ஜும்ஆ பயான் 31/12/2021

தலைப்பு:

புத்தாண்டு 2022.  

    

وَالْعَصْرِ  إِنَّ الْإِنْسَانَ لَفِي خُسْرٍ    

காலத்தின் மீது சத்தியமாக.நிச்சயமாக மனிதன் நஷ்டத்தில் இருக்கின்றான்.                      (அல்குர்ஆன் 103-1.103-2)

ஒவ்வொரு வருடமும் ஜனவரி 1ஆம் தேதி ஆங்கில புத்தாண்டு கொண்டாடப்படுகிறது.இந்த நாளை மத, இன, மொழி வேறுபாடில்லாமல் மக்கள் சிறப்பாக வரவேற்று மகிழ்ந்து தங்களுக்கிடையில்"Happy newyear""புத்தாண்டு வாழ்த்துக்கள்"சொல்லிக்கொள்வதை நவநாகரீகமாக, ஊடகங்கள்,சமூகவலைதலங்கள் வழியாக சித்தரித்துக்காட்டப்படுகிறது.

உண்மையிலே இது மதங்களை கடந்த பொதுப்பண்டிகை தானா என்றால்? இல்லை மாறாக  இது கிட்டத்தட்ட  கிருத்துவர்களின் மதப் பண்டிகை.

பிரிட்டன் என்ற நாடு  உலகில் தன் காலணி ஆதிக்கம் செலுத்திய நாடுகளில் தன் கலாச்சாரத்தை திணித்து சென்றது.

உலகில் பல நாடுகளை தன் காலணி ஆதிக்கத்திலிருந்து விடுதலை தந்திருந்தாலும், ஆண்டு,ஆடை, மொழி, போன்ற  பழக்கவழக்கங்களில் அதன் கலாச்சார அடிமைகளாக்கி சென்றுவிட்டது.

இந்தியா,இலங்கை போன்ற நாடுகளும்,ஏன் அரபு நாடுகளும் ஆங்கில புத்தாண்டை கொண்டாடுகின்றன.

டிசம்பர் 31 ஆம் தேதி நள்ளிரவு வரை கண்விழித்திருந்து சரியாக இரவு 12 மணி ஆனதும் அனைவரும் ஒரு பொது இடத்தில் ஒன்று கூடி Happy New year எனக் கூச்சிலிடுவதும்,வான வேடிக்கைகளும், கேக் வெட்டுவதும், மது,மாது,கிளப், கேலிக்கைககள் என எல்லா அனாச்சாரங்களும்,சமூக அவலங்களும் அன்றைய ஓர் இரவில் அரங்கேற்றப்படுகின்றன.

இந்த களியாட்டங்களில் இஸ்லாமியர்களும் பங்குகொண்டு கேக்வெட்டுவதும்,பட்டாசு வெடிப்பதும்,அன்றைய நாளில் மட்டும் சிலர் ஃபஜ்ரு தொழுவதையும் காணமுடிகிறது. இது முற்றிலும் இஸ்லாத்திற்கு முரணான செயலாகும்.

ஒரு ஹதீஸில்...

عَنْ ابْنِ عُمَرَ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ مَنْ تَشَبَّهَ بِقَوْمٍ فَهُوَ مِنْهُمْ ) رواه أبو داود (اللباس / 3512) قال الألباني في صحيح أبي داود : حسن صحيح . برقم (3401)

"எவர் (ஏதோனுமொரு) கூட்டத்தவர்களுக்கு ஒப்பாகுவாரோ அவர் அவர்களைச் சார்ந்தவர்"என நாயகம் (ஸல்)அவர்கள் கூறினார்கள்.

كان النبي عليه الصلاة والسلام يكره مشابهة أهل الكتابين

நாயகம் (ஸல்)அவர்கள் எந்த செயலிலும் யூத,நஸராக்களுக்கு ஒப்பாகுவதை வெறுத்தார்கள்.

وقال: ((لا رهبانية في الإسلام)) ، وأمر بالسحور ، ونهى عن المواصلة

அதனால் தான் நாயகம் (ஸல்)அவர்கள் இஸ்லாத்தில் துறவரத்தையும்,ஸஹர் இல்லாத நோன்பையும்,தொடர் நோன்பையும் தடைச்செய்தார்கள்.

யூதர்களுக்கு மாற்றம் செய்வதற்காகவே முஹர்ரம் பத்தாம் நாள் நோன்பிற்கு முன்போ பின்போ ஒரு நோன்பை சேர்த்து நோற்க்கச்சொன்னார்கள்.

அது போலவே முஷ்ரிகீன்களுக்கு மாற்றாமாக...

عن ابن عمر رضي الله عنه، قال: قال رسول الله صلى الله عليه وسلم: ((خالفوا المشركين: أحفوا الشوارب وأوفوا اللحى))  رواه البخاري و مسلم

"முஷ்ரிகுகளுக்கு மாற்றம் செய்யுங்கள்: மீசையை கத்தரியுங்கள்,தாடியை வளருங்கள்"என்றார்கள்.

கிருத்துவர்களின் நாள்காட்டியை பொதுவானதாக பார்க்கப்படுகிறது. ஆனால் உண்மையில் இது திட்டமிடப்பட்ட சூழ்ச்சியாகும்.இந்த சூழ்ச்சிவலையில் இஸ்லாமியர்களும் சிக்கிக்கொள்வதென்பது வேதனையான ஒன்றாகும்.

யூத, கிறித்தவத்தையே நீங்கள் பின்பற்றுவீர்கள்.

3456» حَدَّثَنَا سَعِيدُ بْنُ أَبِي مَرْيَمَ حَدَّثَنَا أَبُو غَسَّانَ قَالَ: حَدَّثَنِي زَيْدُ بْنُ أَسْلَمَ عَنْ عَطَاءِ بْنِ يَسَارٍ عَنْ أَبِي سَعِيدٍ رَضِيَ اللَّهُ عَنْهُ أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ: ((لَتَتَّبِعُنَّ سَنَنَ مَنْ قَبْلَكُمْ شِبْرًا بِشِبْرٍ، وَذِرَاعًا بِذِرَاعٍ، حَتَّى لَوْ سَلَكُوا جُحْرَ ضَبٍّ لَسَلَكْتُمُوهُ)). قُلْنَا يَا رَسُولَ اللَّهِ، الْيَهُودَ وَالنَّصَارَى قَالَ: ((فَمَنْ)). [طرفه 7320، تحفة 4171]. 

அபூ ஸயீத் அல்குத்ரீ(ரலி) அறிவித்தார்கள் :             

உங்களுக்கு முன்னிருந்த (யூதர்கள் மற்றும் கிறிஸ்து)வர்களின் வழிமுறைகளை நீங்கள் அங்குலம் அங்குலமாக, முழம் முழமாகப் பின்பற்றுவீர்கள். எந்த அளவிற்கென்றால் அவர்கள் ஓர் உடும்பின் பொந்துக்கள் புகுந்திருந்தால் கூட நீங்கள் அதிலும் புகுவீர்கள்' என்று இறைத்தூதர்(ஸல்) அவர்கள் கூறினார்கள். நாங்கள், 'இறைத்தூதர் அவர்களே! (நாங்கள் பின்பற்றக் கூடியவர்கள் என்று) யூதர்களையும் கிறிஸ்தவர்களையுமா நீங்கள் குறிப்பிடுகிறீர்கள்?' என்று நாங்கள் கேட்டோம். அதற்கு நபி(ஸல்) அவர்கள், 'வேறெவரை?' என்று பதிலளித்தார்கள். (ஸஹீஹ் புகாரி : 3456. )

யூத ,கிறித்தவ நடைமுறை அனைத்துக்கும் மாற்றத்தை ஏற்படுத்துவதே நபி (ஸல்) அவர்களின் நடைமுறை. 

இணைவைப்பாளர்களுக்கு சாதாரண தலைமுடியில் கூட  மாற்றத்தை ஏற்படுத்தினார்கள் ஏந்தல் நபி (ஸல்)அவர்கள்.

حَدَّثَنَا يَحْيَى بْنُ بُكَيْرٍ حَدَّثَنَا اللَّيْثُ عَنْ يُونُسَ عَنِ ابْنِ شِهَابٍ قَالَ: أَخْبَرَنِي عُبَيْدُ اللَّهِ بْنُ عَبْدِ اللَّهِ عَنِ ابْنِ عَبَّاسٍ رَضِيَ اللَّهُ عَنْهُمَا أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ كَانَ يَسْدِلُ شَعَرَهُ، وَكَانَ الْمُشْرِكُونَ يَفْرُقُونَ رُءُوسَهُمْ فَكَانَ أَهْلُ الْكِتَابِ يَسْدِلُونَ رُءُوسَهُمْ، وَكَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ يُحِبُّ مُوَافَقَةَ أَهْلِ الْكِتَابِ فِيمَا لَمْ يُؤْمَرْ فِيهِ بِشَيْءٍ، ثُمَّ فَرَقَ رَسُولُ اللَّهِ صَلَّى اللَّهُ عَلَيْهِ وَسَلَّمَ رَأْسَهُ.

இப்னு அப்பாஸ்(ரலி) அறிவித்தார்கள்: 

இறைத்தூதர்(ஸல்) அவர்கள் தம் (முன் தலை) முடியை, (தம் நெற்றியின் மீது) தொங்கவிட்டு வந்தார்கள். இணை வைப்பாளர்கள் தங்கள் தலை(முடி)களைப் பிரித்து (நெற்றியில் விழ விடாமல் இரண்டு பக்கமும் தொங்கவிட்டு) வந்தார்கள். வேதக்காரர்கள் தங்கள் தலை(முடி)களை (நெற்றியின் மீது) தொங்கவிட்டு வந்தனர். இறைத்தூதர்(ஸல்) அவர்கள் எந்த விஷயங்களில் தமக்கு (இறைக்) கட்டளை எதுவும் இடப்படவில்லையோ அந்த விஷயங்களில் வேதக்காரர்களுடன் ஒத்துப் போக விரும்பி வந்தார்கள். பிறகு, இறைத்தூதர்(ஸல்) அவர்கள் தம் தலை(முடி)யை, (இரண்டு பக்கங்களிலும்) பிரித்துக் கொண்டார்கள்.                (ஸஹீஹ் புகாரி : 3558.)  

காலம் கரையுதே.....

புத்தாண்டு கொண்டாடும் அன்பர்களுக்கு!                         

புத்தாண்டு நமக்கு உணர்த்துவயாதெனில் நம் ஆயுளில் ஓர் ஆண்டு கழிந்து விட்டது,இவ்வாழ்வு இறைவன் நமக்கு வழங்கிய மகத்தான அருட்கொடையாகும்.அல்லாஹ்வின் அருட்கொடை நம்மைவிட்டும் செல்லும் போது கைசேதப்படவேண்டுமே ஒழிய அதை எப்படி கொண்டாட முடியும்.உண்மையில் கழிந்துவிட்ட ஆண்டில் நாம் செய்த நல்லறங்கள்,பாவச் செயல்கள் குறித்து சிந்தக்கவேண்டும்.

قال ابن مسعود:( ما ندمت على شيء، ندمى على يوم غربت شمسه، نقص فيه أجلي، ولم يزد فيه عملي! )قیمة الزمن عند العلماء، ص: ۲۷)

அப்துல்லாஹ் இப்னு மஸ்வூது (ரலி)அவர்கள் சொல்கிறார்கள்:

நான் எதைக்குறித்தும் கைசேதப்படுவதில்லை,சூரியன் மறையும் ஓர் நாளில் எனது பட்டோலையில் எந்த நல்அமல்களும் அதிகமாகாமல் கழியும் அந்நாளே  எனக்கு கைசேதமாகும். 

قال الحسن البصري:(يا ابن آدم إنما أنت أيام!، فإذا ذهب يوم ذهب بعضك)

ஹஸன் பஸரீ (ரஹ்)அவர்கள் சொன்னார்கள்:

"ஆதமின் மகனே!நாள்களின் ஒட்டுமொத்த தொகுப்பு நீ,

விளங்கிக்கொள்!ஒரு நாள் கழியும் போது நீ உன் சிலதை இழக்கிறாய்"

இவ்வாழ்வு நமக்கு நிரந்தர மறுமை வாழ்வின் தயாரிப்பிற்காக தரப்பட்டுள்ளது.நாம் நம் வாழ்வை எவ்வளவு பயனுள்ள வழியில் கழிப்பதென சிந்தித்து செயல்பட வேண்டும். 

عَنْ اَبِيْ هُرَيْرَةَؓ قَالَ: قَالَ رَسُوْلُ اللهِ ﷺ: مِنْ حُسْنِ اِسْلاَمِ الْمَرْءِ تَرْكُهُ مَا لاَ يَعْنِيْهِ. رواه الترمذي

ஒரு மனிதனின் இஸ்லாம் சிறப்பானது, நிறைவானது என்பது அவன் தனக்குத் தேவையற்றவைகளை விட்டுவிடுவதாகும்” என்று நபி (ஸல்) அவர்கள் கூறியதாக ஹஜ்ரத் அபூஹுரைரா (ரலி) அவர்கள் அறிவிக்கிறார்கள். (திர்மிதீ)

யூத,கிருத்துவர்களின் பல அர்த்தமற்ற கொண்டாட்டங்கள் "அன்னையர் தினம்" "தந்தையர் தினம்"" காதலர்தினம்"" ஆசிரியர் தினம்""குழந்தைகள் தினம்"என்கிற பல பெயர்களில் கொண்டாடப்படுகின்றன.

மேற்கத்திய நாடுகளில் குடும்பஅமைப்புகள் சிதைந்து போய் விட்டன.பெற்றோர்களை பராமரிக்காத பிளைகளும்,வயதுக்கு வந்த பிள்ளைகளை வீட்டை விட்டு வெளியே அனுப்பும் பெற்றோர்களும்,இப்படி குடும்ப அமைப்புகளை சிதைத்து விட்டு, பெயருக்கு வருடத்தில் ஒரு முறை இது போன்ற தினங்களைக் கொண்டாடுகின்றனர்.இஸ்லாத்தில் உறவுமுறைகளை பேணிவாழ்வதை வலியுறுத்தப்பட்டுள்ளது.இதுப் போன்று பெயருக்கு கொண்டாடப்படும் அர்த்தமற்ற தினங்கள் இஸ்லாத்தில் கிடையாது.

காலம் ஒர் அமானிதம்.

அல்லாஹுத்தஆலா மனிதனுக்கு இவ்வுலக வாழ்வை அமானிதமாக வழங்கியுள்ளான்.

நாளை மறுமையில் மனிதனிடம்.....

عَنْ عُمُرِكَ فِيمَا أَفْنَيْتَ، وَعَنْ شَبَابِكَ فِيمَا أَبْلَيْتَ

"உன் வாழ்நாளை எவ்விதம் கழித்தாய்?"என்றும் "உன் இளமையை எவ்வழியில் பயன்படுத்தினாய்?"என்றும் கேள்விக்கணைகள் தொடுக்கப்படும் என்கிறது நபிமொழி.

எனவே உலகில் வாழும்போது மனிதன்,தன் மனம்போன போக்கில் வாழ்வை களியாட்டங்களில் வீணாக்குவதை விட்டுவிட்டு,அல்லாஹ்,ரஸுல் காட்டிய வழியில் தன் வாழ்வை அமைத்துக்கொள்ளும் போது அவன் இறைப்பொருத்தைப் பெற்றுக்கொள்கிறான்.

உலக வாழ்வு என்பது அல்லாஹ் மனிதனுக்கு வழங்கிய பெரும் வாய்ப்பாகும்,வாழ்வில் ஒவ்வொரு பொழுதுமே விலைமதிப்பற்ற அருளாகும்.காலம் மக்கத்தான அருளாக இருப்பதால் தான் அல்லாஹ் தன் திருமறையில் காலத்தின் மீது சத்தியம் செய்துவிட்டு,அக்காலத்தை வீணாக கழிக்கும் மனிதனை நஷ்டவாளி என்கிறான்.

وَالْعَصْرِۙ‏                                              

காலத்தின் மீது சத்தியமாக.      

(அல்குர்ஆன் : 103:1)

اِنَّ الْاِنْسَانَ لَفِىْ خُسْرٍۙ‏

நிச்சயமாக மனிதன் நஷ்டத்தில் இருக்கின்றான்.(அல்குர்ஆன் : 103:2)

பிரிதோர் இடத்தில்...

وَهُوَ الَّذِىْ جَعَلَ الَّيْلَ وَالنَّهَارَ خِلْفَةً لِّمَنْ اَرَادَ اَنْ يَّذَّكَّرَ اَوْ اَرَادَ شُكُوْرًا‏

இன்னும் சிந்திக்க விரும்புபவருக்கு, அல்லது நன்றி செலுத்த விரும்புபவருக்கு அவன்தான் இரவையும், பகலையும் அடுத்தடுத்து வருமாறு ஆக்கினான்.(அல்குர்ஆன் : 25:62)

காலத்தின் மதிப்பை உணர்த்தும் நபிமொழி...

اغتنِمْ خمسًا قبل خمسٍ: شبابَك قبل هِرَمِك، وصِحَّتَك قبل سِقَمِك، وغناك قبل فقرِك، وفراغَك قبل شُغلِك، وحياتَك قبل موتِك

ஐந்துக்கு முன் ஐந்தை (வாய்ப்பாக)கனீமத்தாக கருதுங்கள்:

வயோதிகற்கு முன் வாலிபத்தையும்,

நோய்க்கு முன் ஆரோக்கியத்தையும்,

வறுமைக்கு முன் செல்வத்தையும்,

அலுவல்களுக்கு முன் ஓய்வையும்,

மரணத்திற்கு முன் வாழ்வையும்,

(வாய்ப்பாக கருதுங்கள்).

மனித வாழ்வில் ஒவ்வொரு வினாடியும் மறுமைக்காக நன்மைகளை விதைக்கும் பருவகாலம்,அதன் பலாபலனை நாளை மறுமையில் அறுவடைச்செய்யலாம்.

எனவே மனிதன் தன் வாழ்நாளை வீண்வேலைகள்,களியாட்டாங்கள், கொண்டாட்டங்கள் ஆகியவற்றில் வீணடித்துவிடக்கூடாது.

உலக செல்வங்களை சம்பாதிப்பதிலே மூழ்கிவிடக்கூடாது.காரணம் பொருளை இன்றில்லையென்றாலும் ஒரு நாள் சம்பாதிக்க இயலும், ஆனால் நம்மை விட்டும் கழிந்த பொழுதுகளில் ஓர் நொடியைக் கூட நம்மால் திரும்பக்கொண்டுவர இயலாது.

وَيَوْمَ يَحْشُرُهُمْ كَاَنْ لَّمْ يَلْبَثُوْۤا اِلَّا سَاعَةً مِّنَ النَّهَارِ يَتَعَارَفُوْنَ بَيْنَهُمْ‌ قَدْ خَسِرَ الَّذِيْنَ كَذَّبُوْا بِلِقَآءِ اللّٰهِ وَمَا كَانُوْا مُهْتَدِيْنَ‏

அவன் அவர்களை ஒன்று சேர்க்கும் நாளில், தாங்கள் (ஒரு) பகலில் சொற்ப காலமே இவ்வுலகில் தங்கியிருந்ததாக (அவர்கள் எண்ணுவார்கள்: அப்போது) தம்மில் ஒருவரை ஒருவர் அறிந்து கொள்வார்கள். அல்லாஹ்வின் சந்திப்பைப் பொய்ப்படுத்தியவர்கள் நிச்சயமாக நஷ்டம் அடைந்து விட்டார்கள்; மேலும் அவர்கள் நேர்வழி பெற்றிருக்கவில்லை.(அல்குர்ஆன் : 10:45)

وقد كان عمر بن الخطاب - رضي الله عنه- يكره إضاعة الوقت، والبطالة، والتعطل، فيقول: (إني لأكره أن أرى أحدكم سبهللاً - فارغاً- لا في عمل دنيا ولا عمل آخرة)

உமர் (ரலி)அவர்கள் சொல்கிறார்கள்:உங்களில் எவரும் உலக அலுவலோ அல்லது மறுமையின் அமல்களோ செய்யாமல் ஓய்வாக இருப்பதையும்,நேரத்தை வீணடிப்பதையும் கண்டு நான் வெறுக்கிறேன்.

. قال يحيى بن هبيرة أستاذ الإمام ابن الجوزي -رحمه الله-: الوقتُ أنفَسُ ما عُنِيت بحفظِه وأراه أسهَل 

இஸ்லாத்தில் இரண்டு ஈது பெருநாள்கள் கூட  வெறுமனே அர்த்தமற்ற கொண்டாட்டங்கள்,களியாட்டாங்கள்,வீண்விரயங்கள் இல்லாத இறைவழிப்பாடகவும்,ஏழை எளியோருக்கு உதவும் மனப்பான்மையை உண்டாக்கும் நாள்களாக போற்றப்படுகிறது.இவை தவிர மற்ற கொண்டாட்டங்களுக்கு இஸ்லாத்தில் அனுமதி இல்லை.

காலம் சுருங்குவது கியாமத் நாளின் அடையாளம்.

٢٣- [عن أنس بن مالك:] لا تقومُ الساعةُ، حتى يتقاربَ الزمانُ، فتكون السنةُ كالشهرِ، والشهرُ كالجمعةِ، وتكون الجمعةُ كاليومِ، ويكون اليومُ كالساعةِ، وتكون الساعةُ كالضرمةِ بالنارِ

الألباني (ت ١٤٢٠)، تخريج مشكاة المصابيح ٥٣٧٦  •  له شاهد مرفوعاً به إسناده صحيح على شرط مسلم

அனஸ் (ரலி) அறிவிக்கிறார்கள்:

கியாம நாள் காலங்கள் சுருங்கும் வரை ஏற்படாது. எனவே ஒரு வருடம் ஒரு மாதமாக, ஒரு மாதம் ஒரு வாரமாக, ஒரு வாரம் ஒரு நாளாக, ஒரு நாள் ஒரு மணி நேரமாக, ஒரு மணி நேரம் ஒரு செடி நெருப்பில் கறியும்  அளவு போல் காலத்தில் பரக்கத் பிடுங்கப்படும் வரை கியாம நாள் ஏற்படாது.

காலமாக நான் இருக்கிறேன்.

الحديث القدسي الذي يقول فيه النبيُّ (صل)                       لا تسبُّوا الدهر، فإنَّ الله هو الدهر

காலத்தை திட்டாதீர்கள் ஏனெனில் காலமாக அல்லாஹ் இருக்கிறான் என நபி (ஸல்) அவர்கள் கூறினார்கள்.

திருக்குர்ஆனில் அல்லாஹுத்தஆலா 92 இடத்தில் சத்தியமிட்டு சொல்கிறான்.அதில் 18 இடங்களில் காலத்தின் மீது சத்தியமிட்டு பேசுகிறான்.

அதிகாலை நேரத்தின் மீது சத்தியமாக!

ழுஹா நேரத்தின் மீது சத்தியமாக!

அஸர் நேரத்தின் மீது சத்தியமாக!

பகலின் மீது சத்தியமாக! இரவின் மீது சத்தியமாக!  இப்படி காலத்தின் அத்துனை பகுதிகள் மீதும் அல்லாஹ் சத்தியமிட்டு கூறுவதில் பல அத்தாட்சிகள் அதிலே பொதிந்திருப்பதை நாம்  உணரலாம்.

அல்லாஹ் தான் படைத்த உயிரினம் அல்லாத படைப்புகளான  சூரியன்,சந்திரன், வேதம், ஞானம் ஆகியவற்றின் மீது ஏன் சத்தியம் செய்கிறான் என்றால் அவைகள் அனைத்தும் தன்னுடைய கட்டுப்பாட்டில் தான் உள்ளது! என்பதை மக்களுக்கு உணர்த்த வேண்டியாகும். மேலும் இந்த படைப்புகள் அனைத்தும்  உலகம் தோன்றியது முதல் இன்று வரை ஏன்? அழிவு நாள் வரை அவன் கட்டளையின்றி அணுவளவும் அசையாது.    

எனவே தான் காலமாக நான் இருக்கிறேன் என்று அல்லாஹ் கூறுகிறான்.

Time is gold காலம் பொன்போன்றது என்பார்கள்.

Time is money.காலம் பணத்தின் மதிப்புடையது என்பார்கள்.

ஆனால் இஸ்லாம் Time is life காலம் தான் வாழ்க்கை என்று சொல்கிறது.

நேரத்தின் பெறு­ம­தியை பின்­வரும் சந்­தர்ப்­பங்­களை சந்தித்தவர்களிடம் கேட்­கலாம்.

1) ஒரு வரு­டத்தின் பெறு­ம­தியை பரீட்­சையில் தோற்­ற மாணவனிடம் கேட்­கலாம்.

2) ஒரு மாதத்தின் பெறு­ம­தியை ஒரு கர்ப்­பிணிப் பெண்­ணிடம் கேட்கலாம்.

3) ஒரு நிமி­டத்தின் பெறு­ம­தியை பஸ்­வண்­டியைத் தவறவிட்டவனிடம் கேட்­கலாம்.

4) ஒரு செக்­கன்டின் பெறு­ம­தியை விபத்தில் தப்­பி­ய­வ­னிடம் கேட்கலாம்.

5) நுண்­ணொ­டியின் பெறு­ம­தியை ஒலிம்­பிக்கில் தங்­கப்­ப­தக்­கத்தை தவ­ற­விட்­ட­வ­னிடம் கேட்­கலாம்.

ஒரு வினாடியின் அருமை.

2012-இல் லண்டனில் நடைபெற்ற ஒலிம்பிக் போட்டியில் "ஜமைக்கா' நாட்டைச்சேர்ந்த உசேன் போல்ட் என்பவர் 100 மீட்டர் ஓட்டத்தில் 9.63 விநாடிகளில் வந்து தங்கப்பதக்கம் பெற்று உலகின் அதிவேக ஓட்டக்காரன் என்ற சாதனை படைத்ததும், அவரைத் தொடர்ந்து 9.75 விநாடிகளில் அதாவது சில மைக்ரோ செகண்டுகள் வித்தியாசத்தில் 2-ஆம் இடம் பெற்ற விளையாட்டு வீரருக்கும் காலம் எத்துணை உன்னதமானது என்பது நன்றாகவே தெரிந்திருக்கும்.

மனிதன் எத்தனை திட்டங்கள் வைத்திருந்தாலும் அல்லாஹ்வின் ஒரு நொடி போதும் அவன் திட்டங்கள் அனைத்தும் அழிந்து விடும்.

