ஜும்ஆ பயான் 11/03/2022

தலைப்பு :

பொறாமை வேண்டாம்.

اَمْ يَحْسُدُوْنَ النَّاسَ عَلٰى مَاۤ اٰتٰٮهُمُ اللّٰهُ مِنْ فَضْلِهٖ‌ فَقَدْ اٰتَيْنَاۤ اٰلَ اِبْرٰهِيْمَ الْـكِتٰبَ وَالْحِكْمَةَ وَاٰتَيْنٰهُمْ مُّلْكًا عَظِيْمًا‏

அல்லாஹ் தன் அருளினால் மனிதர்களுக்கு வழங்கியவற்றின்மீது இவர்கள் பொறாமை கொள்கின்றார்களா? இன்னும் நாம் நிச்சயமாக இப்ராஹீமின் சந்ததியினருக்கு வேதத்தையும், ஞானத்தையும் கொடுத்தோம்; அத்துடன் மாபெரும் அரசாங்கத்தையும் அவர்களுக்குக் கொடுத்தோம்.(அல்குர்ஆன் : 4:54)

மனித வாழ்வில் உடல் சார்ந்த நோய்கள் சோதனைகளாக வருவதைப் போன்றே, சில உள்ளம் சார்ந்த நோய்களும் அவனை சோதனைக்குள்ளாக்கும்.பொய்,புறம், குரோதம்,பொறாமை என்பன போன்றவை உள்ளம் சார்ந்த வியாதிகளாகும்.

இவற்றில் பொறாமை எனும் வியாதி மிக கொடிய மன நோயாகும்.இது மனித உள்ளத்தை மாத்திரம் அல்ல அவனின் உடலுக்கும் கேடுவிளைவித்துவிடும்.

பொறாமை என்றால் என்ன?

அல்லாஹ் தன் அடியானுக்கு வழங்கியிருக்கக்கூடிய கல்வி,செல்வம்,அழகு,பதவி, புகழ்,சொத்து சுகங்கள் ஆகிய நிஃமத்துகளை (வளங்கள்)பார்க்கும் போது  நிகழும்" ஒரு வித வெறுப்புணர்ச்சியே பொறாமையாகும்.

செல்வம், அழகு, கல்வி, புகழ், அறிவு போன்றவற்றுள் ஏதேனும் ஒன்றோ, அல்லது பலவோ ஒருவருக்கு அதிகமாகக் கொடுக்கப்படுவது இறைவனின் அருளாகும். இது அவரின் மீது மற்றவர்கள் பொறாமை கொள்ளக் காரணமாக அமைகிறது.

இன்ன நபர் போன்று நானும் ஆக வேண்டும் என்று எண்ணினால் அது பொறாமையாக ஆகாது. இவனெல்லாம் இப்படி இருக்கிறானே? இவனுக்கு மட்டும் இப்படி பொருளாதாரம் கிடைக்கிறதே என்று வேதனை அடைவதுதான் பொறாமை. 

நம்மிடம் இல்லாத ஒன்று இன்னொருவன் கையில் இருந்தால் மெதுவாக பொறாமை வந்து எட்டிப் பார்க்கும்.

நம்மிடம் இல்லாத  ஒன்று...

நமக்கு கிடைக்காத ஒன்று...

நாம் அடைய விரும்பும் ஒன்று...

இன்னொருவரிடம் இருந்தால்...

ஒருமாதிரியான எரிச்சல் உணர்வு வந்து எட்டிப்பார்க்கும்.

அவரைப் பற்றித் தரக்குறைவாக பேச வைக்கும்.

அவரெல்லாம் அப்படி ஒன்றும் பெரிய ஆளல்ல என்று மட்டம்தட்டிப் பேசி இன்பம் காணும்.

பார்த்தும் பார்க்காததுபோல போக வைக்கும்.

முதுகுக்குப் பின்னால் இருந்து குத்த சந்தர்ப்பம் தேடிக் கொண்டே இருக்கும்.

இவை எல்லாம் பொறாமையின் வெளிப்பாடு.

அல்லாஹ் இறை மறையில் கூறுகிறான்....

وَلَا تَتَمَنَّوْا مَا فَضَّلَ اللَّهُ بِهِ بَعْضَكُمْ عَلَى بَعْضٍ لِلرِّجَالِ نَصِيبٌ مِمَّا اكْتَسَبُوا وَلِلنِّسَاءِ نَصِيبٌ مِمَّا اكْتَسَبْنَ وَاسْأَلُوا اللَّهَ مِنْ فَضْلِهِ إِنَّ اللَّهَ كَانَ بِكُلِّ شَيْءٍ عَلِيمًا

சிலரை விட மற்றும் சிலரை அல்லாஹ் மேன்மைப்படுத்தியுள்ளதில் பேராசை கொள்ளாதீர்கள்! ஆண்களுக்கு அவர்கள் பாடுபட்டதில் பங்குண்டு. பெண்களுக்கு அவர்கள் பாடுபட்டதில் பங்குண்டு. அல்லாஹ்விடம் அவனது அருளை வேண்டுங்கள்! அல்லாஹ் ஒவ்வொரு பொருளையும் அறிந்தவனாக இருக்கிறான்.  திருக்குர்ஆன் (4.32)

அறிஞப்பெருமக்கள்; 

பொறாமையை நான்காக வகைப்படுத்துகிறார்கள்.

முதலாவது:

அந்த நிஃமத் பொறாமை கொள்ளும் அவனிடம் இருக்கக்கூடாது.அது தனக்கு கிடைத்தாலும்,கிடைக்காவிட்டாலும் சரியே!

இரண்டாவது:

அந்த நிஃமத்  பொறாமை கொள்ளும் அவனிடம் இருக்கக்கூடாது,அது தனக்கு கிடைக்க வேண்டும் என ஆசைப்படுவது.(எ.க அழகியப் பெண்,அழகான இல்லம்)  இவ்விரண்டு வகைகளும் பெரும் பாவங்களாகும்.ஹராம் ஆகும்.

மூன்றாவது:

தான் விரும்பிய ஒன்று கிடைக்காத விரக்தியில், அடுத்தவருக்குள்ள ஒரு நிஃமத் அவரிடம் இருக்கக்கூடாது என ஆசைப்படுவது.இதுவும் ஹராமாகும்

நான்காவது:

அடுத்தவருக்குள்ள நிஃமத்தை போன்றதொரு நிஃமத் தனக்க கிடைக்க வேண்டும் என ஆசைப்படுவது.அது அவரிடம் இருக்கக்கூடாது என்ற தப்பெண்ணம் இருக்காது.

இவ்வகை உலகக்காரியங்களில் மன்னிக்கப்படும்.மறுமைக்கான காரியங்களில் வரவேற்கக்கப்படும்.

பொறாமையின் துவக்கம்..

வானில் நடந்த முதல் தவறு பொறாமையினால்...

 قَالَ مَا مَنَعَكَ اَلَّا تَسْجُدَ اِذْ اَمَرْتُكَ‌ ؕ قَالَ اَنَا خَيْرٌ مِّنْهُ‌ ۚ خَلَقْتَنِىْ مِنْ نَّارٍ وَّخَلَقْتَهٗ مِنْ طِيْنٍ‏

நான் உனக்கு கட்டளையிட்டிருக்க (ஆதமுக்கு) நீ பணியாமல் இருக்க உன்னை தடுத்தது எது?என்று (இறைவன்) கேட்டான். அதற்கவன் நான் அவரை விட சிறந்தவன் நீ என்னை நெருப்பால் படைத்தாய் அவரை களிமண்ணால் படைத்தாய் என்று (பொறாமைப் பட்டவனாக) சொன்னான்.

(அல் குர்ஆன் 7:12)

அல்லாஹ் ஆதம்(அலை)அவர்களை படைத்த போது,மலக்குமார்களை ஆதம்(அலை)அவர்களுக்கு ஸஜ்தா செய்ய கட்டளையிட்டான்.

அப்போது இப்லீஸோ,நெருப்பால் படைக்கப்பட்ட படைப்பாகிய தனக்கு கிடைக்காத மரியாதை,மண்ணிணால் படைக்கப்பட்ட மனிதனுக்கு கிடைப்பாதா என ஆதம் (அலை)அவர்களின் மீது பொறாமைக்கொண்டு,அல்லாஹ்விடமே தர்கித்து,நிறந்தர சாபத்திற்கு ஆளானான்.

ஆக பொறாமை ஒருவனின் நல்ல அமல்களை அழித்து, அவனது நற்பெயர்களை கெடுத்து, இவ்வுலகிலும், மறு உலகிலும் ஈடேற்றம் பெறமுடியாத நிலையை ஏற்படுத்திவிடும் என்பதனை இப்லீஸின் வரலாறு நமக்கு  காட்டுகிறத

பூமியில் பொறாமையினால் நிகழ்ந்த முதல் குற்றம் கொலை.

ஆதம் நபிக்கு ஹாபீல்-காபீல் என்று இரு புதல்வர்கள் இருந்தனர். அவ்விருவர்களுக்கும் உடன் பிறந்த இரு சகோதரிகள், ஹாபிழுடன் பிறந்த சகோதரியை காபில் திருமணம் செய்ய வேண்டும். காபிலுடன் பிறந்த சகோதரியை ஹாபிழ் திருமணம் செய்ய வேண்டும். இது தான் கட்டளை, காபிழுடன் பிறந்த சகோதரி அழகாக இருந்ததால் அதை காபில் ஹாபிலுக்கு விட்டுக் கொடுக்க விரும்பவில்லை. ஆகையால் இருவருக்கும் பகை நீண்டது, எந்த அளவுக்கு என்றால் கொலை காபில் ஆபிலை கொலை செய்யும் அளவுக்கு சென்றது. ஹாபிலை காபில் ஒரு பெண்ணுக்காக கொலையும் செய்து விட்டான். ஒரு பெண்ணுக்காக கொலையும் செய்யும் சம்பவம் தான் உலகில் முதன் முதலில் நடந்த கொலை.  ஹாபீல் நல்லவர். காபீல் கெட்ட குணம் கொண்டவர். அவர்களுக்கிடையே இந்த திருமண பிரச்சினை  பிரச்சினையாக  எழுந்தது. இதில் இறைவன் புறத்தில் இருந்து நல்ல செய்தி கிடைக்க இருவரும்  குர்பான் கொடுக்க வேண்டும் என்று முடிவு செய்யப்பட்டது. யாருடைய குர்பானை அல்லாஹ் அங்கீகரிக்கின்றானோ அவருக்கு சார்பாகப் பிரச்சினையில் தீர்வு அமைய வேண்டும் என்று முடிவானது.

இருவரும் குர்பானை முன்வைத்தனர். அக்காலத்தில் குர்பான் செய்தால் அதை அல்லாஹ் அங்கீகரிக்கும் விதம் வித்தியாசமாக இருந்தது. வானத்தில் இருந்து நெருப்பு வந்து அந்தக் குர்பானை அழித்துவிடும். இதுதான் குர்பான் அங்கீகரிக்கப்பட்டதற்கு அடையாளமாக அமையும். ஹாபீலின் குர்பான் அங்கீகரிக்கப்பட்டது. காபீலின் குர்பான் அங்கீகரிக்கப்படவில்லை.

