ஹாஜிகளின் கவனத்திற்கு...
ஹஜ் எனும் கடமை.
ஹஜ் இஸ்லாத்தின் ஐந்து தூண்களில் ஒன்றாகும். தொழுகை, நோன்பு, ஜகாத் போன்ற கடமைகள் போன்றே புனித குர்ஆன், ஹதீஸ் மற்றும் "இஜ்மாஃ" உம்மத்தின் ஒருமித்த கருத்து ஆகியவற்றால் ஹஜ் கடமை நிரூபிக்கப்பட்டுள்ளது;
எனவே, எவர் ஹஜ் கடமையை மறுக்கிறாரோ அவர் காஃபிராவார்.
وَلِلّٰهِ عَلَى النَّاسِ حِجُّ الْبَيْتِ مَنِ اسْتَطَاعَ اِلَيْهِ سَبِيْلًا وَمَنْ كَفَرَ فَاِنَّ اللّٰهَ غَنِىٌّ عَنِ الْعٰلَمِيْنَ
இன்னும் அதற்கு(ச் செல்வதற்கு)ரிய பாதையில் பயணம் செய்ய சக்தி பெற்றிருக்கும் மனிதர்களுக்கு அல்லாஹ்வுக்காக அவ்வீடு சென்று ஹஜ் செய்வது கடமையாகும். ஆனால், எவரேனும் இதை நிராகரித்தால் (அதனால் அல்லாஹ்வுக்குக் குறையேற்படப் போவதில்லை; ஏனெனில்) - நிச்சயமாக அல்லாஹ் உலகத்தோர் எவர் தேவையும் அற்றவனாக இருக்கின்றான்.(அல்குர்ஆன் : 3:97)
இந்த வசனம் ஹஜ் கடமையைப் பற்றி உறுதிப்படுத்துகிறது.
அண்ணலம் பெருமானார்ﷺஅவர்கள் கூறினார்கள்;
بُنِیَ الإِسْلاَمُ عَلَی خَمْسٍ: شَھَادَةِ أَنْ لاَ إِلَہَ إِلَّا اللہُ وَأَنَّ مُحَمَّدًا رَسُولُ اللہِ، وَإِقَامِ الصَّلاَةِ، وَإِیتَاء ِ الزَّکَاةِ، وَالحَجِّ، وَصَوْمِ رَمَضَانَ“․(بخاری شریف، حدیث نمبر:۸)
1,வணக்கத்திற்கு தகுதியானவன் அல்லாஹ்வைத் தவிர வேறு யாருமில்லை மேலும் முஹம்மது நபி ﷺஅவர்கள் அல்லாஹ்வின் திருத்தூதராக இருக்கிறார்கள்என்று சாட்சி சொல்வது.
2,தொழுகையை நிலை நாட்டுவது.
3,ஜகாத் கொடுப்பது.
4 ,ஹஜ் செய்வது
5,ரமலானில் நோன்பு நோற்பது.
(நூல்;புகாரி)
புனித ஹஜ்
புனித ஹஜ் யாத்திரை,வசதி வாய்ப்புள்ள முஸ்லிம்கள் வாழ்நாளில் ஒரு முறையேனும் மேற்கொள்வது فرض தலையாயக் கடமையாகும்.
ஹிஜ்ரி 9 ஆம் ஆண்டு ஹஜ் கடமையானது. அவ்வருடம் கண்மணி நாயகம் ﷺஅவர்கள் ஹழ்ரத் அபூபக்ர் சித்தீக் (ரலி)அவர்களின் தலைமையில் ஒரு குழுவை ஹஜ்ஜுக்கு அனுப்பினார்கள்.
ஹிஜ்ரி 10ஆம் ஆண்டு கண்மணி நாயகம் ﷺ அவர்கள் ஹஜ் செய்ய விரும்பி,தங்களோடு அதிகமான முஸ்லிம்கள் ஹஜ் செய்ய வேண்டும் என்பதற்காக பொது அறிவிப்பு செய்தார்கள்.
இதனால் நாயகம் ﷺஅவர்களை பார்த்து ஹஜ் செய்யும் வாய்ப்பும்,அதனுடைய கடமைகளையும்,ஒவ்வொரு இடங்களிலும் சந்தர்ப்பங்களிலும் செய்யக்கூடிய அமல்களை அனுபவப்பூர்வமாக கற்றுக் கொள்ளும் பாக்கியம் நபியோடு ஹஜ் செய்தவர்களுக்கு கிடைத்தது.
இந்த ஹஜ்ஜில் சஹாபாக்கள் பல்வேறு சந்தர்ப்பங்களில் நபியிடம் ஹஜ் சம்பந்தமாக பல்வேறு மஸ்அலாக்களை கேட்டு அறிந்து கொண்டார்கள்.