وَلِكُلِّ اُمَّةٍ اَجَلٌ‌ فَاِذَا جَآءَ اَجَلُهُمْ لَا يَسْتَاْخِرُوْنَ سَاعَةً‌ وَّلَا يَسْتَقْدِمُوْنَ‏ 

ஒவ்வொரு கூட்டத்தாருக்கும் (வாழ்வுக்கும், வீழ்வுக்கும்) ஒரு காலக்கெடு உண்டு, அவர்களுடைய கெடு வந்துவிட்டால் அவர்கள் ஒருகணப் பொழுதேனும் பிந்தவும் மாட்டார்கள்; முந்தவும் மாட்டார்கள்.(அல்குர்ஆன் : 7:34)

மாற்றத்தின் நேரம் அதிகாலை.

உலகில் பெரும் பெரும் மாற்றங்கள் எல்லாம் அதிகாலை நேரத்தில்தான் நடைபெறுகின்றன. உலகில் அழித்து நாசமாக்கப்பட்ட சமூகங்கள் எல்லாம் அதிகாலை நேரத்தில்தான் அழித்து ஒழிக்கப்பட்டிருக்கின்றன.

ஆத் கூட்டத்தைக் குறித்து அல்லாஹ் கூறுகின்றான்: “இறுதியில் அவர்களின் நிலைமை என்னவாயிற்று எனில், அவர்கள் வசித்த இல்லங்களைத் தவிர வேறு எதுவும் அதிகாலையில் அங்கு தென்படவில்லை.” (திருக்குர்ஆன் 46:25)

சமூத் கூட்டத்தைக் குறித்து இறைவன் குறிப்பிடுகின்றான்: “திடுக்குறச் செய்கின்ற ஒரு நிலநடுக்கம் அவர்களைப் பிடித்துக் கொண்டது. அதிகாலையில் அவர்கள் தம் இல்லங்களில் முகங்குப்புற (உயிரற்றவர்களாக) வீழ்ந்து கிடந்தார்கள்” (திருக்குர்ஆன் 7:91)

லூத் (அலை) அவர்களின் சமூகத்தைக் குறித்து இறைவன் கூறுகின்றான்: “இவர்களை அழிப்பதற்காக நிர்ணயிக்கப்பட்ட நேரம் அதிகாலையாகும். அதிகாலை வருவதற்கு வெகு நேரமா இருக்கிறது?” (திருக்குர்ஆன் 11: 81)

ஷுஐப் (அலை) அவர்களின் கூட்டத்தைக் குறித்துக் கூறுகின்றான்: “இறுதியில், ஒரு கடும் நிலநடுக்கம் அவர்களைப் பீடித்தது. அவர்கள் தம் வீடுகளிலேயே அதிகாலையில் குப்புற வீழ்ந்து மடிந்தார்கள்”. (திருக்குர்ஆன் 29:37). 

2004-ல் ஏற்பட்ட சுனாமி, துருக்கி பூகம்பம், ஈரானின் நிலநடுக்கம், 2009- ல் ஆப்பிரிக்கா ஹெய்தியில் 3 லட்சம் பேர் பலியான பூகம்பம் அனைத்தும் அதிகாலை நேரத்திலேயே நடைபெற்றன. ஒவ்வொரு தனிமனிதருக்கு வரும் மாரடைப்பு எனும் திடீர் மரணமும் அநேகமாக அதிகாலை 3 மணி முதல் 6 மணிக்குத்தான் வருகின்றது என்று மருத்துவக் குறிப்புகள் கூறுகின்றன.

காலண்டரின் வரலாறு...

ஒவ்வொரு காலத்திலும் ஒவ்வொரு சமூகத்திற்கும் சில வரலாற்று நிகழ்வுகளை வைத்து காலங்கள் கணிக்கப்பட்டு வந்தன.

ஆதியில் வாழ்ந்தவர்கள் நபி ஆதம் அலைஹிஸ்ஸலாம் அவர்களுடைய பிறப்பை வைத்து காலத்தை கணக்கிட்டு வந்தார்கள். பிறகு நபி நூஹ் (அலை) அவர்களின் காலத்தில் ஏற்பட்ட வெள்ளப் பெருக்கை கணக்கிட்டு வந்தார்கள். பிறகு நபி இப்ராஹீம் (அலை) நெருப்பில் தூக்கி போடப்பட்ட வருடத்தை கணக்கிட்டு வந்தார்கள். பிறகு நபி யூசுப் (அலை) அவர்கள் எகிப்தில் ஆட்சியாளராக ஆன போது அதைக் கணக்கிட்டு வந்தார்கள்.

பிறகு பனு இஸ்ராயில்  ஃபிர்அவ்ன் கடலில் மூழ்கடிக்கப்பட்ட நாளை வருடமாக கணக்கிட்டு வந்தார்கள்.பிறகு நபி ஈஸா (அலை) பிறந்தநாள் அல்லது அவர்கள் சிலுவையில் அறையப்பட்ட நாளை இன்று வரை வருடமாக கணித்து வருகிறர்கள். 

முஸ்லிம்கள் ஹிஜ்ரத்தை அடிப்படையாக வைத்து வருடங்களை கணக்கிட்டு வருகிறார்கள். இது தான் ஆண்டுகள் கணக்கிடப்பட்ட வரலாறு.

புத்தாண்டு தின வரலாறு.

முதலில் புத்தாண்டு தினமே‌ ஒரு குழப்பமான வரலாற்று பின்னணியை கொண்டது.ஆரம்பத்தில் ஜனவரி 1-ம் தேதி புத்தாண்டாகக் கொண்டாடப்படவில்லை. 

ரோமானிய காலண்டர்.

அந்தக் காலகட்டத்தில் ரோமானிய காலண்டரில் 10 மாதங்கள் மட்டுமே இருந்தன. மார்ஷியஸ் நினைவாகப் பெயர் சூட்டப்பட்ட மார்ச் மாதம் முதல் மாதமாக இருந்தது. அதனால் மார்ச்சில்தான் புத்தாண்டு கொண்டாடப்பட்டது.

அதைத் தொடர்ந்து ரோமானிய மன்னரான போம்பிலியஸ் இரண்டு மாதங்களைச் சேர்த்து மொத்தம் 12 மாதங்களாக்கினார். ஜனஸ் என்னும் ரோமானியக் கடவுளின் நினைவாக ஜனவரியஸ், பிப்ரவரியஸ் மாதங்கள் சேர்க்கப்பட்டன.

ஜூலியன் காலண்டர்.

புகழ்பெற்ற மன்னரான ஜூலியஸ் சீசர், ஜூலியன் காலண்டரை உருவாக்கினார். அதில்தான் ஜனவரி 1 ஆங்கிலப் புத்தாண்டாக அதிகாரபூர்வமாக அறிவிக்கப்பட்டது. அது உலகம் முழுவதும் பெரும்பாலானோர் பின்பற்றும் கிரிகோரியன் காலண்டரை ஒத்திருந்தது. கடவுள் ஜனஸைக் கவுரவிக்கும் விதமாக ரோமானியர்கள் அம்மாதத்தின் முதல் நாளைப் புத்தாண்டாகக் கொண்டாட ஆரம்பித்தனர். புத்தாடை உடுத்தி மகிழ்ந்தனர். பரிசுகளைப் பரிமாறிக் கொண்டனர்.

எனினும் யேசு கிறிஸ்து பிறந்த டிசம்பர் 25-ம் தேதியையே (கிறிஸ்துமஸ்) புத்தாண்டாகக் கொண்டாட வேண்டுமென இங்கிலாந்து உள்ளிட்ட நாடுகளில் எதிர்ப்புக் குரல்கள் எழுந்தன. அந்நாட்டு மக்கள் டிசம்பர் 25-ம் தேதியைக் கொண்டாடத் தொடங்கினர்

கிரிகோரியன் காலண்டர்.

குழப்பம் நீடித்த நிலையில் கடைசியாக கி.பி. 1500-களில் போப் கிரிகோரி என்பவர், லீப் ஆண்டை உருவாக்கி புதிய காலண்டரை உருவாக்கினார். இதைத்தொடர்ந்து கிரிகோரியன் காலண்டர் நடைமுறைக்கு வந்தது. இதைத்தான் இன்று உலக மக்கள் பின்பற்றி, புத்தாண்டைக் கொண்டாடி வருகிறார்கள்.

கிருத்துவர்களின் நாள்காட்டியை பொதுவானதாக பார்க்கப்படுகிறது. ஆனால் உண்மையில் இது திட்டமிடப்பட்ட சூழ்ச்சியாகும்.இந்த சூழ்ச்சிவலையில் இஸ்லாமியர்களும் சிக்கிக்கொள்வதென்பது வேதனையான ஒன்றாகும்.

ஹிஜ்ரா ஆண்டு...

நமக்கென நாயகம் (ஸல்)அவர்களின் ஹிஜ்ரத்தை அடிப்படையாகக் கொண்ட,உயர்ந்த தத்துவங்களை  உள்ளடக்கிய  ஹிஜ்ரா நாள்காட்டி முறை இருக்கிறது.

நம்மில் பலருக்கு இஸ்லாமிய மாதங்களோ,வருடமோ தெரிவதில்லை. வருடத்தில் ஈதுக் கொண்டாடுவதற்கும்,திருமணத்தில் பெயருக்கு வருடம்,பிறை போடுவதற்கு மட்டுமே இஸ்லாமிய ஹிஜ்ரீ கணக்கு தேவைப்படுகிறது.

அர்த்தமில்லாத புத்தாண்டு...

புத்தாண்டு தினம் முதற்கொண்டு ஆங்கில மாதங்களின் பெயர்கள் வரை அனைத்தும் இஸ்லாமிய கொள்கைக்கு மாற்றமானவையும், அர்த்தமில்லாதவையும் தான்.

ஜனவரி :

ஜனவரி மாதத்தின் பெயர் ஜனஸ் என்ற ரோமானிய கடவுளின் பெயரால் அமைந்தது. ஜனஸ் என்ற ரோமானிய கடவுளுக்கு கடந்தகாலம் மற்றும் எதிர்காலத்தைக் குறிக்கும் இரண்டு தலைகள் இருக்கின்றன.

பிப்ரவரி :

 மாதங்களில் இரண்டாவது மாதத்தின் பெயர் பிப்ரவரி ஆகும். ரோமானியர்கள் இந்த மாதத்தின் 15ம் நாளை புனிதமாகக் கருதி பெப்ருய என்று பெயரிட்டு அழைத்தனர். பெப்ருய என்பதற்கு தூய்மை செய்து கொள்ளுதல் என்று பொருள். அதைக் குறிக்கும் வகையில் பெப்ருரியவஸ் என்று பெயரிட்டனர். இதுவே பிப்ரவரி என மாறியது.

மார்ச் :

மார்ச் என்ற பெயர் மார்ஸ் என்ற ரோமானிய போர்க்கடவுள் மற்றும் விவசாயக் கடவுளின் பெயர் ஆகும். இந்த மார்ஸ் கடவுள் ஈட்டி, கேடயத்துடன் காட்சியளிக்கும். மார்ஸ் என்ற கடவுளின் பெயரால் தோன்றியதுதான் மார்ச் மாதம் ஆகும்.

ஏப்ரல் : 

ஏப்ரல் என்ற பெயர் ஏப்பிரைர் என்ற லத்தீன் சொல்லுக்கு திறந்து விடு எனப்பொருள். ஆண்டின் செழிப்புக்கு வழிபிறக்கும் மாதம் என்பதால் இந்தச் சொல்லில் இருந்து ஏப்ரல் மாதம் தோன்றியது.

மே : 

இந்த மாதத்திற்கு மே என்று பெயர் வரக் காரணம், உலகத்தை சுமக்கும் அட்லஸின் மகளின் பெயர் மையா என்ற தேவதை. மையாவின் பெயரால் தோன்றிய மாதமே மே மாதம் ஆகும்.

ஜூன் : 

ரோமானியர்கள் ஜுனோ என்னும் தேவதையை இளமையின் சின்னமாக வழிபட்டு வந்தனர். அந்த தேவதையின் பெயரால் வந்தது தான் ஜுன் ஆகும்.

ஜூலை : 

மாதங்களில் ஏழாவது மாதத்தின் பெயர் ஜூலை ஆகும். இம்மாதம் ஆரம்ப காலத்தில் ஐந்தாவது மாதமாக இருந்தது. ஐந்தை க்விண்டிஸ் என்பர். மார்க் ஆண்டனி இந்தப்பெயரை மாற்றி ஜுலியஸ் சீசரின் பெயரால் ஜுலி என்று பெயர் சூட்டினார்.

ஆகஸ்ட் :

ஆகஸ்ட் மாதமானது ஆரம்பத்தில் இது ஆறாவது மாதமாக இருந்தது. ஆறு என்ற எண்ணை செக்ஸ்டிலிஸ் என்ற கிரேக்க மொழியில் அழைத்தனர். ஜுலியஸ் சீசர் இந்த மாதத்தை எட்டாவது மாதமாக்கிய பிறகு ரோமானியர்கள் தங்கள் மன்னரான அகஸ்டஸை பெருமைப்படுத்தும் விதத்தில் அகஸ்ட்ஸ் என பெயரிட்டனர். அதுவே பிறகு ஆகஸ்ட் என மருவியது.

செப்டம்பர் : 

ஏழு என்ற எண்ணை ரோமானிய மொழியில் செப்டம் என்றனர். மார்ச் முதல் மாதமாக இருந்த காலத்தில் செப்டம்பர் ஏழாவது மாதமாக இருந்தது. ஆனால், புதிய அமைப்பின்படி ஒன்பதாம் மாதமாக மாறி விட்டாலும் கூட பழைய பெயரிலேயே அழைக்கப்படுகிறது.

அக்டோபர் :

அக்டோபர் மாதம் ஆரம்பத்தில் எட்டாவது மாதமாக இருந்தது. அக்ட்டோ என்றால் எட்டு. இதுவும் பெயர் மாற்றம் செய்யப்படாமல் எட்டாவது மாதத்திலிருந்து பத்தாவது மாதமாக மாறிவிட்டது.

நவம்பர் : 

நவம்பர் மாதத்தில் முதல் மூன்று எழுத்துக்களான நவம் என்றால் ஒன்பது என்று அர்த்தம். இந்த நவம்பர் மாதத்தை ஆரம்பத்தில் ஒன்பதாம் மாதமாக கணித்தனர். இந்த மாதம் பதினொன்ராவது மாதமாக மாறிய பிறகும் இந்த மாதத்தின் பெயர் எதுவும் மாற்றம் செய்யப்படவில்லை.

டிசம்பர் :

டிசம்பர் மாதத்தில் முதல் மூன்று எழுத்துக்களான டிசம் என்றால் பத்து என்று அர்த்தம். இதனால் டிசம்பர் என்று அழைக்கப்பட்டது. பத்தாம் மாதமாக இருந்த டிசம்பர், பன்னிரென்டாம் மாதமாக மாறிய பிறகும் பெயர் மாற்றப்படாமல் பழைய பெயரிலேயே அழைக்கப்படுகிறது.

புத்தாண்டு எனும் சமூகச் சீரழிவு.

அன்றிரவு வயது வித்தியாசமின்றி மது அருந்தப்படுகிறது.ஆண்,பெண் கலப்பு சர்வசாதாரணமாகவும்,ஆட்டம் பாட்டம்,காமகளியாட்டங்கள் கட்டவிழ்த்துவிடப்படுகின்றன.

புத்தாண்டு அடுத்தவர்களின் கலாச்சாரம் இன்னொன்று இந்த கொண்டாட்டங்களில் எந்த நன்மைகளுமில்லாத,பாவச்செயல்களால் நிறைந்துகாணப்படுகின்றன.

عن ثابت بن الضحاك  قال: " نذر رجل أن ينحر إبلا ببوانة، فسأل النبي ﷺ فقال: هل كان فيها وثن من أوثان الجاهلية يُعبد؟ قالوا: لا. قال: فهل كان فيها عيد من أعيادهم؟ قالوا: لا. فقال رسول الله ﷺ: أوف بنذرك، فإنه لا وفاء لنذر في معصية الله، ولا فيما لا يملك ابن آدم" رواه أبو داود. وإسناده على شرطهما

ஒரு நபித்தோழர் "புவானா"எனும் ஓர் இடத்தில் ஒட்டகம் அறுக்க நேர்ச்சை செய்திருந்தார்.நாயகம் (ஸல்)அவர்களிடம் அனுமதிகோரிய போது,

நபியவர்கள் "அவ்வவிடத்தில் அறியாமைக்கால மக்கள் வணங்கிய சிலைக்களில் ஏதேனும் இருக்கின்றனவா?"என்றுக்கேட்டார்கள்.

அவர் "இல்லை" என்றார்.

மீண்டும் நபியர்கள் "அங்கு அவர்களின் விழாக்கள் ஏதும் கொண்டாடப்படுகின்றனவா"?என்று கேட்டார்கள்.

"இல்லை" என்றார் அவர்.

 அதற்கு நபிகள் நாயகம் (ஸல்) அவர்கள் அப்படியானால் உமது நேர்ச்சையை நிறைவேற்றுவீராக! ஏனெனில் அல்லாஹ்வுக்கு மாறு செய்யும் விஷயத்திலும், தன் கைவசத்தில் இல்லாத விஷயத்திலும் நேர்ச்சை இல்லை என்று கூறினார்கள். (அறிவிப்பவர்: ஸாபித் பின் ளஹ்ஹாக் (ரலி)   -நூல்: அபூதாவூத் -

நம் கண்மணி நாயகம் (ஸல்)அவர்கள் இஸ்லாத்தில்  மற்றவர்களின் கலாச்சாரமோ,பழக்கவழக்கங்களோ, அனுஷ்டானங்களையோ அனுமதித்ததில்லை.

இறுதியாக....

 حَدَّثَنَا أَبُو الْوَلِيدِ حَدَّثَنَا شُعْبَةُ عَنْ مُخَارِقٍ سَمِعْتُ طَارِقًا قَالَ: قَالَ عَبْدُ اللَّهِ إِنَّ أَحْسَنَ الْحَدِيثِ كِتَابُ اللَّهِ، وَأَحْسَنَ الْهَدْيِ هَدْيُ مُحَمَّدٍ صَلَّى اللَّهُ عَلَيْهِ وَسَلَّمَ.

தாரிக் இப்னு ஷிஹாப்(ரஹ்) அவர்கள் கூறினார்: 

அப்துல்லாஹ் இப்னு மஸ்ஊத்(ரலி) அவர்கள், 'உரையில் சிறந்தது அல்லாஹ்வின் வேதம் (குர்ஆன்) ஆகும். நடத்தையில் சிறந்தது முஹம்மத்(ஸல்) அவர்களின் நடத்தையாகும்' என்று கூறினார்கள். (ஸஹீஹ் புகாரி : 6098)

எனவே நாம் அந்நிய கலாச்சாரத்தின் நடைமுறைக்கு அடிமையாகமால், நடைமுறையில் சிறந்த நடைமுறையான நபி(ஸல்) அவர்களின் நடைமுறைகளை பின்பற்றி வாழ்வோமாக!ஆமின்...

வெளியீடு : செங்கல்பட்டு & காஞ்சிபுரம் மாவட்ட ஜமாஅத்துல் உலமா சபை.

ஜும்ஆ பயான் 24/12/2021

தலைப்பு:

இஸ்லாம் கூறும் ஈஸாஅலைஹிஸ்ஸலாம்.

 اِنَّ مَثَلَ عِيْسٰى عِنْدَ اللّٰهِ كَمَثَلِ اٰدَمَ‌ அல்லாஹ்விடத்தில் நிச்சயமாக ஈஸாவின் உதாரணம் ஆதமின் உதாரணம் போன்றதே.(அல்குர்ஆன் : 3:59)

ஈஸா அலைஹி அவர்களின் பிறப்பு.

அல்லாஹுத்தஆலா மனிதப்படைப்பில் ஆண்,பெண் இணைசேர்வதன் மூலம் அவன் நாட்டப்படி குழந்தையை பெண்ணின் வழியாக பிறக்கச்செய்வதே பொதுவான வழமை.

இவ்வழமைக்கு முரணாக அல்லாஹ் தன்  (قدرت) ஆற்றலைப்பறைச்சாற்ற சில மனிதர்களைப்படைத்தான்.

ஆதி பிதா ஆதம்(அலை)அவர்களின் படைப்பு,  இந்த ஆண்,பெண் இணைச்சேருதல் இன்றி நிகழ்ந்தது.

அம்மையார் ஹவ்வா(அலைஹா) அவர்களின் படைப்பு பெண்ணின் துணையின்றி  ஓர் ஆணின் (ஆதம்(அலை)அவர்களின் விலா எலும்பில் படைக்கப்பட்டார்கள்.

இவ்விதமே அல்லாஹ் தன் (قدرت)ஆற்றலைப்பறைச்சாற்ற ஹழ்ரத் ஈசா(அலை)அவர்களை ஆண் துணையின்றி பெண்ணின்( மர்யம் பின்து இம்ரான் (அலை) அவர்களின்)வழியாக ஒர் அற்புதப் படைப்பாக ஃபலஸ்தீன் நாட்டில் பிரபல்யமான ’’بیت لحم‘‘பெத்தலஹேம் எனும் ஊரில் பிறக்கச்செய்தான்.

இதனையே அல்லாஹ் திருமறையில்...

اِنَّ مَثَلَ عِيْسٰى عِنْدَ اللّٰهِ كَمَثَلِ اٰدَمَ‌ خَلَقَهٗ مِنْ تُرَابٍ ثُمَّ قَالَ لَهٗ كُنْ فَيَكُوْنُ‏

அல்லாஹ்விடத்தில் நிச்சயமாக ஈஸாவின் உதாரணம் ஆதமின் உதாரணம் போன்றதே;  அவன் அவரை மண்ணிலிருந்து படைத்துப் பின் “குன்” (ஆகுக) எனக் கூறினான்; அவர் (மனிதர்) ஆகிவிட்டார்.(அல்குர்ஆன் : 3:59)

ஈசா(அலை)அவர்களின் பிறப்பும், டிசம்பர் 25 கிருஸ்துமஸும்.

ஹழ்ரத் ஈசா (அலை)அவர்களின் பிறந்ததினம் சம்பந்தமாக உறுதியான செய்தி எந்த மதத்தின் நம்பகமான வேதங்களிலோ அல்லது வரலாற்று பதிவுகளிலோ கணக்கிடைக்கவில்லை.

கிருத்துவர்களின் வேதமான பைபிளிலும் இயேசு  டிசம்பர் 25ம் தேதி பிறந்தார் என்று  எங்கும் கூறப்படவில்லை.

இன்று கிறிஸ்தவர்கள் இயேசுவின் பிறப்பை டிசம்பர் 25 அன்று கொண்டாடினாலும், புதிய ஏற்பாடு இயேசு பிறந்த தேதியைப் பற்றி முற்றிலும் எதுவும் கூறவில்லை. நீங்கள் அனைத்து சுவிசேஷங்கள், அப்போஸ்தலர்களின் புத்தகம், அனைத்து நிருபங்கள் மற்றும் வெளிப்படுத்துதல் புத்தகம் ஆகியவற்றைப் படித்தால், இயேசுவின் பிறந்த தேதியைப் பற்றிய ஒரு குறிப்பைக் கூட நீங்கள் காண முடியாது. டிசம்பர் 25 பைபிளில் எங்கும் குறிப்பிடப்படவில்லை.

ஆனால் கிருத்துவர்கள் எந்த அடிப்படை ஆதாரமுமின்றி டிசம்பர் 25 இயேசு  பிறந்ததினமாக கொண்டாடுகின்றார்கள்.

குர்ஆன்,ஹதீஸ் மற்றும் பைபிளில் வரும் கூற்றுகளின் அடிப்படையில்....

பைபிள் புதிய ஏற்பாடு லூக்கா நற்செய்தி (2:8)இயேசு பிறந்த இரவில் மேய்ப்பர்கள் தங்கள் மந்தைகளுடன் வெளியில் இரவைக் கழிப்பதை விவரிப்பதால், ஆண்டின் வெப்பமான மாதங்களில் இயேசு பிறந்தார் என்று தெரிகிறது. பண்டைய யூதேயாவில், மேய்ப்பர்கள் பொதுவாக டிசம்பர் பிற்பகுதியில் இரவுகளை வெளியில் கழிக்க மாட்டார்கள், ஏனெனில், பலஸ்தீனில் குளிர்காலத்தில் இரவில் கடும் பனியாக, மிகவும் குளிராக இருக்கும் மற்றும் பெரும்பாலும் மழை பெய்யும்.

குர்ஆனில் மர்யம் சூராவில்...

وَهُزِّىْۤ اِلَيْكِ بِجِذْعِ النَّخْلَةِ تُسٰقِطْ عَلَيْكِ رُطَبًا جَنِيًّا‏

“இன்னும், இந்த பேரீச்ச மரத்தின் கிளையைப் பிடித்து உம் அருகில் இழுத்துக் குலுக்கும்; (கொய்வதற்குப்) பக்குவமான பழங்களை உம் மீது அது உதிர்க்கும்.(அல்குர்ஆன் : 19:25)

பேரித்தம் பழம் குளிர்காலங்களில் விளையாது,வெயில் காலங்களில்  தான் விளையும் என்பது உலகறிந்த செய்தி.

இன்னும் பல ஆதாரங்களின் அடைப்படையில் குளிர்காலத்தில் அதாவது டிசம்பர் 25ல் இயேசு பிறந்திருக்க வாய்ப்பில்லை.வெயில் காலத்தில் பிறந்தார் என்பது தெளிவாகிறது.

பிறப்பு ஒரு அற்புதம் ;

١- [عن عبدالله بن عباس:] أنَّ رَهطًا من أهلِ نَجرانَ قدِموا على النبيِّ ﷺ وكان فيهمُ السيِّدُ والعاقِبُ فقالوا ما شأنُك تذكُرُ صاحبَنا قال مَن هو قالوا عيسى تَزعُمُ أنه عبدُ اللهِ قالوا فهلْ رأيتَ مِثلَ عيسى وأُنبِئتَ به ثم خرَجوا من عِندِه فجاء جِبريلُ فقال قلْ لهم إذا أتَوكَ {إِنَّ مَثَلَ عِيسى عِنْدَ اللَّهِ كَمَثَلِ آدَمَ} إلى آخِرِ الآيةِ

الشوكاني (ت ١٢٥٥)، فتح القدير ١‏/٥١٧  •  قد رويت هذه القصة على وجوه

நஜ்ரானிலிருந்து ஒரு கூட்டம் நபியிடத்தில் வந்து எங்கள் ஆளைப் பற்றி நீங்கள் பேசுகிறீர்களாமே என்று கேட்டார்கள். உங்க ஆள் யார் என்று நபி ﷺ அவர்கள் கேட்ட போது ஈஸாவாகும். அவர்களை நீங்கள் அல்லாஹ்வின் அடிமை என்று கூறுகிறீர்களா? இந்த கேட்டார்கள். நபி ﷺ அவர்கள் ஆம் அவர்கள் அல்லாஹ்வின் அடியார் தான் என்று கூறினார்கள். அதற்கவர்கள் ஈஸாவைப் போன்று நீங்கள் உலகத்திலே வேறு யாரையாவது பார்த்திருக்கிறீர்களா? உலகத்தில் பிறந்த அனைவருக்கும் தந்தை உண்டு. ஆனால் ஈஸாவிற்கு எந்த தந்தையும் இல்லை என்று அவர்கள் கூறினார்கள். அப்போது தான் இந்த வசனம் அருளப்பட்டது.