وَاتْلُ عَلَيْهِمْ نَبَاَ ابْنَىْ اٰدَمَ بِالْحَـقِّ‌ۘ اِذْ قَرَّبَا قُرْبَانًا فَتُقُبِّلَ مِنْ اَحَدِهِمَا وَلَمْ يُتَقَبَّلْ مِنَ الْاٰخَرِ قَالَ لَاَقْتُلَـنَّكَ‌ قَالَ اِنَّمَا يَتَقَبَّلُ اللّٰهُ مِنَ الْمُتَّقِيْنَ‏ 

(நபியே!) ஆதமுடைய இரு குமாரர்களின் உண்மை வரலாற்றை நீர் அவர்களுக்கு ஓதிக்காண்பியும்; அவ்விருவரும் (ஒவ்வொருவரும்) குர்பானி கொடுத்த போது, ஒருவரிடமிருந்து அது ஏற்றுக் கொள்ளப்பட்டது. மற்றவரிடமிருந்து அது ஏற்றுக்கொள்ளப்படவில்லை; (பின்னவர்) “நான் நிச்சயமாக உன்னைக் கொலை செய்து விடுவேன்” என்று கூறினார். அதற்கு (முன்னவர்) “மெய்யாகவே அல்லாஹ் ஏற்றுக் கொள்வது பயபக்தியுடையவர்களிடமிருந்து தான்” என்று கூறினார்.(அல்குர்ஆன் : 5:27)

فَبَـعَثَ اللّٰهُ غُرَابًا يَّبْحَثُ فِىْ الْاَرْضِ لِيُرِيَهٗ كَيْفَ يُوَارِىْ سَوْءَةَ اَخِيْهِ‌ قَالَ يَاوَيْلَتٰٓى اَعَجَزْتُ اَنْ اَكُوْنَ مِثْلَ هٰذَا الْغُرَابِ فَاُوَارِىَ سَوْءَةَ اَخِىْ‌ فَاَصْبَحَ مِنَ النّٰدِمِيْنَۛ ‌ ۙ‏‏‏ 

பின்னர் தம் சதோதரரின் பிரேதத்தை (அடக்குவதற்காக) எவ்வாறு மறைக்க வேண்டுமென்பதை அவருக்கு அறிவிப்பதற்காக அல்லாஹ் ஒரு காகத்தை அனுப்பினான்; அது பூமியை தோண்டிற்று (இதைப் பார்த்த) அவர் “அந்தோ! நான் இந்த காகத்தைப் போல் கூட இல்லாதாகி விட்டேனே! அப்படியிருந்திருந்தால் என் சகோதரனுடைய பிரேதத்தை நான் மறைத்திருப்பேனே!” என்று கூறி, கை சேதப்படக் கூடியவராகி விட்டார்.(அல்குர்ஆன் : 5:31)

காபில் தனது சகோதரர் ஹாபில் மீது கொண்ட பொறாமையினால்,அவரை கொலை செய்தான். இதுவே உலகில் நிகழ்ந்த முதல் கொலை குற்றம் என்கிறது திருமறை...

முதலில் கொலையை அறிமுகப்படுத்தியதின் காரணமாக இவ்வுலகில் யார் கொலை செய்தாலும் அதில் ஒரு பங்கு அவரை (காபிலை) சேரும் என நபி(ஸல்) அவர்கள் கூறினார்கள்.

பொறாமையின் காரணமாக யூசுஃப் நபியை கொலைசெய்ய திட்டம்.

إِذْ قَالُوا لَيُوسُفُ وَأَخُوهُ أَحَبُّ إِلَىٰ أَبِينَا مِنَّا وَنَحْنُ عُصْبَةٌ إِنَّ أَبَانَا لَفِي ضَلَالٍ مُّبِينٍ

12:8. (யூஸுஃபுடைய சகோதரர்கள்) கூறினார்கள்: “யூஸுஃபும், அவருடைய சகோதரரும் நம் தந்தைக்கு நம்மைவிட அதிகப் பிரியமுள்ளவர்களாக இருக்கின்றனர் – நாமோ (பலமுள்ள) கூட்டதினராக இருக்கின்றோம்; நிச்சயமாக நம் தந்தை பகிரங்கமான தவறிலேயே இருக்கின்றார் (என்றும்),

اقْتُلُوا يُوسُفَ أَوِ اطْرَحُوهُ أَرْضًا يَخْلُ لَكُمْ وَجْهُ أَبِيكُمْ وَتَكُونُوا مِن بَعْدِهِ قَوْمًا صَالِحِينَ

12:9. “யூஸுஃபை” கொன்றுவிடுங்கள், அல்லது அவரை (தொலைவான) ஒரு நாட்டில் எறிந்துவிடுங்கள்; (அப்பொழுது) உங்கள் தந்தையின் கவனம் உங்கள் பக்கமே இருக்கும்; இதன்பின் நீங்கள் நல்ல மனிதர்களாகி விடுவீர்கள்” என்றும் கூறியபொழுது,

قَالَ قَائِلٌ مِّنْهُمْ لَا تَقْتُلُوا يُوسُفَ وَأَلْقُوهُ فِي غَيَابَتِ الْجُبِّ يَلْتَقِطْهُ بَعْضُ السَّيَّارَةِ إِن كُنتُمْ فَاعِلِينَ

12:10. அவர்களில் ஒருவர்: “நீங்கள் யூஸுஃபை கொலை செய்யாதீர்கள், நீங்கள் அவரை (ஏதாவது) செய்தே ஆகவேண்டுமென்றால் – அவரை ஓர் ஆழமான கிணற்றில் தள்ளிவிடுங்கள்; (அப்போது அவ்வழி செல்லும்) பிரயாணிகளில் சிலர் அவரை எடுத்துக் கொள்ளக்கூடும்” என்று கூறினார்

பொறாமைக்காரனை அல்லாஹ் எச்சரிக்கிறான்...

اَمْ يَحْسُدُوْنَ النَّاسَ عَلٰى مَاۤ اٰتٰٮهُمُ اللّٰهُ مِنْ فَضْلِهٖ‌ فَقَدْ اٰتَيْنَاۤ اٰلَ اِبْرٰهِيْمَ الْـكِتٰبَ وَالْحِكْمَةَ وَاٰتَيْنٰهُمْ مُّلْكًا عَظِيْمًا‏

அல்லாஹ் தன் அருளினால் மனிதர்களுக்கு வழங்கியவற்றின்மீது இவர்கள் பொறாமை கொள்கின்றார்களா? இன்னும் நாம் நிச்சயமாக இப்ராஹீமின் சந்ததியினருக்கு வேதத்தையும், ஞானத்தையும் கொடுத்தோம்; அத்துடன் மாபெரும் அரசாங்கத்தையும் அவர்களுக்குக் கொடுத்தோம்.(அல்குர்ஆன் : 4:54)

பொறாமை எனும் தீ

பொறாமை ஷைதானின் குணம் என்பதால் அது ஒரு விதமான உஷ்ணத்தை மனிதனில் உண்டாக்கும்.

மனிதன் கோபம் கொள்ளும் போது கூட உஷ்ணத்தை உணருகிறான்,இந்த குணங்கள் மனிதனின் உடலையும் பாதிக்கின்றன.

அதனால் தான் நபிﷺஅவர்கள் "கோபம் வந்தால் தண்ணீர் அருந்துங்கள்,அது கோபத்தை தணிக்கும்" என்றார்கள் தமிழில் பொறாமையை வயிற்றேரிச்சல் என்பார்கள்.

இதே கருத்துப்பட நபிﷺஅவர்கள் பொறாமையை நெருப்புக்கு ஒப்பாக்கி உவமை கூறியுள்ளார்கள்.

- عَنْ أَبِي هُرَيْرَةَ  قَالَ: قَالَ رَسُولُ اللَّهِ ﷺ: إِيَّاكُمْ وَالْحَسَدَ، فَإِنَّ الْحَسَدَ يَأْكُلُ الْحَسَنَاتِ كَمَا تَأْكُلُ النَّارُ الْحَطَبَ. أَخْرَجَهُ أَبُو دَاوُدَ.

நபி (ஸல்) அவர்கள் நவின்றதாக ஹஜ்ரத் அபூ ஹுர்ரைரா (ரலி) அறிவிக்கிறார்கள்: பொறாமை பற்றி உங்களுக்கு எச்சரிக்கிறேன்.நிச்சயமாக பொறாமை ,நெருப்பு விறகைத் தின்பதைப் போல நன்மைகளைத் தின்றுவிடும்-அல்லது காய்ந்த புல்லை நெருப்புத் தின்பது போல நன்மைகளைத் தின்றுவிடும்.(அபூ தாவூது)

 எனவே பொறாமை எனும் தீய குணம் பொறாமைக்காரனை பலகீனப்படுத்தோவதோடல்லாமல்,அல்லாஹ் ரஸுலின் வெறுப்பிற்கு காரணமாக அமைந்துவிடுகிறது.

இந்நோய்யை குணமாக்கும் மருத்துவம் நல்லெண்ணமும்,இறைநம்பிக்கையும், நல்லோர்களின் சகவாசமும் ஆகும்.                             

صحبتِ صالح ترا صالح کند 

அல்லாமா ஷைகு ஸஃதி (ரஹ்)அவர்களின் அமுத மொழி;

"நல்லோர்களின் சகவாசம் உனை நல்லவானாக்கும்"

சிறந்த மனிதன் யார்?

[عن عبدالله بن عمرو:] قيل لرسولِ اللهِ ﷺ أيُّ الناسِ أفضلُ قال كلُّ مخمومِ القلبِ صدوقِ اللسانِ قالوا صدوقُ اللسانِ نعرفُه فما مخمومُ القلبِ قال هو التقيُّ النقيُّ لا إثمَ فيه ولا بغيَ ولا غِلَّ ولا حسدَ صحيح ابن ماجه ٣٤١٦ 

நபி (ஸல்) அவர்களிடம் மக்களில் சிறந்தவர் யார்? என்று கேட்கப்பட்டது. அதற்கு நபி (ஸல்) அவர்கள் உண்மை பேசும் ஒவ்வொருவரும் மற்றும் தூய உள்ளம் கொண்டவரும் ஆவர் என்று பதிலளித்தார்கள். அப்போது மக்கள் உண்மை பேசுபவரைப் பற்றி அறிவோம். ஆனால் தூய உள்ளம் கொண்டவர் என்றால் யார்? என்று வினவினார்கள். அதற்கு நபி (ஸல்) அவர்கள் தூய உள்ளம் கொண்டவர் யாரெனில் அவரது உள்ளத்தில் பாவமோ, அநியாயமோ, குரோதமோ, பொறாமையோ இருக்காது என்றார்கள்.

யார் மீது பொறாமைப்பட வேண்டும்......(غبطة )

 عَنِ عَبْدَ اللهِ بْنَ عُمَرَ ، رَضِيَ اللَّهُ عَنْهُمَا ، قَالَ : : سَمِعْتُ رَسُولَ اللهِ صلى الله عليه وسلم يَقُولُ

لاَ حَسَدَ إِلاَ عَلَى اثْنَتَيْنِ رَجُلٌ آتَاهُ اللَّهُ الْكِتَابَ وَقَامَ بِهِ آنَاءَ اللَّيْلِ وَرَجُلٌ أَعْطَاهُ اللَّهُ مَالاً فَهْوَ يَتَصَدَّقُ بِهِ آنَاءَ اللَّيْلِ وَالنَّهَار

நபி(ஸல்) அவர்கள் கூறினார்கள்: இரண்டு விஷயங்களில் தவிர வேறெதிலும் பொறாமை கொள்வது அனுமதி இல்லை. மார்க்க ஞானத்தை ஒருவருக்கு அல்லாஹ் வழங்குகிறான். அதனடிப்படையில் இரவு பகலாக அவர் நடக்கிறார். அல்லாஹ் செல்வத்தை வழங்கிய ஒருவர் அதனை இரவு பகலாக( அல்லாஹ்வின் பாதையில்) செலவழிக்கிறார்.(இவர்களை பார்த்து பொறாமை கொள்ளலாம்)      (அறிவிப்பவர்: இப்னு உமர்(ரலி) நூல்: புகாரி-5025)

இந்த பொறாமைக்கு அரபியில் (غبطة கிப்தா) எனப்படும். கிப்தா என்றால் பிறரிடம் இருப்பது தனக்கும் கிடைக்க வேண்டும் என ஆசைக் கொள்வது. இது ஷரீஅத்தில் தடுக்கப்பட்டது அல்ல.

சுவர்க்கம் செல்ல வேண்டுமா? 

இதோ சுவர்க்க வாசியான ஒர் சஹாபியின் அற்புத நிகழ்வு....