நபி ﷺஅவர்களே ஹஜ் சம்பந்தமான மஸ்அலாக்களை தம்மிடம் கேட்டு தெரிந்து கொள்ள ஆர்வமூட்டினார்கள்.
«لِتَأْخُذُوا مَنَاسِكَكُمْ، فَإِنِّي لَا أَدْرِي لَعَلِّي لَا أَحُجُّ بَعْدَ حَجَّتِي هَذِهِ»
உங்களின் ஹஜ் சட்டங்களை முழுமையைக் பி(-ப)டித்து கொள்ளுங்கள் . ஏனெனில் மீண்டும் ஒரு முறை ஹஜ் செய்யும் வாய்ப்பு எனக்கு கிட்டுமா என்பது தெரியாது என நபி ﷺஅவர்கள் கூறிக் கொண்டிருந்தார்கள்.
(ஸஹீஹ் முஸ்லிம்.அறிவிப்பாளர் ஜாபிர் (ரலி) அவர்கள் -)
சங்கைப்பொருந்திய சஹாபாக்கள் நபி ﷺஅவர்களிடம் ஹஜ்ஜின் சட்டங்களை முழுமையாக கற்று,பாதுகாத்து அதனை இந்த உம்மத் கியாம நாள் வரை பயன்பெறும் விதத்தில் முழுமையாக எத்திவைத்து சென்றுவிட்டனர்.
எனவே ஹஜ் செல்லக்கூடிய ஹாஜிகள்,ஹாஜிமாக்கள் ஹஜ்ஜின் மஸ்அலாக்கள்,அமல்கள்,ஹஜ்ஜில் அவசியமானவற்றை கட்டாயம் தெரிந்திருக்க வேண்டும்.
ஹஜ்ஜில் அனைத்து விதமான பாவங்களை விட்டும்,தவறான,வெறுப்பான சொல்,செயல்களை விட்டும் தவிர்ந்து பேணிக்கையாக இருப்பது அவசியமாகும்.
ஹஜ் பயணம் மேற்கொள்ளும் பெருமக்கள் பயன்பெறும் விதத்தில் அறிஞ்சப்பெருமக்கள் ஹஜ் சம்பந்தமான சிறிய,பெரிய பல கிதாபுகளை இலகுவான விதத்தில் எழுதி வைத்துள்ளனர்.
அதனை ஹாஜிகள் நன்கு படித்து மனனமிட்டு,அதனை கையோடு எடுத்துச் செல்வது பயனுள்ளதாக அமையும்.
புனித ஹஜ்,வாழ்நாளில் ஒரு முறையேனும் தமக்கு செய்ய வாய்ப்பு கிடைத்ததை பாக்கியமாக கருதி,அதில் எந்தவிதமான குறைபாடும் நிகழாமல் கவனமாக இருக்க வேண்டும்.
ஹஜ்ஜின் நிபந்தனைகள்
1.இஸ்லாம்
காபிருக்கு கடமையில்லை.அவனிடமிருந்து இறைவன் ஏற்றுக்கொள்ள மாட்டன்.
2.புத்தியுள்ளவனாயிருத்தல்
«பைத்தியகாரர்களுக்கு ஹஜ் கடமையில்லை, மூன்று நபர்கள் குற்றவாளியாக கணிக்கப்பட மாட்டார்கள் :
1.தூங்குபவர் எழும் வரை,
2.சிறுவர்கள் பருவ வயதை அடையும் வரை.
3.பைத்தியகாரன் புத்தி தெளியும் வரையாகும்.
3.பருவ வயதை அடைந்திருத்தல்.
சிறுவர்கள் மீது ஹஜ் கடமையில்லை,ஆனால் செய்தால் ஏற்றுக்கொள்ளப்படும். என்றாலும் கடமையான ஹஜ்ஜை செய்தவராக கணிக்கப்படமாட்டார், அது அவருக்கு சுன்னத்தாக கணிக்கப்படும்.
இப்னு அப்பாஸ் (ரலி) அவர்கள் கூறியதாவது:ஒரு பெண்மணி தம் குழந்தையை உயர்த்திக்காட்டி, "அல்லாஹ்வின் தூதரே! இவனுக்கும் ஹஜ் உண்டா?" என்று கேட்டார். நபி (ஸல்) அவர்கள், "ஆம்; (அதற்காக) உனக்கும் நற்பலன் உண்டு" என்று விடையளித்தார்கள். (.ஸஹீஹ் முஸ்லிம் : 2597. )
சிறுவர் ஹஜ் செவதாக இருந்தால் அவர் இஹ்ராம் ஆடையை அணிய வேண்டும்.