மேலும் இறைவன் திருமறையில்....கூறுகிறான்.

إِذْ قَالَتِ الْمَلَائِكَةُ يَا مَرْيَمُ إِنَّ اللَّهَ يُبَشِّرُكِ بِكَلِمَةٍ مِنْهُ اسْمُهُ الْمَسِيحُ عِيسَى ابْنُ مَرْيَمَ وَجِيهًا فِي الدُّنْيَا وَالْآخِرَةِ وَمِنَ الْمُقَرَّبِينَ‎

மர்யமே! நிச்சயமாக அல்லாஹ் தன்வார்த்தையின் மூலம் உமக்கு (ஒரு குழந்தையை அளிக்க) நற்செய்தி கூறுகிறான். அதன் பெயர் மர்யமின் மகன் ஈஸா அல் மஸீஹ் என்பதாகும். அவர் இவ்வுலகிலும் மறுமை யிலும் உயர்ந்த அந்தஸ்த்துடையவர்களில் உள்ளவராகவும் அல்லாஹ்வுக்கு நெருக்கமானவர்களில் உள்ளவராகவும் இருப்பார் என வானர்கள் கூறியதை (எண்ணிப்பார்பீராக.)

மேலும் அவர் தொட்டில் பருவத்திலும் இளமை பருவத்திலும் மக்களி டம் பேசுவார். மேலும் அவர் நல்லவர்களில் உள்ளவருமாவார் என்றும் கூறினர்

அதற்கு மர்யம் எனது இரட்கசனே! எந்த ஆணும் என் னைத் தீண்டாத நிலையில் எனக்கு எவ் வாறு குழந்தை உருவாகும்? என்று கேட்டார். அவ்வாறே அது நடக்கும் என்று அவன் கூறினான். அல்லாஹ் தான் நாடுவதைப்படைக்கிறான். ஏதேனும் ஒரு காரியத்தைப் பற்றி அல்லாஹ் முடிவு செய்துவிட்டால் “ஆகுக” என்பான். உடனே அது ஆகிவிடும் (3:45-47)

وَالَّتِي أَحْصَنَتْ فَرْجَهَا فَنَفَخْنَا فِيهَا مِنْ رُوحِنَا وَجَعَلْنَاهَا وَابْنَهَا آيَةً لِلْعَالَمِينَ‎

தனது கற்பைக் காத்துக் கொண்ட (மர்யம் எனும்) பெண்ணிடத்தில் நமது உயிரிலிருந்து (ரூஹிலிருந்து) ஊதி னோம். (அவள் கருத் தரித் தாள்) அவளையும் அவளது குமாரனையும் உலகத்தாருக்கு ஓர் அத் தாட்சியாக்கினோம். (21:91)

தொட்டில் குழந்தையாக இருக்கும் போது பேசியவர்:

فَأَتَتْ بِهِ قَوْمَهَا تَحْمِلُهُ قَالُوا يَا مَرْيَمُ لَقَدْ جِئْتِ شَيْئًا فَرِيًّا يَا أُخْتَ هَارُونَ مَا كَانَ أَبُوكِ امْرَأَ سَوْءٍ وَمَا كَانَتْ أُمُّكِ بَغِيًّا فَأَشَارَتْ إِلَيْهِ قَالُوا كَيْفَ نُكَلِّمُ مَنْ كَانَ فِي الْمَهْدِ صَبِيًّا‎

(ஈஸாவை பெற்றெடுத்து) அவரை சுமந்தவராக தனது கூட்டத் தாரிடம் (மர்யம்) கொண்டு வந்த போது மர்யமே! விபரீதமான ஒரு செயலைச் செய்து விட்டாயே எனக் கூறினர்.ஹாரூனின் சகோதரியே உமது தந்தை கெட்ட மனிதராக இருக்குவுமில்லை.உமது தாயாரும் நடத்தைக் கெட்டவராக இருக்கவும் இல்லையே எனவும் கூறினர். அப்போது மர்யம் தம் குழந்தையை சுட்டிக் காட்னார்.தொட்டில் குழந்தையாக இருப்பவரிடம் நாம் எப்படி பேச முடியும் என அவர்கள் கேட்டனர்.(19:27.28.29.)

தொட்டில் குழந்தையாக இருக்கும் போது நபியாக ஆக்கப்பட்டவர் இன்ஜீல் வேதம் கொடுக்கப்பட்டவர்:-

قَالَ إِنِّي عَبْدُ اللَّهِ آتَانِيَ الْكِتَابَ وَجَعَلَنِي نَبِيًّا‎

…(தொட்டிலிலிருந்தவாறு) நிச்சயமாக நான் அல்லாஹ்வின் அடிமை யாவேன். அவன் எனககு வேதத்தை வழங்கி நபியாகவும் ஆக்கி யுள்ளான் என்று (அக்குழந்தை )கூறியது. (19:30)

மூஸா நபிக்கு கொடுக்கப்பட்ட வேதத்தை உண்மைப் படுத்தியவர்.

وَقَفَّيْنَا عَلَى آثَارِهِمْ بِعِيسَى ابْنِ مَرْيَمَ مُصَدِّقًا لِمَا بَيْنَ يَدَيْهِ مِنَ التَّوْرَاةِ وَآتَيْنَاهُ الْإِنْجِيلَ فِيهِ هُدًى وَنُورٌ وَمُصَدِّقًا لِمَا بَيْنَ يَدَيْهِ مِنَ التَّوْرَاةِ وَهُدًى وَمَوْعِظَةً لِلْمُتَّقِينَ‎

தமக்கு முன்னுள்ள தவ்ராத்தில் இருப்பதை உண்மைப்படுத்து பவராக மர்யமின் மகன் ஈஸாவை (நபிமார்களான) அவர்களின் அடிச்சு வட்டில் நாம் தொடரச் செய்தோம். மேலும் நாம் அவருக்கு இன்ஜீலையும் வழங்கினோம். அதிலே நேர்வழியும் ஒளியும் இருக்கின்றன. இன்னும் அது தனக்கு முன்னுள்ள தவ்ராத்தை உண்மைப் படுத்தக் கூடியதாகவும் நேர்வழியாகவும் பயபக்தியாளர்களுக்கு நல்லுபதே சமாகவும் இருக்கிறது.(5:46, 3:48, 5:110, 57:27)

யூதர்களுக்கு மட்டும் தூதுவராக அனுப்பப்பட்டவர்:-

وَإِذْ قَالَ عِيسَى ابْنُ مَرْيَمَ يَا بَنِي إِسْرَائِيلَ إِنِّي رَسُولُ اللَّهِ إِلَيْكُمْ‎

இஸ்ராயிலின் சந்ததிகளே! நிச்சயமாக நான் உங்க ளுக்கு அனுப் பப்பட்ட அல்லாஹ்வின் தூதராவேன் என மர்யமின் மகன் ஈஸா கூறினார். (61:6, 3:49, 61:14)

ஈஸா நபி போதித்த மார்க்கம், இஸ்லாம்:-

شَرَعَ لَكُمْ مِنَ الدِّينِ مَا وَصَّى بِهِ نُوحًا وَالَّذِي أَوْحَيْنَا إِلَيْكَ وَمَا وَصَّيْنَا بِهِ إِبْرَاهِيمَ وَمُوسَى وَعِيسَى أَنْ أَقِيمُوا الدِّينَ وَلَا تَتَفَرَّقُوا فِيهِ كَبُرَ عَلَى الْمُشْرِكِينَ مَا تَدْعُوهُمْ إِلَيْهِ اللَّهُ يَجْتَبِي إِلَيْهِ مَنْ يَشَاءُ وَيَهْدِي إِلَيْهِ مَنْ يُنِيبُ‎

நூஹுக்கு எதை அல்லாஹ் வலியுறுத் தினானோ அதையே உங்களுக்கும் மார்க்கமாக்கினான். (முஹம்மதே!) மார்க்கத்தை நிலை நாட்டுங்கள். அதில் பிரிந்து விடாதீர்கள் என்பதே உமக்கு நாம் வஹி யாக அறிவித்ததும் இப்றாஹீம், மூஸா, ஈஸா ஆகியோருக்கு நாம் உபதேசித்ததுமாகும். நீர் எதை நோக்கி அழைக்கிறீரோ, அது இணை கற்பிப்போருக்குப் பழுவாக இருக்கின்றது. அல்லாஹ் தான் நாடி யோரைத் தனக்காகத் தேர்வு செய்கிறான். தன்னிடம் மீளுவோரை நேர்வழியில் செலுத்துகிறான். (42:13)

إِنَّ الدِّينَ عِنْدَ اللَّهِ الْإِسْلَامُ وَمَا اخْتَلَفَ الَّذِينَ أُوتُوا الْكِتَابَ إِلَّا مِنْ بَعْدِ مَا جَاءَهُمُ الْعِلْمُ بَغْيًا بَيْنَهُمْ وَمَنْ يَكْفُرْ بِآيَاتِ اللَّهِ فَإِنَّ اللَّهَ سَرِيعُ الْحِسَابِ‎

அல்லாஹ்விடம் நிச்சயமாக மார்க்கம் (என்பது) இஸ்லாம்; தான். வேதம் கொடுக்கப்பட்டோர் தம்மிடம் அறிவு வந்த பின்னரும் தமக்குள் காணப்பட்ட பொறாமையின் காரணமாகவேயன்றி முரண் படவில்லை. எவர்கள் அல்லாஹ்வின் வசனங்களை நிராகரிக் கின்றார்களோ (அவர் களை) நிச்சயமாக அல்லாஹ் விசாரணை செய்வதில் தீவிர மானவன்.(3:19)

ஈஸா நபி போதித்த ஓரிறைக் கொள்கை:-

إِنَّ اللَّهَ رَبِّي وَرَبُّكُمْ فَاعْبُدُوهُ هَذَا صِرَاطٌ مُسْتَقِيمٌ‎

நிச்சயமாக அல்லாஹ்வே எனது இரட்சகனும் உங்கள் இரட்சகனு மாவான். எனவே அவ னையே வணங்குங்கள். இதுவே நேரான வழியாகும் என ஈஸா கூறினார். (3:51)

ஈஸா நபியின் சீடர்களும் முஸ்லிம்களே:-

فَلَمَّا أَحَسَّ عِيسَى مِنْهُمُ الْكُفْرَ قَالَ مَنْ أَنْصَارِي إِلَى اللَّهِ قَالَ الْحَوَارِيُّونَ نَحْنُ أَنْصَارُ اللَّهِ آمَنَّا بِاللَّهِ وَاشْهَدْ بِأَنَّا مُسْلِمُونَ‎

(யூதர்களாகிய) அவர்களிடம் இறை மறுப்பை ஈஸா நபி உணர்ந்த போது அல்லாஹ்வுக்காக எனக்கு உதவி செய்வோர் யார்? என்று கேட்டார். அதற்கு ஹவாரிய்யூன் (எனும் அவரது சீடர்கள்) நாங்கள் அல்லாஹ்வின் உதவி யாளர்கள். நாங்கள் அல்லாஹ்வை நம்பிக்கை கொண்டோம் மேலும் நிச்சயமாக நாங்கள் முஸ்லிம்கள் என்பதற்கு நீரே சாட்சியாளராக இருப்பீராக என்று கூறினர். (3:52, 5:111)

ஈஸா நபி கடவுளல்ல:-

لَقَدْ كَفَرَ الَّذِينَ قَالُوا إِنَّ اللَّهَ هُوَ الْمَسِيحُ ابْنُ مَرْيَمَ قُلْ فَمَنْ يَمْلِكُ مِنَ اللَّهِ شَيْئًا إِنْ أَرَادَ أَنْ يُهْلِكَ الْمَسِيحَ ابْنَ مَرْيَمَ وَأُمَّهُ وَمَنْ فِي الْأَرْضِ جَمِيعًا وَلِلَّهِ مُلْكُ السَّمَاوَاتِ وَالْأَرْضِ وَمَا بَيْنَهُمَا يَخْلُقُ مَا يَشَاءُ وَاللَّهُ عَلَى كُلِّ شَيْءٍ قَدِيرٌ‎

மர்யமுடைய மகன் மஸீஹ் தான் அல்லாஹ் என்று கூறியோர் (ஏக இரட்சகனான அல்லாஹ்வை) நிராகரித்து விட்டனர். மர்ய மின் மகன் மஸீஹையும் அவரது தாயாரை யும் பூமியில் உள்ள அனைவரையும் அல்லாஹ் அழிக்க நாடினால் அவனிடமிருந்து (அதைத் தடுக்க) சிறிதளவேனும் சக்தி பெற்றவர் யார்? என்று நபியே நீர் கேட்பீராக. வானங் கள் பூமி மற்றும் அவற்றுக்கு இடைப்பட்டவைகளின் ஆட்சி அல்லாஹ்வுக்கே உரியது. அவன் நாடியதைப் படைப் பான். அல்லாஹ் அனைத்துப் பொருட்களின் மீதும் ஆற்ற லுடையவன். (5:17)

لَقَدْ كَفَرَ الَّذِينَ قَالُوا إِنَّ اللَّهَ هُوَ الْمَسِيحُ ابْنُ مَرْيَمَ وَقَالَ الْمَسِيحُ يَا بَنِي إِسْرَائِيلَ اعْبُدُوا اللَّهَ رَبِّي وَرَبَّكُمْ إِنَّهُ مَنْ يُشْرِكْ بِاللَّهِ فَقَدْ حَرَّمَ اللَّهُ عَلَيْهِ الْجَنَّةَ وَمَأْوَاهُ النَّارُ وَمَا لِلظَّالِمِينَ مِنْ أَنْصَارٍ‎

நிச்சயமாக மர்யமின் மகன் அல் மஸீஹ் தான் அல்லாஹ் எனக் கூறியவர்கள் (ஏக இரட்சகனான அல்லாஹ்வை நிராகரித்து விட்ட னர். இஸ்ராயீலின் சந்ததிகளே! என் இறைவனும் உங்கள் இறை வனுமாகிய அல்லாஹ்வை வணங்குங்கள். அல்லாஹ்வுக்கு இணை கற்பிப்போருக்கு சுவர்க் கத்தை அல்லாஹ் தடுத்து விட்டான். அவர்கள் சென்றடையும் இடம் நரகம் தான். அநீதி இழைத்தோருக்கு எந்த உதவியாளர் களும் இல்லை என்றே அல் மஸீஹ் கூறினார். (5:72)

ஈஸா நபி அல்லாஹ்வின் அடிமை:-

قَالَ إِنِّي عَبْدُ اللَّهِ‎

நிச்சயமாக நான் அல்லாஹ்வின் அடிமையாவேன் என (ஈஸாவாகிய) அவர் கூறினார். (19:30)

لَنْ يَسْتَنْكِفَ الْمَسِيحُ أَنْ يَكُونَ عَبْدًا لِلَّهِ وَلَا الْمَلَائِكَةُ الْمُقَرَّبُونَ وَمَنْ يَسْتَنْكِفْ عَنْ عِبَادَتِهِ وَيَسْتَكْبِرْ فَسَيَحْشُرُهُمْ إِلَيْهِ جَمِيعًا‎

(ஈஸா) மஸீஹோ நெருக்கமான வானவர்களோ அல்லாஹ்வுக்கு அடி மையாக இருப்பதை; தரக்குறைவாகக் கருதமாட்டார்கள். யார் அல்லாஹ்வுக்கு அடிமையாக இருப்பதை தரக் குறைவாகக் கருதி பெருமையடிக்கின்றார்களோ அவர்கள் அனைவரையும் அல்லாஹ் (மறுமையில்) தன்னிடம் ஒன்று திரட்டுவான். (4:172)

ஈஸா நபி அல்லாஹ்வின் மகன் அல்ல மர்யம் (அலை)யின் குமாரர்):-

وَقَالَتِ الْيَهُودُ عُزَيْرٌ ابْنُ اللَّهِ وَقَالَتِ النَّصَارَى الْمَسِيحُ ابْنُ اللَّهِ ذَلِكَ قَوْلُهُمْ بِأَفْوَاهِهِمْ يُضَاهِئُونَ قَوْلَ الَّذِينَ كَفَرُوا مِنْ قَبْلُ قَاتَلَهُمُ اللَّهُ أَنَّى يُؤْفَكُونَ‎

உஸைர் அல்லாஹ்வின் மகன் என்று யூதர்கள் கூறு கின்றனர். மஸீஹ் (ஈஸா) அல்லாஹ்வின் மகன் என்று கிறிஸ்தவர்கள் கூறு கின்றனர். இது அவர்களது வாய் களால் கூறும் (வெற்று ) வார்த் தைகளாகும். இதற்கு முன் (ஏக இரட்சகனை) நிராகரித்தோரின் கூற்றுக்கு இவர்கள் ஒத்துப் போகின்றனர். அல்லாஹ் இவர் களை அழித்துவிடுவான். இவர்கள் எவ்வாறு திசைதிருப்பப் படுகின்றனர். (9:30)

مَا كَانَ لِلَّهِ أَنْ يَتَّخِذَ مِنْ وَلَدٍ سُبْحَانَهُ إِذَا قَضَى أَمْرًا فَإِنَّمَا يَقُولُ لَهُ كُنْ فَيَكُونُ‎

எந்தக் பிள்ளையையும்; தனக்கென எடுத்துக் கொள்வது அல்லாஹ் வுக்கு தகுமானதல்ல.அல்லாஹ் தூய்மையானவன். ஏதேனும் ஒரு விடயத்தை அவன் முடிவு செய்தால் அதற்கு ‘‘குன்’’ (ஆகுக) என்று கூறுவது தான் உடனே அது ஆகிவிடும்.(19:35)

முக்கடவுள் கொள்கையை போதிக்கவில்லை:

لَقَدْ كَفَرَ الَّذِينَ قَالُوا إِنَّ اللَّهَ ثَالِثُ ثَلَاثَةٍ وَمَا مِنْ إِلَهٍ إِلَّا إِلَهٌ وَاحِدٌ وَإِنْ لَمْ يَنْتَهُوا عَمَّا يَقُولُونَ لَيَمَسَّنَّ الَّذِينَ كَفَرُوا مِنْهُمْ عَذَابٌ أَلِيمٌ‎

நிச்சயமாக அல்லாஹ் என்பவன் (பிதா சுதன் பரிசுத்த ஆவி என) மூவரில் ஒருவன் என்று கூறுபவர்களும் நிராகரித்து விட்டனர். (உண்மையாக) வணங்கப்படத் தகுதியானவன் ஒரே ஓரு இரட் சகனைத் தவிர வேறு யாருமில்லை. ஒரே இறைவனைத் தவிர வணக்கத் திற்குரியவன் (வேறு) யாருமில்லை. அவர்கள் தமது கூற்றிலிருந்து விலகிக் கொள்ளவில்லையானால் (ஏக இறைவனை) மறுப்போருக் குத் துன்புறுத்தும் வேதனை வந்தடையும். (5:73)

وَإِذْ قَالَ اللَّهُ يَا عِيسَى ابْنَ مَرْيَمَ أَأَنْتَ قُلْتَ لِلنَّاسِ اتَّخِذُونِي وَأُمِّيَ إِلَهَيْنِ مِنْ دُونِ اللَّهِ قَالَ سُبْحَانَكَ مَا يَكُونُ لِي أَنْ أَقُولَ مَا لَيْسَ لِي بِحَقٍّ إِنْ كُنْتُ قُلْتُهُ فَقَدْ عَلِمْتَهُ تَعْلَمُ مَا فِي نَفْسِي وَلَا أَعْلَمُ مَا فِي نَفْسِكَ إِنَّكَ أَنْتَ عَلَّامُ الْغُيُوبِ مَا قُلْتُ لَهُمْ إِلَّا مَا أَمَرْتَنِي بِهِ أَنِ اعْبُدُوا اللَّهَ رَبِّي وَرَبَّكُمْ وَكُنْتُ عَلَيْهِمْ شَهِيدًا مَا دُمْتُ فِيهِمْ فَلَمَّا تَوَفَّيْتَنِي كُنْتَ أَنْتَ الرَّقِيبَ عَلَيْهِمْ وَأَنْتَ عَلَى كُلِّ شَيْءٍ شَهِيدٌ إِنْ تُعَذِّبْهُمْ فَإِنَّهُمْ عِبَادُكَ وَإِنْ تَغْفِرْ لَهُمْ فَإِنَّكَ أَنْتَ الْعَزِيزُ الْحَكِيمُ‎

மர்யமின் மகன் ஈஸாவே! அல்லாஹ்வையன்றி, என்னையும் என் தாயாரையும் கடவுளாக்கிக் கொள்ளுங் கள் என்று நீர்தான் மக்க ளுக்கு கூறினீரா? என்று அல்லாஹ் (மறுமையில்) கேட்கும்போது யா அல்லாஹ்! மிகத் தூய்மையானவன். எனக்கு உரிமையில்லாத வார்த்தையை நான் கூற எனக்கு எந்த அதிகாரமுமல்லை. நான் அவ்வாறு கூறியிருந்தால் நிச்சயமாக அதை நீ அறிந்திருப்பாய். என் உள்ளத்தில் உள்ளதை நீ அறிவாய். உன் உள்ளத்தில் உள்ளதை நான் அறிய மாட்டேன். நிச்சயமாக மறைவான வற்றை நீயே அறிப வன் என்று அவர் கூறுவார்.

எனது இரட்சகனும் உங்கள் இரட்சகனுமாகிய அல்லாஹ்வை நீங்கள் வணங்குங்கள் என்று நீ (கூறும் படி)நீ எனக்கு கட்டளையிட்டதைத் தவிர வேறு எதனையும் அவர்களுக்கு நான் கூறவில்லை.நான் அவர் களுடன் இருந்தபோது அவர்களை அவதானித்துக் கொண்டிருந்தேன். என்னை நீ கைப்பற்றியதும் நீயே அவர்களை கண்கானிப்பவனாக இருந்தாய். நீ தான் யாவற்றையும் கண்காணிப்பவனாக இருக்கின்றாய்.