٢- [عن أنس بن مالك:] كنّا جُلوسًا مع رسولِ اللهِ صلّى اللهُ عليه وسلَّمَ فقال: يَطلُعُ عليكم الآنَ رَجُلٌ من أهلِ الجَنَّةِ، فطَلَعَ رَجُلٌ من الأنصارِ، تَنطِفُ لحيَتُهُ من وَضوئِهِ، قد تَعَلَّقَ نَعْلَيهِ في يَدِه الشِّمالِ، فلمّا كان الغدُ، قال النَّبيُّ صلّى اللهُ عليه وسلَّمَ، مِثْلَ ذلك، فطَلَعَ ذلك الرَّجُلُ مثلَ المرةِ الأولى. فلمّا كان اليومُ الثالثُ، قال النَّبيُّ صلّى اللهُ عليه وسلَّمَ، مِثْلَ مَقالَتِهِ أيضًا، فطَلَعَ ذلك الرَّجُلُ على مِثْلِ حالِه الأولى، فلمّا قام النَّبيُّ صلّى اللهُ عليه وسلَّمَ تَبِعَهُ عبدُ اللهِ بنُ عَمْرِو بنِ العاصِ فقال: إنِّي لاحَيتُ أبي فأقسَمْتُ ألّا أدخُلَ عليه ثلاثًا، فإنْ رَأيْتَ أنْ تُؤويَني إليكَ حتى تَمضيَ فَعَلتَ؟ قال: نَعَمْ. قال أنَسٌ: وكان عبدُ اللهِ يُحَدِّثُ أنَّه باتَ معه تلك اللَّياليَ الثَّلاثَ، فلم يَرَهُ يقومُ من الليلِ شيئًا، غيرَ أنَّه إذا تَعارَّ وتَقَلَّبَ على فِراشِهِ ذَكَرَ اللهَ عزَّ وجَلَّ وكبَّرَ، حتى يقومَ لصلاةِ الفجرِ. قال عبدُ اللهِ: غيرَ أني لم أَسمَعْهُ يقولُ إلّا خَيْرًا، فلمّا مَضَتِ الثلاثُ ليالٍ وكِدْتُ أنْ أحقِرَ عمَلَهُ، قلتُ: يا عبدَ اللهِ، إنِّي لم يكن بَيْني وبينَ أبي غَضَبٌ ولا هَجْرٌ ثَمَّ، ولكِنْ سَمِعتُ رسولَ اللهِ صلّى اللهُ عليه وسلَّمَ يقولُ لكَ ثلاثَ مِرارٍ: يَطلُعُ عليكم الآنَ رَجُلٌ من أهْلِ الجَنَّةِ فطَلَعتَ أنتَ الثلاثَ مِرارٍ، فأرَدْتُ أنْ آويَ إليكَ لِأنظُرَ ما عَمَلُكَ، فأقتَديَ به، فلم أرَكَ تَعمَلُ كثيرَ عَمَلٍ، فما الذي بَلَغَ بكَ ما قال رسولُ اللهِ صلّى اللهُ عليه وسلَّمَ، فقال: ما هو إلّا ما رَأيتَ. قال: فلمّا وَلَّيتُ دَعاني، فقال: ما هو إلّا ما رَأيتَ، غيرَ أنِّي لا أجِدُ في نَفْسي لِأحَدٍ من المسلمينَ غِشًّا، ولا أحسُدُ أحَدًا على خَيْرٍ أعطاهُ اللهُ إيّاهُ. فقال عبدُ اللهِ: هذه التي بَلَغَتْ بكَ، وهي التي لا نُطيقُ. وأحمد (١٢٦٩٧) 

அப்துல்லாஹ் இப்னு அம்ரு இப்னு ஆஸ் (ரழி) அவர்கள் கூறியதாக அனஸ் (ரழி) அவர்கள் அறிவிக்கின்றார்: 

நான் மூன்று நாட்களும் அவரிடத்தில் தங்கி கழித்ததில் அவர் இரவில் நின்று வணங்கவில்லை; ஆனால் இரவில் படுக்கைக்கு செல்கின்றபோது அல்லாஹ்வை நினைவு கூர்வார்கள்; பின்னர் அல்லாஹு அக்பர் என்று கூறுவார்கள்; பிறகு பஜ்ரு வரையும் தூங்குவார்கள். அந்த நாட்களில் பிறரைப் பற்றி தவறாக பேசி நான் அவரிடம் கேட்டதில்லை. மூன்று நாட்கள் கழிந்த பிறகு அவரின் நற்செயல்களைக் குறைவாக மதிப்பிட முற்பட்டேன். எனவே அந்த மனிதரிடம் இறையடியாரே (உண்மையில்) எனக்கும் என் தந்தைக்கும் இடையில் எந்த சண்டை, சச்சரவும் இல்லை, எனினும் நபி (ஸல்) அவர்கள் எங்களிடம் சுவர்க்கவாசிகளில் ஒருவர் இப்போது உங்களிடம் வருவார் என்று மூன்று முறை கூறினார்கள்; மூன்று முறையும் நீங்களே வந்தீர்கள். எனவே தான் நான் உங்களிடம் தங்கி (சொர்க்கத்தில் நுழைவிக்கும் படி) தாங்கள் செய்யும் நற்செயல் எது? என்பதைப் பார்த்து நானும் அதை செய்ய விரும்பினேன். (அதற்காகவே தங்கினேன்) ஆனால் அதிகமான நற்செயல் எதுவும் செய்தததாக தங்களைக் காணவில்லை என்று கூறிவிட்டு அவ்வாறு நபி (ஸல்) அவர்கள் உங்களை சுவர்க்கவாசி என்று கூறுவதற்குக் காரணம் என்னவென்று அவரிடம் கேட்டேன். நீங்கள் பார்த்ததைத் தவிர வேறொன்றும் (விசேஷமாக) என்னிடம் இல்லை என்று கூறினார். நான் திரும்பிச் சென்ற போது என்னை திரும்ப அழைத்து நீங்கள் பார்த்ததை தவிர வேறொன்றும் (விசேஷமாக) என்னிடம் இல்லை எனினும் நான் எந்த முஸ்லிமுக்கும் தீங்கிழைக்கும் எண்ணம் என் உள்ளத்தில் இருந்ததில்லை. மேலும் அல்லாஹ் யாருக்கு நன்மையை வழங்கியிருந்தாலும் (அதற்காக) அவர் மீது நான் பொறாமை கொள்ள மாட்டேன். என்று கூறினார்.

அதற்கு அப்துல்லாஹ் இப்னு அம்ரு இப்னு ஆஸ் (ரலி) அவர்கள் இதுவே உங்களிடம் உள்ள(சிறந்த)து. ஆனால் இது நம்மால் இயலாது என்று கூறினார்.

பிறர் மீது பொறாமைப்படாமல் இருப்பதை நாம் பழகிக் கொண்டால் இறைவன் நாடினால் அது நம்மை சொர்க்கத்திற்கு அழைத்து செல்லும் காரணியாக ஆகலாம்.

பொறாமையின் விளைவுகள்.

பொறாமையினால் உள்ளத்தில் அடுத்தவர் மீது வெறுப்பு,கோபம்,குரோதம் போன்ற பாவங்கள் உண்டாகும்.

பொறாமையினால் பொறாமைக்கொள்ளப்படுபவரின் மகிழ்ச்சி துக்கத்தையும்,அவரின் துன்பம் மகிழ்ச்சியையும் தரும்.

இப்படி அடுத்தவரை கவனிப்பதால் அல்லது தன்னோடு ஒப்பிட்டு பார்ப்பாதால் வாழ்வில் நிம்மதியையும்,மகிழ்ச்சியையும் பொறாமைக்காரான் இழந்து தவிக்க நேரிடும்.

பொறாமை மனிதனை அவதூறு பரப்புதல்,உரிமையை பறித்தல்,கொலைப் போன்ற பெரும் பாவங்களில் சேர்த்துவிடும்.

எனவே பொறாமையை தவிர்த்து இறைவனின் அன்பை பெற்று வாழும் பாக்கியத்தை இறைவனிடம் இறைஞ்சுவோமாக! ஆமின்...

வெளியீடு: செங்கல்பட்டு & காஞ்சிபுரம் மாவட்ட ஜமாஅத்துல் உலமா சபை.

 

ஜும்ஆ பயான் 04/03/2022

தலைப்பு :

துஆ எனும் ஆயுதம்.

மனிதன் தேவையுடையவன் .தன் தேவையனைத்தையும் ஒரு முஸ்லிம்  முதல் கோரிக்கையாக அல்லாஹ்விடமே

வைக்கவேண்டும். அல்லாஹ் தான் ஒட்டு மொத்த மனித சஞ்சாரத்தின் தேவையை நிறை வேற்றுபவனாக இருக்கிறான். செறுப்பின் வார்அறுந்தாலும், காலில் முள் தைத்தாலும் தன் ரப்பிடமே அதன் நிவாரணத்தை கேட்க வேண்டும். சிறிய பெரிய எந்த தேவையாக இருந்தாலும் அல்லாஹ்விடமே கேட்க வேண்டும். அதற்கு ஒர் வழியாக தான் துஆ எனும் வசீலாவை அல்லாஹ்வும், ரசூலும் நமக்கு காண்பித்து தந்துள்ளார்கள்.

துஆ ஒர் முக்கிய வணக்கமாகும்.இன்னும் சொல்லப்போனால் இபாதாத்களின் மூளை,வணக்கவழிபாடுகளின் கருப்பொருளாகும்۔நாம் செய்யும் ஒவ்வொரு அமலும் துஆவின் மூலமே ஏற்றுக்கொள்ளப்படுகிறது. துஆ மற்ற இபாதத்களைப் போன்று அதுவும் ஒரு இபாதத்தாகும். இறைவன் தன்னிடம் தன் அடியான் துஆ செய்வதை விரும்புகிறான். 

மேலும் நபி (ஸல்)அவர்கள் கூறுகிறார்கள்.ஒரு அடியான் தன் ரப்பின் பால் தன் இரண்டு கைகளையும் உயர்த்திய பிறகு அந்த கையை வெறுங்கையாக விடுவதை அல்லாஹ் வெட்கப்படுகிறான். (திர்மிதி)

ஒரு மனிதன் மரணித்து விட்ட பிறகும் அவனுக்கு வந்து கொண்டே இருக்கும் அமல்களில் ஒன்று துஆவுமாகும் என நபி (ஸல்) அவர்கள் கூறியுள்ளார்கள்.

ஹழ்ரத் அபூஹீரைரா (ரலி) அவர்கள் அறிவிக்கிறார்கள் .நபி (ஸல்) அவர்கள் கூறினார்கள். எந்த மனிதன் அல்லாஹ்விடம் துஆ கேட்கவில்லையோ அந்த மனிதனின் மீது அல்லாஹ் கோபமடைகிறான்.(திர்மிதி)

துஆ ஒர் இபாதத்தாகும்.

۔ عَنِ النُّعْمَانِ بْنِ بَشِيْرٍ رضي الله عنهما قَالَ : سَمِعْتُ النَّبِيَّ ﷺ یَقُوْلُ : اَلدُّعَاءُ هُوَ الْعِبَادَةُ، ثُمَّ قَرَأَ : {وَقَالَ رَبُّکُمُ ادْعُوْنِيْٓ اَسْتَجِبْ لَکُمْ ط اِنَّ الَّذِيْنَ یَسْتَکْبِرُوْنَ عَنْ عِبَادَتِيْ سَیَدْخُلُوْنَ جَهَنَّمَ دَاخِرِيْنَo} [غافر، 40 : 60]۔

رَوَاهُ التِّرْمِذِيُّ وَصَحَّحَهُ وَأَبُوْ دَاوُد۔                          

நபிﷺஅவர்கள் கூறினார்கள்;துஆ அதுவே வணக்கமாகும்.

மேலும் நபி (ஸல்) கூறினார்கள்...

عَنْ أَنَسِ بْنِ مَالِکٍ رضی الله عنه أَنَّ رَسُوْلَ اللهِ ﷺ قَالَ : اَلدُّعَائُ مُخُّ الْعِبَادَةِ۔

رَوَاهُ التِّرْمِذِي۔

"துஆ வணக்கங்களின்  மூளை" என நபி (ஸல்) கூறினார்கள்.

மேலும் வணக்கவழிபாடு அனைத்திலும் துஆவுக்கு முக்கிய இடமுண்டு.துஆ அன்றி எந்த அமலும் முழுமைப் பெறுவது கிடையாது.துஆ,ஸஜ்தா இந்த இரண்டு சந்தர்ப்பங்களிலும் அடியான் அல்லாஹ்விற்கு மிக நெக்கமாகிவிடுகிறான்.

அதிலும் குறிப்பாக துஆவுடைய சந்தர்பத்தில் அல்லாஹ் அடியானின் பிடறி நரம்பை விட மிக நெருக்கமாகிவிடுகிறான்.துஆ மனிதனின் பேராயுதம்.விதியையே மாற்றும் சக்தி அதற்கு உண்டு.

துஆ மனிதனின் இயற்கை குணம் என்கிறது திருமறை...

وَاِذَا مَسَّ الْاِنْسَانَ ضُرٌّ دَعَا رَبَّهٗ مُنِيْبًا اِلَيْهِ 

இன்னும் மனிதனை ஏதேனும் ஒரு துன்பம் தீண்டுமானால், அவன் தன் இறைவன்பால் திரும்பி அவனை அழை(த்துப் பிரார்த்தி)க்கின்றான்; (அல்குர்ஆன் : 39:8)

அல்லாஹ்விடம் இறைஞ்சி துஆ கேட்பது,நபிமார்கள் நல்லோர்களின் பண்பாகும்.நபிமார்கள் கேட்ட துஆக்களின் கூற்று குர்ஆனில் பல இடங்களில் வருகிறது.

