Thursday, 7 July 2022

ஜும்ஆ பயான்08/07/2022

அரஃபா தின எழுச்சி பேருரை.

اَ لْيَوْمَ اَكْمَلْتُ لَـكُمْ دِيْنَكُمْ وَاَ تْمَمْتُ عَلَيْكُمْ نِعْمَتِىْ وَرَضِيْتُ لَـكُمُ الْاِسْلَامَ دِيْنًا‌ فَمَنِ اضْطُرَّ فِىْ مَخْمَصَةٍ غَيْرَ مُتَجَانِفٍ لِّاِثْمٍ‌ۙ فَاِنَّ اللّٰهَ غَفُوْرٌ رَّحِيْمٌ‏‏

இன்றைய தினம் உங்களுக்காக உங்கள் மார்க்கத்தை பரிபூர்ணமாக்கி விட்டேன்; மேலும் நான் உங்கள் மீது என் அருட்கொடையைப் பூர்த்தியாக்கி விட்டேன்; இன்னும் உங்களுக்காக நான் இஸ்லாம் மார்க்கத்தையே (இசைவானதாகத்) தேர்ந்தெடுத்துள்ளேன்; ஆனால் உங்களில் எவரேனும் பாவம் செய்யும் நாட்டமின்றி, பசிக் கொடுமையினால் நிர்ப்பந்திக்கப்பட்டு (மேலே கூறப்பட்ட விலக்கப்பட்டவற்றைப் புசித்து) விட்டால் (அது குற்றமாகாது). ஏனெனில் நிச்சயமாக அல்லாஹ் மிகவும் மன்னிப்பவனாகவும், கருணை மிக்கோனாகவும் இருக்கின்றான்.(அல்குர்ஆன் : 5:3)

நபிகள் நாயகம் முஹம்மது (ஸல்) அவர்கள்,அரஃபா பெருவெளியில் தங்களின் இறுதி ஹஜ்ஜில் உலக மாந்தர்களுக்கு ஆற்றிய நுபுவ்வத்தின் முடிவுரை,இறுதி சாசன உரை, தனக்குப் பின்னால் தன் உம்மத் பயணிக்கும் பாதையை தீர்மானிக்கக்கூடிய உரை,ஜாதி மதம் இனம் மொழி நிறம் என்கிற பெயரில் நடக்கும் வர்க்க பேதங்களுக்கு எதிரான உரை,மனிதநேயம் சமய நல்லிணக்கம் பெண்ணுரிமை அனாதை ஏழை எளியோர் அநீதமிழைக்கப்பட்டோர் என ஒட்டு மொத்த உலகத்தவரின் உரிமைகளை பேசிய உரை,நபிகளார் தன் வாழ்வில் நிகழ்த்திய உரைகளிலே மிக முக்கிய உரை அரஃபா பேருரையாகும்.

முன்னுரையும், முடிவுரையும்....

நபித்துவத்தின் நான்காம் ஆண்டு: வெளிப்படையாகப் பரப்புரை செய்யும்படி இறைவனிடமிருந்து கட்டளை வந்தது. சபா மலைக் குன்றில் ஏறி நபிகளார் புகழ்பெற்ற உரையை நிகழ்த்தினார்கள்.அதுவே நபியின் முதலுரை,முன்னுரை எனலாம்.

நபித்துவ வாழ்வில் 23 ஆண்டுகள் கழித்து நபிகளார் தனது இறுதி ஹஜ்ஜில் அரஃபாவில் பிரியா விடையாக ஆற்றிய உரை முடிவுரை.

நாயகம் (ஸல்)அவர்கள் முதல் அழைப்பு பணியை மக்களிடம் துவக்கிய போது தங்களின் நுபுவ்வத்திற்கு தங்கள் வாழ்வையே சான்றாக காட்டினார்கள்.

இறுதி ஹஜ்ஜில் இறுதிப் பேருரையில் தங்களின் நுபுவ்வத் பணியின் பொறுப்புகளை முழுமையாக,சரிவர நிறைவேற்றியதற்கு சான்றாக தாங்கள் உருவாக்கிய இஸ்லாமிய சமூகத்தை இலட்சதிற்கும் அதிமான ஸஹாபாத் தோழர்களை சாட்சிகளாக ஆக்கி சென்றார்கள்.

அதுவரை தன் தூய வாழ்வையே சான்றாக காட்டிய,தன் பொறுப்புகளை சரிவர நிறைவுச் செய்து அதற்கு சன்றாக பெரும் சமூகத்தை சாட்சியாக ஆக்கி சென்ற எந்த தீர்க்கதரிசியையோ,தலைவரையோ வரலாறு கண்டதில்லை.

ஹஜ்ஜதுல் விதாஃ எனும் இறுதி ஹஜ்.

ஞானப் பேரொளி கண்மணி நாயகம் (ஸல்)அவர்கள் ஹிஜ்ரி பத்தாம் ஆண்டில் துல்கஃதா மாதத்தில் (கிபி 632)ஹஜ்ஜுக்கான அறிவிப்பு செய்கிறார்கள்.

இதுவே நாயகம் (ஸல்)அவர்களின் வரலாற்றில் நிகழ்ந்த இறுதி ஹஜ் ஆகும். முதலாவதும் கடைசியுமான இந்த ஹஜ்ஜிக்கு "ஹஜ்ஜதுல் விதாஃ" எனப் பெயராகும்.

நாயகம் (ஸல்)அவர்கள் தங்களின் இறுதி ஹஜ்ஜை நிறைவு செய்துவிட்டு ஆற்றிய வரலாற்று சிறப்பு வாய்ந்த உரையே "அரஃபா பேருரை" ஆகும்.

இந்த ஹஜ்ஜிலே நாயகம் (ஸல்)அவர்களோடு இலட்சத்திற்கும் அதிகமான ஸஹாபாக்கள் பங்கேற்றார்கள்.

நாயகம் (ஸல்) அவர்கள் துல்கஃதா பிறை 24ஆம் நாள் குளித்து முடித்து,லுஹர் தொழுதுவிட்டு மதீனாவிலிருந்து புறப்படுகிறார்கள்.ஒன்பது நாள் பயணம் செய்து,துல்ஹஜ் பிறை நான்காம் நாள் திங்கட்கிழமை மக்கா சென்று அடைகிறார்கள். காபாவை கண்டதும் நபி ஸல் அவர்கள் "இறைவா!இவ்வில்லத்தை அதிகம் கண்ணியம் மிக்கதாகவும்,சிறப்புடையதாகவும் ஆக்கு "என துஆ செய்கிறார்கள்.

கஃபாவை தவாஃப் செய்துவிட்டு,ஸஃபா மர்வாவில் ஸஈ செய்துவிட்டு, துல்ஹஜ் பிறை எட்டாம் நாள் எல்லா இஸ்லாமியர்களையும் மினாவில் தங்குமாறு கட்டளையிடுகிறார்கள்.

அடுத்த நாள் நபியவர்கள் தங்களின் ஒட்டகத்தில் சவாரி செய்து,அரஃபா மைதானம் நோக்கி செல்கிறார்கள்.

அங்குதான் நாயகம் (ஸல்) அவர்கள் வரலாற்றுச் சிறப்புவாய்ந்த,பிரசத்தி பெற்ற உரையை நிகழ்த்துகிறார்கள்.அவ்வுரை ஒட்டுமொத்த இஸ்லாமிய போதனைகளின் சாராம்சமாகும்.

அரஃபா பேருரை..

அரபாவில் "நமிரா" என்ற இடத்தில் அவர்களுக்காக கூடாரம் ஒன்று அமைக்கப்பட்டிருந்தது. நடுப்பகல் நேரம் தாண்டியவுடன் தன் கஸ்வா ஒட்டகத்தைத் தயார்படுத்த செய்து அதில் வாகனித்து "பத்னுல் வாதி" என்ற இடத்திற்கு வந்தார்கள். அங்கு நபி (ஸல்) அவர்கள் அவர்களை சுற்றி ஒரு லட்சத்து இருபத்தி நான்காயிரம் முஸ்லிம்கள் அல்லது ஒரு லட்சத்து நாற்பத்தி நான்காயிரம் முஸ்லிம்கள் ஒன்றுகூடி இருந்தனர். அவர்களுக்கு மத்தியில் நின்று கொண்டு நபி ஸல்லல்லாஹ் உரையாற்றினார்கள்.

மக்களே மிகக் கவனமாக கேளுங்கள் ஏனெனில் இந்த ஆண்டிற்குப் பிறகு இந்த இடத்தில் உங்களை நான் சந்திப்பேனா என்று எனக்கு தெரியாது.

மக்களே இந்த துல்ஹஜ் மாதத்தையும் இந்த பிறை9 ஒன்பதாம் நாளையும் இந்த மக்கா நகரையும் புனிதமாக கருதுவது போல் உங்களில் ஒருவர் மற்றவரின் உயிரையும் பொருளையும் மானத்தையும் புனிதமாகக் கருதுங்கள்.

அநீதம் செய்ய வேண்டாம்...

ஒருவர் குற்றம் செய்தால் அக்குற்றத்தின் தண்டனையை அவருக்கு வழங்கப்படும். அவரது உறவினருக்கு அல்ல. தந்தை தன் பிள்ளைக்கு அநியாயம் செய்ய வேண்டாம். பிள்ளையும் தன் தந்தைக்கு அநியாயம் செய்ய வேண்டாம். தந்தையின் குற்றத்திற்காக பிள்ளையை அல்லது பிள்ளையின் குற்றத்தில் தந்தையை தண்டிக்கப்பட மாட்டாது.

பழிக்குப்பழி வேண்டாம்

அறிந்துகொள்ளுங்கள் அறியாமைக் காலத்தின் அனைத்து செயல்களையும் நான் என் கால்களுக்குக் கீழ் புதைத்து அளித்துவிட்டேன். அறியாமைக்கால கொலைகளுக்குப் பழி வாங்குவதை விட்டுவிடவேண்டும். முதலாவதாக என் குடும்பத்தில் கொலை செய்யப்பட்ட ரபீஆ இப்னு ஹாரிஸின் மகனுக்காக பழி வாங்குவதை நான் விட்டு விடுகிறேன். அறியாமைக்கால வட்டியும் தள்ளுபடி செய்யப்பட்டது. முதலாவதாக நான் என் குடும்பத்தாரின் வட்டியிலிருந்து அப்பாஸ் இப்னு அப்துல் முத்தலிப் உரித்தான வட்டியை முழுமையாக தள்ளுபடி செய்கிறேன்.

அல்லாஹ்வை வழிபடுங்கள்....

மக்களே எனக்குப்பின் எந்த ஒரு நபியும் இறைத்தூதரும் இல்லை. உங்களுக்குப்பின் எந்த ஒரு சமுதாயமும் இல்லை. உங்களைப் படைத்து காப்பவனான அல்லாஹ்வையே வணங்குங்கள். உங்களுக்கு விதிக்கப்பட்ட ஐவேளைத் தொழுகையை நிறைவேற்றுங்கள். ரமலான் மாதத்தில் நோன்பு வையுங்கள். மனமுவந்து உங்கள் செல்வத்துக்கான ஜகாத்தை நிறைவேற்றுங்கள். உங்கள் இறைவனின் இல்லத்தை ஹஜ் செய்யுங்கள். உங்கள் தலைவர்களுக்குக் கட்டுப்படுங்கள். மேற்கூறிய நற்செயல்களால் இறைவன் உங்களுக்காகப் படைத்துள்ள சுவனத்தில் நுழைவீர்கள்.

உங்கள் இறைவனை அதிவிரைவில் நீங்கள் சந்திப்பீர்கள். அவன் உங்கள் செயல்களைப் பற்றி உங்களிடம் விசாரணை செய்வான். எனக்குப் பிறகு நீங்கள் உங்களுக்குள் கொலை குற்றம் புரிந்து வழிகேடர்களாக மாறிட வேண்டாம். அறிந்து கொள்ளுங்கள்!! நிச்சயமாக சைத்தான் இந்த பூமியில் அவனை நீங்கள் வணங்குவதில் மிக எளிதாக கருதும் செயல்களில் அல்லாஹ்விற்கும் மாறு செய்து சைத்தானுக்கு வழிபாட்டுவிடுவீர்கள் அதனால் அவனோ மகிழ்ச்சி அடைவான்.

அல்லாஹ் நீயே சாட்சி

மக்களே அறிந்து கொள்ளுங்கள். உங்கள் இறைவன் ஒருவனே. உங்கள் தந்தையும் ஒருவரே. இறையச்சத்தை தவிர வேறு எந்த வகையிலும் ஓர் அரபி அரபி அல்லாதவரை விட . ஓர் அரபி அல்லாதவர் அரபியை விட .ஒரு வெள்ளையருக்கு கருப்பரை விட. ஒரு கருப்பருக்கு வெள்ளையரை விட . எந்தவித சிறப்பும் மேன்மையும் இல்லை.

மறுமையில் என்னை பற்றி உங்களிடம் விசாரிக்கும்போது நீங்கள் என்ன பதில் கூறுவீர்கள் என்று கேட்டார்கள். கூடியிருந்தோர் நிச்சயமாக நீங்கள் எங்களுக்கு எடுத்துரைத்தீர்கள். நிறைவேற்றினார்கள். நன்மையை நாடிநீர்கள். என நாங்கள் சாட்சி கூறுவோம் என்றார்கள். நபியவர்கள் தங்கள் ஆள்காட்டி விரலை வானை நோக்கி உயர்த்தி பின்பு மக்களை நோக்கி திரும்பி அல்லாஹ் இதற்கு நீயே சாட்சி என்று மூன்று முறை கூறினார்கள்.

இங்கு வந்திருப்பவர்கள் அனைவரும் இங்கு வராத மற்றவர்களுக்கு எடுத்துக் கூறுங்கள். ஏனெனில் இச் செய்தியை கேள்விப்படும் அவர்களில் சிலர் நேரடியாக கேட்பவர்களை விட நன்கு விளக்கம் உடையவர்களாக இருப்பார்கள்.

நபி ஸல்லல்லாஹு அலைஹி வஸல்லம் தங்கள் உரையை முழுமையாக முடித்த போது. இன்றைய தினம் நாம் உங்களுக்கு உங்கள் மார்க்கத்தை முழுமையாக்கி வைத்து என் அருளையும் உங்கள் மீது முழுமையாக்கி வைத்து விட்டோம் உங்களுக்கு இஸ்லாமை மார்க்கமாக பொருந்திக் கொண்டோம்(அல்குர்ஆன் 5.3)

என்ற வசனம் இறங்கியது.

கண்கலங்கிய உமர் (ரலி) அவர்கள்....

இந்த வசனத்தை கேட்ட உமர் ரலி கண் கலங்கினார்கள் நபி (ஸல்) உமரே! நீங்கள் அழுவதற்கு காரணம் என்ன என வினவினார்கள். அல்லாவின் தூதரே! நாங்கள் ஒவ்வொரு நாளும் மார்க்கத்தை அதிகம் அதிகம் தெரிந்து கொண்டே வந்தோம் இப்பொழுது மார்க்கம் முழுமையாகி விட்டது. முழுமையான ஒன்று மீண்டும் குறைய ஆரம்பித்து விடுமே என எண்ணி நான் அழுகிறேன் என உமர் (ரலி) கூறினார்கள். அதற்கு நபி (ஸல்) நீங்கள் உண்மைதான் கூறினீர்கள் என்றார்கள்.

யூதர்களின் கவலை....

தாரிக் பின் ஷிஹாப் (ரஹ்) அவர்கள் கூறியதாவது:

யூதர்களில் ஒருவர் (கலீஃபா) உமர் (ரலி) அவர்களிடம் வந்து, “இறைநம்பிக்கையாளர்களின் தலைவரே! நீங்கள் உங்கள் வேதத்தில் ஓதிக்கொண்டிருக்கும் ஒரு வசனம் யூத சமுதாயமாகிய எங்களுக்கு அருளப்பெற்றிருந்தால், அந்நாளை நாங்கள் பண்டிகை நாளாக ஆக்கியிருப்போம்” என்று கூறினார்.