அவர்களை நீ தண்டித்தால், நிச்சயமாக அவர்கள் உனது அடியார் களே! அவர்களை நீ மன்னித்தால் நிச்சயமாக நீ மிகைத்தவன், ஞான மிக்கவன் (எனவும் அவர் கூறுவார்). (5:116-118)

يَا أَهْلَ الْكِتَابِ لَا تَغْلُوا فِي دِينِكُمْ وَلَا تَقُولُوا عَلَى اللَّهِ إِلَّا الْحَقَّ إِنَّمَا الْمَسِيحُ عِيسَى ابْنُ مَرْيَمَ رَسُولُ اللَّهِ وَكَلِمَتُهُ أَلْقَاهَا إِلَى مَرْيَمَ وَرُوحٌ مِنْهُ فَآمِنُوا بِاللَّهِ وَرُسُلِهِ وَلَا تَقُولُوا ثَلَاثَةٌ انْتَهُوا خَيْرًا لَكُمْ إِنَّمَا اللَّهُ إِلَهٌ وَاحِدٌ سُبْحَانَهُ أَنْ يَكُونَ لَهُ وَلَدٌ لَهُ مَا فِي السَّمَاوَاتِ وَمَا فِي الْأَرْضِ وَكَفَى بِاللَّهِ وَكِيلًا‎

வேதமுடையோரே! உங்கள் மார்க்கத்தில் வரம்பு மீறாதீர்கள். அல்லாஹ்வின் மீது உண்மையைத் தவிர (வேறெதை யும்) கூறாதீர்கள். மர்யமின் மகன் ஈஸா மஸீஹ் அல்லாஹ்வின் தூதரும் அவனது வார்த்தையுமாவார். அவ்வார்த்தையை அவன் மர்யமிடம் போட்டான். அவனிடமிருந்து வந்த ஓர் ஆத்மாவே அவர்! ஆகவே அல்லாஹ்வையும் அவனுடைய தூதர்களையும் நீங்கள் விசுவாசி யுங்கள். (கடவுள்கள்;) மூவர் என்று கூறாதீர்கள். அதை விட்டும் விலகிக் கொள்ளுங்கள். (அது) உங்களுக்குச் சிறந்ததாகும். நிச்சயமாக (வணங்கப்படத்தகுதியானவன்) அல்லாஹ ஒவனே. அவனுக்குப் பிள்ளை (மகன்) இருப்பதை விட்டும் அவன் மிகத்தூய்மையானவன். வானங்களில் உள்ளவையும் பூமியில் உள்ளவையும் அவனுக்கே உரியன. பெறுப்பேற்க அல்லாஹ்வே போதுமானவன். (4:171)

முஹம்மத் நபி பற்றி ஈஸா நபியின் முன்னறிவிப்பு:

وَإِذْ قَالَ عِيسَى ابْنُ مَرْيَمَ يَا بَنِي إِسْرَائِيلَ إِنِّي رَسُولُ اللَّهِ إِلَيْكُمْ مُصَدِّقًا لِمَا بَيْنَ يَدَيَّ مِنَ التَّوْرَاةِ وَمُبَشِّرًا بِرَسُولٍ يَأْتِي مِنْ بَعْدِي اسْمُهُ أَحْمَدُ فَلَمَّا جَاءَهُمْ بِالْبَيِّنَاتِ قَالُوا هَذَا سِحْرٌ مُبِينٌ‎

இஸ்ராயீலின் சந்ததிகளே! நிச்சயமாக நான் எனக்கு முன்னுள்ள தவ்ராத்தை உண்மைப்படுத்துபவனாகவும் எனக்குப் பின் வரவுள்ள அஹ்மத் என்ற பெயருடைய தூதரைப் பற்றி நற்செய்தி கூறுப வனாகவும் உங்களிடம் அனுப்பப்பட்ட தூதராவேன் என்று மர்ய முடைய மகன் ஈஸா கூறியதை நபியே (முஹம்மதே) நினைவூ ட்டுவீராக! ஆவர் தெளிவான சான்றுகளுடன் வந்த போது இது தெளிவான சூனியமே என அவர்கள் கூறினர்.(61:6)

ஈஸா நபி சிலுவையில் அறையப்படவில்லை:

وَقَوْلِهِمْ إِنَّا قَتَلْنَا الْمَسِيحَ عِيسَى ابْنَ مَرْيَمَ رَسُولَ اللَّهِ وَمَا قَتَلُوهُ وَمَا صَلَبُوهُ وَلَكِنْ شُبِّهَ لَهُمْ وَإِنَّ الَّذِينَ اخْتَلَفُوا فِيهِ لَفِي شَكٍّ مِنْهُ مَا لَهُمْ بِهِ مِنْ عِلْمٍ إِلَّا اتِّبَاعَ الظَّنِّ وَمَا قَتَلُوهُ يَقِينًا‎

அல்லாஹ்வின் தூதராகிய மர்யமின் மகன் ஈஸா மஸீஹை நாங்கள் கொலை செய்தோம் என்று அவர்கள் கூறியதினாலும் (சபிக்கப் பட்டனர்) அவர்கள் அவரை கொல்லவுமில்லை. அவரைச் சிலுவையில் அறையவு மில்லை. மாறாக அவர்களுக்கு (அவரைப் போன்ற) ஒருவன் ஒப்பாக்கபட்டான்.நிச்சயமாக அவர் விஷயத்தில் கருத்து முரண்பாடு கொண்டோர் அவர் பற்றிய சந்தேகத்தில் இருக் கின்றனர். வெறும் யூகத்தை பின் பற்றுவதை; த் தவிர அவரைப் பற்றி எவ்வித அறிவும் அவர்களுக்கு இல்லை. உண்மையாக அவர்கள் அவரைக் கொலை செய்யவில்லை; (4:156-157)

ஈஸா நபி அல்லாஹ்வின் பால் உயிரோடு உயர்த்தப் பட்டார்:-

بَلْ رَفَعَهُ اللَّهُ إِلَيْهِ وَكَانَ اللَّهُ عَزِيزًا حَكِيمًا‎

மாறாக, அவரை அல்லாஹ் தன்னள வில் உயர்த்திக் கொண்டான். அல்லாஹ் யாவற்றையும் மிகைத்தவனாகவும் மிகைத்தவனாகவும் ஞானமிக்கவனாகவும் இருக்கிறான். (4:158, 3:52-56)

ஈஸா நபியின் மீள் வருகை உலக அழிவின் ஓர் அடையாளம்:-

وَإِنْ مِنْ أَهْلِ الْكِتَابِ إِلَّا لَيُؤْمِنَنَّ بِهِ قَبْلَ مَوْتِهِ وَيَوْمَ الْقِيَامَةِ يَكُونُ عَلَيْهِمْ شَهِيدًا‎

வேதமுடையோரில் எவரும் (அவர் பூமிக்கு வந்து ) மரணிப்பதற்கு முன்னரே அவரை நம்பிக்கை கொள்ளாமல் இருக்கமாட்டார்கள். மறுமை நாளிலோ அவர் (வேதமுடைய)அவர்களுக்கு எதிராக சாட்சி சொல்பவராக இருப்பார். (4:159)

وَإِنَّهُ لَعِلْمٌ لِلسَّاعَةِ فَلَا تَمْتَرُنَّ بِهَا وَاتَّبِعُونِ هَذَا صِرَاطٌ مُسْتَقِيمٌ‎

நிச்சயமாக் (ஈஸாவாகிய) அவர் இறுதிநாளின் அடையாளமா வார். அது குறித்து நீங்கள் சந்தேகம் கொள்ள வேண்டாம். நீங்கள் என்னையே பின்பற்றுங்கள். இதுவே நேர்வழியாகும் (என்று நபியே நீர் கூறும்) (43:61)

சத்தியத்தை நிராகரிக்கும் மக்களுக்கு அல்லாஹ் விடுக்கும் சவால்:

الْحَقُّ مِنْ رَبِّكَ فَلَا تَكُنْ مِنَ الْمُمْتَرِينَ فَمَنْ حَاجَّكَ فِيهِ مِنْ بَعْدِ مَا جَاءَكَ مِنَ الْعِلْمِ فَقُلْ تَعَالَوْا نَدْعُ أَبْنَاءَنَا وَأَبْنَاءَكُمْ وَنِسَاءَنَا وَنِسَاءَكُمْ وَأَنْفُسَنَا وَأَنْفُسَكُمْ ثُمَّ نَبْتَهِلْ فَنَجْعَلْ لَعْنَتَ اللَّهِ عَلَى الْكَاذِبِينَ إِنَّ هَذَا لَهُوَ الْقَصَصُ الْحَقُّ وَمَا مِنْ إِلَهٍ إِلَّا اللَّهُ وَإِنَّ اللَّهَ لَهُوَ الْعَزِيزُ الْحَكِيمُ فَإِنْ تَوَلَّوْا فَإِنَّ اللَّهَ عَلِيمٌ بِالْمُفْسِدِينَ‎

இவ்வுண்மைஉமது இரட்சகனிடமிருந்து வந்ததாகும்.ஆகவே சந்தே கம் கொள்வோரில் நீர் ஆகிவிட வேண்டாம்.(நபியே) உம்மிடம் அறிவு வந்த பின்னரும் அவர் விடயத்தில் யாரும் உம்மிடம் தர்க்கித் தால் வாருங்கள் எங்கள் பிள்ளைகளையும் உங்கள் பிள்ளை களையும்எங்கள் பெண்களையும் உங்கள் பெண்களையும் எங்க ளையும் உங்களையும் நாம் அழைத்து பின்னர்நாம் அழிவு சத்தியம் செய்துஅல்லாஹ்வின் சாபத்தை பொய்யர்கள் மீதாக்குவோம் எனக் கூறுவீராக. நிச்சயமாக இது தான் உண்மையான சரித்திர மாகும்.(உண்மையில்)வணங்கப்படத்தகுதியானவன்அல்லாஹ்வைத் தவிர வேறு யாருமில்லை. நிச்சயமாக அல்லாஹ் தான் யாவற்றையும் மிகைத்தவன் ஞானமிக்கவன்.அவர்கள் புறக்கணித்தால் நிச்சயமாக குழப்பம் விளைவிப்போரை அல்லாஹ் நன்கறிவான்.(3:61;62)

ஈஸா நபியின் மரணம்:

(உயிரோடு உயர்த்தப்பட்ட ஈஸா நபி உலக அழிவுக்கு முன் மீண்டும் பூமிக்கு வருவார். முஹம்மது நபியின் இஸ்லாமிய போதனை பிரகாரம் மக்களை வழிநடாத்துவார். அவரை நிராகரித்த யூதர்கள் உட்பட மக்கள் அனைவரும் விசுவாசம் கொண்டு முஸ்லிம்களாவார்கள். பூமியிலே இயற்கை மரணம் எய்துவார். அவருக்கு முஸ்லிம்கள் ஜனாஸா தொழுகை நடாத்தி நல்லடக்கம் செய்வார்கள் என நபி முஹம்மத் (ஸல்) கூறினார்கள் என்பதை ஹதீஸில்களில் பதிவு செய்யப்பட்டுள்ளது.

கிருத்துவ மதத்தின் வழிகேடான கடவுள் கொள்கைகள்.

ஹழ்ரத் ஈஸா(அலை)அவர்களை (இயேசுவை)கடவுளின் குமாரர் (معاذ اللہ)என்கிறார்கள்.

இவர்களின் வழிகேடான இக்கொள்கையை அல்லாஹ் குர்ஆனில் வன்மையாக கண்டிக்கின்றான்.

وَقَالُوْا اتَّخَذَ الرَّحْمٰنُ وَلَدًا ‏

இன்னும், “அர்ரஹ்மான் (தனக்கென) ஒரு குமாரனை எடுத்துக் கொண்டுள்ளான்” என்று அவர்கள் கூறுகிறார்கள்.(அல்குர்ஆன் : 19:88)

لَـقَدْ جِئْتُمْ شَيْــٴًـــا اِدًّا ۙ‏

“நிச்சயமாக நீங்கள் அபாண்டமான (ஒரு கூற்றைக்) கொண்டு வந்திருக்கிறீர்கள்.(அல்குர்ஆன் : 19:89)

تَكَادُ السَّمٰوٰتُ يَتَفَطَّرْنَ مِنْهُ وَتَـنْشَقُّ الْاَرْضُ وَتَخِرُّ الْجِبَالُ هَدًّا ۙ‏

இவர்களின் இந்தக் கூற்றினால் வானங்கள் வெடித்து பூமி பிளந்து மலைகள் சிதறுண்டு விடும் போதிலும்.(அல்குர்ஆன் : 19:90)

اَنْ دَعَوْا لِـلرَّحْمٰنِ وَلَدًا‌ ‏

அவர்கள் அர்ரஹ்மானுக்கு ஒரு குமாரன் உண்டென்று தாவாச்செய்வதினால்-(அல்குர்ஆன் : 19:91)

وَمَا يَنْبَـغِىْ لِلرَّحْمٰنِ اَنْ يَّتَّخِذَ وَلَدًا ‏

ஒரு குமாரனை எடுத்துக் கொள்வது அல்லாஹ்வுக்குத் தேவையில்லாதது.(அல்குர்ஆன் : 19:92)

இஸ்லாம்,மற்றும் கிருத்துவ மதத்திற்கிடையே உள்ள கடும் கருத்து முரண்பாடுகள்.

1)கிருத்துவர்களின் கொள்கை:இயேசு (ஈசா(அலை)அவர்கள்)கடவுளின் குமாரர்.

இஸ்லாத்தின் நம்பிக்கை:அல்லாஹ்விற்கு ஆண்,பெண்  என்று எந்த பிள்ளைகளும் கிடையாது.

இதை குர்ஆன் பல  இடங்களில் தெளிப்படுத்துகிறது.

சூரா இக்லாஸில்...

لَمْ يَلِدْ   ۙ وَلَمْ يُوْلَدْ ۙ‏

அவன் (எவரையும்) பெறவுமில்லை; (எவராலும்) பெறப்படவுமில்லை.(அல்குர்ஆன் : 112:3)

وَلَمْ يَكُنْ لَّهٗ كُفُوًا اَحَدٌ‏

அன்றியும், அவனுக்கு நிகராக எவரும் இல்லை.(அல்குர்ஆன் : 112:4)

கிருத்துவர்கள் ஆண்,பெண் துணையின்றி படைக்கப்பட்ட ஆதம் நபி(அலை)அவர்களையோ,பெண் துணையின்றி ஆணின் மூலம் படைக்கப்பட்ட ஹவ்வா (அலைஹா)அவர்களையோ, அல்லாஹ்வின் ஆண்,பெண் மக்கள் எனக் கூறுவது கிடையாது.ஆனால் ஆண் துணையின்றி பெண்ணின் வழியாக பிறந்த (இயேசு)ஈசா(அலை)அவர்களை மட்டும் கடவுளின் குமாரர் எனக் கூறுவது அறிவுக்கு முரணாக உள்ளது.

2)கிருத்துவர்களின் கொள்கை:இயேசு (ஈசா(அலை)அவர்கள்) அல்லாஹ்வை போலவே வணங்குவதற்கு தகுதியானவர்.

அவர்களின் நம்பிக்கையில் முக்கியமானது, "திரித்துவம்" அல்லது "திரியேகத்துவம்"(Trinity)

திரித்துவம் என்றால் ஒன்றில் மூன்று ,மூன்றும் ஓன்று (குழப்பமாக உள்ளதா?)இது தான் கிருத்துவர்களின் கடவுள் கொள்கை.

கிறித்தவ இறையியலின்படி கடவுள், இறைத்தன்மையில் ஒருவராகவும், ஆள்த்தன்மையில் தந்தை, மகன், தூய ஆவி என மூவராகவும் இருக்கிறார். கடவுளின் இந்த இயல்பே திரித்துவம் (Trinity) அல்லது அதிபுனித திரித்துவம் என்று அழைக்கப்படுகிறது. இந்த மூன்று இறை ஆட்களில் தந்தையும் கடவுள், மகனும் கடவுள், தூய ஆவியும் கடவுள்.

அவர்கள் இறைவனை ஒருவன் என ஏற்றுக்கொள்கிறார்கள் ஆனால் அந்த ஒருவனில் மூன்றுப் பேர் உள்ளார்கள் என்பார்கள்.

பிதா,பிதாவின் குமாரர்,பரிசுத்த ஆவி இந்த மூன்றும் ஓன்று என்பது அவர்களின் நம்பிக்கை.

இஸ்லாம் இறைவனை தனித்தவன் என்றும் திரித்துவம் போன்ற வழிக்கேடான கொள்கைகளை வன்மையாக கண்டிக்கின்றது.

لَـقَدْ كَفَرَ الَّذِيْنَ قَالُوْۤا اِنَّ اللّٰهَ ثَالِثُ ثَلٰثَةٍ‌ ۘ وَمَا مِنْ اِلٰهٍ اِلَّاۤ اِلٰـهٌ وَّاحِدٌ   وَاِنْ لَّمْ يَنْتَهُوْا عَمَّا يَقُوْلُوْنَ لَيَمَسَّنَّ الَّذِيْنَ كَفَرُوْا مِنْهُمْ عَذَابٌ اَ لِيْمٌ‏

நிச்சயமாக அல்லாஹ் மூவரில் மூன்றாமவன் என்று கூறியவர்கள் காஃபிர்களாக (நிராகரிப்பவர்களாக) ஆகிவிட்டார்கள்; ஏனென்றால் ஒரே இறைவனைத் தவிர வேறு நாயன் இல்லை; அவர்கள் சொல்வதை விட்டும் அவர்கள் விலகவில்லையானால் நிச்சயமாக அவர்களில் காஃபிரானவர்களை துன்புறுத்தும் வேதனை கட்டாயம் வந்தடையும்.(அல்குர்ஆன் : 5:73)

3)கிருத்துவர்களின் கொள்கை:இயேசு யூதர்களால் சிலுவையில் அறைந்துக்கொள்ளப்பட்டார்.

இஸ்லாதின் உறுதியான நம்பிக்கை:     நபி ஈசா(அலை)அவர்கள் கொள்ளப்படவுமில்லை,சிலுவையில் அறையப்படவுமில்லை,அதற்கு முன்பே அவர் வானுலகிற்கு உயர்த்தப்பட்டார்.அவரைப் போன்றொருவரையே யூதர்கள் சிலுவையில் அறைந்தார்கள்.

கியாம நாளின் சமீபத்தில் ஈசா(அலை)அவர்கள் பூமிக்கு இறக்கப்படுவார்.அப்போதவர் நபியாக இல்லாமல் உம்மதே முஹம்மதியாவில் ஓர் முஃமினாக உலகம் முழுக்க குர்ஆன்,ஹதீஸை நடைமுறைப்படுத்துவார்.

4)கிருத்துவர்களின் நபி (ஸல்) அலைஹி பற்றிய கொள்கை:

நபி இப்ராஹீம் (அலை)அவர்களின் இன்னொரு மகனார் நபி இஸ்மாயீல் (அலை)அவர்களின் வமிசத்தில் வந்த நம் கண்மணி நாயகம் (ஸல்)அவர்களை நபியாகாவோ, ரஸுலாகவோ ஏற்பது கிடையாது.அப்படி முஹம்மது(ஸல்)அவர்களை நபியாக ஏற்பவர் கிருத்துவ மதத்தை விட்டும் வெளியேறிவிட்டார்.

இஸ்லாமியர்களின் கொள்கை:நபி முஹம்மது (ஸல்)அவர்களை இறுதி நபியாக ஏற்பதுடனே முன்னுள்ள நபி இப்ராஹீம்,நபி இஸ்ஹாக்,நபி இஸ்மாயீல்,நபி மூஸா,நபி ஈசா (அலைஹிம்)என அனைவரையும் ஈமான் கொள்ளவேண்டும். 

ஈஸா நபியும்… அற்புதங்களும்…

அல்லாஹ்வின் உத்தரவுப் படி ஈஸா நபி காட்டிய அற்புதங்கள்:-

1)இறந்தவர்களை உயிர்பித்தார்..

وَرَسُولًا إِلَى بَنِي إِسْرَائِيلَ أَنِّي قَدْ جِئْتُكُمْ بِآيَةٍ مِنْ رَبِّكُمْ أَنِّي أَخْلُقُ لَكُمْ مِنَ الطِّينِ كَهَيْئَةِ الطَّيْرِ فَأَنْفُخُ فِيهِ فَيَكُونُ طَيْرًا بِإِذْنِ اللَّهِ وَأُبْرِئُ الْأَكْمَهَ وَالْأَبْرَصَ وَأُحْيِ الْمَوْتَى بِإِذْنِ اللَّهِ وَأُنَبِّئُكُمْ بِمَا تَأْكُلُونَ وَمَا تَدَّخِرُونَ فِي بُيُوتِكُمْ إِنَّ فِي ذَلِكَ لَآيَةً لَكُمْ إِنْ كُنْتُمْ مُؤْمِنِينَ‎

நிச்சயமாக நான் உங்களுக்கு உங்கள் இரட்சகனிடமிருந்து ஒரு அத் தாட்சியைக் கொண்டு வந்துள்ளேன். நான் உங்களுக்காக களிமண்ணால் ஒருபறவையின் தோற்றத்தைப் போல் உருவாக்கி அதில் ஊதுவேன். உடனே அல்லாஹ்வின் அனுமதி கொண்டு அது (உயிருள்ள) பறவையாகி விடும். அல்லாஹ்வின் அனுமதி கொண்டு பிறவிக் குருடரையும் குஷ்டரோகியையும் குணப்படுத்துவதுடன் இறந்தோரையும் உயிர்பிப்பேன். நீங்கள் உண்பவற்றையும் உங்கள் வீடுகளில் நீங்கள் சேமித்து வைத்திருப்பவற்றையும் உங்களுக்கு அறிவிப்பேன். நீங்கள் விசுவாசம் கொணடவர்களாக இருந்தால் நிச்சயமாக இதில் உங்களுக்கு ஓர் அத்தாட்சி உள்ளது (என்றார் ஈஸா நபி). (3:49, 5:110-114)

ஈஸா(அலை) அவர்கள் தந்தை இல்லாமல் அற்புதமாகப் பிறந்தவர். அவரது தாயார் அன்னை மரியம்(அலை) அவர்கள் கற்பொழுக்கம் மிக்கவர்கள், இறை நம்பிக்கை உடையவர்களுக்கு அல்லாஹ் காட்டும் உதாரணமாகத் திகழ்ந்தார்கள்.

ஈஸா(அலை) அவர்கள் அல்லாஹ்வால் அனுப்பப்பட்ட இறைத்தூதராவார். அல்லாஹ் இறைத் தூதர்களை அனுப்பும்போது அவர்களுக்கு சில அற்புதங்களை வழங்குவான். அந்த அற்புதங்கள் அவர்கள் இறைத்தூதர்கள் என்பதற்கான ஆதாரமாக அமையும். அந்த அற்புதங்களை அவர்கள் நினைக்கும் போதெல்லாம் செய்ய முடியாது. அல்லாஹ்வின் அனுமதியுடன் தான் அற்புதங்களைச் செய்ய முடியும். இந்த வகையில் ஈஸா நபி நிறைய அற்புதங்களை அல்லாஹ்வின் அனுமதி மூலம் நிகழ்த்தினார்.

அவர் சிறு வயதிலேயே சிறுவர்களுடன் விளையாடும் போது, சிறுவர்கள் வீட்டில் உண்ட உணவையும் கூறுவார்கள். அவர்களின் வீட்டில் சமைக்கப்படும் உணவு என்ன என்பதையும் கூறுவார்கள். இறைத்தூதர்களுக்கு அந்தந்த சமூகங்களின் நிலைக்கு ஏற்ப அற்புதங்கள் கொடுக்கப்பட்டன. மூஸா நபியின் காலத்தில் சூனியம் மிகைத்திருந்தது. எனவே சூனியத்தை மிகைக்கும் அற்புதம் அவருக்கு வழங்கப்பட்டது. இவ்வாறே ஈஸா நபியின் காலத்தில் மருத்துவம் முக்கியத்துவம் பெற்றிருந்தது.

இவருக்கு மருத்துவத்தை மிகைக்கும் அற்புதம் வழங்கப்பட்டது. அவர் பிறவிக்குருடர்களின் கண்களைத் தடவுவார். அவர்கள் பார்வை பெற்றனர். இவ்வாறே குஷ்டரோகிகளைத் தடவுவார்கள். அவர்கள் நல்ல உடலைப் பெற்றனர். அவர் சில இறந்தவர்களைக் கூட உயிர்ப்பித்தார். ஒரு நாள் களிமண்ணைக் கொண்டு ஒருபறவையைச் செய்து அதில் அவர் ஊதினார். அதிசயமாக அது உயிர்ப்பெற்று பறந்தது. இந்த அற்புதங்களையெல்லாம் நான் என் இஷ்டத்துக்குச் செய்யவில்லை. என் இறைவனும் உங்கள் இறைவனுமாகிய அல்லாஹ்வின் அனுமதிப்படியே செய்கின்றேன் என்றும் கூறினார். எனக்கு எந்த அதிகாரமும் இல்லை. நான் என் விருப்பப்படி எதுவும் செய்யவும் முடியாது என்றும் தெரிவித்தார்.

ஆனால் அவர் செய்த அற்புதங்களை அறிந்த மக்கள் பின்னாட்களில் அவரையே கடவுளாக வழிபட ஆரம்பித்து விட்டனர். அவர் ஆரம்பத்திலேயே “என்னை இறைவன் என்று அழைப்பவர்கள் சுவனம் செல்ல முடியாது” எனக் கூறிவிட்டார். மறுமை நாளில் அல்லாஹ், ஈஸா நபியை எழுப்பி பின்வருமாறு கேட்பான்…

“ஈஸாவே உன்னையும் உன் தாயையும் இரண்டு கடவுள்களாக எடுத்துக் கொள்ளுமாறு நீர்தான் கூறினீரா?” இதுகேட்ட ஈஸா நபி, “நீ தூய்மையானவன்.

எனக்கு உரிமை இல்லாததை நான் கூற முடியாதே. நான் அப்படிக் கூறி இருந்தால் நீ அறிந்திருப்பாயே! உனது உள்ளத்தில் இருப்பதை நான் அறிய முடியாது! எனது உள்ளத்தில் இருப்பதை நீ அறிவாய்! நீதான் மறைவானவற்றை அறிந்தவன்! நீ எனக்கு உத்தரவிட்ட அடிப்படையில் “என்னுடையவும் உங்களுடையவும் இறைவனாகிய அல்லாஹ்வை வணங்குங்கள்” என்றுதான் நான் கூறினேன். நான் அவர்களுடன் இருந்த போது அவர்களைக் கண்காணித்து வந்தேன். நீ என்னைக் கைப்பற்றிய பின்னர் என்ன நடந்தது என்பதை நான் அறியேன். நீ தான் அவர்களின் கண்காணிப்பாளன். நீ அவர்களைத் தண்டித்தால் அவர்கள் உனது அடிமைகள். உன் அதிகாரத்திற்கு உட்பட்டவர்கள். நீ அவர்களை மன்னித்தால் அது உன் நாட்டத்திற்கு உட்பட்டது” என்று கூறி ஒதுங்கி விடுவார்கள்.

ஈஸா நபி நிறைய அற்புதங்கள் செய்தாலும் “அவர் கடவுளும் அல்ல, கடவுளின் குமாரரும் அல்ல. அவர் அல்லாஹ்வின் அடிமையும் இறைத்தூதருமாவார்” என்று நம்புபவர்கள் தான் சுவனம் நுழைய முடியும்.

(நாம் குறிப்பிட்ட தகவல்கள் திருக்குர்ஆனில் 3:49&51, 5:116&118 ஆகிய வசனங்களில் இடம்பெற்றுள்ளன)

மேலும்... திருமறையில்....

வானிலிருந்து மாயிதா எனும் உணவு தட்டு இறங்கியது. 

اِذْ قَالَ الْحَـوَارِيُّوْنَ يٰعِيْسَى ابْنَ مَرْيَمَ هَلْ يَسْتَطِيْعُ رَبُّكَ اَنْ يُّنَزِّلَ عَلَيْنَا مَآٮِٕدَةً مِّنَ السَّمَآءِ‌  قَالَ اتَّقُوا اللّٰهَ اِنْ كُنْتُمْ مُّؤْمِنِيْنَ‏

“மர்யமுடைய மகன் ஈஸாவே! உங்கள் இறைவன் வானத்திலிருந்து எங்களுக்காக உணவு மரவையை (ஆகாரத் தட்டை) இறக்கி வைக்க முடியுமா?” என்று ஹவாரிய்யூன் (சீடர்)கள் கேட்டபோது அவர், “நீங்கள் முஃமின்களாக இருந்தால், அல்லாஹ்வை அஞ்சிக் கொள்ளுங்கள்” என்று கூறினார்.

(அல்குர்ஆன் : 5:112)

قَالُوْا نُرِيْدُ اَنْ نَّاْكُلَ مِنْهَا وَتَطْمَٮِٕنَّ قُلُوْبُنَا وَنَـعْلَمَ اَنْ قَدْ صَدَقْتَـنَا وَنَكُوْنَ عَلَيْهَا مِنَ الشّٰهِدِيْنَ‏

அதற்கவர்கள், “நாங்கள் அதிலிருந்து புசித்து எங்கள் இதயங்கள் அமைதி பெறவும், நிச்சயமாக நீங்கள் எங்களுக்கு உண்மையையே கூறினீர்கள் என்பதை அறிந்து கொள்ளவும், இன்னும் நாங்கள் அதைப்பற்றி சாட்சி கூறக் கூடியவர்களாகவும் இருக்க விரும்புகின்றோம்” என்று கூறினார்கள்.

(அல்குர்ஆன் : 5:113)

قَالَ عِيْسَى ابْنُ مَرْيَمَ اللّٰهُمَّ رَبَّنَاۤ اَنْزِلْ عَلَيْنَا مَآٮِٕدَةً مِّنَ السَّمَآءِ تَكُوْنُ لَـنَا عِيْدًا لِّاَوَّلِنَا وَاٰخِرِنَا وَاٰيَةً مِّنْكَ‌ وَارْزُقْنَا وَاَنْتَ خَيْرُ الرّٰزِقِيْنَ‏

மர்யமுடைய மகன் ஈஸா, “அல்லாஹ்வே! வானத்திலிருந்து எங்கள் மீது ஓர் உணவு மரவையை இறக்குவாயாக; அது எங்களுக்கு - எங்களில் முன்னவர்களுக்கும், எங்களில் பின் வருபவர்களுக்கும் ஒரு பெருநாளாகவும், உன்னிலிருந்து ஓர் அத்தாட்சியாகவும் இருக்கும்; இன்னும் எங்களுக்கு உணவுப் பொருட்களை அளிப்பாயாக; நீயே உணவளிப்பவர்களில் மேலானவனாக இருக்கிறாய்” என்று (பிரார்த்தித்துக்) கூறினார்.