4. சுதந்திரமானவனாக இருத்தல்
அடிமையின் மீது கடமையில்லை,
5. சக்தி பெற்றிருத்தல்
பயணம் செய்வதற்கு ஒரு மனிதனுக்கு தேவையான உணவு, குடிபானம், ஆடை போன்றவை போதுமான பணம், (ராஹிலா : மனிதன் பயணம் செய்ய கூடிய கார், விமானம், கப்பல் போன்ற) வாகன வசதிகள் இருக்க வேண்டும்.
இன்னும் அதற்குச் செல்வதற்குரிய பாதையில் பயணம் செய்ய சக்தி பெற்றிருக்க வேண்டும்.
وَلِلّٰهِ عَلَى النَّاسِ حِجُّ الْبَيْتِ مَنِ اسْتَطَاعَ اِلَيْهِ سَبِيْلًا وَمَنْ كَفَرَ فَاِنَّ اللّٰهَ غَنِىٌّ عَنِ الْعٰلَمِيْنَ
இன்னும் பாதையில் பயணம் செய்ய சக்தி பெற்றிருக்கும் மனிதர்களுக்கு அல்லாஹ்வுக்காக அவ்வீடு சென்று ஹஜ் செய்வது கடமையாகும். ஆனால், எவரேனும் இதை நிராகரித்தால் (அதனால் அல்லாஹ்வுக்குக் குறையேற்படப் போவதில்லை; ஏனெனில்) - நிச்சயமாக அல்லாஹ் உலகத்தோர் எவர் தேவையும் அற்றவனாக இருக்கின்றான்.
(அல்குர்ஆன் : 3:97)
6.பெண்ணுக்கு மஹ்ரமான ஆண் துணை இருத்தல்.
நபியவர்கள் பிரசங்கம் செய்ய நான் கேட்டதாக இப்னு அப்பாஸ் (ரழி) அவர்கள் அறிவிக்கிறார்கள்:
«எந்த பெண்ணும் மஹ்ரம் இல்லாமல் பயணம் செய்ய வேண்டாம் என்று நபியவர்கள் கூறினார்கள்:
عَنِ ابْنِ عَبَّاسٍ ـ رضى الله عنهما ـ أَنَّهُ سَمِعَ النَّبِيَّ صلى الله عليه وسلم يَقُولُ "" لاَ يَخْلُوَنَّ رَجُلٌ بِامْرَأَةٍ، وَلاَ تُسَافِرَنَّ امْرَأَةٌ إِلاَّ وَمَعَهَا مَحْرَمٌ "". فَقَامَ رَجُلٌ فَقَالَ يَا رَسُولَ اللَّهِ، اكْتُتِبْتُ فِي غَزْوَةِ كَذَا وَكَذَا، وَخَرَجَتِ امْرَأَتِي حَاجَّةً. قَالَ "" اذْهَبْ فَحُجَّ مَعَ امْرَأَتِكَ "".
இப்னு அப்பாஸ்(ரலி) அறிவித்தார்.
'ஓர் ஆண் ஒரு பெண்ணுடன் தனித்திருக்க வேண்டாம். எந்த ஒரு பெண்ணும் தன்னுடன் மணமுடிக்கத் தகாத உறவினர் (மஹ்ரம்) ஒருவர் இருக்கும் போதேயன்றி பயணம் செய்ய வேண்டாம்' என்று இறைத்தூதர்(ஸல்) அவர்கள் கூறினார்கள். அப்போது ஒருவர் எழுந்து, 'இறைத்தூதர் அவர்களே! இன்ன புனிதப் போரில் கலந்து கொள்ள நான் என் பெயரைப் பதிவு செய்துள்ளேன். என் மனைவியோ ஹஜ்ஜுக்குப் புறப்பட்டுவிட்டாள். (இந்நிலையில் நான் என்ன செய்வது?)' என்று கேட்டதற்கு நபி(ஸல) அவர்கள், 'நீ போய் உன் மனைவியுடன் ஹஜ் செய்' என்று கூறினார்கள்.
(ஸஹீஹ் புகாரி : 3006. )
“எந்தவொரு பெண்ணும் தன்னுடன் மஹ்ரம் துணையில்லாமல் மூன்று நாட்களுக்குப் பயணிக்க வேண்டாம்.” ( முஸ்லிம்)
ஹஜ் பயணம் என்பது மூன்று நாட்களுக்கு மேற்பட்ட பயணம் என்பதால் இந்த ஹதீஸின் படி ஒரு பெண் ஹஜ்ஜுக்குச் செல்ல முடியாது என்பது தெரிகிறது.
