள், "நல்லறங்களில் மிகவும் சிறந்தது, ஒரு மனிதர் தம் தந்தை மறைந்தபின் அவருடைய அன்புக்குரியவர்களுடன் நல்லுறவு பாராட்டுவதாகும்" என்று கூறியதை நான் கேட்டுள்ளேன். இந்தக் கிராமவாசியின் தந்தை (என் தந்தை) உமர் (ரலி) அவர்களின் நண்பராக இருந்தார்" என்று சொன்னார்கள்.இந்த ஹதீஸ் இரு அறிவிப்பாளர்தொடர்களில் வந்துள்ளது. (ஸஹீஹ் முஸ்லிம் (4991)

உறவினர்களுக்கு செலவு செய்தல்.

يَسْأَلُونَكَ مَاذَا يُنْفِقُونَ ۖ قُلْ مَا أَنْفَقْتُمْ مِنْ خَيْرٍ فَلِلْوَالِدَيْنِ وَالْأَقْرَبِينَ وَالْيَتَامَىٰ وَالْمَسَاكِينِ وَابْنِ السَّبِيلِ ۗ وَمَا تَفْعَلُوا مِنْ خَيْرٍ فَإِنَّ اللَّهَ بِهِ عَلِيمٌ

தாம் எதைச் செலவிட வேண்டும் என்று உம்மிடம் கேட்கின்றனர். நல்லவற்றிலிருந்து நீங்கள் எதைச் செலவிட்டாலும் பெற்றோருக்காகவும், உறவினருக்காகவும், அனாதைகளுக்காகவும், ஏழைகளுக்காகவும், நாடோடிகளுக்காகவும் (செலவிடவேண்டும்). நீங்கள் எந்த நன்மையைச் செய்தாலும் அல்லாஹ் அதை நன்கறிந்தவன் எனக் கூறுவீராக. அல்குர்ஆன் 2:215..

உறவினர்களுக்கே முன்னுரிமை.

அனஸ் பின் மாலிக் (ரலி) அவர்கள் கூறியதாவது:

மதீனா அன்சாரிகளிலேயே அபூதல்ஹா (ஸைத் பின் சஹ்ல்-ரலி) அவர்கள் பெரும் செல்வராக இருந்தார். அவருடைய செல்வங்களில் "பைரஹா" எனும் தோட்டமே அவருக்கு மிகவும் விருப்பமானதாக இருந்தது. அது (மஸ்ஜிதுந் நபவீ) பள்ளிவாசலுக்கு எதிரில் இருந்தது. அல்லாஹ்வின் தூதர் (ஸல்) அவர்கள் அத்தோட்டத்திற்குச் சென்று அங்குள்ள நல்ல (சுவை) நீரை அருந்துவது வழக்கம். "நீங்கள் விரும்புகின்றவற்றிலிருந்து தானம் செய்யாதவரை ஒருபோதும் நீங்கள் (நிறைவான) பலனை அடையமாட்டீர்கள்" எனும் இந்த (3:92ஆவது) வசனம் அருளப்பெற்றபோது, அபூதல்ஹா (ரலி) அவர்கள் அல்லாஹ்வின் தூதர் (ஸல்) அவர்களிடம் எழுந்துசென்று, "அல்லாஹ் தனது வேதத்தில் "நீங்கள் விரும்புகின்றவற்றிலிருந்து தானம் செய்யாதவரை ஒருபோதும் நீங்கள் (நிறைவான) பலனை அடையமாட்டீர்கள்" எனக் கூறுகின்றான். என் செல்வங்களில் எனக்கு மிகவும் விருப்பமானது "பைரஹா" (எனும் இந்தத் தோட்டமே) ஆகும். (இனி) அது அல்லாஹ்வுக்காக (நான் வழங்கும்) தர்மமாகும். அதற்கான நன்மையையும் அது (மறுமையில் எனக்குரிய) சேமிப்பாக இருப்பதையும் நான் அல்லாஹ்விடம் எதிர்பார்க்கிறேன். ஆகவே, அல்லாஹ்வின் தூதரே! தாங்கள் விரும்பிய வழியில் அதைப் பயன்படுத்திக்கொள்ளுங்கள்" என்று சொன்னார்கள்.