உமர் (ரலி) அவர்கள், “அது எந்த வசனம்?” என்று கேட்டார்கள். அதற்கு அந்த யூதர்,

اَ لْيَوْمَ اَكْمَلْتُ لَـكُمْ دِيْنَكُمْ وَاَ تْمَمْتُ عَلَيْكُمْ نِعْمَتِىْ وَرَضِيْتُ لَـكُمُ الْاِسْلَامَ دِيْنًا‌

இன்று உங்களுடைய தீனை உங்களுக்காக நான் முழுமையாக்கி விட்டேன். எனது அருட் கொடையையும் உங்கள் மீது நான் நிறைவு செய்துவிட்டேன். இன்னும் உங்களுக்காக இஸ்லாத்தை உங்களுடைய தீன்வாழ்க்கை நெறியாக ஏற்றுக்கொண்டு விட்டேன்.

(அல்குர்ஆன் : 5:3)

எனும் இறைவசனம்தான் (அது) என்று கூறினார்.

உமர் (ரலி) அவர்கள், “அந்த வசனம் எந்த நாளில் அருளப்பெற்றது; எந்த இடத்தில் அருளப்பெற்றது என்பதையெல்லாம் நான் அறிவேன். அது அல்லாஹ்வின் தூதர் (ஸல்) அவர்கள் “அரஃபாத்” பெருவெளியில் இருந்தபோது, ஒரு வெள்ளிக்கிழமை தினத்தில் அருளப்பெற்றது” என்று கூறினார்கள்.

ஸஹீஹ் முஸ்லிம் : 5742.

(அர்ரஹீக் அல்மக்தூம் என்ற நூலிலிருந்து)

நிறைவு பேருரை....

وَقَالَ « إِنَّ دِمَاءَكُمْ وَأَمْوَالَكُمْ حَرَامٌ عَلَيْكُمْ كَحُرْمَةِ يَوْمِكُمْ هَذَا فِى شَهْرِكُمْ هَذَا فِى بَلَدِكُمْ هَذَا أَلاَ كُلُّ شَىْءٍ مِنْ أَمْرِ الْجَاهِلِيَّةِ تَحْتَ قَدَمَىَّ مَوْضُوعٌ وَدِمَاءُ الْجَاهِلِيَّةِ

يَا أَيُّهَا النَّاسُ ، أَلاَ إِنَّ رَبَّكُمْ وَاحِدٌ ، وَإِنَّ أَبَاكُمْ وَاحِدٌ ، أَلاَ لاَ فَضْلَ لِعَرَبِيٍّ عَلَى عَجَمِيٍّ ، وَلاَ لِعَجَمِيٍّ عَلَى عَرَبِيٍّ ، وَلاَ أَحْمَرَ عَلَى أَسْوَدَ ، وَلاَ أَسْوَدَ عَلَى أَحْمَرَ ، إِلاَّ بِالتَّقْوَى أَبَلَّغْتُ ، قَالُوا : بَلَّغَ رَسُولُ اللهِ ،

கண்மணி நாயகம் (ஸல்) அவர்கள் சொன்னார்கள்;அறியாமைக்கால அனைத்து பழக்கவழக்கங்களும் என் பாதத்திற்கு கீழே புதைந்து விட்டன.

மக்களே!நிச்சயமாக உங்களின் அல்லாஹ் ஒருவனாக இருக்கிறான்.உங்களின் தந்தையும் ஒருவராக இருக்கிறார். ஒரு அரபிக்கு அரபி அல்லாதவரை விடவோ,ஒரு அரபி அல்லாதவருக்கு அரபியை விடவோ எந்த சிறப்பும் கிடையாது.

ஒரு வெள்ளையனர் கருப்பரை விட சிறப்பானவர் அல்லர்.

சிறப்பின் அளவுகோல் இறையச்சத்தில் உள்ளது.

அனைத்து முஸ்லிம்களும் சகோதரர்கள் ஆவார்கள்.

அடிமைகளுடன் நல்ல முறையில் நடந்து கொள்ளுங்கள்.நீங்கள் உண்ணுவதையே அவர்களுக்கும் கொடுங்கள்.நீங்கள் உடுத்துவதையே அவர்களுக்கும் கொடுங்கள்.

فَإِنَّهُ مَوْضُوعٌ كُلُّهُ أَلاَ وَإِنَّ كُلَّ دَمٍ كَانَ فِى الْجَاهِلِيَّةِ مَوْضُوعٌ وَأَوَّلُ دَمٍ أَضَعُ مِنْ دِمَاءِ الْجَاهِلِيَّةِ دَمُ الْحَارِثِ بْنِ عَبْدِ الْمُطَّلِبِ كَانَ مُسْتَرْضِعًا فِى بَنِى لَيْثٍ فَقَتَلَتْهُ هُذَيْلٌ

அறியாமைக்கால கொலைகளுக்கு பழி வாங்குவதை விட்டுவிட வேண்டும்.அனைத்தையும் நான் மன்னித்து விட்டேன்.முதலாவதாக எனது குடும்பத்தில் கொல்லப்பட்ட ராபிஆ இப்னு ஹாரிஸின் மகனுக்காக பழிவாங்குவதை நான் விட்டுவிட்டேன்.

أَلاَ وَإِنَّ كُلَّ رِبًا فِى الْجَاهِلِيَّةِ مَوْضُوعٌ لَكُمْ رُءُوسُ أَمْوَالِكُمْ لاَ تَظْلِمُونَ وَلاَ تُظْلَمُونَ غَيْرَ رِبَا الْعَبَّاسِ بْنِ عَبْدِ الْمُطَّلِبِ

அறியாமைக்கால வட்டியும் தள்ளுபடி செய்யப்பட்டது.முதலாவதாக எனது குடும்பத்தில் அப்பாஸ் இப்னு அப்துல் முத்தலிப் அவர்களுக்கு உரித்தான வட்டியை முழுவதுமாக தள்ளுபடி செய்கிறேன்.

أَلاَ وَاسْتَوْصُوا بِالنِّسَاءِ خَيْرًا فَإِنَّمَا هُنَّ عَوَانٌ عِنْدَكُمْ لَيْسَ تَمْلِكُونَ مِنْهُنَّ شَيْئًا غَيْرَ ذَلِكَ إِلاَّ أَنْ يَأْتِينَ بِفَاحِشَةٍ مُبَيِّنَةٍ فَإِنْ فَعَلْنَ فَاهْجُرُوهُنَّ فِى الْمَضَاجِعِ وَاضْرِبُوهُنَّ ضَرْبًا غَيْرَ مُبَرِّحٍ فَإِنْ أَطَعْنَكُمْ فَلاَ تَبْغُوا عَلَيْهِنَّ سَبِيلاً أَلاَ إِنَّ لَكُمْ عَلَى نِسَائِكُمْ حَقًّا وَلِنِسَائِكُمْ عَلَيْكُمْ حَقًّا فَأَمَّا حَقُّكُمْ عَلَى نِسَائِكُمْ فَلاَ يُوطِئْنَ فُرُشَكُمْ مَنْ تَكْرَهُونَ وَلاَ يَأْذَنَّ فِى بُيُوتِكُمْ مَنْ تَكْرَهُونَ أَلاَ وَإِنَّ حَقَّهُنَّ عَلَيْكُمْ أَنْ تُحْسِنُوا إِلَيْهِنَّ فِى كِسْوَتِهِنَّ وَطَعَامِهِنَّ »

மக்களே!பெண்களின் விஷயத்தில் அல்லாஹ்வை அஞ்சிக் கொள்ளுங்கள்.உங்களுக்கு அவர்களிடம் சில உரிமைகள் இருக்கின்றது.அவர்களுக்கு உங்களிடம் சில உரிமைகள் இருக்கின்றது.அவர்களிடம் மென்மையாக நடந்து கொள்ளுங்கள்.இரக்கத்தோடு நடந்துகொள்ளுங்கள்.

فَإِنَّ دِمَاءَكُمْ وَأَمْوَالَكُمْ وَأَعْرَاضَكُمْ عَلَيْكُمْ حَرَامٌ كَحُرْمَةِ يَوْمِكُمْ هَذَا فِى بَلَدِكُمْ هَذَا فِى شَهْرِكُمْ هَذَا أَلاَ لاَ يَجْنِى جَانٍ إِلاَّ عَلَى نَفْسِهِ وَلاَ يَجْنِى وَالِدٌ عَلَى وَلَدِهِ وَلاَ وَلَدٌ عَلَى وَالِدِهِ أَلاَ إِنَّ الْمُسْلِمَ أَخُو الْمُسْلِمِ فَلَيْسَ يَحِلُّ لِمُسْلِمٍ مِنْ أَخِيهِ شَىْءٌ إِلاَّ مَا أَحَلَّ مِنْ نَفْسِهِ أَلاَ

எவ்விதம் நீங்கள் இந்த மாதத்தையும் இந்த இடத்தையும் இந்த நாளையும் கண்ணியப்படுத்துகிறீர்களோ, அவ்விதமே உங்களின் உயிரும் உடமைகளும் அடுத்தவரின் மீது ஹராம் ஆகும். எப்பொருள் எவர் கைவசம் உள்ளதோ,அது அடுத்தவருக்கு ஹராமாகும். மனமுவந்து கொடுத்தாலே தவிர!

நாயகம் (ஸல்) அவர்கள் மேலும் சொன்னார்கள்;நான் உங்களிடம் ஒன்றை விட்டுச் செல்கிறேன்.அதனை நீங்கள் உறுதியாக பற்றி பிடிப்பீர்களேயானால் வழி தவற மாட்டீர்கள்.அது அல்லாஹ்வின் வேதமாகும்.

« يَا أَيُّهَا النَّاسُ اتَّقُوا اللَّهَ وَإِنْ أُمِّرَ عَلَيْكُمْ عَبْدٌ حَبَشِىٌّ مُجَدَّعٌ فَاسْمَعُوا لَهُ وَأَطِيعُوا مَا أَقَامَ لَكُمْ كِتَابَ اللَّهِ

மக்களே!உங்களுக்கு அபிசீனிய நாட்டின் ஒரு கறுப்பின அடிமை தலைவராக ஆனாலும், அவர் இறை வேதத்தின் வழியில் உங்களை வழி நடத்தினால் அவருக்கு கட்டுப்படுங்கள்.

قَالَ: «اعْبُدُوا رَبَّكُمْ، وَصَلُّوا خَمْسَكُمْ، وَصُومُوا شَهْرَكُمْ، وَأَدُّوا زَكَاةَ أَمْوَالِكُمْ، وَأَطِيعُوا ذَا أَمْرِكُمْ تَدْخُلُوا جَنَّةَ رَبِّكُمْ

உங்களின் ரப்பை வணங்குங்கள்.தொழுகுங்கள். நோன்பு வையுங்கள்.எனது கட்டளைகளை பின்பற்றுங்கள். நீங்கள் சொர்க்கம் செல்வீர்கள்.

நாயகம் (ஸல்) அவர்கள் சொன்னார்கள்;அமலில் மனத்தூய்மை முஸ்லிம்களுக்கு சிறந்ததாகும்.ஜமாஅத்தில் ஒன்றுபட்டு ஒற்றுமையாக இருப்பது உள்ளம் பரிசுத்தமாக இருப்பதன் அடையாளமாக இருக்கின்றது.

இந்த உரையின் இறுதியில் மக்களை நோக்கி "இங்கு வந்திருப்பவர்கள், வராதவர்களுக்கு இந்த வழிகாட்டல்களை எடுத்துச் சொல்லட்டும்; விஷயம் சென்று சேருபவர்களில் சிலர், நேரடியாக கேட்பவரைவிட நன்கு ஆராயும் தன்மை உடையவராக இருக்கலாம்." என்று கூறியதாக (ஸஹீஹுல் புகாரி) பதியப்பட்டுள்ளது.

புனித மாதங்கள்

அரபுகள்,சில பழக்கவழக்கங்களை தவிர பெரும்பாலும் ஹழ்ரத் இப்ராஹீம் (அலைஹி)அவர்களின் வழிமுறையின் படியே ஹஜ் செய்து கொண்டிருந்தனர்.அவற்றில் ஹஜ் காலங்களில் இரத்தம் ஓட்டுவது ஹராமாக இருந்தது.எனவே அரபுகள் ஹஜ் காலங்களில் போர் செய்வதை தடை செய்திருந்தனர்.

இஸ்லாம் வந்ததற்கு பின்னால் ஹஜ் அதன் தூய வடிவில் முழுமை பெற்ற போது, நாயகம் (ஸல்) அவர்கள் பிரகடனம் செய்தார்கள்;வருடத்தில் நான்கு மாதங்கள் (போர் செய்வது ஹராமான) சங்கையான மாதங்களாகும்.அவற்றில் தொடர்ந்து வரும் துல்கஃதா,துல்ஹஜ்,முஹர்ரம் ஆகிய 3 மாதங்களும்,நான்காவது ரஜபு மாதமும் ஆகும்.

உலகில் நீதி நேர்மை இன்னும் நம்பிக்கை நாணயம் ஆகியனவற்றில் சாரம்சம் இந்த மூன்று விஷயங்களில் இருக்கின்றன.(அவை)உயிர், பொருள் மற்றும் அடுத்தவர்களின் பாதுகாப்பு. (ஆகிய மூன்று விஷயம்)

புனிதம் பேணுக!

கண்மணி நாயகம் (ஸல்) அவர்கள் இன்னும் தெளிவான வார்த்தைகளில் தங்களின் பிரசங்கத்தை தொடர்ந்தார்கள்;

1742- حَدَّثَنَا مُحَمَّدُ بْنُ الْمُثَنَّى ، حَدَّثَنَا يَزِيدُ بْنُ هَارُونَ ، أَخْبَرَنَا عَاصِمُ بْنُ مُحَمَّدِ بْنِ زَيْدٍ ، عَنْ أَبِيهِ ، عَنِ ابْنِ عُمَرَ ، رَضِيَ اللَّهُ عَنْهُمَا ، قَالَ

قَالَ النَّبِيُّ صلى الله عليه وسلم بِمِنًى أَتَدْرُونَ أَيُّ يَوْمٍ هَذَا قَالُوا اللَّهُ وَرَسُولُهُ أَعْلَمُ فَقَالَ فَإِنَّ هَذَا يَوْمٌ حَرَامٌ أَفَتَدْرُونَ

أَيُّ بَلَدٍ هَذَا قَالُوا اللَّهُ وَرَسُولُهُ أَعْلَمُ قَالَ بَلَدٌ حَرَامٌ أَفَتَدْرُونأَيُّ شَهْرٍ هَذَا قَالُوا اللَّهُ وَرَسُولُهُ أَعْلَمُ قَالَ شَهْرٌ حَرَامٌ قَالَ : فَإِنَّ اللَّهَ حَرَّمَ عَلَيْكُمْ دِمَاءَكُمْ وَأَمْوَالَكُمْ وَأَعْرَاضَكُمْ كَحُرْمَةِ يَوْمِكُمْ هَذَا فِي شَهْرِكُمْ هَذَا فِي بَلَدِكُمْ هَذَا

அப்போது, 'மக்களே! இது எந்த நாள்?' எனக் கேட்டார்கள். மக்கள் 'புனிதமிக்க தினம்' என்றனர். பிறகு நபி(ஸல்) அவர்கள் 'இது எந்த நகரம்?' எனக் கேட்டதும் மக்கள் 'புனிதமிக்க நகரம்' என்றனர். பிறகு அவர்கள் 'இது எந்த மாதம்?' எனக் கேட்டதும் மக்கள் 'புனிதமிக்க மாதம்!' என்றனர். பிறகு நபி(ஸல்) அவர்கள், 'நிச்சயமாக உங்களுடைய இந்த மாதத்தில், உங்களுடைய இந்த நாள் எவ்வாறு புனிதம் பெற்று விளங்குகிறதோ அவ்வாறே உங்களின் உயிர்களும் உடைமைகளும் கண்ணியமும் உங்களுக்குப் புனிதமானவையாகும்!' எனப் பல முறை கூறினார்கள். பிறகு தலையை உயர்த்தி, 'இறைவா! நான் (உன் மார்க்கத்தை) சேர்ப்பித்து விட்டேனா? இறைவா! நான் (உன் மார்க்கத்தை) சேர்ப்பித்து விட்டேனா?' என்றும் கூறினார்கள். என்னுடைய உயிர் யாருடைய கைவசம் உள்ளதோ அ(வ்விறை)வன் மீது ஆணையாக! இது அவர்கள் தங்களின் சமுதாயத்திற்கு வழங்கிய இறுதி உபதேசமாகும். பின்னர் 'இங்கு வந்தவர்கள் வராதவர்களுக்கு அறிவித்து விடுங்கள்! என்னுடைய மரணத்திற்குப் பின் நீங்கள் ஒருவரோடொருவர் சண்டையிட்டு நிராகரிப்பவர்களாகி விட வேண்டாம்!' என்று இறைத்தூதர்(ஸல்) அவர்கள் கூறினார்கள். (நூல்:ஸஹீஹ் புகாரீ1739.அறிவிப்பவர்:இப்னு அப்பாஸ்(ரலி)அவர்கள்)

கண்மணி நாயகம் ஸல் அவர்கள் ஹஜ்ஜத்துல் விதாஃ பிரசங்கத்தில் மனிதவாழ்வின் அடிப்படைகளான عبادات ، வணக்க வழிபாடு معاشرت வாழ்க்கைமுறை معاملات கொடுக்கல் வாங்கல் اخلاق குணநலன்கள் ஆகிய நான்கின் சீர்திருத்தத்தை பேசியதோடு மட்டுமல்லாமல் தங்களின் வாழ்வில் நடைமுறைப்படுத்தியும் காட்டினார்கள்.