இந்த ஹதீஸை ஆதாரமாகக் கொண்டே ஒரு பெண்ணோ, அல்லது பல பெண்களோ (திருமணம் முடிக்க தடை செய்யப்பட்ட) மஹ்ரமான ஆண்கள் துணையின்றித் தனிமையில் ஹஜ் பயணமோ, அல்லது வேறு பயணமோ செல்லக் கூடாது எனக் கூறப்படுகின்றது.
இதற்குத் தவறான வியாக்கியானம் செய்யும் சில அறிஞர்கள் “நம்பகமான பெண்கள் பலருடன் சேர்ந்து ஒரு பெண் ஹஜ்ஜை நிறைவேற்றலாம்!” என வாதிடுகின்றனர். ஒரு பெண் தனிமையில் பள்ளிக்குச் சென்று தொழுகையை நிறைவேற்றுவது போன்று ஹஜ் செய்யச் செல்லலாமா? முடியாதா? என்ற வாதப் பிரதிவாதங்கள் மார்க்க அறிஞர்கள் வட்டத்தில் காணப்பட்டாலும் “மஹ்ரம்” என்ற ஆண் துணையுடன் ஹஜ் செய்வதையே நபி(ஸல்) அவர்கள் கட்டாயப்படுத்தி இருப்பதைப் பார்க்கின்றோம். ஒரு பெண் மஹ்ரம் இன்றி ஹஜ் செய்ய முடியாது என்பதே நாம் சரியான கருத்தாகக் கொள்ளத் தக்கதாகும்.
தல்பியாவை அதிகப்படுத்துதல்
.لًبّيْكَ اَللّهُمَّ لَبَّيْكَ ، لَبَّيْكَ لا شَرِيْكَ لَكَ لَبَّيْكَ، اِنَّ الْحَمْدَ وَالنِّعْمَةَ لَكَ وَالْمُلْكَ لاشَرِيْكَ لَك
“நான் வந்திருக்கிறேன். எனது இறைவனே! வந்திருக்கிறேன். உனக்கு இணை துணை கிடையாது. நான் வந்திருக்கிறேன். நிச்சயமாக புகழ் அனைத்தும் உனக்கே உரித்தானவை. அருட்கொடைகள் அனைத்தும் உன்னுடையவை. எல்லாவிதமான ஆட்சிகளும் உனக்கே உரித்தானவை. உனக்கு இணை எவரும் கிடையாது.”
عَنِ ابْنِ عَبَّاسٍ ـ رضى الله عنهما ـ قَالَ بَيْنَمَا رَجُلٌ وَاقِفٌ مَعَ رَسُولِ اللَّهِ صلى الله عليه وسلم بِعَرَفَةَ إِذْ وَقَعَ مِنْ رَاحِلَتِهِ فَأَقْصَعَتْهُ ـ أَوْ قَالَ فَأَقْعَصَتْهُ ـ فَقَالَ رَسُولُ اللَّهِ صلى الله عليه وسلم "" اغْسِلُوهُ بِمَاءٍ وَسِدْرٍ، وَكَفِّنُوهُ فِي ثَوْبَيْنِ، وَلاَ تُحَنِّطُوهُ وَلاَ تُخَمِّرُوا رَأْسَهُ، فَإِنَّ اللَّهَ يَبْعَثُهُ يَوْمَ الْقِيَامَةِ مُلَبِّيًا "".
இப்னு அப்பாஸ்(ரலி) அறிவித்தார்.
(இஹ்ராம் அணிந்த) ஒருவர் அரஃபா மைதானத்தில் அல்லாஹ்வின் தூதருடன் தம் வாகனத்தின் மீதிருந்தார். திடீரென அவர், தன்னுடைய வாகனத்திலிருந்து கீழே விழுந்துவிட்டார்; அது அவரின் கழுத்தை முறித்துவிட்டார். (அப்போது நபி(ஸல்) அவர்கள் 'அவரின் உடலை இலந்தை இலை கலந்த நீரால் குளிப்பாட்டி இரண்டு ஆடைகளால் கஃபனிடுங்கள்; அவரின் உடலுக்கு நறுமணம் பூச வேண்டாம்; அவரின் தலையை மறைக்கவும் வேண்டாம்: ஏனெனில் (இஹ்ராம் அணிந்திருந்த) அவர் கியாமத் நாளில் தல்பியா (லப்பைக் அல்லஹும்ம லப்பைக்...) சொல்லிக் கொண்டிருப்பவராக எழுப்பப்படுவார்' எனக் கூறினார்கள். (ஸஹீஹ் புகாரி : 1266. )
ஹாஜிகளின் கனிவான கவனத்திற்கு...