(அல்குர்ஆன் : 5:114)

قَالَ اللّٰهُ اِنِّىْ مُنَزِّلُهَا عَلَيْكُمْ‌ فَمَنْ يَّكْفُرْ بَعْدُ مِنْكُمْ فَاِنِّىْۤ اُعَذِّبُهٗ عَذَابًا لَّاۤ اُعَذِّبُهٗۤ اَحَدًا مِّنَ الْعٰلَمِيْنَ‏

அதற்கு அல்லாஹ், “நிச்சயமாக நான் அதை உங்களுக்கு இறக்கிவைக்கிறேன்; ஆனால், அதன்பின் உங்களில் எவரேனும் ஒருவர் நிராகரித்தால், உலகத்தாரில் எந்த ஒருவருக்கும் செய்திராத வேதனையைக் கொண்டு அவரை வேதனைப்படுத்துவேன்” என்று கூறினான்.

(அல்குர்ஆன் : 5:115)

மக்களில் சிலர் ஈஸாவே அல்லாஹ்விடம் நாங்கள் முழு நம்பிக்கை கொள்ள வேண்டுமெனில் எங்களுக்கு வானத்திலிருந்து உணவுத் தட்டை இறக்க ஏற்பாடு செய்யுங்கள் என்றனர்.

அதற்கு ஈஸா அலைஹிஸ்ஸலாம் அவர்கள் அதற்குப் பிறகும் நீங்கள் சந்தேகப்படுவீர்களானால் அல்லாஹ்வின் கோபத்திற்கு ஆளாக நேரிடும் என்று எச்சரிக்கை செய்தனர். அதன்பின் அவர்கள் சொன்னபடி அவர்கள் 30நாட்கள் நோன்பிருந்து தொழுது துஆ செய்து வந்தார்கள்.

ஈஸா அலைஹிஸ்ஸலாம் அவர்கள் சொன்ன நாளும் வந்தது. அன்று ஞாயிற்றுக் கிழமை. நபியவர்கள் அல்லாஹ்விடம் கையேந்தி உணவுத் தட்டை இறக்க வேண்டினார்கள். அல்லாஹ்வின் பெயரைக் கொண்டு அதைத் திறந்தார்கள். அதில் பொரித்த மீன் ஒன்று இருந்தது. அதில் நெய் ஓடிக் கொண்டிருந்தது. தலை மீது உப்பும்,வால் மீது காடியும் இருந்தது. அதனைச் சுற்றி ஐந்து ரொட்டிகள் வைக்கபட்டிருந்தன. ஒன்றின் மீது ஜைத்தூண் எண்ணெய்யும், இன்னொன்றின் மீது தேனும்,இன்னொன்றின் மீது பன்னீரும் இன்னொன்றின் மீது நெய்யும் இன்னொன்றின் மீது பொரித்த இறைச்சியும் வைக்கப்பட்டிருந்தது.

உணவுத் தட்டை விரும்பியவர்களிடம் நீங்கள் விரும்பியவாறு உணவுத்தட்டு இறங்கிவிட்டது. இதனை உண்டு அல்லாஹ்விற்கு மாறு செய்யாமலிருங்கள் என்று சொன்னார்கள்.

உணவுத்தட்டிலுள்ள பொரித்த மீனை உயிர்ப்பெற்று எழுமாறு அவர்கள் வேண்டினார்கள். அல்லாஹ்விடம் நபியவர்கள் கையேந்தஅது உயிர்ப்பெற்று எழுந்தது.

இம்மாதிரி உணவுத் தட்டு 40நாட்கள் இறங்கிக் கொண்டிருந்தது என்றும்,காலையில் விண்ணிலிருந்து இறங்கிய இந்தத் தட்டுகள், மாலையானதும் மேலேறி விண்ணுக்குச் சென்று விடும் என்றும் ஒரு குறிப்பில் காணப்படுகிறது.

விண்ணிலிருந்து இறங்கும் தட்டுகளிலுள்ள இந்த உணவை,ஏழைகள்,அனாதைகள்,நோயாளிகளைத் தவிர வேறு யாரும் உண்ணக் கூடாது என்று அல்லாஹ்விடமிருந்து உத்திரவு வந்தது. இது நல்ல ருசியாகவும்,மணமுள்ளதாகவும் இருந்ததால் வசதி படைத்த செல்வந்தர்களும் இதை உண்ண ஆரம்பித்தார்கள். மேலும் ஈஸா அலைஹிஸ்ஸலாம் அவர்கள் மீது முழு நம்பிக்கையும் கொள்ளவில்லை. எனவே உணவுத் தட்டு இறங்குவது நின்று விட்டது. இதனால் அவர்கள் ஈஸா அலைஹிஸ்ஸலாம் அவர்களை பொய்யர் என்றும், சூனியக்காரர் என்றும் நிந்தித்தனர். இதனால் மனம் வேதனையடைந்த நபியவர்கள் அல்லாஹ்விடம் அவர்களைத் தண்டிக்குமாறு வேண்டினர்.

அல்லாஹ் அவர்களை பன்றிகளாக உருமாற்றினான். ஒரு நாளில் மட்டும் 5000பேர் இவ்வாறு உருமாற்றப்பட்டனர். மூன்று நாட்கள் வரை அந்த விலங்கு போல வாழ்ந்து அதன்பிறகு இறந்துவிட்டார்கள். 

மேலும் குர்ஆனில்..

اِذْ قَالَ اللّٰهُ يٰعِيْسَى ابْنَ مَرْيَمَ اذْكُرْ نِعْمَتِىْ عَلَيْكَ وَعَلٰى وَالِدَتِكَ‌ ۘ اِذْ اَيَّدْتُّكَ بِرُوْحِ الْقُدُسِ تُكَلِّمُ النَّاسَ فِىْ الْمَهْدِ وَكَهْلًا  وَاِذْ عَلَّمْتُكَ الْـكِتٰبَ وَالْحِكْمَةَ وَالتَّوْرٰٮةَ وَالْاِنْجِيْلَ‌  وَاِذْ تَخْلُقُ مِنَ الطِّيْنِ كَهَيْـــٴَــةِ ‏ الطَّيْرِ بِاِذْنِىْ فَتَـنْفُخُ فِيْهَا فَتَكُوْنُ طَيْرًا بِاِذْنِىْ‌ وَ تُبْرِئُ الْاَكْمَهَ وَالْاَبْرَصَ بِاِذْنِىْ‌  وَاِذْ تُخْرِجُ الْمَوْتٰى بِاِذْنِىْ‌  وَاِذْ كَفَفْتُ بَنِىْۤ اِسْرَآءِيْلَ عَنْكَ اِذْ جِئْتَهُمْ بِالْبَيِّنٰتِ فَقَالَ الَّذِيْنَ كَفَرُوْا مِنْهُمْ اِنْ هٰذَاۤ اِلَّا سِحْرٌ مُّبِيْنٌ‏

அப்பொழுது அல்லாஹ் கூறுவான்: “மர்யமுடைய மகன் ஈஸாவே நான் உம்மீதும், உம் தாயார் மீதும் அருளிய என் நிஃமத்தை (அருள் கொடையயை) நினைவு கூறும்; பரிசுத்த ஆன்மாவைக் கொண்டு உமக்கு உதவியளித்து நீர் தொட்டிலிலும் (குழந்தைப் பருவத்திலும்), வாலிபப் பருவத்திலும் மனிதர்களிடம் பேசச் செய்ததையும், இன்னும் நான் உமக்கு வேதத்தையும், ஞானத்தையும், தவ்ராத்தையும், இன்ஜீலையும் கற்றுக் கொடுத்ததையும் (நினைத்துப் பாரும்); இன்னும் நீர் களிமண்ணினால் என் உத்தரவைக் கொண்டு பறவை வடிவத்தைப் போலுண்டாக்கி அதில் நீர் ஊதியபோது அது என் உத்தரவைக் கொண்டு பறவையாகியதையும், இன்னும் என் உத்தரவைக் கொண்டு பிறவிக் குருடனையும், வெண் குஷ்டக்காரனையும் சுகப்படுத்தியதையும், (நினைத்துப் பாரும்); இறந்தோரை என் உத்தரவைக் கொண்டு (உயிர்ப்பித்துக் கல்லறைகளிலிருந்து) வெளிப்படுத்தியதையும் (நினைத்துப் பாரும்); அன்றியும் இஸ்ராயீலின் சந்ததியினரிடம் நீர் தெளிவான அத்தாட்சிகளைக் கொண்டு வந்தபோது, அவர்களில் நிராகரித்தவர்கள், “இது தெளிவான சூனியத்தைத் தவிர வேறு இல்லை” என்று கூறிய வேளை, அவர்கள் (உமக்குத் தீங்கு செய்யாதவாறு) நான் தடுத்து விட்டதையும் நினைத்துப் பாரும்.

(அல்குர்ஆன் : 5:110) |

இவ்வசனத்திலே

1) குழந்தையில் பேசியது,

2) களிமண்ணினால் பறவையை செய்து, இறைவனின் உத்தரவின் பேரில் உயிர் கொடுத்தல்,

3) பிறவிக் குருடனுக்குப் பார்வையளித்தல்,

4) வெண் குஷ்டரோகியைக் குணப்படுத்துதல்,

5) இறந்தவரை அல்லாஹ்வின் உத்தரவு கொண்டு உயிர் பெறச் செய்தல்

6) பிறர் உண்பதை, வீட்டில் உள்ளவற்றை பார்க்காமலே அறிவித்தல். என ஈஸா அலைஹிஸ்ஸலாம் அவர்களின் அற்புதங்களை அல்லாஹ் பட்டியிலிடுகிறான்.

இறுதியாக....

ஆங்கில ஆண்டிண் துவக்கத்தில் "புத்தாண்டு வாழ்த்துக்கள்" "Happy Newyear"சொல்வது மற்றவர்களின் கலாச்சாரம்,அதனால் கூடாது மற்றபடி அது எந்த மதத்தோடும் சம்பந்தப்பட்டதல்ல என்பதால் ஹராமும்  அல்ல, இருந்தாலும் குர்ஆன்,ஹதீஸ் களில் நாயகம்(ஸல்)அவர்களின் வழிமுறையை விட்டுவிட்டு மற்றவர்களின் வழியைத்தேர்ந்தெடுப்பதை தவிர்த்துக்கொள்ளும் படி வலியுறுத்தப்பட்டுள்ளதால் புத்தாண்டு கொண்டாட்டங்கள் கூடாது.

காரணம் நம் கண்மனி நாயகம் (ஸல்)அவர்கள்,ஸஹாப்பாக்கள்,திருக்குர்ஆன் விரிவுரையாளர்கள்,ஹதீஸ்கலைவல்லுனர்கள்,அறிஞப்பெருமக்கள் யாருமே ஹிஜ்ரி புத்தாண்டு வாழ்த்துக்கள் சொன்னதாக எந்த தரவுகளுமில்லை.அதனால் "புத்தாண்டு வாழ்த்துக்கள்"கூடாது.

ஆனால் டிசம்பர் 25 "கிருஸ்துமஸ் வாழ்த்துக்கள்""Merry Christmas "சொல்வது.நூறு சதவிகிதம் மதச் சடங்காகும்.

அவர்களின் வழிக்கேடான கெள்கைகளான திரித்துவம், இறைவனின் குமாரர்  இயேசு பிறந்த தினம் என்று கிருஸ்துமஸ் கொண்டாடப்படுகின்றது.இது குர்ஆன்,ஹதிஸ் ஒளியில் இஸ்லாத்திற்கு முற்றிலும் முரடணானதாகும்.

ஆனால் இன்று சில இஸ்லாமியர்களே தங்களுக்கிடையில் "Merry Christmas""கிருஸ்துமஸ் வாழ்த்துக்கள்"கூறிக்கொள்கிறார்கள். இது முற்றிலும் தவறான தவிர்த்துக்கொள்ளப்பட வேண்டிய ஒன்றாகும்.

ஆனால் ஒரு முஸ்லிம், அமெரிக்கப் போன்ற கிருத்துவ நாடுகளில் வாழ்ந்தாலோ,அல்லது கிருத்துவ நண்பர்கள் இருந்தாலோ அல்லது பணிநிமித்தமான நிர்பந்தமிருந்தாலோ அவர் கிருஸ்துமஸ் என்றுக் கூறாமல் நன்றி என்றோ வாழ்த்துக்கள் என்றோ அல்லது வேறு வார்த்தைகளில் வாழ்த்துச் சொல்வது தவறில்லை.

ஈசா(அலை)அவர்களின் பிறப்பு டிசம்பர் 25ல் என்று எந்த நம்பகமான வேதங்களிலோ,அவர்களால் பல 100 முறை மாற்றப்பட்ட பைபிளிலோ கூட எங்கும் கூறப்படவில்லை என்பது தான் உண்மை.

அல்லாஹு தஆலா விளங்கிடும் நற்பாக்கியத்தை உலக மக்கள் அனைவருக்கும்  ததருவானாக!

வெளியீடு: செங்கல்பட்டு & காஞ்சிபுரம் மாவட்ட ஜமாஅத்துல் உலமா சபை.

ஜும்ஆ பயான் 17/12/2021

தலைப்பு:

அழிக்க முடியாத இஸ்லாம்.

      "اِنَّ الدِّيْنَ عِنْدَ اللّٰهِ الْاِسْلَامُ"

நிச்சயமாக (தீனுல்) இஸ்லாம் தான் அல்லாஹ்விடத்தில் (ஒப்புக்கொள்ளப்பட்ட) மார்க்கமாகும்; (அல்குர்ஆன் : 3:19)

அல்லாஹ்வினால் அங்கீகரிக்கப்பட்ட இஸ்லாமிய மார்க்கத்தை அவன் பட்டித்தொட்டியெல்லாம் கொண்டுப்போய் சேர்ப்பான்.என்றும் உலகம் அழியும் நாளில் இந்த தீனை ஏற்காதார் உலகில் இல்லை என்கிற நிலை உருவாகும் என்றும் அண்ணலம் பெருமானார் (ஸல்)அவர்கள் உறுதிப்பட கூறியிருக்கிறார்கள்.ஆனால் எதிரிகள் இந்த தீனை எளிதில் வளரவிடமாட்டார்கள்.

1400 ஆண்டுகளுக்கு மேலாக மிகவும் தாகுதலுக்குள்ளாக்கப்பட்ட ஒரே மார்க்கம் இஸ்லாம்.

நபி (ஸல்)அவர்கள் வாழ்ந்த காலம் முதல் இன்று வரை இதே நிலை தான் ஒவ்வொரு நாளும் பத்திரிக்கை,ஊடங்கள்,சமூகவலைதளங்களில் இஸ்லாத்திற்கெதிரான பரப்புரைகள்,இஸ்லாமியர் மீது நிகழ்த்தப்படும் வன்முறை தாக்குதல்கள் என ஏராளம்...

உலகளவில் இஸ்லாமியர்களுக்கு  எதிராகவும்,இஸ்லாத்தை வேரோடும் வேரடி மண்ணோடும் அழிப்பதற்கான சூழ்ச்சி வலைகள் பிண்ணப்பட்டு, முயற்சிகள் மேற்க்கொள்ளப்படுகின்றன.

ஆனால் எங்கெல்லாம் இஸ்லாம் தீவிரமாக எதிர்க்கப்படுகிறதோ அங்கெல்லாம் அது மிக வீரியத்துடன் எதிர்ப்புகளைச் சமாளித்து மீண்டு வரும். இது தான் இஸ்லாத்தின் தனித்தன்மை.

இஸ்லாத்தின் அசுரவளர்ச்சி விரோதிகளுக்கு இஸ்லாத்தின் மீதும் முஸ்லிம்களின் மீதும் குரோதத்தையும்,வெறுப்பையும் அதிகமாக்குகின்றது. 

இஸ்லாமோஃபோபியா.

இஸ்லாமோபோபியா (Islamophobia அதாவது இஸ்லாமியர்வெறுப்பு மனநிலை) என்பது இஸ்லாம் அல்லது பொதுவாக முஸ்லிம்களின் மதத்திற்கு எதிரான அச்சம், வெறுப்பு, தப்பெண்ணம் அல்லது எதிர்மறையான முன்முடிவுகள் ஆகும்.

ஐரோப்பிய நாடுகளில் கடந்த நூற்றாண்டுகளில் இஸ்லாத்தின் வளர்ச்சியை தடுப்பதற்கும்,இஸ்லாத்தை அழிப்பதற்கும் பல்வேறு ஆலோசனை கூட்டங்கள் நடத்தப்பட்டு,பல முடிவுகள்,வரைவுத்திட்டங்கள் முன்வைக்கப்பட்டன.அவற்றில் ஒன்றுதான் இஸ்லாமோபோபியா Islamophobia என்கிற திட்டம்.

பொதுவாக உலகெங்கிலும்  குறிப்பாக ஐரோப்பிய நாடுகளில் இஸ்லாமிய வெறுப்பு பிரச்சாரத்தின் மூலம் இஸ்லாமிய விரோதத்தை மக்களின் உள்ளங்களில் விதைப்பது,சினிமா,மீடியாக்கள்,பத்திரிகைகளில் இஸ்லாத்தையும்,முஸ்லிம்களையும் "அடிப்படைவாதிகள்""பயங்கரவாதிகள்"என தவறாக சித்தரித்துக்காட்டுவது.

இஸ்லாமிய நாடுகள் மீதும், மஸ்ஜித்களின் மீதும்,இஸ்லாமிய அடையாளங்களோடுள்ளவர்கள்(தொப்பி,தாடி,ஃபர்தா)மீதும் தாக்குதல் தொடுபப்து போன்ற எண்ணற்ற தாக்குதல் "இஸ்லாமோபோபியா" என்ற பெயரில் நிகழ்த்தப்பட்டுவருகின்றன.

ஆனால் இஸ்லாத்தின் உயர்ந்த, உன்னதம் மிக்க தத்துவங்கள் மனிதமனங்களை வென்றுவிடுகின்றன.

இஸ்லாம் ஒர் மனிதகுல பாதுகாப்பு.

"அநீதமாக ஒரு மனிதன் கொள்ளப்படுவது மனிதஇனமே கொள்ளப்படுவதற்கு நிகராகும்"போன்ற இஸ்லாத்தின் மனிதநேய போதனைகள்   மேற்கத்திய நாடுகளில் இஸ்லாத்திற்கெதிரான தவறான பொய்ப்பிரச்சாரங்களை தவிடுப்பொடியாக்கி மக்களை சாரைசாரையாக இஸ்லாத்தை நோக்கி ஈர்க்கின்றன.

ஒரு புறம் இஸ்லாமோபோபியா என்ற பெயரில் இஸ்லாத்திற்கு எதிராக சூழ்ச்சசி வலைகள் பின்னப்படுகின்றன. மறுபுறம் இஸ்லாம் அதன் சத்திய பாட்டையில் வீறுகொண்டு நடைப்போடுகின்றது.

இறைவன் நாடினால் நாளை மேற்கத்திய கலாச்சாரம் ஒழிந்து அங்கெல்லாம் இஸ்லாமியமயமாகவும் வாய்ப்புள்ளது.

காரணம் இஸ்லாத்திற்கெதிராக அவர்களின் மீடியாக்கள்,சமூகவலைதளங்கள்,பத்திரிக்கைகளில் "இஸ்மிலாமிய அதீத மதப்பற்று" (Islamic Redicalism)، "இஸ்லாமிய தீவிரவாதம்"(Terrorism Islamic)، "இஸ்லாமிய அடிப்படைவாதம்"(Extremism Islamic)، "இஸ்லாமிய வன்முறை" (Violence Islamic)என்பனப் போன்ற அவதூறுகள் தொடர்ந்து பரப்பப்படும்  பொய்ப் பரப்புரைகள் மக்களை சிந்திக்க தூண்டுகின்றன.

உலகில் வாழும் 150கோடிகளுக்கு அதிகமான ஒட்டுமொத்த இஸ்லாமியர்கள் மீது கடந்த 20 வருடங்களாக தீவிரவாத முத்திரைக் குத்துவதற்கான பலவேறு முயற்சிகள் மேற்கொள்ளப்படுகின்றன.

அமெரிக்காவில் 2009 ஆம் ஆண்டில் ஓர் அறிக்கையின் படி: The Roots of islamo phobia வெறுப்பின் வேர் இஸ்லாம் என்ற தலைப்பிட்டு 7 அமைப்புகளை உருவாக்கி 2001 முதல் 2005 வரை இஸ்லாதிற்கும் இஸ்லாமியர்களுக்கும் எதிராக சதிவேலைகள் செய்வதற்காக கிட்டத்தட்ட  43 மில்லயன் அமெரிக்க டாலர்கள் செலவிடப்பட்டுள்ளன.

கலிஃபோர்னியா பல்கலைக்கழகத்தின் ஓர் அறிக்கை:வெறும் ஐந்தாண்டுகளில் 33 அமைப்புகளுக்கு மட்டும் இஸ்லாதிற்கெதிராக சதிச்செயல்களில் ஈடுபடுவதற்கு வழங்கப்பட்ட தொகை 206 மில்லியன் அமெரிக்க டாலர்கள்.

Islamophobia வை உரு­வாக்­கு­வதில் மேற்­கத்­திய ஊட­கங்கள்.

இன்­றைய உலகம் ஊடகப் பயங்­க­ர­வா­தத்தின் (Media Terrorism) கோரப்­பி­டியில் சிக்­கி­யி­ருக்­கி­றது. ஊடகத் தொழில் நுட்­பத்தில் அப­ரி­மித­மான வளர்ச்சி கண்­டுள்ள மேற்­கு­லகின் தயா­ரிப்­புக்­க­ளுக்கும் விரி­வு­ப­டுத்­த­லுக்கும் முன்னால் ஏனைய ஊட­கங்­களால் தாக்­குப்­பி­டிக்க முடி­ய­வில்லை. எங்கு பார்த்­தாலும் மேற்கு ஊட­கங்­களின் ஆதிக்­கமே தொழிற்­ப­டு­கின்­றது. இதனால் மேற்­கத்­தே­யத்தின் சிந்­த­னை­களும் கருத்­துக்­களும் உல­க­ம­யப்­ப­டுத்­தப்­பட்­டுள்­ளன.

2001/09/11 க்குப் பின்னர் மேற்­கு­லகின் தொலைக்­காட்­சிகள், இணை­யத்­த­ளங்கள், பத்­தி­ரி­கைகள், சஞ்­சி­கைகள் என பல்­வேறு தளங்­க­ளிலும் இஸ்­லா­மியப் பீதியை மேற்­கு­லகு உல­க­ம­யப்­ப­டுத்­தி­யது. அமெ­ரிக்­கா­விலும் ஐரோப்­பா­விலும் முன்­னணி ஊடக நிறு­வ­னங்­க­ளாக செயற்­பட்டு வரு­பவை யூத செல்­வந்­தர்­க­ளுக்கு சொந்­த­மா­னவை.

இது மட்­டு­மன்றி இஸ்­லாத்தின் எதி­ரிகள் இஸ்­லாத்தை கொச்­சைப்­ப­டுத்தி பல பத்­தி­ரிகை வெளி­யீ­டு­களை செய்தி வரு­கின்­றனர். வத்­தி­கானில் மட்டும் 200 க்கும் மேற்­பட்ட தின­ச­ரிகள் வெளி­வ­ரு­கின்­றன. இது தவிர வாராந்த, மாதாந்த இதழ்கள் வெளி­வ­ரு­கின்­றன.

இன்னும் 154 ஒளி­ப­ரப்பு நிலை­யங்கள் இஸ்­லாத்தை பற்றி பிழை­யான கருத்­துக்­களை முன்­வைப்­ப­தற்­காக அங்கு செயற்­பட்­டு­வ­ரு­கின்­றன என்­பது குறிப்­பி­டத்­தக்­க­தாகும்.

ஓர் அறிக்கைக் கூறுகிறது:2017ஆம் ஆண்டில் மட்டும் ஆஸ்திரேலியாவில் பிரபல்யமான ஐந்து பெரும் பத்திரிக்கை நிறுவனங்கள் இஸ்லாத்திற்கும் முஸ்லிம்களுக்கும் எதிராக சுமார் 5000 செய்திகளை வெளியிட்டுருக்கின்றன.

நியூஸ்வீக் மற்றும் டைம் நாளிதழ் இஸ்லாம் குறித்து இருபது தலைப்பு செய்திகளை வெளியிட்டன.அவற்றில் பெரும்பாலும் இஸ்லாத்திற்கு எதிரான கருத்துக்களையே முன்வைத்தன. 

இந்தியாவிலும் பல செய்திநிறுவனங்கள் இன்­றைய உலக ஊடகப் பயங்­க­ர­வா­தத்தின் (Media Terrorism) கோரப்­பி­டியில் சிக்­கி­யி­ருக்­கி­றதோ என்கிற அச்சத்தை ஏற்படுத்துகின்றன.

காரணம் தொடந்து இஸ்லாத்திற்கு எதிரான பரப்புரைகள் செய்வதில் பல மீடியாக்கள் ஆர்வம் காட்டுகின்றன.

2020 கொரானா முதல்அலை  வந்த போது தப்லீக் ஜமாஅத் என்ற இஸ்லாமிய அமைப்பு கொரானாவை வேண்டுமென்றே பரப்பியதாக ஓர் பிம்பத்தை உருவாக்கமுனைந்தன.

சவுதி அரேபியாவின் தற்போதைய மன்னர் சல்மான் அமெரிக்க,இஸ்ரேலின் செல்லப்பிள்ளை,அவரது நடவடிக்கை தொடர்ந்து சர்ச்சையாகி விடுகின்றன.

சவூதிக்கு நிறைய டூரிஸ்டகள் வந்தால் வருமானம் பெருகும் . பயணிகள் வரவேண்டுமானால் மது மாது களியாட்டத்திற்கும் ஆபாசத்திற்கும் அனுமதியளித்தால் தான் அது சாத்தியமாகும் என்பதால் இளவரசர் முஹம்மது ஸல்மான் பொறுப்பேற்றதும். மக்கா மதீனா இரண்டு நகரங்களை தவிர மற்ற பகுதி புனிதப் பகுதிஅல்ல என்று அறிவித்தார்.