பகைமை பாரட்டாதீர்...

அறியாமைக்கால அனாச்சாரங்களையும், அட்டூழியங்களையும் ஒழித்தார்கள். அரபுகள் மற்ற இனத்தவர்களை இழிவாக கருதினார்கள்.அவர்களிடம் மற்றவர்களின் உயிருக்கோ பொருளுக்கோ எந்த மதிப்பும் கிடையாது.அடுத்தவரின் பொருளை அபகரிப்பதும்,அடுத்தவரோடு சண்டையிடுவதும் கொலை செய்வதும் அவர்களின் வழமையாக இருந்தது.

நாயகம் (ஸல்) அவர்கள் தங்களின் இறுதிப்பேருரையில்:மக்கள் தங்களுக்கிடையில் நல்ல முறையில் நடந்து கொள்வதன் அவசியத்தை உணர்த்தினார்கள்.பகைமை வளர்த்துக் கொள்வதும்,கொலை செய்து கொள்வதும் ஹராம் என பிரகடனப்படுத்தினார்.

நீங்கள் இம்மாதத்தையும் இன்நாளையும் இவ்விடத்தையும் புனிதமாக கருதுவதை போல உங்களின் உயிரும்,உடமைகளும் புனிதமானவைதாகும். உங்களில் ஒருவர் மற்றவரின் புனிதத்தை பேணுங்கள்.

உங்களுக்கிடையில் நல்ல முறையில் நடந்து கொள்ளுமாறு நான் உத்தரவிடுகிறேன். ஒரு முஸ்லிமும் மற்ற முஸ்லிமுக்கு சகோதரர் ஆவார்.எனவே உங்களுக்கிடையில் சுக துக்கங்களில் பங்கெடுத்துக் கொள்ளுங்கள்.

அறியாமைக்கால அரபிகளிடம் பழிக்குப் பழி வாங்குவது எழுதப்படாத சட்டமாக நடைமுறையில் இருந்தது.ஒன்றுமில்லாத காரணங்களுக்காக தலைமுறை தலைமுறையாக சண்டையிட்டுக் கொண்டிருந்தனர்.

அறியாமைக் காலத்தில் இருந்த அனைத்து பழிவாங்குதலயும் நீங்கள் விட்டுவிட வேண்டும்.எனக்கூறி முதலில் தங்களின் குடும்பத்தவர்களி லிருந்து பழிவாங்குதலை மன்னித்தார்கள். இந்த நடவடிக்கை அரபிகள் ஆட்சி அதிகாரம் கைப்பற்றுவதில் ஒரு முன்னேற்றத்தை ஏற்படுத்தியது. இனி அரபு தேசம் மக்கள் வாழ்வதற்கு தகுதியான நிம்மதியான இடம் என்பதனை கண்மணி நாயகம் (ஸல்)அவர்கள் உறுதிப்படுத்தினார்கள்.

வட்டியை விட்டொழியுங்கள்..

அறியாமை கால அரபுகளிடம் வட்டி எனும் கொடிய பழக்கம் வேருன்றி இருந்தது.யூதர்களின் பழக்கமான வட்டி,சிறுக சிறுக அரபகம் முழுவதும் பெரும் நோயாக பரவியிருந்தது.

வட்டியின் பெயரால் பல அத்துமீறல்களை நிகழ்த்திக் கொண்டிருந்தனர். வட்டிக்கு பகரமாக ஏழைகளை அடிமைகளாக்கி கொண்டனர், மற்ற குலத்தவர்களின் பெண்களையும், குழந்தைகளையும் அடமானமாக எடுத்துக்கொண்டனர்.

இந்த அட்டூழியங்களுக்கு முற்றிபுள்ளி வைத்திட, கண்மணி நாயகம் (ஸல்) அவர்கள் அனைத்து விதமான வட்டியையும் தடை செய்தார்கள்.முதலாவதாக தங்களின் குடும்பத்தவர்களுக்கு உரித்தான வட்டியை தள்ளுபடி செய்தார்கள்.

பெண்களை மதிப்புடன் நடத்துங்கள்!

அறியாமைக்கால அரபியர்கள் பெண்களை அடிமைகளை விடவும் இழிவாக நடத்தினார்கள்.பெண்களை போகப்பொருளாக கருதினார். ஒரு வீட்டில் தந்தை இறந்துவிட்டால் அவரின் மகன் அவனின் தாயைத் தவிர தந்தையின் மற்ற மனைவியர்களை அடிமைகளாக ஆக்கி கொள்வார்.

பெண்கள் குறித்து அல்லாஹ்வை அஞ்சிக் கொள்ளுங்கள். அல்லாஹ்வின் அமானிதமாக அவர்களை நீங்கள் அடைந்திருக்கிறீர்கள். அவனது நாட்டப்படி அவர்களை நீங்கள் மனைவியாக ஏற்று இருக்கிறீர்கள். அவர்கள் உங்களுக்குச் செய்ய வேண்டிய கடமையாவது நீங்கள் விரும்பாதவர்களை உங்கள் இல்லத்திற்குள் அவர்கள் அனுமதிக்கக் கூடாது. மீறி அனுமதித்தால் காயம் ஏற்படாத வகையில் அடியுங்கள். நீங்கள் அவர்களுக்கு செய்ய வேண்டிய கடமை யாதெனில் நல்ல முறையில் அவர்களுக்கு உணவும் ஆடையும் அளிக்க வேண்டும்.

உலக வரலாற்றிலேயே முதல்முறையாக ஆண்களும் பெண்களும் சம உரிமை உடையவர்கள் என நாயகம் ஸல் அவர்கள் சூளுரைத்தார்.

அடிமைகளிடம் அன்புக்காட்டுங்கள்..

அறியாமைக் காலத்தில் அடிமைகளின் நிலை மிக மோசமாக இருந்தது. நாயகம் (ஸல்) அவர்கள் சொன்னார்கள்;அடிமைகளும் அல்லாஹ்வின் படைப்பினர் தாம்.

ஆதம் (அலை)அவர்களின் பிள்ளைகள் தாம்.உங்களுக்கு இருப்பதைப் போன்ற உணர்வுகள் அவர்களுக்கும் இருக்கின்றது.எனவே அவர்களோடு நல்ல முறையில் நடந்து கொள்ளுங்கள்.நீங்கள் உண்ணுவதை அவர்களுக்கும் உண்ணக் கொடுங்கள்.நீங்கள் உடுத்துவதையே அவர்களையும் உடுத்த வையுங்கள். இன்றுள்ள அனைத்து வேற்றுமைகளையும் தடை செய்தார்கள்.

ஜைத் இப்னு ஹாரிஸா(ரலி)உஸமா இப்னு ஜைது ஆகிய இரண்டு அடிமைகளை இஸ்லாமியப் படைகளுக்கு தலைவர்கள் ஆக்கி அதனை நடைமுறைப்படுத்தி காட்டினார்கள்.

பிறப்பால் உயர்வு தாழ்வு காட்டாதீர்கள்!

இன்று உலகில் நிகழக்கூடிய அனைத்து பிரச்சினைகளுக்கும் அடிப்படை காரணம், இனம் மற்றும் நிற வேற்றுமைகளாகும். இஸ்லாம் தோன்றிய காலத்திலிருந்து இன்றுவரை குறிப்பாக வெள்ளையர்களின் கோட்டைகளாக உள்ள அமெரிக்கா மற்றும் பிரான்ஸில் நிறவெறி உச்சத்தில் இருக்கின்றது.அவர்கள் கருப்பின நீக்ரோக்களை மனிதர்களாகக்கூட மதிப்பது கிடையாது.அவர்களின் மீது மனித உரிமை அத்துமீறல்களை இன்றும் நடத்திக் கொண்டிருக்கிறார்கள்.

இவ்வகையான அனைத்து மத இன நிற மொழி பேதங்களை நாயகம் (ஸல்)அவர்கள் தடை செய்தார்கள். அல்லாஹ்விடம் மனிதர்கள் அனைவரும் சமமானவர்கள் ஆவார்கள்.அரபியை விட அஜமியோ,அஜமியை விட அரபியோ எவ்வகையிலும் உயர்ந்தோர் தாழ்ந்தோர் கிடையாது. அல்லாஹ்விடம் கண்ணியம், தக்வா எனும் இறையச்சத்தில் உள்ளது.

நபி (ஸல்) அவர்களின் இந்த போதனையை உலகில் நடைமுறைப்படுத்தினால் அனைத்து பிரச்சினைகளையும் முடிவுக்கு கொண்டு வந்து விடலாம்.

தலைமைக்கு கட்டுப்படுங்கள்..

எந்த அரசும்,மதமும் தலைமைக்கு கட்டுப்படாமல்,ஓரணியில் ஒன்று படாமல் முன்னேறமுடியாது. இதனை இஸ்லாமியர்களுக்கு உணர்த்தவே தலைமைக்கு கட்டுப்படுதலை வலியுறுத்தினார்கள். மூக்கு அறுபட்ட அபீஸீனாவை சார்ந்த கறுப்பினத்தவர்,குர்ஆன்,ஹதீஸ் வழியில் உங்களை வழிநடத்தி தலைமை தாங்கினால் அவருக்கும் நீங்கள் கட்டுப்பட வேண்டும்.

ஒற்றுமையை பேனுங்கள் .....

ஓர் சமூகம் உயர வேண்டுமானால் ஓரணியில் ஒன்றுபட வேண்டும்.குடும்ப பெருமை,கோத்திர பெருமை,வசதிவாய்ப்புகளை வைத்து எந்த சமூகமும் முன்னேற முடியாது.

இதனாலே நாயகம் (ஸல்)அவர்கள் ஒற்றுமையின் அவசியத்தை வலியுறுத்தினார்கள். அமலில் மனத்தூய்மை முஸ்லிம்களுக்கு சிறந்ததாகும்.ஜமாஅத்தில் ஒன்றுபட்டு ஒற்றுமையாக இருப்பது உள்ளம் பரிசுத்தமாக இருப்பதன் அடையாளமாக இருக்கின்றது.

முறைதவறி நடக்காதீர்கள்!..

சமூகத்தில் தனிமனித ஒழுக்கம்,சுயகட்டுப்பாடு அவசியம் அது இல்லையெனில் சமூக அமைப்பு சீர்க்கெட்டுவிடும்.

இன்று மேற்கத்திய நாடுகளில் சுதந்திரம் என்கிற பெயரில் தனிமனித ஒழுக்கமும்,சுய கட்டுப்பாடும் இல்லாமல் போனாதால் விபச்சாரம்,ஓரினச்சேர்கை,பாலியல் அத்துமீறல்கள் அதிகமாகி சமூக அமைப்பே சீர்குழைந்துப் போய் இருப்பதை கணலாம். விளைவு தகப்பன் பெயர் தெரியாத பிள்ளைகள் அந்நாடுகளில் அதிகமாகி வருவதாக புள்ளி விவரங்கள் தெரிவிக்கின்றன.

இவ்விதமான சீர்கேடுகளை விட்டொழிக்கும் படி நாயகம் (ஸல்) அவர்கள் வலியுறுத்தினார்கள்.

عَنْ أَبِي أُمَامَةَ البَاهِلِيِّ قَالَ

سَمِعْتُ رَسُولَ اللهِ صَلَّى اللَّهُ عَلَيْهِ وَسَلَّمَ يَقُولُ فِي خُطْبَتِهِ عَامَ حَجَّةِ الوَدَاعِ : إِنَّ اللَّهَ تَبَارَكَ وَتَعَالَى قَدْ أَعْطَى لِكُلِّ ذِي حَقٍّ حَقَّهُ ، فَلاَ وَصِيَّةَ لِوَارِثٍ ، الوَلَدُ لِلْفِرَاشِ ، وَلِلْعَاهِرِ الحَجَرُ ، وَحِسَابُهُمْ عَلَى اللهِ ، وَمَنْ ادَّعَى إِلَى غَيْرِ أَبِيهِ أَوْ انْتَمَى إِلَى غَيْرِ مَوَالِيهِ فَعَلَيْهِ لَعْنَةُ اللهِ التَّابِعَةُ إِلَى يَوْمِ القِيَامَةِ ، لاَ تُنْفِقُ امْرَأَةٌ مِنْ بَيْتِ زَوْجِهَا إِلاَّ بِإِذْنِ زَوْجِهَا

அறிந்து கொள்ளுங்கள்! குழந்தை விரிப்புக்கே சொந்தமானது. (அனுமதிக்கப்பட்ட திருமண உறவுடன் இருக்கும் கணவனுக்கே குழந்தை உரியதாகும்) மணமுடித்துக் கொண்ட பிறகும் விபசாரம் செய்பவர் கல்லெறிந்து கொல்லப்பட வேண்டும். எவர் தம் தந்தை அல்லாதவரை தம்முடைய தந்தையாக அழைக்கிறாரோ, எவர் தம் உரிமையாளர் அல்லாதவருடன் தம்மை இணைத்துக் கொள்கிறாரோ, அவர்கள் மீது அல்லாஹ்வுடைய, வானவர்களுடைய இன்னும், மக்கள் அனைவருடைய சாபமும் உண்டாகட்டும்! அவர்களின் கடமையான உபரியான எந்த வணக்கமும் ஏற்றுக் கொள்ளப்படாது.

முழுமைப் பெற்ற மார்க்கம் இஸ்லாம்...

இஸ்லாம் முழுமையாகி விட்டது!