ஹாஜிகள் தங்களின் ஹஜ்ஜை சரியான முறையில் நிறைவேற்றுவதற்கும்,பூரணமான நன்மைகளை பெறுவதற்கும் சிலவற்றை கடைபிடிப்பது அவசியமாகும்.
1-எண்ணங்களை (நிய்யத்)சீராக்கிக் கொள்க!
மனத்தூய்மை
وَاَتِمُّوا الْحَجَّ وَالْعُمْرَةَ لِلّٰهِ
ஹஜ்ஜையும், உம்ராவையும் அல்லாஹ்வுக்காகப் பூர்த்தி செய்யுங்கள்.
பெயர்.புகழ்.பட்டம் சம்பாதிப்பதற்கோ. தங்கம். டீவீ. பேரிச்சம் பழம் போன்ற பொருட்கள் வாங்குவதற்கோ ஹஜ் அல்ல. அல்லாஹ்வின் திருப்தியை நாடி செல்ல வேண்டும்.
பாக்கியம் நிறைந்த ஹஜ் இறைக் காதலின் வெளிப்பாடாக இறைப் பொருத்தத்தை மாத்திரம் நாடி மேற்கொள்ளப்படும் புனிதப் பயணமாகும்.சில லட்சங்களை செலவு செய்து,பல அசௌகரியங்களை சகித்துக் கொண்டு மேற்கொள்ளும் ஹஜ்ஜை சில அற்ப காரணங்களுக்காக வீணடித்து விடக்கூடாது.ஊரில் தம்மை "ஹாஜியார்" என்று புகழாரம் சூட்ட வேண்டும் என்கிற ஹாஜி பட்டத்திற்காகவோ வேறு சில காரணங்களுக்காகவோ ஹஜ் செய்வதை தவிர்த்து இறை பொருத்தத்தை மாத்திரம் நாடி ஹஜ் செய்ய வேண்டும்.
قال رسول الله صلى الله عليه وسلم: يأتي على الناس زمان يحج أغنياء أمتي للنزهة وأوسطهم للتجارة وقراؤهم للرياء والسمعة وفقراؤهم للمسألة "
கண்மணி நாயகம் ﷺஅவர்கள் கூறினார்கள்:மக்களின் மீது ஒரு காலம் வரும் என் உம்மத்தில் செல்வந்தர்கள் சுற்றுலாவிற்காகவும்,நடுத்தரவர்க்கத்தினர் வியாபாரத்திற்காகவும்,காரிகள் பகட்டுப்பெருமைக்காகவும்,ஏழைகள் பிச்சை எடுப்பதற்காகவும் ஹஜ் செய்வார்கள்.
2-ஹாஜிகள் ஹஜ் பயணத்தில் இமாம் ஜமாஅத்தோடு தொழுவதற்கு கூடுதல் முக்கியத்துவம் தர வேண்டும்.
பொதுவாகவே ஹாஜுகள் இமாம் ஜமாஅத்திற்கு முக்கியத்துவம் தருவதில்லை.தொழுகையில் பேணிக்கையாக இருப்பவர்களும் இது விஷயத்தில் அலட்சியப் போக்கை கையாளுகிறார்கள்.
3-பெண் ஹாஜிமாக்கள் ஹஜ் பயணம் முழுக்க ஃபர்தா விஷயத்தில் மிகுந்த முக்கியத்துவத்தோடு நடந்து கொள்ளவதே சிறப்பாகும்.
பெண்கள் ஹஜ்ஜில் இஹ்ராம் அணிந்து விட்டால் முகத்தை மறைக்கக் கூடாது என்பதற்காக ஃபர்தாவில் பொடுபோக்காக இருந்து விடக்கூடாது.
அன்னை ஆயிஷா (ரலி)அவர்களின் ஹஜ்ஜில் ஃபர்தா பேணிக்கை பெண்களுக்கு சிறந்த முன்னுதாரணம் ஆகும்.
’’عن عائشۃؓ قالت: کان الرکبان یمرون بنا ونحن مع رسول اللّٰہ صلی اللّٰہ علیہ وسلم محرمات ، فإذا جاوزوا بنا سدلت إحدانا جلبابَھا من رأسھا علٰی وجہہا فإذا جاوزونا کشفناہ ، رواہ ابوداؤد وابن ماجۃ۔‘‘ (مشکوٰۃ،ص:۲۳۶، طبع: قدیمی کتب خانہ)
அன்னை ஆயிஷா (ரலி)அவர்கள் அறிவிக்கின்றார்கள்;நாங்கள் (உம்மாஹாத்துல் முஃமினீன்)நபி ﷺஅவர்களோடு ஹஜ் பயணத்தில் (முகத்தை மறைக்காமல்) இஹ்ராமில் இருந்தோம்.யாரேனும் எங்களை கடந்து சென்றால் நாங்கள் ஏதேனும் மறைப்பால் எங்கள் முகத்துக்கு நேராக வைத்துக் கொள்வோம்.அவர்கள் எங்களை கடந்து சென்றதும்.மறைப்பை நீக்கிவிடுவோம்.