துஆ கேட்பதன் அவசியம்

எல்லா மனிதர்களுமே தேவையுள்ளவர்கள்.வானம்,பூமி அனைத்தின் பொக்கிஷங்களும் அல்லாஹ்வின் கைவசம் உள்ளன.அவற்றை மனிதனுக்கு அவனை தவிர யாராலும் கொடுக்க இயலாது

وَاللّٰهُ الْغَنِىُّ وَاَنْـتُمُ الْفُقَرَآءُ ‌ 

அல்லாஹ் எவ்விதத் தேவையுமற்றவன் - நீங்கள் தேவையுடையவர்களாக இருக்கின்றீர்கள்.(அல்குர்ஆன் : 47:38)

ஆக கொடுப்பவன் அல்லாஹ்,அதனை அடியான் துஆ என்கிற இபாதத்தின் மூலம் கேட்டு பெறவேண்டும்.

துஆவின் முக்கியத்துவம்

அல்லாஹ் வெறுமனே துஆ கேளுங்கள் என கூறாமல் துஆ கேட்பதன் வழிமுறைகளையும் விளக்கமாக கூறுகிறான்.

وَاِذَا سَاَلَـكَ عِبَادِىْ عَنِّىْ فَاِنِّىْ قَرِيْبٌ اُجِيْبُ دَعْوَةَ الدَّاعِ اِذَا دَعَانِ فَلْيَسْتَجِيْبُوْا لِىْ وَلْيُؤْمِنُوْا بِىْ لَعَلَّهُمْ يَرْشُدُوْنَ‏

(நபியே!) என் அடியார்கள் என்னைப்பற்றி உம்மிடம் கேட்டால்; “நிச்சயமாக நான் சமீபமாகவே இருக்கிறேன், பிரார்த்தனை செய்பவரின் பிரார்த்தனைக்கு அவர் பிரார்த்தித்தால் விடையளிக்கிறேன்; அவர்கள் என்னிடமே(பிரார்த்தித்துக்) கேட்கட்டும்; என்னையே நம்பட்டும். அப்பொழுது அவர்கள் நேர்வழியை அடைவார்கள்” என்று கூறுவீராக.(அல்குர்ஆன் : 2:186

நபிகள் பெருமானார்ﷺஅவர்கள் துஆவின் முக்கியத்துவத்தை உணர்த்துவதற்காக அதன் சிறப்புகளையும்,ஒழுக்கங்களையும் கூறியுள்ளார்கள்.

 عَنْ أَبِي هُرَيْرَةَ رضی الله عنه قَالَ : قَالَ رَسُوْلُ اللهِ ﷺ : لَيْسَ شَيئٌ أَکْرَمَ عَلَی اللهِ تَعَالَی مِنَ الدُّعَاءِ۔

رَوَاهُ التِّرْمِذِيُّ

நபிﷺஅவர்கள் கூறினார்கள்;அல்லாஹுதஆலாவிடம் துஆவை விட மிகச் சங்கையான விஷயம் வேறெதுவுமில்லை.

۔ عَنِ ابْنِ عُمَرَ رضی الله عنه قَالَ : قَالَ رَسُوْلُ اللهِ ﷺ : مَنْ فُتِحَ لَهُ مِنْکُمْ بَابُ الدُّعَاءِ فُتِحَتْ لَهُ أَبْوَابُ الرَّحْمَةِ، وَمَا سُئِلَ اللهُ شَيْئًا یَعْنِي أَحَبَّ إِلَيْهِ مِنْ أَنْ یُسْأَلَ الْعَافِیَةَ، وَقَالَ رَسُوْلُ اللهِ ﷺ : إِنَّ الدُّعَاءَ یَنْفَعُ مِمَّا نَزَلَ وَمِمَّا لَمْ یَنْزِلْ، فَعَلَيْکُمْ عِبَادَ اللهِ، بِالدُّعَاءِ۔ رَوَاهُ التِّرْمِذِيُّ۔

عن علي رضي الله عنهم قال : قال رسول الله صلى الله عليه وآله وسلم : " الدعاء سلاح المؤمن ، وعماد الدين ، ونور السماوات والأرض " . " هذا حديث صحيح

عَنْ أَبِي ھُرَيْرَةَ رضی الله عنه قَالَ : قَالَ رَسُوْلُ اللهِ ﷺ : مَنْ لَمْ یَسْأَلِ اللهَ عزوجل یَغْضَبْ عَلَيْهِ۔ رَوَاهُ التِّرْمِذِيُّ وَالْحَاکِمُ وَالْبُخَارِيُّ فِي الْأَدَبِ

துஆவின் வலிமை.

நபி (ஸல்) அவர்கள் கூறினார்கள்:

முன்காலத்தில் மூன்று மனிதர்கள் நடந்து சென்றனர். அப்போது மழை பொழிந்தது. அவர்கள் மலையில் உள்ள குகையில் நுழைந்தனர். ஒரு பெரிய பாறை உருண்டு வந்து குகை வாசலை அடைத்தது. அப்போது அவர்கள் தமக்குள், ‘நீங்கள் செய்த நல்லறங்களில் மிகச் சிறந்ததைக் கூறி அல்லாஹ்விடம் பிரார்த்தியுங்கள்’ என்றனர். அவர்களில் ஒருவர், ‘இறைவா எனக்கு வயது முதிர்ந்த பெற்றோர் இருந்தனர்; நான் ஆடு மேய்க்க வெளியே சென்றுவிட்டுப் பிறகு வந்து, பால் கறந்து, பால் பாத்திரத்தைப் பெற்றோர்களிடம் கொண்டு வருவேன். அவர்கள் அருந்துவார்கள். பிறகு குழந்தைகளுக்கும் குடும்பத்தாருக்கும் என் மனைவிக்கும் கொடுப்பேன். ஓர் இரவு தாமதமாக வந்தேன். பெற்றோர் உறங்கி விட்டனர். அவர்களை எழுப்புவதை நான் விரும்பவில்லை. குழந்தை பசியால் என் காலடியில் அழுதனர். விடியும்வரை இதே நிலை நீடித்தது. இறைவா! நான் இதை உன்னுடைய திருப்தியை நாடிச் செய்திருப்பதாக நீ அறிந்தால் நாங்கள் வானத்தைப் பார்க்கும் வகையில் ஓர் இடைவெளியை ஏற்படுத்து’ எனக் கூறினார். அவ்வாறு (பாறை விலகி) இடைவெளி உண்டானது. 

மற்றொருவர், ‘இறைவா! என்னுடைய தந்தையின் உடன் பிறந்தாரின் மகளை எந்த ஆணும் எந்தப் பெண்ணையும் விரும்புவதைவிட அதிகமாக விரும்பினேன் என்பதை நீ அறிவாய். அவள் தனக்கு நூறு தீனார் தரும்வரை தன்னை அடையமுடியாது என்றாள். நான் உழைத்து நூறு தீனாரைத் திரட்டினேன். அவளுடைய இரண்டு கால்களுக்கிடையே நான் அமர்ந்தபோது அல்லாஹ்வை அஞ்சிக்கொள்! உரிய முறையின்றி முத்திரையை உடைக்காதே! என்று அவள் கூறினாள். உடனே அவளைவிட்டு நான் எழுந்து விட்டேன். இதை உன்னுடைய திருப்தியை நாடி நான் செய்திருப்பதாக நீ அறிந்தால் இந்தச் சிரமத்தை விட்டு நீக்கு’ எனக் கூறினார். அல்லாஹ் அவர்களை விட்டும் மூன்றில் இரண்டு மடங்கு (சிரமத்தை) நீக்கினான். 

மற்றொருவர், ‘இறைவா நான் மூன்று ஸாவு கேழ்வரகு கூலிக்கு ஒரு வேலையாளை அமர்த்தினேன். கூலியை நான் கொடுத்தபோது அதை அவர் மறுத்து விட்டார். அந்தக் கேழ்வரகைப் பயிர் செய்தேன். அதன் வருமானத்தில் மாடுகளையும் அதை மேய்ப்பவரையும் விலைக்கு வாங்கினேன். பிறகு அவர் வந்து, அல்லாஹ்வின் அடிமையே! என்னுடைய கூலியைக் கொடு! என்றார். இந்த மாடுகள், அதை மேய்ப்பவர்கள் எல்லாம் உமக்குரியவை. எடுத்துச் செல்லும் என்று கூறினேன். அதற்கவர் என்னைக் கேலி செய்கிறீரா? என்று கேட்டார். நான் உம்மைக் கேலி செய்யவில்லை. இவை உமக்குரியவைதான் எனக் கூறினேன். இறைவா! இதை நான் உன்னுடைய திருப்தியை நாடிச் செய்திருப்பதாக நீ அறிந்தால் எங்களை விட்டு இந்தச் சிரமத்தை நீக்கு’ எனக் கூறினார். முழுமையாகச் சிரமம் விலகியது.”என நபி (ஸல்) அவர்கள் கூறினார்கள்.          (புஹாரி : 2215 இப்னு உமர் (ரலி).

விதியை மாற்றும் துஆ.

عن أنس، قال:

أدركت في هذه الأمة ثلاثا لو كانوا في بني إسرائيل لما تقاسمتها الأمم، لكان عجبا، قلن: ما هن يا أبا حمزة؟ قال: كنا في الصفة عند رسول الله صلى الله عليه وسلم

فأتته امرأة مهاجرة ومعها ابن لها قد بلغ، فأضاف المرأة إلى النساء، وأضاف ابنها إلينا، فلم يلبث أن أصابه وباء المدينة، فمرض أياما ثم قبض، فغمضه النبي صلى الله عليه وسلم وأمر بجهازه، فلما أردنا أن نغسله، قال: يا أنس ائت أمه، فأعلمها، قال: فأعلمتها، فجاءت حتى جلست عند قدميه فأخذت بهما، ثم قالت: اللهم إني أسلمت لك طوعا وخلعت الأوثان زهدا، وهاجرت إليك رغبة، اللهم لا تشمت بي عبدة الأوثان، ولا تحملني من هذه المصيبة ما لا طاقة لي بحملها، قال: فو الله ما تقضى كلامها حتى حرك قدميه، وألقى الثوب عن وجهه، وعاش حتى قبض الله رسول صلى الله عليه وسلم، وحتى هلكت أمه.

அப்துல்லாஹ் இப்னு அவ்ன் (ரலி)அவர்கள் ஹழ்ரத் அனஸ்(ரலி)அவர்களின் கூற்றை அறிவிக்கிறார்கள:

நான் இந்த உம்மத்தில் இஸ்ரவேலர்களிடம் உள்ள மூன்று விஷயங்களைப் பெற்றுக்கொண்டேன்.அவற்றுக்கு நிகராகவோ,சமமாகவோ வேறேந்த உம்மத்தும் கிடையாது.

அபு ஹம்ஸாவே!"அந்த மூன்று விஷயங்கள் என்னென்ன" என நான் கேட்டேன்.

அதற்கு அவர் சொன்னார்;ஒரு தடவை நாங்கள் ஸுப்பா திண்ணையில், நாயகம்رﷺஅவர்களுக்கு அருகாமையில் அமர்ந்திருந்தோம்.அப்பொழுது ஒரு முஹாஜிர் பெண்மணி தன் வாலிபமான மகனோடு வந்தாள்.நாயகம் ﷺஅப்பெண்ணை (மதீனா)பெண்களிடமும்,அவளின் மகனை எங்களிடமும் ஒப்படைத்தார்கள்.சில காலங்களுக்கு பின்னால் மதினாவில் ஓர் கொள்ளை நோய் பரவியது.அதனால் அவ்வாலிபர் நோயுற்று,சில தினங்களில் மரணத்தை தழுவினார். 

நாயகம்ﷺஅவர்கள் அவரின் இரு கண்களை மூடிவிட்டு,அவரின் ஜனாஸாவின் தயாரிபிற்கு  உத்தரவிட்டார்கள்.நாங்கள் அவரை குளிப்பாட்ட தயாரானோம்.

அப்போது நாயாகம்ﷺஅவர்கள் அவரின் தாயாருக்கு தகவல் தெரிவிக்கும் படி சொன்னார்கள்.அவ்வாறே நான் அவரின் தாயாருக்கு தகவல் கூறினேன்.அத்தாய் வந்து,தனது மகனின் பாதங்களுக்கு அருகே அமர்ந்தார்கள்.மய்யித்தின் பாதங்களை பற்றிக்கொண்டு அத்தாய் துஆ செய்யலானாள்...