وَأَنْتُمْ تُسْأَلُونَ عَنِّى فَمَا أَنْتُمْ قَائِلُونَ ». قَالُوا نَشْهَدُ أَنَّكَ قَدْ بَلَّغْتَ وَأَدَّيْتَ وَنَصَحْتَ. فَقَالَ بِإِصْبَعِهِ السَّبَّابَةِ يَرْفَعُهَا إِلَى السَّمَاءِ وَيَنْكُتُهَا إِلَى النَّاسِ « اللَّهُمَّ اشْهَدِ اللَّهُمَّ اشْهَدْ ». ثَلاَثَ مَرَّاتٍ

இறுதியில் மக்களை நோக்கி, மறுமை நாளில் உங்களிடம் என்னைப் பற்றி விசாரிக்கப்படும்போது நீங்கள் என்ன சொல்வீர்கள்? என்று கேட்டார்கள். அதற்கு மக்கள், ”நீங்கள் (மார்க்க போதனைகள் அனைத்தையும் எங்களிடம்) தெரிவித்து விட்டீர்கள்; (உங்களது தூதுத்துவப் பொறுப்பை) நீங்கள் நிறைவேற்றி விட்டீர்கள்; (சமுதாயத்திற்கு) நன்மையை நாடினீர்கள் என நாங்கள் சாட்சியம் அளிப்போம் என்றார்கள். உடனே அல்லாஹ்வின் தூதர் அவர்கள், தமது ஆட்காட்டி விரலை வானை நோக்கி உயர்த்தி சைகை செய்துவிட்டுப் பிறகு, அதை மக்களை நோக்கித் தாழ்த்தி ”இறைவா! இதற்கு நீயே சாட்சி! இறைவா! இதற்கு நீயே சாட்சி! இறைவா! இதற்கு நீயே சாட்சி! என்று முடித்தார்கள். (ஸஹீஹ் முஸ்லிம் 2334)

‘இஸ்லாம் முழுமையாகி விட்டது!’ இவ்வாறு நபி(ஸல்) அவர்கள் கூறிய அதே இடத்தில் அல்லாஹ்வின் புறத்திலிருந்து கீழ்வருமாறு இறைவசனம் இறங்கியது:

”இன்றைய தினம் உங்களுக்காக உங்களுடைய மார்க்கத்தை முழுமையாக்கி விட்டேன்; மேலும், நான் உங்கள் மீது என் அருட்கொடையைப் பூர்த்தியாக்கி விட்டேன்; இன்னும், உங்களுக்காக நான் இஸ்லாம் மார்க்கத்தையே தேர்ந்தெடுத்துக் கொண்டேன். (அங்கீகரித்துக் கொண்டேன்.) (அல்குர்அன் 5:3)

இந்நிகழ்விற்கு பின்னால் நபியவர்களுக்கு வஹி வருவது நின்று விட்டது.ஏனெனில் அவர்களின் நுபுவ்வத்தின் நோக்கம் பூர்த்தியாகி விட்டது.(நூல்:ஸிஹாஹ் ஸித்தா,இப்னு ஹிஷாம்,தாரீக் தப்ரீ)

நாயகம் (ஸல்) அவர்கள் அங்கு லுஹர்,அசர் தொழுகைகளை ஒன்றாக சேர்த்து தொழுதுவிட்டு கிப்லாவை முன்னோக்கி வெகுநேரம் துஆவில் ஈடுபட்டார்கள்.

சூரியன் மறைந்ததற்குப்பின்னால் முஸ்தலிபாவில் மக்ரிப்,இஷா தொழுகைகளை ஒன்றாக சேர்த்து தொழுதார்கள். இரவு ஓய்வெடுத்துவிட்டு பஜர் தொழுகை அதற்குப்பின்னால் சூரியன் உதயமாவதற்கு முன் மக்காவை நோக்கி புறப்பட்டார்கள். செல்லும் வழியில் மக்கள் நபியவர்களிடம் ஹஜ் சம்பந்தமான மஸாயில்களை வினவினார்கள்.

يَقُولُ رَأَيْتُ النَّبِىَّ -صلى الله عليه وسلم- يَرْمِى عَلَى رَاحِلَتِهِ يَوْمَ النَّحْرِ وَيَقُولُ لِتَأْخُذُوا مَنَاسِكَكُمْ فَإِنِّى لاَ أَدْرِى لَعَلِّى لاَ أَحُجُّ بَعْدَ حَجَّتِى هَذِهِ

அப்போது நபி (ஸல்) அவர்கள் சொன்னார்கள்;ஹஜ்ஜின் மஸாயில்களை என்னிடம் கேட்டு தெரிந்து கொள்ளுங்கள்.இதற்குப் பின்னால் எனக்கு இரண்டாவது முறை ஹஜ்ஜிக்கான வாய்ப்பு வராது. (நூல்:ஸஹீஹ் முஸ்லீம்)

இஸ்லாத்திற்கு முன் உலகில் பெரும் பெரும் மதங்கள் தோன்றியுள்ளன.அவற்றை தோற்றுவித்தவர்கள் அதனை முழுவடிவமாக்கி தன் சமூகத்திற்கு சமர்பித்து சென்றதாக சரித்திரம் இல்லை.

ஆனால் நாயகம் (ஸல்)அவர்கள் இஸ்லாமிய மார்கத்தை அறிமுகப்படுத்தி,அதனை முழுவடிவமாக்கி அதனை பெரும் சமூகத்திடம் முழுமையாக ஒப்படைத்து விட்டு,அதற்கு இலட்சத்திற்கும் அதிகமான அசசமூகத்தையே சட்சியாக்கிவிட்டு சென்றார்கள்.

சிந்திந்துப்பாருங்கள்!முழு உலக மக்களுக்கே நேர்வழிக் காட்டும் உயர்ந்த தத்துவங்களை நாயகம் (ஸல்)அவர்கள் கூறிச்சென்றிருக்கிறார்கள்.

ஆனால் இன்றைய இஸ்லாமிய சமூகம் அதனை விட்டுவிட்டு தங்களுக்கிடையில் சண்டையிட்டுக் கொண்டும்,ஆட்சிஅதிகாரம்,உலக ஆசைகளுக்காக பிளவுப்பட்டும் நிற்கதியாக நிற்கின்றது.

அல்லாஹ் நம் சமூகத்தை பாதுகாப்பானாக!நாயகம் (ஸல்)அவர்களின் வழியில் ஓரணியில் ஒற்றுமையாக நம்மை ஆக்கி அருள்வானாக!ஆமீன்...

வெளியீடு : செங்கல்பட்டு & காஞ்சிபுரம் மாவட்ட ஜமாஅத்துல் உலமா சபை.

Wednesday, 22 June 2022

ஜும்ஆ பயான்24/06/2022

குர்பானியின் முக்கியத்துவம்.

فَصَلِّ لِرَبِّكَ وَانْحَرْ ‏

எனவே, உம் இறைவனுக்கு நீர் தொழுது, குர்பானியும் கொடுப்பீராக. (அல்குர்ஆன் : 108:2)

ஹஜ்ஜுடைய மாதம் நம்மை நெருங்கிக் கொண்டிருக்கிறது ஹஜ் பயணத்திற்கான தயாரிப்புகள் ஒருபக்கம் நடந்துகொண்டு இருந்தாலும் மறுபக்கம் ஏனைய முஸ்லிம்கள் குர்பானி மற்றும் கூட்டுக் குர்பானி அமலை நிறைவேற்றுவதற்கான ஆர்வத்திலும்,ஆயத்தப் பணிகளிலும் இருந்து வருகிறார்கள்.

குர்பானி, பொருள் சார்ந்த வணக்கங்களில் முக்கியமானதும்,இஸ்லாமிய அடையாளச் சின்னங்களில் ஒன்றாகவும் உள்ளது.

குர்பானி கொடுக்கும் பாரம்பரியம், ஆதி பிதா ஆதம் (அலை) அவர்களின் காலம் தொட்டே நடைமுறையில் இருந்து வருகின்றது.

குர்ஆனில் மரியம் சூராவில் ஹஸ்ரத் ஆதம் (அலைஹி) அவர்களின் இரு மகன்களான ஹாபில் மற்றும் காபில் இருவரும் குர்பானி கொடுத்த வரலாறு கூறப்படுகிறது.

ஹாபில் ஒரு ஆட்டையும்,காபில் சில விளைச்சல் பொருட்களையும் குர்பானியாக முன்வைக்கின்றனர்.

ஹாபிலின் குர்பானி ஏற்றுக்கொள்ளப்பட்டு,காபிலின் குர்பானி மறுக்கப்படுகிறது.

وَاتْلُ عَلَيْهِمْ نَبَاَ ابْنَىْ اٰدَمَ بِالْحَـقِّ‌ۘ اِذْ قَرَّبَا قُرْبَانًا فَتُقُبِّلَ مِنْ اَحَدِهِمَا وَلَمْ يُتَقَبَّلْ مِنَ الْاٰخَرِ قَالَ لَاَقْتُلَـنَّكَ‌ قَالَ اِنَّمَا يَتَقَبَّلُ اللّٰهُ مِنَ الْمُتَّقِيْنَ‏

(நபியே!) ஆதமுடைய இரு குமாரர்களின் உண்மை வரலாற்றை நீர் அவர்களுக்கு ஓதிக்காண்பியும்; அவ்விருவரும் (ஒவ்வொருவரும்) குர்பானி கொடுத்த போது, ஒருவரிடமிருந்து அது ஏற்றுக் கொள்ளப்பட்டது. மற்றவரிடமிருந்து அது ஏற்றுக்கொள்ளப்படவில்லை; (பின்னவர்) “நான் நிச்சயமாக உன்னைக் கொலை செய்து விடுவேன்” என்று கூறினார். அதற்கு (முன்னவர்) “மெய்யாகவே அல்லாஹ் ஏற்றுக் கொள்வது பயபக்தியுடையவர்களிடமிருந்து தான்” என்று கூறினார்.(அல்குர்ஆன் : 5:27)

அக்காலத்தில் குர்பானி ஏற்றுக்கொள்ளப்பட்டதன் அடையாளமாக வானிலிருந்து நெருப்பு வந்து குர்பானியை கரித்து செல்லும்.

اَلَّذِيْنَ قَالُوْۤا اِنَّ اللّٰهَ عَهِدَ اِلَيْنَاۤ اَلَّا نُؤْمِنَ لِرَسُوْلٍ حَتّٰى يَاْتِيَنَا بِقُرْبَانٍ تَاْكُلُهُ النَّارُ‌ قُلْ قَدْ جَآءَكُمْ رُسُلٌ مِّنْ قَبْلِىْ بِالْبَيِّنٰتِ وَبِالَّذِىْ قُلْتُمْ فَلِمَ قَتَلْتُمُوْهُمْ اِنْ كُنْتُمْ صٰدِقِيْنَ‏

மேலும் அவர்கள், “எந்த ரஸூலாக இருந்தாலும், அவர் கொடுக்கும் குர்பானியை(பலியை) நெருப்பு சாப்பிடு(வதை காண்பிக்கு)ம் வரை அவர் மீது நாங்கள் விசுவாசம் கொள்ள வேண்டாம்” என்று அல்லாஹ் எங்களிடம் உறுதிமொழி வாங்கியுள்ளான்” என்று கூறுகிறார்கள். (நபியே!): “எனக்கு முன்னர் உங்களிடம் வந்த தூதர்களில் பலர், தெளிவான ஆதாரங்களையும், இன்னும் நீங்கள் கேட்டுக்கொண்ட (படி பலியை நெருப்பு உண்ப)தையும் திடமாகக் காண்பித்தார்கள். அப்படியிருந்தும் ஏன் அவர்களை நீங்கள் கொன்றீர்கள்? நீங்கள் உண்மையாளர்களாக இருந்தால் இதற்கு பதில் சொல்லுங்கள்” என்று நீர் கூறும்.(அல்குர்ஆன் : 3:183)

குர்பானி என்கிற வணக்கம் எல்லா உம்மத்திலும் கடமையாக இருத்திருக்கின்றது.

குர்ஆனில்....

وَلِكُلِّ اُمَّةٍ جَعَلْنَا مَنْسَكًا لِّيَذْكُرُوا اسْمَ اللّٰهِ عَلٰى مَا رَزَقَهُمْ مِّنْ بَهِيْمَةِ الْاَنْعَامِ فَاِلٰهُكُمْ اِلٰـهٌ وَّاحِدٌ فَلَهٗۤ اَسْلِمُوْا‌ وَبَشِّرِ الْمُخْبِتِيْنَ ۙ‏

இன்னும் கால்நடை(ப்பிராணி)களிலிருந்து அல்லாஹ் அவர்களுக்கு உணவாக்கியுள்ள (ஆடு, மாடு, ஒட்டகம் போன்ற)வற்றின் மீது அவர்கள் அல்லாஹ்வின் பெயரைக் கூறும் படிச் செய்வதற்காவே குர்பானி கொடுப்பதை ஒவ்வொரு வகுப்பாருக்கும் (கடமையாக) ஆக்கியிருக்கிறோம்; ஆகவே உங்கள் நாயன் ஒரே நாயன்தான்; எனவே அவ(ன் ஒருவ)னுக்கே நீங்கள் முற்றிலும் வழிப்படுங்கள்; (நபியே!) உள்ளச்சம் உடையவர்களுக்கு நீர் நன்மாராயங் கூறுவீராக!(அல்குர்ஆன் : 22:34)

முற்காலத்தில் குர்பானி என்பது தங்களின் அமல் கபூலானாதா? என்பதனை சோதித்துப் பார்க்கும் ஒரு அடையாளமாக இருந்தது. ஆனால் நம் உம்மத்திற்கு உயர்ந்த, உன்னத தியாக வரலாற்றை நினைவு கூறும் ஓர் வணக்கமாக ஆக்கப்பட்டது.

ஹஸ்ரத் இப்ராஹீம் (அலை)அவர்கள் தங்களின் பாசத்திற்குரிய மகனார் இஸ்மாயில் (அலைஹி) அவர்களை அல்லாஹ்வுக்காக அறுத்துப் பலியிட தயாரானபோது, அல்லாஹ் சுவனத்தில் இருந்து ஓர் செம்மறிஆட்டை இறக்கிவைத்து அவர்களின் தியாகத்தை அங்கீகரித்து,கியாம நாள் வரை அவர்களின் தியாகத்தை போற்றும் ஒரு திருநாளாக இந்த உம்மத்திற்கு குர்பானியை ஒர் வணக்கமாக ஆக்கிவிட்டான்.

இதனையே குர்ஆனில்...

فَلَمَّا بَلَغَ مَعَهُ السَّعْىَ قَالَ يٰبُنَىَّ اِنِّىْۤ اَرٰى فِى الْمَنَامِ اَنِّىْۤ اَذْبَحُكَ فَانْظُرْ مَاذَا تَرٰى‌ قَالَ يٰۤاَبَتِ افْعَلْ مَا تُؤْمَرُ‌ سَتَجِدُنِىْۤ اِنْ شَآءَ اللّٰهُ مِنَ الصّٰبِرِيْنَ‏

பின் (அம்மகன்) அவருடன் நடமாடக்கூடிய (வயதை அடைந்த) போது அவர் கூறினார்: “என்னருமை மகனே! நான் உன்னை அறுத்து பலியிடுவதாக நிச்சயமாகக் கனவு கண்டேன். இதைப்பற்றி உம் கருத்து என்ன என்பதைச் சிந்திப்பீராக!” (மகன்) கூறினான்; “என்னருமைத் தந்தையே! நீங்கள் ஏவப்பட்டபடியே செய்யுங்கள். அல்லாஹ் நாடினால் - என்னை நீங்கள் பொறுமையாளர்களில் நின்றுமுள்ளவனாகவே காண்பீர்கள்.”(அல்குர்ஆன் : 37:102)

فَلَمَّاۤ اَسْلَمَا وَتَلَّهٗ لِلْجَبِيْنِ‌‏

ஆகவே, அவ்விருவரும் (இறைவன் கட்டளைக்கு) முற்றிலும் வழிப்பட்டு, (இப்ராஹீம்) மகனைப் பலியிட முகம் குப்புறக்கிடத்திய போது; (அல்குர்ஆன் : 37:103)

وَنَادَيْنٰهُ اَنْ يّٰۤاِبْرٰهِيْمُۙ‏

நாம் அவரை “யா இப்ராஹீம்!” என்றழைத்தோம்.(அல்குர்ஆன் : 37:104)

قَدْ صَدَّقْتَ الرُّءْيَا ‌ ‌ اِنَّا كَذٰلِكَ نَجْزِى الْمُحْسِنِيْنَ‏

“திடமாக நீர் (கண்ட) கனவை மெய்ப்படுத்தினீர். நிச்சயமாக நன்மை செய்வோருக்கு நாம் இவ்வாறே கூலி கொடுத்திருக்கிறோம். (அல்குர்ஆன் : 37:105)

اِنَّ هٰذَا لَهُوَ الْبَلٰٓؤُا الْمُبِيْنُ‏

“நிச்சயமாக இது தெளிவான ஒரு பெருஞ் சோதனையாகும்.”(அல்குர்ஆன் : 37:106)

وَفَدَيْنٰهُ بِذِبْحٍ عَظِيْمٍ‏

ஆயினும், நாம் ஒரு மகத்தான பலியைக் கொண்டு அவருக்குப் பகரமாக்கினோம்.(அல்குர்ஆன் : 37:107)

وَتَرَكْنَا عَلَيْهِ فِى الْاٰخِرِيْنَ‌‏

இன்னும் அவருக்காகப் பிற்காலத்தவருக்கு (ஒரு ஞாபகார்த்தத்தை) விட்டு வைத்தோம்:(அல்குர்ஆன் : 37:108)

குர்பானியின் நோக்கம்.