இன்றைய காலகட்டத்தில் பெண்கள் இஹ்ராமில் முகத்தில் துணிப்படாமல்
முகத்தை மறைப்பதற்கு கேப் போன்ற வடிவில் ஃபர்தா உள்ளது,பெண்கள் பேணிக்கைகாக அதனை பயன்படுத்திக் கொள்ளலாம் என்பது அறிஞ்சப்பெருமக்களில் கூற்றாகும்.
4-மக்கா முகர்ரமாவில் பெண்கள் தொழுவதற்கான தனி ஸஃப்கள் இருக்கும்.அதனை விடுத்து சில பெண்கள் ஆண்கள் வரிசையில் நிற்கின்றனர்.இது ஷரிஅத்தில் தடுக்கப்பட்டதாகும். பெண்கள் இதனை அவசியம் தவிர்த்துக்கொள்ள வேண்டும்.
5-ஒரு முக்கியமான சட்ட சிக்கல் சில வருடங்களாக தொடர்கின்றது.அதாவது மக்கா,மதினா இரண்டு ஹரம்களிலும் ஜும்ஆவிற்கு ஜவாலுக்கு முன்பே பாங்கு சொல்லப்படுகிறது.சிலர் இந்த பாங்கிற்கு பின்னால் சுன்னத் தொழ ஆரம்பித்து விடுகின்றனர்.ஆனால் இந்நேரத்தில் எந்தத்தொழுகையும் தொழுவது தடைச்செய்யப்பட்டுள்ளது.
۔ ’’عن عقبۃ بن عامرؓ قال: ثلٰث ساعات کان رسول اللّٰہ صلی اللّٰہ علیہ وسلم ینہانا أن نصلی فیہن وأن نقبر فیہن موتانا حین تطلع الشمس بازغۃ حتّٰی ترتفع وحین یقوم قائم الظہیرۃ حتی تمیل الشمس وحین تضیف الشمس للغروب حتی تغرب ، رواہ مسلم۔‘‘ (مشکوٰۃ،ص:۹۴،طبع:قدیمی کتب خانہ)
மூன்று நேரங்களில் தொழ வேண்டாம்; அல்லது இறந்தவர்களைப் புதைக்க வேண்டாம் என எங்களுக்கு அல்லாஹ்வின் தூதர் ﷺஅவர்கள் தடை விதித்திருந்தார்கள். அவையாவன:
1- சூரியன் உதயமாகத் துவங்கியதிலிருந்து நன்கு உயரும்வரை,
2- ஒருவர் (வெயிலில்) நிற்கும்போது நிழல் விழாத நண்பகல் துவங்கியதிலிருந்து சூரியன் (மேற்கில்) சரியும்வரை.
3- சூரியன் மறையத் தொடங்கியதிலிருந்து நன்கு மறையும்வரை.
அறிவிப்பாளர் : உக்பா பின் ஆமிர் அல்ஜுஹனீ (ரலி)
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ لَا تَحَرَّوْا بِصَلَاتِكُمْ طُلُوعَ الشَّمْسِ وَلَا غُرُوبَهَا فَإِنَّهَا تَطْلُعُ بِقَرْنَيْ شَيْطَانٍ
சூரியன் உதிக்கும் நேரத்தையோ சூரியன் மறையும் நேரத்தையோ நீங்கள் தொழுவதற்காகத் தேர்வு செய்யாதீர்கள். ஏனெனில் அது, ஷைத்தானின் இரு கொம்புகளுக்கிடையே உதிக்கின்றது என்று அல்லாஹ்வின் தூதர் ﷺஅவர்கள் கூறினார்கள். (அறிவிப்பாளர்: இப்னு உமர் (ரலி)அவர்கள் )
எனவே ஹாஜிகள் ஜும்ஆவில் முதல் பாங்கிற்கு பின்னால் எந்தவிதமான சுன்னதோ,நஃபிலோ தொழக்கூடாது.அது எச்சரிக்கப்பட்டதும்,ஷரிஅத்தில் தடுக்கப்பட்டதும் ஆகும்.