அதற்கு அல்லாஹ்வின் தூதர் (ஸல்) அவர்கள் "நல்லது. அது (மறுமையில்) இலாபம் தரும் செல்வம்தானே! அது (மறுமையில்) இலாபம் தரும் செல்வம்தானே! நீங்கள் அது தொடர்பாகக் கூறியதை நான் செவியுற்றேன். அதை உங்கள் நெருங்கிய உறவினர்களிடையே (தானமாக) வழங்குவதையே நான் (உசிதமாகக்) கருதுகிறேன்" என்று சொன்னார்கள்.எனவே, அதை அபூதல்ஹா (ரலி) அவர்கள் தம் நெருங்கிய உறவினர்களுக்கும், தம் தந்தையின் சகோதரர் மக்களுக்கும் பங்கிட்டுக் கொடுத்து விட்டார்கள். (ஸஹீஹ் முஸ்லிம் (1821)

நல்லோர்களின் உபதேசம்

இமாம் ஜைனுல் ஆபிதீன் (ரஹ்) அவர்களின் மகன் முஹம்மது கூறுகிறார். எனது தந்தை ஐந்து வகையான மனிதர்களோடு எப்பொழுதும் சேராதே என்று எனக்கு வசிய்யத் செய்துள்ளார் .

1. "பாவி" இவன் ஒரு கவள உணவுக்கு. அதைவிட குறைவான பொருளுக்கு உன்னை விற்கவும் தயங்க மாட்டான். 

2."கஞ்சன்" உனக்கு மிகத் தேவையான பொருளை கூட உன்னை விட்டும் பிரிக்க தயங்க மாட்டான். 

3."பொய்யன்" அருகில் உள்ளதை உன்னை விட்டும் தூரமாக்குவான். தூரமானவற்றை சமீபமாக்கிக் காட்டுவான்.

4. "மடையன்"  இவன் உனக்கு உதவ நினைப்பான். ஆனால் முடிவு மோசமானதாகி விடும்.

5."உறவை முறித்து உறவினர்களுக்கு துன்பம் தருபவன்" இவன் இறை வேதத்தில் மூன்று இடங்களில் சபிக்கப்பட்டுள்ளதைக் கண்டுள்ளேன்.

உறவை முறிப்பது பெரும்பாவம்.                   وعن أَبي محمد جُبَيْرِ بنِ مُطْعِمٍ 

 أَنَّ رسولَ اللَّه ﷺ قَالَ: لا يَدْخُلُ الجَنَّةَ قَاطِعٌ، قَالَ سفيان في روايته: يَعْني: قاطِع رحِم. متفقٌ عَلَيهِ

உறவை முறித்துக்கொள்பவர் சொர்க்கம் செல்ல மாட்டார் என்பது நபிகளாரின் பொன்மொழி.

قال رسول الله -صلى الله عليه وسلم- : (مَن سَرَّهُ أنْ يُبْسَطَ له في رِزْقِهِ، وأَنْ يُنْسَأَ له في أثَرِهِ، فَلْيَصِلْ رَحِمَهُ).[١٠

. “வாழ்வாதாரம் விரிவடைய வேண்டும்; ஆயுள் அதிகமாக வேண்டும் என்று விரும்புகின்றவர் உறவுகளுடன் சேர்ந்து வாழட்டும்!” என்பதும் நபிமொழிதான். (புகாரீ, முஸ்லிம்)

உறவைப்பேணிவாழ்வதால் வாழ்வில் நிம்மதியும்,மகிழ்ச்சியும் கிடைப்பதோடு அல்லாஹ்வின் திருப்பொருத்தமும் கிடைக்கின்றது.                                          

எனவே அல்லாஹுத்தஆலா நம்மை உறவைப்பேணி வாழும் நல்லோர்களாக ஆக்கி அருள் புரிவானாக!ஆமீன்.


வெளியீடு -

செங்கல்பட்டு & காஞ்சிபுரம் மாவட்ட ஜமாஅத்துல் உலமா சபை.

Featured post

ஜும்ஆ பயான் 14/06/2024

தலைப்பு: குர்பானியின் சட்டங்கள். குர்பானி என்றால் என்ன? குர்பானி  என்பது இஸ்லாத்தின் மிக முக்கியமான வணக்கமாகும், இந்த புனித மாதத்தில் மில்லி...