لَنْ يَّنَالَ اللّٰهَ لُحُـوْمُهَا وَلَا دِمَآؤُهَا وَلٰـكِنْ يَّنَالُهُ التَّقْوٰى مِنْكُمْ‌ كَذٰلِكَ سَخَّرَهَا لَـكُمْ لِتُكَبِّرُوا اللّٰهَ عَلٰى مَا هَدٰٮكُمْ‌ وَبَشِّرِ الْمُحْسِنِيْنَ‏

(எனினும்), குர்பானியின் மாமிசங்களோ, அவற்றின் உதிரங்களோ அல்லாஹ்வை ஒரு போதும் அடைவதில்லை; ஆனால் உங்களுடைய தக்வா (பயபக்தி) தான் அவனை அடையும்; அல்லாஹ் உங்களுக்கு நேர்வழி காண்பித்ததற்காக அவனை நீங்கள் பெருமைப் படுத்தும் பொருட்டு - இவ்வாறாக அவற்றை உங்களுக்கு வசப்படுத்திக் கொடுத்திருக்கிறான்; ஆகவே நன்மை செய்வோருக்கு நீர் நன்மாராயங் கூறுவீராக!(அல்குர்ஆன் : 22:37)

குர்பானியை மனமுவந்து நிறைவேற்ற வேண்டும். மாறாக பிறர் புகழவேண்டும் என்பதற்காகவோ, அல்லது ஏதோ கடமையை நிறைவேற்றினால் போதும் என்ற எண்ணத்திலோ, அல்லது மிக மெலிந்த பிராணியை குறைந்த விலைக்கு வாங்கியோ, அல்லது பக்கத்து வீட்டுக்காரர் குர்பானி கொடுக்கிறார் எனவே நாமும் கொடுப்போம் என்று குர்பானி கொடுத்தாலோ, குர்பானி நிறைவேறாது எந்த நன்மையும் கிடைக்காது. எனவே மனமுவந்து இறைவனுக்காக நிறைவேற்ற வேண்டும் . குர்பானி குர்பானியாக இருக்க வேண்டுமே தவிர குர்பானி பிர்யாணிக்காக இருக்கக் கூடாது.

இஸ்மாயீல் (அலை)அவர்களுக்கு பகரமாக ஓர் ஆட்டை இறக்கியதற்கும்,தங்களின் உயிருக்கு பகரமாக குர்பானியை ஆக்கியதற்கு நன்றிசெலுத்துவதே குர்பானியின் நோக்கமாகும்.

ஏன் குர்பானி கொடுக்க வேண்டும்?

உலக முஸ்லிம்கள் துல்ஹஜ் மாதம் 10-ம் நாள் குர்பானி கொடுப்பது ஐந்தாயிரம் ஆண்டுகளுக்கு முந்தைய வரலாறு கொண்டது. அப்போது, இறைவனின் உத்தரவுக்கு இணங்க, நபி இப்ராகீம் (அலை) அவர்கள் தமது அருமை புதல்வரை ‘மினா’ எனும் இடத்தில் அறுத்துப் பலியிட முன் வந்தார்.

அவரின் இந்த மாசற்ற தியாகத்தை இறைவன் மெச்சும் வண்ணம் உருவானது தான் குர்பானி கொடுக்கும் வழக்கம். உலக முடிவு நாள் வரைக்கும் மக்கள் இந்த தியாகத்தை நினைவுகூரும் வகையிலும், முதன்முதலாக ஆட்டை அறுத்துப் பலியிட்ட அவரின் வழிபாட்டு முறையை கடைப்பிடிக்கும் விதமாகவும் இந்த தியாகத்திருநாள் அமைந்திருக்கிறது.

ஒருமுறை நபிகளாரிடம் அவரது தோழர்கள், ‘இறைத்தூதர் அவர்களே, இந்த தியாகப் பிராணிகளின் கலாசாரம் என்ன?’ என்று கேட்டார்கள். ‘இது உங்களின் தந்தை இப்ராகீம் (அலை) அவர்களின் கலாசார வழிமுறை’ என நபி (ஸல்) பதில் அளித்தார்கள்.

ஈத் பெருநாளின் முக்கிய அமல்.

பராஉ(ரலி) கூறினார் :

நபி(ஸல்) அவர்கள் (ஈதுல் அள்ஹா பெநாளில்) உரையாற்றியதை கேட்டேன். அவர்கள் (தம் உரையில்) 'நாம் இன்றைய தினம் செய்யும் முதல் வேலை (பெருநாள் தொழுகை) தொழுதுவிட்டுத் திரும்பிச் சென்று குர்பானிப் பிராணிகளை அறுப்பதாகவே இருக்கவேண்டும். இதை செய்கிறவர் நம்முடைய வழியைப் பின்பற்றியவராவார். (பெருநாள்) தொழுகைக்கு முன்பே (பிராணியை) அறுக்கிறவர் தம் குடும்பத்தாருக்காக முன்கூட்டியே தயார் செய்த (சாதாரண) இறைச்சியாகவே அது அமையும்; அது (குர்பானி) வழிபாட்டில் எதிலும் சேராது' என்று கூறினார்கள்.

அப்போது அபூ புர்தா(ரலி), 'இறைத்தூதர் அவர்களே! நான் தொழுவதற்கு முன்பே (குர்பானிப் பிராணியை) அறுத்து விட்டேன். என்னிடம் இரண்டு வயது பூர்த்தியான ஓர் ஆட்டைவிடச் சிறந்த ஒரு வயது பூர்த்தியான (வெள்ளாட்டுக் குட்டி) ஒன்று உள்ளது. (அதை நான் அறுக்கலாமா?)' என்று கேட்டார்கள். நபி(ஸல்) அவர்கள் 'முதலில் அறுத்ததற்கு பதிலாக இதையே அறுத்து விடுவீராக! ஆனால், உங்களுக்குப் பிறகு வேறெவருக்கும் 'அது செல்லாது' அல்லது 'நிறைவேறாது' என்று பதிலளித்தார்கள்.

(ஸஹீஹ் புகாரி 5560)

குர்பானி இஸ்லாத்தின் அடையாளச்சின்னம்.

ஒவ்வொரு நாட்டிற்கும் தேசிய அடையாள சின்னங்கள் உண்டு. அவற்றை பாதுகாப்பதும்,மரியாதை செலுத்துவதும் அந்நாட்டினரின் கடமையாகும்.அதுபோல் இஸ்லாமும் சில அடையாளச் சின்னங்களை குர்ஆனில் கூறுகிறது.அவற்றில் குர்பானியும் ஒன்றாகும்.

ذٰلِكَ وَمَنْ يُّعَظِّمْ شَعَآٮِٕرَ اللّٰهِ فَاِنَّهَا مِنْ تَقْوَى الْقُلُوْبِ‏

இதுதான் (இறைவன் வகுத்ததாகும்,) எவர் அல்லாஹ்வின் சின்னங்களை மேன்மை படுத்துகிறாரோ நிச்சயமாக அது உள்ளச்சத்தால் (ஏற்பட்டது) ஆகும்.(அல்குர்ஆன் : 22:32)

குர்பானி இறைவனுக்காக...

குர்பானி கொடுப்பது இறைவனின் கட்டளையாகும்.அறியாமைக் காலத்திலும் குர்பானி கொடுப்பதை வணக்கமாகக் கருதி வந்தார்கள். ஆனால் அவர்கள் பிராணிகளை சிலைகளுக்காக வதம் செய்வதை குர்பானியாக கருதி வந்தார்கள்.

இன்றும் கூட ஹிந்துக்களும்,இன்னும் பல்வேறு மதத்தவர்களும், அவர்களின் கடவுளர்களின் பெயரால் பிராணிகளை அறுத்து பலியிடுவதை வணக்கமாகக் கருதுகிறார்கள்.கிருத்துவர்களும் ஜீசஸ் பெயரால் அறுத்து பலியிடுவதை இன்றும் காணலாம்.

இஸ்லாம் தொழுகையும், குர்பானியையும் இறைவனுக்காக மாத்திரம் நிறைவேற்ற வேண்டும் என அழுத்தம்,திருத்தமாக வலியுறுத்துகிறது.

சூரா கவ்ஸரில்...

فَصَلِّ لِرَبِّكَ وَانْحَرْ ‏

எனவே, உம் இறைவனுக்கு நீர் தொழுது, குர்பானியும் கொடுப்பீராக.

இதே கருத்துப்பட சூரா அன்ஆமிலும்..

قُلْ اِنَّ صَلَاتِىْ وَنُسُكِىْ وَ مَحْيَاىَ وَمَمَاتِىْ لِلّٰهِ رَبِّ الْعٰلَمِيْنَۙ‏

நீர் கூறும்: “மெய்யாக என்னுடைய தொழுகையும், என்னுடைய குர்பானியும், என்னுடைய வாழ்வும், என்னுடைய மரணமும் எல்லாமே அகிலங்களின் இறைவனாகிய அல்லாஹ்வுக்கே சொந்தமாகும்.(அல்குர்ஆன் : 6:162)

நாயகம் (ஸல்)அவர்களின் குர்பானி.

عَنْ أَنَسٍ قَالَ ضَحَّى النَّبِيُّ صَلَّى اللَّهُ عَلَيْهِ وَسَلَّمَ بِكَبْشَيْنِ أَمْلَحَيْنِ، فَرَأَيْتُهُ وَاضِعًا قَدَمَهُ عَلَى صِفَاحِهِمَا يُسَمِّي وَيُكَبِّرُ، فَذَبَحَهُمَا بِيَدِهِ.

அனஸ்(ரழி) அவர்கள் கூறினார்கள்.நபி(ஸல்) அவர்கள் இரண்டு கறுப்பு வெள்ளை செம்மறியாட்டுக் கிடாக்களைக் குர்பானி கொடுத்தார்கள். அவர்கள் தங்களின் பாதத்தை அவற்றின் பக்கவாட்டின் மீது வைத்துக்கொண்டு அல்லாஹ்வின்பெயர் கூறி,தக்பீர் (அல்லாஹ{ அக்பர் – அல்லாஹ் மிகப் பெரியவன் என்று) சொல்லி அவற்றைத் தம் கையால் அறுத்ததை பார்த்தேன்.(புஹாரி,முஸ்லிம்)

மற்றொரு ஹதீஸின் அடிப்படையில்....

1589- عَنْ نَافِعٍ عَنِ ابْنِ عُمَرَ قَالَ أَقَامَ رَسُولُ اللَّهِ صَلَّى اللَّهُ عَلَيْهِ وَسَلَّمَ بِالْمَدِينَةِ عَشْرَ سِنِينَ يُضَحِّي.قَالَ أَبُو عِيسَى: هَذَا حَدِيثٌ حَسَنٌ.

நம்முடைய நபியவர்கள் மதீனாவில் 10 ஆண்டுகள் வாழ்ந்தார்கள் ஒவ்வொரு ஆண்டும் குர்பானி கொடுத்தார்கள். ( திர்மிதி)

இந்த நபிமொழி யின் மூலம் நபியவர்கள் எந்த ஆண்டும் குர்பானி கொடுக்காமல் இருந்ததில்லை எனக்கூறுகிறது. இவ்வாறு தொடர்ந்து வழமையாக நபி( ஸல்) அவர்கள் குர்பானி கொடுத்திருப்பது குர்பானியின் முக்கியத்துவத்தையும்,சிறப்பையும் உணர்த்துகிறது.

குர்பானி கொடுப்பவர், தம் கரங்களால் குர்பானிப் பிராணியை அறுப்பதே சிறப்பாகும்.

ஒரு ஹதீஸில் வருகிறது.

நாயகம் (ஸல்)அவர்கள் தங்களின் கடைசி (ஹஜ்ஜத்துல் விதாஃ) ஹஜ்ஜின் போது நூறு ஒட்டகங்களை குர்பானி கொடுத்தார்கள்.அவற்றில் எண்பது ஒட்டகங்களை தம் கரங்களால் அறுத்து பலியிட்டார்கள்.மீதமுள்ளவற்றை ஸய்யதுனா அலி (ரலி) அவர்கள் அறுத்தார்கள்.

குர்பானி கொடுக்கவில்லை யானால்...

ما رواه أحمد وأبو داود عن مخنف بن سليم أنّ النبيّ صلّى الله عليه وسلّم قال: (( يَا أَيُّهَا النَّاسُ، إِنَّ عَلَى أَهْلِ كُلِّ بَيْتٍ أُضْحِيَةُ كُلَّ عَامٍ )).

மஃக்னஃப் இப்னு ஸுலைம் (ரலி) அவர்கள் அறிவிக்கின்றார்கள்: “மக்களே! உங்களில் (சொந்தமாக) வீடுள்ள ஒவ்வொருவரும் ஒவ்வொரு ஆண்டும் உள்ஹிய்யா கொடுக்க வேண்டும்” என நபி {ஸல்} அவர்கள் கூறினார்கள். ( நூல்: அபூதாவூத், அஹ்மத் )

ما رواه أحمد وابن ماجه وغيرهما عن أبي هريرة رضي الله عنه عن النبيّ صلّى الله عليه وسلّم قال: (( مَنْ وَجَدَ سَعَةً فَلَمْ يُضَحِّ، فَلاَ يَقْرَبَنَّ مُصَلاّنَا )) [حديث حسن].

قال السّندي رحمه الله:" ليس المراد أنّ صحة الصلاة تتوقّف على الأضحية، بل هو عقوبة له بالطّرد عن مجالس الأخيار، وهذا يفيد الوجوب، والله تعالى أعلم ".

அபூ ஹுரைரா (ரலி) அவர்கள் அறிவிக்கின்றார்கள்: “யார் உள்ஹிய்யா கொடுக்கிற அளவுக்கு வசதி வாய்ப்புகள் பெற்றிருந்தும் உள்ஹிய்யா கொடுக்க வில்லையோ, அவர் நம் தொழுமிடத்துக்கு வரவேண்டாம்” என நபி {ஸல்} அவர்கள் கூறினார்கள். ( நூல்: அஹ்மத், இப்னு மாஜா )

இந்த ஹதீஸிற்கு விளக்கம் தருகிற அஸ்ஸிந்தீ (ரஹ்) அவர்கள் “உள்ஹிய்யா கொடுப்பவரின் தொழுகை தான் நிறைவேறும் என்ற பொருளில் இந்த ஹதீஸை அணுகாமல் உள்ஹிய்யா கொடுப்பவர்களோடு இவர்கள் கலந்து விடுவதிலிருந்து தனித்து விடப்படவேண்டும் என்ற பொருளிலேயே இதை அணுக வேண்டும். மேலும், இது ஒரு வகையில் அவர்களைத் தண்டிப்பது போலவும் அமைந்திருக்கின்றது, மேலும், இந்த ஹதீஸை இவ்வாறு நோக்கும் பட்சத்தில் உள்ஹிய்யா வாஜிப் எனும் அந்தஸ்தைப் பெறுகின்றது. அல்லாஹ்வே மிகவும் அறிந்தவன்” என்று கூறுகின்றார்கள்.