"யா அல்லாஹ்!நான் மனமகிழ்வோடு இஸ்லாத்தை தழுவினேன்.

(எனது உள்ளத்திலிந்து) சிலைகளை முற்றிலும் அகற்றிவிட்டேன்.

நான் சுமப்பதற்கு சக்திப் பெறாத இச்சோதனையை என் மீது சாட்டிவிடதே!"

அனஸ்( ரலி)அவர்கள் சொல்கிறார்கள்;அல்லாஹ்வின் மீதாணையாக!அப்பெண் துஆ செய்து முடிப்பதற்குள்ளாக,அவளின் மகனின் பாதங்கள் அசைந்தன.கஃபன் துணியை முகத்திலிருந்து விலக்கிக்கொண்டு உயிர்ந்தெழுந்தார்.அதன் பின் நீண்ட காலம் அவர் உயிர்வாழ்ந்தார்.அவருக்கு முன்னால் நாயாகம்ﷺஅவர்களும்,அவரின் தாயாரும் கூட மரணித்து விட்டனர்.

துஆவின் முக்கிய  நிபந்தனைகள்.

1)இக்லாஸ்:அல்லாஹ் நம் தேவைகளை நிறைவேற்றக்கூடியவன் என்ற உறுதியான நம்பிக்கையுடனும்,மனத்தூய்மையுடனும் கேட்பது.

فَادْعُوا اللّٰهَ مُخْلِصِيْنَ لَهُ الدِّيْنَ وَلَوْ كَرِهَ الْـكٰفِرُوْنَ‏

ஆகவே, காஃபிர்கள் வெறுத்த போதிலும், நீங்கள் முற்றிலும் அவனுக்கே வழிபட்டு மார்க்கத்தில் பரிசுத்தத்துடன் அல்லாஹ் ஒருவனையே (பிரார்த்தித்து) அழையுங்கள்.(அல்குர்ஆன் : 40:14)

2)நம் துஆவை அல்லாஹ் கபூல் செய்வான் என முழுமையாக நம்பிக்கைக் கொள்வது.

عَنْ أَبِي هُرَيْرَةَ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( ادْعُوا اللَّهَ وَأَنْتُمْ مُوقِنُونَ بِالْإِجَابَةِ ، 

3) அல்லாஹ்வின் சிந்தனையோடு துஆ செய்வது.

وَاعْلَمُوا أَنَّ اللَّهَ لَا يَسْتَجِيبُ دُعَاءً مِنْ قَلْبٍ غَافِلٍ لَاهٍ ) والحديث حسنه الألباني في صحيح الترمذي .

4)துஆவின் முக்கிய நிபந்தனை ஹலாலை பேணுவது.நம் உணவு,உடை,சம்பாத்தியம் அனைத்தும் ஹலாலாக இருப்பது.

عن أبى هريرة ـ رضي الله عنه ـ قال: قال رسول الله صلى الله عليه وسلم ـ:(إن الله تعالى طيب لا يقبل إلا طيبا وإن الله أمر المؤمنين بما أمر به المرسلين؛ فقال تعالى: (يا أيها الرسل كلوا من الطيبات واعملوا صالحا) وقال تعالى: (يا أيها الذين آمنوا كلوا من طيبات ما رزقناكم) ثم ذكر الرجل يطيل السفر أشعث أغبر؛ يمد يديه إلى السماء: يا رب. يا رب ومطعمه حرام، ومشربه حرام، وملبسه حرام، وغذى بالحرام؛ فأنى يستجاب له؟!) رواه مسلم

5)துஆவின் துவக்கத்தில் ஹம்து அல்லாஹ்வை புகழ்வது.நபிகளார் மீது ஸலவாத்து சொல்வது.

وقال ﷺ: إذا دعا أحدكم فليبدأ بتحميد ربه والثناء عليه، ثم يصلي علي ثم يدعو

6)பாவங்களை நினைத்து வருந்தி,அவற்றை விட்டொழிக்க உறுதிக்கொள்வது. 

7)மிதமான சப்தத்தில் துஆ கேட்பது.அதிக இறைச்சலோடு துஆ கேட்கக்கூடாது.

اُدْعُوْا رَبَّكُمْ تَضَرُّعًا وَّخُفْيَةً‌  اِنَّهٗ لَا يُحِبُّ الْمُعْتَدِيْنَ‌ ‏

(ஆகவே, முஃமின்களே!) உங்களுடைய இறைவனிடம் பணிவாகவும், அந்தரங்கமாகவும் பிரார்த்தனை செய்யுங்கள் - வரம்பு மீறியவர்களை நிச்சயமாக அவன் நேசிப்பதில்லை.

(அல்குர்ஆன் : 7:55)

துஆ ஒப்புக்கொள்ளப்படும் சில முக்கிய சந்தர்ப்பங்களும்,  நேரங்களும்.

1)ரமலானின் கடைசி 10 இரவுகள்.

 லைலதுல் கத்ரு இரவுகள்.

2)ரமலானின் பகல்,இரவு,ஸஹர்,இஃப்தார் என எல்லா நேரங்களும்.ஈதுல் ஃபித்ரின் இரவு.

3)அரஃபா 9ஆம் நாளின் ஸவால் நேரத்திலிருந்து சூரியன் மறையும் நேரம் வரை.

4)துல்ஹஜ் பத்தாம் நாள் ஃபஜ்ரு முதல் சூரிய உதயம் வரை.

5)ஜும்ஆ நாளின் இரவு,பகல்

6)பாதி இரவிலிருந்து சுப்ஹ் சாதிக் நேரம் வரை(தஹஜ்ஜுத் வேலை)

7)ஜும்ஆ நேரத்தில்...

8)பாங்கு,இகாமத்திற்கிடையில்...

9)பர்ளு தொழுகைக்கு பின்னால்...

10)ஸஜ்தாவில்...

11)ஜம் ஜம் நீர் அருந்தியதற்கு பின்னால்...

12)திலாவதே குர்ஆனுக்கு பின்னால்...

13)ஜிஹாதில் போர் நடக்கும் நேரத்தில்...

14)முஸ்லிம்கள் (இஜ்திமா)ஓரிடத்தில் ஒன்றுக்கூடும் போது...

15)மழை பொழியும் போது...

16)கஃபாவில் பார்வைப் பட்ட முதல் நேரம்...

துஆ என்பது இறைவனிடம் அடிமைத்தனத்தை வெளிப்படுத்தும் ஓர் சிறந்த வணக்கமாகும்.துஆ தடுமாற்றமான உள்ளங்களை சாந்தப்படுத்தும்,வழிகேடர்களை நன்நெறிப்படுத்தும்,இறையச்சம் கொண்டோரை இறையோடு நெருக்கமாக்கி வைக்கும்,பாவிகளுக்கு பாவமிட்சி பெற்றுத்தரும்.எனவே துஆ கேட்க சோம்பேறித்தனம் கூடாது.அது பெரும் கைசேதமும்,நஷ்டமும் ஆகும்.

துஆ எதிரிகள்,ஆபத்துக்கள்,சிரமங்கள் அனைத்தையும் விட்டும் தற்காக்கும் பேராயுதமாகும்.

வெளியீடு: செங்கல்பட்டு & காஞ்சிபுரம் மாவட்ட ஜமாஅத்துல் உலமா சபை.

ஜும்ஆ பயான் 25/02/2022

தலைப்பு:

"மிஃராஜ்" இம்மண்ணகத்தார்  வியக்கும் ஓர் விண்ணுலகப் பயணம்.

لَقَدْ رَاٰى مِنْ اٰيٰتِ رَبِّهِ الْكُبْرٰى‏

திடமாக, அவர் தம்முடைய இறைவனின் அத்தாட்சிகளில் மிகப் பெரியதைக் கண்டார்.(அல்குர்ஆன் : 53:18)

ரஜப்,  இம்மாதத்தில் மிஃராஜ்  நிகழ்ந்ததால் மிகுந்த முக்கியத்துவம் வாய்ந்த மாதமாக பார்க்கப்படுகிறது.

இப்புனித மாதத்தில் அல்லாஹுத்தஆலா தன் நேச நபி முஹம்மது ﷺஅவர்களை மிஃராஜ் எனும் பேரற்புத விண்வெளிப் பயணத்திற்கு தன் பால் அழைத்தான்.

இப்புனித பயணம்,பல இலட்சக் கணக்கான கோள்களை கடந்து,கால நேரமில்லாத, இடமே இல்லாதோர் இடத்திற்கு சென்று, இறைவனோடு நாயகம்ﷺஅவர்கள் ஒன்றிய ஓர் நிகழ்வாகும்.

"எங்கு மனித அறிவு திகைத்துப்போய் நிற்குமோ,அங்கிருந்து இறைவனின் ஆற்றல் துவங்கும்"என்பர் அதுப் போன்றதோர் புனிதப் பயணமே மிஃராஜ் ஆகும்.

“ فِعْلُ الْحَکِیْمِ لَایَخْلُو عَنِ الْحِکْمَۃِ “

"மதிநுட்பமானவனின் செயல்பாடு, மதிநுட்பத்தை விட்டும் விலகாது"என்பது பிரபல்யமான ஓர் அரபி பழமொழியாகும்.

அல்லாஹுத்தஆலாவின் தண்மைகளில் ஒன்று அவன்الْحَکِیْمِஹகீமாக இருப்பது.

அவனின் செயல்பாடுகள் அனைத்துமே, பல சூட்சுமங்கள் உள்ளடங்கியதாக இருக்கும்.

அவற்றை மனிதனின் சிற்றறிவால் விளங்கிக் கொள்ளமுடியாது.

அல்லாஹுத்தஆலா, நபிமார்கள் அனைவர்க்குமே தனித்தனியாக முஃஜிஸாக்களை வழங்கியிருந்தான்.

அந்த முஃஜிஸாக்கள் அனைத்தையும் விட உயர்ந்தது,தனித்துவமானது நாயகம் ﷺஅவர்களுக்கு வழங்கப்பட்ட  மிஃராஜ் எனும் முஃஜிஸாவாகும்.

ஏன் மிஃராஜ்,முஃஜிஸாக்களில் தனித்துவமானதென்றால்,

மூஸா(அலை)அவர்கள் தூர்ஸீனா மலையில் இறைவனோடு நேரடியாகப் பேசியது-ஈசா(அலை)அவர்கள் உயிராடு நான்காவது வானுலகிற்கு உயர்த்தப்பட்டது-இத்ரீஸ்(அலை)அவர்களை இறைவன் சுவனத்திற்கு அழைத்துக்கொண்டது.

 இவற்றையெல்லாம் விட அல்லாஹுதஆலா நம் கண்மணி நாயகம்ﷺஅவர்களுக்கு மிஃராஜ் பயணத்தில் இவ்வனைத்து பாக்கியங்களையும் வழங்கினான்.

இறைவனாடு பேசினார்கள்,ஏழுவானங்களுக்கு சென்றார்கள்,சுவன நரக காட்சிகளை கண்டார்கள்.

மிஃராஜின் முக்கிய நோக்கம்ایمان بِالغیب மறைவானவற்றை கண்ணால் காணச்செய்தல்.

இவ்வுலகில் வந்த அனைத்து நபிமார்களும் அல்லாஹ்வும்,மறுவுலக வாழ்வும், உண்மை என சாட்சி சொன்னார்கள்.اَشْہَدُ اَنْ لَّا ۤاِلٰہَ اِلَّا اللہ

ஆனால் இவர்கள் உலகில் வாழும் போது அல்லாஹ்வையோ,சுவன நரகத்தையோ தம் கண்களால் கண்டதில்லை.

சாட்சிகளில் மிக உயர்ந்த சாட்சி கண்ணால் காண்பது.

நபிமார்களில் அல்லாஹ்வையும்,சுவன, நரகத்தையும் கண்ணால் கண்ட சாட்சி வேண்டும் என்பதற்காக அல்லாஹ் நம் கண்மணி  நாயகம்ﷺஅவர்களை மிஃராஜிக்கு அழைத்தான்.

(شانِ حبیب الرّحمٰن ، ص107 ملخصاً)

இறை தூதுச் செய்தியின்(வஹியின்) படித்தரங்களில் மிக உயர்ந்தப் படித்தரம், இறைவனோடு எந்த திரையும் அன்றி நேரடியாகப் பேசுவது.