6-தற்காலத்தில் பொதுவாக ஹாஜிகள் மினாவின் தங்குவதை அவசியமில்லை என தவறாக விளங்கி வைத்துள்ளனர்.சில ஹஜ் குரூப்புகளில் ஹாஜிகளை வழி நடத்திச் செல்பவர்கள், ஹாஜிகளிடம் "நீங்கள் கல்லெறிவதற்காக மட்டும் மினாவிற்கு சென்றால் போதுமானது மற்ற நேரங்களில் அங்கு செல்லாமல் உங்கள் அறைகளில் தங்கிக் கொள்ளலாம்" என்று கூறுகின்றனர்.
இன்னும் சிலர் இரவு தங்குவதற்காக மினாவிலிருந்து மக்காவில் தங்களின் அறைக்கு வந்து விடுகின்றனர்.
ஆனால் கண்மணி நாயகம் ﷺஅவர்கள் ஹஜ்ஜின் போது மக்காவிற்கு தவாஃப் செய்வதற்காக மட்டும்தான் வந்திருக்கிறார்கள்.மூன்று தினங்கள் மினாவில் தான் தங்கினார்கள்.
நம் இமாம் இமாமுனா அபூஹனீஃபா (ரஹ்)அவர்களிடம் 'மினாவில் தங்குவது سنت مؤکدہ வலியுறுத்தப்பட்ட சுன்னத் ஆகும்"
ஏனைய மற்ற இமாம்களிடம் மினாவில் தங்குவது واجب வாஜ்பாகும்.
அமீருல் முஃமினீன் ஹழ்ரத் உமர் (ரலி)அவர்கள் ஹஜ்ஜில் மினாவில் தங்காதவர்களை கண்டித்திருக்கின்றார்கள்.
மௌலானா முஃப்தி முஹம்மது அர்ஷத் காஸிமி அவர்கள் தங்களின்
’’رسول اللہ ﷺ کا طریقۂ حج‘‘
"நபி ﷺஅவர்களின் ஹஜ்ஜின் முறைகள்"எனும் உர்து கிதாபில் மினாவில் தங்குவது சம்பந்தமாக பல்வேறு ரிவாயத்களை தொகுத்து எழுதியுள்ளார்கள்.அவற்றில் சில...
1-அன்னை ஆயிஷா (ரலி)அவர்களின் ரிவாயத்:நபி ﷺ அவர்கள் அய்யாமுத் தஷ்ரீக்வுடைய நாட்களில் மினாவில் தங்கினார்கள்.
(ابوداؤد،ص:۲۷۱، اعلاء السنن، ص:۱۸۹)
2-அப்துர் ரஹ்மான் இப்னு ஃபரூக் (ரஹ்)அவர்களின் ஒரு ரிவாயத்:நபிﷺஅவர்கள் மினாவில் இருந்தார்கள்.அங்கு தங்கினார்கள்.
(اعلاء السنن،ص:۱۹۰)
3-இப்னு அப்பாஸ்(ரலி)அவர்கள் கூறுகிறார்கள்: அகபாவில்(மக்கா எல்லைக்குள்) யாரும் தஷ்ரீக் நாட்களைக் கழிக்கக் கூடாது.
4-ஹஸ்ரத் உமர் ஃபாரூக் (ரலி)அவர்கள் மக்கள் மினாவில் தங்காமல் விட்டுவிடுவதை கண்டித்து வந்தார்கள்.
(فتح القدیر، ص:۵۰۲)
5-இப்னு அபி ஷைபாவில் உள்ளது
அமீருல் முஃமினீன் ஹழ்ரத் உமர் (ரலி)அவர்கள் அகபாவில் (கல்லெறியும் தினங்களில்)எவரும் மக்கா எல்லையில் தங்குவதை தடை செய்தார்கள்.(فتح القدیر)
6-அமீருல் முஃமினீன் ஹழ்ரத் உமர் (ரலி)அவர்கள் மினாவுடைய நாட்களில்
மக்கா முகர்ரமாவில் இரவு தங்குவதை தடை செய்தார்கள்.
(فتح القدیر، ص:۵۰۲)
இந்த அறிவிப்புக்களை தொகுத்து விட்டு நூலின் ஆசிரியர் முஃப்தி சாஹிப் அவர்கள் எழுதுகிறார்கள்:
ஹாஜி பிறை 10 காலை முஸ்தலிஃபாவிலிருந்து மினாவுக்கு வரும் அவர், இப்போது 12 அல்லது 13ம் தேதி வரை மினாவில் இருப்பார். 4 நாட்கள் கடந்து பிறை 8 அன்று மக்காவில் இருந்து வந்து அரஃபாத் செல்வதற்கு முந்தைய நாள் மினாவில் தங்கினால். இவை மினாவின் 5 நாட்கள் ஆகும் , இந்த நாட்களை மினாவில் கழிப்பது சுன்னதே முஅக்கதா வாகும்.