குர்பானி நாட்களில் சிறப்பான அமல்.

ما عمل ابن آدم يوم النحر عملا أحب إلى الله عزوجل من إهراق الدم و إنها لتأتي يوم القيامة بقرونها و أشعارها و أظلافها و أن الدم ليقع من الله بمكان قبل أن يقع من الأرض فطيبوا بها نفسا ))

ஆயிஷா (ரலி) அவர்கள் அறிவிக்கின்றார்கள்: “ஆதமுடைய மகன் நஹ்ருடைய நாளில் செய்யும் செயல்களில் அல்லாஹ்விற்கு மிகவும் பிரியமானது உள்ஹிய்யா பிராணியின் இரத்தத்தை ஓட்டுவது தான். நாளை மறுமையில் அது அதன் முழு உருவில் வரும். (அதன் கொம்புடனும், அதன் முடிகளுடனும், அதன் சதைகளோடும் வரும்) திண்ணமாக, இந்தப் பூமியில் அதன் உதிரம் சேரும் முன்னரே அல்லாஹ்விடம் அது போய் சேர்ந்து விடுகின்றது. ஆகவே, நீங்கள் தூய மனதோடு உள்ஹிய்யாக் கொடுங்கள்” என நபி {ஸல்} அவர்கள் கூறினார்கள்.

(( يا رسول الله صلى الله علي وسلم ما هذه الأضاحي قال سنة أبيكم إبراهيم

قالوا فما لنا فيها يا رسول الله قال بكل شعرة حسنة قالوا فالصوف يا رسول الله قال بكل شعرة من الصوف حسنة ))

”நபித்தோழர்களில் சிலர் நபி {ஸல்} அவர்களிடம் இந்த உள்ஹிய்யாவினால் என்ன கிடைக்கும்? இதன் தாத்பரியம் என்னவென்று வினவினர். அப்போது நபி {ஸல்} அவர்கள் இது உங்களின் தந்தையான இப்ராஹீம் (அலை) அவர்களின் அழகிய நடைமுறையாகும். இந்த உள்ஹிய்யா பிராணியின் ஒவ்வொரு முடிக்குப் பகரமாக ஒவ்வொரு நன்மைகள் கிடைக்கும்” என்று நபி {ஸல்} அவர்கள் பதிலளித்தார்கள்.

يا فاطمة قومي إلى أضحيتك فاشهديها فإن لك بكل قطرة تقطر من دمها أن يغفر لك ما سلف من ذنوبك قالت يا رسول الله ألنا خاصة آل البيت أو لنا و للمسلمين قال بل لنا و للمسلمين )) حديث منكر .

இம்ரான் இப்னு ஹுஸைன் (ரலி) அவர்கள் அறிவிக்கின்றார்கள்: “உள்ஹிய்யா தினத்தன்று அண்ணல் நபி {ஸல்} அவர்கள் தமது அருமை மகளாரிடம்

ஃபாத்திமாவே! எழுவீராக! உம்முடைய பிராணியிடத்தில் ஆஜராகுவீராக!

மேலும், நிச்சயமாக, எனது தொழுகையும், என்னுடைய வழிபாடுகளும், என்னுடைய வாழ்வும் என்னுடைய மரணமும் அகிலங்களின் அதிபதியான அல்லாஹ்வுக்கே உரியனவாகும். அவனுக்கோ யாரும் இணையில்லை. இவ்வாறே எனக்கு கட்டளையிடப்பட்டுள்ளது. மேலும், நான் இறைவனுக்கு கீழ்ப்படிவோரில் முதன்மையானவன்” என்று நீர் கூறுவீராக!

ஏனெனில் குர்பானிப் பிராணியின் முதலாவது சொட்டு இரத்தம் விழும்போதே உனது அனைத்து பாவங்களும் மன்னிக்கப்பட்டு விடுகின்றன.

மேலும் இந்தப் பிராணி மறுமை நாளில் இதனுடைய இரத்தமும் மாமிசமும் எழுபது மடங்கு கூடுதலாக கொண்டு வரப்படும். இதை உன்னுடைய மீஸானில் (நன்மைத் தட்டில்) வைக்கப்படும் என்று நபி (ஸல்) அவர்கள் கூறியபோது அபூசயீத் அல்குத்ரீ (ரலி) அவர்கள் அல்லாஹ்வின் தூதரே! இந்த பாக்கியம் உங்களுக்கும், உங்கள் குடும்பத்தினருக்கு மட்டும் உரியதா? அல்லது எல்லா முஸ்லிம்களுக்கும் உரியதா? எனக் கேட்டார்கள்.

அப்போது நபி {ஸல்} அவர்கள் ”இது முஹம்மதுடைய குடும்பத்திற்கும் எல்லா முஸ்லிம்களுக்கும் பொதுவானதுதான்” என பதிலளித்தார்கள்.

يا أيها الناس ضحوا و احتسبوا بدمائها فإن الدم و إن وقع في الأرض فإنه يقع في حرز الله ))

“மக்களே! நன்மையை எதிர்பார்த்து உள்ஹிய்யா கொடுங்கள். ஏனெனில், உள்ஹிய்யா பிராணியின் உதிரம் இப்பூமியில் விழுமுன் அல்லாஹ்வின் சந்நிதானத்தின் முன் விழுந்துவிடுகின்றது” என நபி {ஸல்} அவர்கள் கூறினார்கள்.

عظموا ضحاياكم فإنها على الصراط مطاياكم

”குர்பானிப் பிராணிகளில் மிகச் சிறப்பானதைக் கொடுங்கள். ஏனெனில் அது தான் மறுமையில் உங்களின் வாகனம்” என நபி (ஸல்) அவர்கள் கூறினார்கள்.

உயிருக்கு பகரமாகும் குர்பானி.

உலகில் எல்லா உம்மத்தினரும் அல்லாஹுவின் நெருக்கத்தை உண்டாக்கிக் கொள்ள குர்பானி கொடுத்துவந்தனர்.

ஜகாத் பொருளுக்கு பகரமாக தரப்படுவதை போல குர்பானி உயிருக்கு பகரமாகும்.

ஆதம்(அலை)அவர்களின் காலத்திலிருந்தே குர்பானி நடைமுறையில் இருந்தாலும்,

இப்ராஹீம்(அலை)அவர்கள் தம் மகனார் இஸ்மாயீல்(அலை)அவர்களை பலியிடத் தயாரன போது, அல்லாஹ் அவருக்கு பகரமாக ஓர் ஆட்டை இறக்கி வைத்ததிலிருந்தே இந்த அமல் உயிருக்கு பகரமாக ஆனது.

قال ابن عباس: هو الكبش الذي تقرب به هابيل، وكان في الجنة يرعى حتى فدى الله به

إسماعيل.

وعنه أيضا: أنه كبش أرسله الله من الجنة كان قد رعى في الجنة أربعين خريفا.

அல்லாஹ் ஹாபிலுடைய ஆட்டை ஏற்றுக் கொண்டான் அதை சொர்க்கத்தில் 40 வருடங்கள் பாதுகாத்தான் அந்த ஆட்டைத்தான் இப்ராஹிம் நபி (அலை) அவர்கள் இஸ்மாயில் (அலை) அவர்களுக்கு பகரமாக பலியிட்டார்கள் - நூல் : (தப்ஸீர் - இப்னு கஸீர் ).

குர்பானியின் சட்டம்

குர்பானியாக ஆடு,மாடு,ஒட்கை இம்முன்றில் ஒன்றை தரவேண்டும்.

குர்பானி செய்வதை ஒவ்வொரு வகுப்பினருக்கும் கடமையாக்கி இருக்கின்றோம். அல்லாஹ் கொடுத்திருந்த ஆடு, மாடு, ஒட்டகங்களின் மீது அவன் பெயரைக் கூறி குர்பானி செய்யுங்கள். ஆகவே, உங்களுடைய இறைவன் (ஒரே) ஒருவன்தான். ஆதலால், அவன் ஒருவனுக்கே நீங்கள் முற்றிலும் கட்டுப்பட்டு நடங்கள். உள்ளச்சம் உடையவர்களுக்கு (நபியே!) நீங்கள் நற்செய்தி கூறுங்கள்.(அல்குர்ஆன் : 22:34)

இவ்வசனத்தில் இடம் பெறும்”அல்அன்ஆம்”” எனும் வார்த்தை ஆடு, மாடு, ஒட்டகம் ஆகிய கால்நடைகளை எடுத்துக் கொள்ளும்.

மேலும் நபி (ஸல்) அவர்களும், அவர்களின் தோழர்களும் இம்மூன்று வகைப் பிராணிகளைத் தவிர மற்றவை எதனையும் அவர்களின் வாழ்நாளில் குர்பானிக்காக கொடுத்ததில்லை.

குர்பானி கொடுக்க வசதியற்றவர்கள் குர்பானி கொடுப்பதாக எண்ணிக் கொண்டு கோழி, சேவலை அறுப்பது மக்ரூஹ். அது குர்பானியாக ஏற்படாது.

நூல் : ஆலம்கீரி, குலாஸாபக்கம் – 332

குர்பானி நம் உயிருக்கு பகரமாக தரப்படுவதால் உயர்வான சிறந்த பிராணியை தரவேண்டும்.

குர்பானி பிராணி குறைகள் அற்றதாகவும்,வயது பூர்த்தியானதாகவும் இருக்கவேண்டும்.

عَنِ البَرَاءِ بْنِ عَازِبٍ، رَفَعَهُ قَالَ: لاَ يُضَحَّى بِالعَرْجَاءِ بَيِّنٌ ظَلَعُهَا، وَلاَ بِالعَوْرَاءِ بَيِّنٌ عَوَرُهَا، وَلاَ بِالمَرِيضَةِ بَيِّنٌ مَرَضُهَا، وَلاَ بِالعَجْفَاءِ الَّتِي لاَ تُنْقِي.

தெளிவாகத் தெரியும் நொண்டி, தெளிவாகத் தெரியும் பார்வைக் குறை, தெளிவாகத் தெரியும் நோய், எலும்பில் மஜ்ஜை இல்லாத மெலிவு ஆகிய குறைபாடுகளுடையவற்றைக் குர்பானி கொடுப்பது கூடாது என்று நபி(ஸல்) அவர்கள் கூறினார்கள்.

அறிவிப்பவர் : அல்பரா பின் ஆசிப் (ரலி)நூல் : திர்மிதீ(1417), அபூதாவூத்(4293), நஸயீ(4294) , இப்னுமாஜா (3135), அஹ்மத் (17777)

وَلَا تَجُوزُ الْعَمْيَاءُ وَالْعَوْرَاءُ الْبَيِّنُ عَوَرُهَا، وَالْعَرْجَاءُ الْبَيِّنُ عَرَجُهَا وَهِيَ الَّتِي لَا تَقْدِرُ أَنْ تَمْشِيَ بِرِجْلِهَا إلَى الْمَنْسَكِ، وَالْمَرِيضَةُ الْبَيِّنُ مَرَضُهَا، وَمَقْطُوعَةُ الْأُذُنَيْنِ وَالْأَلْيَةِ وَالذَّنَبِ بِالْكُلِّيَّةِ، وَاَلَّتِي لَا أُذُنَ لَهَا فِي الْخِلْقَةِ، وَتُجْزِئُ السَّكَّاءُ وَهِيَ صَغِيرَةُ الْأُذُنِ فَلَا تَجُوزُ مَقْطُوعَةُ إحْدَى الْأُذُنَيْنِ بِكَمَالِهَا وَاَلَّتِي لَهَا إذْنٌ

குருடானவை, அறவே நடக்க முடியாதவை காதுகள் துண்டிக்கப்பட்டவை, காதுகள் அறவே இல்லாதவை,வால், பித்தட்டு துண்டிக்கப்பட்டவை, மேயத் தெரியாதவை, மூக்கு துண்டிக்கப்பட்டவை, மடி துண்டிக்கப்பட்டவை, கன்றுக்கு பால் கொடுக்க முடியாதவை, பால் வற்றியவை, நாக்கு இல்லாதவை,நஜீஸைத்தவிர மற்றதை சாப்பிடாதவை ஒரு கால் துண்டிக்கப்பட்டவை ஆகியன குர்பானி கொடுக்கக்கூடாது.

(நூல் : துர்ருல்முக்தார் , ஆலம்கீரி, பக்கம் – 330)

عَنْ عَلِيِّ بْنِ أَبِي طَالِبٍ قَالَ: أَمَرَنَا رَسُولُ اللهِ صَلَّى اللَّهُ عَلَيْهِ وَسَلَّمَ أَنْ نَسْتَشْرِفَ العَيْنَ وَالأُذُنَ، وَأَنْ لاَ نُضَحِّيَ بِمُقَابَلَةٍ، وَلاَ مُدَابَرَةٍ، وَلاَ شَرْقَاءَ، وَلاَ خَرْقَاءَ.

பிராணிகளின் கண்களையும், காதுகளையும், கவனித்துத் தேர்வு செய்யுமாறு நபி(ஸல்) அவர்கள் எங்களுக்குக் கட்டளையிட்டார்கள். சிறிதளவு காது வெட்டப்பட்டவை, காது கிழிக்கப்பட்டவை, காதில் துவாரமிடப்பட்டவை ஆகியவற்றைக் குர்பானி கொடுக்கக்கூடாது என்று நபி (ஸல்) அவர்கள் கட்டளையிட்டார்கள். (அறிவிப்பவர்: ஹஜ்ரத் அலி (ரலி) அவர்கள் (திர்மிதீ 1532,)

குர்பானி உயர்ந்த நோக்கத்திற்காக தரப்படுவதால்,உளத்தூய்மை மிக அவசியமாகும்.

அல்லாஹ் நம் எண்ணங்களை அழகாக்கியும்,நம் குர்பானியை சிறந்ததாகவும் ஆக்கி வைப்பானாக!ஆமீன்...

வெளியீடு: செங்கல்பட்டு மற்றும் காஞ்சிபுரம் மாவட்ட ஜமாஅத்துல் உலமா சபை.

Wednesday, 15 June 2022

ஜும்ஆ பயான் 17/06/2022

ஹஜ் எனும் கடமை.

وَأَذِّنْ فِي النَّاسِ بِالْحَجِّ يَأْتُوكَ رِجَالًا وَعَلَى كُلِّ ضَامِرٍ يَأْتِينَ مِنْ كُلِّ فَجٍّ عَمِيقٍ

“இன்னும், ஹஜ்ஜுக்காக மனிதர்களுக்கு அறிவிப்பு ஒன்றை விடுப்பீராக! நடந்தவர்களாக அவர்கள் உம்மிடம் வருவார்கள். இன்னும், மெலிந்த எல்லா ஒட்டகத்தின் மீதும் அவர்கள் வருவார்கள். அவை வெகுதூரமான எல்லா வழிகளில் இருந்தும் அவர்களைக் கொண்டு வரும்”. ( அல்குர்ஆன்: 22: 27 )

மனிதன் மேற்கொள்ளும் பயணங்களை இரண்டாகப் பிரிக்கலாம். ஒன்று பிழைப்புக்குப் பொருளீட்ட மேற்கொள்ளும் பயணம். அடுத்ததோ பொழுதுபோக்குக்கான பயணம். பயணங்கள் இரண்டானாலும், இவற்றில் தன்னலமும் இச்சைகளுமே மிகுந்திருக்கின்றன. இவையே அவனை வீட்டைவிட்டு வெளியே புறப்பட்டுச் செல்லத் தூண்டுகின்றன.