இவ்வுயர்ந்த அந்தஸ்து நாயகம்ﷺஅவர்களுக்கு மிஃராஜில் கிடைத்தது.

தஃப்ஸீர் கிதாபுகளில் எழுதுகிறார்கள்:பகரா சூராவின் கடைசி “ اٰمَنَ الرَّسُوْلُ “என துவங்கும் இரு வசனங்களை நாயகம்ﷺஅவர்கள் மிஃராஜில் இறைவனோடு எத்திரையும் இன்றி உரையாடும் போது பெற்ற வசனங்களாகும்.

மிஃராஜை பற்றி நபி (ஸல்) அவர்கள்.

இறைத்தூதர்(ஸல்) அவர்கள் கூறினார்கள்: 

நான் இறையில்லம் கஅபாவில் இருமனிதர்களுக்கிடையே (பாதி) தூக்கமாகவும் (பாதி) விழிப்பாகவும் இருந்தபோது நுண்ணறிவாலும் இறைநம்பிக்கையாலும் நிரப்பப்பட்ட தங்கத் தட்டு ஒன்று என்னிடம் கொண்டு வரப்பட்டது. என்னுடைய நெஞ்சம் காறையெலும்பிலிருந்து அடி வயிறு வரை பிளக்கப்பட்டது. பிறகு ஸம்ஸம் நீரினால் என் வயிறு கழுவப்பட்டது. பிறகு, (என் இதயம்) நுண்ணறிவாலும் இறைநம்பிக்கையாலும் நிரப்பப்பட்டது. மேலும், கோவேறுக் கழுதையை விடச் சிறியதும் கழுதையை விடப் பெரியதுமான 'புராக்' என்னும் (மின்னல் வேக) வாகனம் ஒன்றும் என்னிடம் கொண்டு வரப்பட்டது. நான் (அதில் ஏறி) ஜிப்ரீல்(அலை) அவர்களுடன் சென்றேன். நாங்கள் முதல் வானத்தை அடைந்தோம். 'யார் அது?' என்று கேட்கப்பட்டது. ஜிப்ரீல்(அலை), 'ஜிப்ரீல்' என்று பதிலளித்தார். 'உங்களுடன் (வந்திருப்பவர்) யார்?' என்று கேட்கப்பட்டது. அவர், 'முஹம்மது' என்று பதிலளித்தார். 'அவரை அழைத்து வரச் சொல்லி ஆள் அனுப்பப்பட்டிருந்ததா?' என்று கேட்கப்பட்டது. அவர், 'ஆம்' என்றார். 'அவரின் வரவு நல்வரவாகட்டும்! அவரின் வருகை மிக நல்ல வருகை' என்று (வாழ்த்து) சொல்லப்பட்டது. பிறகு நான் ஆதம்(அலை) அவர்களிடம் சென்றேன். அவர்களுக்கு சலாம் சொன்னேன். அவர்கள், '(என்) மகனும் இறைத் தூதருமான உங்கள் வரவு நல்வரவாகுக!' என்றார்கள். பிறகு இரண்டாவது வானத்திற்கு நாங்கள் சென்றோம். 'யார் அது?' என்று வினவப்பட்டது. அவர், 'ஜிப்ரீல்' என்று பதிலளிக்க, 'உங்களுடன் இருப்பவர் யார்?' என்று கேட்கப்பட்டது. அதற்கு அவர், 'முஹம்மது' என்று பதிலளித்தார். '(அவரை அழைத்து வரும்படி) அவரிடம் ஆளனுப்பப்பட்டதா?' என்று கேட்கப்பட்டது. அதற்கு அவர், 'ஆம்' என்று பதிலளித்தார். 'அவரின் அவரவு நல்வரவாகட்டும். அவரின் வருகை மிக நல்லவருகை' என்று (வாழ்த்து) சொல்லப்பட்டது. பிறகு நான், ஈஸா(அலை) அவர்களிடமும் யஹ்யா(அலை) அவர்களிடமும் சென்றேன். அவ்விருவரும், 'சகோதரரும் நபியுமாகிய உங்களின் வரவு நல்வரவாகட்டும்' என்றார்கள். பிறகு, நாங்கள் மூன்றாவது வானத்திற்குச் சென்றோம். 'யார் அது?' என்று கேட்கப்பட்டது. 'ஜிப்ரீல்' என்று பதிலளிக்கப்பட்டது. 'உங்களுடன் இருப்பவர் யார்?' என்று கேட்கப்பட்டது. 'முஹம்மத்' என்று பதிலளித்தார். '(அவரை அழைத்து வரச் சொல்லி) அவருக்கு ஆளனுப்பப்பட்டதா?' என்று கேட்கப்பட்டது. 'ஆம்' பதிலளித்தார்.  'அவரின் வரவு நல்வரவாகட்டும். அவரின் வருகை மிக நல்ல வருகை' என்று (வாழ்த்து) சொல்லப்பட்டது. பிறகு, நான் யூசுஃப் (அலை) அவர்களிடம் அழைத்துச் செல்லப்பட்டேன். அவர்களுக்கு சலாம் உரைத்தேன். அவர்கள், 'சகோதரரும் நபியுமான உங்கள் வரவு நல்வரவாகட்டும்' என்று (வாழ்த்து) சொன்னார்கள். பிறகு, நாங்கள் நான்காவது வானத்திற்குச் சென்றோம். 'யார் அது?' என்று கேட்கப்பட்டது. 'ஜிப்ரீல்' என்று பதிலளித்தார். 'உங்களுடன் இருப்பவர் யார்?' என்று பதிலளிக்கப்பட்டது. '(அவரை அழைத்து வரச் சொல்லி) அவருக்கு ஆளனுப்பப்பட்டதா?' என்று கேட்கப்பட்டது. 'ஆம்' என்று பதிலளித்தார். 'அவரின் வரவு நல்வரவாகட்டும். அவரின் வருகை மிக நல்ல வருகை' என்று (வாழ்த்து) சொல்லப்பட்டது. நான் இத்ரீஸ்(அலை) அவர்களிடம் சென்றேன். அவர்களுக்கு சலாம் உரைத்தேன். அவர்கள், 'சகோதரரும் நபியுமான உங்கள் வரவு நல்வரவாகட்டும்' என்று (வாழ்த்து) சொன்னார்கள். பிறகு, நாங்கள் ஐந்தாவது வானத்திற்குச் சென்றோம். 'யார் அது?' என்று கேட்கப்பட்டது. 'ஜிப்ரீல்' என்று பதிலளிக்கப்பட்டது. 'உங்களுடன் இருப்பவர் யார்?' என்று கேட்கப்பட்டது. 'முஹம்மத்' என்று பதிலளிக்கப்பட்டது. '(அவரை அழைத்து வரச் சொல்லி) அவருக்கு ஆளனுப்பப்பட்டதா?' என்று கேட்கப்பட்டது. 'ஆம்' என்று (ஜிப்ரீல்) பதிலளித்தார். 'அவரின் வரவு நல்வரவாகட்டும். அவரின் வருகை மிக நல்லவருகை' என்று (வாழ்த்து) சொல்லப்பட்டது. பிறகு நாங்கள் ஹாரூன்(அலை) அவர்களிடம் சென்றோம். நான் அவர்களுக்கு சலாம் உரைத்தேன். அவர்கள், 'சகோதரரும் நபியுமான உங்கள் வரவு நல்வரவாகட்டும்' என்று (வாழ்த்து) சொன்னார். பிறகு நாங்கள் ஆறாவது வானத்திற்குச் சென்றோம். 'யார் அது?' என்று கேட்கப்பட்டது. 'ஜிப்ரீல்' என்று பதிலளிக்கப்பட்டது. 'உங்களுடன் இருப்பவர் யார்?' என்று கேட்கப்பட்டது. 'முஹம்மத்' என்று பதிலளிக்கப்பட்டது. '(அவரை அழைத்து வரச் சொல்லி) அவருக்கு ஆளனுப்பப்பட்டதா?' என்று கேட்கப்பட்டது. 'ஆம்' என்று பதிலளிக்கப்பட்டது. 'அவரின் வரவு நல்வரவாகட்டும். அவரின் வருகை மிக நல்ல வருகை' என்று (வாழ்த்து) சொல்லப்பட்டது. நான் மூஸா(அலை) அவர்களிடம் சென்று (அவர்களுக்கு) சலாம் உரைத்தேன். அவர்கள், 'சகோதரரும் நபியுமான உங்கள் வரவு நல்வரவாகட்டும்' என்று வாழ்த்தினார்கள். நான் அவர்களைக் கடந்து சென்றபோது அவர்கள் அழுதார்கள். 'நீங்கள் ஏன் அழுகிறீர்கள்?' என்று அவர்களிடம் கேட்கப்பட்டது. அவர், 'இறைவா! என் சமுதாயத்தினரில் சொர்க்கம் புகுபவர்களை விட அதிகமானவர்கள் எனக்குப் பிறகு அனுப்பப்பட்ட இந்த இளைஞரின் சமுதாயத்தினரிலிருந்து சொர்க்கம் புகுவார்கள்' என்று பதிலளித்தார்கள். பிறகு நாங்கள் ஏழாவது வானத்திற்குச் சென்றோம். 'யார் அது?' என்று வினவப்பட்டது. 'ஜிப்ரீல்' என்று பதிலளிக்கப்பட்டது. 'உங்களுடன் இருப்பவர் யார்?' என்று கேட்கப்பட்டது. 'முஹம்மத்' என்று பதிலளிக்கப்பட்டது. '(அவரை அழைத்து வரச்சொல்லி) அவருக்கு ஆளனுப்பப்பட்டதா?' என்று கேட்கப்பட்டது. 'அவரின் வரவு நல்வரவாகட்டும். அவரின் வருகை மிக நல்ல வருகை' என்று (வாழ்த்து) சொல்லப்பட்டது... நான் இப்ராஹீம் (அலை) அவர்களிடம் சென்று (அவர்களுக்கு) சலாம் உரைத்தேன். அவர்கள், 'மகனும் நபியுமான உங்கள் வரவு நல்வராவாகட்டும்' என்றார்கள். பிறகு, 'அல் பைத்துல் மஃமூர்' எனும் 'வளமான இறையில்லம்' எனக்கு (அருகே கொண்டு வந்து) காட்டப்பட்டது. நான் அதைக் குறித்து ஜிப்ரீலிடம் கேட்டேன். அவர், 'இதுதான் 'அல் பைத்துல் மஃமூர்' ஆகும். இதில் ஒவ்வொரு நாளும் எழுபதாயிரம் வானவர்கள் தொழுகிறார்கள். அவர்கள் இதிலிருந்து வெளியே சென்றால் திரும்ப இதனிடம் வர மாட்டார்கள். அதுவே அவர்கள் கடைசியாக நுழைந்ததாகி விடும்' என்றார். பிறகு, (வான எல்லையிலுள்ள இலந்தை மரமான) 'சித்ரத்துல் முன்தஹா' எனக்கு (அருகே கொண்டு வந்து) காட்டப்பட்டது. அதன் பழங்கள் (யமனில் உள்ள) 'ஹஜ்ர்' எனுமிடத்தின் (உற்பத்திப் பொருளான மண்) கூஜாக்கள் போல் இருந்தன. அதன் இலைகள் யானைகளின் காதுகளைப் போல் இருந்தன. அதன் வேர்ப்பகுதியில் நான்கு ஆறுகள் இருந்தன. (ஸல்ஸபீல், கவ்ஸர் ஆகிய) இரண்டு ஆறுகள் உள்ளே இருந்தன. மற்றும் (யூப்ரடீஸ், நைல் ஆகிய) இரண்டு ஆறுகள் வெளியே இருந்தன. நான் ஜிப்ரீல்(அலை) அவர்களிடம் அவற்றைக் குறித்துக் கேட்டேன். அவர்கள், 'உள்ளேயிருப்பவை இரண்டும் சொர்க்கத்தில் உள்ளவையாகும். வெளியே இருப்பவை இரண்டும் நைல் நதியும் யூப்ரடீஸ் நதியும் ஆகும்' என்று பதிலளித்தார்கள். பிறகு என் மீது ஐம்பது (நேரத்) தொழுகைகள் கடமையாக்கப்பட்டன. நான் முன்னேறிச் சென்று இறுதியில் மூஸா(அலை) அவர்களை அடைந்தேன். அவர்கள், 'என்ன செய்தாய்?' என்று கேட்டார்கள். நான், 'என் மீது ஐம்பது தொழுகைகள் கடமையாக்கப்பட்டுள்ளன' என்று பதிலளித்தேன். அதற்கு அவர்கள், 'எனக்கு மக்களைப் பற்றி உங்களை விட அதிகமாகத் தெரியும். நான் பனூ இஸ்ராயீல்களுடன் பழகி நன்கு அனுபவப்பட்டுள்ளேன். உங்கள் சமுதாயத்தினர் (இதைத்) தாங்க மாட்டார்கள். எனவே, உங்களுடைய இறைவனிடம் திரும்பிச் சென்று அவனிடம் (தொழுகைகளின் எண்ணிக்கையைக்) குறைத்துத் தரும்படி கேளுங்கள்' என்றார்கள். நான் திரும்பச் சென்று இறைவனிடம் (அவ்வாறே) கேட்டேன். அதை அவன் நாற்பதாக ஆக்கினான். பிறகும் முதலில் சொன்னவாறே நடந்தது. மீண்டும் (சென்று நான் கேட்க, இறைவன் அதை) முப்பதாக ஆக்கினான். மீண்டும் அதைப் போன்றே நடக்க (அதை) இறைவன் இருபதாக ஆக்கினான். நான் மூஸா(அலை) அவர்களிடம் சென்றபோது அவர்கள் முன்பு போன்றே சொல்ல (நான் இறைவனிடம் மீண்டும் குறைத்துக் கேட்க) அவன் அதை ஐந்தாக ஆக்கினான். பிறகு நான் மூஸா(அலை) அவர்களிடம் சென்றேன். அவர்கள், 'என்ன செய்தாய்?' என்று கேட்க, 'அதை இறைவன் ஐந்தாக ஆக்கிவிட்டான்' என்றேன். அதற்கு அவர்கள், 'முன்பு சொன்னதைப் போன்றே (இன்னும் குறைத்துக் கேட்கும்படி) சொன்னார்கள். அதற்கு, 'நான் (இந்த எண்ணிக்கைக்கு) ஒப்புக் கொண்டேன்' என்று பதிலளித்தேன். அப்போது (அல்லாஹ்வின் தரப்பிலிருந்து அசரீரியாக), 'நான் என் (ஐந்து வேளைத் தொழுகை எனும்) விதியை அமல்படுத்தி விட்டேன். என் அடியார்களுக்கு (ஐம்பது வேளைகளிலிருந்து ஐந்து வேளையாகக் குறைத்து கடமையை) லேசாக்கி விட்டேன். ஒரு நற்செயலுக்குப் பத்து நன்மைகளை நான் வழங்குவேன்' என்று அறிவிக்கப்பட்டது. (ஸஹீஹ் புகாரி (3207)