இந்த நாட்களில் மக்காவில் கூட வேறு எந்த இடத்திலும் இரவில் தங்குவது சரியல்ல.
நபி ﷺஅவர்கள் மினாவில் தங்குவதை வலியுறுத்தி கூறியுள்ளார்கள்.
நபி ﷺ அவர்கள் இரவில் மக்கா முக்கரமாவிற்கு தவாஃப் செய்ய சென்றாலும்,இரவு தங்க மினாவிற்கு வந்து விடுவார்கள்.
7-அதே போல் பிறை 10 அல்லது 11 ஆகிய தினங்களில் தவாஃபே-ஜியாரத் சென்றாலும், தவாஃப் முடித்துவிட்டு மினாவுக்குத் திரும்பி வந்து மினாவில் இரவு தங்க வேண்டும்.
"ஷரஹ் லுபாப்" என்கிற கிதாபில்
’’ولایبیت بمکۃ ولا فی الطریق لأن البیتوتۃ بمنٰی لیالیہا سنۃ عندنا واجبۃ عند الشافعیؒ۔‘‘ (شرح لباب،ص:۲۳۵)
8-ஹிதாயாவில் "மினா அல்லாத மற்ற இடங்களில் இரவு தங்குவதை மக்ரூஹ் என்று எழுதப்பட்டுள்ளது.
ولایکرہ أن لایبیت بمنٰی لیالی الرمی لأن النبی علیہ الصلٰوۃ والسلام بات بمنٰی وعمر رضی اللّٰہ عنہ کان یؤدب علٰی ترک المقام بھا۔‘
9-இனாயா என்கிற கிதாபில் எழுதப்பட்டுள்ளது:கல்லெறிதல் என்கிற ஹஜ்ஜினுடைய கிரியைகளில் முக்கியமான கிரியை இலகுவாக்குவதற்காக மினாவில் இரவு தங்குவதை வலியுறுத்தப்பட்டுள்ளது.
(عنایہ علی الفتح،ص:۵۰۱)
10-ஜுஸ்வு ஹஜ்ஜத்துல் விதாஃ என்கிற கிதாபில் எழுதப்பட்டுள்ளது:
பெரும்பான்மையான உலமாப்பெருமக்களிடம் மினாவில் தங்குவது வாஜிப் ஆகும்.
இமாமுனா அபுஹனீஃபா (ரஹ்)அவர்களிடம் சுன்னதே முஅக்கதா ஆகும்.
(حجۃ الوداع،ص:۱۷۲)
11-தஹாவியில் எழுதப்பட்டுள்ளது:அய்யாமுத்தஷ்ரீக் உடைய நாளில் மினாவில் தங்காமல் இருப்பது மக்ருஹே தஹ்ரீம் ஆகும்.
’’دلالۃ الأثر علٰی لزوم المبیت بمنٰی فی لیالیہا ظاھرۃ أن لفظ ظاہر الہدایۃ یشعر بوجوبہا عندنا۔‘‘ ( اعلاء السنن،ص:۱۹۰)
ஹாஜிகளுக்கு ஓர் வேண்டுகோள்!
கண்மணி நாயகம் ﷺ அவர்கள்,சஹாபாப்பெருமக்கள்,தாபியீன்கள்,நல்லோர்களான நம் முன்னோர்கள் எவ்விதத்தில் ஹஜ் செய்தார்களோ அதுபோன்றே நாமும் ஹஜ் செய்ய முயற்சிக்க வேண்டும்.
உங்கள் சுய விருப்பு,வெறுப்புக்காக ஒவ்வொரு அமலிலும் உங்கள் சுயஎண்ணங்கள்,கருத்துக்களின் படி நீங்கள் செயல்பட ஆரம்பித்தால் ஹஜ்ஜின் புனிதம் கெட்டுவிடும்.
ஆகையால் ஹாஜிகள் எச்ரிக்கையோடு ஹஜ்ஜின் செயல்களில் புதுமைகளைப் புகுத்துவதைத் தவிர்த்து கொள்ள வேண்டும்.
கண்மணி நாயகம் ﷺ அவர்கள்,சஹாபாப்பெருமக்கள் எவ்விதம் ஹஜ் செய்ய கற்றுத் தந்தார்களோ அவ்விதமே ஹஜ் செய்யும் பாக்கியத்தை அல்லாஹ் நமக்கு வழங்கிடுவானாக!ஆமீன்...