அன்பான உற்றார், உறவுகளைவிட்டு பல ஆயிரம் மைலுக்கு அப்பால் அனுப்புவதும் தன் நலன்சார்ந்த காரணங்களாகவே இருக்கும். இதில் அர்ப்பணம் என்றிருக்க வாய்ப்பில்லை. ஆனால், ஹஜ் பயணம் இவை எல்லாவற்றையும்விட முற்றிலும் மாறானது. இது இறைவனுக்காகவே மேற்கொள்ளப்படும் பயணம்.

மேலும் (ஹஜ்ஜுக்குத் தேவையான) பொருட்களைச் சித்தப்படுத்தி வைத்துக்கொள்ளுங்கள்; நிச்சயமாக இவ்வாறு சித்தப்படுத்தி வைப்பவற்றுள் மிகவும் நன்மையானது, தக்வா (என்னும் பயபக்தியே) ஆகும்எனும் (2:197)

இப்னு அப்பாஸ்(ரலி) அறிவித்தார்.

யமன் வாசிகள் (ஹஜ்ஜுக்குத் தேவையான) பொருள்களைச் சேகரிக்காமல் ஹஜ்ஜுக்கு வருவார்கள்; மேலும் நாங்கள் இறைவன் மீது நம்பிக்கை வைத்துள்ளோம் என்றும் கூறுவார்கள். மக்கா வந்தடைந்தால் மக்களிடம் யாசகம் கேட்பார்கள். இது குறித்தே அல்லாஹ் (ஹஜ்ஜுக்குத் தேவையான) பொருட்களைச் சித்தப்படுத்தி வைத்துக் கொள்ளுங்கள், நிச்சயமாக இவ்வாறு சித்தப்படுத்தி வைப்பவற்றுள் மிகவும் நன்மையானது தக்வா (என்னும் பயபக்தியே) ஆகும்’ என்ற வசனத்தை இறக்கினான்.

முதல் ஆலயம்....

மனிதர்கள் அல்லாஹ்வை மட்டும் வணங்க வேண்டும் என்பதற்காக முதலில் கட்டப்பட்ட இறையில்லம் மக்காவிலுள்ள'கஅபா' ஆலயமாகும்.

إِنَّ أَوَّلَ بَيْتٍ وُضِعَ لِلنَّاسِ لَلَّذِي بِبَكَّةَ مُبَارَكًا وَهُدًى لِلْعَالَمِينَ

“அகிலத்தின் நேர்வழிக்கு உரியதாகவும்,பாக்கியம் பொருந்தியதாகவும்மனிதர்களுக்காக அமைக்கப்பட்ட முதல் ஆலயம் பக்கா (எனும் மக்கா) வில்உள்ளதாகும்”. ( அல்குர்ஆன்: 3: 96 )

حَدَّثَنَا عَبْدُ اللَّهِ ، ثنا عَبْدُ اللَّهِ ، ثناأَبُو مُعَاوِيَةَ ، وَعِيسَى بْنُ يُونُسَ ، قَالا : ثنا الأَعْمَشُ , عَنْ إِبْرَاهِيمَ التَّيْمِيِّ ، عَنْأَبِيهِ ، عَنْ أَبِي ذَرٍّ

قَالَ : قُلْتُ : " يَا رَسُولَ اللَّهِ أَيُّ مَسْجِدٍ وُضِعَ فِي الأَرْضِ أَوَّلُ ؟ قَالَ : الْمَسْجِدُ الْحَرَامُ . قَالَ : قُلْتُ : يَا رَسُولَ اللَّهِ ثُمَّ أَيُّ ؟ قَالَ : الْمَسْجِدُ الأَقْصَى . قَالَ : قُلْتُ : كَمْ بَيْنَهُمَا ؟ قَالَ : أَرْبَعُونَ سَنَةً ، وَأَيْنَمَا أَدْرَكْتَ الصَّلاةَ فَصَلِّ , فَإِنَّمَا هُوَ مَسْجِدُكَ " .

அபூதர் (ரலி) அவர்கள் அறிவிக்கின்றார்கள்: “நான் நபி {ஸல்} அவர்களிடம் ''பூமியில் முதலில் அமைக்கப்பட்ட பள்ளி எது?'' எனக் கேட்டேன். அதற்கு அவர்கள், 'அல் மஸ்ஜிதுல் ஹராம்' (கஅபா) என்றுகூறினார்கள். பிறகு எது? என்றேன். 'அல் மஸ்ஜிதுல் அக்ஸா' என்று கூறினார்கள். ''இந்த இரண்டிற்கும் மத்தியில் எத்தனை (வருடங்கள் இடைவெளி?)'' என்று கேட்டேன். ''நாற்பது வருடங்கள்'' என்று நபி {ஸல்} கூறினார்கள். ( நூல்: புகாரி 3366 )

கஃபதுல்லாஹ்வின் சிறப்பு.

கஃபா வெறுமனே கருப்பு அங்கி போர்த்தப்பட்ட ஆன்மீக தலம் என்பது மாத்திரம் அல்ல,

மலக்குகள்,இறைநேசச் செல்வர்கள்,முஃமீன்கள் அனைவரின் ஆன்மீக தலைமையகம்.

மனிதன் பூமிக்கு வருவதற்கு ஐயாயிரம் ஆண்டுகளுக்கு முன்பே மலக்குகளால் கஃபா கட்டப்பட்டு,தவாஃப் செய்யப்பட்டுவந்தது.பின்பு ஆதம் அதனை கட்டும் பாக்கியம் பெற்றார்கள்.

அதன் பின்பு இப்ராஹீம்(அலை)அவர்கள்,இஸ்மாயீல்(அலை)இருவரின் மீள் உருவாக்கம் பிரபல்யமானதாகும்.

கஃபதுல்லாஹ், இஸ்லாமியர்கள் தொழுகை துவங்கி எல்லா நல்அமல்களுக்கும் முன்னோக்கும் முக்கிய அம்சமாகும்.

مَنۡ نَظَرَ اِلَی الۡكَعۡبَةِ اِيۡمَانًا وَّ تَصۡدِيۡقًا خَرَجَ مِنَ الۡخَطَا يَا كَيَوۡمٍ وَلَدَتۡهُ اُمُّهٗ

"எவர் கஃபாவை ஈமானோடும்,உண்மையான உள்ளத்தோடும் பார்ப்பாரோ,

அவர் அன்று அவரின் தாய் பெற்றெடுத்த பாலகனைப் போல பாவங்களிலிருந்து வெளியேறிவிடுவார்"என கண்மணி நாயகம் (ஸல்)அவர்கள் சொன்னார்கள்

ஹஜ் செய்வதின் சிறப்பு

அப்துர் ரஹ்மான் பின் ஷுமாசா அல்மஹ்ரீ (ரஹ்) அவர்கள் கூறியதாவது:

இறப்பின் நெருக்கத்தில் இருந்த அம்ர் பின் அல்ஆஸ் (ரலி) அவர்களிடம் நாங்கள் சென்றோம். அவர்கள் நீண்ட நேரம் அழுதார்கள். பிறகு அவர்கள் சுவரை நோக்கித் தமது முகத்தைத் திருப்பிக்கொண்டார்கள். அப்போது அவர்களுடைய புதல்வர், "அருமைத் தந்தையே! தங்களுக்கு அல்லாஹ்வின் தூதர் (ஸல்) அவர்கள் இன்னின்ன நற்செய்திகளைக் கூறவில்லையா?" என்று கேட்டார். உடனே அம்ர் பின் அல்ஆஸ் (ரலி) அவர்கள் தமது முகத்தை (தம் புதல்வரை நோக்கி)த் திருப்பி (பின்வருமாறு) கூறினார்கள்: "அல்லாஹ்வைத் தவிர வேறு இறைவன் இல்லை என்றும் முஹம்மத் (ஸல்) அவர்கள் அல்லாஹ்வின் தூதர் ஆவார்கள்" என்றும் உறுதி கூறியதே நமது சேமிப்புகளில் சிறந்தது ஆகும். நான் (என் வாழ்நாளில்) மூன்று கட்டங்களைக் கடந்து வந்திருக்கிறேன்.

(முதலாவது கட்டத்தில்) அல்லாஹ்வின் தூதர் (ஸல்) அவர்கள்மீது கடுமையான வெறுப்புக் கொண்டவர் என்னைவிட வேறெவரும் இருக்கவில்லை என்றே நான் கருதினேன். என்னால் இயன்றால் அவர்களைக் கொன்றுவிட வேண்டும் என்பதே எனக்கு மிகவும் விருப்பமான விஷயமாக இருந்தது. அந்தக் காலகட்டத்தில் மட்டும் நான் இறந்துவிட்டிருந்தால் நான் நரகவாசிகளில் ஒருவனாக ஆகியிருப்பேன்.

(இரண்டாவது கட்டத்தில்) அல்லாஹ் என் உள்ளத்தில் இஸ்லாத்தை ஊட்டினான். அப்போது நான் நபி (ஸல்) அவர்களிடம் சென்று "உங்கள் வலக் கரத்தை நீட்டுங்கள். நான் உங்களிடம் உறுதிப் பிரமாணம் (பைஅத்) அளிக்கிறேன்" என்று கூறினேன். நபி (ஸல்) அவர்கள் தமது வலக் கரத்தை நீட்டினார்கள். உடனே நான் எனது கையை இழுத்துக்கொண்டேன். நபி (ஸல்) அவர்கள், "அம்ரே! உமக்கு என்ன ஆயிற்று?" என்று கேட்டார்கள். நான், "சில நிபந்தனைகளை விதிக்க விரும்புகிறேன்" என்று கூறினேன். நபி (ஸல்) அவர்கள், "என்ன நிபந்தனை விதிக்கப்போகிறீர்?" என்று கேட்டார்கள். "என் (முந்தைய) பாவங்கள் மன்னிக்கப்பட வேண்டும்" என்று கூறினேன். அப்போது நபி (ஸல்) அவர்கள், "முந்தைய பாவங்களை இஸ்லாம் அழித்துவிடும்; ஹிஜ்ரத்தும் (மார்க்கத்திற்காக நாடுதுறத்தல்) முந்தைய பாவங்களை அழித்துவிடும்; ஹஜ்ஜும் முந்தைய பாவங்களை அழித்துவிடும் என்று உமக்குத் தெரியாதா?" என்று கேட்டார்கள். (பிறகு நான் இஸ்லாத்தைத் தழுவினேன்.) அப்போது அல்லாஹ்வின் தூதர் (ஸல்) அவர்களைவிட மிகவும் பிரியமானவர் வேறெவரும் எனக்கு இருக்கவில்லை; எனது பார்வைக்கு அவர்களை விட மிகவும் கண்ணியமானவர் வேறெவரும் இருக்கவில்லை. அப்போது அவர்கள்மீது நான் வைத்திருந்த மரியாதையினால் என் கண்கள் நிரம்ப அவர்களைப் பார்க்கக்கூட என்னால் முடியவில்லை. அவர்களை வர்ணித்துக் கூறும்படி நான் கேட்டுக்கொள்ளப்பட்டால் அதற்கும் என்னால் இயலாது. ஏனெனில், நான் அவர்கள்மீது வைத்திருந்த மரியாதையின் காரணத்தால் என் கண்கள் நிரம்ப அவர்களை நான் பார்த்திருக்கவிலலை. அந்த நிலையில் நான் இறந்திருந்தால் சொர்க்கவாசிகளில் ஒருவனாக ஆகியிருப்பேன் என்றே எதிர் பார்க்கிறேன்.

பிறகு (மூன்றாவது கட்டத்தில்) பல்வேறு பொறுப்புகளை நாம் வகித்தோம். அவற்றில் எனது நிலையென்ன என்பது எனக்குத் தெரியாது. எனவே, நான் இறந்துவிட்டால் ஒப்பாரி வைப்பவரோ நெருப்போ என் சடலத்தோடு இருக்கலாகாது. என்னை (குழிக்குக்குள் வைத்து) நீங்கள் அடக்கம் செய்யும்போது என்மீது மண்ணைத் தள்ளுங்கள். பிறகு ஓர் ஒட்டகத்தை அறுத்து அதன் இறைச்சியைப் பங்கிடும் நேரம் அளவுக்கு நீங்கள் அடக்கத்தலத்தைச் சுற்றி நில்லுங்கள். உங்களால் நான் ஆசுவாசமடைவேன்; என் இறைவனின் தூதர்க(ளான வானவர்க)ளிடம் நான் என்ன பதிலளிப்பது என்பதையும் கண்டுகொள்வேன். ( இந்த ஹதீஸ் மூன்று அறிவிப்பாளர்தொடர்களில் வந்துள்ளது.

(ஸஹீஹ் முஸ்லிம் 192)

ஹஜ்ஜை கடமையாக்கும் அருள்மறை வசனங்கள்..

وَلِلّٰهِ عَلَى النَّاسِ حِجُّ الْبَيْتِ مَنِ اسْتَطَاعَ اِلَيْهِ سَبِيْلًا ‌ وَمَنْ كَفَرَ فَاِنَّ اللّٰهَ غَنِىٌّ عَنِ الْعٰلَمِيْنَ‏

இன்னும் அதற்கு(ச் செல்வதற்கு)ரிய பாதையில் பயணம் செய்ய சக்தி பெற்றிருக்கும் மனிதர்களுக்கு அல்லாஹ்வுக்காக அவ்வீடு சென்று ஹஜ் செய்வது கடமையாகும். ஆனால், எவரேனும் இதை நிராகரித்தால் (அதனால் அல்லாஹ்வுக்குக் குறையேற்படப் போவதில்லை; ஏனெனில்) - நிச்சயமாக அல்லாஹ் உலகத்தோர் எவர் தேவையும் அற்றவனாக இருக்கின்றான்.(அல்குர்ஆன் : 3:97)

وَاَتِمُّوا الْحَجَّ وَالْعُمْرَةَ لِلّٰهِ

ஹஜ்ஜையும், உம்ராவையும் அல்லாஹ்வுக்காகப் பூர்த்தி செய்யுங்கள்; (அல்குர்ஆன் : 2:196)

ஹஜ்ஜின் சிறப்பு பற்றிய ஹதீஸ்கள்.

1521- حَدَّثَنَا آدَمُ ، حَدَّثَنَا شُعْبَةُ ، حَدَّثَنَا سَيَّارٌ أَبُو الْحَكَمِ قَالَ : سَمِعْتُ أَبَا حَازِمٍ قَالَ : سَمِعْتُ أَبَا هُرَيْرَةَ ، رَضِيَ اللَّهُ عَنْهُ ، قَالَ : سَمِعْتُ النَّبِيَّ صلى الله عليه وسلم يَقُولُ :

مَنْ حَجَّ لِلَّهِ فَلَمْ يَرْفُثْ وَلَمْ يَفْسُقْ رَجَعَ كَيَوْمِ وَلَدَتْهُ أُمُّهُ.

“உடலுறவு மற்றும் பாவமான செயல்களில் ஈடுபடாமல் ஒருவன் அல்லாஹ்வுக்காகவே ஹஜ் செய்தால் அவன் அவனது தாய் அவனைப் பெற்றெடுத்த நாளில் இருந்ததைப் போன்று (பாவமறியாத பாலகனாக) திரும்புவான்” என்று அல்லாஹ்வின் தூதர் (ஸல்) அவர்கள் கூறினார்கள். (அறிவிப்பவர்: அபூஹுரைரா (ரலி), நூல்: புகாரி-1521)

- حَدَّثَنَا مُحَمَّدُ بْنُ طَرِيفٍ ، حَدَّثَنَا عِمْرَانُ بْنُ عُيَيْنَةَ ، عَنْ عَطَاءِ بْنِ السَّائِبِ ، عَنْ مُجَاهِدٍ ، عَنِ ابْنِ عُمَرَ ، عَنِ النَّبِيِّ صَلَّى الله عَليْهِ وسَلَّمَ قَالَ :

الْغَازِي فِي سَبِيلِ اللهِ ، وَالْحَاجُّ وَالْمُعْتَمِرُ ، وَفْدُ اللهِ ، دَعَاهُمْ ، فَأَجَابُوهُ ، وَسَأَلُوهُ ، فَأَعْطَاهُمْ.