நம்பிக்கையின் பயணம்.

மிஃராஜ் பயணம் அசைக்க முடியாத உறுதியையும் உற்சாகத்தையும் பெருமானார் (ஸல்) அவர்களுக்கு கொடுத்தது.

மிஃராஜிற்குப் பிறகு தனது வாழ்க்கையின் எந்தச் சந்தர்ப்பத்திலும் பெருமானார் (ஸல்) அலாதியான உறுதிப்பாட்டை வெளியிடத் தவறவில்லை.

தவ்ரு குகையில் – அல்லாஹ் நம்மோடு இருக்கிறான் என்றார்கள்

உஹது யுத்தத்திற்கு பிறகு அபூசுப்யான் அடுத்த ஆண்டு சந்திப்போம் என சவால் விட்டிருந்தார். அடுத்த ஆண்டு பெருமானார் (ஸல்) அவர்கள் தயாரானார்கள். அப்போது சஹாபாக்களில் சிலர் இது தேவையா எனக் கருதிய போது நான் தனியாகவேனும் செல்வேன் என்றார்கள்.

இறுதியாக ஹுனைன் யுத்தத்தின் போது பெரும் எண்ணிக்கையில் இருந்த முஸ்லிம்கள் மலைக் கனவாய்களில் மறைந்திருந்த எதிரிகள் தொடுத்த  திடீர் தாக்குதலில் முஸ்லிம்கள் சிதறி ஓடிய போதும் போர்க்களத்தில் தனியாக நின்ற பெருமானார் (ஸல்)

انا نبي لا كذب أنا إبن عبد المطلب  என பாடிய படி தனியே நின்றார்கள். நின்ற இடத்தை விட்டு அசையவில்லை

(புஹாரி 2874)

١- [عن ربيعة بن عباد الديلي:] رأَيْتُ رسولَ اللهِ صلّى اللهُ عليه وسلَّم بسُوقِ ذي المَجازِ قبْلَ أنْ يُهاجِرَ وهو يطوفُ على النّاسِ فيقولُ يا أيُّها النّاسُ إنَّ اللهَ عزَّ وجلَّ يأمُرُكم أنْ تعبُدوه ولا تُشرِكوا به شيئًا وخَلْفَه رجُلٌ يقولُ يا أيُّها النّاسُ إنَّ هذا يأمُرُكم أنْ تترُكوا دِينَ آبائِكم فقُلْتُ مَن هذا فقالوا عمُّه أبو لَهَبٍ

الطبراني (ت ٣٦٠)

மிஃராஜிற்குப் பிறகு பெருமானார் (ஸல்) அவர்களின் பிரச்சாரப் பயணம் தைரியமாக மிக  உறுதியாக நடக்கத் தொடங்கியது.

அதுவரை தான் இருக்கிற இடத்தில் அல்லது மக்கள் கூடுகிற சந்தையில் ஹஜ்ஜுக்கு மக்கள் கூடுகிற போது தனது பிரச்சாரத்தை நிகழ்த்தி வந்த பெருமானார் (ஸல்) அவர்கள் மிஃராஜுக்குப் பிறகு அரபு கோத்திரத்தாரை அவர்கள் இருக்கும் இடம் தேடிச் சென்று மார்க்கத்தின் பக்கம் அழைத்தார்கள்.

மிஃராஜ் பயணம் வெறும் கனவல்ல.

மிஃராஜ் குறித்து சிலர் "நபியின் ரூஹ் மட்டும் மிஃராஜ் சென்றது.அவர்கள் உடலோடு செல்ல வில்லை" எனவும்.

சிலர் "இது கனவில் நிகழ்ந்ததாகவும்,கஷ்ஃப் எனும் மறைவான பயணம்" எனவும் அபிப்ராயம் கொள்கின்றனர்.

ஆனால் மிஃராஜ் எந்த ஒளிவுமறைவும் இன்றி நாயகம்ﷺஅவர்கள் தன் பூத உடலோடு இறைவனை சந்திக்க சென்ற ஓர் பேரற்புத(முஃஜிஸா) உண்மை நிகழ்வாகும்

குர்ஆனில் மிஃராஜ் குறித்து இரண்டு இடங்களில் வருகின்றது.

1)முதலாவது நபிகளார் மக்காவிலிருந்து பைத்துல் முகத்தஸ் நோக்கிச் சென்ற பயணத்தை இஸ்ரா என்கிறது குர்ஆன் வசனம்...

سُبْحٰنَ الَّذِىْۤ اَسْرٰى بِعَبْدِهٖ لَيْلًا مِّنَ الْمَسْجِدِ الْحَـرَامِ اِلَى الْمَسْجِدِ الْاَقْصَا الَّذِىْ بٰرَكْنَا حَوْلَهٗ لِنُرِيَهٗ مِنْ اٰيٰتِنَا‌  اِنَّهٗ هُوَ السَّمِيْعُ الْبَصِيْرُ‏

(அல்லாஹ்) மிகப் பரிசுத்தமானவன்; அவன் தன் அடியாரை பைத்துல் ஹராமிலிருந்து (கஃபத்துல்லாஹ்விலிருந்து தொலைவிலிருக்கும் பைத்துல் முகத்தஸிலுள்ள) மஸ்ஜிதுல் அக்ஸாவிற்கு ஓரிரவில் அழைத்துச் சென்றான்; (மஸ்ஜிதுல் அக்ஸாவின்) சுற்றெல்லைகளை நாம் அபிவிருத்தி செய்திருக்கின்றோம்; நம்முடைய அத்தாட்சிகளை அவருக்குக் காண்பிப்பதற்காக (அவ்வாறு அழைத்துச் சென்றோம்); நிச்சயமாக அவன் (யாவற்றையும்) செவியுறுவோனாகவும்; பார்ப்போனாகவும் இருக்கின்றான்.(அல்குர்ஆன் : 17:1)

முதல் வார்த்தை சுப்ஹானல்லதீ என்று ஆரம்பிக்கின்றான். சுப்ஹானல்லாஹ் என்ற வார்த்தை ஆச்சரியமான விஷயங்களை கேட்கும் போது சொல்லப்படுகின்ற வார்த்தை.  அவ்வாறுதான் பின்னால் சொல்லப் போகின்ற நிகழ்வு ஆச்சரியமானவை என்று அல்லாஹ்  உணர்த்துகிறான்.

2)இரண்டாவது மிஃராஜில் நடந்த நிகழ்வுகளை, நஜ்ம் (நட்சத்திரம்)எனும் சூராவில் விவரிக்கப்படுகின்றது.

وَلَقَدْ رَاٰهُ نَزْلَةً اُخْرٰىۙ‏

அன்றியும், நிச்சயமாக அவர் மற்றொரு முறையும் (ஜிப்ரீல்) இறங்கக் கண்டார்.(அல்குர்ஆன் : 53:13)

عِنْدَ سِدْرَةِ الْمُنْتَهٰى‏

ஸித்ரத்துல் முன்தஹா என்னும் (வானெல்லையிலுள்ள) இலந்தை மரத்தருகே.(அல்குர்ஆன் : 53:14)

عِنْدَهَا جَنَّةُ الْمَاْوٰى‏

அதன் சமீபத்தில் தான் ஜன்னத்துல் மஃவா என்னும் சுவர்க்கம் இருக்கிறது.

(அல்குர்ஆன் : 53:15)

اِذْ يَغْشَى السِّدْرَةَ مَا يَغْشٰىۙ‏

ஸித்ரத்துல் முன்தஹா என்னும் அம்மரத்தை சூழ்ந்து கொண்டிருந்த வேளையில்,(அல்குர்ஆன் : 53:16)

مَا زَاغَ الْبَصَرُ وَمَا طَغٰى‏

(அவருடைய) பார்வை விலகவுமில்லை; அதைக் கடந்து (மாறி) விடவுமில்லை.(அல்குர்ஆன் : 53:17)

لَقَدْ رَاٰى مِنْ اٰيٰتِ رَبِّهِ الْكُبْرٰى‏

திடமாக, அவர் தம்முடைய இறைவனின் அத்தாட்சிகளில் மிகப் பெரியதைக் கண்டார்.(அல்குர்ஆன் : 53:18)

இப்பயணம் வெறும் கனவில் நிகழ்ந்திருந்தால் அல்லாஹ் இரண்டு பகுதிகளாக பிரித்து விரிவாக விளக்க வேண்டிய தேவை என்ன இருக்கிறது.

கனவில் விண்வெளிப்பயணம் சாதாரண மனிதனுக்கும் நடக்கலாம்.அது அற்புதமல்ல.ஆனால் மிஃராஜ் முஃஜிஸாவாகும்.

இன்னொரு ஆதாரம்:நபி நாயகம்ﷺஅவர்கள்  மிஃராஜ் பயணம் பற்றி மக்களிடம் கூறிய போது காஃபிர்கள் கடுமையாக விமர்சனம் செய்தனர்.

மிஃராஜ் கனவாக இருந்திருந்தால் காஃபிர்கள் விமர்சனம் செய்திருக்கமாட்டார்கள்.