இதை விட இளவரசர் ஸல்மான் சவூதி அரேபியாவை நவீனப் பாதைக்கு மாற்ற நினைக்கும் திட்டங்கள் மிகவும் ஆபத்தானவை.

பெண்கள் வாகனம் ஓட்டுவது, விளையாட்டு மைதானங்களில் பெண்கள் கண்டுகளிக்க அனுமதி, உள்ளிட்ட விஷயங்களை அவர் செயல்படுத்தியுள்ளார்.

தற்போது சவூதியில் தப்லீக் ஜமாத் உள்ளிட்ட பல அமைப்புகளுக்கு தடை உத்தரவு கடந்த 30 வருடங்களாக நடைமுறையில் இருந்தாலும் அதனை பயங்கரவாத்தோடு தொடர்புப்படுத்தி அறிக்கைவெளியிட்டுருப்பது பெரும் சர்சையை ஏற்படுத்தியுள்ளது.இதற்கு இந்தியாவின் தாருல்உலூம் தேவ்பந்த், ஜம்இய்யதுல் உலமாயே ஹிந்த்,மற்றும் உலக அறிஞர்கள் கடும்கண்டனங்களை தெரிவித்துள்ளனர்.

இந்திய ஊடகங்கள் சவூதி அரசாங்கத்தின்  இந்த அறிக்கையை முதன்மை செய்தியாக வெளியிட்டு பயங்கரவாத செயல்களில் ஈடுபடுவதால் சவூதியில் தப்லீக் ஜமாதிற்கு தடை என்று பரப்புரை செய்கின்றன.

இதுப் போன்றே 'லவ் ஜிஹாத்'என்றும் இஸ்லாமிய தீவிரவாதம்,பழமைவாதம் என்றும் இந்திய ஊடகங்கள் தொடர்ந்து செய்திவெளியிட்டுவருகின்றன.

இந்திய,பாகிஸ்தானுக்கும் இடையில் நடைபெறும் சாதாரண கிரிகெட் விளையாட்டைக்கூட இரு நாட்டிற்கிடையில் நடைபெறும் போராக சித்திரித்திக்கட்டுவது மீடியாக்களின் கீழ்தரமான வழமையில் உள்ள ஓர் விஷ(ய)ம்.

இஸ்லாமோஃபோபியா எனப்படும் அதீத அச்சம் கலந்த உணர்வினால் உத்வேகப்படுத்தப்பட்டவர்கள் மனதாலும் உடலாலும் முஸ்லிம்களுக்கு ஏற்படுத்தும் சேதங்களின் சதவீதம் ஃப்ரான்ஸ், டென்மார்க், இஸ்ரேல் மற்றும் அமெரிக்காவில் அதிகம் கூறப்பட்டாலும் ஜெர்மனி, பிரிட்டன்  ஸ்ரீலங்கா,மற்றும் இந்தியாவில் நடக்கும் நிகழ்வுகளையும் வைத்துப் பார்க்கையில் முஸ்லிம்கள் சிறுபான்மையாக வசிக்கும் எல்லா இடங்களிலும் இஸ்லாமோஃபோபியா தலைவிரித்து ஆடுவதைக் கண்கூடாகக் காண இயலும்.

இந்தியாவில்  பசுவின் பெயரால் முஸ்லிம்களை கொலைசெய்வதும்,ஜெய் ஶ்ரீராம் என்று சொல்லச் சொல்லி வற்புறுத்தி தாக்குவதும்.கலவரங்கள் செய்து இஸ்லாமியர்களின் உயிருக்கும்,உடமைக்கும் சேதம் ஏற்படுத்துவதையும்.

ஆட்சிப்பொறுப்பில் உள்ளவர்களே இஸ்லாமியர்களுக்கெதிரான பல சட்டங்களைப் போட்டுமுடக்குவதும் இப்படி பல இன்னல்களை இந்திய இஸ்லாமியர்கள் எதிர்க்கொள்கின்றனர்.

எதிர்­காலம் இஸ்­லாத்­திற்கே!

அமெ­ரிக்­காவில் நடந்த இரட்டைக் கோபுரத் தாக்­கு­தலின் போது உலகில் அதி­க­மாகப் பேசப்­பட்ட மதம் இஸ்லாம் என்­றாலும் அத்­தாக்­கு­தலில்  மறைக்­கப்­பட்ட உண்­மை­களும், சதி­களும் பின்னர் மெது­வாக அம்­ப­ல­மா­கின. அதன்பின் அமெ­ரிக்­கர்கள் மட்­டு­மன்றி ஏனைய மேற்­கத்தேய ஐரோப்­பிய நாடு­களில் வாழும் மக்­களும் இஸ்­லாத்தை பற்றி ஆராய ஆரம்­பித்­தனர்.

அதன் விளைவு இஸ்­லா­மிய மார்க்­கத்தின் உண்மைத் தன்­மை­யுடன் ஒரிறைக் கொள்­கையின் பால் ஈர்க்­கப்­பட்ட ஆயி­ரக்­க­ணக்­கா­ன­வர்கள் அப்­போது புனித இஸ்­லா­மிய மார்க்­கத்தை ஏற்றுக் கொண்­டது மட்­டு­மன்றி, தொடர்ச்­சி­யாக இஸ்­லாத்தை ஏற்றுக் கொள்­ப­வர்கள் அதி­க­மாகி இஸ்­லா­மிய மார்க்­கத்தை ஏற்றுக் கொண்­டது மட்­டு­மன்றி, தொடர்ச்­சி­யாக இஸ்­லாத்தை ஏற்றுக் கொள்­ப­வர்கள் அதி­க­மாகிக் கொண்டே போவதால், உலகில்  இஸ்லாத்தின் வளர்ச்­சியின் வேகம் துரிதமாகிக் கொண்டே போவ­தாக      ஆய்­வுகள் கூறு­கின்­றன.

இன்று உலகில்  மிகவும் வேக­மாகப் பரவும் மத­மாக இஸ்லாம் மாறி­விட்­டது. அதே போன்றுதான் (கிறைஸ்ட்)சர்ச் தாக்­கு­தலின் பின்­னரும் நியூ­சி­லாந்தில் இஸ்­லாத்தின் பால் ஈர்க்­கப்­பட்டு ஓரிறைக் கொள்­கையை ஏற்றுக் கொள்ளும் மக்கள் அதி­க­ரித்­தி­ருப்­ப­தாக ஊடக செய்­தி­களில் காண முடி­கி­றது.

இன்னும் ஏரா­ள­மான நாடு­களில் வாழும் மக்கள் இஸ்­லாத்தின் கொள்­கை­களை ஆராய ஆரம்­பித்­தி­ருப்­பது இஸ்­லா­மிய எதிர்ப்பாளர்ளுக்கு பேரிடி தரும் செய்­தி­யாக இருக்கும் என்­பதில் எந்த ஐய­மு­மில்லை.

இஸ்லாத்தை அழிப்பதற்கு அதன் எதிரிகள் என்னதான் முயற்சித்தாலும் அதன் வளர்ச்சியையும் எழுச்சியையும் எந்த சக்தியாலும் அழித்துவிட முடியாது. இது ஏக இறைவனின் வாக்காகவும் உள்ளது.

ஓர் ஆய்வில்:  21 ஆம் நுற்றாண்டின் அரை இறுதிப் பகுதிக்குள் இஸ்லாம் ஐரோப்பாவின் தீர்மானிக்கும் சக்தியாக மாறும் சாத்தியம் உள்ளது.

2050ல் ஐரோப்பா இஸ்லாமியமயமாகும் என்கிறது ஓர் ஆய்வு.

உலகளாவிய ரீதியில் ஏற்பட்டிருக்கும் இஸ்லாமிய எழுச்சி அலைகளினால் மேற்குலகம் நடுநடுங்கிப் போயுள்ளது. இதனால்தான் இஸ்லாம் குறித்த மாயைகனை அவர்கள் கட்டமைக்க முயற்சிக்கின்றனர்.

அன்று பாபர் மசூதியை இடித்தவர்கள், இன்று அதற்கான பரிகாரம் தேடுகிறார்கள். பாபர் மசூதியின் கூம்பின் மீது நின்று இடித்த பல்பீர்சிங் இன்று முகமது அமீர்! தாம் வாழ்ந்த காலத்தில் இஸ்லாமிய பிரச்சாரகராக பாழடைந்த மஸ்ஜிதுகளைப் புதுப்பித்து வலம் வந்தார்.

இஸ்லாத்தையும், முஹம்மத் நபியவர்களையும் தவறாகச் சித்தரித்து படம் எடுத்து உலகத்தையே உலுக்கிய ஆர்நோத் வான் டோர்ன் இன்று இஸ்லாமியனாக வாழ்கிறார். இஸ்லாமைக் கடுமையாக எதிர்ப்பவர்கள் இஸ்லாத்தைத் தழுவுகின்றனர். இறைவன் நாடினால் இந்தியாவில் இன்று ஆட்டம் போடும் காவிகள் சாரை சாரையாக இஸ்லாத்தை ஏற்பார்கள்.

يُرِيدُونَ لِيُطْفِـُٔواْ نُورَ ٱللَّهِ بِأَفْوَٰهِهِمْ وَٱللَّهُ مُتِمُّ نُورِهِۦ وَلَوْ كَرِهَ ٱلْكَٰفِرُون

அல்லாஹ்வின் ஒளியைத் தமது வாய்களால் ஊதி அணைக்க நினைக்கின்றனர். (தன்னை) மறுப்போர் வெறுத்தாலும் அல்லாஹ் தனது ஒளியை முழுமைப்படுத்தாமல் விடமாட்டான். (திருக்குர்ஆன் 9:32)

தடைகளைத் தாண்டி இஸ்லாம் வளரும்.

குர்ஆன் வசனங்களோ,நபியின் போதனைகளோ  கேட்டுவிடக்கூடாது என்று தம் காதில் பஞ்சை வைத்து அடைத்துக்கொண்ட துஃபைல் இப்னு அம்ர் அத் தவ்ஸி (ரலி)அவர்கள் கடைசியில் இஸ்லாத்தை ஏற்றுக்கொண்டு,தனது தவ்ஸ் கோத்திரத்தில் உள்ள 1000 நபர்களை இஸ்லாமியராக்கிவிட்டார்கள்.

தான் இஸ்லாத்தை ஏற்ற நிகழ்வை துஃபைல் (ரலி)அவர்கள் விவரிக்கிறார்கள்.

நான் மக்கா வந்துசேர்ந்தேன். மக்காவில் குறைஷ் தலைவர்களும் பிரமுகர்களும் என்னைப் பார்த்தார்களோ இல்லையோ, உடனே ஓடோடிவந்து எனக்கு அழகிய முறையில் வரவேற்பு அளித்தார்கள். அவர்களிடையே மிகவும் கண்ணியமானதோர் இல்லத்தில் எனக்குத் தங்கும் வசதி செய்துகொடுத்தார்கள்.பின்னர் என்னிடம் வந்து ஒன்றுகூடிய அந்தத் தலைவர்களும் பிரமுகர்களும் என்னைப் பின்வருமாறு எச்சரித்தனர்:

“துஃபைலே! நீர் எங்கள் ஊருக்கு வருகை தந்துள்ளீர். எங்கள் ஊரில் தன்னை நபியென்று கருதிக்கொண்டிருக்கும் இந்த மனிதர் (முஹம்மத்), எங்களின் மரபுகளையெல்லாம் கெடுத்துச் சுட்டிச்சுவராக்கிவிட்டார். எங்களின் ஒருமைப்பாட்டை உடைத்துவிட்டார். எங்களுடைய சமூகக் கட்டமைப்பைச் சிதைத்துவிட்டார். எங்களுக்கு நேர்ந்த இந்த அவலம் உமக்கும் உம் சமூகத்தில் உமது தலைமைக்கும் நேர்ந்துவிடுமோ என்பதே எங்கள் அச்சம்.எனவே, அந்த மனிதரிடம் பேச்சுக்கொடுக்காதீர். அவர் சொல்லும் செய்தி எதற்கும் கண்டிப்பாகக் காது கொடுத்துவிடாதீர். அவரது சொல் மதியை மயக்கும் ஆற்றல் பெற்றவை. அதைக் கேட்டால் தந்தையும் தனயனுமே தகராறு செய்துகொள்வர். உடன்பிறந்த அண்ணன் தம்பிகளே அடித்துக்கொள்வர். அவரது வார்த்தையின் வசீகரம் கணவன் மனைவியைக்கூட எதிரெதிர் துருவங்களாக்கிவிடும் என்றால் பார்த்துக்கொள்ளுங்களேன்“.

அல்லாஹ்வின் மீதாணையாக, குறைஷியர் இவ்வாறு முஹம்மத் பற்றிய வினோதமான தகவல்களை என்னிடம் தொடர்ந்து எடுத்துச்சொல்லிக்கொண்டிருந்தனர். அவருடைய நூதனமான நவடிக்கைகள் மூலம் எனக்கும் என் சமூகத்திற்கும் ஆபத்து நேரும் என அச்சமூட்டிக்கொண்டிருந்தனர். இறுதியில், அவரிடம் நான் பேச்சுவார்த்தை வைத்துக்கொள்வதில்லை. அவர் கூறும் எதற்கும் காது கொடுக்கப்போவதில்லை. ஏன், அவர் பக்கம் தலைவைத்துக்கூடப் படுக்கப்போவதில்லை என்று திட்டவட்டமாக முடிவு செய்துகொண்டேன்.

காலை நேரத்தில் பள்ளிவாசலுக்கு வந்தேன். கஅபாவை தவாஃப் சுற்ற வேண்டும், அங்குள்ள சிலைகளைத் தொட்டுத் தடவி அருளாசி பெற வேண்டும் என்பது எனது நோக்கம். இதுதான் கஅபாவுக்கு நாங்கள் கொடுக்கும் கௌரவம். இதுதான் எங்களின் ஹஜ். இந்த நோக்கத்தில் பள்ளிவாசலுக்கு வந்தபோது என்னிரு காதுகளிலும் பஞ்சைத் திணித்துக்கொண்டேன். முஹம்மத் எடுத்துரைக்கும் எதுவும் காற்றுவாக்கில்கூட என் காதைத் தீண்டிவிடக் கூடாது என்கிற அச்சமே இதற்குக் காரணம்.

இருப்பினும் நான் பள்ளிவாசலுக்குள் நுழைந்த மாத்திரத்தில் பார்த்தேன். முஹம்மத் கஅபாவுக்கு அருகில் தொழுதுகொண்டும் வழிபாடு செய்துகொண்டும் இருந்தார். அந்தத் தொழுகையும் வழிபாடும் எங்களுக்கு விநோதமாகத் தெரிந்தது. எனவே, அந்தக் காட்சி என்னை மேற்கொண்டு நகரவிடாமல் அங்கேயே கட்டிப்போட்டது. அவரின் வழிபாட்டு முறை எனக்குள் ஏதோ சலனத்தை ஏற்படுத்தியது. என்னை அறியாமலேயே என் உள்ளம் கொஞ்சம் கொஞ்சமாக அவரை நோக்கி  நெருங்கியது. இறுதியில், யார் பக்கம் தலைவைத்துக்கூடப் படுக்கக் கூடாது என்று முடிவு செய்திருந்தேனோ அவருக்கு அருகிலேயே நான் போய்ச்சேர்ந்தேன். அவருடைய வார்த்தைகளில் சிலவற்றை என் காதில் விழவைத்தே தீருவது என்பதில் அல்லாஹ்வும் தீர்மானமாக இருந்தான். தேனினும் இனிய அந்த வார்த்தைகள் என் செவியில் வந்து விழுந்தன.

உள்ளத்தைப் பறிகொடுத்த துஃபைல்.

அப்போது நான் எனக்குள்ளேயே இப்படிப் பேசிக்கொண்டேன்: ‘’தாயற்றுப் போனவனே! துஃபைலே! நீயொரு புலவன். புலமை மிக்கவன். நல்லதும் அல்லதும் உனக்கு அத்துப்படி. இந்த ஆள் சொல்வதைக் காது கொடுத்துக் கேட்பதில் உனக்கென்ன தயக்கம்? அவர் சொல்வது நல்லதெனில் ஏற்றுக்கொள். அல்லதெனில் விட்டுவிட வேண்டியதுதானே’’.

இப்படி எனக்குள்ளேயே பேசிக்கொண்ட நான், சிறிது நேரம் அங்கேயே தங்கியிருந்தேன். அப்போது முஹம்மத் தமது இல்லத்திற்குத் திரும்பலானார். நானும் அவரைப் பின்தொடர்ந்தேன். அவர் தமது இல்லத்தில் நுழைந்ததும் நானும் உள்ளே நுழைந்தேன். பின்னர் அவரிடம் இப்படிச் சொன்னேன்:

‘’முஹம்மதே! உம் சமுதாயத்தார் உம்மைப் பற்றி என்னிடம் இன்னின்னவாறெல்லாம் கூறினர். அல்லாஹ்வின் மீது ஆணையாக! அவர்கள் உமது நிலைப்பாட்டைக் குறித்து எனக்கு அச்சமூட்டிக்கொண்டே இருந்தனர். எனவே, நீர் கூறும் எதையும் காது கொடுத்துக் கேட்கக் கூடாது என்ற முடிவில் என்னிரு காதுகளில் பஞ்சைத் திணித்துக்கொண்டேன். ஆனால், அவற்றில் சிலவற்றை என் காதுகளில் அல்லாஹ் வலிந்து விழவைத்தான். உமது கூற்று அழகாக இருந்த்து. எனவே, உமது நிலைப்பாட்டை என்னிடம் எடுத்துரைப்பீராக’’.

இவ்வாறு நான் கூறியதும் முஹம்மத் தமது நிலைப்பாட்டை என்னிடம் எடுத்துரைத்தார். அல்இக்லாஸ் (112), அல்ஃபலக் (113) ஆகிய அத்தியாயங்களை எனக்கு ஓதிக்காட்டினார். அல்லாஹ்வின் மீது ஆணையாக! அவர்களின் கூற்றைவிட மிக அழகான நேர்மையான ஒரு கூற்றை இதுவரை நான் செவியுற்றதில்லை. அப்போதே நான் எனது கரத்தை அவர்களிடம் நீட்டி, ‘’அல்லாஹ்வைத் தவிர வேறு இறைவன் இல்லை; முஹம்மத் (ஸல்) அவர்கள் அல்லாஹ்வின் தூதர் ஆவார்கள்’’ என்று ஓரிறை உறுதிமொழி கூறி இஸ்லாத்தைத் தழுவினேன்.

பின்னர் மக்காவிலேயே சிறிது காலம் தங்கி இஸ்லாத்தின் கட்டளைகளைக் கற்றறிந்தேன். திருக்குர்ஆனில் என்னால் முடிந்ததை மனனமிட்டேன். என்னுடைய சமுதாயத்தாரிடம் திரும்பிச் செல்லலாம் என்று நான் முடிவு செய்தபோது நபியவர்களிடம் சென்று, ‘’அல்லாஹ்வின் தூதரே! என் சமூகத்தில் நான் ஒரு முக்கியப் புள்ளி. என் பேச்சுக்கு மறுபேச்சு யாரும் பேசமாட்டார்கள். எனவே, நான் அவர்களிடம் சென்று இஸ்லாத்தை ஏற்றுக்கொள்ள வருமாறு அவர்களுக்கு அழைப்பு விடுக்கிறேன். எனக்காகத் தாங்கள் அல்லாஹ்விடம் பிரார்த்தனை செய்யுங்கள். அவன் எனக்கு ஒரு சான்றை வழங்க வேண்டும். அது எனது அழைப்புப் பணியில் எனக்கு உறுதுணையாக அமைய வேண்டும்’’ என்று கூறினேன். நபி (ஸல்) அவர்கள், ‘’இறைவா! துஃபைலுக்கு நீ ஒரு சான்றை வழங்குவாயாக’’ என்று பிரார்த்தனை செய்தார்கள்.

துஃபைல் (ரலி) கூறுகிறார்: நான் சென்று தவ்ஸ் குலத்தார் வசித்த பகுதியில் இஸ்லாமிய அழைப்புப் பணி மேற்கொண்டுவந்தேன். இறுதியில் நபி (ஸல்) அவர்கள் மக்காவிலிருந்து மதீனாவுக்குப் புலம் பெயர்ந்து (ஹிஜ்ரத்) சென்றார்கள். அப்பால் பத்ர், உஹுத், கன்தக் (அகழ்) ஆகிய அறப்போர்கள் நடந்து முடிந்திருந்தன.

அப்போது நான் மதீனாவுக்கு நபி (ஸல்) அவர்களிடம் சென்றேன். என்னுடன் தவ்ஸ் குலத்தில் எண்பது குடும்பங்களும் வந்திருந்தன. அவர்கள் அனைவரும் இஸ்லாத்தைத் தழுவி நல்ல முஸ்லிம்களாக வாழ்ந்துவந்தனர். எங்களால் நபியவர்கள் மனமகிழ்ந்தார்கள். கைபர் போரில் கிடைத்த போர்ச்செல்வங்களைப் பங்கிடும்போது மற்ற முஸ்லிம்களுடன் சேர்த்து எங்களுக்கும் பங்கு வழங்கினார்கள்.

எனவே முஸா நபி(அலை)அவர்களை ஃபிர்அவ்னின் கோட்டையில் வளர்த்ததை போல அல்லாஹுத்தஆலா இந்த தீனுல் இஸ்லாத்தை எதிரிகளின் கோட்டையில் வைத்தே வளர்ப்பான் என்பது தான் வரலாறுக் கூறும் செய்தி.

அமெரிக்காவில் இஸ்லாத்தின் வளர்ச்சி....

ஜெருசலேம் நகரத்தை உமர்(ரலி) அவர்கள்  இஸ்லாமிய சாம்ராஜ்யத்தில் சேர்த்த பொழுது அந்நகரில் எவ்விதமான ரத்தக்களறியும் ஏற்படவில்லை. மாறாக அந்நகரத்தின் கிறிஸ்தவ தலைவர் சோப்ரொனியூஸ்க்கும்  மற்ற கிறிஸ்துவ மக்களுக்கும் உமர்(ரலி) அவர்கள் அளித்த வாக்குறுதி....

"அளவற்ற அருளாளன் அல்லாஹ்வின் திருப்பெயரால் எலியா நகரத்தின் மக்களில் நோய்வாய்ப்பட்டவர்கள், நல்ல ஆரோக்கியமாக இருப்பவர்கள் உட்பட அனைவரின் உயிர்களுக்கும், உடைமைகளுக்கும், தேவாலயங்களுக்கும், சிலுவைகளுக்கும், அவர்கள் மதத்தினுடன் தொடர்புடைய அனைத்துக்கும் நான் பாதுகாப்பு அளிக்கின்றேன். அவர்களது சர்ச்சுகள் வீடுகளாக மாற்றப்படாது. அவை அழிக்கப்படவும் மாட்டாது. இந்நகரில் வாழும் குடிமக்கள் அணியும் சிலுவைகளும், உடைமைகளும் அழிக்கப்பட மாட்டாது. அவர்களில் ஒருவருக்குக் கூட எவ்வித துன்பமும் ஏற்படாது"என்று உடன்படிக்கை செய்தார்கள்.

 இதற்கு மாறாக இஸ்லாமை அழிக்கத்துடிக்கும் நாடுகளில் முன்னிலை வகிக்கும் நாடு அமெரிக்கா தான் என்பதில் யாருக்கும் மாற்றுக்கருத்து இருக்காது. இஸ்லாத்தின் மீது விஷம கருத்துக்களை பரப்புவதிலும், இஸ்லாமியர்களுக்கு துன்பம் கொடுப்பதில் இன்பம் காணுவதிலும் முதல் நாடு அமெரிக்காதான்.

ஆனால் எங்கு இஸ்லாத்திற்கு எதிராண அவதூறுகளும், பொய்ப் பிரச்சாரங்களும் அளவுக்கு அதிகமாக செய்யப்படுகின்றதோ அங்கு இஸ்லாம் காட்டுத் தீப்போல் பரவும்.         

 செப்டம்பர் 11 தாக்குலுக்குப் பிறகு இஸ்லாத்திற்கு எதிராக தொடுக்கப்பட்ட அவதூறு பிரச்சாரங்களின் விளைவாக ஒரு மாபெரும் சிந்தனைப்புரட்சி அமெரிக்க மக்களிடம் ஏற்பட்டது. அதற்குப்பிறகு தான் அவர்கள் இஸ்லாத்தை திரும்பிப்பார்க்க ஆரம்பித்தனர். இந்த தாக்குதல்களுக்குப் பிறகு தான் திருக்குர்ஆன் மொழியாக்கங்கள் மற்றும் இஸ்லாம் சம்பந்தமாண புத்தகங்கள் அளவுக்கதிகமாக அமெரிக்காவில் விற்றுத்தீர்ந்தண. கடந்த 12 ஆண்டுகளில் 1200 புதிய பள்ளிவாசல்கள் அமெரிக்காவில் கட்டப்பட்டுள்ளண. ஒரு வாரத்திற்கு இரண்டு பள்ளிவாசல்கள் வீதம் ஆண்டுக்கு 100 பள்ளிவாசல்கள் அமெரிக்காவில் கட்டப்படுகின்றண என்ற அமெரிக்க செய்தி ஊடகமாண CNN குறிப்பிடுகிறது.2000-ஆம் ஆண்டில் 10 இலட்சமாக இருந்த முஸ்லிம் மக்கள் தொகை 2010-ஆம் ஆண்டில் 26 இலட்சமாக  அதிகரித்துள்ளது. 

(ASARB) என்பதின் உறுப்பிணர் டெய்ல் ஜோன்ஸ் தெரிவித்துள்ளார்::இஸ்லாத்தை வெட்டுவதற்கு அது வாழை மரம் அல்ல... அது ஆலமரம்.....வெட்ட வெட்ட அது வளர்ந்து கொண்டே இருக்கும்.   நீ 50 ஜ வெட்டினால் 500 ஆக வளரும்.

அதே போல் ஒருவன் இஸ்லாமை விட்டு வெளியே செல்கிறான் என்றால் அவன் செல்ல வில்லை...அவனை இஸ்லாம் தூக்கி எறிந்து விட்டது என்று தான் அர்த்தமாகும்..

தீயவர்களை இஸ்லாம் நீக்கிவிடும்.