“அல்லாஹ்வின் பாதையில் போர் புரிபவர், ஹஜ் செய்பவர், உம்ரா செய்பவர் ஆகியோர் அல்லாஹ்வின் சிறப்பு விருந்தினர்கள் ஆவர். அவன் அவர்களை அழைத்தான். அவர்கள் பதிலளிக்கின்றனர். அவனிடம் அவர்கள் பிரார்த்தித்தார்கள். அவர்களுக்கு அவன் வழங்கி விடுகின்றான்” என்று நபி (ஸல்) அவர்கள் கூறினார்கள்.

அறிவிப்பவர்: உமர் (ரலி), நூல்: இப்னு மாஜா-2893 (2884)

حَدَّثَنَا أَحْمَدُ بْنُ يُونُسَ ، وَمُوسَى بْنُ إِسْمَاعِيلَ ، قَالاَ : حَدَّثَنَا إِبْرَاهِيمُ بْنُ سَعْدٍ قَالَ : حَدَّثَنَا ابْنُ شِهَابٍ ، عَنْ سَعِيدِ بْنِ الْمُسَيَّبِ ، عَنْ أَبِي هُرَيْرَةَ ،

أَنَّ رَسُولَ اللهِ صلى الله عليه وسلم سُئِلَ أَيُّ الْعَمَلِ أَفْضَلُ فَقَالَ إِيمَانٌ بِاللَّهِ وَرَسُولِهِ قِيلَ ثُمَّ مَاذَا ؟ قَالَ : الْجِهَادُ فِي سَبِيلِ اللهِ قِيلَ ثُمَّ مَاذَا ؟ قَالَ : حَجٌّ مَبْرُورٌ.

“செயல்களில் சிறந்தது எது?” என நபி (ஸல்) அவர்களிடம் கேட்கப்பட்டது. “அல்லாஹ்வையும் அவனது தூதரையும் நம்பிக்கை கொள்வது” என்றார்கள். “பின்னர் எது?” என்று கேட்கப்பட்டது. “அல்லாஹ்வின் பாதையில் போர் புரிவது” என்றார்கள். “பின்னர் எது?” என்று கேட்கப்பட்டது. “ஏற்றுக் கொள்ளப்படும் ஹஜ்” என்றார்கள்.

அறிவிப்பவர்: அபூஹுரைரா (ரலி), நூல்: புகாரி-26

ஹஜ் சொல்லும் பாடம்.

மக்காவுக்கு ஹஜ் பயணம் செல்ல விரும்பும் ஒவ்வொருவரும் ‘இஹ்ராம்’ என்றழைக்கப்படும் எளிமை மிக்க ஒரு வெள்ளாடையுடன் போர்வை, காலணிகளை உடைமைகளாக்கிக் கொள்ள வேண்டியிருக்கும். இறைவனின் திருமுன் உடலாலும் உள்ளத்தாலும், எளிமையாக இருங்கள் என்பதே இதன் செய்தி.

ஹஜ்,பல சூட்சுமங்களையும் எண்ணற்ற ஆன்மீக தத்துவங்களையும் தன்னகத்தே தாங்கியிருக்கும் உயர்ந்த உன்னதமான ஓர் வணக்கமாகும்.

ஹஜ்ஜில் ஒவ்வோர் எட்டுமே இறைகாதலின் வெளிப்பாடாகும்.

ஹஜ் என்பதே அல்லாஹ்வின் பூர்வீக ஆலயம் கஃபா ஷரீஃபை தரிசிப்பதும்,மக்க மாநகரை நோக்கிய பயணமேயாகும்.

அல்லாஹ்வின் நேசத்திற்குறிய நபிமார்களும்,ரஸுல்மார்களும் மக்காவிற்கு பயணம் மேற்கொண்டு,இறை ஆலயத்தை தரிசிக்கும் சிறப்பை பெற்றார்கள்.

ஹழ்ரத் ஆதம் (அலை)அவர்கள் துவங்கி ஹழ்ரத் இப்ராஹீம் (அலை)அவர்கள்,இஸ்மாயீல்(அலை)அவர்கள் இறுதியாக நம் கண்மணி நாயகம் (ஸல்)அவர்கள் வரை பல நபிமார்களின் அழகிய அடிச்சுவடி களை இப்புனித மண் தாங்கி நிற்கின்றது.

ஹழ்ரத் இஸ்மாயீல் (அலை)அவர்களின் குர்பானி வெளிப்பட்ட இடம்,மகாமே இப்ராஹீம் எனும் இடம்,ஜம் ஜம் நீரூற்று,அன்னை ஹஜ்ரா அம்மையார் திக்குத்தெரியாமல் ஓடிய ஸஃபா,மர்வா.சுவனத்திலிருந்து இறக்கியருளப்பெற்ற அஜ்ருல் அஸ்வத் இவையனைத்தும் இங்கு தான் உள்ளன.

இவையனைத்தையும் விடவும் நம் கண்மணி நாயகம் (ஸல்)அவர்கள் பிறந்த,வாழ்ந்த ஊரும்,நபிக்கு மிக விருப்பமான ஊரும் மக்க மாநகரமாகும்.

ஹஜ் என்பது தொழுகை,நோன்பு,(ஸதகா)தானதர்மங்கள்,குர்பானி போன்ற எல்லா அமல்களும் நிறைந்த பரிபூரண வணக்கமாகும்.இதனால் தான் இதற்கு இறுதிக் கடமை என்று பெயர்.

ஹஜ்ஜிலே உலகெங்கிலுமிருந்து பல இனத்தவர்,பல்வேறு மொழிபேசுவோர், பல நிறத்தவர்,பல தேசத்தவர் என்கிற எந்த பேதமும் இன்றி அனைவரும் ஒரே இறைவனின் திருப்பொருத்தத்தை மாத்திரம் நாடி ஒன்றுக்கூடும் உலகின் ஒரே புனித தலம் மக்காவிலே உள்ள இறையில்லமாம் கஃபதுல்லாஹ் ஆகும்.

ஹஜ்ஜில் உயர்ந்தோர்,தாழ்ந்தோர் என்கிற எந்த பாகுபாடும் கிடையாது.அனைவரும் ஒரே தாய்,தந்தையரின் பிள்ளைகள் என்பதனை பறைசாற்றும் விதமாக இஹ்ராம் ஆடையை தான் அணியவேண்டும்.

ஒரே அல்லாஹ்,ஒரே ரஸுல்,ஒரே வேதம்,ஒரே கஃபா என்பனவற்றை ஈமான் கொண்டோர் ஒரே அமைப்பிலும்,ஒரே ஆடையிம்,ஒரே தோற்றத்திலும்,ஓர் அணியில் ஒன்றுபட வேண்டும் என அல்லாஹ் விரும்புகிறான்.

ஹாஜிகளின் தல்பியா...

இதோ ஹஜ்ஜின் காலம் துவங்கிவிட்டது உலகில் முளைமுடுக்குகளிலிருந்து ஹாஜிகள் لَبَّیْکَ اَللّٰھُمَّ لَبَّیْکَ என்ற தல்பியாவை முழங்கியவர்களாக இறையில்லத்தை நோக்கி புறப்பட்டு செல்கின்றனர்.

ஹாஜிகள் لَبَّیْکَ اَللّٰھُمَّ لَبَّیْکَ "வந்துவிட்டேன் இறைவா"என்று தல்பியா சொல்வதற்கு பின்னனியில் ஒரு சுவாரஸ்யமான வரலாறு உள்ளது.

لما فرغ إبراهيم من بناء البيت قيل له : ( أذن في الناس بالحج ) قال : رب وما يبلغ صوتي ؟ قال : أذن وعلي البلاغ

ஹழ்ரத் இப்ராஹீம்(அலை)அவர்கள் கஃபதுல்லாஹ்வை கட்டி முடித்ததும் அல்லாஹ் சொன்னான்;இப்ராஹீமே!ஹஜ்ஜை பற்றி மக்களுக்கு அறிவிப்பீராக!

இப்ராஹீம்(அலை)அவர்கள் கேட்டார்கள்:"ரப்பே!எனது சப்தம் (அழைப்பு)எப்படி (எல்லோருக்கும் போய்)சேரும்"

இறைவன் சொன்னான்;நீர் அறிவிப்புச் செய்யும்,அதனை கொண்டு சேர்க்கும் பொறுப்பு என்னுடையது.

عن ابن عباس قوله : ( وأذن في الناس بالحج ) قال : قام إبراهيم خليل الله على الحجر ، فنادى : يا أيها الناس كتب عليكم الحج ، فأسمع من في أصلاب الرجال وأرحام النساء ، فأجابه من آمن من سبق في علم الله أن يحج إلى يوم القيامة : لبيك اللهم لبيك

ஹழ்ரத் இப்ராஹீம் (அலை)அவர்கள் ஒரு குன்றின் மீது ஏறி நின்று உலகமாந்தர்களை நோக்கி அழைப்புக்கொடுக்கிறார்கள் "மனிதர்களே!உங்களின் மீது ஹஜ் கடமையாகிவிட்டது.

(அவர்களின் இவ்வழைப்பை அல்லாஹ்)ஆண்களின் முதுகந்தண்டில் உள்ளவர்களையும்,பெண்களின் கருவிலே உள்ளவர்களையும் கேட்கச்செய்தான்.

கியாம நாள் வரையுள்ளவர்களில் யாரையெல்லாம் ஹஜ்ஜீ செய்ய அல்லாஹ் நாடினானோ அவர்கள் "லெப்பைக்"என அதற்கு பதிலளித்தனர்.

இவ்வழைப்பு உலகில் உள்ளவர்கள் மாத்திரம் அல்ல "ஆலமே அர்வாஹில்"இருந்த உயிர்களும் செவியுற்றன.யாரெல்லாம் அதற்கு பதிலளித்தனரோ,எத்தனை முறை பதிலளித்தனரோ அத்தனை முறை ஹஜ் செய்யும் வாய்ப்பை அல்லாஹ் வழங்கிவிடுகின்றான்.

அஜ்ருல் அஸ்வத் கல்.

அஜ்ருல் அஸ்வத் என்பது கஃபாவின் கிழக்கு ஓரத்தில் பதிக்கப்பட்டுள்ள கரு நிறக்கல்லாகும்.சுவனத்திலிருந்து இறக்கியருளப்பெற்றது.இறங்கிய சமயம் முற்றிலும் வெண்மையாக இருந்த அக்கல்,மனிதர்களின் பாவங்களால் கருப்பாகிவிட்டது.

ஒரு தடவை ஹழ்ரத் உமர் ஃபாருக் (ரலி)அவர்கள் தவாஃப் செய்துக்கொண்டிருக்கையில்,அஸ்வத் கல்லுக்கருகில் வந்ததும்,அதற்கு முத்தமிட்டு விட்டு சொன்னார்கள்:"நீ பயனையோ,குறைவையோ தரவியலாத (சாதாரண)கல்.நாயகம் (ஸல்)அவர்கள் உன்னை முத்தமிட்டதால் நானும் முத்தமிடுகிறேன்"

உடனே அருகில் இருந்த ஹழ்ரத் அலி(ரலி)அவர்கள் உமர்(ரலி)அவர்களிடம் "உமரே!அப்படி சொல்லாதீர் மாறாக இது பயனளிக்கவும் செய்யும்,குறைஏற்படுத்தவும் செய்யும்."

ஆம் நாயகம் (ஸல்)அவர்கள் சொல்லியிருக்கிறார்கள்;அஸ்வத் கல்லிற்கு இரு கண்கள் உண்டு,அதனால் தன்னை முத்தமிடுபவர்களையும்,தொடுபவர்களையும் காணூகிறது.நாளை மறுமையில் அவர்களுக்காக சாட்சிக் கூறும்" எனக் கூறினார்கள்(நூல்: திர்மிதீ)

மகாமே இப்ராஹீம்(அலை).

இப்ராஹீம்(அலை)அவர்களுக்கு இஸ்மாயீல்(அலை)அவர்கள் உதவுபுரிய இதன் மீது நின்றுதான் கஃபாவை கட்டினார்கள்.

இதையே அல்லாஹ் குர்ஆனில்... وَاتَّخِذُوْا مِنْ مَّقَامِ اِبْرٰهٖمَ مُصَلًّى‌ وَعَهِدْنَآ اِلٰٓى اِبْرٰهٖمَ وَاِسْمٰعِيْلَ اَنْ طَهِّرَا بَيْتِىَ لِلطَّآٮِٕفِيْنَ وَالْعٰكِفِيْنَ وَالرُّکَّعِ السُّجُوْدِ‏

இப்ராஹீம் நின்ற இடத்தை - மகாமு இப்ராஹீமை - தொழும் இடமாக நீங்கள் ஆக்கிக்கொள்ளுங்கள்” (என்றும் நாம் சொன்னோம்). இன்னும் “என் வீட்டைச் சுற்றி வருபவர்கள், தங்கியிருப்பவர்கள், ருகூஃ செய்பவர்கள், ஸுஜூது செய்பவர்கள் ஆகியோருக்காகத் தூய்மையாக அதனை வைத்திருக்க வேண்டும்” என்று இப்ராஹீமிடமிருந்தும், இஸ்மாயீலிடமிருந்தும் நாம் உறுதி மொழி வாங்கினோம்.(அல்குர்ஆன் : 2:125)

நாயகம் (ஸல்)அவர்கள் சொன்னார்கள்;"எவர் மகாமே இப்ராஹீமுக்கு அருகில் இரு ரகஅத் தொழுவாரோ,அல்லாஹ் அவரின் முன்,பின் பாவங்களை மான்னிப்பான்"

அரஃபா பெருவெளி

மக்காவிற்கு தென்கிழக்கில் சிறிய மலைக்கும் அதனை சுற்றியுள்ள மைதானாத்திற்கும் அரஃபா என்று சொல்லப்படும்.ஹஜ்ஜில் இங்கு தங்குவது கட்டாயக்கடமையாகும்.ஒரு நொடிக்கூட அந்நாளில் தங்கவில்லையெனில் ஹஜ் நிறைவேறாது.

நாயகம் (ஸல்)அவர்கள் தங்களின் ஹஜ்ஜத்துல் விதாஃவிலே இறுதிப்பேருரையை இங்கு தான் நிகழ்த்தினார்கள்.

ஹழ்ரத் ஆதம்(அலை) அவர்களும்,ஹவ்வா(அலைஹா)அவர்களும் பூமிக்கு வந்து 200ஆண்டுகள் கழித்து முதன்முதலில் இந்த இடத்தில் தான் சந்தித்துக்கொள்கின்றனர். அதனை நினைவுக்கூறும் விதமாகவே இவ்விடத்திற்கு "அரஃபா" எனப்படுகிறது.

துல்ஹஜ் பிறை 9ல் ஹாஜிகள் இவ்விடத்தில் திக்ரு,துஆ, தரூத்,இஸ்திக்ஃபார் போன்ற நல்அமல்களில் ஈடுப்படுவார்கள்.

அடுத்து முஸ்தலிஃபா,மினா போன்ற பல்வேறு சிறப்புக்குறிய இடங்கள் உள்ளன, அல்லாஹ் குர்ஆனில் இவற்றை அல்லாஹுவின் புராதண அடையாளச் சின்னங்கள்,கண்ணியப்படுத்துங்கள் என்கிறான்.