இப்னுல் கய்யிம் (ரஹ்) கூறுகிறார்: காலையில் நபி (ஸல்) தங்களது கூட்டத்தாரிடம் அல்லாஹ் தனக்குக் காண்பித்த மாபெரும் அத்தாட்சிகளை அறிவித்தார்கள். இதைக் கேட்ட அம்மக்கள் முன்பைவிட அதிகமாக நபி (ஸல்) அவர்களுக்கு நோவினையும், தொந்தரவும் கொடுத்து அவர்களை ‘பெரும் பொய்யர்’ என்று வருணித்தனர். “உங்களது பயணம் உண்மையானதாக இருந்தால் எங்களுக்கு பைத்துல் முகத்தஸின் அடையாளங்களைக் கூறுங்கள்” என்று கேட்டனர். அல்லாஹ் நபி (ஸல்) அவர்களின் கண்முன் பைத்துல் முகத்தஸைக் காண்பிக்கவே நபி (ஸல்) அவர்கள் அம்மக்கள் கேட்ட அடையாளங்களை அப்படியே கூறினார்கள். அதில் எதையும் அவர்களால் மறுக்க முடியவில்லை. நபி (ஸல்) அவர்கள் மிஃராஜ் போகும் வழியில் சந்தித்த வியாபாரக் கூட்டத்தையும், அது எப்போது மக்காவிற்கு வரும் என்பதையும், அவர்களது காணாமல்போன ஒட்டகத்தைப் பற்றியும் மக்காவாசிகளுக்கு அறிவித்தார்கள். நபி (ஸல்) எவ்வாறு கூறினார்களோ அனைத்தும் அவ்வாறே இருந்தன. இருப்பினும் இந்த உண்மையை ஏற்றுக் கொள்ளாத அவர்கள் நிராகரிக்கவே செய்தனர். சத்தியத்தை விட்டும் வெகுதூரம் விலகியே சென்றனர். (ஸஹீஹுல் புகாரி, ஸஹீஹ் முஸ்லிம், ஜாதுல் மஆது)

அறிவா? அத்தாட்சியா?

மனிதன் எவ்வளவுதான் சிந்தித்தாலும் ஆறறிவு குள்ளாகத்தான்  சிந்திக்க முடியும் அறிவுக்கு ஒரு எல்லையை அல்லாஹ் வைத்துள்ளார். அத்தாட்சிகளுக்கு முன்னால் அறிவு தோற்றுப்போய் விடும்.

மிஃராஜ் பயணத்தை அறிவு ஏற்றுக்கொள்ளாது. ஆனால் நடந்தது உண்மை. மூஸா அலைஹிஸ்ஸலாம் அவர்களுக்காக கடல் பிளந்தது. அறிவு ஏற்றுக்கொள்ளாது. ஆனால் நடந்தது உண்மை. மிஃராஜ்  உண்மையான முஸ்லிம்களை அடையாளப்படுத்தும்.

நபிமார்களுக்கு வழங்கப்பட்ட முஃஜிஸாக்கள்.

பொதுவாக அல்லாஹ் ஒரு நபி வாழும் காலத்தில்   எதனை வியப்பாகவும்,சாதனையாகவும்,சாத்தியமில்லாததாகவும் பார்க்கப்படுமோ அதனையே முஃஜிஸாவாக வழங்கிவிடுவான்.

மூஸா (அலை)அவர்களுக்கு சூனியத்தை முறியடிக்கும் முஃஜிஸாவையும்.

ஈசா (அலை)அவர்களுக்கு குணப்படுத்த முடியா நோய்களாக கருதப்பட்ட பிறவிக்குருடு,வெண்குஷ்ட நோய்களை குணப்படுத்தும் முஃஜிஸாவையும் வழங்கினான்.

நம் கண்மணி நாயகம்ﷺஅவர்களின் உம்மதினர்களாகிய நம் காலம் அறிவியல் வளர்ச்சி,விண்வெளி ஆராய்ச்சியில் சிறந்துவிளங்கக்கூடிய காலமாகும்.

விண்வெளி சாதனைகளை முறியடிக்கும் சாதனையாக அல்லாஹுதஆலா நம் நபி நாயகம்ﷺஅவர்களுக்கு மிஃராஜ்  எனும் முஃஜிஸாவை வழங்கினான்.

 மிஃராஜ் பயணமும், (Theory of Relativity)சார்பியல் கோட்பாடும்.

நவீன யுகத்தில் விஞ்ஞான வளர்ச்சியினால் மனிதன் சந்திரனில் கால் பதித்துவிட்டான்.மற்ற கோள்களுக்கும் மனிதனை அனுப்பும் சாத்தியக்கூறுகளை விஞ்ஞானிகள்,ஆராய்ந்துக்கொண்டிருக்கின்றனர்.ஆனால் நவின தொழில்நுட்பம்,விஞ்ஞானத்தில், மனிதனால் "மின்னல் வேகம்""ஒளிவேகம்"எனும் இலக்கை அடைய முடியவில்லை.

ஒளி வேகம் என்பது 186000 மைல் அதாவது ஒரு வினாடியில் மூன்று இலட்சம் கிலோ மீட்டரை கடப்பதாகும்.

நவீன விஞ்ஞான யுகத்தின் தந்தை என போற்றப்படக்கூடிய ஆல்பர்ட் ஐன்ஸ்டீன் அவர்கள்(கி.பி1905):

ஒளி வேகத்தில் விண்வெளிப்பயணம் சாத்தியமே எனும் கருத்தில்  "Theory of Relativity""சார்பியல் கோட்பாடு"எனும் ஓர் தியரியை முன்வைக்கிறார்.

அதில் ஐன்ஸ்டீன் தெளிவாக குறிப்பிடுகிறார்:Time and Space காலமும் பொருளும் ஒன்று சேரமுடியாது.காலத்தின் ஊடாக பயணம் செய்வதென்பது அரிதானாதாகும்.ஆனால் ஒளிவேகத்தில் பயணம் செய்யும் சாதனம் மனிதனுக்கு 90%சாத்தியமாகும் பட்சத்தில்,அவன் விண்வெளிப்பயணம் மேற்கொள்வானேயானால் அவன் உடல் எடை சரிபாதியாகக் குறைவதைப் போல, காலமும் பாதியாகக்குறையும்.

உதாரணமாக:ஒரு மனிதன் ஒளிவேகத்தில் விண்வெளிக்கு 10 ஆண்டுகள் பயணம் மேற்கொள்கிறானெனில் அவன் மீண்டும் பூமிக்கு திரும்ப வரும் போது வெறும் ஐந்து ஆண்டுகள் தான் கழிந்திருக்கும்.

ஆக ஒளி வேகத்தில் ஐந்தாண்டுகளில் பத்துஆண்டுகள் செல்லக்கூடிய தொலைதூரத்திற்கு செல்லலாம்.

ஒருவனுக்கு உடல் திடகாத்திரமும்,ஒளி வேகத்தில் செல்லும் சாதனமும் இருந்தால் காலத்தை கடந்து அவனால் பயணிக்கமுடியும் என்பதே நவீன விஞ்ஞானத்தில் நம்பப்படும் ஒன்றாகும்.

இப்படி காலத்தின் ஊடாக ஒளிவேகத்தில் விண்வெளிப்பயணம் மனிதனுக்கு சாத்தியாமா? என்பது கேள்விக் கூறியாகும்.

காலம் பற்றிய அறிவு அல்லாஹ்விடம் உள்ளது.

اِنَّ اللّٰهَ عِنْدَهٗ عِلْمُ السَّاعَةِ‌  وَيُنَزِّلُ الْغَيْثَ‌  وَيَعْلَمُ مَا فِى الْاَرْحَامِ‌  وَمَا تَدْرِىْ نَفْسٌ مَّاذَا تَكْسِبُ غَدًا‌  وَّمَا تَدْرِىْ نَـفْسٌ بِاَىِّ اَرْضٍ تَمُوْتُ ‌ اِنَّ اللّٰهَ عَلِيْمٌ خَبِيْرٌ ‏ 

நிச்சயமாக அந்த (கியாம) நேரம் பற்றிய ஞானம் அல்லாஹ்விடமே இருக்கிறது; அவனே மழையையும் இறக்குகிறான்; இன்னும் அவன் கர்ப்பங்களில் உள்ளவற்றையும் அறிகிறான். நாளை தினம் தாம் (செய்வது) சம்பாதிப்பது எது என்பதை எவரும் அறிவதில்லை; தான் எந்த பூமியில் இறப்போம் என்பதையும் எவரும் அறிவதில்லை. நிச்சயமாக அல்லாஹ்தான் நன்கறிபவன்; நுட்பம் மிக்கவன்.

(அல்குர்ஆன் : 31:34)

ஆக அனைத்தையும் படைத்துப்பரிபாளிக்கக்கூடிய,ஆற்றல் மிக்க அல்லாஹுத்தஆலாவுக்கு அது சாத்தியமாகும்.

இப்போது நவீனவிஞ்ஞான கருத்துக்களை மனதில் வைத்துக்கொண்டு குர்ஆன்,ஹதீஸ் ஒளியில் மிஃராஜ் பயணம் குறித்து காண்போம்...

கண்மணி நாயகம் ﷺஅவர்கள் براق புராக் எனும் வாகனத்தில் மிஃராஜ் பயணம் மேற்கொள்கின்றார்கள்.

 புராக்براقஎன்பது برقபர்க் என்பதன் பன்மைச்சொல்லாகும்.

பர்க் برقஎன்ற அரபிச் சொல்லுக்கு "மின்னல்" "ஒளி" என்று பொருள்.

மிஃராஜ் இரவில் பைத்துல் ஹராமிலிருந்து பைத்துல் முகத்தஸ் நோக்கி தரைவழிப் பயணம்-பைத்துல் முகத்தஸில் நபிமார்களுக்கு தொழவைத்தல்-அங்கிருந்து எழுவானங்களை கடந்து ஸித்ரதுல் முன்தஹாவை அடைதல்-சுவன,நரகத்தை காணுதல்-இறுதியாக அல்லாஹு ஜல்லஷானுஹுத்தஆலாவை சந்திதல்- இவை அனைத்தையும் முடித்து விட்டு நாயகம் ﷺஅவர்கள் வீடு திரும்புகிறார்கள். 

அவர்கள் பாடுத்திருந்த இடத்தின் சூடுதணியவில்லை.ஒழுச்செய்த தண்ணீரின் ஈரம் காயவில்லை.கதவு தாள்பாளின் அதிர்வு இன்னும் அடங்கவில்லை அதற்குள்ளாக  நாயகம் ﷺஅவர்கள் திரும்வந்துவிடுகிறார்கள்.

சில வினாடிகளில் இலட்சக்கணக்கான மைல்களை ஒளிவேகத்தில் கடப்பது எப்படி சாத்தியமாகும்?

ஆல்பர்ட் ஐன்ஸ்டீன் நியுட்டனின் "Theory of Relativity""சார்பியல் கோட்பாடு"சொல்கிறது:ஒளி வேகத்தில் பயணம் செய்தால் காலத்தின் ஊடாக பயணம் செய்யமுடியும்.குறைந்த வினாடியில் பல மைல்களை கடக்கலாம்.

ஆக நம்பகமான நபிமொழிகளில் நாயகம் ﷺஅவர்கள் براق புராகில் பயணம் மேற்க்கொண்டார்கள் என வருகிறது.

பர்க் மின்னல் என்பதன் பன்மையே براقபுராக் ஆகும்.

அரபியில் பன்மை என்பது குறைந்தபட்சம் மூன்றாகும்.ஆக ஒளியின் வேகம் 186000 மைல் வேகத்தை 3ல் பெருக்கினால் 558000மைல் வேகமாகும்.

அப்படியானால் நாயகம் ﷺஅவர்கள் மிஃராஜீக்கு சென்ற வேகம் 558000மைல் வேகமாகும்.

இந்தளவு வேகத்தில் செல்பவர் காலத்தின் ஊடாக பல மைல்களை சில வினாடிகளில் சென்று வரமுடியும் என்பதையே ஐன்ஸ்டீனின் "Theory of Relativity""சார்பியல் கோட்பாடு"சொல்கிறது.

மிஃராஜ் என்பது அல்லாஹ்தஆலா நம் கண்மணி நாயகம்ﷺஅவர்களுக்கு வழங்கிய முஃஜிஸா பேரற்புதமாகும். அதனை நம் சிற்றறிவால் விளங்கிக் கொள்ளமுடியாது.இருந்தாலும் ஆல்பர்ட் ஐன்ஸ்டீனின் Theory of Relativity""சார்பியல் கோட்பாடு" ஓரளவுக்கு மிஃராஜை விளங்க உதவுகிறது.

அல்லாஹ்வின் ஆற்றலையும்,நாயகம்ﷺஅவர்களின் முஃஜிஸாவையும்  விளங்கிக்கொள்ள எந்த கோட்பாடும் அவசியமில்லை.

அல்லாஹ்தஆலா நம் கண்மணி நாயகம் ﷺஅவர்களின் அந்தஸ்தை விளங்கிக்கொள்ளும் 

நல்வாய்ப்பையும்,அவர்களின் வழிநடக்கும் நற்பேற்றையும் நமக்கு தந்தருள்ப் புரிவானாக!ஆமீன்...

வெளியீடு: செங்கல்பட்டு & காஞ்சிபுரம் மாவட்ட ஜமாஅத்துல் உலமா சபை.