ஒரு கிராமவாசி நபி (ஸல்) அவர்களிடம் வந்து இஸ்லாத்தை ஏற்பதாக உறுதிமொழி கொடுத்தார். மறு நாள் முதல் அவர் காய்ச்சலால் பீடிக்கப்பட்டார். (இஸ்லாத்தை ஏற்கும் ஒப்பந்தத்திலிருந்து) என்னை நீக்கி விடுங்கள் என்று கேட்டார். நபி (ஸல்) அவர்கள் மூன்று முறை அதை மறுத்தார்கள். மதீனா (துருவை நீக்கித் தூய்மைபடுத்தும்) உலையைப் போன்றதாகும். அது தன்னிலுள்ள தீயவர்களை வெளியேற்றிவிடும். அதிலுள்ள நல்லவர்கள் தூய்மை பெற்றுத் திகழ்வார்கள் என்று கூறினார்கள்.அறிவிப்பவர் : ஜாபிர் (ரலி) அவர்கள்  (நூல் : புகாரி (1883)

இஸ்லாத்தை ஏற்ற காரணத்தினால் தனக்குக் காய்ச்சல் வந்துவிட்டதாக அந்த கிராமவாசி எண்ணி நபி (ஸல்) அவர்களிடம் செய்த பைஅத்தை முறித்துவிட்டு மக்காவிற்குச் செல்ல நாடுகிறார். மதம் மாறிவிட்ட இவரை ஏன் நபி (ஸல்) அவர்கள் கொல்லவில்லை? என்றால்  இவரது எண்ணப்படி இவர் மக்காவிற்கு திரும்ப அனுப்பப்படுவார் என்பதை "மதீனா தீயவர்களை வெளியேற்றி நல்லவர்கள் மட்டும் வைத்திருக்கும் " என்று கூறுவதன் மூலம் உணர்த்துகிறார்கள்.

ஆகவே இஸ்லாத்தை விட்டும் ஒருவர் வெளியேறுவதாலோ, இஸ்லாத்திற்கெதிரான பிரச்சாரம் செய்வதாலோ, இஸ்லாமிய அழைப்பு பணிகளை முடக்குவதாலோ, இஸ்லாமிய கலாச்சாரத்தை அழிப்பதாலோ இஸ்லாத்தின் வளர்ச்சியை யாராலும் கட்டுபடுத்த முடியாது...

மாறாக இஸ்லாம் வளரும்.... வளரும்....வளர்ந்து கொண்டே இருக்கும். 

ஆமின்...ஆமின்...யா ரப்பல் ஆலமீன்.

வெளியீடு : செங்கல்பட்டு & காஞ்சிபுரம் மாவட்ட ஜமாஅத்துல் உலமா சபை.

ஜும்ஆ பயான் 10/12/2021

தலைப்பு :

மனித உரிமைகள்.

وَلَـقَدْ كَرَّمْنَا بَنِىْۤ اٰدَمَ وَحَمَلْنٰهُمْ فِى الْبَرِّ وَالْبَحْرِ وَرَزَقْنٰهُمْ مِّنَ الطَّيِّبٰتِ وَفَضَّلْنٰهُمْ عَلٰى كَثِيْرٍ مِّمَّنْ خَلَقْنَا تَفْضِيْلًا‏

நிச்சயமாக, நாம் ஆதமுடைய சந்ததியைக் கண்ணியப்படுத்தினோம்; இன்னும், கடலிலும், கரையிலும் அவர்களைச் சுமந்து, அவர்களுக்காக நல்ல உணவு(ம் மற்றும்) பொருட்களையும் அளித்து, நாம் படைத்துள்ள (படைப்புகள்) பலவற்றையும் விட அவர்களை (தகுதியால்) மேன்மைப் படுத்தினோம்.  (அல்குர்ஆன் : 17:70)

மனித இனம் சிறந்தது.  படைப்பினங்களில் மனிதன் சங்கையும்,மேன்மையும் மிக்கப் படைப்பாகும்.மனிதன் சுய கட்டுப்பாட்டுடனும்,ஒழுக்கமாகவும் வாழ்ந்து தன் கண்ணியம் காப்பதுடனே,சக மனிதனின் மானம் மரியாதை,உயிர்,உடமைகள் இவற்றுக்கு குந்தகம் விளைவிக்காமல்,அவனுக்கு செலுத்தும் கடமைகள்,உரிமைகளைப் பேணுவது அவசியமாகும்.

இறைவழிப்பாட்டிற்கு நிகரான கடமை,சக மனிதனுக்கு ஆற்றவேண்டிய கடமைகளாகும். இன்னும் சொல்லப்போனால் இறைவழிப்பாட்டில் குறையிருப்பின் இறைவன் நாடினால் மன்னிப்பான். ஆனால் சக மனிதனுக்கு செய்யவேண்டிய கடமைகளில் குறையிருப்பின் அவர் மன்னிக்கும் வரை அல்லாஹ் மன்னிப்பதில்லை.

நஷ்டவாளி யார்?

இம்மையில் மனித உரிமைப் பேணாதவன் நாளை மறுமையில் பெரும் நஷ்டவாளி.மேலும் எவ்விதம் அவன் நஷ்டமடைகிறான் என்பதனை விவரிக்கின்றது பின் வரும் நபிமொழி....

عن أبي هريرة رضي الله عنه:

« أَنَّ رَسُولَ اللَّهِ صَلَّى اللَّهم عَلَيْهِ وَسَلَّمَ قَالَ : أَتَدْرُونَ مَا الْمُفْلِسُ قَالُوا : الْمُفْلِسُ فِينَا مَنْ لا دِرْهَمَ لَهُ وَلا مَتَاعَ ، فَقَالَ : إِنَّ الْمُفْلِسَ مِنْ أُمَّتِي يَأْتِي يَوْمَ الْقِيَامَةِ بِصَلاةٍ وَصِيَامٍ وَزَكَاةٍ وَيَأْتِي قَدْ شَتَمَ هَذَا وَقَذَفَ هَذَا وَأَكَلَ مَالَ هَذَا وَسَفَكَ دَمَ هَذَا وَضَرَبَ هَذَا فَيُعْطَى هَذَا مِنْ حَسَنَاتِهِ وَهَذَا مِنْ حَسَنَاتِهِ فَإِنْ فَنِيَتْ حَسَنَاتُهُ قَبْلَ أَنْ يُقْضَى مَا عَلَيْهِ أُخِذَ مِنْ خَطَايَاهُمْ فَطُرِحَتْ عَلَيْهِ ثُمَّ طُرِحَ فِي النَّار » [رواه مسلم]

நபி (ஸல்) அவர்கள் ஸஹாபாக்களிடத்தில், ‘உங்களில் நஷ்டவாளி யார் என்று தெரியுமா? என்று கேட்டார்கள். (அதற்கு அவர்கள்) ‘எங்களில் (எவர்களிடத்தில்) தீனாரும் உலகத்தில் வாழ்வதற்கு வசதி வாய்ப்பும் இல்லையோ அவர்களே நஷ்டவாளி என்று குறிப்பிட்டார்கள். அதற்கு நபி (ஸல்) அவர்கள், ‘மறுமை நாளில் ஒரு மனிதன் தொழுகை, நோன்பு, ஜக்காத் போன்ற நல்லறங்களுடன் வருவான். ஆனால் பலர் வந்து, ‘இவன் என்னை ஏசியவன், நான் செய்யாத விஷயத்தை என் மீது சுமத்தியவன், எனது செல்வத்தை சாப்பிட்டவன், இரத்தங்கள் ஓட்டியவன், அடித்தவன் என்றெல்லாம் அவனுக்கு எதிராக மனிதர்கள் முறையீடு செய்வார்கள். அப்போது அவன் இவ்வுலகில் செய்த நல்லமல்களை எடுத்து அவர்களுக்கு கொடுக்கப்படும். நல்லமல்கள் முடிந்த பிறகு அவர்களின் தீமைகளிலிருந்து எடுக்கப்பட்டு இம்மனிதனுக்கு கொடுக்கப்படும். இவ்வாறு அவன் நரகத்திற்கு நுழைவிக்கப்படுவான். (ஆதாரம் : ஸஹீஹ் முஸ்லிம்)

ஆண்டுதோறும்......

டிசம்பர் 10 அன்று உலகம் முழுவதும் மனித உரிமைகள் தினம் கொண்டாடப்படுகிறது. கலாச்சாரம், சமூகம் மற்றும் உரிமைகள் குறித்த விழிப்புணர்வை ஏற்படுத்தவும், சாத்தியமான அனைத்து சூழல்களிலும் சமூகத்தின் நலனை உறுதிப்படுத்தவும் இந்த நாள் கொண்டாடப்படுகிறது. 1948ல் மனித உரிமைகளுக்கான உலகளாவிய பிரகடனத்தை (யு.டி.எச்.ஆர்) ஐக்கிய நாடுகளின் பொதுச் சபை ஏற்றுக்கொண்டது. இந்த நாளை நினைவுகூறும் வகையில் ஆண்டுதோறும் மனித உரிமைகள் தினம் அனுசரிக்கப்படடுகிறது.

இனம், நிறம், மொழி, பாலினம், அரசியல், ஜாதி, மதம், பிறப்பு, சொத்து, பிற அந்தஸ்து, தேசிய அல்லது சமூக தோற்றம் என பாகுபாடு பார்க்கக்கூடாது என்பதை உணர்த்துவதே இந்த தினம்.

உலகளவில் "மனித உரிமை"என்பது இந்த இரண்டு நூற்றாண்டுகளாக தான் பேசுப் பொருளாகியிருக்கிறது.குறிப்பாக இரண்டாம் உலகப் போரினால் ஏற்பட்ட உயிரிழப்புகள்,பொருளாதார நெருக்கடி,அசாதாரன நிலை போன்றவை இது குறித்து சிந்திக்கவும்,மாநாடுகள்,கருத்தரங்குகள் வழியாக விழிப்புணர்வை ஏற்படுத்தவும் ஐக்கிய நாடுகளின் சபை முயற்சிகளை முன்னெடுக்கின்றன.

ஆனால் இவ்வடிப்படை உரிமைகளை நினைத்துக்கூட பார்க்கமுடியாத காலத்திலே மனிதனுக்கு அவனுடைய உரிமைகளை உரிய முறையில் வழங்கிய பெருமை இஸ்லாத்திற்கே உரியது.

மனித உரிமைகளில் மிக முக்கியமானது நான்கு.

1. உயிர் பாதுகாப்பு.

2. உடமை பாதுகாப்பு.

3. கண்ணியம் பாதுகாப்பு.

4. தன் சார்ந்திருக்கும் கொள்கை பாதுகாப்பு.

உயிர் பாதுகாப்பு.

مِنْ اَجْلِ ذٰ لِكَ ‌ۛ ؔ  كَتَبْنَا عَلٰى بَنِىْۤ اِسْرَآءِيْلَ اَنَّهٗ مَنْ قَتَلَ نَفْسًا بِغَيْرِ نَفْسٍ اَوْ فَسَادٍ فِى الْاَرْضِ فَكَاَنَّمَا قَتَلَ النَّاسَ جَمِيْعًا  وَمَنْ اَحْيَاهَا فَكَاَنَّمَاۤ اَحْيَا النَّاسَ جَمِيْعًا ‌ وَلَـقَدْ جَآءَتْهُمْ رُسُلُنَا بِالْبَيِّنٰتِ ثُمَّ اِنَّ كَثِيْرًا مِّنْهُمْ بَعْدَ ذٰ لِكَ فِى الْاَرْضِ لَمُسْرِفُوْنَ‏ 

இதன் காரணமாகவே, “நிச்சயமாக எவன் ஒருவன் கொலைக்குப் பதிலாகவோ அல்லது பூமியில் ஏற்படும் குழப்பத்தை(த் தடுப்பதற்காகவோ) அன்றி, மற்றொருவரைக் கொலை செய்கிறானோ அவன் மனிதர்கள் யாவரையுமே கொலை செய்தவன் போலாவான்; மேலும், எவரொருவர் ஓராத்மாவை வாழ வைக்கிறாரோ அவர் மக்கள் யாவரையும் வாழ வைப்பவரைப் போலாவார்” என்று இஸ்ராயீலின் சந்ததியினருக்கு விதித்தோம். மேலும், நிச்சயமாக நம் தூதர்கள் அவர்களிடம் தெளிவான அத்தாட்சிகளைக் கொண்டு வந்தார்கள்; இதன் பின்னரும் அவர்களில் பெரும்பாலோர் பூமியில் வரம்பு கடந்தவர்களாகவே இருக்கின்றனர்.(அல்குர்ஆன் 5:32)

ஒரு நாள் அண்ணல் நபி(ஸல்)அவர்களை பார்க்க பால்குடித்தாய் ஹலிமா ஸஃதிய்யா அவர்களின் சகோதரி வருகை புரிந்த சமயத்தில் (ஸல்) அவர்கள் தன் தலைப்பாகையை விரிப்பாக்கி கௌரவித்தார்கள்.

அதே அண்ணல் நபி(ஸல்)அவர்களிடம் இஸ்லாத்தை ஏற்காத ஒரு மனிதர் வருகை புரிந்த சமயத்திலும் (ஸல்) அவர்கள் தன் தலைப்பாகையை விரிப்பாக்கி கண்ணியப்படுத்தினார்கள். 

அண்ணல் நபி(ஸல்)அவர்களின் சபையில் உரிமையளிக்கும் விஷயத்தில் கலீபா அபுபக்கரும்(ரலி),காட்டரபியும் ஒன்றே!

ஒரு நாள் நபி(ஸல்)அவர்களின் சபையில் ஒரு குவளை நிரம்ப பால் வந்திருந்த சமயத்தில், சபையில் முதல் இடத்தைப் பிடித்த  சிறுவனிடம் தாமதமாக வந்திருந்த அபுபக்கர்(ரலி)அவர்களுக்கு அப்பாலை கொடுப்பதற்கு அண்ணல் நபி (ஸல்)அவர்கள் அனுமதியல்லவா கேட்டார்கள்.

இஸ்லாம் தன்னைப் பற்றியொழுகும் விசுவாசிகளின் உயிர்கள் மற்றும் உரிமைகளையும், அரசின் ஆணைகளை மதித்து நடக்கும் மாற்றுமத மக்கள் அனைவரின் உயிர்கள் மற்றும் உரிமைகளையும் ஒரே கண்ணோட்டத்துடனேயே பார்க்கிறது.

இஸ்லாமியர்களின் உயிர்களும்,மாற்றுமத மக்களின் உயிர்களும்,ஏன் மற்ற உயிரினங்களின் உயிர்களும் இஸ்லாத்தில் ஒன்று தான். ஏனென்றால் உயிர் புனிதமானது.இதற்கு ஒரு முகம்,அதற்கு ஒரு முகம் என்றெல்லாம் இஸ்லாத்தில் கிடையாது.

முன்னொரு காலத்தில் வாழ்ந்த ஒரு பெண் ஒரு பூனையை பட்டினி போட்டு, அதை சித்திரவதை  செய்தால் என்பதால் அவள் நரகவாசியாக்கப்பட்டாள்.

அதே நேரத்தில் மற்றொரு பெண், அவள் விபச்சாரி, அவள்  ஒரு நாயின் தாகத்தை தீர்த்ததால் அவள் சுவனவாசியாக்கப்பட்டாள்.

இதுவே இஸ்லாத்தின் உண்மை நிலை.

كُنْتُ قَائِمًا عِنْدَ رَسولِ اللهِ ﷺ فَجَاءَ حِبْرٌ مِن أحْبَارِ اليَهُودِ فَقالَ: السَّلَامُ عَلَيْكَ يا مُحَمَّدُفَدَفَعْتُهُ دَفْعَةً كَادَ يُصْرَعُ منها فَقالَ: لِمَ تَدْفَعُنِي؟ فَقُلتُ: ألَا تَقُولُ يا رَسولَ اللهِ، فَقالَ اليَهُودِيُّ: إنَّما نَدْعُوهُ باسْمِهِ الذي سَمَّاهُ به أهْلُهُ. فَقالَ رَسولُ اللهِ ﷺ: إنَّ اسْمِي مُحَمَّدٌ الذي سَمَّانِي به أهْلِي، فَقالَ اليَهُودِيُّ: جِئْتُ أسْأَلُكَ، فَقالَ له رَسولُ اللهِ ﷺ: أيَنْفَعُكَ شيءٌ إنْ حَدَّثْتُكَ؟ قالَ: أسْمَعُ بأُذُنَيَّ، فَنَكَتَ رَسولُ اللهِ ﷺ بعُودٍ معهُ، فَقالَ: سَلْ فَقالَ اليَهُودِيُّ: أيْنَ يَكونُ النَّاسُ يَومَ تُبَدَّلُ الأرْضُ غيرَ الأرْضِ والسَّمَوَاتُ؟ فَقالَ رَسولُ اللهِ ﷺ: هُمْ في الظُّلْمَةِ دُونَ الجِسْرِ قالَ: فمَن أوَّلُ النَّاسِ إجَازَةً؟ قالَ: فُقَرَاءُ المُهَاجِرِينَ قالَ اليَهُودِيُّ: فَما تُحْفَتُهُمْ حِينَ يَدْخُلُونَ ... المزيد مسلم (٢٦١ هـ)، صحيح مسلم ٣١٥ • [صحيح] .

தவ்பான்(ரலி)அவர்கள் நபி அவர்களின் பிரத்தியேகத் தோழர் ஆவார். அவர்கள் அறிவிக்கின்றனர்.ஒரு சமயம் நபி (ஸல்)அவர்களின் திருச்சமூகத்தில் நின்றுகொண்டிருந்தேன். யூத மதத்தைச் சார்ந்த அறிஞர் ஒருவர் நபி(ஸல்)அருகில் வந்து "அஸ்ஸலாமு அலைக்க யா முஹம்மத்"(முஹம்மது உம்மீது சாந்தி உண்டாக்க!)என்று கூறினார்.இவ்வார்த்தையை செவிமெடுத்த நான் மிக பலமாக அவரை என் கரத்தால் குத்தினேன்.யூத அறிஞர் கீழே விழுந்துவிட்டார்.அவர் எழுந்து என்னை நோக்கி  "என்னை ஏன் குத்தினீர் எனக் கேட்டார்.நான் அவரிடம் "அல்லாஹ்வின் ரஸூலே உங்கள் மீது சாந்தி உண்டாகுக! எனக் கூறுவதை விடுத்து, முஹம்மதே உம் மீது சாந்தி உண்டாகுக என்று ஏன் கூறனீர்கள்? எனக் கேட்டேன். அதற்கவர் உங்களின் தலைவருக்கு அவரின் குடும்பத்தார் என்ன பெயர் சூட்டியுள்ளனரோ அப்பெயரைக் கூறித்தானே அவர்களை நாங்கள் அழைக்கிறோம்(இதில் தவறு என்ன?)எனக் கேட்டார்.அப்போது நபி(ஸல்)"நிச்சயமாக என் பெயர் முஹம்மதுதான். அப்பெயரையே என் குடும்பத்தார் எனக்குச் சூட்டியுள்ளனர். யூத அறிஞர் நடந்து கொண்ட முறையில்ஆட்சசேபத்துக்குரியது எதுவுமில்லை "எனக் கூறி தவ்பான்(ரலி)அவர்களைக் கண்டித்தார்கள்.

பொதுவாகவே யூதர்கள் நபி(ஸல்)அவர்களைத் தரக்குறைவாக அழைப்பது வழக்கம். அதனால்தான் தான் தவ்பான்(ரலி)அவர்கள் யூத அறிஞர் 'முஹம்மதே! 'என்றழைத்து சலாம் கூறியதையும் ஒழுங்கீனமெனக் கருதினார்கள். எனினும் அகிலமனைத்திற்கும் அருளாக வந்த அண்ணல் நபி(ஸல்)அவர்கள் தவ்பான்(ரலி)அவர்கள் நடந்துகொண்ட முறையைக் சிறந்ததெனக் கருதவில்லை. மாறாக "என் நபித்துவத்தை நம்பாத மனிதரும் முஸ்லிம்களைப்போன்றே என்னை கண்ணியப்படுத்த வேண்டுமென்பது கட்டாயமல்ல'எனும் கருத்தைச் சுட்டிக்காட்டினார்கள். இச்சம்பவங்களின் மூலம் மாற்று மதத்தாரின் உரிமைகளுக்கும், உயிர், உடமைகளின் பாதுகாப்பிற்கும் எந்த அளவு மதிப்பும் மரியாதையும் வழங்கியுள்ளார்கள் என்பதை விளங்க முடிகிறது.

யூதன் ஒருவன் சிறுமி ஒருத்தியின் தலையை இரண்டு கற்களுக்கிடையே வைத்து நசுக்கிவிட்டான். அந்தச் சிறுமியிடம் மக்கள், 'உன்னை இப்படிச் செய்தவன் யார்? இன்னாரா? இன்னாரா?' எனறு கேட்டனர். யூதனின் பெயர் கூறப்பட்டவுடன் அச்சிறுமி ('ஆம், அவன்தான்' என்பதற்கு அடையாளமாகத்) தலையசைத்தாள். யூதன் பிடிக்கப்பட்டு தன் குற்றத்தை ஒப்புக் கொண்டான். நபி(ஸல்) அவர்கள் அவனுடைய தலையை இரண்டு கற்களுக்கிடையே வைத்து நசுக்கும்படி உத்தரவிட, அவ்வாறே அவனுடைய தலை நசுக்கப்பட்டது. (ஸஹீஹ் புகாரி (2413)

நபி(ஸல்) அவர்கள் "மலை உச்சியிலிருந்து விழுந்தோ, நஞ்சை உண்டோ, இரும்பால் தாக்கியோ, தன்னைத்தானே ஒருவன் மாய்த்துக்கொண்டால் அதுபோன்ற தண்டனையை அவன் நீண்ட காலமாக நரகத்தில் அனுபவிப்பான். "என்று கூறியுள்ளார்கள்.

இதுபோன்று பல்வேறு நாயக வாக்குகள் மனிதன் தற்கொலை செய்து கொள்வதை வன்மையாக கண்டிக்கின்றன.

பரிசுத்த இஸ்லாம் மனிதர்கள் தம் உயிர்களைக் தாமே மாய்த்துக்கொள்வதற்குக்கூட அறவே அனுமதி வழங்கவில்லை.

அவ்விதமிருக்க மற்றோரைத் தகுந்த காரணமின்றி கொலை செய்ய எவ்விதம் அனுமதியளிக்கும்?

உடமை பாதுகாப்பு.

உர்வா இப்னு ஸுபைர்(ரஹ்) அறிவித்தார். 

இறைத்தூதர்(ஸல்) அவர்களின் காலத்தில் மக்கா வெற்றிப்போரின்போது (மக்ஸூமி குலத்துப்) பெண்ணொருத்தி திருடிவிட்டாள். எனவே, அவளுடைய குலத்தார் (தண்டனைக்கு) அஞ்சி அவளுக்காகப் பரிந்துரைக்கும்படி கோரி, உஸாமா இப்னு ஸைத்(ரலி) அவர்களிடம் வந்தார்கள். உஸாமா(ரலி), 'எனக்காக (அல்லாய்விடம்) பாவமன்னிப்புக் கோரி பிரார்த்தியுங்கள், இறைத்தூதர் அவர்களே!' என்று கூறினார்கள். மாலை நேரம் வந்தபோது இறைத்தூதர்(ஸல்) அவர்கள் உரையாற்றிட எழுந்து நின்று, அல்லாஹ்வை அவனுடைய தகுதிக்கேற்ற படி போற்றிப் புகழ்ந்துவிட்டுப் பிறகு, 'நிற்க, உங்களுக்கு முன்னிருந்த மக்களை அழித்ததெல்லாம் அவர்கள், தம்மிடையேயுள்ள உயர்ந்த(குலத்த)வன் திருடிவிடும்போது அவனை (தண்டிக்காமல்)விட்டுவந்ததும், பலவீனமான (பிரிவைச் சேர்ந்த)வன் திருடி விடும்போது அவனுக்கு தண்டனை கொடுத்து வந்ததும் தான். முஹம்மதின் உயிரைத் தன் கையில் வைத்திருப்பவன் மீதாணையாக! முஹம்மதின் மகள் ஃபாத்திமாவே திருடி விட்டிருந்தாலும் அவளுடைய கையையும் நான் வெட்டியிருப்பேன்' என்று கூறினார்கள். பிறகு இறைத்தூதர்(ஸல்)அவர்கள் அந்தப் பெண்ணின் கையை வெட்டும்படி உத்தரவிட, அவ்வாறே அவளுடைய கை வெட்டப்பட்டது. அதன் பிறகு அவள் அழகிய முறையில் பாவமன்னிப்புக் கோரி (திருந்தி)விட்டாள்; மேலும் மணந்தாள். 

ஆயிஷா(ரலி) கூறினார்: அதன் பிறகு அவள் என்னிடம் வந்து கொண்டிருந்தாள். நான் அவளுடைய தேவையை(ப் பூர்த்தி செய்யும்படி) இறைத்தூதர்(ஸல்) அவர்களிடம் முறையிடுவேன். (ஸஹீஹ் புகாரி (4304)

கண்ணியம் பாதுகாப்பு

ஜாபிர் இப்னு ஸமுரா(ரலி) அறிவித்தார். 

(கூஃபாவில் அதிகாரியாக இருந்த) ஸஃது இப்னு அபீ வக்காஸ்(ரலி) மீது கூபா வாசிகளில் சிலர் உமர்(ரலி) அவர்களிடம் புகார் கூறினார்கள். அவர் முறையாகத் தொழுகை நடத்துவதில்லை என்பதும் அவர்களின் புகார்களில் ஒன்றாக இருந்தது. உடனே உமர்(ரலி) அவரை நீக்கிவிட்டு அம்மார்(ரலி) அவர்களை அதிகாரியாக நியமித்தார்கள். ஸஃதை (மதீனாவுக்கு) வரவழைத்து 'அபூ இஸ்ஹாக்! நீங்கள் முறையாகத் தொழுகை நடத்துவதில்லை என்று கூஃபா வாசிகளில் சிலர் கூறுகின்றனரே! என்று கேட்டார்கள். 

அதற்கு ஸஃது(ரலி) 'அல்லாஹ்வின் மீது ஆணையாக! நபி(ஸல்) அவர்கள் தொழுது காட்டிய முறைப் படியே தொழுகை நடத்தினேன். அதில் எந்தக் குறையும் வைக்கவில்லை. இஷாவுடைய முதல் இரண்டு ரக்அத்களில் நீண்ட நேரம் ஓதியும் பின் இரண்டு ரக்அத்களில் சுருக்கமாக ஓதியும் தொழுகை நடத்துகிறேன்' என்று பதிலளித்தார்கள். 'உம்மைப் பற்றி நம்முடைய கருத்தும் அதுவே' என்று உமர்(ரலி) கூறினார். 

அதன்பின்னர் ஒரு நபரை அல்லது சில நபர்களை ஸஃது(ரலி) உடனே கூஃபாவுக்கு அனுப்பி, ஸஃதைப் பற்றிக் கூஃபா வாசிகளிடம் விசாரிக்கச் சொன்னார்கள். விசாரிக்கச் சென்றவர் ஒரு பள்ளிவாசல் விடாமல் அவரைப் பற்றி விசாரித்தபோது அனைவரும் ஸஃதைப் பற்றி நல்ல விதமாகவே கூறினார்கள். 'பனூஅபஸ்' கூட்டத்தாரின் பள்ளி வாசலில் விசாரித்தபோது, அந்தக் கூட்டத்தைச் சேர்ந்த அபூ ஸஃதா எனப்படும் உஸாமா இப்னு கதாதா என்பவர் எழுந்து, 'நீங்கள் விசாரிப்பதால் நான் சொல்கிறேன். ஸஃது அவர்கள் தமது படையிலுள்ளவர்களிடம் எளிமையாக நடப்பதில்லை; (பொருட்களை) சமமாகப் பங்கிடுவதில்லை; தீர்ப்பு வழங்குவதில் நீதியாக நடப்பதில்லை' என்று புகார் கூறினார். 

இதைக் கேட்ட ஸஃது(ரலி) 'அல்லாஹ்வின் மேல் ஆணையாக! மூன்று பிரார்த்தனைகளை (உமக்கெதிராக) நான் செய்யப் போகிறேன்' என்று கூறிவிட்டு, 'இறைவா! உன்னுடைய இந்த அடியார் (அவரின் புகாரில்) பொய்யராகவும் புகழ் விரும்பிப் புகார் கூறுபவராகவும் இருந்தால் அவரின் ஆயுளை அதிகப் படுத்துவாயாக! அவரின் வறுமையையும் அதிகப் படுத்துவாயாக! அவரைப் பல சோதனைகளுக்கு ஆளாக்குவாயாக!' என்று பிரார்த்தனை செய்தார்கள். 

இதன் பிறகு அந்த மனிதரிடம் எவரேனும் நலம் விசாரித்தால் 'சோதனைக்காளான முதுபெரும் வயோதிகனாம் விட்டேன். ஸஃதின் பிரார்த்தனை என் விஷயத்தில் பலித்துவிட்டது' எனக் கூறக் கூடியவராம்விட்டார். ஜாபிர்(ரலி) வழியாக இதை அறிவிக்கும் அப்துல் மலிக் இப்னு உமைர் 'அதன் பிறகு நானும் அவரைப் பார்த்திருக்கிறேன்; முதுமை யினால் அவரின் புருவங்கள் அவரின் கண்களை மறைத்திருந்தன. பாதைகளில் நடந்து செல்லும் பெண்களின் மீது (பார்வை பறி போனதால்) மோதிக் கொள்வார்; இந்த நிலையில் அவரை பார்த்திருக்கிறேன்' என்று குறிப்பிட்டார். (ஸஹீஹ் புகாரி (755)

கொள்கை பாதுகாப்பு.

لَـكُمْ دِيْنُكُمْ وَلِىَ دِيْنِ‏ 

உங்களுக்கு உங்களுடைய மார்க்கம்; எனக்கு என்னுடைய மார்க்கம்.”(அல்குர்ஆன் : 109:6)

அபூ ஹுரைரா(ரலி) அறிவித்தார்.          ஒரு முஸ்லிமும் ஒரு யூதரும் ஒருவரையொருவர் திட்டிக் கொண்டனர். அந்த முஸ்லிம், 'உலகத்தார் அனைவரை விடவும் முஹம்மத்(ஸல்) அவர்களுக்கு மேன்மையை அளித்தவன் மீது சத்தியமாக!' என்று கூறினார். அந்த யூதர், 'உலகத்தார் அனைவரை விடவும் மூஸாவுக்கு மேன்மையை அளித்தவன் மீது சத்தியமாக!' என்று கூறினார். அதைக் கேட்டு (கோபம் கொண்டு) அந்த முஸ்லிம் தன் கையை ஓங்கி யூதரின் முகத்தில் அறைந்துவிட்டார். அந்த யூதர், நபி(ஸல்) அவர்களிடம் சென்று தனக்கும் அந்த முஸ்லிமுக்கும் இடையே நடந்த (சச்சர)வையெல்லாம் தெரிவித்தார். நபி(ஸல்) அவர்கள் அந்த முஸ்லிமை அழைத்து வரச்சொல்லி அது பற்றி அவரிடம் கேட்டார்கள். அவர் விபரத்தைக் கூறினார். (நடந்தவை அனைத்தையும் விசாரித்துத் தெரிந்து கொண்ட பின்) நபி(ஸல்) அவர்கள், 'மூஸாவை விட என்னைச் சிறப்பாக்கி (முதலிடம் தந்து உயர்த்தி) விடாதீர்கள். ஏனெனில், மக்கள் அனைவரும் மறுமை நாளில் மூர்ச்சையாகி விடுவார்கள். நானும் அவர்களுடன் மூர்ச்சையாகி விடுவேன். நானே முதலாவதாக மயக்கம் தெளிந்து எழுவேன். அப்போது, மூஸா(அலை), (அல்லாஹ்வின்) அர்ஷின் ஓரத்தைப் பிடித்துக் கொண்டிருப்பார். மக்களோடு சேர்ந்து அவரும் மூர்ச்சையாகி, பிறகு எனக்கு முன்பாகவே மயக்கம் தெளிந்து விட்டிருப்பாரா, அல்லது அல்லாஹ் அவருக்கு மட்டும் (மூர்ச்சையடையத் தேவையில்லையென்று) விதி விலக்கு அளித்திருப்பானா என்று எனக்குத் தெரியாது' என்று கூறினார்கள். (ஸஹீஹ் புகாரி (2411)

மேற்கூறியவை அல்லாமல் இன்னும் எண்ணற்ற உரிமைகளை இஸ்லாம் கூறுகிறது.

பெண்ணுரிமை.

இப்னு அப்பாஸ்(ரலி) அறிவித்தார்கள்.  பரீராவின் கணவர் அடிமையாக இருந்தார். அவருக்கு முஃகீஸ் என்று (பெயர்) சொல்லப்படும். அவர் (பரீரா தம்மைப் பிரிந்துவிட நினைக்கிறார் என்பதை அறிந்த போது) தம் தாடியில் கண்ணீர் வழியும் அளவிற்கு அழுத வண்ணம் பரீராவிற்குப் பின்னால் சுற்றிச் சுற்றி வந்து கொண்டிருந்ததை இப்போதும் நான் காண்பதைப் போன்றுள்ளது அப்போது நபி(ஸல்) அவர்கள் அப்பாஸ்(ரலி) அவர்களிடம் 'அப்பாஸ் அவர்களே! முஃகீஸ் பரீராவின் மீது வைத்துள்ள நேசத்தையும், பரீரா முஃகீஸின் மீது கொண்டுள்ள கோபத்தையும் கண்டு நீங்கள் வியப்படையவில்லையா?' என்று கேட்டார்கள். (முஃகீஸிடமிருந்து பரீரா பிரிந்துவிட்ட போது) நபி(ஸல்) அவர்கள் 'முஃகீஸிடம் நீ திரும்பிச் செல்லக்கூடாதா?' என்று (பரீராவிடம்) கேட்டார்கள். அதற்கு பரீரா 'இறைத்தூதர் அவர்களே! எனக்குத் தாங்கள் கட்டளையிடுகிறீர்களா? என்று கேட்டார். நபி(ஸல்) அவர்கள் 'இல்லை' நான் பரிந்துரைக்கவே செய்கிறேன்' என்றார்கள. அப்போது பரீரா, '(அப்படியானால்) அவர் எனக்குத் தேவையில்லை' என்று கூறிவிட்டார். ஸஹீஹ் புகாரி (5283)

பேச்சுரிமை.

ஜுபைர் இப்னு முத்யிம்(ரலி) அறிவித்தார். 

நாங்கள் இறைத்தூதர்(ஸல்) அவர்களுடன்  இருந்தோம். அவர்களுடன் மக்கள் ஹுனைன் போரிலிருந்து திரும்பி வந்து கொண்டிருந்தார்கள். அப்போது கிராமவாசிகள் அல்லாஹ்வின் தூதரைப் பிடித்து (போரில் கிடைத்த பொருட்களிலிருந்து தங்களுக்குக் கொடுக்கும்படி) கேட்கலானார்கள். இறுதியில், அவர்களை (சூழ்ந்து நெருக்கியபடி) ஒரு கருவேல மரத்தின் அருகே தள்ளிக் கொண்டு சென்று அவர்களின் போர்வையைப் பறித்தார்கள். அப்போது நபி(ஸல்) அவர்கள், 'எனக்கு என் போர்வையைக் கொடுத்து விடுங்கள். இந்த (கருவேல மரத்தின்) முட்கள் அளவிற்கு ஒட்டகங்கள் (என்னிடம்) இருந்தாலும் அவற்றை நான் உங்களிடையே பங்கிட்டு விடுவேன். பிறகு என்னை நீங்கள் கருமியாகவோ, பொய் சொல்பவனாகவோ, கோழையாகவோ பார்க்க மாட்டீர்கள்' என்றார்கள். (ஸஹீஹ் புகாரி (3148)

சமத்துவ உரிமை.

இஸ்லாத்தில்  சமூக,பொருளாதார,அரசியல், நீதிபரிபாலன விவகாரங்கள் யாவற்றிலும் சமத்துவம் பேணச் சொல்லி வலியுறுத்திக்கூறப்பட்டுள்ளது.மக்கள் யாவரும் சமமானவர்ளே.குலத்தாலோ நிறத்தாலோ இனத்தாலோ பணபலம் படைப்பட்டாளத்தாலோ ஒருவர் இன்னொருவரை விட உயர்ந்து விடமுடியாது என்கிறது திருமறை...

("மக்கள் யாவரும் சமமானவர்களே"                           சம உரிமை)

يٰۤاَيُّهَا النَّاسُ اِنَّا خَلَقْنٰكُمْ مِّنْ ذَكَرٍ وَّاُنْثٰى وَجَعَلْنٰكُمْ شُعُوْبًا وَّقَبَآٮِٕلَ لِتَعَارَفُوْا‌  اِنَّ اَكْرَمَكُمْ عِنْدَ اللّٰهِ اَ تْقٰٮكُمْ‌  اِنَّ اللّٰهَ عَلِيْمٌ خَبِيْرٌ‏
மனிதர்களே! நிச்சயமாக நாம் உங்களை ஓர் ஆண், ஒரு பெண்ணிலிருந்தே படைத்தோம்; நீங்கள் ஒருவரை ஒருவர் அறிந்து கொள்ளும் பொருட்டு. பின்னர், உங்களைக் கிளைகளாகவும், கோத்திரங்களாகவும் ஆக்கினோம்; (ஆகவே) உங்களில் எவர் மிகவும் பயபக்தியுடையவராக இருக்கின்றாரோ, அவர்தாம் அல்லாஹ்விடத்தில், நிச்சயமாக மிக்க கண்ணியமானவர். நிச்சயமாக அல்லாஹ் நன்கறிபவன், (யாவற்றையும் சூழந்து) தெரிந்தவன்.
(அல்குர்ஆன் : 49:13)

கண்மணி நாயகம் (ஸல்)அவர்கள் தங்களின் இறுதி ஹஜ்ஜை நிறைவேற்றிய சமயம் ஆற்றிய சரித்திர முக்கியத்துவம் வாய்ந்த உறையில் பின்வருமாறு கூறினார்கள்;

மக்களே! உங்களது இறைவன் ஒருவனே அறிந்து கொள்ளுங்கள்: எந்த ஓர் அரபிக்கும் ஓர் அரபி அல்லாதவரை விடவோ, எந்த ஓர் அரபி அல்லாதவருக்கும் ஓர் அரபியை விடவோ எந்த மேன்மையும் சிறப்பும் இல்லை. எந்த ஒரு வெள்ளையருக்கும் ஒரு கருப்பரை விடவோ, எந்த கருப்பருக்கும் ஒரு வெள்ளையரை விடவோ எந்த மேன்மையும் சிறப்பும் இல்லை. இறையச்சம் மட்டுமே ஒருவரின் மேன்மையை நிர்ணயிக்கும். நிச்சயமாக அல்லாஹ்விடத்தில் உங்களில் மிகச் சிறந்தவர் உங்களில் அதிகம் இறையச்சம் உள்ளவர்தான்.(அல்பைஹகீ)

பிறப்பால் யாரும் யாரையும்விட உயர்ந்தவர்களும் இல்லை, தாழ்ந்தவர்களும் இல்லை. உலக மக்கள் அனைவரும் ஆதம்(அலை) மற்றும் அன்னை ஹவ்வா(அலை) ஆகிய ஒரு தாய் தந்தையரின் பிள்ளைகளாவர். அனைவரும் சகோதர சகோதரிகளே என்ற இறைவசனத்தின் அடிப்படையில் உலகிற்கு உரக்கக்கூறினார்கள். நிறத்தாலோ, மொழியாலோ, இனத்தாலோ அனைவரும் சமமே என்று முழங்கினார்கள்.

ஒரு சமயம் அபுதர் கிஃபாரி(ரலி)அவர்களுக்கும் அபிஸீனியா நாட்டை சார்ந்த கறுத்த அடிமைக்கும் இடையில் வாக்குவாதம் ஏற்பட்டது.தர்க்கம் சூடுபிடித்து முற்றியது.இருவருக்கும் கோபம் மேலிட்டது.கோபத்தால் நிதானமிழந்த அபுதர்(ரலி)அவர்கள் தன் பிரதிவாதியை பார்த்து "ஏ!கறுப்பியின் மகனே"என்று கூறிவிட்டார்கள்.இதைக்கேட்ட பெருமானார்(ஸல்)அவர்கள் "பேச்சு எல்லை மீறிவிட்டது!இறைபக்தியாளரையன்றி கறுத்த பெண்ணின் மகனை அன்றி வெள்ளை பெண்ணின் மகனுக்கு எந்த சிறப்பும் கிடையாது"எனக் கூறி தோழர் அபுதர்(ரலி)அவர்களை கண்டித்தார்கள்.

இந்த சம்பவம் நாயகம்(ஸல்)அவர்களின் காலத்தில் அடிமையும் தன் எஜமானனிடம் தர்க்கம்செய்ய முடியும் என்பதையும்,நிற இன பாகுபாடற்ற சமூகமாக அம்மக்களை நாயகம்(ஸல்)அவர்கள் உருவாக்கினார்கள் என்பதையும் காட்டுகிறது.

நீதி பரிபாலனத்தில் சமத்துவம்

இஸ்லாத்தில் நீதிக்கு முன் அனைவரும் சமம்.பனக்காரன் ஏழை,உயர்ந்தவன் தாழ்ந்தவன்,வலியவன் எளியவன் போன்ற எந்த பாகுபாடும் கிடையாது.
وَاَنْزَلْنَاۤ اِلَيْكَ الْكِتٰبَ بِالْحَـقِّ مُصَدِّقًا لِّمَا بَيْنَ يَدَيْهِ مِنَ الْكِتٰبِ وَمُهَيْمِنًا عَلَيْهِ‌ فَاحْكُمْ بَيْنَهُمْ بِمَاۤ اَنْزَلَ اللّٰهُ وَلَا تَتَّبِعْ اَهْوَآءَهُمْ عَمَّا جَآءَكَ مِنَ الْحَـقِّ‌ لِكُلٍّ جَعَلْنَا مِنْكُمْ شِرْعَةً وَّمِنْهَاجًا ‌ وَلَوْ شَآءَ اللّٰهُ لَجَـعَلَـكُمْ اُمَّةً وَّاحِدَةً وَّلٰـكِنْ لِّيَبْلُوَكُمْ فِىْ مَاۤ اٰتٰٮكُمْ فَاسْتَبِقُوا الْخَـيْـرٰتِ‌ اِلَى اللّٰهِ مَرْجِعُكُمْ جَمِيْعًا فَيُنَبِّئُكُمْ بِمَا كُنْتُمْ فِيْهِ تَخْتَلِفُوْنَۙ‏
மேலும் (நபியே! முற்றிலும்) உண்மையைக் கொண்டுள்ள இவ்வேதத்தை நாம் உம்மீது இறக்கியுள்ளோம், இது தனக்கு முன்னிருந்த (ஒவ்வொரு) வேதத்தையும் மெய்ப்படுத்தக் கூடியதாகவும் அதைப் பாதுகாப்பதாகவும் இருக்கின்றது. எனவே அல்லாஹ் அருள் செய்த(சட்ட திட்டத்)தைக் கொண்டு அவர்களிடையே நீர் தீர்ப்புச் செய்வீராக; உமக்கு வந்த உண்மையை விட்டும் (விலகி,) அவர்களுடைய மன இச்சைகளை நீர் பின்பற்ற வேண்டாம். உங்களில் ஒவ்வொரு கூட்டத்தாருக்கும் ஒவ்வொரு மார்க்கத்தையும், வழிமுறையையும் நாம் ஏற்படுத்தியுள்ளோம்; அல்லாஹ் நாடினால் உங்கள் அனைவரையும் ஒரே சமுதாயத்தவராக ஆக்கியிருக்கலாம்; ஆனால், அவன் உங்களுக்குக் கொடுத்திருப்பதைக் கொண்டு உங்களைச் சோதிப்பதற்காகவே (இவ்வாறு செய்திருக்கிறான்); எனவே நன்மையானவற்றின்பால் முந்திக் கொள்ளுங்கள். நீங்கள் யாவரும், அல்லாஹ்வின் பக்கமே மீள வேண்டியிருக்கிறது; நீங்கள் எதில் மாறுபட்டு கொண்டிருந்தீர்களோ அத(ன் உண்மையி)னை அவன் உங்களுக்குத் தெளிவாக்கி வைப்பான்.
(அல்குர்ஆன் : 5:48)

وَاِنْ حَكَمْتَ فَاحْكُمْ بَيْنَهُمْ بِالْقِسْطِ‌  اِنَّ اللّٰهَ يُحِبُّ الْمُقْسِطِيْنَ‏
ஆனால், நீர் (இவர்களிடையே) தீர்ப்பளிப்பீராயின் நியாயமாகவே அவர்களிடையில் தீர்ப்பளிப்பீராக; ஏனெனில் நிச்சயமாக அல்லாஹ் நீதிமான்களையே நேசிக்கின்றான்.
(அல்குர்ஆன் : 5:42)

இஸ்லாம் கூறும் நீதி பரிபாலனங்களை அணுவளவும் வழுவாது பின்பற்றி ஆட்சி செலுத்திய நபித்தோழர்களில் முதன்மையானவர் ஹழ்ரத் உமர் (ரலி)அவர்கள். நீதிக்கு ஓர் உமர் என்றுப் போற்றப்படக்கூடிய
உமர் (ரலி)அவர்கள் ஆட்சி போறுப்பேற்றபோது இவ்வாறு பிரகடனம்செய்தார்கள்:
"அல்லாஹ்வின் மீதாணையிட்டு கூறுகிறேன்;என்னிடம் எவரும் எந்தவிதத்திலும் மற்றவரைவிட பலசாலியல்லர்.பலவீனருமல்லர்.
எல்லோருக்கும் நீதி நிலைநாட்டுவேன்.எவருக்கும் நியாயம் வழங்குவேன்"

கலீஃபா உமர் (ரலி) அவர்கள், நீதி வழுவாது ஆட்சி செலுத்தி வந்தார். அதற்கு ஒரு சான்றினைக் காண்போம். கலீஃபாவின் மகன் அப்துல்லா, ஒரு நாள் காரணமின்றி ஒருவனை அடித்துவிட்டார். கலீஃபா முறைப்படி விசாரித்து, தம் மகன் குற்றவாளி எனக் கண்டறிந்தார்; தான் பெற்ற மகன் என்று பாரபட்சம் பார்க்காது தண்டனை வழங்க உத்தரவிட்டார் என்பது வரலாறு.

கலீஃபா உமர் (ரலி) அவர்களின் நீதி வழுவாத ஆட்சி, உலக வரலாற்றில் போற்றப்படுவதாக அமைந்திருந்தது.
அண்ணல் காந்தி இப்படிச் சொன்னார்கள்:
“இந்த இந்திய தேசத்தின் முழுமையான சுதந்திரத்தை இஸ்லாமிய சாம்ராஜ்யத்தின் நீதிமான் உமர் அவர்களின் ஆட்சியின் அடிப்படையில் அமைகிறபோது தான் சுவைக்க முடியும்.”

பொருளீட்டுவதில் சமத்துவம்.

பொருளியலில் மக்களிடையே சமத்துவத்தை நிலைநாட்ட இஸ்லாம் பல வகையிலும் வழிகாட்டிக்கொண்டிருக்கிறது.காரணம் ஒருவனின் பொருளீட்டும் ஆர்வம் அடுத்தவனை எந்த விதத்திலும் பாதித்துவிடக்கூடாது என்பதால் பொருளாதாரத்தில் ஹராம்,வட்டி,மோசடி,பதுக்கல் போன்றவற்றை தவிர்த்து ஹலாலான வழியில் பொருளீட்ட வழிகாட்டுகிறது.

وَاَحَلَّ اللّٰهُ الْبَيْعَ وَحَرَّمَ الرِّبٰوا‌ 
அல்லாஹ் வியாபாரத்தை ஹலாலாக்கி, வட்டியை ஹராமாக்கியிருக்கிறான்;
(அல்குர்ஆன் : 2:275)

அல்லாஹ் மனிதனுக்கு வழங்கிய அறிவு,ஆற்றலைக்கொண்டு ஆகுமான வழிகளில் பொருளீட்டவும்,அதனை அபிவிருத்தி செய்யவும்,ஆகுமான வழியில் செலவுச்செய்யவும் முழு சுதந்தரம் இருகின்றது.
وَالَّذِيْنَ جَاهَدُوْا فِيْنَا لَنَهْدِيَنَّهُمْ سُبُلَنَا ‌ وَاِنَّ اللّٰهَ لَمَعَ الْمُحْسِنِيْنَ
மேலும் எவர்கள் நம்முடைய வழியில் முயல்கின்றார்களோ நிச்சயமாக அவர்களை நம்முடைய நேரான வழிகளில் நாம் செலுத்துவோம்; நிச்சயமாக அல்லாஹ் நன்மை செய்வோருடனேயே இருக்கின்றான்.
(அல்குர்ஆன் : 29:69)

அரசியல் உரிமை.

ஒவ்வொரு தனி மனிதனுக்கும் அரசியல் விவகாரங்களில் உரிமையோடு இயங்கவும்,கருத்துவெளியிடவும்,தனக்கு விருப்பமான பிரதிநிதியை தேர்வு செய்யும்  உரிமையும் இருக்கவேண்டும்.
நாட்டில் தலைவரை,மக்களை சகல விதத்திலும் இறைவழி நின்று வழி நடத்தும் தலைவரை தேர்வுசெய்யும் உரிமையை இஸ்லாம் பொதுமக்களுக்கு வழங்குவதுடன் அவர் வழிதவறுபட்சத்தில் அவரை கேள்விக்கேட்கும் உரிமையும் கண்டிக்கும் உரிமையும் மக்களுக்கு வழங்குகின்றது.

இரண்டாம் கலீஃபா உமர்(ரலி)அவர்கள் ஒரு தடவை உரைநிகழ்த்திக் கொண்டிருந்த போது" நான் தவறு செய்தால் என்னை திருத்துங்கள்"என்றார்கள். இதனைக் கேட்ட ஒருவர் எழுந்து நின்று "கலிஃபா உம்மிடம் நாம் தவறை கண்டால் இதனால் உம்மை திருத்துவோம்"என்று தம் கையிலிருந்த வாளைக்காட்டி சொன்னார்.இதனை கேட்ட கலிஃபா கோபம் கொள்ளவில்லை மாறாக மகிழ்ச்சியில் சிரித்து விட்டு " என் சகோதரர்கள் என் மீது இவ்வளவு அக்கறையோடிருக்கிறார்களே!அல்லாஹ்வுக்கே எல்லா புகழும்"என்று கூறினார்கள்.

இஸ்லாமிய ஆட்சியில் மக்களுக்கு அரசியலில் முழுச்சுதந்திரமிருந்தது.
  

மத உரிமை.

மதம் என்பது நம்பிக்கையின் அடிப்படையில் நடைமுறைக்கு வரும் விஷயம்.இதை வற்புறுத்தலாலோ அடக்குமுறையாலோ யார் மீதும் திணிக்கக் கூடாது.
இஸ்லாம் தன் போதனையை எங்கும் எவரிடமும் வற்புறுத்தியதில்லை. இதனையே குர்ஆன்...

لَاۤ اِكْرَاهَ فِى الدِّيْنِ‌ۙ  قَدْ تَّبَيَّنَ الرُّشْدُ مِنَ الْغَىِّ‌
(இஸ்லாமிய) மார்க்கத்தில் (எவ்வகையான) நிர்ப்பந்தமுமில்லை; வழிகேட்டிலிருந்து நேர்வழி முற்றிலும் (பிரிந்து) தெளிவாகிவிட்டது.
(அல்குர்ஆன் : 2:256)
இஸ்லாத்தை போதிக்க வந்த தூதருக்கே அல்லாஹ் பின்வருமாறு கூறுகிறான்.
فَاِنْ تَوَلَّوْا فَاِنَّمَا عَلَيْكَ الْبَلٰغُ الْمُبِيْنُ‏
எனினும் இவர்கள் (உம்மைப்) புறக்கணித்துத் திரும்பிவிடுவார்களாயின், (நபியே! அதற்காகக் கவலைப்படாதீர்; ஏனெனில்) உம்மீது (கடமையு)ள்ளதெல்லாம் (இறை கட்டளைகளை அவர்களுக்குத்) தெளிவாகச் சேர்ப்பிப்பதுதான்.
(அல்குர்ஆன் : 16:82)

மனித உரிமைகள் அனைத்தையும் செயல்படுத்திக்காட்டிய ஒரே மார்க்கம் இஸ்லாம்.
எனவே மனித உரிமைகளைப் பேணி இஸ்லாமிய வழிநடக்கும் நல்வாய்ப்பை அல்லாஹ் நம் அனைவருக்கும் வழங்கிடுவானாக!ஆமீன்...

வெளியீடு : செங்கல்பட்டு & காஞ்சிபுரம் மாவட்ட ஜமாஅத்துல் உலமா சபை.